الأحد، 8 يونيو، 2008

الخيط الرفيع

تقريبا هناك فيلم عربى يحمل هذا الاسم.. او مسلسل..او رواية..الاكيد اننى سمعته من قبل و لكن لا اتذكر اين تحديدا-المهم-
انا اعرف عن نفسى حقيقة هامة جدا وهى اننى اصل لافكار مقدماتها لا تمت لها بصلة باى حال من الاحوال ولذلك: اغنية عمرو دياب (احبك اكرهك) تتضمن جملة اوصلتنى الى حقيقة غريبة بعض الشىء الجملة هى (بين حبى ليكى وكرهى ليكى خيط رفيع) اغنية عاطفية هى ولكن لا اعرف لماذا وجدتنى اترجم هذه الجملة على حال المصريين الان .
معظمنا اصبح بين حبنا لبلدنا وكرهنا لها خيط رفيع.
اذا كنا نحب هذا البلد فلماذا نحن تاركينه بهذا الشكل لا نحاول الدفاع عنه؟ لاننا ببساطة نكرهه او بمعنى ادق هناك خيط رفيع بين الامرين يجعلنا غير مدركين تماما لحقيقة شعورنا.
نحن نحب البلد اثق فى هذا ولكن هناك داخل كل منا جزء يكرهه ويرى ان كل ما يحدث من مصائب هو العقاب الالهى العادل للاخرين متناسيا انه جزء من الاخرين.
عندنا انتماء ولكن انتمائنا للارض ..للتاريخ .. للجو العام..ولكننا لا ننتمى لبعضنا البعض فكل منا يشعر انه لو حلت كارثة بالشعب المصرى كله وابيد ولم يبق سواه لما شعر بذرة حسرة واحدة على من ضاعوا.
فى نفس الوقت كل منا يعشق جو القهوة البلدى بروادها و ثرثرتهم.
كل منا لا يستطيع مقاومة اغراء الكلام مع شريكه فى مقعد الحافلة.
ازدواجية غريبة تقوى فى نظرى نظرية الخيط الرفيع لذلك اريد ان اضيف باسمى الى مؤلفات علم النفس الاجتماعى مرض ازدواجية الانتماء ولكن للاسف لن استطيع ان ابرهن على كلامى بالطريقة العلمية لاننى لا استطيع ان احصل على مجموعة ضابطة لانه-للاسف- الشعب المصرى كله اصبح مصاب بمرض ازدواجية الانتماء..........

هناك 45 تعليقًا:

ادم المصرى يقول...

والله يا انستى الموضوع مش موضوع مرض ازدواجيه ولكن موضوع كبت ينتج عنه تقبل اى شيئ فى اى ظروف فى اى مكان المهم انو يحسس نفسو انو سعيد البلد مش محتاجه الدفاع عنها لئنى مهما عملنا مفيش فيدا وهوا دا بقه تفكير الشباب كل واحد همو اذاى يلبس اذاى يخطب اذاى يجوز اذاى يشتغل اذاى يبنى مستقبلو اذاى يحب يسيب كل ده ويبص لبلد وهوا ده الى عيذينو الناس التنيا فهمانى عيذين كل واحد ميفكرش غير فى نفسو لفو علينا خيط رفيع يكتفنا يخلينا منتفرجش على اى حاجه بتحصل ونكلم ولكن نشجع واتمنا ان تكونى ادركتى من كلامى المفعول بهى اتمنا لكى النجاح دائما وواصلى كتباتك هائله

enjy يقول...

ادم المصرى:
اولا شكرا على تشجيعك.. ثانيا كلامك صح جدا وعجبنى تعبير انهم لفين حوالينا خيط رفيع فعلا دة التشبيه الصح... فهمت كلامك والرسالة وصلت شكرا

شـمو نشـادر يقول...

ازيك يا دكتور ..
الناس اللى خلصت امتحانات بقى يا عم ماشى ماااااااااااشى ..
واحنا لسه مفحوتين اهو ..
ادعيلنا بقى ..
بالنسبه لموضوع الازدواجيه بقى ..
بصى يا ستى ..
فى خلط فظيع بين الوطن وبين السلطه اللى حاكمه الوطن ..
كلنا بنحب الوطن .. الوطن بمفهومه الواسع اوى .. اصحابنا وجيراننا وشارعنا وبيتنا و القهوه اللى ع الناصيه و اول خناقه واحنا بنلعب كوره و البت بتاعت تانيه تالت .. الذكرات والحنين والالم والامل .. كلنا بنحب الوطن بالمفهوم ده ..
احنا بقى بنكره السلطه .. بنكره الحكومه باللى معينها م الاخر .. وده طبعا من اللى شايفينه .. ذل وقهر واستبداد وتهميش لدورنا وتضييق الخناق علينا واكل قوتنا ورزقنا .. بنكرههم للاسباب دى .. لكن عشان هما اللى بيقدرو علينا مقدرات بلدنا بقينا برده بنتخيل ان احنا كرهنا البلد .. وده غلط خالص ..
احنا بنحب البلد دى .. فى كل الاوقات بنحبها .. بس فى اغلب الاوقت بنكره اللى ماسكينها .. هو ده الموضوع ..
وعلى فكره الموضوع اللى اثرتيه مهم جدا ..
وتسلمى ..
تحياتى ..
أسامة أمين

ADAM يقول...

enjy

الموضوع موضوع إننا تعبانين من ظروف البلد

ومن حكومتها

وحتى من شعبها

محدش بقى طايق التاني

فمفيش أي داعي للانتماء

إلا إحساسنا إنها بلدنا

رغم كل مساوئها

زي الأم بالظبط

ممكن تبقى وحشة بس عند أولادها

أحسن من ملكة جمال العالم

ولو كانت مش غنية ولا شيك

ولا رقيقة ولا نظيفة ولا متعلمة

ولا بتعرف أي شيء عن التكنولوجيا الحديثة

بس أم

فأولادها لا يملكون غير حبها

ومع حبهم لها

ينكرون عليها كل أخطائها

فقد يواجهونها

لماذا لا تتعلمين ؟

لماذا لا تلبسين الثياب النظيفة ؟

لماذا لماذا لماذا ؟

وهكذا قد تشعرين بأنه يثورون عليها

ولكنه الحب الذي يدفع الدماء في عقولهم

فتتحرك ألسنتهم بهذا الحب الثائر


تحياتي لك ِ أيتها الطبيبة النفسية

بالمناسبة

أنا أعشق الطب النفسي

لو تقدري تساعديني في التعرف

على علومه أكثر يا ريت

تحياتي



آدم

a7md Helal ( المهم ) يقول...

اولا احب اشكرك علي سؤالك عليا

ثانيا احب بس اوضح حاجة انا رأي ان الموضوع مش ازدواجية ولا حاجة
هو الموضوع عبارة عن عدم القدرة علي تحديد اتجاه المشاعر الغاضبة
بمعني انا احب مصر ارضا وشعبا وتاريخا
ولكن اكره اداء الحكومة
وهنا تبدأ المشكلة حيث انني اوجه هذه المشاعر الي البلد او علي افضل الظروف الي الاشخاص في الحكومة وليس الاداء الروتيني الذي يتسبب في ضياع الحقوق

وده مجرد رأي شخصي مش اكتر

ادم المصرى يقول...

على فكره يقمر انا بشكرك على زيارتك ولكن نزلت جزأ تانى لى اميره بكل النساء ياريت تشوفيه

Ghada & Rofayda يقول...

انا مش شايفاها ازدواجية انتماء
هي باختصار ان الناس مرتبطه بالحاجات
اللي بتحبها في البلد...

وبتكره كل شئ بيذلها او يتعبها او يقرفها ....

فبالتالي بقو بيحبوها في حاجات...
وبيكروهها في حاجات...

وترتب على كده تبلدهم عن العمل الاصلاحي...وده طبعا غلط..
لو اننا بنحبها بجد يبقى لازم نبذل قصارى جهدنا لاصلاحها ويبقى ده هدفنا

موضوع راائع...تسلمي...

تحيااااااتي....

Nostor Azzuro يقول...

مصر وشعبها عملين زى ما بيقول الهضبةعمرو دياب:
بين كرهـى ليكى وحبى ليكى خيط رفيع
لا القرب مرتحله ولا البعاد أقدر عليه
بس لازم نحاسب احسن الخيط ينقطع
وتقبلى زيارتى
ــــــــــــــــــــــــــــ
neo

Nostor Azzuro يقول...

مصر وشعبها عملين زى ما بيقول الهضبةعمرو دياب:
بين كرهـى ليكى وحبى ليكى خيط رفيع
لا القرب مرتحله ولا البعاد أقدر عليه
بس لازم نحاسب احسن الخيط ينقطع
وتقبلى زيارتى
ــــــــــــــــــــــــــــ
neo

Desert cat يقول...

هى المشكلة مش فى البلد كوطن المشكلة فى الحكام المسؤلين عن البلد خلونا مش طايقينها
لكن البلد كاشخاص واهل وحبايب وقرايب مش نقدر نبعد عنهم
فعلا هو مجرد خيط رفيع
مودتى يا جميله

wa7ed 2ensan wnsan يقول...

لالالالا ايه البوستات الجامده والنقاش الجامد دا واللغه الجامده دي كمان ما شاء الله .

ندخل على مضمون البوست بقى

الانتماء موجود في كل واحد مننا وعلى فكره انتماءنا كمان للمصريين موجود لانك لو هتلاقي مثلا حادثه زي حادثة عبارة السلام هتلاقي الناس كلها سخنت على الظلم اللي حاصل مع ان مش كلهم ليهم حد مات في العباره

بس المشكله ان الناس زينا كلنا كده مش عاجبها الوضع ولا الحكم ولا نظام الحكم . وهو دا اللي بيخلينا نكره مصر لاننا معتبرين ان مصر هيا الحكومه او السلطه مع ان العكس هو الصحيح مصر تختلف تماما عن السلطان وشخصية السلطان والحاكم

وهو دا الخلط بين الدوله والحكومه

ومفيش كلام يعبر عن اللي انتي قلتيه في موضوعك اكتر من اللي قاله عمنا جاهين الله يرحمه

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر

أنا مصري و ابن مصري وابن مصر الله عليه يقول...
أزال المؤلف هذا التعليق.
Mero يقول...

ممتاز بجد موضوع ممتاز وجاي على الوتر ان الواحد منا بيسمي اللي بيعمله هو مصلحة او تمشية حال في حين انها بتبقى فساد

تحياتي على البوست المتميز :)

Ghada & Rofayda يقول...

السلام عليكم و رحمه الله و بركاته

انجي:

تحياتي علي هذا الراي المحترم ..

الفكره في الشعب المصري اي فيا انا شخصيا و في من حولي "باعتبار اكيد اننا من الشعب المصري" ان ..

احنا اتولدنا ووجدنا ان بيئه مصر بيئه ليست ماديه صناعيه انما بيئه يعني تعتمد علي العلاقات الانسانيه ...... و في نفس الوقت وجدنا في حياتنا العمليه انه لابد من الانخراط في الجانب المادي و الالمام به لتيسير امورنا الحياتيه ...

و انا شايفه ان ده ادي للازدواجيه اللي انت شايفاها ..

و الفكره كلها اننا يجب ان نبسط الحياه و امورها و نبقي علي العلاقات الانسانيه لانها رصيدنا الحياتي ....

و ايضا نمسك الجانب المادي في ايدينا لانها النجاح في الحياه ...

ويبقي الايمان في القلب و يصدقه العمل.

دعاء مواجهات يقول...

ازيك ياقمر

نورتى الدنيا كلها عندى بجد ياجميل

شكلك ضربشمساوية جامدة وقديمة

علشان كدة بدعوكى للكتابة فى مدونة ضربة شمس اللى هتكون جاامدة جدا جدا جدا

لحد السنة الجااية مثلا.............


ابعتى هرتلاتك ع ميلى دة

mwaghat_d@yahoo

عرفة فاروق السيوطى ( الاديب العاشق) يقول...

السلام عليكم

انجى

انا شفت مدونتك كتير بس زرتهادلوقتى

بس ندمان على التأخير واتمنى متزعليش

انا قريت اغلب البوستات

وعجبتنى كتير اغلب البوستات

وان شاء الله ازورك تانى

المهم

- الشعب المصرى كله اصبح مصاب بمرض

ازدواجية الانتماء

للاسف المجتمع كله ازدواجية فى اللغة

والانتماء

يارب البلد تتغير

اريد ان اضيف باسمى الى مؤلفات علم

النفس الاجتماعى مرض ازدواجية

ياريت تعملى كدة ويوسع ربنافى وقتك

وتكتبى عن الموضوع ده بمنهجية لأننا

للاسف اغلب الى بيكتبوا بيكتبوا من غير

منهجية

وكفاية دلوقتى وابقى ازورك تانى

تحياتى

الاديب العاشق

عرفة فاروق السيوطى

عرفة فاروق السيوطى ( الاديب العاشق) يقول...

تعليق تانى بعيد عن الموضوع

انا والله فعلا محتاج دكتور نفسانى

واكيد هكون من زباينك

فى المدونة بس مش فى العيادة

علشان الشكل العام

تحياتى

الاديب العاشق

عرفة فاروق السيوطى

انا عرضت مشكلتى النفسية فى المدونة

فى بوست بعنوان مريض بالهوى

اتمنى تقوليلى رأيك المتخصص

بالمناسبة دى قصيدة شعر مش فضفضة

عادية

قال عامل نفسى شاعر وقاص واديب

وكلامى كتير

وكمان عامل دكتور

بس دكتور بالخبرة مش بالدراسة

ههههههههه

تحياتى تانى

زهقتك بكتر التحيات

ههههههههههه

تحياتى تانى برضو

حمادة زيدان يقول...

أنجي

والله الناس بتحب البلدي ... بس أحنا يا مصريين من يوم ما ربنا خلقنا واحنا بنحب نكون تابعيين ... يعني دايماً كدة مش بنعرف نكون إلا كدة ... يعني الناس في مصر بيحبوها أوى وأكبر دليل على حبهم صبرهم اللي عدى صبر الجمال

مبروك العودة

ana ga3an يقول...

يعشق المصري لبس الاقنعة
يعشق ان يدبل وجة بين حين و اخر
فيوم جلاد و يوم مجلود
فاذا نزل الي الشارع
اختار ما يناسب الجو العام
فاذا كان الحوار في السياسة
لبس قناع الخبير العالم ببواطن الامور
اذا كان في الاسعار
فهو ماسك الخبير الاقتصادي
الخ الخ

احنا نغير النشيد الوطني الي
تحيا جمهورية ماسك العربية

محمد الكومي يقول...

شوفي يا ست التكتورة

البلد دي لها سحر غريب مايحسش بيه غير اللي يطلع منها

بس خلاص

تجارة اليكس مجمع نظري بيني و بينك عشرة في المية مجموع و محطة ترام واحدة

ههههههههههههههه

ياسر خاطر يقول...

ماعتقدش اني هاقول كلام زيادة عن الكلام اللي اتقال
بس فعلا الموقف زي لو كانت الام قاسية ولادها ممكن يكرههوها بس في الاخر هايفضل حبهم جواها لانهم اصلا منها

عبده الرايق يقول...

ياشيخه حرام عليكى انتى بتتكلمى عن مصر ولا عن كوكب تانى
يعنى انتى عن نفسك مزعلتيش على الناس اللى ماتوا فى حريق القطار
يعنى انتى مزعلتيش على الناس اللى ماتوا فى غرق العباره
يعنى انتى لما يكون فى كارثه بتحصل للبلد دموعك مبتنزلشى لوحدها
يعنى لما بتسمعى السلام الجمهورى لمصر حسمك مبقشعرش
انا واثق انك زعلتى على الكوارث دى
وعلشان انتى من مصر
فى ملايين كتير زيك زعلوا على الناس اللى ماتت
يبقى غلط اننا نكتب ان لو جات كارثه اخدت الناس كلها الا واحد مش هايزعل
انا معاكى انه ممكن ميزعلشى لانه هيكون الرئيس ورئيس الوزراء والوزراء والحكومه والشعب
ولما يجى رئيس من دوله تانى يزورنا مش هيلاقى الا المواطن ده
ويفضل بقى يقربع فى ميه النيل لوحده
ويمشى فى الشارع ولا يهمه اشاره ولا غيره
ابنتى العزيزه
لسه فى خير ولسه فى انتماء
وبصى لنفسك كويس وانتى هتعرفى
وبلاش حكايه الاذدواجيه فى الانتماء لحسن بتوع المحابرات العامه يشقطوكى

مدحت محمد يقول...

هى مش اذدواجية انتماء زى ماالاستاذ عبده قال

بس انا هقول لحضرتك

احنا ممكن كمصريين عندنا لامبالاة

بس ده ميمنعش اننا نحب بلدنا

ونحزن

بس مش هنعمل حاجة غير اننا نحزن
لاننا عندنا لامبالاة حقيقية


تحياتى

علم الهسس يقول...

يا دكتورة علم النفس المستقبلية
كيف تخرجى بنتجية وانت ليس عندك احصائية او عينات من الشعب المصرى تأخذيها كدليل على ما تقولين؟؟
وكيف تستخدمى مبدأ التعميم فى اصدار نتيجة كهذه؟؟

..
..
..
العشب المصرى بقى شماعة
هو السبب
هو الجانى
هو المجرم

برأى مشكلة العشب المصرى
انه لم تتوفر له القيادة المؤهلة لكى تقوده الى ما فيه مصلحته

الشعوب تقاد الى المصحلة ويدفعها التيار الذى يسرى بينها اواصرها فى حب التغيير
فاذا تصادف هذا التيار
مع وجود هذه القيادة
يحدث الخير والرقى للمجتمع

..
..
..
ثانيا مافيش شعوب على ضهر الأرض بهذا الوصف السئ الجامع المميت

هناك حالة من عدم الحراك
فى لحظة تاريخية معينة
تستفز الشعوب فتتحرك
وتغيير الأوضاع
اما أن تكون بهذا
فلا أظن
انه يوجد شعب
بهذه السلبية

وتقبلى تحياتى
يا انجى

HERO يقول...

فعلا انتي بتتكلمي في نقطة حساسة جدا لأن معظم الناس دلوقتي بتكره البلد ظاهريا لكن من جواها مش تقدر تبعد عنها وحبها بيجري في عروقنا زي ما بيقولوا بس المشكلة ان كل حاجة وليها قدرة احتمال ففعلا احنا بين كرهنا وحبنا للبلد خيط رفيع

تحياتي

enjy يقول...

شمو نشادر: ربنا معاك يا اسامة ويوفقك وشكرا على تعليقك..
ادم: سعيدة بمرورك وكلامك هو اللى كنت اقصده شكرا على تعليقك..
المهم: حمد الله على السلامة ياعم..
غادة ورفيدة: ماهى دى الازدواجية بعينها ما ينفعش انقى دى بلدى ولازم احبها لكشة واحدة..
nostor:شكرا على الزيارة سعيدة بيها واتمنى تكرارها..
قطة: ماشى الغلط على الحكام بس بردو احنا سلبيين وللا ايييييه؟ مودتى انا كمان..
واحد انسان: اسم الله عليييييك هو دة اللى كان نفسى يتفهم اننا لازم نحب بلدنا من كل جهة مش على مزاجنا..
ميرو: شكرا على الزيارة اتمنى تتكرر شرفت والله يا معلم..
دعاء مواجهات: يا اهلا يا اهلا بس بجد عايزانى اكتب معاكم يا فرحتى اوكى هابعت على الايميل وربنا يستر..
عرفة فاروق الاسيوطى: لالالا انا اتكسف كدة نورت يا باشا والله..
حمادة زيدان: يا جدعان والله عارفة اننا بنحبها ودة كان واضح فى كلامى المشكلة اننا بنستعبط بس وعايزين نحبها على مزاجنا..
انا جعان: يا اهلا يا اهلا شرفت والله وحلوة تحيا جمهورية ماسك العربية دى..
محمد الكومى: اهلا بالناس الاسكندرانية الحلوين بس والله كنت جايبة مجموع كبير بس فضلت ادخل اداب عشان بردو ما اتخلاش عن حلم الدكترة اوعى تبطل تزورنى..
ياسر خاطر: يا رافع من معنوياتى شكرا والله..
عبده الرايق: والله والنعمة وربنا انا عارفة اننا بنحب البلد وقلت الكلام دة بس القرف مخلينا مش طايقين مناخيرنا على وشنا بس هى دى كل الحكاية..
محمد مدحت: عارفة اننا بنحبها بس هى اللا مبالاة هى اللى موديانا فى داهية ومخليانا مش مهتمين احنا بنحبها وللا ايه..
علم الهسس: بس بالراحة من غير نرفذة انا قلت انى مش هاعرف اثبت كلامى دة اولا ثانيا الشعب مش شماعة لكن بردو الظروف مش شماعة وبعدين لما احنا كلنا بنحب بلدنا اوى كدة فى ناس ليه بتفضل تموت فى البحر وما تعيش هنا طب ليه الناس مقضياها كوسة طب ليه ساكتين على عدم الحراك طب والنبى فين الايجابية طب بلاش كل دة امتى هتيجى اللحظة التاريخية اللى تخلينا نتحرك؟؟؟؟؟
جوع وجهل وغلاء وفساد و خيبة وكل دة والشعب ساكت عشان مش مستوعب انه بيحبها انا ما بظلمش الشعب عشان ببساطة انا واحدة منه بس بردو لازم نبقى منصفين وللا ايييييه؟؟ وتقبل تحياتى بردو..
هيرو: منور يا برنس والله بس ما ينفعش نفضل كاتمين الحب دة كدة فى قلوبنا ونفضل نلعنها للابد وللا ايييييييه؟؟

Tamer Nabil يقول...

فى عدم الانتماء والتشكيل باكثر من وش ولكن دة ينطبق على بعض الناس وليس كل مصر زى ما قولتى


يعنى رغم كل الظروف الكل بيزعل ويبكى على اى حدث راح فين ارواح لاننا شعب طيب وعاطفى بالفترة وان خرج البعض عن القاعدة فليس شامل للجميع

تحياتى

علم الهسس يقول...

بص يا انجى
الشعوب عندها خطوط حمرا
اذا تم الإعتداد عليها
تنفجر وتقلب الدنيا فوضى
..
..
..
هاتقولولى هو كل اللى احنا في دا مش خطوط حمرا
اقولك
تختلف من شعب الى اخر
وعاوز اوضحلك نقطة
الحكومات الحرامية المتسلطة
تتعامل مع الشعوب بذكاء
حتى لا تستفذه وتهاجمه وتخلعه من كرسيه

اما اذا كان الصراع واضح وصريح والهدف منه هو اذلال الشعوب وسرقتها
هنا تكن المواجهة حتمية الحدوث ويخرج الشعب لكى يحصل على كرامته

مثلا
لما اجهزة الحكومة تنزل الشارع ومن غير مبرر تقعد تلطش فى الناس رجالة وستات
وتاخد اراضيها وفلوسها
هنا يثأء الناس ويتحركوا

هاتقولى ما دا حاصل
اقولك حاصل بس بصورة قانونية وتحت مسميات أخرى

والمطلوب لحل هذه المشكلة
توفر ناس فاهمين زيك وزى الناس التانيين
يقوموا بعمل توعية وتيار بين الناس
يفضح فيه هذه المساوئ ويبرزها بالشكل الذى يدعوه للتحرك والتغيير

عشان كدا قلتلك
الشعوب تقاد بواسطة قيادة مؤهلة تصنع هذا التيار

وشكرا

عروسة ننوسة يقول...

تصدقى كلامك جه على الجرح وكل كلمة معاكى حق فيها بس برافو الربط بين الاغنية والموضوع...تحياتى

NilE_QueeN يقول...

انا اتفق معاكى يا دكتور ف ان الشعب المصري مريض نفسيا وبيعانى من امراض كتير غير الازدواجيه

لكن الحمد لله بعيدا عن كل كلاكيعي النفسيه فا الشيء اللى مفيش جدال عليه هو حبي لبلدي واهل بلدي

انا بضايق من حاجات كتير ف البلد بس دا مش هيكون سبب لانى اكرهها

Baker يقول...

طب ايه الحل انا عندى ازدواجيه فى حجات كتير
مش بتقولى دكتوره شوفيلى برشام ولا اى حاجه ينوبك ثواب
تحياتى

كوارث يقول...

ده حقيقة علمية للاسف
نفس الشخص اللى النهارده مش هيسافر ومش هيسيب البلد وبيموت في ترابها بعد نص ساعة بالظبط بيدعي عالبلد ولو لم اكن مصريًا لارتحت نفسيً والكلام ده
بس اللى انا عايز اقوله ان الوطن كوطن قيمته محفوظة
لو حصل حرب مثلا لا قدر الله هتشوفي اسود !
المشكلة في الوطن بمعنى الواقع الاسود
ده كل المشكلة !
اللى مالهاش حل

محمد الكومي يقول...

جاي و جايبلك معلومة عن فيلم الخيط الرفيع

انه اول ف6يلم ذكرت فيه كلمة يابن الكلب

معلومة عالماشي كدة

سلاموز بالموز

enjy يقول...

تامر نبيل: ماشى يا عم شكرا على التعليق بس هو يعنى لازم اعزمك؟؟


علم الهسس: انا معاك فى كل اللى انت قلته وانا على فكرة مش من الناس اللى بيتمسكوا برايهم لمجرد انه رايهم وانما انا فعلا مقتنعة به جدا يكفى تسال اى سواق تاكسى عن احواله وانت تعرف انى عايشة فى البلد زيك انا مقتنعة بدور الناس اللى فاهمين جدا وعشان كدة باتكلم انت كلامى نرفذك وخلاك تعترف لنفسك انك بتحب البلد فى واحد تانى لما يقراه هيكتشف انه بيحبها وفى واحد تالت لو وقفت على اسنانك عمره ما هيحبها ودة موجود والله شكرا ..


عروسة ننوسة: شكرا على رايك وياريت ما تقطعيش الزيارات نورتى والله..


ملكة النيل: انا عارفة انك بتحبيها ومستحيل تكرهيها بس فى غيرك حتى مش قادر يعيش فيها شكرا للزيارة انا زرت مدونتك وعجبتنى ربنا معاكى..


بكر: منور والله بس البرشام مش قدام الناس كدة فى الخباثة ماشى؟..


كوارث: يا اهلا يا اهلا منور والله بس انا شايفة انه ماينفعش نحب التراب بس احنا كدة نبقى بنحب الارض مش الوطن..


محمد الكومى:بلدياتى يا اهلا بالناس الجدعة شكرا يا باشا على المعلومة المهمة تصدق فرقت معايا كتير..

مطرح ما ترسى....دقلها يقول...

مفيش فايدة

هو حل واحد












نسيب البلد ونمشى

انا يقول...

ليست إزدواجية وإنما أشبه "بتوهان" أنا أحب وطني لكنه لكنه لم يقدم لي مايبرر هذا الحب بل ربما العكس لكني مازلت أحبه..تماما كما عبرت الأغنية "دا وإنتي مطلعة عيني بحبك موت" فيصير حالي "لا القرب مرتاحله ولا البعاد أقدر عليه" ..

amal يقول...

كلنا لما بنحب بنكره اى حاجه وحشه

بنحب الحلو ونكره الوحش ودا شئ طبيعى

عشان بنحبها بكره اى حاجه تسئ لها بشكل او باخر

جميله اوى فلسفة الخيط الرفيع
اعتقد دا كان فيلم لفاتن حمامه

كيكى يقول...

هييييييييييييييييييييية انا جيت..والله الكمبيوتر كان بايظ...انا نجحت عقابلك...واحشتينى والله...ايييييييية البوست الجامد دة

محمد الكومي يقول...

معلومةكمان

الفيلممن اول الافلام المصرية الملونة

بطولة سيدة الشاشة العربية فاتن حمامة و محمود ياسين انتاج 1972

اي خدمة

اللي بقى احلى من الفيلم ميت مرة

الموسيقى التصويرية بتاعته

هانى يقول...

كل شىء وفى بين وبين الاحر خيط رفيع وعلية يتم التعامل


تحياتى

كلاكيت تانى وتانى يقول...

حبيبتى
انا جيت اهوة انا نفس تخصصك بس تربية ماجستير صحة نفسية واعجبنى عرضك جدااا اشكرك لوجودك وهقرا كويس وبعدين اعلق
تحياتى

ادم المصرى يقول...

سلام عليكم
اذيك وحشنى تعليقاتك انا بدعوكى لقرأت الجزأ التالت من اميره بكل النساء مهتم بى تعليقك

enjy يقول...

انا: شكرا لمرورك وكلامك صح طبعا..
امل:شكرا لمرورك يا امل كلامك صح بس مع الوطن ما ينفعش انقى لازم احبه على بعضه.
كيكى : حمد الله على السلامة مبروك على النجاح وشكرا على التعليق.
محمد الكومى: وانا اقول الهوا دة جاى منين اتاريك هنا شكرا على المعلومة انت بتجيبهم منين يا عم؟..
هانى : ماشى بس ما ينفعش تبقى حياتنا كلها خيوط صح؟..
كلاكيت تانى وتالت : اتمنى تكررى زيارتك دايما وتقولى رايك..
ادم المصرى : انا فى السكة استنانى..

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

نعكشة يقول...

ادعي على ابني و اكرة اللي يقول آمين