الثلاثاء، 16 مارس 2010

تفصيلة ليست بهذه الاهمية


فى ذلك اليوم اخرجت شحنة انفعالية كبيرة حقا..عندما خرجت مع تلك الصديقة الجديدة التى تجهل كل شىء عن عالمها..حتى شكلها لم يكن مألوفا بعد وكانت تلك فرصة جيدة للاستشفاء..

فى ذلك اليوم تكلمت كثيرا واستمعت كثيرا..ضحكت من اعماقها ودمعت عيناها..تكلمت عن كل شىء تقريبا..تكلمت عن الاصدقاء الذين هم ليسوا أصدقاء الى ذلك الحد المزعوم..عن العشاق المزعومين الذين يعتقدون انهم أحلى اختراع بعد المارون جلاسيه مباشرة..عن اخفاقات كثيرة واحلام اكثر..عن تلك القصة التى انتهت وتركت مزيجا من المرارة والابتسامات وندبة فى الروح..

تكلمت كثيرا عن الذكريات ومقاطع من الشعر واغنيات اهدت لها فى زمن بائد..عن شخص ما لم يعد موجودا ولكن حضوره الغائب مؤلم للغاية..تكلمت كثيرا جدا ربما حد التطهر..

عندما عادت بيتها اصرت ان تدون احداث اليوم المجيد فى مذكراتها..كى لا تنسى بهجتها وكى تشكر الصديقة الجديدة على صفحاتها..حقا احبت تلك الفتاة..

امسكت الدفتر والقلم..ركزت ذهنها جيدا كى تستحضر كل التفاصيل..وعندما انتهت من الكتابة نظرت للصفحة وابتسمت..كانت تحتل الصفحة جملة واحدة فقط
(ضحكة صديقتى الجديدة تشبه ضحكته تماما(



......انجى ابراهيم.......

هناك 18 تعليقًا:

إيناس حليم يقول...

ازيك يا أنووج
يارب تكوني بخير
معلش على الغياب الطويل وياريت اشوفك قريب في اطلالة او اي مكان..

بالنسبة للبوست.. عنوانه ونهايته عجبني جدا خصوصا انك حاولتي تخليهم "ليسوا بهذه الأهمية"..

تحياتي

KEBLAWYAT يقول...

اعتقد كل حاجه مع الوقت بتتنسى

سقراط يقول...

العزيزة جدا اوي خالص مالص
انجي
لما ضغطت علي اللينك علشان ادخل اكتب تعليق كنت فاكر اني هايكوني سبق تعليقي ولاول مرة عندك
لكن ماحصلش نصيب
وهنيئا للزميلة ايناس
المهم بقي هاجيب م الاخر
بتعجبني قوي أفكار تدويناتك
دايما بيكون في حاجة غير منتظرة في النهاية
كل مرة بعمل حسابي اني انتظر كل ما لا يمكن انتظاره
لكن انت بتضحكي عليا
انا مازلت عند رأيي
انت عندك كتير قوي
اكتر حتي من اللي انت عارفاه عن نفسك
لكن بحس انك دايما بتستعجلي
وبحس انك كان ممكن تعملي الحاجة احسن
بس لو اديتي نفسك الفرصة
انا حاسس اني رغيت كتير
علي كل حال
دمتي بكل جمال

P A S H A يقول...

بجد أحلى من المارون جلاسيه




:))




تحياتي

adel يقول...

اجمل اختراع بعد المارون جلاسية ؟؟
بس انا اشاسا احلي منه مش بعديه !!!
LOL
اهلا بعودة الانترنت لمواطني الاسكندرية

في الجون كالعادة و لايسعني الا الاعجاب

Hanan Elshafey يقول...

حذاري حذاري حذاري
وانتي عارفه التوست بيهدد بايه\



جامده موووووووووت
وحشتيني قوي

كيكى عوووووو يقول...

ممممممممممممممم
ماشى
عوووو

msafa يقول...

عودا حميد

msafa يقول...

التفاصيل مهمه

dr.lecter يقول...

متعتمديش علي صاحبتك انها تفكرك به

رحلتنا في الحياة يقول...

ازيك ياانجى حمدلله على السلامة
وحشتنا مواضيعك وبوستاتك

مش عارفة انا شايفة انه مهم جدا الانسان يلاقى شخص يتوافق معاه حتى لو مجرد الابتسامة
مش سهل تلاقى فى الوقت ده انسان تكلم وتصارحه بكل حاجة وكانك بتكلم مع نفسك

Foxology يقول...

كل الطرق تؤدى اليه ! ربما هو الهواء ؟ لا احد يدرى الا البطلة :)

تحياتى :)

Lobna Ahmed Nour يقول...

مكثفة جدا .. جميلة

Hanan Elshafey يقول...

الا هو انتي مش جبتي نت
ماتردي عالتعليقات دي يااااااااااااااااحجه

Unknown يقول...

ايناس حليم: عودا حميدا يا بشموهندزة..ان شاء الله نتقابل قريبا.. الحمد لله انها عجبتك وكويس انك اخدتى بالك من العنوان رفعتى معنوياتى والله..........



قبلاوى:اكيد........



سقراط: العزيز جدا اوى خالص سقراط..الكلام دة كتير عليا والله..ممكن اكون استعجلت؟؟ ممكن بس انا مكنتش لاقية سكة تانية للتعبير عن الحالة..متبقاش تغيب عشان بقالك كتير مش بتعلق وانا بستنى تعليقك.........



باشا:ربنا يخليك.........




عادل:دوووووووووووولة..ربنا يخليك يا دولة..انت احلى من المارون جلاسيه والباتيه والساليزون وكفاية كدة بقى عشان نفسى موعت..........




حنان الشافعى: هع هع هع انه من وحى اليوم يا اختاه بس والنعمة انتى ضحكتك رقيقة فمينفعش تبقى شبه ضحكة شخص مذكر..دة اولا..ثانيا لو ضحكته رقيقة زيك يبقى سيس..وانا محبش السيس..دة ثانيا..ثالثا بقى انها قصة خيالية اشاسا.........




كيكى:اتخضيت..........




مسافة:هو انت متراقب وللا ايه؟؟؟ ايه الردود المقتضبة دى؟؟ مينفعنيش الكلام دة مش متعودة على كدة..انا عايزة ردود من بتاعتك اللى المقعرة دى............




د.لكتر:دى قصة خيالية على فكرة..بس والله منور يعنى...........




احاسيس ايوشة:سيبك انتى..تعليقك كان واحشنى موت.........




فوكس:بالظبططططططططط.........




يونيك:شكرا ..اوحشنى تعليقك.........



حنان الشافعى تانى:احلامك اوامر........

ponpona يقول...

طيب رغم ان أنا عارفة انها قصة
زعلت ليه بردو فى الأخر :(

micheal يقول...

أهلا بالعودة الجميلة

أحمد الشمسي يقول...

القصة دي كيفتني يا إنجي
حلوة فعلا