الاثنين، 27 أكتوبر 2008

هلاوس شتوية

اليوم هو اليوم الاول الذى اشعر فيه بدخول الشتاء البهيج.. نعم هو بهيج.. انا أراه بهيج .. منظر امواج البحر الثائرة دائما ما يأسرنى.. جلستى المفضلة على شاطىء البحر تكون دائما فى الشتاء حيث لا مجانين كثر يتحملون هذا البرد .. الشوارع المبتلة وانعكاس اضواء السيارات الملونة على ارضية زلقة يكسوها ماء فضى.. ياله من منظر ..
انها اسكندرية حقا.. من قال ان الاسكندرية مصيف او انها رائعة فى الصيف؟؟
ما الروعة فى كل هذا الزحام والجو الحار الخانق؟؟
اسكندرية الجميلة هى اسكندرية الشتاء.. اجسر ان اقول ان الشتاء هو احلى فصول العام اعشق هذا الفصل وانتعش حقا عندما ياتى المطر ..
لا اعرف لماذا يذكرنى هذا الجو الشتوى بذكرى غريبة.. ذكرى هى فى الحقيقة لا تمت لى بأى صلة.. ذكرى فيها شجون غريب..
هذا الجو -ولا اعرف السبب- يذكرنى بقصة حب انتهت ولكن اصحابها لازالوا يذكرونها كأحلى ما حدث لهم..
الشتاء دائما يذكرنى بالصفو والبراءة.. مياه المطر - اعتقد- تغسل الارواح كما تغسل الشجر والشوارع.. دائما ما اشعر ان الشتاء هو الوقت الانسب للابداع فمتى سوف تكون روحك شفافة اكثر من الوقت الذى تسمع فيه زخات المطر وتستشعر نزول القطرات العذبة على وجهك اكثر من هذا الوقت؟؟ دفء الشتاء هو الدفء الحقيقى مع انى اعترف ان هناك انواعا من البرد النفسى لا تجدى معها اى وسائل تدفئة فى الكون.. ايضا الشتاء هو الوقت الامثل كى تشعر بالغربة .. كل هذه الرياح والامطار تهاجمك وحيدا ولا تستطيع مواجهة هذا الشعور الطاغى بانك وحيد ..
ايضا هو الفصل الذى تستطيع ان تذكر نفسك بقصة حب انتهت وطعم غريب للذكرى يجعلك تبتسم رغما عنك حتى وان كانت الذكرى ليست بهذا الحسن..
اذن الشتاء هو انسب الفصول كى تختبر كل هذه المشاعر سويا كل حسب حالته المزاجية ..
يقولون ان محبى الشتاء هم الشخصيات الاكتئابية التى لا تستطيع التكيف وتشعر بالاغتراب.. هل هذا حقيقى؟؟؟
انا شخصيا لا اعرف ولا اريد ان اعرف انا فقط استمتع بوجودى ضمن الكائنات التى تعيش هذا الوقت بكل تفاصيله..
تفاصيل الشتاء بالنسبة لى هى شوارع ذات مناظر خلابة.. بحر ثائر.. ملابس ثقيلة ولكنها لا تمنعك من الشعور بتلك اللسعة الخفيفة.. مشاهدة الطريق من وراء زجاج السيارة الذى تجمعت عليه نقاط المطر..الاستماع الى صوت الامطار خارج النافذة.. كوب شوكولاتة باللبن ساخن ..مكالمة تليفون غير متوقعة تاتيك فى الشارع.. ولا شمسيات على الاطلاق..
الشمسية اختراع مقيت يحرمك فرصة ان تمارس حريتك فى المشى تحت المطر والاستمتاع بهذه اللحظات العذبة وهى فى الاصل شمسية تقى من الشمس وليس من المطر فلماذا نتركها لتفسد علينا هذه اللحظات القليلة؟؟
هذه هى التفاصيل التى اعشقها فى الشتاء والتى احاول ان استمتع بكل منها طوال الشتاء..
اخيرا ولى الصيف الكئيب وبدأ السحر الحقيقى.. فلنستمتع.................

هناك 39 تعليقًا:

حدوته مصرية يقول...

و انا كمان بحب الشتا بكل تفاصيله اللى قولتيها الشتا بالنسبة ليا هو احساس الدفا اللى عمره ما بيجي الا مع شعور البرد
و المطر طبعا ده حكاية لوحده

تحياتي

حمادة زيدان يقول...

أنوووووووووووووووووووووووووووووووج

أولاً : حمدالله ع السلامة
ثانياً : أنا مش معاكي خااااااااااااالص في الموضوع ده وبرجع كدة لأسباب معينة

أولهم أنك أسكندرنية , يعني بيكون للصيف طعم جميل وللشتاء طعم أجمل خاصة أنه الاسكندرانية بيخلصوا من الاحتلال الصيفي بزحمته وغلاسته :
تانيهم بقي ودي الاهم أني من صعيد مصر يعني الشتاء عندى مجرد لسعة برد دمها تقيل جداً بدون باقي الحجات الشاعرية بتاعت بحري زي المطر وتقلبات البحر والحجات الجميلة دي , يعني كل اللي بنطوله من الشتاء بردها القارص الرخم الممل لذلك اؤكد
أني مخلوق صيفي وصيفي جداً كمان

تحياتي يا دكتور

سنووايت يقول...

جميل يا انجي بجد
كل كلمة قلتيها بتوصف حالة من السعادة والراحة الداخلية اللي بحسها بمجرد قدوم فصل الشتاء الجميل وهلول بشائره
اتمني لك شتاء سعيد دافيء منعش :)

mohamed ghalia يقول...

الشتاء
فصل مليأ بالمتعه يكفى مياه المطر وهى ترسم أكبر لوحة
ومن بعدها قوس قزح
إنها لحظات رائعة
تحياتى على الإحساس الرائع بفصل الشتاء

3omda يقول...

ياريت السنه كلها شتاء..بجد بحس في الشتاء بالامل واني حر كفايه الهواء النقي بعد المطر.بحس اني قادر اتنفس بعمق
وكمان الشتاء دي خير: مطر وارض خضرا وجو نظيف من غير اتربه،ويا سلام علي المشي الساعه 4 في الشتاء "حاجه تانيه" بحس فيها ان بكره ان شاء الله هايكون أحسن من النهارده.أنا سعيد ان في حد بيحب الشتاء زي.......

romansy يقول...

ما اجمل الشتاء وما اجمل المطر وما اجمل الاسكندريه احب امواجها العاليه واحب شوارعها المضيئه ففصل الشتاء هو شهر الخير فانى احب رائحه امطاره التى هى دموع السماء
وفيه احساس بالدفء لا بالبروده

محمود محمد حسن يقول...

لو كتبت بوست عن الشتا متهيألي حكتب نفس الكلام ، مفيش اي اختلاف اطلاقاً في اي تفصيلة من التفاصيل الشتوية الجميلة اللي بحبها عن الكلام المكتوب هنا، حتى كراهيتي ومقتي لإختراع الشمسية الغبي برضه لقيته هنا ،

انا بعشق الشتا ، بعشق بالذات الأيام دي في الشتا ، الخريف يعني ، بجد امبارح بدأت حاجات كتير ،

بدأت عواصف الذكريات ، بدأت التمشية الطويلة على البحر ، بدأ الإبداع ، بدأ الإكتئاب ، بدأ الشتا ،

تحياتي يا انجي

princess يقول...

انا زيك بالظبط اكنك وصفتى حالتى فى فصل الشتاء
فى ناس بيجلها اكتئاب فى الشتاء لكن انا ببقى مبسوطة جدا ومنتعشة
احب الفصول الى قلبى ببقى زى الاطفال لما الدنيا تمطر وببقى تحت اى حاجة لما يبقى فى برق ورعد:)))
بحس براحة وسلام روحى مش طبيعين
تحياتى يا انجى:)

a7md Helal ( المهم ) يقول...

علي فكرة انا كمان بحب اسكندرية في الشتاء
خصوصا شهر يناير
بتبقي جميلة جدا ويا سلام وانا قاعد علي الكورنيش الساعة 1 باليل
ومعايا الايس كريم بتاعي

SHAPE YOUR LIFE (ABOALI) يقول...

سبحان الذى خلق
الحياه الوان
صيف شتاء
خريف ربيع
ليرضى جميع الاذواق
ربى
كرمتنى فى الارض
وسبق ذلك تكريم السماء
اجعلنى يا ربى قريب منك
حتى الممات
وضمنى اليك
ضمة الام لوليدها
فى الشتاء
ولا تحرمنى شربة
ماء تروى ظماىء صيفا"
وانا احتاج الرواء
واجعل حياتى ربيعا"
وذنوبى تتساقط خريفا"
كما تتساقط الامطار من السماء
يارب



بوستك جميل يا هاجر يحمل وجهة نظر من احب شىء
فهو يجمع كل شيىء ليبرهن على صدق كلامه
وفعلا هذا متوافق مع طبيعتنا
فاءنا ممن من يعتقد
ان امطار السماء دموع لها
وامواج البحر هو صوتها
وزرع الارض هو غذائها
وبرد الشتاء هو ندائه
وحر الصيف هو انفاسه
وطراوة الربيع هو كلامه
وتقلب الخريف هو شهيقه

وهكذا

مره تانيه اشكرك

keepdreaming يقول...

بجد يا جماعة المدونة دي كان لازم يكون اسمهه الحياة والرومانسية روماسية عاطفية وكمان رومانسية فكرية بحس ان صاحبة المدونة وكمان الزوار بيعزفو سنفونية جميلة قوي عنوانها جمال الطبيعة بجد التعامل مع الطباعة ككائن حي نحس بيه ويحس بينه يرتقي جدا بمشاعرنا ويسمو كتيير قوي بفكرنا يريت يكون كل الناس عندهم نفس الاحساس ده
اشكرك دكتورة واشكركم احبائي الزوار
ادعوكم لمشاهدة مجلتي العالمية علم الحياة
وفلسفة الطبيعة
http://www.lifeology.co.cc/
دكتور طارق

عايش علي الهامش يقول...

الشتاء ..... فصل الشجون بالفعل
يثير الحزن لانك تستشعر كان السماء تبكي بالاف الدموع الحانيه
فتعديك حالتها الحزينه ....تنظر لاوراق الشجر مصفره قليلا ولكنها لامعه بفعل المطر تاتي الرياح من بعيد تهز اغصان الشجر فتسمع حفيفه وتسمع اصوات العصافير اصوات خفيفه مرتجفه من اثر البرد وعبر الزجاج تشتم رائحة
الرمال المبتله تملا انفك ترتجف تقترب من الزجاج تغلقه تنكمش تحاول ان خفي يديك في جيبك وتنظر للسرير في تمني ثم تنظر لمكتبك وتلعن كل هذا الكم من المذاكرة التي يجب ان تنهيها الان قبل النوم و..... ياه انا سرحت معلش طولت عليكي جميل اسلوبك جدا وخصوا انه قريب جدا من اسلوب الدكتور احمد خالد توفيق ان كنت تعرفيه

علي فكره احنا لسه في الخريف مش شتاء

شكرا ليكي

مواطن مصرى نايم يقول...

مش حتوصفى لى طبعا
يمكن انا كنت قلت قبل كده انى بعشق اسكندرية فالشتا اكتر

طبعا انا عارف احساسك
لانى بحسه انا كمان

بس هو انتى اسمك هاجر ؟؟
ههههههههههههههه

لو مش فاهمه قصدى ابقى اقول لك

مواطن مصرى نايم يقول...

صحيح انا اختى فأداب معاكى علم نفس برضوا
بس لسه اولى

صوت من مصر يقول...

اه بحب الشتا لكن بصراحه مش بستمتع بيه لانى ممكن اموت من السقعه بحس انى جوه تلاجه وملهاش حل ؟
بجد هو جميل ؟

عالم ماريونت يقول...

يااااااااااااه هو الشتا حلو اوي كدة؟
ةالله يا انجي انا قد ما بكرة الشتا موووووت بس مش عارفة لية لما قريت البوست بتاعك استمتعت بيه اوي وتقريبا كدة قربت احب الشتا
بصراحة انا لأني كنت عايشة في السعودية فترة طويلة(15 سنة) لما جيت هنا بقيت بموت من التلج في الشتا وببتدي اشتي في شهر 9 واول الشتا بيجيلي دور نزلة شعبية يعلم بيه ربنا وبخاف من البرد والتلج وبترعب من صوت الرعد والبرق
بس بصراحة برضة بحب فيه زي ما انتي قولتي:محاولة البحث عن الدفء مع الاحساس بالغربة المريعة
تحياتي ليكي يا انجي بوست مميز كالعادة
رنا

La RoSe يقول...

السلام عليكم

أنا حبيت أنضم هنا لعشاق فصل الشتاء،والبحر بأمواجه الثااائرة ،وإسكندرية الشتاء

أعشق إسكندرية الشتاء وأكره وبشدة إسكندرية الصيف

أحب أعيش الشتاء بكافة تفاصيلة اللي ذكرتيها مع الفارق إني بشرب شاي بحليب :)

اسكندرية - بعد المغرب - مع لاسعة برد - ومطرة - وبحر غضبان وثاير - لوحـدك

بيبقى نفسي أخدها مشي على الكورنيش من أبوقير لبحري...

يارب السنة كلها تبقى شتا يارب

تحياتي لكِ وللبوست الشتوي الجميل ده :)

elsha3er يقول...

اة كدة انتى بتتكلمى فى ملعبنا نحن الاسكندرانية بجد ما أجمل الشتاء فى الاسكندرية بجد انا اليومين اللى فاتو دول كانت الدنيا بتشتى والله كنت لازم ابقى على البحر عشان اتفرج على المنظر


احمد الشاعر

Foxology يقول...

مياه المطر - اعتقد- تغسل الارواح كما تغسل الشجر والشوارع


هو ده :)

شفـقــة و إحســــان يقول...

الشتاء ايامه جميلة فعلا كلها دفء وحنان
بس احلى حاجة فيه ان الواحد بينام بدرى ولا المطر تحفة
ههههههههههههه
تسلمى على البوست

forbidden zone يقول...

الله..........أنا فعلاً من بعد ما قرأت البوست دي حبيت الشتاء أكتر...إنت التفاصيل اللي ذكرتيها دي فعلاً رقيقة جداً.. كلامك ده خلاني أبتسم جدا بس ما أعرفش ايه...إنت فعلاً رقيقة المشاعر وإحساسك رفيع جدددددددددددددددداً أنا بشكرك جدا جدا لأنك متعتيني بالكلام العذب دههههه...إن شاء الله يدوم علينا فصل الشتا يا رب.....سلام
المعجبة بالبوست ده أوووووووووييييييييييييي
إسراء..
سلام

forbidden zone يقول...

آآآآآآآآآه وهناك إضافة على التعليق السابق إنت طريقة ربطك لقصة الحب اللي عدت واللي يمكن جرحتنا لكن بنفس الوقت اللي بتفتكرها بيه بنكون بندحك.....إنت ربطططي إزاي الحب بالشتا... فعلاً حلوة جدا جدا.....ما أعررفش ليه البوست ده حرك فيّ حاجات كتيرةة والله ما ببالغ

تايه في وسط البلد يقول...

فلنستمتع

اه والله فعلا

حين يضفي المطر الالوان الحقيقية علي الاشياء فيضحي الشجر اخضر كما لم نراه من قبل ويضحي السحاب ابيض كجبال متراكبة والشفافية تلف الوجود والبرد قد انتزع الاعتراف من كل الموجودات انها موجودة ولابد ان تتخلص من البؤس الذي التحفت به طيلة العام وحين نجاهد في قهر البرد بالقبض علي كوب الحلبة الحصي او ارتشاف حساء العدس المتبل

انت سعيدة الحظ انك في الاسكندرية تتمتعين بشتائها.. فاطلبي الرحمة لاهل القاهرة

فلنستمتع

غير معرف يقول...

انجى

انتى عارفة

انا ليا سر كبير مكنتش بحب أقوله لحد

انا بحب الشتاء جدااااا

وأحب أكثر رياح الخريف

واأعشق النييل فى الشتاء

وأعشق جدااا البحر فى الشتاء لحظة الغروب

جربى أن تشاهدى غروب الشمس على البحر فى الشتاء ستشعرين بشعور جميل من احساسك بالامان والدفء نعم الدفء
كنت دوما اشعر به شتاء لحظة الغروب على البحر ولا اعرف لماذا ولكننى كنت اشعر به

تحياتى

Mero.. يقول...

ممممممممممم
جميل جدا الوصف
هو صحيح انا مبحبش البحر خالص ..
لكن وصفك للمطر والشتا جميل جدا جدا

ربنا يجعله شتا سعيد عليكي يارب ..

دمتي بخير

amraction يقول...

احاسيس جميله والله.. الشتا دايما بيجيب كلام حلو اوى ومشاعر جامده.. عند اللى بيحبوه.. وانا مش منهم

بس سوال.. مانتيش سقعانه يا بنتى؟؟

على فكره.. انا دكتره برضه.. فى سنه خامسه حاليا.. تقريبا دى تانى او يجوز اول زياره ليا هنا..
عموما.. ربنا يخليلك الشتا دايما.. ودايما تكونى مبسوطه وعندك المشاعر دى صيف وشتا..
سلام

عبد من عباد الله يقول...

صحيح انتي تعرفي ليه بيقولوا اسكندريه ماريا ؟

نعكشة يقول...

انا بمووووووووت في الشتا

طريقة تعبيرك عن المشاعر المختلفة تحفة بجد

معلش كان ليا داخلة معرفش ليه حسيتها كدة

لما قولتي الرياح كلها تهاجمك لوحدك
افتكرت اغتية محمد فؤاد لو عايز تفتكرني
لما المطر كان بينزل و الرياح جامدة و قام خدها في الجاكت بتاعة

دية حتة كدة لسعت معايا بس قولت اشاركك افكاري

انا بحب الشتا موت
ونفسي يوم ازور اسكندرية
شتا صيف
اي حاجة
بس يا سلام لو شتا
و فية مطر
و اروح الاقي البحر هايج و اخاف منه مع اني بموت فيه

متخيلة المنظر هيبقى تحفة

تسلمي يا قمر

سلام

كراكيب يقول...

انا جيييييييييييت
يا جوجا يا وحشة يا اللي وحشاني
وانتي مش سألتي عليا

وحشتيييييني جدا

اسكتي ده الشتا ده روحي روحي روحي
اكتر فصل بموت فيه كدة وفي دباديبه وف تفاصيله

جوجا... الشتا ده بوست كنت ناوية انزله في الشتا على فكرة

جوجا.. ممكن تستضيفيني عندك كام يوم في اسكندرية علشان مش جربتها في الشتا؟؟؟


miro el niro kwanieo

blue-wave يقول...

لعلمك بقى
انا مش باجى اسكندريه غير فى الشتا
بحبه مووت
وبحب اسكندريه فيه اوى

بنت مصريه يقول...

انا بحب الصيف جدا بس ف القاهره
وكل سنه بصيف ف اسكندريه معشوقتى
ولكن ناس كتير قوى قالولى امال لو شفتى اسكندريه ف الشتا هتعملى ايه
الله عليكى يا اسكندريه
والله عليكى يا انجى



اختك انجى بنت مصريه

أمير البلانكو يقول...

انجي

ازيك

أكيد الشتاء جميل جدآ

انا علي طول بقول ان الشتاء هو دفء العشاق

وكمان بيقولوا ان اسكندريه بجد من اجمل مدن مصر في الشتاء

بجد تحياتي ليكي

ولأهل اسكندريه

كيكى عوووووو يقول...

اولا كدة وحشاااااااااااااانى جدااااااا
ومعيش رصيد الكارثة الكبرى انى جيت ولقيت الياهو راح
اعاااااااااااااااااااااااا
اعاااااااااااااااااااااااااا
والمصحف جيت مخصوص علشانك
اقولك اية بقى غير انى انا شكلى فقرية فعلااااااااااااااا
اعااااااااااااااااااااااااااا
عوووووووووووووووووووووووووووووو

حاسوباتيه يقول...

فعلا عندك حق الشتا رائع صحيح انا ماجربتش اسكندريه في الشتا بس هو في كل مكان رائع عيبه الوحيد البرد وكميه الهدوم الي بتتلبس بس برضو بحبه وبحب اكل ايس كريم في الشتا جدا جدا

روابط يقول...

أول تعليق لى هنا

كل عشاق الثغر يا عزيزتى يفضلونها فى الشتاء, حيث الحميمية فى شوارعها المغسولة بماء النوات والأمطار, حيث شوارعها وبحرها يصرخون : نحن لك وحدك

أعتقد ان الأسكندرية هى المعشوقة الوحيدة التى يفضلها عشاقها باردة, وانا كقاهرى أحسدك على هذه الخلسات التى تستمتعين بها وقتما شئت

تحياتى

محمد أسامة رسلان يقول...

إسكندرية ماشي

مطر تمام

هوا زي بعضه

لكن برد لأ

أدامكم الله في دفئ

:)

شيماء زايد يقول...

جميل جدا احساسك بالشتا
انا كمان بحس ان الشتا بيغسل النفوس ويطهرها
احيكي

د/ رامي شهاب الدين يقول...

أنا كمان بموت فى الشتا

وبتمشى على البحر كمان؟

واضح إننا ممكن نتقابل هناك صدفة هههههههه

تحياتى الغالية

NOGA ALEX يقول...

انا كمان يا انجى بحب الشتا جدا ومش ممكن تلاقي اسكندرانى مش بيحب الشتا فى اسكندرانى مش بيروح القلعة فى الشتا وهيا مفيهاش ولا مخلو عامة انا بجد كنت مستنية ان الشتا يدخل اوى وهكتب بوست عنة لكن دلوقتى لا لو كتبت هبقى اكنى نقلاه منك لان بجد نفس الكلام نفس الشعور ونفس الحب للشتا