الخميس، 10 يوليو 2008

حاجات شبه الخواطر2

انا رجعت بالسلامة الحمد لله .............. رجعت منين؟
ماهو انا كنت غايبة بس مافيش حد كان واخد باله وكله قال احسن اهى غارت بس انا رجعت.... رجعت زى مصاصين الدماء على سهوة
الحاجات اللى شبه الخواطر المرة دى شوية حاجات كدة مالهاش اى اهمية بس قلت احطها عشان مش بحب اجاوب على تاج بس من غير موضوع.............
اول حاجة واهم حاجة ان الشاشة بتاعتى بايظة ادعولها والنبى عشان انا سالفة شاشة صغيرة تقريبا اتنين بوصة ومضيعة خالص بس ان شاء الله شاشتى حبيبتى تتصلح وترجع قبل ما نظرى يروح ادعوا للشاشة اوعوا تنسوا.....................
تانى حاجة شريط تامر الجديد نزل يا جدعان تامر تااااااااااااااامر بيقول لما تحس بظلم وكهر عارفين الكهر دة؟؟؟؟ اللى هو القهر يعنى ما علينا طب شفتوا الردح اللى فى اغنية اسكتى؟؟؟؟ وانا اقصد جمل معينة ياريت اقدر اقولها فى اغنية قصدى بوست وللا ايييييه بقى شفتوا البوسترات يا خرااااابى فاكر نفسه بروس ويليس وللا البوستر اللى لابس فيه تيشرت عليه حروف اسمه تحفة......................
تالت حاجة نتيجتى قربت ادعوا لى انجح واجيب تقدير وانتوا بتدعوا ركزوا مع الاحصاء فى الدعاء ماشى؟
رابع حاجة بقى التاج اساسا البوست دة فاشل وانا باكتبه كده عشان وحشتنى الكتابة والمدونة لانى مش عارفة اركز وانا ممققة عنية فى الكتابة الصغيرة دى وعشان كدة قررت اتحفكوا بتاج انا جالى 3 تاجات واحد من دعاء مواجهات العسل يارب ترجع بقى بالسلامة والتانى من دكتور عمرو فاروق والتالت من التحفة كيكى هانم هارد على تاج الدكتور عمرو عشان هو المختلف والتاجين التانيين هاحطهم فى الخلاط وهارد عليهم على انهم تاج واحد على سبيل الاستعباط ماشى؟
اذكر 3 احلام من ماضيك كنت هتتمسك بايه وتغير ايه؟
اممممممممم احلام الماضى طيب ......... اول حلم كان نفسى ابقى دكتورة طبيبة يعنى.. تانى حلم كان نفسى يبقى عندى عربية .. تالت حلم كان نفسى اتجوز............
دلوقتى اول حلم استبدلته بانى ان شاء الله هاحضر دكتوراه فى العلاج النفسى وهابقى دكتورة بس مش طبيبة..تانى حلم ما اتغيرش فيه اى حاجة لسه هاشترى العربية واسوقها وانا مشغلة محمد منير نعناع الجنينة على اخره..تالت حلم لا تعليق.........................
اذكر 3 احلام تخص مستقبلك؟
نفسى اخد الماجستير والدكتوراه قبل ما اكمل30 سنة..............
نفسى يبقى عندى مركز علاج نفسى...............
نفسى انجح فى الاحصاء.............
اذكر شخصيتين موجودين فى حياتك كان نفسك يتواجدوا من قبل؟
الحمد لله اى حد فى حياتى دلوقتى او جه قبل كدة وخرج او لسة موجود جه فى وقته بالظبط ماكانش ينفع ييجى قبل كدة واى حد لسة ماجاش فى حياتى براحته انا مستنياه......................
شخصين غير متواجدين واتمنى وجودهم؟
راجع اجابة السؤال السابق لسة هاوجع قلبى وعينى واكتب تانى.............
لمن تهدى التاج؟
اهدى التاج لمييييييييييييييييييييين امممممممم اهديه لاسامة صاحب المدونة الخطيرة شمو نشادر ولحمادة زيدان وكيكى لازم ادبسها زى ما دبستنى............
نيجى بقى لتاج كيكى ودعاء........... انا جاوبت على تاج شبهه قبل كدة فطبعا مش هالتزم بالعدد يعنى مش لازم 10 صفات او16 صفة يعنى بلاش رخامة اساسا انا مش عارفة فى حد هيقرا العك دة ليه؟
- لما بازعل باتخرس يعنى لو اتضايقت من حد او حد زعلنى وعمل معايا موقف بايخ باقعد خارسة ومش باتكلم ولا بارد ولما بارد بارد بقرف.
- لما باصاحب حد بارتبط بيه جدا وبيجى لى وسواس قهرى اننا لازم هيحصل حاجة والصداقة دى تروح.
-باخد تصرفات الناس على اعصابى وماباحبش حد يطنشنى.
-متعصبة جدا للستات وباحب اى ست جدعة ومحترمة وتقدر تاخد حقها.
-على طووووووووووول كلامى بيتاخد غلط ودى حاجة بتخلينى هاولع.
-مع انى باخاف على تصرفاتى بس كتير بتخرج منى تصرفات انا شايفاها شخصيتى والباقيين شايفينها بواخة وغلاسة.
-جدعة فى المشاوير وباخلص كل حاجتى وحاجات الناس كمان بنفسى وباتخانق وبازعق وباخد حقى بالذوق وبالعافية وبكل الطرق وحافظة اسكندرية شبر شبر يعنى من الاخر تقدروا تقولوا مسترجلة.
-كل شوية باكتشف حاجة جديدة فى الحياة واخر اكتشافاتى انى اكتشفت ان كل حاجة فى الدنيا ليها تاريخ انتهاء صلاحية كل حاجة كل حاجة حتى العلاقات الانسانية.
كفاية كدة بقى لك عشان عينى وجعتنى من الشاشة الصغيرة دى والله بس والنبى اوعوا تنسوا تدعوا للشاشة ربنا يرجعها بالسلامة قولوا امييييين..

هناك 42 تعليقًا:

AHMED SAMIR يقول...

اولا وقبل ما انسى....ربنا يقوم شاشة سيادتك بالسلامة ان شاء الله
ثانيا
ربنا يوفقك وتنجحي...بس هاضطر ابقى صريح جدا وغتت قوي وقليل الذوق واقوللك وهم اللي نجحوا قبلك عملوا ايه يعني
ثالثا:
اول مرة الاقي بنت مش معجبة بتامر حسني ودة في حد ذاته شيء جميل و بيدينا امل في بكرةان لسة في بنات في مصر بيفهموا
تحيااااتي

عايش... ولكن !!!! يقول...

اولا علشان منساش
يارب الشاشه ترجع بالسلامه
(هيا رايحه تعمل عمره ولا ايه؟ هههه)
اما بالنسبه لتامر فأنا مبحبوش
بكرهه مغنى تافه جدا ومش محترم موهبته وبيختار كلمات هايفه بعيدا عن صوته لان صوته كويس

والنتيجه... كلوا عادى .. مبقتش تفرق كتير

اما التاج
فردودك منطقيه جدا وعجبتنى

تحياتى
علاء

د.محمد ربيع هاشم يقول...

فعلا تامر حسني ده دليل انحطاط ذوق كبير وعلامة على الزمن الذي نحياه بتفاهة ، مبروك

شـمو نشـادر يقول...

عسل يا اوجى .. وحشتيني خالص على فكره ..

يا رب الشاشه تخف .. و يارب تنجحى فى الاحصا .. و يا رب تحققى كل اللى بتحلمى بيه ..

و شكرا ع التاج جدا ..

تحياتى ..

أسامة أمين

Mero.. يقول...

لا لا لا عيب لما تقولي نيسيناكي ولا مخدناش بالنا
دا انا حتى حطيت لينك مدونتك في البلوج عندي من يومين :)
تاني حاجة ربنا يقوم الشاشة بالسلامة .. :)
اما بقى التاجات فانا بصراحة بحب يكون حوليا واحد عصبي لانه بجد بيبقى دمه خفيف بس مبقدرش امسك نفسي اني اغيظه زيادة..
حمد الله ع السلامة ويارب تنجحييييييي :)

نعكشة يقول...

لأ المرة دي مش علي صوتك
المفروض كبر خطك
ههههههههههههه

.........


اتمني ان شاء الله ان تنتيجتك تيجي علي خير و تسعدك و تفرحك يا رب دايماً

و الشاشة تتصلح و ترجع احسن من الاول

...........

بالنسبة للعلاج النفسي لما تعملي السنتر ابقي قوليلي هوه فين عشان ابقي آجي

هبقي ذبونة عندك إن شاء الله
..........

بإذن الله ربنا هيرزقك بالزوج الصالح و تعملي الدكتوراة و الماجستير و تبقي احسن دكتورةف ي العلم النفسي

...........

فعلاً كل حاجة ليها ناتهاء صلاحية

ربنا يعزك يا رب

دمتي سالمة

سلامٌ عليكي

Amgad يقول...

ياااااااااااااااااه
اكتبي اي حاجه بس واحنا وراكي

اختلف معاكي في ان كل حاجه ليها نهاية صلاحية
اعتقد انها نظرة متشامة ومادية جدا
والحق ان نقول ان اغلب الاشياء لها نهاية صلاحية وليست كلها(فكري ف الموضوع)
ام من ناحية تامر فازاي يا بنتي ده ملك الاحصاص علي اساس ان الاحصاص هو الاه والاوف(طبعا بتريق)
اما من ناحية الاحصا فيارب تنجحي فيها
بس مش فاهم علاقتها ايه بالطب النفسي
انا ف هندسة وكنت شايال احصا برده
ومش فاهم علاقتها ايه بهندسة مبالك بالطب النفسي ماعلينا
الا ازا كنتي شايلاها من ثانوي ودخلتي كلية كوسة(طبعا بهزر برده)

ويارب تجيبي عربية وتسمعي منير
وتصلحيي الشاشة ويبقي كلو بيس

كيكى عوووووو يقول...

عووووووووووووووووووووووووووووووو انا جيت اتخديتى..
..................................
اولا الهم ما امين
............................
على فكرة انا اولا واحدة قلت الحمد الله انك اختفتى علشان بقيتى تاكلى السوق مننا..شكلك 5454 روح
..............................
بتبسينى بالتاج تااااااااانى يا نهااااااار اسود....
...............................
هبقى اخدوا بعدين
.............................
ياااااااااااااااااارب تنجحى فى الاحصاء وناس كدة تانى فى بالى..
يااااااااااااااااارب تنبقى دكتورة والله هاجى مخصصوص اتعالج عندك..وانا كمان بيعجبنى الستات الجدعة..احلى حاجة فيكى موضوع المشواير احلى حاجة بجد..بت فركوكة..بجد فيكى حاجات حلوة ومنى كمان والله...بس الفرق اسمك مانجة وانا بطيخة ههههههههههههه
...............................
ربنا معاكى ياحبيتى وتنجحى....
الهم ما امين
ربنا يديم المحبة والاخوة الى بينا
ومتفكريش اننا نسيب بعض
اختك لاسف كيكى
اخرررررررررررررررررر حاجة
انجى واسراء واكيكى
اسمى نفسى اكيكى ولا ايييييييييية
عووووووووووووووووووووووووووو

كيكى عوووووو يقول...

اييييييييييييييييية يا يت صحيح فى اغنية لتامر قذرة جداااااااا
مش عارفة اسمها بس بتقول..بتهيلى..بيقول لحبيبة الى سيتوا وحب غيرة..حد يقولها ماتقليش مش هقول لحد على كان بينا..وانا عارف ان اى واحدة بتضعف قدام حبيبها
لا تعليق

blue-wave يقول...

الف حمد الله على سلامتك ورجوعك
وعقبال الشاشه يا رب
التاج حلو اوى يا انجى واجاباتك عليه تحفه (طبعا انا قصدى على التاج بتاعى)
ماتغيبيش تانى بقى

غير معرف يقول...

لا لا لا لا لا لا لا لا
تيمووو
شعر الصدر حسين

انا مش عارف هي عادة عند مترب الجيل تامر حدوءه انه كل البوم يعمل اغنية ردح للبنات
الظاهر كدا انهم بيحبوه عشان بيردحلهم

و الله اذا كان تامر هو زي ما بيقولوا فعلاً مطرب الجيل
فأنا هغير تاريخ ميلادي عشان مبقاش من الجيل ده


-- يارب تنجحي و ربنا يرزقك بشاشة 17 بوصه جديدة يارب

Unknown يقول...

يارب الشااشه تكون رجعت يا احلي انجي

اخبارك
وحشتني مدونتك اوي واسف ع التأخير
وان شاء اله هتنجحي وتبقي نائب كمان ولا انتي تحبي ايه

ربي يحققلك اللي تتمنيه

تحياتي يا قمر

باااااي

فارس بلا جواد يقول...

السلام عليكم ورحمة الله وبركاته
انا فارس بلا جواد
مش الدكتور
وبحييكى على زيارتك مدونتى وياريت تتكرر تانى
تحياتى

me يقول...

انت جميلة اوى يا انجى

مدونتك دى مخشهاش الا و لازم اقعد ساعات اقرالك.شاكلك عاملالى عمل

انشالله ربنا ينتعلك الشاشة بالسلامة
و تنجحى فى الاحصاء

انا بموت فى البنات الجدعة و موضوع مسترجاة دا بيتقاللى كتييييييييير

انت اسكندرانية؟؟؟؟؟؟؟؟؟؟

سلامى

غير معرف يقول...

السلام عليكم

انجى اعتذر بشدة وبحرارة على الغياب بس والله المشواير

بخصوص المشواير انا عرفة مشاوير ازاى تاخدى لقبى كانوا بيقولولى كدة علشان كتر اللف والدوران من اسكندرية لآسوان
المهم

حميل اوى الكلام بتاعك دة خصوصا حكاية الستات الجدعة ستات اسكندرية كلهن جدعات

وحلوين الكلمتين بتوع الناس اللى فى حياتك فلسفة كبيرة

يارب

تنجحى فى الاحصاء
وتبقى دكتورة كبيرة قوى كبيرة فى الدكترة مش فى السن يارب تفضلى شباب على طول
ويارب تلاقى الواد الامور اللى هيجوزك
ويارب

الشاشة تخف

نسيت حاجة كدة ولا لا ..........

تحياتى

ٍSOU يقول...

الف سلامى على عنيكى و ع الشاشة :))
ربنا يوفقك يارب .. وحمدالله ع السلامة ياستى .. ان شاء الله ربنا يحققلك كل احلامك ..ماتنسيش تبقى تطمنينى ع الشاشة و ع النتيجة كمان بالمرة P:

حمادة زيدان يقول...

أنوووووووووووووووووووووووووووووووج

يعني أخلص من تاج كيكي "والفضايح الكتير اللي لساني قعد يرخ فيها" ألاقي كمان أنجي بعتالي تاج "ياخرااااااااااشي" أنا الناس بعد كدة هتكرهني "هههههههههههههههههه"
بضحك من غيظي بعيد عنك

نيجي بقي لإجاباتك
خلينا في الاحلام الحمد لله أنك بقيت دكتورة أهو قد الدنيا ...
على فكرة انا خيبة خالص ومش بعرف لا أزعق ولا اتخانق في اى مصلحة حكومية او غير..
...................................

ميرسي ع التاج واستنيني شوية أخد نفس عميق وارد على تاجك

سلاموز بقي علشان الضهر

حمادة زيدان يقول...

بت يا انجي

نسيت ادعيلك على الشاشة قصدي للشاشة

ربنا يرجع الشاشة بالسلامة يارب

سلاموز بقي

كوارث يقول...

الشاشة هتتصلح ان شاء الله
وباذن الله هتنجحي بتقدري متفوق
بالنسبة للباقي
هممم؟

سنووايت يقول...

حمدلله علي السلامة يا انجي
انتي سكر بجد :)

وكويس انك قلتيلي علي موضوع العلاج النفسي علشان ان شاء الله من احلامي لو اتخصصت نفسية وعصبية يبقي عندي مركز طب نفسي واكيد هنحتاج ناس معانااستعدي بقي وادعيلي :)

وياااااااااااارب تاخدي الماجيستير والدكتوراه قبل 30 سنة , هي مش عارفة صعبة ولا ايه بس كل حاجة لو حطيتيها في دماغك تبقي ممكن باذنن الله

ربنا يوفقك يا جميلة ويحقق لك احلامك

رئيس جمهوريه نفسى يقول...

شريط تامر نزل ربنا يصبر كل الى حيسمعوا ولا تعليق بعد كده وبعدين وحدة نفسها يكون عندها عربيه وبتسوقها وهى مشغله حاجه لمنير تبص لشريط تامر نزل ولا
ربنا يقوم شاتك بالسلامه ان شاء الله وربنا يوفقك يارب قادر يا كريم

Darsh يقول...

الأول طبعاً حمدا لله على سلامتك طبعاً الأول

تاني حاجة يا رب الشاشة بتاعتك تتصلح يا رب و ترجع زي الأول و أحسن يا رب

تالت حاجة ليه بس تجيبي سيرة تامر ده انا لسه مشردة على البلوج في 2 بوستس ربنا ينتقم منه خلص حبر الكيبورد .... كنت جبتها رصاص و وفرت

رابع حاجة يا رب نتيجتك تبان يا رب و تجيبي إمتياز بتقدير امتياز قوي

على فكرة الأمتياز مفيد قوي للتقدير

رابع حاجة و ده الأهم إن شاء الله هتنجحي في حياتك و تبقى أكتر شهرة من د . يحيي الرخاوي نفسه

Unknown يقول...

a.samir:اولا يسمع من بقك ربنا ثانيا يمكن يا سيدى اكون من اللى بيعملوا حاجة ثالثا طبعا لسة فى بنات شايفين ان تامر مش فتى احلام ولا فتى اصلا........


عايش ولكن:لا والله يا علاء هى رايحة تعمل عمرة بفتح العين وتامر مش بيحترم اى حاجة وشكرا على رايك.........


محمد ربيع هاشم:الله يبارك فيك........


شمو نشادر:اطلع فيك غيظى على الهواء مباشرة؟؟؟؟ لا يا سيدى حسابك بعدين شكرا على دعواتك يا اسامة وجاوب على التاج بسرعة..............


mero:يا مراحب يا مراحب بس بلاش تغيظ حد والنبى ماشى..............


نعكشة:اه والله عندك حق كبر خطك شكرا على الدعوات الجميلة دى ..........


amgad:يا رافع معنوياتى انت علاقة الاحصاء بعلم النفس علاقة وثيقة زى علاقة الجزر بالرز بلبن وان شاء الله كله هيبقى بيس................


كيكى:يا باشا انت تحتفظ باسمك الجميل وتبقى اختى بردو وحبيبتى كمان شكرا على دعواتك الجامدة دى وعلى فكرة انا مش مانجة انا بطيخة بردو يعنى طلعنا توءم هاهاهاها ...... اه يا بنتى شفتى الاغنية فزيييييعة والنبى تامر دة ركيك ركيك يعنى............


blue-wave:دكتور عمر منور والله وطبعا التاج حلو عشان انت اللى باعته.....


ketchb:اولا الاسم المبتكر دة تحفة يا عم والله هو بيردح عشان سبب اكيد ما ينفعش يقوله يعنى وانت وفهمك بقى بس ايييييييه انا شاشتى 21 بوصة حرام عليك تنقصهم................


برقش:يا عمونا نائب ايه بس انا اداااااااااااااااب يعنى دكتورة بعد الدكتوراه يدينا ويديك طولة العمر والغيبة ما يهمكش ولو انك بتوحشنا يعنى منووووووور..............


فارس بلا جواد:اسفة على الخلط........


البت قباحة:انتى تنورى فى اى وقت والله وبعدين انا اسكندرانية اه زيك يا جميلة انت كمان مدونتك ماحصلتش.......


التنين المحارب:يارب يخليك على الدعوات الحلوة دى وما تقلقش ما نسيتش حاجة يا جميل بس ماتغيبش بقى كدة تانى......


sou:يارب يسمع منك ان شاء الله النتيجة تطلع كويسة يارب والشاشة ترجع بالسلامة...........


حمادة زيدان:يا عم لسة بدرى على الدكترة دى بس باقولك ايه اى حتة يبقى لك حق فيها قوللى وانا اجيبه لك على طول.............


كوارث:ذكائك دة هيوديك فى داهية.....


سنووايت:انا جاهزة لاى استدعائات بس انت ابتدى وانا معاكى وشكرا على الكلام الحلو.............


رئيس جمهورية نفسى:والله عندك حق بس انا سمعت الشريط من باب الفضول الغير محمود العواقب............


darsh:انا قريت البوستات بتاعتك انا لو مكانه وقريت الكلام ده اعتزل وشكرا على دعواتك بس دكتور يحيى دة علم ماحدش يقدر يتعداه بيتهىء لى يعنى..............

فارس بلا جواد يقول...

أزيك يا انجي وحمدالله ع السلامة
اجاباتك علي التاج جميلة .. وباحييك ان انتي زيي بتحبي تامر حسني مووووووووووووت .. فلتة عصره وزمانه
انا لاحظت حاجه غريبة في كل المدونات
ان نصهم دكاترة وان النص التاني كان نفسهم يبقوا دكاترة .. يا شيخة بلا وجع قلب
المهم ترجعي وتتحفيني باعمالك المبدعة دايما
تحياتي

مواطن مصرى نايم يقول...

ايه الشاشة فيها ايه
وديتيها لحد يصلحها و الا لا
عموما الشاشة اللى عندك دلوقتى اكيد سامسونج 14 بوصه
لانها سمول خالص
ههههههههههههه
بس المهم اللى تودى الشاشة عنده عشان تتصلح
لازم تكونى واثقة انه بيفهم
عشان لو مش بيفهم حيبوظها اكتر
عارفة بقى تامر حسنى اتقل دم و اكتر حد بكرهه
مش راجل دا واد مايص كده
فيها ايه لما يكون راجل بجد و محترم و استيل و كل حاجة
بس يكون مش مايص و يبطل السهوكه بتاعتة دى
مش عارف بجد البنات اللى بتحبة ترضى ان جوزها يكون مايص
و قليل الادب
لو شفتى الكليب الجديد ده
حتلاقى فى اول الكليب بيعمل حركات سافله بجد
و البنات تقول ان الولاد بتغير منه
اقسم بالله اخر حد اغير منه تامر حسنى
لانى عمرى ما اعجب ببنت من اللى بيكونوا فى استيل البنات اللى تامر حسنى بيتحب منهم
انا طولت بس اصلى مش بطيق تامر و انتى اللى جبتى سيرتة
تحياتى يا اجدع بنوتة اسكندرانية
اسلام

PrInCeSS BeRy يقول...

ازيك يا انجى كل تاج وانتى طيبة وعثل انتى لذيذة ويارب شاشاتك تتصلح وتنجحى ويارب يسعدك

أمل فتحى عزت يقول...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر
نطرق باب النابغةالدكتور /أسامة السعداوى لنعرف منه الحقيقة
قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا
ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

عمرو وجيه يقول...

ربنا ينجحك و تعدى السنة على خير ...


و ادعولى بجد لان النتيجة قربت برده ..



بس انا اموت واعرف يعنى إيه تاااااااااااج


كل ما ادخل على مدونة الاقى سيرةالتاج ده ....


معلش معلوماتى على قدى شوية ...

ربنا يرجعلك الشاشة على خير ...

ليكوريكا يقول...

يارب يدي شاشتك الصحه وطول العمر

ويارب تنجحي يا انجي يابنتي

وتطلعي الاولي كمان في كل المواد

(معلش بقي اصل الدعاوي ببلاش)

اما بالنسبه لتامر

فحدثي ولا حرج ...

ليكوريكا

أحمد بكر يقول...

اولا ازيك
ثانيا مالك بتردى على التاج بزهق كده ليه شكله من تاثير الشاشة الصغيره
على فكره بلاحظ غيابك بس بفتكرة تقل يعنى مش ظروف ولا حاجه

كيكى عوووووو يقول...

عوووووووووووووووووووووووووو
جاية ارخم....واديكى
امواااااااااااااااة
كبيرة
عارفة لييييييييية
علشان طلعتى بطيخة زى
هههههههههههههههههههههههه
عووووووووووووووووووووووو

ahmed يقول...

مع انك بتقولى ان كله عك
بس انتى قولتى كام بق جامدين اوى اوى
منهم دى

كل شوية باكتشف حاجة جديدة فى الحياة واخر اكتشافاتى انى اكتشفت ان كل حاجة فى الدنيا ليها تاريخ انتهاء صلاحية كل حاجة كل حاجة حتى العلاقات الانسانية.

كويس انك عرفتى توصلى لكدة
لان فعلا كل حاجة ليها مدة صلاحية ولو زادت عن مدة الصلاحية بتبقى فاسدة


تحياتى

غير معرف يقول...

الف سلامة على رجوعك .. طبعا دى اول مرة فى حيااااااتى العظيمة .. اخش مدونة حضرتك ...
اولا شريط تامر .. مسمعتوش (امال بتعلق لية يا جدع)
ثانيا : احلامك هتتحق ان شاء الله .. بس بلاش عريسك يفهمك غلاط علشااان تتجوزوا بسرعة
وطبعا من ناحية الدكتورة .. يعنى مش هتوصلى لسن التلاتين علشان تخديها .. قولى يعنى تسعة وعشرين ونص بس .. يعنى العملية سهلة جدا
بالتوفيق يا انجى .. وربنا يحققك احلامك ..
على فكرة دوووووووسى شفت ومتخفيش

دعاء مواجهات يقول...

ازيك يابنتى

رجعتلك وقفشتك وانتى سالقة التاج بتاعى

وبعدين اسمة واجب مش تاج يافالحة

ومجبتيش سيرتة اصلا

يابنتى دا كان بيتكلم ف اتجاة تانى خالص


عموما هنسامح بقى احنا لسة راجعين من الاراضى المقدسة ومش طالبة ضغائن ولا زعل

بحبك بردو

الاجابات ع فكرة تحفة...

ياسر خاطر يقول...

ياللهول
كل دة يا انجي
دي خواطر دي
دة سجل ذكريات كامل يابنتي

بس اكيد اكيد اكيد
الشاشة هاتتصلح ان شاء الله
وهاتفكك منها
لان اكيد اكيد هايجيلك بدالها شاشة بلازما
بس هاتفكك منها
لان اكيد اكيد اكيد هايجيلك بعدها شاشة هولوجرام
واكيـ...ايه دة فين الشربات بتاعي؟

funckydoctor يقول...

ألف سمدالله على الحلامة
والشاشة يا رب تقوم بالسلامة
حلو البوست قوى
تحياتى

ٍSOU يقول...

بما انك لسة طالعة من حفرة (تاج) طازة و كمان الشاشة بتاعتك بايظة ..فانا قلت يلا ابعتلك واجب تانى عشان تتعذبى :))
http://tiarawar2.blogspot.com/2008/07/blog-post_14.html#links

حدوته مصرية يقول...

انا هحاول ارد على اللى فاكره من الكوكتيل العجيب ده

اولا ربنا يرزقك بشاشة زى الفل
بعدين بقى
تامر حسنى يا لهوى على الجمال ده انا بفكر جديا احط لينكات لاغانيه مع الاغانى الاصلية اللى هو سارق منها و اللى هى اغانى عربى برضه يا ريتها اجنبى
عشان افضحه

و اجدع ناس اسكندرية اللى من اجمل اماكن مصر

Nostor Azzuro يقول...

بصى يا بنتى
ده رأيى فى حالات معينة
ودى تجربة شعرية
مش لازم تكون حاجة بجد

ياسر خاطر يقول...

السلام على اهل السلام

اوجي هانم

المفروض اني دلوقتي اتكلم معاكي في موضوع هام يتعلق بالكباري وماتحتها لو واخدة بالك يعني

دة ايميلي
yasser43@hotmail.com

منتظر منك ميل اعرف منه ايميلك

زى الهوا يقول...

اولا الحمد لله على سلامتك

وعوقبال الشاشة لما تعود بسلامة


ثانيا : يارب نقولك مبروك على النتيجة قريب


ثالثا :

ايه التاجات الجامدة دى ؟ اجاباتك حلوة جدا

Unknown يقول...

فارس بلا جواد:طبعا بحب تمورة موت وشكرا على المجاملات.............


مواطن مصرى نايم:انت مين قالك على مواصفات الشاشة على فكرة هى فعلا سامسونج 14 انت مكشوف عنك الحجاب؟...................


برنسيس برى:والله انت اللى عسل وشكرا على الدعوة................


عمرو وجيه:شكرا على الدعوة بس لو لقيت حد يفهمك يعنى ايه تاج ابقى ابعته لى..............


ليكوريا:لا كدة فشر لما تدعى لى اطلع الاولى يبقى فشر.............


بيكر:مش زهقانة والله ياواد انت يا بتاع الظروف والجوابات.........


كيكى:يا بنتى المدونة اتملت نمل من العسل اللى بينقط منك يا بت ياعسل انت اموااااااااة.............


احمد:بتبقى فاسدة جدا..........


احمد زهران:ماكنتش دخلت مدونتى لحد دلوقتى؟؟؟؟يا كسوفك فى وسط العظماء بس ايه حكاية يفهمك غلط دى؟؟..........


دعاء موجهات:معلش اى خطا دة يبقى بسبب الغباء اعذرنى بقى يا جميل وحمد الله على السلامة............


ياسر خاطر:امممممممم شاشة هولوجرام.......انت قريب دكتور نبيل فاروق؟؟..............


funcy doctor:الله يحلمك شكرا على الدعوة..............


sou:ليه الاذية طيب ما كنا اصحاب هاجاوبه ان شاء الله.............


محمد ياسر:احلى سلام للاسرى اللى لسة راجعين من سجن المشروع نورت جدا جدا..................


nostor azouro:امممممممممم تجربة شعرية...........


ياسر خاطر:شاكرين مهللين فى السكة اهو..............


زى الهوا:شكرا على الدعوات وانتى اللى حلوة جدا.............