الجمعة، 22 أغسطس، 2008

حاجات شبه الخواطر3

الحاجات اللى شبه الخواطر كترت قوى كدة بصراحة بس انا قلت ان الاكتئاب كدة خد وقت اكتر من حقه الصراحة وما ينفعش كدة خصوصا ان الموضوع كبير وانا ما ينفعش افضل قارفة الناس جنبى كدة فقررت انى اخرج من هذه الحالة الشنيعة او على الاقل احاول اخرج منها بس بردو لاااااازم تدعوا لى والنبى -المهم-
طبعا باين من العنوان انى هاكتب حاجات شبه الخواطر وهذه الحاجات هى كالتالى.
اول حاجة عايزاكم تفخروا بية كدة ودة ليييييييييييييييييييييييييييه؟؟؟؟
عشان اختكم عقبال عندكم -لا مش هتجوز بعد الشر- اتنشر لها مقال فى مجلة انترنتية اكتر حاجة فرحتنى ان مكتوب تحت العنوان بقلم انجى ابراهيم .. عجبتنى الجملة بصراحة وكيفتنى قوى عايزاكم بقى تروحوا تشوفوا المقال وتقولوا رايكم بكل صراحةhttp://elkopry.com/index.php?content=26&edit=16 دة لينك مجلة تحت الكوبرى التى شرفت بانها نشرت لى مقال طبعا وواضح انى هاقعد كل المحررين فى بيوتهم(دة تهجيص ماحدش يركز)..
تانى حاجة فى الخواطر عايزة ااكد عليكم دعواتكم عشان غالبا العملية الاسطورية هتكون الاسبوع الجاى-يارب نخلص بقى-
تالت حاجة فى الخواطر بقى شوية تاجات كدة على الماشى اصل نجوم المجتمع اللى زيى مش بيجيلهم تاج وللا اتنين لااا شوية تاجات و مع انى بحب اخلى حياتى الشخصية بعيدا عن الاضواء والشهرة والنجومية وكدة بس دة حق الجمهور علية (كفاية كدة نفخ)
اول تاج من نعكشة......
البنية بقالها كتير ما نزلتش بوست جديد ادعوا لها بقى عشان وحشتنى كتير
التاج بيقول........................
اول سؤال بدأت تدوين من امتى؟ و دخلت العالم دة ازاى؟
بدأت تدوين السنة دى من شهر مايو .... دخلت العالم دة من بابه اكيد يعنى مش من الشباك بس انا كنت مرة باتمشى على شط النت وكنت باعمل سيرش على حاجة وفى نتايج السيرش دخلت بالصدفة مدونة اشرف حمدى و عجبتنى جدا ودورت بقى بعدها وعجبنى الموضوع وقررت انى انشر الكلام بتاعى بدل ماهو محبوس فى الكراسة الخضرا تحت مرتبة سريرى.........
تانى سؤال ايه كان انطباعك فى البداية؟
امممممممم هنكشف الهبل بقى انا انطباعى كان انى باعمل حاجة عظيمة جدا وان دى حاجة مهمة طحن وكنت مبسووووووووووطة جدا جدا طبعا الشعور دة لسة موجود بس مش بنفس درجة الهبل يعنى عارفة انى باعمل حاجة مهمة بس من غير عبط .
تالت سؤال مين اكتر واحد بتهتم بتعليقاته على البوست؟
امممم هم كتير صراحة كتير قوى يعنى كل الناس اللى بحب اقرا لهم يبقى باحترم دماغهم وبالتالى باهتم بتعليقاتهم جدا.
رابع سؤال مين اتعرفت عليه من المدونة ونفسك تتعرف عليه فى الحقيقة؟
هو سؤال غريب صراحة انا اتعرفت على ناس واتكلمنا وبقينا اصحاب يبقى انا كدة عرفت حقيقتهم مش لازم اشوف وشوشهم يعنى بس ممكن نقول مين نفسى علاقاتى معاهم تمتد ونشوف بعض ونتقابل وكدة يبقى دعاء مواجهات و اسامة امين بس دة حاسة انى لو قابلته صدفة هاعرفه و حمادة زيدان وميرو انتكة عسل البت دى و عبد الله غنيم ربنا معاه ويرضيه يارب .
ايه اهم حاجة اتعلمتها من عالم التدوين؟
اممممم اتعلمت ان فى ناس بتفهم على كوكب الارض وان الارواح بتتلاقى فى ملكوت الله على راى خالتى نوسة.
ايه اكتر حاجة كرهتها؟
اكتر حاجة كرهتهااا؟؟؟ لما تبقى فاكر ان الشخص دة كلامه بيعبر عن شخصيته وبعدين تكتشف العكس تماما وان الافكار والكلام كلام فعلا.
ممكن تدى مثال عن اللى بتحلم تلاقيه؟
باحلم يا لهوىىىىى دة انا كدة عايزة مش بوست لا انا عايزة مدونة عشان اتكلم عن احلامى بس اكتر حاجة باحلم بيها دلوقتى ان حالتى النفسية تتحسن واعمل العملية وانجز بقى.
حاسس ان التدوين له تأثير؟
اهو السؤال دة بالذات تعبت من كتر الكلام فيه مع حد كدة شايف عكس رايى(مساء الخير يا بيه) اه شايفة ان ليه تأثير لو ماكانش على المستوى العام يبقى على المستوى الشخصى لانك هتتعلم تقول رايك بحرية وهتتعلم تناقش وتفكر وتتواجد.
قول كلمة اخيرة؟
كلمة اخيرة.
كدة اول تاج خلص
تانى تاج من اسامة امين(ربنا يهديه قولوا امين)
التاج بيقول(يا نهار اسوح دول طلعوا تاجين)
طب اول تاج فى التاجين اول سؤال فيه بيقول هل سبق وفكرت فى افعال مجنونة؟
هاهاهاهااااااى اه طبعا فكرت فى افعال مهبوشة مش مجنونة .
هل نفذت احد هذه الافعال؟
انا نفذت افعال غريبة لكن مش مجنونة صراحة.
ما هو رد فعل من عرفوا بهذه الافعال؟
انا قلت انها افعال غريبة مش مجنونة ومعظمها تتعلق بطول اللسان مع حد ما احترمنيش ويتخاف منه فالناس بقى يقعدوا يقولوا عبيطة انت؟ ايه اللى انت قلتيه دة؟ وكدة يعنى.
ما هو احساسك بعد ان قمت بهذه الافعال؟
ولا حاجة.
هل سبق ووقفت امام المراة لتقول لنفسك انت مجنون؟
ايون حصل طبعا.
تانى تاج من اسامة
لو اعطيتك 3 وردات هتهديهم لمين؟
اه بقى احراج طب بصوا انا هاستثنى اصحابى واخواتى هابقى اجيب لهم انا ورد على حسابى اما ال3 وردات واحدة لماما وواحدة لخالو وواحدة لدكتور احمد خالد توفيق واسلمها له بنفسى (تلكيكة بقى).
لو ورقة فيها 3 سطور هتكتب فيهم ايه؟
يارب ارضينى بما رضيت لى وعافنى فيما ابقيت حتى لا احب تعجيل ما اخرت ولا تاخير ما عجلت..دة دعاء عرفته لى باكينام صاحبتى وعجبنى قوى وباقوله كتير.
ما هو هدفك فى الحياة؟
هدفى؟؟؟ هدفى انى احقق كل اللى انا عايزاه كله كله.
ان شاء الله بكرة احسن من النهاردة مؤمن بالمقولة دى؟
اممم دة على حسب حالتى النفسية صراحة يعنى ماعنديش رد قاطع فى الموضوع دة.
اجمل مقولة سمعتها فى حياتك؟
لا دول كتير بس اخر حاجة سمعتها وعلقت معايا لا يستطيع احد اهانتك الا بمساعدتك.
من المغنى اللى بتحبه جدا واكتر اغنية بتحبها؟
اكتر مطرب محمد منير وكل اغانيه باحبها جدا مفيش حاجة بعينها يعنى.
غزة تمثل لك ايه فى حياتك؟
نتكلم بصراحة؟؟؟ ولا حاجة انا مش بافتكر غزة الا لما اشوف الاخبار واعرف ان فى حاجة حصلت اتاثر شوية وبعدين انسى حاسة انى خلاص فقدت احساسى بالقضية يمكن دة قلة احساس منى بس هى دى الحقيقة.
تعطى لانتمائك لوطنك كام فى المية؟
مش عارفة ايه المعادلة اللى ممكن احسب بيها الانتماء بس اللى اعرفه انى بحب بلدى جدا وحاسة انى ما اقدرش ابيع القضية.
لو تزوجت وانجبت بنتين وولدين هتكون اسماءهم ايه؟
هاهاهاها دة اساسا خيال علمى صراحة بالنسبة لى ولذلك مافكرتش فى اسماء لكن لو حصلت المعجزة يبقى هاسميهم اسماء غريبة واعرفهم معانيها عشان لما حد يعرف اسماءهم يقول الله اسمك حلو يا حبيبى ياترى تعرف معناه يروح ابنى بكل سماجة يقول له اكيد اعرفه بس ياترى يا عمو تعرفه انت؟ رخم قوى الواد دة ابنى بقى.
غشيت فى امتحان وانت صغير؟
تصدقوا لا.
لو اتعرض عليك رشوة كبيرة وانت فى زنقة مالية هتعمل ايه؟
اممم اللى انا متأكدة منه انى لو فضلت زى ما انا انجى بتاعة دلوقتى يبقى اكيد مش هاقبلها بأذن الله لكن مين عارف مش يمكن اتحول وابقى شيخ منصر؟ يعنى من الاخر شخصيتى بتاعة دلوقتى مش هتقبل الرشوة.
قول 3 صفات فى3 كلمات تصف بهم نفسك؟
ايه الرخامة دى يعنى من عينة رقيقة حالمة رومانسية وللا ايه؟؟؟ طب نحاول متسرعة ..عصبية.. قلوقة.
اول مرتب ليك وكان كبير هتجيب ايه ولمين؟
انا فعلا اخدت اول مرتب ليه بس ماكانش كبير جبت لاختى دبدوب كبييير ولماما شيكولاتة كادبورى ولاخويا علبة جل وبابا اخدت منه تمن شحن موبايلى باين.
ايه المجال اللى غير دراستك وشايف نفسك فيه قوى؟
لا تفرق نفسى فيه حاجة وشايف نفسى فيه حاجة تانية يعنى مثلا نفسى اكمل كتابة للابد بس دة مش معناه انى برنارد شو ونفسى اشتغل فى الاذاعة بس دة مش معناه انى امال فهمى يعنى نفسى فى حاجات كتير .
بتحب السفر؟
ايون.
طب دلوقتى حالا ايه المكان اللى نفسك تكون فيه؟
فينيسيا اللى هى البندقية حضرتك ايوة اللى فى ايطاليا دى اييوة هى بتاعة شكسبير اللى فيها مية فى الارض و حاجات كدة الله ينور عليك.
خلصت التاجات هو صراحة كان فى تاجات تانية بس كفاية كدة تنفيخ عليكوا بقى هارحمكوا من الباقيين وابقى اجاوبهم مرة تانية لان ومن يسألنى عن باقى التاجات هأقوله
ولكن هذه قصة اخرى.....................................
اخر حاجة بقى كل سنة واحنا طيبين رمضان قرب خلاص جبتوا الفوانيس وللا ايييييييييييه؟؟؟؟

هناك 39 تعليقًا:

كاتب مصري يقول...

ربنا يحققلك حلمك وتعملي العملية يا انحي يارب
انت اسمك انجي ابراهيم طيب أنا اسمي ابراهيم شفتي بأه..من كتر الكلام الي في البوست ده مش عارف أقول ايه ولا ايه عموما ربنا ييسرلك أمرك على فكرة قريت الموضوع الي في مجلة تحت الكباري وهقبال ما أشوفلك كتاب خاص بيكي يا انجي..
حلوة صراحتك قوي بس مش شايفة إن من لم يهتم بأمر المسلمين فـ.... ولا ايه غزة لازم تكون في خيالك طالما انت مسلمة وكمان مهاكي رسالة القلم الي ممكن تكتبي بيه أي حاجة والناس تقراها وتمشي معاها ولا ايه
كل ودي يا انجي وربنا يوفقك وييسرلك

دعاء مواجهات يقول...

حبيبة قلبى

عاملة اية نااو

ياارب تكونى بخير وكويسة


بس الكتابة مؤشر كويس

ياارب تكونى ديما بخير

بدعيلك ربنا يوفقك ويخفف عنك ويهديكى

انتى حد حلو اوى

بيس ياقمر

ومبرووك ع النشر الالكترونى ياعم

.

Mero.. يقول...

الله
اجاباتك بجد جميلة..بجد مش مجاملة..خاصة التاج الأخير اجابات روعة . حاسس ان فيها صدق مفيش بقى خطب وحوارات..
.
.
.
.
لكي تاج عندي بقى خديه هههه :D
دمتي في حفظ الله..

ميرو انتكة يقول...

انجى حبيبتى ازيك يا قمر وحشااااانى والله ايوة كده اكتبى ونورى التدوين من تانى

انا زى العسل الله يخليكى يا توتى انتى الى عسل والله

ربنا معاكى يا رب وتعملى العملية بسرعه بسرعة ومستننيك تحكى لنا


بس بجد ردودك كلها زى العسل وجاااامدة

اه صح نسيت اقول لك مبرووووووك يا توتى على الموضوع الى نزل لك فى المجلة

سلامة سلامة يا حبى

محمد ياسر يقول...

دايما تكلمى فى كذا حاجة فاتوه معرفش ارد بس جميل كعادتك لكن المهم انى اطمنت عليكى و يارب دايما تبقى بخير و تعملى العملية وتنجح باذن الله يا رب

في حب مصر يقول...

انتي بقيتي تنافسينا في كتابة المقالات أهو؟؟؟؟هههههههه
بس الحمد لله انك مش بتكتبي في السياسة زي انا.. علشان مش نبقى متنافسين.. خلينا اصدقاء

تجربة جميلة.. وشيء رائع ان الانسان يشوف اسمه مكتوب لاول مرة.. هو صح بعد كدة يبقى عادي.. بس اول مرة ليها فرحة خاصة.. انا لسة فاكرة اول مقال نشرته في مجلة شؤون خليجية كان بعد التخرج بشهر واحد..

ربنا يوفقك.. ونشوفك قريب تكتبي في اماكن افضل من كدة بكتييير

تحياتي

سلطان الغرام يقول...

اولا اقدم الشكر ليكي علي الزياره الوضيعه ليا

تعليقي بقا انا هنسي

بدون مجامله كلام جميل قوي وبسطني شخصيا لان ممكن اكون رسمت ليكي صوره في الخيالم من كلامك كم حوار رسم الانطباع

في حاجه مهمه جدا

بما ان كما قريت اتهيالي في تعريفك

انك دكتوره بس في علم النفس

ممكن سؤال

ليه الناس بتشوف الثقه غرور

وياريت تجوبيني

وكل عام وانتي والاسره الكريمه بخير

واتمني دوام التواصل

ويا عالم بكره مخبلنا ايه !!!!!!!!

سلطان الغرام يقول...

اولا اقدم الشكر ليكي علي الزياره الوضيعه ليا

تعليقي بقا انا هنسي

بدون مجامله كلام جميل قوي وبسطني شخصيا لان ممكن اكون رسمت ليكي صوره في الخيالم من كلامك كم حوار رسم الانطباع

في حاجه مهمه جدا

بما ان كما قريت اتهيالي في تعريفك

انك دكتوره بس في علم النفس

ممكن سؤال

ليه الناس بتشوف الثقه غرور

وياريت تجوبيني

وكل عام وانتي والاسره الكريمه بخير

واتمني دوام التواصل

ويا عالم بكره مخبلنا ايه !!!!!!!!

المحارب المتيم يقول...

ايه يا دكترة انتى غاية تعب

انا بصراحة مقرتش تاجات اسامة امين هبقى اقراهم بس لما أخد نفسى ادخنى علبتين سجاير لا حاجة

اقولك على حاجة انا فعلا فوجئت ان اغلب المدونين على الواقع غير المدونة خالص منهم اللى كان احسن ومنهم اللى طلع ......... ولا بلاش

حاجة تانى

يارب العمليه تعدى على خير
تحياتى

ليا تعليق تانى

نهر الحب يقول...

اولا مبروك على النشر
وان شاء الله تتكرر محاولتك
ثانيا تاجتك كتير
بس حلوة واجاباتك عليها كمان تلقائية جداا
ربنا يوفقك

بطوط حبوب يقول...

ياااااااااه حمدله على السلامه يا دكتره

انتى فين من زمن
ربنا يسهل امر العمليه ده ياااااااااارب
وتبقى بالف هنا

كيكى يقول...

وحشتينى
اووووووووووووووووووووووووووووى
بجد
وعلى فكرة انا دعيتلك من زمااااااان اوووووووووووووووووووووووى
اول ماشوفت بوست بتاع العملية بس مكنش ينفع اعلق وقتها وكويس انها اتجلت علشان اقدر اتبعك بالتليفون ادينى هبعتلك اضافة دلوقتى وابقى ادينى الرقم..علشان ابقى جانبك لحظة بالحظة.
حبيبتى انجى مبرووووووووك على المقال الى اتنشر ليكى....ورودودك على الخواطر مش عارفة ليى حاسة انى بقيت اعرف هتقولى ايييييييييية
مش اخوات يا ناس بجد....
ياااااااااااااااااااة
مش هسامح نفسى انى كنت سيبك فى ظروف زى كدة...بس انا كانت ظروفى اقوى منى
معلش بجد وحشتينى
عوووووووووووووووووووووووووو

الجمعاوي الاصيل يقول...

ردود رائعة بالفعل

ونصيحة من العبد الفقير الى الله

استعيني بالله ولا تعجزي

من يتوكل على الله فهو حسبه

الجمعاوي الاصيل يقول...
أزال المؤلف هذا التعليق.
كيكى يقول...

انجى ردى علية بقى
يلا بسرعة
متقلنيش
وحشتينى بجد

mregypt7 يقول...

صراحه كده يا دوك انا مكسل اقرا البوست لانه طويل زياده عن اللازم
ياريت لما يتبعتلك تاج ابقى اقسميه نصين وما تخافيش بيتلحم عند عم امين الحرامى هههههههههههههه
هقراه وارجع اعلق
سلامى ليكى هندس

Desert cat يقول...

اولا سلامتك من الاكتئاب
والف الف مبروك على نشر مقالك انتى تستحقى كل خير
بس ايه التجات دى كلها ربنا معاكى عارفه انا تعبتى اد ايه فى الاجابات
كل سنة وانتى طيبة

كيكى يقول...

انجى...
حبيبتىىىىىىىى
انتى فين بجد
!
!
ونبى ردى علية بسرعة وتطمنينى اول ما تشوفى التعليق
وحشتينى انا ما وحشتيكيش
!

Soooo يقول...

كل سنه وانتي طيبه

وربنا يارب يقومك ويرجعك لينا بالسلامه ويسعدك ويكرمك ويبسطك ويهيئلك الخير من عنده ويرضيكي دنيا وآخره يارب




سلامووووووووووز

blue-wave يقول...

هاااااااااااااى
انتى فينك يا بنتى؟
مش موجودة ليه؟
ياريت تطمنينى عليكى

موناليزا يقول...

ربنا يشفيكى ويقومك بالسلامة

مووون يقول...

السلام عليكم
إزى حضرتك ياإنجى
أبل ماأبدأ أى كلام
بقولك.....
ربنا معاكى وتعملى العمليةويوفقك ويحققلك كل اللى بتحلمى بية
وبالنسبة للتوبيك رائع جدا جدا
فى رعاية الله

هانى علوان يقول...

كل سنه وانتى طيبه ياانجى

smily يقول...

good enji go on

كيكى يقول...

غيابك
طولللللللللللللللللللل
كتيررررررررررررررررر
اوووووووووووووووووووى
قلقاتنى
عوووووووووووووووووووووووو

mina يقول...

دى نفس اكتر حاجة كرهتها

محمد ياسر يقول...

اهو ده اسمه غياب يا بنتى مش اتفقنا تتطمننى عليكى
فينك بقى ردى هنا او مدونتى او الميل
لا تغيبييييييييي

afew good men يقول...

اسلوبك مرح خفيف

كلامك من القلب

اجاباتك صريحة تدل علي الذكاء والخبرة


جميل انا اول قرياتي تكون شوية تاجات

تحياتي

كيكى يقول...

انتى عايزة تعرفى غلاوتك عندى ولا ايييييييييية
!
!
مفتقداكىاووووووووووووووووووى
يا انجى وكان نفسى تكونى موجودة دلوقتى قبل ما اروح عند ستو تانى
؟
امممممممممممممممممممممممممممم
ربنا يسعدك يابنتى ويشفيكى
واحشتنى اووى يا واد انت يا اجدع دكتور عرفتة بجد
مش لاقية كلام تانى
علشان خلاص بجد هعيط
اعااااااااااااااااااااااا
عوووووووووووووووووووووووو

Amgad يقول...

اممم اللى انا متأكدة منه انى لو فضلت زى ما انا انجى بتاعة دلوقتى يبقى اكيد مش هاقبلها بأذن الله لكن مين عارف مش يمكن اتحول وابقى شيخ منصر
اتكيفت بجد من الرد ده
عجبتني اوي صراحتك ولو انا اتسالت
نفس السؤال هاخد الاجابة كوبي بيست
اللي فعلا الواحد ضامنه دلوقتي
هو تفكيره في الوقت ده
بس المستقبل ده بتاع ربنا
يا عااااااااااالم علي راي اليسا
خالص تحياتي وتمنياتي بالشفاء

شفقة هانم واحسان بك يقول...

مبروك على التاج
على فكرة انتى وحشتينا اوى اوى
كل سنة وانتى طيبة

كلام وخلاص يقول...

انجى بجد انتى زى العسل كلامك تلقائى ومليان احاسيس والله تخيلتك من كلامك ربنا معاكى يارب ويوفقك ويخفف عنك ويقومك بالسلامة وعلى خير امين يارب المقال جميل جدا وحلو ةاوى فكرة الاستمتاع بالاشياء البسيطة انا شفت الفيلم ده كتير وكل مرة بيعجبنى جدا ان شاء الله تكونى دكتورة شاطرة زى ماتتمنى واحسن وانا اول زبونة ان شاء الله بس انتى شدى حيلك
رمضان كريم
سلام ياقمر

محمد حلمي مخلوف يقول...

انجي
شكرا لرأيك واهتمامك ان مبسوط من رأيك ده
شكرا لك وان شاء الله متكونش زيارتك الاخيره

محمد الكومي يقول...

رمضان كريم


ليكي فانوس عندي تعالي خديه

كل عام و انتم بخير

و اعاده الله عليكم بالخير و اليمن و البركات

enjy يقول...

انا جيييييييييييييييييييت وحشتونى وحشتونى وحشتووووووووووووونى طبعا نفسى ارد على التعليقات تعليق تعليق بس انا هاتدلع عشان مريضة وكدة بس اكييييييييييييد ان شاء الله هارد عليكم كلكم .........شكرا لاى حد سال عنى وشكرا لاى حد قلق علية وكل سنة وانتوا طيبييييييييييييييين

elsha3er يقول...

دائما متميزة فى ردك دمتى بخير


احمد الشاعر

elsha3er يقول...

ارجو التواصل والعودة الى مدونة مدونى الاسكندرية

احمد الشاعر

will يقول...

情趣商品,情趣用品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣商品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊

借錢,黃金,黃金回收,黃金價格,黃金買賣,當舖

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘