السبت، 27 مارس 2010

دفعت مهرك


دفعت مهرك يا بلد
ولسة برضو مش قريب
وكام ولد بيننا إتولد
و لسة فى عيونك غريب
......................
إمتى هتعترفى بشهامتى
و بوجودى وبكرامتى
إنتى القريبة والحبيبة
ولسة محصلش النصيب
.......................
هلاقيكى إمتى عليا هلا
هتقولى بتحبينى وللا
هتنكرينى للأبد
لحد ما الإحساس يشيب
.......................
مهرك دفعته وما عادش حيلتى
ولسة برضو ما جاتش ليلتى
باتشال قصادك و أتهبد
ولسة ساكتة سكوت عجيب
........................

*دفعت مهرك..على حسين..البوم قلوب الناس
الصورة بقى..بتعبر عن مرحلة ما بعد الاغنية..للاسف

هناك 12 تعليقًا:

KEBLAWYAT يقول...

بالظبط الصوره دى معبره جدا

adel يقول...

ممممممممممممم
طيب
بس ام العروسة مش موافقة
عاوزة تجوزها حد من اللي جايين من الخليج
ومعاه مروحة و شفاط

Unknown يقول...

قبلاوى:معبرة اوى بس اللى يفهم.......


عادل: تؤتؤتؤ يا دوووووولة مش من الخليخ بس ام العروسة هتتحايل على القانون وتجوز بنتها كذا واحد..واحد من الخليج واحد من امريكا واحد من اسرائيل..كدة يعنى هتمشى نفسها متقلقش......للاسف كلامك موجع

NeVeN يقول...

الله على كاتب الاغنية دى

حلوة اوى واختيارك ليها موفقك اوى وخاصة فى ايامنا دى وياريت بلاش نحط فى دماغنا فراق حبيبتنا لانها من غيرنا ميتة
فكفاية على الاقل وجودنا معاهاا حتى لو كانت حية كالميتة

The Confused يقول...

ملعون صوت السكوت
وكمان الساكت ملعون

http://confusion-way.blogspot.com/2008/12/blog-post_31.html


جميله جدا يا انجي ... بس شكلنا هنفضل نتحسر كده على طول !!

dr.lecter يقول...

وانا راح عليا المهر من زمان

عمرو يقول...

مين علي حسين؟

عمرو يقول...

نسيت اقول اختيار موفق
:)

رحلتنا في الحياة يقول...

كلماتها جميلة :)

Foxology يقول...

الأغنية جميلة جدا ومعانيها كبيرة وعلى حسين شكله عاوز يبقى منير الجديد :)

تحياتى

أحمد الشمسي يقول...

طيب انا عايز لنك... عايز لنك ضروري

Hanan Elshafey يقول...

حلو قووووووووووووووي
انتي تدفعي المهر وهي تفشكل الموضوع وعايزه الشبكه كمان مش كفايه الدبله بس لا والشبكه
ههههههههههههههههههههه
جامده قوي بجد ومبروووووووك يا سعادة الموظفه ____________________________
ردا علي البوست السابق
..........
ضحكتي رقيقه! يجبر بخاطرك ربنا يا اختي ده عينيكي هي اللي رقيقه
ده اولا
ثانيا لو حد ضحكته زي ضحكتي لازم يبقي قمر ومز وسكر كمان ويتحب (وش مطلع لسانه)
ثالثا بقي
والنبي ما عارفه اقول ايه هو اصله مش بالسيس ولا بالسوسيس هههههههههههههه
وبعدين جتها نايبه صحبتك والقصه مش جايه تتكتب من وحي ا لخيال العلمي ده الا في مثا هذا اليوم
هههههههههههههههههههه
انا مهيسه تقريبا
اقولك حاجه
............................
فهمتي صح ؟؟؟