الجمعة، 25 يوليو، 2008

اختناق

استيقظ من نومه لم يجد احدا من افراد اسرته فى المنزل .. شعر بسرور بالغ هو لا يريد ان يشغل التليفزيون والكاسيت معا ويرقص على طاولة الطعام .. انه فقط يريد ان ينعم بالصمت والوحدة الحقيقية..
اعد لنفسه قدحا من القهوة و خرج الى الشرفة يتامل هذا الصباح الجميل الذى لم يبداه باحساس الاختناق المعتاد ..
مع كل رشفة قهوة تتداعى الافكار..
لماذايشعر بالوحدة وسط اسرته؟
تالم للخاطر..
هو لا يريد هذه الوحدة ولا يتمناها انها وحدة اجبارية و ياليتها وحدة حقيقية فهو محاط بهم طيلة الوقت ولكنه لا يتواصل مع اى منهم.
هو لا يكرههم ابدا فقط تمنى لو تقبلوه و كفوا عن محاولة تعديله فى كل ثانية.
انتهى قدح القهوة فقام وارتدى ملابسه وخرج.
فيما بعد حكى لصديقه هذه المحادثة التى دارت بينه وبين نفسه. استنكر صديقه موقفه و اكد له انهم يحبونه.
ضاق للموقف.
هو يعرف انهم يحبونه هو فقط فى حاجة الى التقبل
-عايز تعيش لوحدك؟ بطولك؟ يا اخى كفاية انك لو بتموت هتلاقى حد منهم يلحقك..................
هم ان يشرح له ان المسافة بينه وبينهم اتسعت لدرجة انهم يمكن ان يكتشفوا جثته بعد فوات الاوان لانه لا يتبادل معهم اى حوار ولكنه عدل عن هذه الفكرة فمهما شرح لن يفهم صديقه اى شىء...........
عاد الى المنزل فوجدهم جميعا سالهم اين كانوا فى محاولة لفتح حوار.. نظروا له فى استغراب
- وانت من امتى يهمك روحنا فين وجينا منين وللا احنا على قد مزاج سعادتك؟
دخل الى غرفته تحاصره الخواطر ..
هل هو سىء الى هذه الدرجة؟مستحيل ان يكونوا كلهم على خطأ وهو الوحيد المصيب .
ربما لا يجب عليهم ان يتقبلوه و يجب عليه هو ان يتغير. يغير اراؤه و افكاره لكى يستطيع التواصل معهم. ولكنه فى هذه الحالة لن يكون هو سوف يصبح اخر .
ان الافكار تخنقه.
يشعر انه محاصر. عقله يحاصره. ضميره يحاصره ونفسه يضيق.
هو بالفعل يختنق بالمعنى الحرفى للكلمة.
لا يستطيع التنفس. هل سيموت الان؟؟؟؟
لو مات عندها سوف يعرف صديقه انه من الممكن ان يموت من الوحدة وهو محاط بالناس...................

هناك 36 تعليقًا:

كاتب مصري يقول...

جميلة القصة..
الوحدة مشنقة الروح لو كانت غير رغبة لكنها جنة الروح لو كانت عن حب..
ربما لا يشعر الأهل بفرد منهم لكن ليس شرطا أمه أو هم على خطأ المسألة توافق آراء ليس إلا
أعجبتني جدا
لك كل ودي

فارس بلا جواد يقول...

السلام عليكم ورحمة الله وبركاته
ازيك يا انجى
بوست مميز جدا
سردك للاحداث رائع

دمتى مبدعه

تحياتى

نونو يقول...

رائع بجد انا اول مرة ادخل بس اوعدك انى ادخل على طول
الوحدة دى اوحش حاجة فى الدنيا
بحسها زى الغربة

نعكشة يقول...

:D

مش عارفة اقولك إية صراحة

غير ان الاسلوب تحفة و سلس

المضمون شدني جداً

ليه بقة :D

بصي

ربنا يعزك يا رب

دمتي سالمة

سلامٌ عليكي

بطوط حبوب يقول...

غير ان اسلوب القصه روعه انا هتكلم عن المضمون

انا حاسس ان الوحده دى مرض نفسى

مجرد برمجه لنفسك انك عايش وحيد ومش عارف تتواصل ولو قلت لنفسك العكس هتخف وتبقى حلو خالص

دمتى مبدعه

حمادة زيدان يقول...

أنووووووووووووووووووووووووووووووووج

الله يخرب بيت قلمك ... تعرفي أنا أوقات كتير بشعر بنفس شعور البطل على الرغم أنه البيت كله بيحبني ... بس ساعات لغة الحوار بتنقطع ... بس بردوا برجع تاني وبتكلم وبصرخ وبعمل اللي انا عاوزه وهما رضيوا خلاص أنه البيت موجود فيه واحد لاسع !!!!!!!!!!!!!
القصة خلتني أكتب عن نفسي أهو ... بصراحة أثرت فيا والله
انتي فظيعة يا نوجة شدي حيلك واكتبي ياللا ...........................

البت قباحة يقول...

والله انا كت و لا زلت بحس الاحساس دا
لكن عارفة الغريب اييييه يا انجى

انى بفضل انى ابقى وحيدة وسطهم عن انى ابقى وحيدة من غيرهم

الواضح ان دى شخصيتى معاهم
قليلة الكلام فى البيت فى حين انى منطلقة خارجة

احييك على وصف الحالة

تشاااااااوووووووووووو

كيكى يقول...

عووووووووووووووووووووووووووو
انا جيت اتخديتىىىىىىىىىى
................................
لولىىىىىىىىىىىىىىىىىىىىىىىىىىىى
لولىىىىىىىىىىىىىىىىىىىىىىىىىىىىىىى
لولىىىىىىىىىىىىىىىىىىىىىىىىىىىىىىى

لولىىىىىىىىىىىىىىىىىىىىىىىىىىىىى
دى زغرودة
لولىىىىىىىىىىىىىىىىىىىىىىىىىى
لولىىىىىىىىىىىىىىىىىىىىىىىىىىىى
لولىىىىىىىىىىىىىىىىىىىىىىىىىىىى

كيكى يقول...

مبرووووووووووووووووووووووووووووووووك
مبروووووووووووووووووووووووووووووووك
مبرووووووووووووووووووووووووووووووووكدمبروووووووووووووووووووووووك
مبرووووووووووووووووووووووووووووووووك
مبروووووووووووووووووووووووووووووووووك
مبرووووووووووووووووووووووووووووووك
مبروووووووووووووووووووووووووووووووووك
مبرووووووووووووووووووووووووووووك
............................
بسرعة هاتيلى كشرى وجاتوة وبيبسى
بسرررررررررررررررررررررررعة
مبروووووووووووووووووووووووووك يا احلى دكتور فى العالم
امواااااااااااااااااااااااااة
كبيرة بجد من قلبى

كيكى يقول...

القصة بجد مش ممكنة
انجىىىىىىىىىىىىىىىىىىىىىىىىىى
بجد انتى هايلة
والله
والله
والله بحس دايما فى قصصك
انك بتكلمى عنى............
والله مش عارفة اوصفلك شعورى بالقصة
تعرفى فى البيت مجرد اييييييييييييييية
برواز مش اكتر ولا اقل؟
؟
!
!
!
.......................
انجى حبيبتى بجد احييكى بجد يا انجى انتى رهيبة بتتدمجى علم النفس بموهبتك الجميلة دى
فابتلامسى نااااااااس
كتيررررررررررررررررررررررررر انا اولهم
........................
سوال ...انتى بتحسى كدة برضة ولا اييييييييية؟
؟
؟ يعنى كلنا فى الهواء سوا يعنى
.............................
انوووووووووووووووووووووووووج خدى بجد اكبر بوسة فى العالم الانى بجد فرحانى بيكى اووووووووووووووووى بنجاحك وشعورك الجميل
يا احلى دكتور انت يا عسل
دومتى بخيرررررررررررر
وربنا يخليكى ويسعدك على طولللللل الخط
عووووووووووووووووووووووووو

رئيس جمهوريه نفسى يقول...

اصعب انواع الوحده هى الوحده وسط الناس بتكون صعبه جدا وبيزيد صعوبتها انى المحيطين بيك اهلك على فكرة انا مجربها لاسباب منها مثلا انا كنت فى بلد وبعدين رجعنا بلد الميلاد فى اختلاف بالهويات والميول والتفكير فا اختصرو الجميع المسافة وقالوا انى مناخيرى فى السماء رضيت بكونى مغرور فى نظرهم لانى بصراحه وحدتى وسطهم تاج لا يعوض بمال

شـمو نشـادر يقول...

انا عارف انتى بتتكلمى عن مين على فكره ..

بس مش هقول ..

برافو يا اوجى ..

جميله بجد ..

egyboy يقول...

جميله اوى القصة يا انجى والعبره منها واضحه

شكرا

مصطفى

دعاء مواجهات يقول...

كلاااااااااااامو جااااااامد ...

أكاد أبرهن وأوشك على الجزم

أن هذا هو حال تلات تربع

شبابنا الوقتى مع أهلهم

ودا من خلال تجارب كتير شوفتها طبعا

أصعب وحدة فعلا هى وحدتك وسط أهلك وناسك اللى مفروض انهم أقرب حد ليك
والوحدة هناطبعا نفسية ناتجة عن إختلاف التفكير والرأى والإهتمامات...

بحييكى بجد على فتح الموضوع دة

بيس ياجميل..

blue-wave يقول...

حلوة اوى يا انجى
فعلا اوقات كتير بنحس بوحدة حتى لو وسط مليون واحد
طالما المليون دول مافيهمش واحد بس يفهمنا
وعلى فكرة مفيش حاجه وصلتنى بليز ضيفينى تانى واتاكدى انك ضفتى الميل صح على الهوت ميل ماسنجر مش على الياهو ماسنجر
amrfarok2001@yahoo.com

الشنكوتي الكبير يقول...

انا مش قادر اقولك غير رائعه

عارفه لما تكون عايش وسطيهم
ناس منك واكيد انك منيهم
لكن مانتاش عايش بيهم
ولا حتى ليهم
ناس حواليك جسدا مش روح
لو حتى روحك هتطلع تسيبك
لا هم هيصحوا ولا هيحسوا بيك
تقوم كل يوم تبص في عيونهم
تلاقي كلامهم مالوش معنى تاني
هنفضل معاك مجرد كيان
ولا احنا نقرب ولا انت كمان
ما بينا حواجز واصعب ببان
كأنك عاديتهم
لأنك جبان
وجبنك في انك مقلتش زمان
بأنك وحقك اسمان متلازمان
وانك هتختار اللي تحبه في كل الزمان
لكنك نسيتها تقولها زمان
فطبعا وفرضا شالوك من الحسبان
وصارت حياتك بايدهم كمان
ودلوقتي لما بتعلن وترفض
وموقف بتاخدها معاده كان زمان
بتصدم قلوبهم
وتجرح عيونهم
وبينك وبينهم بتبني حيطان
خلاص كل واحد يعيش جوه نفسه
مادامت حياتهم
يا اما تعيشها يا اما الحيطان
خلاص مش عايزكم
هاعيش جوه نفسي
واصحاب حيطان


=====================

انا بشكرك على البوست الجميل ده

سلااااااااااااااااااااااااااام

Mero.. يقول...

جميل جميل جميل..
اصل انا اعرف كذا واحد بالشكل دا..
بس العرض جميل جدا..
تسلم ايدك :)
....... تحياتي .......

كراكيب يقول...

مممممممممم
على فكرة انا قريت بوستك اول ما نزلتيه اصلا اصلا بس بعد ما كتبت الكومنت الكهربا قطعت قبل ما ينزل فجالي انهيار عصبي ولسة فايقة منه حاالا

بصي يا ستي.. احيانا كنت بفضل افكر كدة في "الاهل بتوعنا" اللي بنتولد نلاقيهم من غير ما نختارهم ولا ننقيهم واننا لازم نرضى بالامر الواقع بقى اذا كان واقع تمام واللا واقع مرير
المهم انهم الاهل ولازم نرضى بالمقسوم
ونحاول نتقبل ونتأقلم لو هما تفكيرهم وعاداتهم وتعليمهم وكدة غيرنا خالص

معرفش ليه بعد ما قريت البوست بتاعك جيه في بالي الحوار ده

البوست حقيقي فظيع ومش محتاجة كل شوية بقى اقولك اني بحب اجي اقرالك
خليكي انتي عارفة بقى لوحدك,, ماشي؟؟

رغيت انا؟؟؟ معلش
لسة صاحية وكدة وبفوق عليكي
معترضة؟؟ تحبي ما اجيش تاني؟؟

ثـُـكر يا انجي ثـُـكــــر

علم الهسس يقول...

حلــــــــــــــــــوة

يا انجى

أبوعبيده يقول...

سلام عليكم
الموضوع ده تحفه...
بجد انا عشت جو الوحده ومش عارف ليه حسيت بأحساس تانى معاه..
حسيت بالغربه وأنا فى بلدى وأنا فى بيتى يمكن غربه فكريه منهجيه... أو ......
مش عارف .. بس بجد الموضوع اثر فيه
حاسس أنى عايز أمشى فى الشارع وأقول
..... محدش فاهم حاااااااجه.....

Amgad يقول...

هو في ايه
انا بعت تعليق الظاهر انو موصلش
بجد يا انجي انتي هايلة في تطويع الطب النفسي في الكتابات بتاعتك لدرجة انك بتدخلينا داخل الموضوع نفسيايعني بحس ان انا فعلا الشخص اللي حاصلة اختناق ده رغم اني مش كده خالص والقصة انا ابعد مايكون عنها ولكن دخلتيني في الجو النفسي بتاعها
تخيلي بقي انا في موضوع ذهول حسيت اني انا المذهولة بمعني الكلمة
مش المذهول يعني دخلتيني في اوجاع القصة
ودخلتيني فيها نفسيا اوي
وبتفكريني بجيمس ديكابيلي
لما كان بيحكي عن يومياته بشكل طريف
تقري مشهد قضمة للتفاحة وهو بيحكي منظر دخولها فمه والفتافيت اللي في بقة والصوت اللي بيطلعه تحسي فعلا بطعم التفاحة في بقك بجد اسلوبك فعلا رائع وبتخلينا نعيش الجو النفسي زي ماقولتلك وهو ده سبب تميزك
خالص شكري وامتناني ليكي والي الامام

Foxology يقول...

الأصعب من الوحدة .. عدم القدرة على التواصل مع اقرب الناس الينا

تحياتى :)

كيكى يقول...

لسة مردتيش
نهااااااارك مش فايت
ردى واعترفى
وانهارت المتهمة
عوووووووووووووووووووووووووو

نعكشة يقول...

ليكي تاج عندي

enjy يقول...

كاتب مصرى:الوحدة فى رايى مستحيل تكون اختيارية لانها فعلا مشنقة شكرا على المرور والتعليق..............


فارس بلا جواد:شكرا شكرا ..........


نونو:هى زى الغربة بس اقسى شوية غربة من الاعماق........


نعكشة:وانا مش عارفة اقولك ايه بردو انت رايك رقيق جدا وشكرا على التشجيع دة............


بطوط حبوب:طبعا رايك صح بس المهم ان يبقى عندنا الشجاعة نقف فى المراية ونقول فوووووووق.........


حمادة:انت دايما رافع من معنوياتى كدة يا ميدو والله وبعدين انت تكتب عن نفسك براحتك ولا يهمك...........


البت قباحة:منورة منورة وانا كمان باحس كدة على فكرة.........

enjy يقول...

كيكى:اقول ايييييييييييييه ياناس على حبيبى العسل دة بس؟؟؟؟ بحبك يابت يا كيكى يا حبيبتى انت مش عارفة اقولك ايه عشان انا عارفة ان كل الكلام طالع من قلبك والله يا كيكى انت جميلة اوى اوى وانا مش عارفة اقولك اى حاجة خالص...........
شكرا يا حبيبتى..........

enjy يقول...

رئيس جمهورية نفسى:طب ولما تكون الوحدة جوة اوضتك قاعدة مستنياك طول الوقت تعمل اييييييييه..........


شمو نشادر:طب خليها فى سرك........


egyboy:العفو يا مصطفى اى خدمة....


دعاء مواجهات: اكاد وابرهن واجزم واوشك؟؟؟ انت مدسوسة علينا وللا ايه؟ منور يا جميل والله وانا معاكى فى رايك..................


blue-wave:دكتور عمرو منور والله ورايك مظبوط..........


الشنكوتى الكبير:ايه الكلام الكبير دة؟؟؟ شكرا............


mero:شكرا شكرا شكرا يا ميرو.......


كراكيب: يخرب بيت الكهربا اللى جابت لك انهيار عصبى دى لالالا بعد الشر عليكى..كلامك مظبوط طبعا.. شكرا على رايك وبعدين انت تطولى زى ماانت عايزة ولا يهمك لانى مااقدرش على بعد حبييييييييبىىى زى ما الست بتقول..............


علم الهسس:طب الواحد يرد على التعليق دة بكام حرف؟ اممم شكرا لك.....


ابو عبيدة:انت بتتكلم عن الاغتراب ولما تنزل الشارع تقول كدة ابقى خدنى معاك..............

enjy يقول...

امجد:التعليق بتاع امجد بيه ما بيظهرش لاااااااااا دى مؤامرة معمولة ضدى.. افضل انت ارفع من معنوياتى كدة لحد ما اتنفخ عليك انت اول واحد عشان الندالة دى طبع(باهزر طبعا).. شكرا بجد على رايك فية اللى انا طبعا ما استحقش ربعه ..........


foxology:اكيد صح..........


كيكى:انا رديت والله اهو يا بيه......


نعكشة:تاج؟؟ حسابك معايا بعدين....

زى الهوا يقول...

قصة جميلة , اوحش حاجة فى الدنيا إن الواحد يكون مخنوق وماحدش فاهمه , ولا حاسس بيه , وخصوصا لما يكون اخيرا قرر انه يفضفض لحد علشان يشيل عنه همه ويهونه عليه , والاصعب بقى الاحساس بالاغتراب

Zanooba (Zeinab sab9n) يقول...

ماشاء الله القصة جميلة أوي بس كل واحدفينا بيحتاج ساعات للوحدة ممكن عشان بيبقى عاوز يفكر أو عاوز يتصرف براحته و على طبيعته أكتر و لا إيه رأيكم ؟؟
حياكم الله

مواطن مصرى نايم يقول...

ايه الحصار ده كله
خليه يسلم نفسة احسن
المكان كله محاصر
هههههههههههه
لا الضيق ده
دا حتى المعهد الدينى السوق اتشال منه
و بقى واااااااااااسع
خليه يروووح يقعد هناك
ههههههههههههه
بوست جميل يا انجى
اسلوبك جميل كالعاده
تحياتى
اسلام

enjy يقول...

زى الهوا:الله ينور عليكى هو دة الكلاماللى انا عاوزة اقوله بالظبط............


زنوبه:اهلا دى زيارتك الاولى اتمنى ماتكونش الاخيرة شكرا على التعليق.......

enjy يقول...

مواطن مصرى نايم:يا لذيذ يارايق ماهو مستنى الشارع يترصف والباشوات يمشوا عشان عاملين عليه حصار هو كمان ويروح بقى يقعد هناك براحته..

محمود محمد حسن يقول...

تعرفي يا انجي

نفس السؤال بسأله لنفسي في وحدتي ، هوا معقول اكون انا صح وهما كلهم غلط ؟؟ مش يمكن هما اللي صح وانا اللي غلط ؟؟

لو كنت اللي هما عايزينه حبقى شخص انا ذات نفسي مبحبهوش ،

لذلك اجمل حاجة أني لا افهم ولا يفهموني اهم حاجة اني اكون متوائم مع نفسي ولاقيها وطز في الباقي لا مؤاخذة يعني ، حتى لو كانوا اهلي،

will يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘