الخميس، 17 يوليو 2008

اللعب الرايق

عيل صغير عمل صوابعه كدهوه مسدس وقال لصاحبه طريخ طراخ..قام صاحبه طاوعه وساق له فيها وعمل له ميت واهله قالوا دة طخه طخ..ادى اصول اللعب الرايق.....................................
الاغنية دى من فيلم رشة جريئة انا بحب الفيلم دة جدا والاغنية انا شايفاها عبقرية-المهم-
لاحظت فى الفترة الاخيرة ان قطاع عريض من الناس بيلعبوا بنفس اصول اللعب الرايق كل منا اختار له دور مقتنع او غير مقتنع به ليس هذا هو ما يهم الاهم ان يلعب دوره ببراعة فى الدور المسنود اليه.
كنت من ايام ضمن ركاب حافلة والسائق كباقى السائقين لا يميزه اى شىء غير عادى وصل السائق الى مكان معين بعدها ينطلق فى طريقه بمحاذاة البحر..استوقفه ضابط مرور اكرر ضابط مرور اخذ الضابط رخص السائق وقال له (لف وانت راجع خدها) ...لف السواق ورجع ياخدها نزل وعدى الطريق اثناء تعديته للطريق رايته يخرج من جيبه 20 جنيه لياخذها الضابط.............................
لماذا؟هذا الضابط يتمتع بالباشوية فى مجتمعنا فلماذا ارتضى لنفسه هذا الدور المهين؟ هذا الشخص عمل نفسه ضابط بينما الحقيقة انه قاطع طريق ...السائق الذى اخرج العشرون جنيها عمل نفسه متضايق بينما هو راضى بهذا الدور.
محمد ابو ياسر البقال المسؤل عن صرف التموين الشهرى للمواطنين ياخذ جنيهان ونصف زيادة عن ثمن التموين الاصلى ويثور عندما يناقشه اى من الافراد المستحقين للتموين ولسان حاله يقوا(بفلوسى يا كلاب) مع انها مش فلوسه .. هذا الرجل عمل نفسه تاجر و بائع بالحلال بينما الحقيقة انه نصاب وكل مواطن لم يبلغ عنه مباحث التموين عمل نفسه مظلوم بينما هو يستطيع ان يرفع هذا الظلم عن نفسه...
لماذا كل منا مستغرق لهذا الدور الذى كتبه لنفسه؟ ويخرجه يوميا بنفس الحرفية؟
هذه نماذج بسيطة للغاية مما يحدث يوميا بيننا على الملأ اصبحت حياتنا كلها لعب رايق ..كل منا معجب بدوره ونتنافس على اينا سوف يبرع اكثر من غيره..عبثية مطلقة.
ما الهدف من كل الكلام السابق؟؟؟؟
لا اعرف ربما اريد ان نكف عن لعب ادوار ملفقة .................. ربما اريد ان نكف عن العبث.................ربما اريد ان ننتبه اكثر لحياتنا الحقيقية.............او ربما بعض التطهير لا ادرى حقا.
كل ما اعرفه اننى سئمت اللعب الرايق................

هناك 55 تعليقًا:

كوارث يقول...

اهلا يا انجي
كده انا بدأت افهم شوية
بس المشكلة ان المشاكل مبقتش مشاكل
الناس اللي بتشتكي من الفساد بتساهم فيه او بيه
والموضوع بقه عادي فعلاً لدرجة ان الحياة صارت لا تطاق بلا فساد
وعامةً
امال احنما بنقول سكوتنا اللى ودانا في داهية ليه
مهوا ده !

Alkomi يقول...

عادي جدا

جنون العظمة

شـمو نشـادر يقول...

بوست جميل يا اوجى ..

فعلا كلنا بنضحك على بعضنا .. وبنضحك كمان على نفسنا ..

خلاص بقى ده الطبيعي ..

و انا بضحك على نفسى .. وانتى بتضحكى على نفسك ..

انا عامل مدونه .. بكتب فيها و عامل فيها مناضل .. و بنقد و اقول ده وحش وده غلط .. وانا اصلا بعمل قد الغلط ده الف مره ..

و اهو كله فى الضلمه .. هو حد شايف حاجه !!

كلنا بقينا كدابين بالفطره .. بقينا بنشتغل نفسنا و بنقنع نفسنا بحاجات مش فينا عشان نريح نفسنا ..

لا .. كلنا لازم نتعذب اوى طول ما احنا كده لابسين اقنعه ..

كلنا منستاهلش نرتاح و احنا شايفين الغلط جوانا وحوالينا وساكتين عليه .. لا ده احنا كمان راضيين عنه ..

تحياتى ليكي يا اوجى ..

أسامة أمين

علم الهسس يقول...

ايه يا انجى
ما بجيش المدونة لييه؟؟
هو انا زعتلك فى حاجة؟؟

عالعموم
انا قلت اجى
وامسى اذا كان مسا
واصبح ان كان صبح

بوست هادف

المنظومة كلها تعبانة
وتشجع على
تقمس ادوار مش بتاعتنا

على رأى القائل
يا ابنى
انت لابس جلابية مش بتعتك

وربنا يسهل لغاية ما الواحد يعقل
ويلبس جلابيتوا الحقيقية


تحياتى

Foxology يقول...

هى دى الفكرة ... الحياة بشخصيتين والتناقض العجيب فى الأفعال

ولو اتكلمتى هيتقالك >> الدنيا كلها كدة !!!

ما علينا

تحياتى :)

فارس بلا جواد يقول...

تأملاتك في محلها يا انجي .. المواقف اللي ذكرتيها بتتكرر قدامنا كل يوم .. بل الأكبر من كده أننا ساعات كتير بنشارك فيها وبناخد دور من الأدوار اللي ذكرتيها
بوست لا يصدر الا من شخص له نظرة ثاقبة في أمور قد تبدو للبعض عادية
تحياتي

Mero.. يقول...

رائع
موضوع فعلا رائع
انا بسميها مؤامرة
ان كل واحد "يعمل نفسه"وكله عارف ان كله عارف
كنت كتبت حاجة قريبة شوية يا ريت لو فاضية تبصي عليها :)
http://we2namaly.blogspot.com/2008/07/blog-post_11.html

blue-wave يقول...

لأنه فيلم كامل يا انجى
ولو رفضت دورك
هاتخرج من الفيلم وغيرك هايقوم بالدور
وهاتفضل انت لوحدك
تحياتى

مواطن مصرى نايم يقول...

محمد ابو ياسر البقال المسؤل عن صرف التموين الشهرى للمواطنين

انجى اوعى يكون ده محمد البدراى بتاع التموين
اللى ابنة ياسر
و الله شكلة هو
بس حكاية الرضا بالدور و اختيارة
لا ممكن اعترض يا ميس
(المشهد : طالب رافع رجله قصدى صوباعه)

بصى فى ناس اتفرض عليها الدور
و لما بتحاول تغيرة المخرج بيتدخل
و يهدد ان الشخص ده لو ما التزمش بدوره
حيتم طرده من مسرحية الحياة
بجد و الله
فى ناس عايشة ادور مش هى اللى اختارتها
ربنا ما يجعلنا مجرد ممثلين ادوار
تحياتى
بوست جامد و الله

اسلام

مواطن مصرى نايم يقول...

ملحوظة

الراجل اسمة محمد البدرى
مش البدارى
اصلى كتبة فوق غلط
نياهاهاهاها
احم احم
حد شاف حاجة
ههههههه

ٍSOU يقول...

عارفة الوضع عامل بالظبط زى واحد اضطر يلعب دور ..قال يمثل شوى لحد مايعرف يغيرة بس للاسف من كتر لعب الدور بقى تمثيلة هو حقيقتة و حقيقتة اللى هو مخبيها مابئش حقيقتة ..فاهمة حاجة؟
و للاسف اغلبنا بيطاطى و يوطى عشان العاصفة تعدى من فوقة و تتركة بسلام ..بس من كتر مااحنا مواطين جالنا اتب و مابقناش نعرف نفرد ضهرنا تانى

ياسر خاطر يقول...

بما انك من معجبي دكتور احمد خالد توفيق هتلاقي ان في كلمة عبقرية موجودة بتعبر عن الوضع دة
دعني اخدعك.دعني انخدع
والحقيقة ان كلنا بنمثل على بعض
وللاسف افلام رديئة
الظابط اللي دخل كلية الشرطة واسطة وطلع له كرش بعد اول شهرين
عادي
سواق الميكروباص بيعمل مظلوم قدامه
بليل بيبقى بلطجى على حد تاني مراته بقى في الشارع عياله اي حد
بس اهم حاجة في التمثيلية ان كلنا بنحترم قانون واحد بيتلخص في اللي قاله عم تميم البرغوثي
في العالم العربي تعيش كما بلوان السيرك فوقك بهلوان دايس عليك وتحت منك بهلوان دايس عليه والكل واقف محترم

كيكى عوووووو يقول...

عووووووووووووووووووووووو
انا جيت اتخديتى
............................
اةةةةةةةةةةةةةةةةةةةةةةةةةة

المعتاد المعتاد دة بقى فى حياتنا....
ولو حد فينا ثار..الباقى يبصول لى على انة مشاغب..وفاضى
اةةةةةةةةةةةةةةةةةةةةةةة
يا بنتى
..............................
انتى عارفة انزل بس يومان بالمصارعين بتوعى...وانا اظبطلك المسائل كلها
واخد...2.5 بس والله انا مش مفترية
.............................
عووووووووووووووووووووووووو

blue-wave يقول...

على فكرة
بجد بوستاتك حلوة
فيها فكرة مش رغى والسلام
تحياتى

Unknown يقول...

كله عاد ماشى كدا

للأسف الناس استراحت للعبه ومش عايزه تغيرها

مصطفى

دعاء مواجهات يقول...

حبيب قلبى ياناااس

ديما يجيب م الآااخر


والله انا اصلا بحب الاغنية دى اوى ع فكرة

وبحب امثلها اوى كمان

وهههههههههههههههههههههههههههه

وكل ماحد يعمل حاجة قدامى مش مقتنعة بيها اضحك واقولوا مثل بقى

عندى الكدب يعنى تمثيل

وما الدنيا الا مسرح كبير..........

عسل كلامك بجد يا أنجوجوووو..

بموت فية بجد..

ياسر يقول...

دكتورة/انجي
مرة دخلت مدونة وعلقت في بوست
عن الوساطة والرشوة والمحسوبية
في ارض الكناتة والله ما خلصت من الناس
الا يقولي معتش الكلام دة والا يقولي البلد
دي مش هسيبها طب ياسيدي تتربا في عزك
وانا قلتلك سيب البلد كل الا قولتة في التعليق بالبلدي كدا
الا لية ضهر مينضربشي علي بطنة
وكارت من سيادة اللواء فلاان وعلاان
طب السائق دة خلية طلع كارت سيادة اللواء مش عارفية
كان دفع العشرين جنية طيب البقال دة
لو جالوا عسكري من باحث التموين مش هيديلة
فلوس وتموين من جتت الغلابة الموضوع كبير جدا
انا اعرف ناس معايا هنا بيطلعوا اي اوراق ورخصة قيادة
بمجرد الووووو او اتصال طب ازاي لاا امتحن ولاا بيعرف يسوق
بيسكلتة وتجيلوا رخصة وسليمة وخارجة من المرور صح
عملتة ازاي يابني يقول في الصيف ياعم اخدلة عدة تليفون
او برفان لة ولعيالة
تسلمي بجد علي البوست الجميل دة

تحياتي

Unknown يقول...

الناس تدعي السخط علي هذا الوضع، لكنهم راضون به تماما، إذ أنهم في الوقت ذاته لا يطيقون تنفيذ القانون بشكل حرفي

* الضابط المرتشي أفضل من الضابط الأمين، فبرغم ظلمه، لكننا نعرف كيف نرضيه عندما لا يكون القانون في صفنا.
* وبقال التموين ليس بهذه الدرجة من السوء، إذ أنه يتغاضي عن بعض التجاوزات في مواضع أخري.

في رأيي، هي صفقة متبادلة، وهذا أفضل للجماهير، فمن كان بيته من زجاج الآن، لن يستطيع قذفهم بالطوب فيم بعد.

غير معرف يقول...

دكتورة انجى

دائما لم احبب ان العب هذه اللعبة فى صغرى وازدت مقتا لها وكرها مع الكبر


اكيد لو أن كل منا حاول أن يغير ما يراه من تصرفات سلبية سيتغير المجتمع للافضل

تحياتى لموضوعك الرائع

حمادة زيدان يقول...

أنووووووووووووووووووووووووووووووووج

والله عندك حق ... كل واحد بيقولوا عايش في الدور ودايماً الدور مش بيكون دوره ... علشان أحنا شعب بيحب التمثيل خاصة لو كان على نفسنا , يعني لو كبرتي الموضوع شوية وبصيتي مثلاً ع الحزب الوطني تلاقيه راسم لنفسه دور حزب الشعب وهو اللي مظبت حياة الشعب وهو في الحقيقة عبارة عن مجموعة من الحرامية الكبار أجتمعوا على سرقة الناس ... ولو بصيتي على جماعة الأخوان المسلمين هتلاقيهم جماعة راسمة لنفسها دور أصحاب الفضيلة والتدين في مصر وهما ممكن يلعبوا بأي حاجة وفى الاخر يقولوا سياسة ... والشعب بردوا كل واحد اختار دور مناسب ليه وبميثله وقليل اللي عايش في دوره...

طولت عليكي أنوج sory بقي وياللا باي علشان ألحق أمثل دوري...

منه مرتجى - عازفة الأوتار يقول...

و الله يا انجى يختى انتى قلبتى عليّه المواجع

كلامك صح و مية مية و فى الجون

طالما احنيت ظهرك فى منتصف الطريق , لا تلم من دعس رقبتك بحذاءه


بجد بوست هايل و اسلوبك فيه جميل جدا

سعيدة بوجودى هنا

maiosha يقول...

والله يا أنجى أنا مش عارفة أعلق بإيه

إنتى كتبتى بوست فى الخلاصة .. فعلا والله الأغنية دى تشبيه بسيط لحاجة كلنا عايشينها

والمواقف اللى إنتى حكتيها دى بقت العادى .. وبشوف مئات منها يوميا
هنعمل إيه يعنى الواحد بيتفرج.. ويضحك

تحياتى

me يقول...

انجىىىىىىىىىىىىىىىىىىىىىى

وحشتينى و الله

انا بجد بموووووووووووت فى مدونتك

النتيجة امتى؟

الموضوع جميل اوى و فعلا عندك حق بس انت عارفة وى مبيقولو

سبق السيف العزل

لو حاولتى لوحدك تغيرى الوضع هتبقى انت اللى مجنونة

بعد الشر عليك يا قمر

تشااااااااااوووووووووو

غير معرف يقول...

باسأل نفسي كتير قوى
عن احوالنا المعوجه اللى بقت حاجه عاديه بنعدى عليها يوميا وبنستغرب لية حد استغربها
عينينا اتعودت على الغلط لدرجة انها بتستنكر تشوف الصح
انا كمان كارهه للعب الرايق
وعجبي عليك يا زمن

نعكشة يقول...

عندك حق

بس المشكلة انة ممكن اللي بيعمل كدة مش بيدرك انه بيمثل الدور بس

علي فكرة

انا محتاجة اقف مع نفسي و اعرف أي الادوار حقاً دوري

و أي الادوار الملفقة التي ألعبها حقا

أوووه :(

محتاجة اقف مع نفسي في حاجات كتير
لية فكرتيني
مع اني شاكرة ليكي انك فكرتيني
بس

هيـــــــــه ( a sigh)


عامتاً

دمتي سالمة

سلامٌ عليكي

2ensan wnsan يقول...

سلام عليكم ..

الدنيا مسرح كبير وكله بيمثل فيه دوره اللي هو اختاره ومش بعيد يكون في ناس بتعمل اكتر من دور ...

واحد يظلم ويحب يظهر نفسه في صورة المظلوم عادي جدا ...

واحد جاهل يحب يظهر نفسه عالم عظيم عادي جدا ...

واحد شخصيته من ورا الناس مش اللي هيا وقدامهم عبدالرحمن القس في زمانه .... تقي ورع ودقنه مترين عادي جدا ....


والمشكله اننا بنصدق نفسنا

برضه عادي جدا

a7md Helal ( المهم ) يقول...

الحقيقة اللي كلنا مش عايزين نعترف بيها
ان العيب فينا احنا مش في الحكومة ولا في الظابط
لان كلنا شايفين حقنا بيضيع ولا نحرك ساكنا

نكتفي فقط بمصمصة الشفايف
والشكوي لغير الله مذلة


الموضوع ده محتاج واقفة مع نفسنا نشوف حقوقنا اللي احنا ساكتين عنها

واديها رشة جريئة الحلم يبقي حقيقة

حدوته مصرية يقول...

يا نهارك
ده انا هرفع عليكى قضية سب و قذف هههههههه

محمد ابو ياسر مين يا دكتورة يعنى هى الاسماء خلصت لما تقولى محمد و ياسر كمان

و بقال!!! طب ده انا لسه واخد البكالوريوس فى الهندسة

و كمان تموين واتنين جنيه و نص طيب فين دول ده انا مخدتش منك ربع جنيه حتى

انا عقابا ليكى هاخد على كل بوست تكتبيه اتنين جنيه ونص

تحياتى
!! محمد ابو ياسر !!

الميكروباص يقول...

نحن لا نستاهل وضع أفضل مما نحن فيه
الكل خائف حتى من مناقشة البقال- وانا منهم- خوفا من بطشه على الرغم من تأكدي من انه حرامي
فكيف سأناقش رئيس الجمهوريه؟

bastokka طهقانة يقول...

انا بشتكي من الفساد



بس بشتكي بيني و بيني

حد يعرف ممكن اشتكي لمين؟



اوروفوار

كراكيب يقول...

انتي دماغك فظييييييعه جدا ع الاخر

انا بتبسط كدة وانشكح اول ما ابقى على باب البلوج بتاعك علشان عارفة اني هدخل كدة واقعد واقرا حاجة حلوة وفظيعه وجاية على مزاجي

انجي.... كل اللي بيحصل ده اسمه فساد مجتمع
فساد مجتمع بأهله بتفكيره بإعتقاداته بالدين اللي نسيوه وبالأخلاق اللي رموها وبالظلم اللي راضيين بيه
فساد بناس جشعه بناس مابتشعبعش بناس واكلة شاربة صاحية نايمة بفلوس مش بتاعتهم ومش من حقهم بناس مش ناس

بوستك هايل كالعادة

miro el niro kwaniro

كيكى عوووووو يقول...

اييييييييييييييييييييية
يا بت انتى مختفية
ولا
ايييييييييييييييييييييييية
ولا دة تقل
ولا
ايييييييييييييييييييييية
طب على العموم كنت جاية ارخم
عوووووووووووووووووووووووووو

شفـقــة و إحســــان يقول...

انتى بتكتبى كويس جدا يا جىجى....البوست جميل
شفقة

Unknown يقول...

مش هأقولك حاجة خالص لإني زعلان..
بس والله بيعجبني كلامك
أكتر من كده مفيش
أظن طريق مدونتي معروف..عدي سلمي ع الأقل مش عاوز غير كده ولا منعجبش..
كل الود

Unknown يقول...

كوارث:ماهو دة فعلا.


محمد الكومى:عظمة ايه بس فى ناس بتعمل كدة من غير عظمة خااااااالص.........


شمو نشادر:النغمة دى انا عارفاها وكدة يبقى الموضوع كبير وعايز قعدة.................


علم الهسس:لا والنعمة دى ظروف النت المنيلة بس عموما كلامك عن المنظومة صح الصح.............


foxology:ماهو دة اللى يغيظ........


فارس بلا جواد:شكرا على الكلام الجميل دة يا دكتور..............


ميرو:طبعا ابص عليها ولو مش فاضية افضى عشان انا متاكدة انه اكيد بوست حلو..............


blue-wave:لو كلنا رفضنا نقوم بالادوار المرسومة الفيلم مش هيكمل ودة فى صالحنا..............


مواطن مصرى نايم:محمد البدرى اللى فاتح فى شارع التحرير ابو نظارة دة؟لا مش هو..................


sou:ماهى الكارثة اننا نصدق الدور دة...............


ياسر خاطر:يا سلام هو دة دعنى اخدعك دعنى انخدع.............


كيكى:اه اتخديت بس يا بنتى اللى يثور بيتقال عليه من القلة المندسة المنحرفة وابقى سلمى لى على الشفافية....................


blue-wave:يا كسوفى شكرا يا دكتور....


egyboy:هى دى المشكلة...........


دعاء مواجهات:دة انت اللى حبيب قلبى يا جميل وطبعا الكدب تمثيل ........


ياسر:احنا بلدنا بقت الراعى الرسمى للكوسة طبعا كلامك صح جدا ........


احمد على:انا طلبى الوحيد اننا نبطل نعمل الصفقات دى عشان كدة احنا بنبيع عقولنا وضمايرنا...........


المحارب المتيم:ياريت كلنا نبطل نلعب اللعبة دى عشان هى اساسا لعبة بايخة.................


حمادة زيدان:والله يا ابنى نفس الكلام اللى كنت عايزه اقوله فى الجون يا حمادة ويللا ما اعطلكش عن دورك........


ورود واشواك:دة انا اللى سعيدة بوجودك هنا والله.............


maiosha:انا كمان باتفرج وباضحك وباحاول ما العبش معاهم.........


البت قباحة:وانا باموووووووووت فيكى انت شخصيا النتيجة قربت ادعى لى...................


وينكى:خطوة عزيزة جدا والله ........


نعكشة:وانا كمان والله محتاجة اقف مع نفسى كويس انك فكرتينى...........


واحد انسان:خطوة عزيزة يا عبد الله وطبعا كالعادة رايك فى الجون.........


المهم:طبعا احنا المسؤلين مين قال غير كدة؟.............


محمد ياسر:معلش يا باشمهندز اسفين بس دة تشابه اسماء.............


لورنس العرب:طبعا حلال فينا.......


طهقانة:لو لقيتى حد تشتكى له ابقى قولى لى................


كراكيب:شكرا على الاطراء الفظيع دة والله يا كراكيب هانم............


كيكى:لا والله اتقل عليك يا جميل بس هى لعنة الكمبيوتر الابدية معلش........


شفقة هانم واحسان بيه:شكرا والله.......


كاتب مصرى:اسفة على السهو الغير مقصود.........

Desert cat يقول...

مش كل ادوار الظلم بيكون المظلوم بطلها
لكن فعلا فى ناس مقهورة غصب عنها
اما الحالتين اللى ذكرتيهم فى البوست فده اللى حاسس بالقهر هو اللى يستحق لان محدش فيهم له سلطة على المقهور بالعكس فى كلمة اسمها قانون
بس الناس خلاص اتعودت على القهر لدرجة انها اسبحت تستمتع بيه
تحياتى

مواطن مصرى نايم يقول...

طب الحمد لله انه مش هو لو كان هو اللى بيتعوج عالناس كنت ظبطته هو و ابنة
هههههههههههههههههههههههههههههههههه

رؤية يقول...

ماشى... هاجيب من الاخر...
بوست جميل بيناقش قضية او نقول سلبية من سلبياتنا ككل...بس من الواضح ان دا نتيجة تعود السلبية لدرجة اننا لو مافيش مجال ليها بنتقمصها!!!
اشكرك على البوست،
وتحياتى لك.

شادى زلط يقول...

غالبا عشان باعشق الاغنية اللى ابتديتى بيها وباحب الفيلم لقيت نفسى باعلق

ماتستغربيش يا إنجى
الفايدة الوحيدة اللى عملتيها لمل ربطتى بين الاغنية والواقع اللى قولتيه

انهم كلهم عيال صغيرة


صحيح
الموهبة مثل الجريمة هاتلاقيها فى شخبطة ع الحيطة

و الحمد لله ع السلامة يا دكتورة

Unknown يقول...

قطة الصحراء:الكارثة اننا نستمتع بالظلم المنيل دة بس طبعا فى ناس
مظلومين غصب عنهم...............


مواطن مصرى نايم:اكشف عن شخصيتك......


رؤية:شكرا لمرورك وتعليقك وشكرا على المجاملة الرقيقة..............


abozikas:

Unknown يقول...

abozikas:انا بصراحة مش فاهمة تعليقك بس لو انت حاسس ان كلامى خايب للدرجة دى كان لازم ما تضيعش وقتك وتعلق وللا ايه؟ عموما متشكرين اوى على التشجيع دة واتمنى ما يتكررش تانى

Amgad يقول...

مساء الفل عليك يا اوجي
دايما بتيجي ع الجرح
بجد انا عندي كلام كتير اوي في الموضوع ده
وبتجيلي خنقة كبيرة اوي لما بفتكرة
كل اللي هقولة ان سلبيتنا وترييح دماغنا وخوفنا وضحكنا علي بعض هو السبب في ده
خالص تحياتي ليكي

funckydoctor يقول...

اه فعلا كلنا مقضينها استهبال على بعض
حاجة تفلق
المجتمع بقى تمثلية كبيرة

momken يقول...

تسلم ايدك
حتيطى ايدك على العله تماما
وهذا ما كنا نهرب منه جميعا

بس القضيه اقدم من كده
من يوم ما اطلقوا لقب امين شرطه ضاعت الامانه
ومن يوم ما قالوا على الظابط باشا وهو افتكرها عزمه ابوة
ومن يوم ما عينوا رجال ادره التموين والصحه من الجائعين انسعر البقالين وموزيعى السلع التمونيه

البقيه فحياتك
بلدنا ماتت من سته وخمين سنه
على ايد الجيش

البوست عجبنى جدا
تحياتى

أحمد بكر يقول...

نظره عميقه بج و بوست عجبنى اوى فعلا ايه الفرق بين الظابط ده و قاطع الطريق و بالفعل احيانا المظلوم بيشارك فى ظلم نفسه
تحياتى يا انوج

ميرو انتكة يقول...

ازيك يا انجى
عندك حق الى بيحصل فى البلد زاد قوى بس هنعمل ايه كل الى فى ايدينا اننا نقول لا
ربنا يهدينا كلنا

مدونتك لذيذة زيك يا جميل

سلامة سلامة

كيكى عوووووو يقول...

عووووووووووووووووووووووووووووو
..............................
دة انا بحاول ماتخنقش معاكى
وابان على حقيقتى المررررررررررررة
..............................
ما انتى عارفة يا بت انى بخلل فى البوست اسبوع.....
وكمان اختك مخها ساح خالص ومش عارفة اكمل خالص....
..........................
المهم هاتى من الاخر انتى وانزلى بجديد احسنلك.
اةةةةةةةةةةةةةةةةةصحيح النتيجة امتىىىىىىىىىىىىىى
امانة عليكى
اول ما تنزل انا اول واحدة تقوليى
ومتقلقيش يا دكتورررررررررررر
خيرررررررررررررررررررررررررررر
...........................
باااااااااااااااااى
يا اجدع دكتور فى العالم
عوووووووووووووووووووووووووووو

ليكوريكا يقول...

مشكله كبيره اوي

مثلتيها بمثالين بساط كلنا بنشوفهم كل يوم

بس بنشوفهم ونضحك زي مبنضحك علي الاطفال اللي بيلعبوا اللعب الرايق برضو

الموضوع جميل اوي

يارب نبطلع لعب وكل واحد فينا يعرف ايه اللي ليه واللي عليه

ادم المصرى يقول...

يبنتى خلاص احنا خدنا على الفساد او بى معنا اصح غرنا بقه من غير فساد مبقاش يعرف يعيش احنا فى احوال لا توطاق بجد بقه شيئ نرجو الدعاء من اجل الفرار منه بارك الله فيكى

blue-wave يقول...

بصى هيا الحاله اللى قولتيلى عليها عايزة كلام كتير
amrfarok2001@yahoo.com
لو عندك msn
ضيفينى ونتكلم فيها
وماتقوليش دا ياهو مش هاينفع على الهوت ميل ماسنجر
هاينفع ماتقلقيش
سلام

.:.-=- ELGaZaLy-=-.:. يقول...

لا اعرف ربما اريد ان نكف عن لعب ادوار ملفقة .................. ربما اريد ان نكف عن العبث.................ربما اريد ان ننتبه اكثر لحياتنا الحقيقية.............او ربما بعض التطهير لا ادرى حقا.
كل ما اعرفه اننى سئمت اللعب الرايق
--------------------------------
مش لوحدك يا انجى...كلنا قرفنا نمن اللعب الرايق مش سئمنا منة بس..بجد حاجة اكثر من مقرفة ...
عادى شئ من الاشيائ الى بنعملها بصفة دورية وبقت اشياء نمطية مع انها اشياء ....

Unknown يقول...

امجد:مساء الفل عليك يا ميجو وبعد الشر عليك من الخنقة واى حاجة عندك قولها..................


funcky doctor:هى فعلا حاجة تفلق.....


momken:حياتك الباقية عارف انا عندى نعترف ان كل حاجة ماتت بدل ما نمثل....


بكر:يا متاخر انت دايما كدة اوك حسابك بعدين شكرا يا بيكر رايك......


ميرو انتكة:دة انت اللى لذيذ ورايق ورايك فى الجون...............


كيكى:انت يا بت ماتقوليش على كيكى صاحبتى حقيقتها مرة احسن اقطعك ......


ليكوريا:والله عندك حق يا ليكو يا اخويا................


ادم المصرى: رايك صح يا ادم وشكرا على الدعوة..............


blue-wave:شكرا يا دكتور على اهتمامك انا ضفتك بس انت لسة ما قبلتش اقبل بقى ...............


الغزالى:حمد الله على السلامة فعلا بقينا بنعمل اشياء كتييييييير وهى فى حقيقتها اشياء وخلاص..........

Amgad يقول...

الف الف مبروك يا اوجي انا قولت المبروك ممكن متوصلكيش من عندي اجي اوصلهالك انا

Ehab يقول...

كل ده علشان تقولي ان محمد ابو ياسر بياخد منكم اتنين جنيه ونص ذياده على تمن التموين يا ساتر عليكي

بطلوا استغلال للنفوذ بقى منبر زي ده تستخدميه لأغراض شخصيه وشكاوي كيديه حرام عليكي
ههههههههههههههههههههههه
هههههههههههههههههه


معلش يا انجي الغتاته نقحت عليا
سلاااااااااااااااااااااام يا قمر

Unknown يقول...

امجد:وصلت التهانى بس النقطة والشربات لسة.............


الشنكوتى الكبير:انت مدسوس علية وللا ايه؟؟؟؟؟طب انا من منبرى هذا باطالب بانك تروح تجيب ال2.5 من ابو ياسر وتتحمل البهدلة...............