الاثنين، 12 أكتوبر 2009

عرض لا يحتمل رفضا



نفس الطاولة..تختارها تقريبا كى تعذب نفسها المنهكة أصلا..يوافق هو على المكان المعتاد..طاولة مستديرة صغيرة تلتصق بالنافذة الزجاجية وتقع بين سلم المقهى وحائط يفصلها عن باقى المساحة التى تحتلها طاولات مشابهة..يجلس هو دائما ملاصقا للحائط وتجلس هى مولية ظهرها للسلم..تلتفت كثيرا كى تنظر عبر فتحات حاجز السلم نحو اللاشىء..فقط كى تهرب من وجهه..تقلب ما فى قدحها كثيرا جدا حتى يبرد..ترفعه نحو شفتيها..تنظر بامعان الى الشاى فى القدح كأنها تتعرف عليه للمرة الاولى..تفعل كل هذا فقط كى ترفع عينيها فتجده لازال ينظر اليها..تلك النظرة التى تحيرها و تحبها كثيرا والتى تجبرها فى كل مرة على الابتسام ..

يأتى دوره فى التشاغل فينظر حوله الى اللاشىء ايضا..يتناول سيجارة اخرى..يتلاعب بالقداحة بعض الوقت ثم يقرب يديه المضمومتين الى السيجارة التى يضعها فى فمه..يقطب جبينه ويركز كى يشعلها..تتم المهمة بنجاح ساحق.. يرفع عيناه ثم يركز ثانيتين او اكثر ويخبرها ان ذوقهم فى هذا المقهى جيد جدا..ويهديها اغنية فيروز التى تدور بصوت خفيض..يقرب رأسه منها قليلا ويخبرها ان (خايف اقول اللى فى قلبى ) اهداء خاص لها وحدها..تبتسم عيناه ثم يبدأ فى البحث عن منفضة سجائر..

ينظر كل منهما فى اتجاه ثم كالعادة..تعود الوجوه لتتلاقى..الابتسامات البريئة جدا..المحيرة جدا..ينظر الاثنان خارج النافذة الزجاجية اللامعة الى قطرات المطر التى تغسل الشارع وتجعله اكثر رقيا ونبلا..منظر المطر والشوارع اللامعة الخاوية تقريبا تجعل الكلام يقف على حافة الشفاة يعافر كى يخرج ويستريح..نظرة الى الشارع ثم نظرة الى الداخل الدافىء وشعور الامان الغريب داخل كلا منهما رغم ان كلا منهم بعيد عن بيته..الفة غريبة يمنحك اياها الدفء داخل المقهى مع تأمل المطر والبرد خارجه..شعور غريب ان من يجلس امامك الان هو القطعة الوحيدة التى تصلح للتركيب على puzzle روحك والشعور ان المطر جعل هوائى نفسك مشوش ولا يستطيع التقاط سوى موجة واحدة..موجة شريك الطاولة الذى تعرف يقينا أنه يفكر فيما تفكر فيه الأن..نظرة اخيرة للخارج ثم نظرة للداخل يتبعها تنهيدة ثم الجملة الاثيرة
(هاه...ايه بقى؟؟ )..ثم يبدأ أى حوار فارغ يعرف كلاهما انه ليس ما يريدان قوله..

بعد الكثير من الحوار العقلانى جدا..المثقف جدا..بعد الكثير من المناقشات الحادة او الرقيقة..بعد الكثير من الكلمات التى تحتمل اكثر من تفسير ولا تحتمل الا معنى واحد لا يعرفه كلاهما..يبدآن فى النظر حولهما من جديد..

- شايفة الاتنين اللى هناك دول؟؟
- لا مش شايفاهم..
- لا بجد ..شايفاهم؟؟
- آه ..مالهم؟؟
- تفتكرى بيقولوا ايه؟؟

هى تعرف ما تقوله الفتاة..لا بد انها تقول للفتى الجالس معها انها تتمنى لو اعطاها الفرصة كى تعتنى به..بالتاكيد تقول له انا من سوف تحتمل سخافات البشر وتحملها عنك كى ترميها فى البحر وتعود لك برائحة اليود المنعشة..انا من سوف ترافقك لا كى تتنزه لكن كى تعتنى بك كل صباح..كى تعرف لاول مرة معنى وجبة الافطار التى تظن انها خيال علمى..انا من سوف تتركك تبكى دون ان تبكى جوارك ودون ان تمنعك ايضا من البكاء..لن اطالبك ان تعلمنى بخط سيرك ليس لاننى اثق بك ولكن لسبب آخر غامض..انا من سوف تمنح التدليل غير مشروط ولا تريد فى المقابل سوى تلك الابتسامة العسلية..سوف اتركك تستمع الى من لا احبهم من المطربات وسوف اعجب معك بصوتها العبقرى واضحك منك ومنها وتضحك معى..انا الفتاة الوحيدة التى سوف تهديك قداحة بدلا من ان تسديك تلك النصيحة الابدية ان تمتنع عن التدخين..ايضا انا الفتاة الوحيدة التى لن تمنعك من سب من يسيئون اليك بالفاظ نابية..سوف اثرى قاموسك بكلمات اكثر بذاءة فقط كى نضحك من تدنى لغتنا اليومية..صدقنى انا الفتاة الوحيدة التى ستقبل ان تقابلك صدفة ولن تطالبك ان تشحن يومك كى تقابلها خصيصا..
انا فقط من سوف تحمل عنك عبء المجاملات اليومية وتجمل صورتك وتقنع الاخرين كم انك رائع ولكنك فقط لا تملك الوقت للعناية بتفاهاتهم..صدقنى انا الوحيدة التى لن تحاول تغييرك لانها احبتك كما أنت..لن تجد فتاة تقوم بدور حبيبة الفتى العنكبوت وتتركه كى يعنى بالعالم وينقذ الفتيات الصغيرات والقطط بدلا من ان يحتفل معها بعيد ميلادها..ثق ان تلك تقريبا هى الفرصة الوحيدة للحصول على دور البطولة فى فيلم يجمع البطل فيه بين ما يحظى به romeo فى الجزء اللطيف من القصة وبين spider man فى الجزء الاول من الفيلم..

- ها...تفتكرى بيقولوا ايه؟؟؟
- اكيد بتحاول تقنعه ينطق قبل ما تفقد الامل...وقبل ما ينسى انه بيحبها..



.........انجى ابراهيم............

هناك 42 تعليقًا:

مواطن مصرى نايم يقول...

حلوة القفله
بس ده تمنى البطلة صح ؟
يعنى هى عاوزة تسمع منه انه بيحبها
عجبتنى طريقة السرد للاحداث
و القصه جميلة
بس لو قال لها بحبك النهاية بينهم هتقرب اكتر

ريم وجيه يقول...

حالة ازبهلال شديد
باذن الله اول ما افوق هارجع احط تعليق غير مزبهل

نعكشة يقول...

حلوة قوي

بصى فيه جمل معينة عجبتني جداً
و قشعرتني
و فيه جمل حسيتها قوي
وفيه
بصي هبقى آجى بكرة بعد الامتحان

سيبك من التعليق دة اكني مقولتوش

بس مقدرتش امسك نفسى مقراش قبل ما اقوم ازاكر

سلام عليكِ

Unknown يقول...

اكثر ما لفت انتباهي هو تجسيدك لتلك الاحداث وكأنني واقع اشاهدة
بجد انا عشت الدور جيداً
وكان رائع
سعيد جداً بزيارتي
اتمنالك التوفيق

VÖltaa يقول...

"من يجلس امامك الان هو القطعة الوحيدة التى تصلح للتركيب على puzzle روحك والشعور ان المطر جعل هوائى نفسك مشوش ولا يستطيع التقاط سوى موجة واحدة..موجة شريك الطاولة"

فنانة

مش هعلق بكلمة زيادة

adel يقول...

ايه ده ؟؟؟؟

انجي بجد مصدوم

وربنا مابهزر

يخربيت جمال ام دي قصة

لا تعليق

وربنا تاني مرة ولا بجامل ولابهزر

really more than gr8

yasmina يقول...

هاااااااى
بجد البوست جمييييييييل اوى
وبجد بتقدمى الاحداث والحكاية بطريقة حقيقى اكتر من رائعة
حقيقى احيى حضرتك عليه فعلا
سلام
تحياتى

غير معرف يقول...

ايه الجمال ده يا انجى ما شاء الله بجد خليتينى احس ان كلامها ده شال كل العبء من عليا انا..

هتديلو الولاعة بنفسها!!..كدة بضره..ولا ايه ؟يعنى هى اه بتريحوا بس هيمرض بسبب الزفت اللى جوا السيجارة ..ملها الشيشة ريحتها احلى :)..

لأ بجد مش معاها فى كدة ..

بس حلوة اوى بتاعت ال puzzle ده معناها جامد

و النهاية حلوة.. بس عارفة؟!!..انا حساها لسة ليها باقى... حاسة انها خلصت بعد ما وصلنا لل turning point فى القصة ..ولا انتى قاصداها كدة تبقى نهاية مفتوحة..

رغينا فالبوست كتير مش هنسلم ولا ايه؟ ازيك يا انسة:)...

?how are you

سلامتك ..سمعت انك عندك شوية برد ..ازاى صحتك دلوقتى؟؟؟!!
i hope u are better now Inshaa Allah

c est moi ..mariam

كراكيب يقول...

جووووجاااااااااا
انا قارية كدة 3 بوستات تقريبا باين واللا اربعه ورا بعض فايتيني فانا مش عارفة ارد على ايه واللا على ايه
اولا انا كمان عندي زوري وفي واحد بقى مش قاعد بالعرض؟؟؟ تؤتؤتؤتؤ ده نااايم يا امي.. نايم ومبرطع وهيصيف عندي في زوري
ده انا في ايام ماكنتش عارفة ارد على التليفونات علشان ماعنديش صوت
ولما رجع كان شبه الشنيور خالص وارد على التليفون يحسبوني اخويا ومواقف كدة مش لطيفة

ماعلينا بقى يا خالتشي.. اما الكيصة (القصة يعني) دي حيلوة حلااااوة
حححححححححححح

يارب اشحن بكرة بقى علشان اكلمك
يللا قولي يارب

miro el niro kwanirooo

dr.lecter يقول...

ومالها حبيبه سبايدرمان؟ جدعه وبنت بلد قدرت مسئوليات الراجل وقبلت به رغم كل حاجه

لا لا انتي متحامله عليها جدا

Foxology يقول...

جمبلة جدا جدا خصوصا التعبير عن فترة الصمت :)

بس انا ممكن اقول عن الصمت بالنسبة للبطل :

فاذا وقفت أمام حسنك صامتا .:.فالصمت فى حرم الجمال جمال


تحياتى :)

أحمد الشمسي يقول...

القصة حلوة
بس فيه حاجة عايز انبهك ليها. فيه فرق بين القصة اللي تتكتب للمدونة وبين القصة اللي تتكتب لفن القص!

أعتقد انك فاهمة كلامي كويس
دمت بخير

نعكشة يقول...

عدنا

يم يم

انا قولت رأيي صح
مش هفضل اعيد و ازيد و كدة يعني
.............

نظر بامعان الى الشاى فى القدح كأنها تتعرف عليه للمرة الاولى.

بجد
حسستيني بالوقت
حسستيني باللحظة
حسستيني بالحركات

كان فيه حتة مكعبلة كدة مفهمتهاش بس مركزتش يعني
بتاعة الهوائي و قطعة البازل بس مافى مشاكل يعني
............


منظر المطر والشوارع اللامعة الخاوية تقريبا تجعل الكلام يقف على حافة الشفاة يعافر كى يخرج ويستريح

الجملة دية معبرة قوي
...............


- شايفة الاتنين اللى هناك دول؟؟

يخربيت الشلل

هوه انا ليه بحسك بتجيبي الاتنين دايما عندهم نفس المشكلة

الاتنين خايفين يقولوا لبعض
الاتنين بيفترضوا
الاتنين نفس الحاجة
ليش؟

هل دة شئ عادى فى مخي
ولا

سيبك سيبك

الاتنين ارخم من بعض

بس كويس انها نطقت فى الاخر

(بالتاكيد تقول له انا )
من أول هنا لتحت عجباني قوي
مش شرط عاجبانى إنى عاوزة دة
لأ عاجبنى إن حد واخد الواحد بكل حاجة فيه
لو اتغير قشطة
لو متغيرش انا عاوزك كدة و خلاص

تحسيها ممكن فيها لحظة استهتار بيه نفسه او عدم خوف عليه
رغم انها ممكن تكون بتخاف عليه قوي
مش عارفة

لأ حلو هذا النوع يعني

رغما ني معتقدش انى ممكن اكون كدة
هوه انا بدخلني فى الحوار ليه
معلش معلش
تلاكيك
ههههههههههههه
سيبك يا بنتي

عامة

تسلم إيدك

سلام عليكِ

Unknown يقول...

بعد كل دا
لسه محـــتاج
كـــلام!!!!

صبرني يارب يقول...

جااااااامده القافله

بس احب اقولك ان هى لو عملت كده مش هاتبقى هى دي السعاده بالنسباله

مش مطلوب منها تلغي نفسها عشان تسعده بالعكس

لكن على فكره كل الناس متخيله كده حتى الراجل نفسه

متخيل ان ده النموذج الى مافيش زيه

بس لو حول حبيبته لكده او هى كانت كده مش هاتحقق له السعاده ابدا

موضوع كبير عايز قاعده طويله

خلينا فى الى ما بينطقش

انا لو منها ولا اعبر اهله
ههههههههههههههههههه

ريم وجيه يقول...

خرجنا من حالة الازبهلال الحمد لله
والنت رجع بالسلامة ...بس يارب يفضل عاقل كده يومين ويبطل هبل!!
حالة رومانسية رهيبة يا نوجا
الأسلوب اتغير واتطور ..والتعبيرات بقت احسن ...الاحساس عالى جدا
والقفلة مبتكرة جدا
والشخصية فى حد ذاتها ...تركيبتها مميزة جدا
وفى انتظار جديدك يا قمر

Unknown يقول...

معلش يا شوباب اختكوا عيانة جامد والله لحد دلوقتى واخدة سبع حقن وحياة ربنا فتلاقونى بقيت مصفاة اصلا ودراعى شبه دراع المدمنين من كتر الشكشكة..

ممكن ارد على تعليقات بس لازم ارد عليها؟؟ ميرسى كلكوا ذوق والله

نعكشة:هع هع هع انتى مين قالك انهم شبه بعض؟؟؟ ذكية البت دى والله..هما فعلا شبه بعض وعندهم نفس المشاكل والا مكانش بقى دة حالهم طبعا..تعرفى..هما الاتنين خايفين ومترقبين وبالتالى محدش بياخد خطوة وبالتالى الموقف متجمد ويبقى الوضع كما هو عليه لحد ما واحد فيهم يقرر يسيح التلج..هى حاولت بس مينفعش تروح تقوله والنبى بحبك..يللا خير يا ستى اهى قصة يعنى..نيااااهاهاهاااااا

على فكرة انا فاهمة معنى ان اخر برجراف عاجبك ومش لازم تعملى زى البطلة..انا كمان عاجبنى بس مش هعمل زيها..يعنى مش فى كله بصراحة..

يللا خير...افهم من كدة انك جيتى من الامتحان؟؟ طب عملتى ايه؟؟

سلام عليك





احمد الشمسى:انا فهمت قصدك بس القصة لا تنتمى لعالم المذكرات الشخصية..منور بذكاءك المخيف دة..صعب حد يكون فاقس الليلة للدرجة دى..عموما لا تقلق انا افوت فى الحديد............



مريم:سيدة العالم..ايه يا بنيتى انتى بتكلمينى فرنساوى؟؟؟ سى موا؟؟ قال سى موا قال..حكم يا اوختشى..

هتضره بالسجاير اه بس وجهة النظر دى مش اى حد ياخد باله منها..هى حالة معقدة كدة حضرتك هع هع هع...نورتى.........

adel يقول...

انا رديت عليكي عندي ...ممم

ا...
مم...

تعالوا نشوف

ههههههههههههه

عمرو يقول...

تعرفي يا إنجي
فيه حاجة انتي بتعرفي تعمليها.. انك تتكلمي عن بعد آخر للأشياء أو الأفعال لدرجة إني ابتسمت لما البطلة قررت تسيب البطل يولع سجاير ويشتم
حلوة يا إنجي, وأتفق مع الشمسي في اللي انتي فاهماه
:)

نعكشة يقول...

الف سلامة عليكي يا بنتي
ربنا يشفيكي
و يحميكي
و يحفظك
و يباركلك
و يتم شفاكي سريعا ياااااااااااااااااااااااااااااااااااااااااااااااااااااااااااااااااااااااااا رب
بس سؤال رخم
و فضولي
ولو مش عاوزة تجاوبي عليه راحتك

بتاخدي 7 حقن ليه؟؟؟



..............
الامتحان؟؟
عدى و راح

اول مرة ابقى داخلة امتحان واثقة من المادة قوي اخرج منه حاسة إنى مكنتش فاهمة حاجة
ههههههههههههههههههههههههههههههههههههههه

سيبك

عندى بكرة واحد جلدية في المتين
بكرة
إية
النهاردة يعني

صاحية ليه
لأ بعمل سكان للفلاشة عشان امتع عيني بالصور بتاعت الجلدية قبل ما انام

........

الاتنين يجيبو شلل ايوة
بيفكروني بالافلام
افضل قاعدة اقولها
ماتقوليله يا غبية انك بتحبيه
ماتقولها يا عم بقة
خلصنى فى الليلة دية
ههههههههههه
معلش انا تلاقي الفاظى ضربت
و دماغى ساحت
على آخر الليل

ههههههههههههههههههههه

اختى بتقولي
بيمتحنوكوا كل يوم
وهيا باصالى بنظرة بلاهة كدة
فقولتلها آه

قالتلي هوه انتو فى ابتدائى
معرفتش ارد
هوه احنا فى ابتدائى مش كنا بناخد يوم و يوم برضو
يعني كان سبت تلات و خميس
ولا اية؟
مش فاكرة

شششششششششششششش
قومي يا ماما اتفرجي عالسلايدز و نامي

يلا سلام عليكِ

نعكشة يقول...

أنا عديت قولت آجي اسلم

يا رب تكوني بخير

سلام عليكِ

ولاء يقول...

بصى هى القصه حلو وده موقف طبيعى بيتكرر كتير بس تسمحيلى انا مش معجبه بشخصيه بطلة قصتنا دى
لأنها سلبيه بعض الشىء ...تستطيع الانثى بالطبع وبكل جدارة ان لم تتمكلكها الشجاعه لتنطق بكلمة الحب ان تجعل شريكها يتنفس تلك الكلمه وليس مجرد ان ينطقها ...وهذا اولا فقد تركته للروتين الطبيعى..ولم تشعره بحبها الجم هذا لأنه لو شعر به لما تردد ثانيه واحده بأن يأخذها باحضانه
اما ثانيا....ففهمها لمعانى الحب مختلف شيءا ما ليس معنى الحب هو الطاعه العمياء لواقع قد يكون يحتاج لتغير
التى تحب بعنف هى من تقول ...سأجعلك افضل بشرى على وجه الارض ولا تقول سااتى لك بقداحه لتطفىء بها سجائرك
وثالثا...هذا لا يمنعنى من الاشادة بالجو الذى اخترتيه لسرد تلك القصه ..فقد كانت الامطار والشوارع اللامعه ابطال ايضا اضافوا على القصه شعورا اخر
وابراز شخصيه البطله بتلك العيوب فى طريقة حبها يحترم.....لانه لا يمكن ان تكون البطله والبطل اشخاص مثاليين ...والا اذا لما تواجدت القصه
اسفه على التطويل وهبقى سعيده لو قبلتينى ضيفه عندك وتشرفينى

Unknown يقول...

ازى حضرتك يا انجى
سلامة حضرتك
قصة هايلة حضرتك
بس حضرتك مقولتيش هى ليه مش حتسأله
خط سيره فين اعتقد السبب بعيد عن ثقتها بيه
السبب هو انها مشغلة خاصية جى بى اس
عشان تلقطه من اى مكان بالموبايل
ههههههه

و كويس اوووى حكاية الألفاظ النابية
ههههههه

قصة هايلة بجد
و رائعة

بس سؤال هى ليه قاعدة و ظهرها للسلم
افرضى كعبلها و زق الكرسى ووقعها

شرير
:-)

و سلامة حضرتك

KIMOOOZ يقول...

اييييييييه

هو انا اغيب عن المدونه شويه
ارجع الاقى ماسوره تدوينات ضاربه فيها

هبقى اخد لفه و ارجع اعلق
ده لو ماتهتش فى السكه يعنى

نعكشة يقول...

8-)

wish u r ok

عاشقه الرومانسيه يقول...

مش يمكن صمته ده يكون فيه متعه اكتر لهم هما الاتنين
حاله الترقب والانتظار دى بتكون لذيذه جدااااا
لكن تكرار كلمه الحب بتفقدها معناها
الكلمه دى تتحس اكتر ما تتقال
وكفايا انهم هما الاتنين حاسين بيها

أسما يقول...

انجييييي... الف سلامة عليكي يا حبيبتي، ان شا الله الوحشين كلهم يا رب

عاجباني اوي شخصية البكلة بتاعتك، انا طول عمري اقول ان اللي بيحب لازم يدي للي بيحيه مساحة يكون فيها نفسه، بعبله بستايمه بسجايره بكله علي بعضه، مش يفصله علي مزاجه... عجبتني كمان و هي بتقوله انا مستعدة اقابلك صدفة، مش لازم تفضيلي نفسك مخصوص... تعرفي لو كل بنت عملت كدة، حبيبها( ده لو بيفهم و يقدر) هيحب دايما يبقي معاها، ما دام حاسس انه براحته و ان ده مش لزام عليه... تدوين بقي او قص، مش مهم، المعاني اللي انت كاتباها عبقرية و علي رأي عمرو، انت بتجيبي بعد تاني لحاجات بتعدي عاااادي كدة علي كل الناس

بس انا ليا عندك حق عرب، آه... اولا ليه تخلي البطلة تشرب شاي، ليه مش كاكاو باللبن، ها؟ طب انا مش بحب الشاي، اتفاعل ازاي انا مع القصة دلوقتي... ثانيا بقي، اللي احلي من الفرجة عالمطر من ورا الازاز انك تتمشي فيها و تغرقي و تورحي تاخدي برد و انت بتضحكي من الودن للودن و حاسة ان روحك فجأة بقت بطعم النعناع
:)

نعكشة يقول...

سلام عليكم
من غير ازيك و اخبارك و كيف حالك عشان مبحبش التلات اسئلة دول
عامة الحمد لله
بصى
ناخد موضوع موضوع معلش عشان انا لما بتنعكش مبعرفش افكر و بتطلع كلاتاى مبتتفهمش

استريحي طيب من دلوقتي
طب اقولك عشان خاطر مين
عشان خاطر ربنا و الرسول
ان لبدنك عليكِ حق
استريحي بس عشان تخفى اسرع
معلش
ابدأى من انهاردة
عارفة انا كمان لما ببقى تعبانة بحب اعمل فيها عمتي الشجاعة
بس يومين بس اقعدي هادية فى السرير و استريحي و اشربي حاجات دافية
وخدي عسل بلمون

..................

بصى يا انجي عارفة ان الموضوع صعب
وان صعوبته عالواحد بتختلف حسب كل واحد
بس انتي يا جميلة مش هتسيبي الموضوع خالص
انتى عملتي استخارة طيب؟؟؟
طيب حتى لو معملتيش
ادعي ربنا يهون عليكي و يقويكي انك تكملي من اول يناير القادم و متحصلش اى ظروف تعطلك

وبعدين يا بنتى لعله خير
انتى مش عارفة الخير فين
شكلي مقولتلكيش قصة لعله خير
باختصار يعني
كان فيه ملك ووزير يعني
كان الوزير كل ما تحصل اى حاجة يقول لعله خير
المهم ففي مرة و الملك بيحضر لرحلة صيد كان بيظبط الرمح بتاعه بنفسةه فعور صباعة
الوزير بصله و قاله لعله خير
الملك اترفز جدا يعني انا صباعى مقطوع و تقول لعله خير
قاله لعله خير برضو
فالملك قال طييييب خدوه يا حراس و اسجنوه
فلما اتسجن قال برضو لعله خير
الملك اتنرفز يعني و قام طلع الرحلة لوحدة
قامم وهو بيصطاد جماعة من اكلى لحوم البشر قبضوا عليه
وقرروا يقدموه قربان للملك بتاعهم يعني
بس و هما بيجهزه لقوا صباعة مقطوع فقالوا مينفعش القربان يبقى بايظ و قاموا سايبينه
فالملك رحع فرحان و قال للوزير عالبتاع يعني
فالملك سال الوزير قولى بقة الخير
قاله ماهو لو صباعك متقطعش كنت زمانك متاكل
ولو انا متسجنتش فكان زمانى انا متاكل فلعله خير

عارفة انى طولت بس لعله خير
لما تبصي عالفايل قولي لعله خير
واحمدي ربنا

........
شفاه الله و عافاه
ياااااااا رب يديله الصحة و يحيه ان كانت الحياة خير ليه
هدعيله حاضر والله
و هدعيلك

خابكب انتى بس جمب اهلك و هوني عليهم و هوني على جدك

انجي هوني على نفسك
وتوكلي على الله
ربنا مش هيعملك غير اللى فيه الخير ليكوا

الله معكِ

سلام عليكِ

Sumaya Rabie يقول...

يالهوي يالهوي يالهوي
حلوة أوي يا فتاة والله (شفتي فتاة ديه؟) ..
البنت ديه جميلة أوي - بطلة القصة يعني - جميلة بزيادة
هكذا يكون الحب يا جدعاااااان
بتحب كده بطريقة مختلفة حتى عن طريقة المختلفين ..
أي نعم هي طول الوقت بتقول اللي هتديهوله بس ما قالتشي اللي هتاخده بقى .. انما لو هتدي كل ده .. أيا كان اللي هتطلبه، هيبقى هيّن قدامه ..
لم أجد بعد الرجل الذي يمكنه رفض عرض كهذا -لاحظي أنني قلت رجل.. رجل بجد يعني وبحق وحقيق - وأنا لو رجل هذه الفتاة كانت صحيت الصبح لقيت ورقة تحت عتب باب بيتهم مكتوب عليها "تتجوزيني يا مجنونة؟" ..
عارفة؟ أنا حابة الاتنين اللي في القصة دول أوي .. حاباهم بتفاصيلهم على بعضها بحالتهم كده ..
بصي فيه ناس بتشوفيهم بتفتكري "ريحة اليود" اللي انتي لسه قايلة عليها .. مش لازم ريحة اليود بظبط .. انما بيجيلك الإحساس اللي بيوصلك من ريحة اليود ..
**********
شعور غريب ان من يجلس امامك الان هو القطعة الوحيدة التى تصلح للتركيب على puzzle روحك

الجملة ديه حلوة بعبط على فكرة
:D:D
***
بت ... كم أنتِ فتاة جميلة أوي :))))
اسمحيلي من موقعي ده أهديلك صدفة بحر بيضا ملفوفة بشريط ساتان برتقالي .. وبتشتغل على ترددات ودنك انتي بس .. عشان تسمعك أغنية "عارفة" .. لـ علي الحجار

الفراغ يقول...

بتوحشينى يا انجى
وبفرح لما بلاقى بوست جديد
وقصه من قصصك الرائعه
رغم بعض السلبيات فى شخصية البطله
وبعض البزائه فى شخصية البطل
ولكن مايهمنا هنا هو السرد الجميل للقصه
والجو الرائع اللى عايشينه
بجد انتى عامله زى فيلم جمع بين الحبكه الدراميه والموسيقى التصويريه
انتى خلتينى قاعده فى الترابيزه اللى جنبهم
تسلم ايدك

نعكشة يقول...

يا رب تكوني كويسة

انا كنت كاتباها حلوة فى الاول بس قولت يمكن متعرفش انى اقصد بحلوة كويسة

عامة
يا رب تكونى حلوة

آمين

سلام عليكِ

NOGA ALEX يقول...

صدقنى انا الوحيدة التى لن تحاول تغييرك لانها احبتك كما أنت.
يالهوووووووووووي يابنى تسلملنا طنط اللي جابتك ربنا يخليها لنا

راهبـة الوادي يقول...

سلامتك يا نوجا
القصه مش عارفه اقولك عليها ايه
جميله جدا
فكرتني بالقصص العالميه كده
اه والله
تحسيها رحله مش بس قصه

ايه المواهب الجامده دي

سقراط يقول...

السلام عليكم ورحمة الله
العزيزة جدا اوي خالص مالص / انجي
جميلة قوي القصة
الصور جميلة قوي
لكن اكتر من اللازم من وجهة نظري
اعتقد انها كانت ممكن تكون اقصر من كده من غير ما ده يقلل من جمالها
وانا مصمم اقولك اني بكون مبسوط جدا لما بجيلك هنا
دمتي بكل ود

جارة القمر يقول...

انجى وحشانى اوى بجد و الله الف سلامة عليكى و يارب تقومى بالسلامة

حلووووووووووووة اووووووووى بجد انا بقى مش بعرف انقد قصص و الكلام دا بس بجد عجبتنى اوى و السرد فيها يشد الواحد

نعكشة يقول...

just passin by

(a face wid rollin eyes directed upwards )
wish u r ok


salam


( sorry for the multiple comments )

نعكشة يقول...

مينفعش على فكرة حضرتك
وش بقة معمول بطريقة غريبة بلا وصف و عينة متضايقين

اصل المضاد الحيوي لازم يخلص الكورس بتاعة عشان البكتريا تموت

انما فى نص المضاد ممكن الواحد يتحسن بس البكتريا تكون لسة ماماتتش

بالله عليكِ ما تعندي فى صحتك
اعندي فى اى حاجة تانية يا حجة

هوه انا ممكن اطلب طلب على استحياء
ممكن تسألي الدكتور شو العمل؟؟
بليز؟

بليز

........
عاملة اية فى الكورس؟
مواصلات!!
هوه استنجرية برضو المواصلات فيها صعبة؟؟
اصل انا بحس إن استنجرية دي روقان
هههه
ساذجة أنا صح

بقولك يا انجي ممكن طلب اهبل معلش
يعني لو قولتي لأ اتس اوك خالص خالص يعني
ولا اقولك لأ خلاص نعتذر
شوفي
احم
بصي لو مش موافقة براحتك خالص
مش هتضايق والله
يعني احتمال اتضايق معرفش
بس هو براحتك
اكشوالي
والله انا حاسة انى بعاكسك
احم
هقول اهوه
اوك ممكن اتكلم زنجليعي عشان مش عارفة
معلش
actually i just want another way to contact wid u
as u wish ya3ni , just i feel like
i want just to say: hello
i know that means that i would be more responsible or mmmm, like i donno how to say it , but mmmm wateva
look if u don wanna it's ok
i just felt like mm
ممكن؟

عندي شعور بالبلاهة
او الاحراج معرفش

..........

ازي جدو؟؟؟
ي رب يكون بخير
...........

سلام عليكِ

micheal يقول...

البوست ده تفوقتي على نفسك يا إنجي
يعني فيه إهتمام واضح بالتفاصيل سواء الخارجية للمكان أو با المشاعر الداخلية للبطلة
تحياتي

كيكى عوووووو يقول...

ممممممممم
حاسه انى مش طايقة واحدة بجد!!
احساس فظيع من الغيظ احساس لو كان ينفع اطلعوه فى مدونتك كنت طلعتوه بجد
ماعلينا لان فعلا ماعلينا
***********************
مش عارفة ليه حاسه ان بطلة القصة هتفضل تتمنى وتتمنى وفى الاخر هيقولها فرصة سعيدة!!!! وهيسافر!!!

نعكشة يقول...

أما من جديد؟؟؟؟







سلامٌ عليكِ

غروب يقول...

طول عمرك استاذه

وكلامك بيعجبنى

بس الاهم انك وحشتينى جدااااااااااااااا

وقريت بوست نهارك لذيذ عاجبنى كمان جدا

جارة القمر يقول...

انجى انتى فين قلقتينى عليكى اوى بجد

يارب تكونى بخير