الأربعاء، 10 يونيو، 2009

هذا الرجل أحبه


العاشر من يونيو هو تاريخ ميلاد دكتور أحمد خالد توفيق...
اروع عقل يمكن ان تعرف بوجوده على وجه البسيطة وهذه ليست مبالغة بقدر ما هو اعتراف..
اصدق قلم يمكن ان تقرأه وتقتنع به..أحكم آراء يمكن ان تصدقها..
ادق وصف لمشاعرك يمكن ان تراها مكتوبة بقلم شخص آخر غيرك..أرق مشاعر يمكن ان توصف لك على الورق..
أسرع بديهة فى العالم..تكاد بديهته تقارب فى سرعتها سرعة الصوت..أخف دعابات تجبرك ان تبتسم لها..اعمق صوت يمكنك ان تسمعه فتشعر انه يخترق اذنك لينفذ الى عقلك مباشرة..دعك من انه يملك وجه ذو الفة عجيبة..تشعر عندما تنظر له انه شخص ما تعرفه..تثق به..وتحبه. وايا كان تصورك له لا يمكن ان يخيب ظنك عندما تراه فوجهه دائما يعطى انطباع انه الافضل والاذكى.
دكتور أحمد خالد..كل عام وانت هنا..كل عام وانت مشع للغاية..عبقرى للغاية..متفهم للغاية..مبدع للغاية..
دكتور أحمد..حقا انت مؤثر اكثر مما يمكن ان تتخيل..ان من ربيتهم يدينون لك بالكثير جدا..
دكتور أحمد خالد توفيق..انت تعطينا الثقة فى العالم حتى من على هذا البعد..يكفى ان نجد من يؤمن بنا وبقدراتنا..من يؤمن اننا فعالون..من يؤمن اننا يمكن ان نحب الوطن على طريقة احمد فؤاد نجم وليس على طريقة شعبان عبد الرحيم..
يكفى اننا نجد فى شخصك من يعرف ان المريض النفسى ليس مجنونا..وللاقدار فانت ايضا - يا سبحان الله - تستطيع التفريق بين العصاب والذهان..
يكفى انك تعتقد ان الافلام الاجنبية المليئة بالجثث والعيون المقلوعة هى افلام خايبة..
انت ايضا اول من اراه يعتقد ان لفظة محترم تعبر عن العظمة وليست عن التأدب بالضرورة..
أنت فقط من بين القلائل الذين يعيدون للقراء امكانية استخدام العقل واوبشنات التحليل الموضوعى للمخ.
أعرف انك لن تمر من هنا..ولكن لك الحق ان تعرف انى احبك..انت بالنسبة لى رمز كالعدل والخير والجمال..
اعرف انك لن تقرأ ولكن حق لى ان اقول انك علمتنى الكثير جدا..لن احاول ان احصى لكن يكفى ان اقول انك اشتركت فى تكوين شخصيتى بجزء اساسى وكبير جدا..
دكتور احمد..لن استطيع ان اهديك باقة ورد فى يوم ميلادك..ليس لانك بعيد..ولكن اين تلك الباقة التى سوف تحتمل كل الزهور التى اود ان اهديها لك..
دكتور احمد..احقد على كل من هم قريبين من مجالك المغناطيسى ..ولكنى اطمئن ان هناك من يستمتع بقربه منك ..
دكتور احمد..انت مثلى الاعلى..واستاذى..وابى الروحى.
دكتور احمد..انت اعطيتنى اكثر مما يمكن ان تتخيل..حقا وليس معنويا.
دكتور أحمد خالد توفيق أنا بحبك والله....

هناك 28 تعليقًا:

A.SAMIR يقول...

يكفي ان تقرأ رائعة يوتوبيا لكي تدرك قيمة دكتور احمد خالد توفيق
رواية اتمنى الا تتحول الى واقع و الا فعلى بلدنا مصر السلام
كل عام و هو بخير

صوت من مصر يقول...

يا نوجا يا بخت الدكتور احمد خالد توفيك بالى انكتب عنه
كل سنه وهو طيب
بجد انتى رائعه
عيد ميلادى فاضل عليه 6 شهور

dr.lecter يقول...

احمد خالد توفيق
لولاك بجد مكانتش وصلت لللي انا فيه ولا شوفت الدنيا ولا فهمت زي مانت عملتنا

دكتور احمد يمكن معرفتش اقابلك غير مره واحده بس لغايه دلوقتي

لكمني بحلم بيوم تاني اقابلكم فيه واقعد معاك اكتر من المره اللي فاتت

دكتور احمد شكرا ليك علي كل حاجه حلوه خدتها منك واستفدت منها بفضلك

ربنا مياحرمناش ممنك بجد

نعكشة يقول...

رغم اني مقريتش تقريبا حاجة ليه او قريت ليه و مستكنيفتش يعني و محستش بهذا الشعور اللي بتقولي عليه
إلا إن مجرد اني اشوف حد بيحب حد لكتاباته و افكاره بيه نفسه و مخليه كمان الاب الروحي ليه
دة شعور بيمدني انا نفسي بحاجة كدة مش عارفة اية هيا

كل سنة و هوه بخير و دايماً يكتب و يبقى في تقدم عشان دايماً يظل في هذه المكانه في عينيكي


مش هوه دةمش بالظبط اللي في دماغي بس مش جايب معايا غير كدة

يا رب دايماً تبقى بخير و مبسوط

سلام عليكِ

adel يقول...

هو فعلا يستحق كل تقدير سواء هو او نبيل فاروق

الاتنين صنعوا جيل بحاله ....
و احمد خالد توفيق عبقري ظلم كثيرا بوجوده في مصر

بس لو علي الورد انا موافق نبعنيلي انا الورد بداله :):)
مع اني عارف ن مفيش بوكية ورد برضه يكفي اللي انا استحقة :):)

هههههه

غير معرف يقول...

أنا كمان بحبه جدا .. بس عمر ماحد هيقدر يحبه قدك .. لإن مشاعرك قوية و فياضة جدا و ظاهره بين كل حرفين في الموضوع ده .. انت فعلا فاشله في إخفاء مشاعرك .. ( يابخت الدكتور أحمد خالد توفيق بحبك ليه ) .
رجل يستحق فعلا كل كلمة في هذا الموضوع .

محمـــود حجــاب

أسماء علي يقول...

أحمد خالد توفيق
يااه ابتديت معاه من طفولتي
و كملت
ماعمري مليت
و كتير اتعلمت منه
..
أول مرة شفته كنت مش عارفة اتكلم كلمتين على بعض
احساس اللي أول مرة يشوف أبوه الروحي بعد طول سنين

بجد

يستحق بوست و يستحق ألف تهنئة بعيد مولده

مواطن مصري يقول...

يكفي هو الوحيد الي خلاني احب لاقرائة و عامل من الي شجعني في الكتابة عبر قصصة


كل سنة و انت طيب يا دكتور رفعت كل سنة و انت طيب يا دكتور لوسفير

مواطن مصري يقول...

روائع احمد خالد توفيق يوتوبيا رائعة احمد خالد توفيق

ما وراء الطبيعة

اسطورة الحلقات المنسية
بعد منتصف الليل الجاثوم

جانب النجوم

الشاحبين

حلقة الرعب

اسطورة ارض الظلام سالم و سلمى

و جميع اعداد ما وراء الطبيعة

عن دما تقرأ قصصة يسحرك بعالمة الخاص فتنسى الوقت عندما تقرأ قصصة و تعيش في عالمة من اول صفحة الي اخر صفحة

عمرو يقول...

أعتقد أحمد خالد لو قرا ممكن يتغر في نفسه.
إيه يا بنتي حيلك حيلك. فيه برضه كتاب ومبدعين كبار صغيرين.. بس انتي مش واخدة بالك
شوية جد بقى
كلامك صح. رغم إن كتير من المتخلفين في هذا البلد يمحو عن الرجل صفة الأدب من الأساس. هم حمقى والله يا إنجي
:)

مجرد مدونة يقول...

أنا قرأت للدكتور أحمد حاجات بسيطة جدا بس حسيت ان دماغه عالية فعلا
من أكتر الحاجات اللى عجبتنى فيه المصداقية اللى بيديها لقصص انت نفسك كنت فاكر انها أساطير

حكاية لا تنتهي يقول...

كل عام وهو بالف خير صحيح انني من هؤلاء المحظوظين الذين اختصوا برؤيته كثيرا ولكني ساظل اري ان ذلك ليس بما فيه الكفايه

احيانا تتغير المبادئ وتختلف فليس من العيب ان تحب مصر علي اي مذهب ولكن الخطا الا تحبها وتتبرا منها
اعرف ان اراي في الموضوع السابق قالت بوضوح انا حكومي
ولكني قبل كل شئ مصري وافخر احب مصر علي اي طريقه واطمح لها بالتغير الذي نتمناه جميعا مع اختلاف الوسيله

اطال الله في عمره وكل عام وهو بخير وصحه وكل عام وهو يصنع جيل جديد ومختلف

Mariam يقول...

يعنى انا الصراحة مقريتلوش حاجة بس انا اخواتى مدمنين ما وراء الطبيعة و ملف المستقبل و رجل المستحيل لنبيل فاروق..اكيد هما عرفينه عنى..
بس يكفى كلامك عنه كده يبين اد ايه هو رجل محترم و يخلى عندى فضول انى انضم للنادى و اتعرف عليه اكتر..
ويعنى يا سيدتى بتحبيه اد كده و كل سنة و انت طيب ومش كل سنة و انت طيب..طاب فين التورتة
: )

موناليزا يقول...

وانا ايضا ارسل له باقة معطرة فهو ممن اعشق قلمهم

يوسفيات..محمد يوسف يقول...

بحبك يادكتور أحمد

أغيظك يازميلتي
؟؟؟؟؟

أنا قابلته وسلمت عليه

ومضالي على يوتوبيا كمان

كل سنة وانتا طيب يادكتور

وربنا يرزقنا عقلك وحكمتك

عمرو وجيه يقول...

كل سنة و هو طيب يارب

بجد بحبله يوتوبيا جدا


جزيتي خيرا علي هذا التذكير

yoyo يقول...

انا اول مرة اجى عندك
و بصراحة السبب حبى واحترامى الشديد لــ
د/ أحمد خالد توفيق
مهما كتبنا او حتى قولنا مش هنوفى الراجل دا حقه
انا اتعلمت منه كتير والله مازالت لسه بتعلم منه
لحد دلوقتى محتفظة بكل اعداد ماوراء الطبيعة
وكمان تحفته يوتوبيا
و الله حتى مقالته فى المجالات و الجرائد فيها فكر وعمق كبير اوى

كل سنة وهو طيب
ويارب فى تالق
انا بجد و الله بحسد اخويا لانه بيشوفه وبتكلم معاه بحكم دراسته و كمان بيشكر جدا فى اخلاقه العالية و تعامله مع الطلبة

انا سعيدة جدا بمرورى على مدونتك وان شاء الله مش هيكون الاخير
تقبلى مرورى وتقديرى
تحياتى
يويو

د. ياسر عمر عبد الفتاح يقول...

هذا الرجل
أنا كمان بحبه

إبـراهيم ... معـايــا يقول...

عزيزتي هذه أول إطلالة لي على مدونتك، ومع احترامي الكامل وتقديري للدكتور أحمد خالد، إلا أن ألفاظًا مثل: أروع، وأصدق، وأسرع، وأجمل ....
وغيرها من صفات المبالغة القاطعة والتعميمية كثيرًا ما تضر بصاحبها أصلاً :) ....
تحياتي لكِ ولحبك لهذا الرجل، فهو يستحق

نعكشة يقول...

عملتي اية؟؟؟؟؟

يا رب يكون كويس

Mo7ammed يقول...

فعلا
بجد الراجل ده شئ نادر
وكفاية رواية يوتوبيا الأخيرة
رواية عالمية بجد
المفروض تتعمل فيلم ويتاخد اوسكار احسن قصة
كل سنة وهو طيب
اعتقد هوه كده 47 او 48 سنة

Zika يقول...

انا الراجل ده بقيت اخده حقن
احمد خالد توفيق هو مرضي الوحيد اللي مش عايز اتعالج منه

enjy يقول...

نعكشة:خلصت امتحانات...اخر امتحان كان بشع...يللا الحمد لله ربنا يستر بس مفتكرش المادة دى هجيب فيها تقدير..بجد الامتحان كان بشع من كتر الاعتراض فى اللجان بعتوا جابوا الدكتور من بيته عشان يفك طلاسم الورقة...ولما جه كان فات ساعة الا ربع والامتحان ساعتين اصلا..يللا الحمد لله

شكرا على اهتمامك وسؤالك والله

micheal يقول...

شباب كتير أوي بيحبه وبيحترمه
كل سنة وأنت طيب يا دكتور
تحياتي

hager za3bal يقول...

يااااااااااااه

دانا شكلي فايتني كتير اوي :(

انا همشي من هنا وهروح ادور علي اي حاجه اقراها لاحمد خالد توفيق..:)

micheal يقول...

الألبون نزل وفي إنتظارك يا إنجي
:)

z!zOoOo يقول...

السلام عليكم

اسئل الله ان تكوني في افضل حال

بجد مش عارف اكتب ايه عشاناعبر عن حبي وتقديري للدكتور احمد

يا ما نفسي بجد يشوف راي كل الجماهير في كل مكان ده كفايه هنا ويعرف إنه أكبر قطره دم تسري في شراييننا

بجد ما شاء الله ربنا يحبب فيه خلقه كمان وكمان

اصل ده شيء نادر إن يجتمع اغلب الشعب المصري علي شخص واحد ما شاء الله


كل سنه وانت بألف خير يا دكتور
ربنا يباركلك ويوفقك ويزيدك حبا

ربنا يوفقك ويكرمك في امتحاناتك

وفقنا الله وإياكم لما يحبه ويرضاه

شكرا علي اللفته الرقيقه ديه

تحياتي

سقراط يقول...

رغم انى عارف ان رأيي هايسبب لى شيء من الاذي
وعارف كمان ان الموضوع مش هايقتصر على الهجوم
لكن ده فى تهديدات من قبل احد المعلقين بوصفي بالتخلف والحمق
لكن هاقوله وأمري لله
أولا انا ما سمعتش الاسم ده ((د.أحد خالد توفيق)) الا قريب جدا من يجي سنة
لكن اقترن ذكر اسمه بنفس الدرجة دى من الاعجاب اللى اتكلمت بيها انجي وكل اللى علقوا
ثانيا انا ما قريتش ليه غير ((يوتوبيا))
اللى علق عليه احد الزملا وقال انها تكفي لادراك قيمة الرجل
ثالثا بقي رأيي اللى عارف انه هايجيب لي الشتيمة
انا لم اجد اى شكل من اشكال الروعة او الابداع فى الرواية
_ان صح وصفها بـ "الرواية"_
مزيج من المبالغة والسطحية
فضلا على طغيان اللون الاسود على جوها العام
د.أحمد خالد توفيق فى "يوتوبيا" خرج بره الواقع علشان يرسم صورة للمستقبل
اغفل فيها كتير من عناصر الحاضر وبالذات الايجابية
وقام بتهميش البعض الاخر
كان واضح جدا ان الغرض الاول للرواية هو التحذير من استمرار الوضع الحالي
من غير ما يقدم اى حلول
او يشير لاى آليات للبحث عن حلول
مع كامل احترامي لكل محبي هذا الرجل
انا مالقيتش فى الرواية غير دعوة صريحة للتشاؤم واليأس
انا عارف ان رأيي هايمثل صدمة للكثيرين
واولهم انجي
لكن ده رأيي
ومن حقي انى اعبر عنه
وبعيدا عن رد الفعل
باشكركم على سعة صدركم