الجمعة، 9 أكتوبر 2009

عن زاهية و سامح والفروق الفضائية



حسنا يا رفاق..تأخرت كثيرا فى الكتابة عن الحدث..ولكن لى أسبابى التى قد تبدو مقنعة وقد لا تبدو ..

قبلت فى منحة ال F.G.F. او المنحة المقدمة من جمعية جيل المستقبل لدعم الخريجين الجدد وتأهيلهم لخوض الحياة العملية بمؤهلات تناسب سوق العمل الحالى..

اولا ملأت استمارة تقدم بها الكثير من الاسئلة الغريبة التى لا تطرح فى مجتمعاتنا..ما هو حلمك بعد خمسة سنوات..كيف ترى نفسك مستقبلا..اكثر صفة تؤهلك كى تكون قائد..انجازاتك خارج مجال كليتك..اين عملت فى جماعة من قبل..ماذا يميزك عن باقى الخريجين كى تحصل على تلك المنحة..اسئلة اجاباتها ليست اسطمبات محفوظة وتحتاج مرونة عقلية كى تقنع من يمسك باستمارتك لضمك لصفوف المقبولين لدخول الامتحان..

بعد قبوا استمارة التقدم دخلت الامتحان الذى يحدد مستواى فى اللغة الانجليزية..بعد اجتياز الامتحان يجب ان تجتاز المقابلة الشخصية التى تحدد ما اذا كنت منضما الى المنحة ام لا..

حسنا..هناك بعض المغامرات التى لا يجوز ان افوتها انا بصفتى انجى ابراهيم فيجب ان اضع لمساتى الخاصة..فمثلا يوم الامتحان بعد ان انهيت امتحانى واثناء انتظارى فى الخارج كى اعرف موعد المقابلة حان امتحان المجموعة الثانية وبكل بساطة وتلقائية دخلت واخذت ورقة answer sheet وكتبت بياناتى مرة اخرى ثم فى النهاية عندما احسست ان كل ما يحدث يمت الى ظاهرة شوهدdeja vu من قبل فطنت الى الحقيقة المرعبة..انا اجتاز نفس الاختبار للمرة الثانية..بالطبع هناك الكثير من ضربات القلب الزائدة والتهريج كى احافظ على ماء وجهى..
ايضا يوم المقابلة الشخصية..كل ما اردت فعله هو ان اشرب..ثم بمصادفة عجيبة وجدت ان التونيك الذى ارتديه ادكن لونا من المعتاد نتيجة تسرب المياه من الكوب..وكان على ان احضر المقابلة بذلك المنظر المخزى..دعك اصلا من مغامرات التعامل مع الكوب بعد اكتشاف التسرب وكالعادة العديد من الضربات الزائدة و التهريج كى اتعايش..

المهم اننى قبلت فى المقابلة الشخصية وتكلمت – زى الناس الكبار – وبدأت كورسات المنحة..كورس لغة انجليزية تابع لمركز amedist يتضمن كورسات مكثفة ادارة اعمال ومهارات تواصل وتنمية بشرية..كورس كمبيوترتابع لمركز new horizons يتضمن تدريب ال I.C.D.L. ..ثم كورس مكثف فى الsoft skills..كل هذا جميل ومبهر لكن القادم هو ما اريد ان اتكلم عنه..

مدربة كورس اللغة الانجليزية ..زاهية.. شخصية مبهرة..خريجة الجامعة الامريكية وحاصلة على ماجيستير طرق تدريس من الجامعة الامريكية..تعرف كيف تبدع..حرة بالمعنى الحرفى للكلمة.. تبدأ المحاضرة كى نبدأ المرح..تعرف كيف تشد انتباهك حتى آخر جملة..مؤمنة بقدرتها على تغيير واقع تعس..تعمل من داخل قلبها..مرحة و واثقة ومتعلمة ومعاها شهادات..

مدرب الكمبيوتر..مستر سامح..شخص مجتهد جدا وطيب وصبور ومحترم..يختلف عن زاهية كثيرا..فهو من طبقة اجتماعية متوسطة من الذين انفق عليهم اهلهم الكثير حتى يكونوا محترمين اجتماعيا..يعترف مستر سامح بذلك ويردد انه لم يكن يملك جهاز كمبيوتر عندما كان مراهق ولكنه تعلم وصبر حتى وصل الى احد اكبر المراكز فى الشرق الاوسط..ايضا يختلف عن زاهية كثيرا فى كونه غير مبهر..بصراحة شديدة هو غير مبهر ولا يشد انتباهك الى آخر لحظة..فقط هو يملك المعلومات ولكنه لم يتعلم كيف يجعلها لعبة للتسلية..مجتهد جدا اعترف ولكنه لم يتعلم ذلك للاسف..

الفرق بيننا جميعا متضمنين مستر سامح وبين زاهية..فرق شاسع حقا..لست ممن ينبهرون بالمظاهر ويروا ان الجامعة الامريكية وميس ليبرتى هما احلى اختراع بعد المارون جلاسيه..ولكنى ايضا واقعية جدا..انا لم اتعلم فى سنين دراستى الطويلة جدا مهارات التواصل مع المجتمع..لم احصل على فرصة عادلة كى اتيح لقدراتى التصرف فى مصيرى..ثم تأتى زاهية كالكائنات الفضائية لتعرفنى ان هناك عالم يختلف عن عالم دكتور فلان الذى يتحرش بالفتيات و دكتورة فلانة التى اجبرتنى ان اتشاجر معها لطول لسانها الغير مبرر..

ظللت اتعلم فى كنف الحكومة ما يقرب من خمسة عشر عاما ولم اعمل ابدا فى فريق كالذى اعمل فيه فى الكورس..لم اقم بعمل مشروع تخرج وافكر وابحث عن افكار مبهرة..لم اقم يوما بعمل presentation الا فى كورسات معهد اللغات التى كنت ادرس فيها على نفقتى الخاصة..

بالمناسبة..فى كل مرة تطلب منا زاهية فيها ان نقدم presentation نفكر وفريقى فى اكثر الافكار ابداعا..نتناقش..ثم اخرج بفكرة مبهرة..نطورها معا كى يخرج مشروعنا افضل..كلنا نملك الامكانيات ولكننا لم نتعلم استغلالها..

فقط سوف اعيش اربعة شهر اتعلم حقا..ضاع من عمرى خمسة عشر عاما اتنقل بين ميس سعاد النازية المخبولة..ثم ميس هالة الفلاحة الطيبة..ثم ميس مرفت ذات الشخصية الضعيفة التى تبكى من افعال البنات بها..ثم دكتور عادل المتحرش الاعظم..ودكتورة عفاف الهستيرية..لم احظ بفرصة التعامل الآدمى كثيرا..صحيح كان هناك ميس نجوى ثم مستر رأفت ثم دكتور مدحت ابو زيد..ولكنهم بالنسبة لنا كائنات فضائية تعاملنا بالحسنى لانهم لا يعرفون قوانين كوكب الارض الصارمة..بالمناسبة انا مازلت مجبرة على التعامل مع نماذج مشوهة لاننى طالبة دراسات عليا ولكن وجود دكتور مدحت فى القسم يهون الكثير..اكرمه الله..

حسنا..ليس هناك داعى لتذوق المرارة الآن..انا استمتع بوقتى والحمد لله وسوف استمتع به الى ان تنقضى مدة الاربعة اشهر..خاصة يا رفاق واننى كنت سأحرم منه بطريقة غاية فى الشاعرية..فقد نجوت الاسبوع الفائت من حادث لطيف لم يتسبب الا فى خلع كتفى من مكانه والتسبب بآلام لذيذة بطول ذراعى الايمن..وهذا هو ما منعنى عن مدونتى حبيبتشى كل ذلك الوقت..فكى تكتب يجب ان يتوفر فيك شرط فى منتهى البساطة..هو ان يكون لديك ذراع يعمل بكفاءة..



...............انجى ابراهيم...........

هناك 21 تعليقًا:

شاب فقرى يقول...

شدى حيلك فى الكورس

استفيدى بكل كلمة

حاولى الاستفادة بنسبة 30000%

هتكونى احسن من وضعك الحالى بكتير مهما كان وضعك الحالى

تحياتى عالبوست ومشاركتنا التجربة

شاب فقرى

Unknown يقول...

الف سلامة عليكِ
من خلع كتفك.
سلامتـــــك

Unknown يقول...

حظيت بنت اختى
بفرصة فى الكورس
دهـ من كذا سنة
وكانت تشكر فيه
بنفس الحماس اللى
بتشكرى انتِ فيه
بمعنى ان العاملين
على المشروع وإن
تبدلوا لكن المنهج
والوهج وروح الموضوع
مازال كما هو.فعلاً العمل
بروح الفريق شىء جميل لم نتعلمه
وللاسف فى مدارسنا أو جامعاتنا:(

adel يقول...

ردي هاقولهولك بكرة :):)


انا جاي اسكنكرية يا انوج
عاوز واجب اسكنكراني

Unknown يقول...

ربنا يوفقك ويحققلك احلامك
تقبلي مروري المتواضع

Mano يقول...

يارب التوفيق ديما

VÖltaa يقول...

جميل جميل

ربنا يصلح احوالك ياستى

الا هى المنحة دى ممكن تستنى على مااتخرج كمان 4 سنين

؟

ههههههه

مسدس صغير يقول...

جميل اوى انك نجحتى وقبلتى فى الكورس
ويارب تكونى من جيل المستقبل اللى بنستناه
وان شاء الله تكونى احسن من سامح وزاهية كمان
هههههههه
ربنا يكرمك

KEBLAWYAT يقول...

بالتوفيق ان شاء الله

صبرني يارب يقول...

تمااااااام

الله يصلح حالك يارب

وربنا يوفقك

والف الف سلامه عليكى يا جميل

وما تبقيش تفكري فى حال التعليم كتير عندنا عشان ما تتعبيش نفسيا

dr.lecter يقول...

التعليم الحوكمي فاشل مئه بالمئه

انا عارف انت قصدك ايه بالظبط والجو اللي انت هتعيشيه هيخليك فعلا تكتشفي نفسك من اول وجديد مع الناس دي وهتعرفي ان جواكي قدرات ماحدش عرف يطلعها قبل كده

ربنا يوفقك ان شالله وانت كدهحطبتي رجلك علي اول الطريق الصح

أحمد الشمسي يقول...

قلبتي علينا المواجع يا شيخة، الموضوع كان ماشي كويس لحد ما بدأتي تقارني بين الكورس وبين "كنف الحكومة" :)

وفعلا كل الناس اللي اعرفها وقبلت في هذا الكوررس بتشكر فيه قوي.

أنا أحيانا بقول ان المشكلة هي هراء مجانية التعليم اللي احنا وصلنا انه لا بقى مجاني ولا بقى تعليم، الجامعة الأمريكية بتشتغل بفلسفة مختلفة وعشان كده بتخرج ناس مختلفة.

Foxology يقول...

فعلا احنا زى زاهية وسامح وعلى الأصح بين الأتنين :)

ربنا يوفقك وتقبلى تحياتى :)

الفراغ يقول...

خلتينى انبهر بالجامعه الامريكيه واحلم بانى ادرس فيها
بس دا طبعا حلم
ههههههههههههههههههههههههههه
ال بعد ماشاب ودوه الجامعه الامريكيه

ربنا يوفقك
وتعرفى تفيدينا واحنا هنا معاكى على صفحات مدونتك العزيزه
بجد بحبك
وبتوحشينى
معرفش ازاى اى كلمه بتكتبيها بتدخل قلبى
ونفسى بجد بجد اخدك فى حضنى
شعور غريب يتملكنى بانك حبيبتى
ربنا يسعدك
والف سلامه ليكى
وان شاله عمود النور المطفى اللى جنب كشك عم عبده
تحياتى وحبى

نعكشة يقول...

شفاكِ الله و عافاكِ

ربنا يا رب يباركلك
و ييسرلك المنحة على خير
و يوفقك فى الماستر

مفيش وشوش مبتسمة المرة دى

بجد

قلب مبسوط

ربنا يبارككلك يا انجى و يعز بيكي الاسلام و المسلمين
و يستخدمك
و تستفيدي لآخر قطرة من كل ما تتعلمية
آمين

و يجعلك سبب انك تعلمي حد غيرك و تحببيه فىا لعلم
..........
بالنسبة للأسئلة اللى فى الاول

اعتقد كدة انى مش هقبل فى الابليكيشن بجدارة
هههههههههههه يلا خير

اما ابقى اخلص من اللى انا فيه اصلا

....

يسعد ايامك يا انجى

على الرغم انى كنت بقرأ ببلاهة
و بعلق وانا مش قادرة فى الاول

بس اكتشتفت انى لقيت حاجة حلوة تفرح يومى

تسلملي مدونتك
ويسلم قلمك
و شفا الله يدك
و عافاكِ


يلا سلام عليكِ

علياء يقول...

ربنا يوفقك يا إنجي يا رب..
وألف سلامة عليكي والحمد لله انك بقيتي أحسن :)
شدي حيلك وربنا معاكي يا رب..
وان احتاجتي أي حاجة في الانجليش,, احنا ف الخدمة برضه :) ؛)

mina يقول...

فى البداية اهنيكى على اسلوبك الرائع اللى شدنى من اول كلمة لاخر كلمة ... مصدقك و حاسس بيكى فى كل كلمة لأنى مجرب التعليم فى الجامعات المصرية و التعليم فى الجامعة الامريكية .. فى الجامعة الامريكية فى ناس متعلمة و عارفة ازاى توصلك المعلومة صح ... مش معندهومش اصلا اى معلومة و داخل يتنطط عليكى بلقب دكتور .

Eslam Eldosoky يقول...

حمداً لله على سلامتك

adel يقول...

ممممممم

والله ..... لما شوفتك قوي :):)
الواحد بيبقي فاكر ...ويطلع ....
ههههههههههههه

ااقولك مش هاقولك حاجة دلوقتي برضه :):)

ponpona يقول...

والله يا انجي انتي نكته :)

زاهيه وسامح والكائنات الفضائيه ... وكمان آلام لذيذة بطول ذراعك الايمن..

العنوان حلو أوي خلاني أقول هي راحت كورس ولا راحت الملاهي

وبعدين يا حبيبتي مل تحاوليش تقارني بين أي حاجه تبعة الحكومه وأي حاجه تبعة أي حته محترمه

وبعدين هو فين التعليم اللي بنتعلمه ده ... هه؟ هو فين بس ؟ حد يشاورلي عليه؟

احنا السنه اللي فاتت رئيس قسم التشريح كان مقتنع ذاتيا بان الطلبه مش لازم أبدا يتعلمو علي جثث آه والله .. بيقولنا ان دا هو التطور الطبيعي للتعليم
قوليلي انتي بقي تعليم ايه لما المفروض تبقي دكتور محترم وانتي عمرك ما شوفتي الأورجانز أصلا ولا شوفتي تشريح بعنيكي ؟!!!!
عادييييي يعني ... قال تطور تعليم قال .. هأو

معلش يا انجي هاتأخر ف الردود .. الدراسه بدأت وسحبت وقت كتييييير

ياللا سلام

وسلامتك ألف سلامه ان شالله د . عادل .. ولا يهمك
:)

عاشقه الرومانسيه يقول...

انبسطت قوى بلقائنا امبارح ياانجى
انتى انسانه جميله بجد
ربنا يكرمك


دودو