اعلانات مبوبة اسم مش مناسب خاااااااالص للكلام اللى هقوله بس انا قلت احط العنوان رخامة يعنى.... هى مش اعلانات هى مناسبات.. او احداث..او حاجات حصلت.. تهنئة ممكن.. يعنى كل واحد يسميها على مزاجه ... نبدأ على بركة الله...
اول حدث واهم واحد فى نظرى هو صدور مجلة ابراج http://abraj-mag.com/abraj/news.php دة لينك المجلة كان نفسى احط صورة المجلة او اخلى اللينك شكله حلو بس قدراتى الالكترونية منعتنى ما علينا المهم بقى ان مجلة ابراج دى مجلة جامدة جامدة يعنى رئيس التحرير هو طارق عميرة ولما يبقى رئيس التحرير هو طارق يبقى طبعا المجلة مستقبلها واضح وبأذن الله هتبقى مشهورة ااااااااوى
الجامد فى الموضوع انى نزل لى مقال على صفحات مجلة ابراج الغراء ياريت تروحوا تشوفوه وبجد المجلة هتعجبكم جامد يعنى .....
ثانى حدث ان طارق كسب فى مسابقة بص وطل اييييييييييييييييييوة هو هو طارق بتاع المجلة دة العادى بتاعه اصلا يعنى ما علينا المهم مبروك يا طارق وعقبال ما تبقى حاجة كدة شبه بهاء طاهر ومتعاملناش وحش عشان طارق بيزعل احنا عارفين ان سيادتك متواضع وهتفضل تعرف امثالنا مبروك يا طارق.....
ثالث حاجة قريت رواية (ان تكون عباس العبد )للكاتب اللى ان شاء الله هيبقى فظيع احمد العايدى الرواية عجيبة فى اسلوبها فى التفاصيل فى اللغة المستخدمة فى الفكرة فى الالفاظ فى الاحداث فى كل حاجة وفعلا بتغير حاجة كدة جواك بعد قرايتها ... الغلاف تصميم احمد اللباد بس معجبنيش خالص لانه فى رايي مش مبتكر ومعرفش ليه دة تانى غلاف لاحمد اللباد يكون حاطط فيه وشوش ناس فى اخر الغلاف من تحت بس الغلاف الخلفى اسود كعادة دار ميريت طبعا حلو اللون بس الاحلى شريحة التليفون المرسومة على الغلاف الخلفى فعلا ملعوبة حلو جدا ومعبرة جامد يعنى الرواية اصدار دار ميريت ومينفعش الخصها لان دة هيبقى سخافة بصراحة ابقوا اقروها....
رابع حاجة شفتوا مؤتمر الحزب الوطنى؟؟؟ كوميديا رهيبة لما كان جمال مبارك بيقول احنا عايزين ايه؟؟ سياسات قديمة كانت بتستخدم زمان وكانت تنفع ايامها؟؟ وللا سياسة جديدة وفكر جديد؟؟ تعالوا نفكر احنا عايزين ايه.. فكرنى بأحمد حلمى فى ظرف طارق وهو بيقول تعالوا نتكلم بصراحة فيها ايه لما نتكلم شوية بصراحة؟؟ وانا ماشى فى شارع امريكا الرئيسى .. لا كوميديان جامد جدا ..طبعا قصدى احمد حلمى..
خامس حاجة واخر حاجة الانتخابات الامريكية... باراك اوباما فاز بالانتخابات.. يعنى امريكا دلوقتى رئيسها زنجى من اصول كينية وابوه مسلم.. رجل بالمواصفات دى قدر يهزم مرشح امريكى نموذجى ابيض انجلوساكسونى من الحزب الجمهورى... الشعب الامريكى اختار الرئيس اللى معاه مصلحته ونحى اى عنصرية على جنب... الشعب الامريكى هو اللى اختار الرئيس بتاعه عن طريق انتخابات حرة نزيهة (مش بيفكرك بحاجة المصطلح دة) ... امريكا فى سنين قليلة قدرت تنهى العنصرية واحنا بقالنا سبعتلاف سنة من ايام الفراعنة كل حلمنا اننا نتحول من بلد زراعى الى بلد صناعى ومش عارفين.. تبقى مهزلة وللا مش مهزلة؟؟؟ مبروك على الشعب الامريكى ادميته ومبروك علينا مؤتمر الحزب الوطنى....
كفاية كدة بقى رغى على دماغكوا يا بشر بس متنسوش تشوفوا المجلة ....... سلام
هناك 30 تعليقًا:
حجز
اولا مبروك على مقالك اللى فالمجلة انا روحت علقت عليه التعليق ده
------------------
احمد_عبدالله on 05 Nov : 02:15
جميل جدا المقال يا انجى
هو فعلا اعلان مستفز
انا كمان كنت لسه حنزل بوست بخصوص الاعلانات المستفزه عالبلوج عندى و كان برضوا فيه جزئية عن الموضوع ده
بس خلاص بعد المقال ده مينفعش ينزل
لأنك قلتى كل حاجة
اسلوبك رائع كالعادة يا انجى
تحياتى
اسلام
مواطن مصرى نايم
----------------
بس اعذرى جهلى هو طارق عميرة مدون
اصل انا و ده عيب منى تقريبا اول مره اسمع الاسم فممكن يكون له اسم تدوينى مختلف
بس حد انتى واثقه فيه كده يبقى اكيد حد كويس
ربنا يوفقه
و يوفقك انتى كمان
و تبقى صحفيه او كاتبة اد الدنيا
المقال عجبنى جداااااااااااا
تحياتى
و كمان ححط لينك و اعلان للمجلة عندى بما انك واثقه فيها كده
الف مبروك المجلة والمقال وعقبال ما يبقى ليكى عمود خاص بيكى فى جرنال ان شاء اللة
موضوع كوميديا الحزب الوطنى انا بصراحة بطلت اشوف موضوعات كوميديا وخاصة لما تكون كوميديا سودة اصلى لما يكون العقليات دى هى اللى بتحكمنا يبقى علينا العوض ومنه العوض
موضوع الانتخبات الامريكية خلصت خلاص والصورة اللى عايزة تصدرها امريكا للعالم وصلت انها ممكن تسمح لملون يحكم امريكا بس للاسف هامش التغيير فى السياسات الخارجية حيكون صفر
ازيك يا انوووج
اخبارك ايه
انا شوفت المجله دى قبل كده كان طارق ادانى لينكها من اكتر من شهرونص
هيا حقيقى مجله كويسه واللى بيكتبوا فيها متميزين
وطبعا انتى بقيتى واحده منهم
اما بقا عن الحزب الوطنى فأنا معرفش حزب بالاسم ده انا اعرف حزب عائلة مبارك ده اللى اعرفه :)
اما بقا عن امريكا فمعتقدش ان اوباما او غيره هيغير حاجه لانهم ماشيين على سياسه واحده مهما اختلف الرؤساء
مش هنسى طبعا اشوف المجله ولا مقالك
مبروك لطارق المجله وفوزه فى المسابقه
طبعا كلامك على مؤتمر الحزب الوطنى
وكمان الانتخابات الامريكيه
دول اشياء مهمه بس انتى اتكلمتى فيهم بصراحه
تحياتى على الاعلانات
حلوة الاعلانات دى
وبالذات ربط موضوع فيلم ظرف طارق
وبالحزب الوطنى هههههههههههههههههه
............................
ام بخصوص اوباما والله يا بنتى مش فارقة
اسود ابيض مخطط
كلهم زى بعض لازم الاول يثبتوا ولاءهم لاسرائيل!!!
ويمجدو فيها ويعظموة فيها ولاد ..
بس عارفة اية الجديد بخصوص اوباما بفكر فى؟
ياترى انهى دولة عربية هيخشوا فيها ويحرروها زى العراق...
نحب بقى احنا االمصريين نغنى اغنية ريا وسكينة
الدور الدور معودة يلى عليكى الدور
واهى لعبة قذرة وبيلعبوها كلها
يلا ماعلينا................
المهم هبقى اروح اشوف المقال واقولك راى اية؟
وادينى عنوا ن اولة بتاع النت علشان هقتلوة قريب انتى فاهمة
؟
يارب يا حبيبتى يسعدك ويهنيك
عووووووووووووووووووووووووووووو
يا عينى
مجلات وحزب وطنى وباراك اوباما وبص وطل
جميل النشاط الثقافى المنوع
يعطى فكرة محوريه عن البلوره الفكرية
لاتحاد العقل مع النفس فى زمن العولمة
واللامعقول بحيث لا يفصل بين الواقع
والثابت والمتحد والقائم
ولكن له رؤية ثاقبه فى الاحداث المتعاقبه
فى اليوم و الليلة والثانيه
هههههههههههههههه
حبيت اغلس شويه
ببعض الالفاظ المنبعجة فى العالم ذو الاحداثيات السداسية
ان شاء الله اشوف المجلة واعلق يا جميل
تحياتى
يااا
مش حجيب اول تعليق يعنى ولا ايه ؟؟
على العموم موضوع جميل
انا حروووح جرى
سلاموز
اول حاجة تمن تعليقات في نفس اليوم ، اللي أداكي يدينا يا ستي ،
تاني حاجة المقال في المجلة جامد جدا ،
تالت حاجة حنشتري الرواية شوقتينا كتير
رابع حاجة انا مش عارف هي الناس ليه مهتمة اوي بمؤتمر الحزب الوطني ، يا جدعان ده كلام فاضي ، ما تحرقوش دمكم على الفاضي ، كلام لا حيجيب ولا حيودي ، لا حلو ولا وحش ، ارتاحوا خلاص البلد خربت ، ما بقاش ينفع لا كلام ولا فعل
خامس حاجة الواد اوباما ده دمه زي العسل صراحة ، اتفرجوا عليه وهوا بيرقص في ellen show مش ممكن خفة الدم واللذاذة دي ، يا رب يهديه بس ويطلع عيل جدع ،
سادس حاجة مبروك يا طارق ...بس هوا مين طارق ؟؟!!
مبروك يا جيجى واتمنى لك مزيد من التقدم
مبروك مبروك مبروك ؟
انا طارق
انا الذي سقط في بئر عميق سيودي بي إلى حتفي اسمه انجي , تكفي هذه الكلمات للقضاء على مستقبلي المهني تمامًا !!
طبعًا مش عارف أقولك ايه اولا يا انجي عالدعاية الجامده ده والكلمات اللي حسستني اني سوبر مان قاعد ورا الشاشة وان اينشتاين ولد من جديد واني هعيد الدورة الآدمية و اكتشف ان الانسان اصله كيس برسيل
بالنسبة لتعليقك بقه
المجلة انتي تعتبر أحسن مقال في العدد الاول فعلا .. عشان تعرفي قيمة نفسك بعد كده :P ما تنسيش اني صاحب الاكتشاف العبقري ده زي ما صاحبتك قالت خايف اتحسد :P:P
ثانيًا
شكرا على التهنئة الجميلة جدا و رغم ان جايزة بص وطل غالية عليا جدًا بس هيا مش نوبل ولا بوكر و لا حتى جايزة كفر الشيخ التقديرية وعامة الف شكر وعقبى لك كده ان شاء الله .. يا مسهل ;)
ثالثًا
عباس العبد غنية عن التعريف وكلامي ليها معروف .. انتي قريتيها عن طريق دعايتي ليها ومتوقع ان ناس هتقراها عن طريق دعايتك .. والرواية تستحق وبشدة
رابعًا
من يوم مهزلة التمانيه اللى رشحوا نفسهم نجح تسعه بالتزكية مش هستغرب لو جابوا عادل الفار رئيس !
خامسًا
نتيجة الانتخابات الامريكية صفعة قوية جدًا على وجه كل حكومة من المدعين
ده رأيي
اه و الله يا انجى صح الكلام اللى شوفتيه
ربنا يسهل بس
عندى فالبيت عاملين مشاكل بسبب الموضوع ده
بس انا بحاول انى اخلص الموضوع
و كلمت ناس كمان فأمريكا اعرفهم
احتمال اجيب فيزا لكندا و هما حيظبطوا لى شغل هناك
بس عندى فالبيت يوافقوا عالهجرة
انا بجد مش طايق استنى فالبلد و حاسس انى فاضل شوية و اقع فعلا زى ما انا كاتب عند اشرف حمدى
حتى الكلية مش عارف التزم فيها من الخنقة
و فعز كل ده بهزر و بضحك عادى
واد غريب انا
هههههههههههه
ربنا يسهل بس يا اوج
ادعى لى ان موضوع الهجرة ده يخلص بس
و اقدر اقنعهم فالبيت مع انى شايف انى صعب اقنعهم بس ربنا يسهل
انجى
سلام عليكم
عاملة ايه
ايه الاعلانات المتنوعة دى
اوى مبروك يا طارق على المجلة وعلى انك كسبت فى بص وطل
ومبروك يا انجى مقالك الاول ويارب ميكنشى اخر مقال
اما بالنسبة لجمال مبارك ففعلا احمد حلمى كوميديان رائع
ممكن تكون امريكا فعلا قدرت تتغلب على العنصرية بس ياترى هتقدر تتخلى عن وحشيتها وسياستها !!!!!!
احييك على موضوعتك يا انوج
تحياتى
ايمى
مبروك المقال فى المجلة ومبروك صدور المجلة
هنشوف موضوع الكتاب الجديد ده
مؤتمر الحزب الوطنى ؟ راجعى البوست اللى عملته :))
اوباما ؟ الجميل فى الموضوع الأنتخابات لكن نتيجة فوزه بالرئاسة >> مفيش جديد هيحصل
تحياتى :)
اهلا انجي
اود اولا ان اعبر عن سعادتي بالمجلة ومقالك فيها واضيف ان طارق موهبة تستحق ااكثر من هذا الف مرة
تقديري البالغ لتدوينك وعناصره الشيقة
مداخلة رفيعة....... طارق عميرة معلق اهو يا جدعان اسمه كوارث اللى عايز يروح عنده يشوف الحوارات الجامدة بتاعته يتفضل وطارق هيرحب بيه فى المدونة ويجيب له شاى وحاجة ساقعة (دة فشر طبعا) المهم يعنى انا قلت افصح عن شخصيته ورزقى على المولى.......سلاااام
انجى باشا
اولا ازيك؟
ثانيا انا هاعلق بس على نقطة اوباما
بالفعل نجح الشعب الأمريكى ان يكسب الإحترام الذى فقدة بعد حرب العراق
تحياتى
انجى
إيه الإعلانات المجانية دى المفروض تبقى بفلوس بعد كده هههههههههههههه
تحياتى
ليكى تاج عندى
جاوبى ومتتهربيش
تحياتى
اية الاعلانات الجميلة دى بس لحسن الحظ كنت مع طارق يوم استلام الجايزوة حضرت معاة الصدمةالاولى,,,
مبروك على المقال بجد...واسلوبك جميل كعادتك
تدوينه ممتعه
استمتعت بالمرور من هنا :)
مبارك على المجلة.. انتي إنجي بقى اللي كاتبة هناك.. يا حسنية الـ.. إحم.. قصدي يا محاسن الصدف!
قرأت مقالك هناك.. مبارك مرة أخرى :)
بجد المقالة اللي في المجلة تحفة
مجل متميزة
انا اطالعها الان
فكره المجلات الالكترونية المتمزه قلت هذه الايام
اتمنى لها التوفيق
انجىىىىىىىىىىىىى وحشاااااااااااانى جدااااااااااااااااااااااااااااااااااااااااااااااااااااااااااااااااااااااااااااااااااااااا
اخبارك ايه
مبروك يا عم ايه الجمال ده عقبال يا رب ما تبقى صحفية كبيررررررررررة قوى قوى اد الدنيا
سلامة سلامة يا قمر
مبروك عليكى النشر ف المجله
للصدفه انا لسه شيفاها امبارح وبس
وطارق فعلا حد جميل ويستاهل كل خير
بس لو يبطل وصفة الشهير لنفسه دة
هو فاهمنى؟؟؟,,
بيس ياقمرى
مبروك المجله ومبروك فوز اوباما .. والله يا بنتى انا ما فهمت حاجه
اممممممممم مبروك لكل المناسبات
اما عن الحزن فده اللى بيضحكنا اليومين دول ربنا يدمها علينا نعمه اوى ههههههههه
على جنب بجد مش عارفه اقولك ايه على كلامك اللى قولتيه ليه ربنا يخليكى يا انجى وافرح بيكى انتى كمان
فينك؟
وحشتينى اوى
شكلى هاجى اقتل الولة بتاع النت
وانتى معاة
عوووووووووووووووووووووووو
إرسال تعليق