الخميس، 1 مايو، 2008

مش هتقدر تطفى الجهاز

اول مرة اشوف كلامى مكتوب قدامى وفى احتمال يكون هناك كائن بشرى غيرى بيشوفه . فرحانة قوى بس ما اديش اى امارة فى كيفية انشاء المدونة لانها جت بظروفها على راى الاديب ايهاب توفيق مع ان اليوم ابتدى بداية مش ولابد يعنى على راى الزعيم الراحل السادات الا انه الظاهر كدة هينتهى نهاية 100فل و14 ربنا يستر . المهم بقى المدونة دى انا ناوية والنية لله اتحفكم فيها بارائى وكلامى ونظرتى للحياة هتكلم فى كل حاجة براحتى واللى مش عاجبه يخبط دماغه فى الكى بورد .. من هنا ورايح مافيش دلع لازم تعلقوا على كل المقالات عشان زمن اللل انتهى ماحدش فاهم حاجة.. احب اقولكم ان النهاردة يوم سوف يشهده العالم على مولد مدونة فظيعة اللى هى انا وطبعا كل المدونات التانية هتنسف نسف بعد ما القراء يكتشفوا مدونتى بس طبعا هيتنسفوا بعد ما يكونوا عرفوا قراءهم على المدونة بتاعتى وهكذا انفرد وحدى بعالم التدوين . انا لسة ما كتبتش اى حاجة عن نفسى لنى زى ما انتوا كلكم لاحظتم انى متواضعة جدا وعشان كدة المرة اللى جاية هكون جمعت مزايايا وصفاتى الحميدة وخصالى الرفيعة وهكتبها كلها ان شاء الله ..كونوا معنا لاننا عائدين بعد الفاصل والفاصل مدته زى مانا عايزة.مدونتى وانا حرة فيهابقى

هناك 4 تعليقات:

ياسر يقول...

مدونتى وانا حرة فيهابقى

ياسلام طيب اخبط راسي في الكيبورد

وانا الا كنت ناوي والنية علي الله اعزل واجي

اسكن هنا بس لالالا غيرت راي خفت بصراحة

انا داخل مدونة انجي ولاا فاندام لاا يا ماما

انا هقعد في مدونتي احسن طراوة مدونتى وانا حرة فيهابقى

هههههههههههه
تحياتي

ياسر

enjy يقول...

لا والله يا ياسر تشرف يا باشا وتنور والله ..وبعدين بكرة تعرف عنى انى بق و كلامنجية وقلبى ابيض زى المج واللى زيى خلصوا خلاص...تحياتى

ٍSOU يقول...

ربنا يوفقك ...

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘