الخميس، 7 أغسطس، 2008

أجازة اجبارية وقصة قصيرة

سلامو عليكو.. طبعا العنوان عجيب ايه اجازة اجبارية يعنى وايه اللى جاب الاجازة للقصص هى البت دى مش هتبطل فزلكة...
اولا الاجازة دى لها سبب...........استعدوا...............بيان هام..........
يا كل اصحابى وحبايبى المدونين.........ادعوا لى...
ليه؟ عشان يوم السبت اللى بعد الجاى -اللى مش بعد بكرة دة لا اللى بعده ركزوا- هأدخل المستشفى عشان اعمل اول عملية جراحية فى حياتى ان ان ان ( موسيقى مؤثرة) بس ماتخافوش يعنى انا جبت النتيجة من الكنترول وعرفت انى باذن الله هابقى زى الجن وهارجع اقرف فى حضراتكم تانى ولا تقلقوا...
اسمع حد لذيذ بيقول ولما العملية كمان اكتر من اسبوع قرفانا من دلوقتى ليه؟
اقوله لو مش عاجبك اخبط دماغك فى الكيبورد بس فى سبب.. السبب هو انى يوم الحد اللى جاى-اللى هو بعد بعد بكرة دة ركزوا- رايحة مطروح معسكر تبع الجامعة فى الصحراء بقى وخيم وجو تانى عشان كدة قلت رخامة يعنى انزل البوست دلوقتى عشان بدل ما تدعوا لى يومين تدعوا لى اسبوع ويومين مافيهاش حاجة مدونتى وانا حرة فيها.....
طبعا انا عارفة ومتاكدة وموقنة انكم هتفتقدونى عشان كدة بقى قلت اسيبكم تتسلوا فى قصة قصيرة من ابداعاتى و كدة اكون فسرت العنوان.
يللا اسيبكم بقى مع القصة بس ما تنسوش تدعوا لى..............


.........................................................................................................................................................................

فشل
......
انها تعيش ايام من اسعد ايام حياتها . تعرف ان هذه الايام سوف تكون من الذكريات الغالية ذات يوم.
تشعر برضا بالغ عن الحياة وعن ذاتها فقد نجحت بعد جهد جهيد ان تقنع صديقتها باهمية الحياة و تخرجها من حالة الاكتئاب التى كانت تعيش فيها. انها ترى الامان الان كسهم معادلات الكيمياء - رايح جاى- بينها وبين صديقتها فهى تشعر بالامان الشديد بعد ان منحت صديقتها الامان و ساهمت فى زوال الاكتئاب و اثنتها عن الافكار السوداء.
امنت بقدرتها على التاثير فى البشر و بانها تستطيع ان تتفهم و تعالج وتحتوى المواقف العصيبة.. رباه كم يشعرها هذا بالسعادة فبعد صولات وجولات مع صديقتها استطاعت ان تقنعها و بالتدريج اعترفت صديقتها ان الاقتناع تحول الى يقين ان الاكتئاب ليس هو الحل.
.............................................................
-الو.......ايوة يا طنط......هو ليه انت اللى بتردى على الموبايل؟
-اصل احنا فى المستشفى.
-مستشفى؟؟؟ ليه؟؟ خير؟
-شفتى..بنتى كانت عايزة تحرق قلبى عليها..حاولت تنتحر..شفتى صاحبتك كانت عايزة تعمل فية ايه..
.............................................................................
ترتدى ملابسها لتذهب لزيارة صديقتها فى المستشفى للعجب هى لاتشعر بالهلع على صديقتها فقط هى تشعر بالغضب..غضب شديد انها تخيلت ان محاولاتها اقنعت صديقتها وان صديقتها اوهمتها انها اقتنعت..
فشل اخر ينضم الى قائمة فشلها الطويلة..هل هى انانية الى هذا الحد هل يعنيها فشلها اكثر مما تعنيها حالة صديقتها الحقيقية؟
لا تعرف و لكنها سوف تذهب و تمثل دورها الاجتماعى فى الاصابة بالهلع والحزن من اجل صديقتها..لا لن يكون تمثيلا الى هذا الحد هى فعلا حزينة ولكنها تشعر بالفشل امام موقف وضعت فيه وفشلت.
ابتسمت..هى دائما تفشل مع الناس و لكنها تنجح فى الاعتراف بهذا الفشل.
نظرت الى وجهها فى المراة
-نفسى افشل فى الاعتراف بالفشل.

هناك 32 تعليقًا:

ميرو انتكة يقول...

الف الف الف الف سلامة يا انجى وربنا يرجع لك لينا يا رب بسرعة يعنى مش تطولى بعد العملية
عايزين بوست جاااااامد اكيد

والقصة جميلة يا قمر وكل مواضيعك جميلة زيك اكيد

اختك الى بتبحبك بجد مروة

كوارث يقول...

حينَ تفشل في الاعتراف يالفشل
فحينها لن تتقدم أبدًا ..
أحيانًا يكون الاعتراف بالفشل عينه هو الدافع الى تحقيق المستحيل !
يبقى السؤال هو
هل يشعر الجميع بالفشل ؟

رايي الشخصي ..
كالعادة
بالنسبة لي الفكرة ابلغ من اني اتكلم عن اي حاجه تتعلق بيها !

شـمو نشـادر يقول...

انتى مش بتكتبى قصص قصيره ..

انتى بتكتبى مذكراتك ..

تحياتى ..

أسامة أمين

blue-wave يقول...

اولا تروحى وترجعى بالسلامه
هاتوحشينا
ثانيا بحس ف كل قصه ليكى بإسقاطات نفسيه رهيبه
لعلمك
لو كملتى فى مجال الطب النفسى هاتنجحى فيه اوى
دا طبعا لو ماروحتيش ابو زعبل او العباسيه:))
تحياتى

مدحت محمد يقول...

تروحى وترجعى بالسلامة

وربنا يطمنا عليكى

بيكر(baker) يقول...

الف سلامه يا انوج خير بس يا رب تكون حاجه بسيطه
و بعدين ليه كل كتاباتك عن الاكتئاب كده عاوز اشوف منك حجات عن التفاؤل و الامل ابقى طمنينى عليكى
ترجعى بالسلامه

حمادة زيدان يقول...

أنوووووووووووووووووووووووووووووج

ألف سلامة عليكي ... يخرب عقلك مش تقولى كنت عملت الواجب وجتلك باتنين كيلو قشر موز ولا حتى كيلوا بزر برتقان ماشي يأ أنوج بتخبي عليا
ألف سلامة عليكي وربنا يرجعك بألفين سلامة يارب

القصة جميلة وعجبني التناقد بتاع البت البطلة أوى وانتى عارفاني بحب التناقض أد ايه................

تسلم أيدك وترجعيلنا بألف سلامة يارب

المحارب المتيم يقول...

انجى

اولا تروحى وترجعى بالسلامة ويارب اول عمليه تعدى على خير ومتقطعبش حاجة

ههههههههههه


ثانيا القصة اكثر من رائعة السرد فيها هايل

وحكاية الفشل دى لازم يا ستى علشان اول مرة امال هتبقى دكتورة ازاى اتعودى على الفشل علشان تنجحى

تحياتى

البت قباحة يقول...

اولا مبروك النتيجة

ثانيا سلامتك من الااااااااااااااه و عمليه اييه و مش عيب عليكى تطلعى بره و انا موجودة اخص اخص

ثالثا بحقد عليكى و انا متلقحة هنا فى طوارئ الميرى دانا حتى بنام هناك

هتيلنا شوية رملة من عندك

القصة بقى
جميلة و كتييييييير اتعرضت ليها خصوصا و انا بساعد شخص عزيز عليا فى طريق علاجة من الادمان

دة مش فشل دة اسمه شعور بان حد يخذلك و دا لان نيتك كويسة و حقيقية فى المساعدة

شعور جميل بانك تش\ساعدى حد

لولا لحظات الفشل مكوناش حسينا بحلاوة النجاح و لو مادركناش فشلنا مكوناش حاولنا تانى

دى ظاهرة صحية

قبلاتى

صحيح فين الباميه و الملوخية بتوعى

تشااااااااووووووووو

دعاء مواجهات يقول...

حبيبة قلبى

الف سلامة عليكى خضيتينى يابنتى

لو ماكانتش الساعة دلوقتى 4 الفجر كنت كلمتك حالا..

بس هحاول اصبر للصبح

ويارب يكون خير ياارب

__________________-

القصة حلوة تقريبا مركزتش اوى.

سلام دلوقتى .. لحد ما اتطمن.

عروس البحر يقول...

تروحي و ترجعي بالسلامة
تحياتي

العراف يقول...

تروحى وترجعى بالسلامه وهتوحشنا فزلكتك وقصصك ههههه بجد خلى بالك من نفسك بعد كده واحنا مستنينك ترجعلنا بالسلامه ان شاء الله

ليكوريكا يقول...

تيجي بالسلامه

وتقومي بالسلامه

وتسلم ايدك عالقصه الجميله :)

بس حتي الفشل في الاعتراف بالفشل فشل :)

عموما ليكي عندي واجب

اول متعملي العمليه وتقومي بالسلامه تردي عليه ...

تروحي وترجعي بالسلامه باذن الله

نعكشة يقول...

لأ طبعاً انا مش معاها في امنيتها في ان تفشل في ان تعترف بالفشل

وعلي رأي كورث
لن تتقدم ابداً

............

بالنسبة للعملية : شفاكي الله و عافاكي
وان شاء الله تخرجي علي خير

...
بالنسبة للمعسكر
يا رب تستمتعي يا رب
و تعود عليكي بالفائدة و الخير

....

سلام

mregypt7 يقول...

السلام عليكم
الف مليون سلامه عليكى
روحى كده العمليه بقلب جامد
بس لما ييجى الدكتور يخضرك هيقعد يسالك مش عاوزك تروحى فى النوم
بصى تنحى معاه شويه
عاوزك تخليه يشد فى شعره لحد ما يبقى اقرع
ربنا يرجعك بالسلامه يا ستى
وسيبغك اسود كده من حراره الصحراء بتاعه المعسكر هههههههههههههه
تحياتى ليكى
الباش مهندس بوحميد

Amgad يقول...

سمع حد لذيذ بيقول ولما العملية كمان اكتر من اسبوع قرفانا ليه من دلوقتي
هههههههههههههه
ايه جو المعايشة الجامد ده
بتقكريني بهاني رمزي في عايز حقي لما كان شغال سواق تاكسي ومسجل شريط بصوته
واحد بسالني هل تجوز الصدقة لسواقين التاكس ارد اقوله دول غلابة ومحتاجين
ههههههههههههههههههههههه
المهم من الاخر
الف سلامة عليكي يا انجي
بجد يا بنتي مش هطمن الا لما اشوفك بتردي علي اي تعليق او بتحطي بوست وهفضل لحد يوميها قلقان عليكي
ربنا يحكيمي لشبابك ياختي ويخليكي للبلدي

بالنسبة للقصة انا عايز اعرف هي صاحبتها كانت عايزة تنتحر ليه
وبعدين صاحبتها الفاشلة دي تبقي انانية عكس مريام فارس اللي مش انانية انانية
لانها زعلت علي فشلها اكثر من زعلها علي كارثة صاحبتها اللي في اعتقادي انها لو مكنتش نصحتها مكنتش اقدمت علي الانتحار
مش اسف خالص اني طولت
اطول براحتي
ويارب ترجعي بالف سلامة يا اوجي

هانى علوان يقول...

ازيك يا دكتوره انجى عامله ايه
اجازه سعيده
انا اضفتك عندى على فكره
تحياتى
هانى

المهاجر الى الله يقول...

ادعوكم لزيارة مدونتى المتواضغة والمساهمه بتعلقاتك وارائك
www.eyuon.blogspot.com
وشكرا

محمد الكومي يقول...

اولا ربنا يستر عالمريض او الضحية

بالنسبة للقصة

؟؟؟؟؟؟؟؟؟؟؟؟؟؟

طيب يبقى لينا كلام تاني

afew good men يقول...

الفشل بداية النجاح

بقولك ايه

بعد العملية طمنينا

وانسي الفشل

ربنا يرعاكي

Mero.. يقول...

تروحي وتيجي بالسلامة ان شاء الله وسليمة وبسيطة العملية باذن الله..

اما القصة فبيتهيالي اللي انتحرت دي صاحبتها تدعي عليها وتسبها تموت احسن بقى وتريح نسها..
بس اللي جامد بجد اخر كلمة ..
"نفسي أفشل في الاعتراف بالفشل "..
دمتي بخير اختي..

Foxology يقول...

اولا الف سلامة وربنا يجعله فى ميزان حسناتك :)

ثانيا القصة جميلة جدا وفعلا الواحد صعب ان هيعترف بالفشل مع اقرب الناس ليه :)

تحياتى :)

Foxology يقول...

اولا الف سلامة وربنا يجعله فى ميزان حسناتك :)

ثانيا القصة جميلة جدا وفعلا الواحد صعب ان هيعترف بالفشل مع اقرب الناس ليه :)

تحياتى :)

ياسر خاطر يقول...

الف سلامة عليكي يا انجي يابنتي وان شاء الله تقوميلنا بالسلامة
وان شاء الله تقضي مخيم سعيد في الجو الرائع دة
وبعدين حد يروح مخيم ويعمل عملية في نفس الوقت؟
مش هانختلف
انا قولت برضو واجب عليا اجي وازف لك البشرى وافرحك

http://elkopry.com/index.php?content=26&edit=16

مقالك منور المجلة

علم الهسس يقول...

انجى
الف سلامة عليكى

بس انا كدا زعلت لما عرفت انك هاتخش غرفة العمليات

ربنا يشفيكى

وترجعلنا بالسلامة

وابقى جبلنا لب ابيض من مطروح
بيقولى ان اللب هناك حلو

تقبلى تحياتى

ياسر يقول...

اذيك يادكتورة

اسف علي التاخير لظروف اقوي
مني
وتروحي وترجعي بالف سلامة
وربنا يتم شفاءك
تحياتي

كراكيب يقول...

اوووووولا: الف سلامة عليكي
وترجعي يا جي جي بالسلامة كدة تنورينا وتآنسينا وتصدعينا كمان وكمان
طب اوعي تنسي تطمنينا بقى اوووول ما تخرجي من العمليات ازاي بقى معرفش
مليييييييش دعوة ماتسألنيش اسسسسكتي بقولك تتصرفي يا حلوة بقى دي مشكلتك انتي مش مشكلتي انا ايوة انا بقولك اهو وقد احزر من انذر
بس هه

هع هع هع

ثانيا بقى: مش عارفة اعلق على القصة بس انتي بجد فظيعه
انجي.. انتي هايلة
انجي... بيـــس ;)

miro el niro kwaniro

سلطان الغرام يقول...

بدايه الف سلامه عليكي ويارب ترجعي لينا بالسلامه وتكوني احسن

وياريت بعد العمليه الفشل يتحول نجاج

وممكن نغيره اجباري نخلي الدكتور اللي بيعمل العمليه يشيل منبع الفشل ويحط مكانه منبع الامل والنجاح ويخيط تاني

وربنا معاكي

البت قباحة يقول...

انجى انت غبتى ابقى طمننينى عليكى عشان مقلقش

طب فى اى مستشفى

المهم يارب تكونى كويسة

ربنا معاكى
تشاااااوووووووووو

Desert cat يقول...

انتى عارفه اجمل حاجه ايه يانجى فى الموضوع ده كله هو المعكسر
اصلك فكرتينى بالذى مضى
الف سلامة عليكى وابقى طمنينا عليكى يا جميل
تحياتى

will يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘