الخميس، 27 نوفمبر 2008

مدمن

المفترض ان اكون الان اسعد حالا..فأنا اعالج من الادمان الذى كان يفصلنى عن الواقع ويجعلنى احيا فى عالم يخصنى وحدى..انا الان محاط بالناس فى كل مكان بعد ما كنت احيا وحيدا..
الان انا احظى بالتقبل ولكنى للاسف لا احظى بالرضا..انها حقا معادلة صعبة تجسد بكل وقاحة جملة يالسخرية الاقدار فاما ان يتقبلك من حولك مع سخطك على هذا التقبل واما ان تحظى بالرضا ويأتى معها اوبشن الوحدة حقا شىء مضحك ان موقفى يجعلنى اضحك بشدة حتى تسيل دموعى رغما عنى..لقد كنت مدمنا -والحق اقول- كانت اياما سعيدة..
كنت احيا بأفكار المدمن الذى يرى ان الحياة لابد وأن تتحول الى الاروع.. كان ادمانى يعزلنى عن الواقع ويجعلنى اشعر انه لابد من وجود امل ما وهو حتما ات.. كانت هذه هى حالتى شبه الدائمة. كنت فى نظر الاخرين اخرق انانى لايعيش فى عالم الواقع وكان المتحذلقين منهم يصفوا ادمانى على انه هروب بل وامعانا فى الحكمة يخبرنى احدهم ان مبدئى فاسد ومغلوط وانى اتبع مقولة (نبل الغاية يغنى عن شرعية الوسيلة ) غايتى ان اكون سعيد ولكن وسيلتى خاطئة... لهم اقول هراء..كلام فارغ..هذا ليس مبدئى ولم يكن يوما.. ادمانى لم يؤذ احدا غيرى.ولو كنت استطيع الاستمرار فى ادمانى لفعلت..ولكن للاسف المخدر لم يعد يجدى نفعا تعقدت الظروف والاحوال الى الدرجة التى جعلتنى لا استطيع مجاراتها..لم استطع ان استمر..
بدأت اكتئب لا استطيع الحياة هكذا..الحق اقول وقفوا بجانبى و ساندونى ولكن لم تكن هذه هى المساندة التى اريدها ولكن رغما عنى قبلت. وعندما قبلت.ضاع منى الرضا.. وكسبت التقبل.. وخسرت ذاتى.
انا الان احيا على ارض الواقع وسط البشر الحقيقيين. ولكن كم اكره هذه الحياة وكم اكره هذه الوجوه..كم اكره هؤلاء البشر..ولكنى -للاسف- لا املك ترف الاختيار.
لقد وافقت ان اتعافى من ادمانى وهذا هو الطريق الوحيد لا مكان لاى هروب..لقد اغلق الباب الخلفى للابد.
لقد شفيت من ادمانى ولكنى اسجل ان ادمانى كان افضل من هذه الحياة الراكدة..لقد كان ادمانا شرعيا لم اخطىء فى حق احد..لا يجب ان احاسب على ادمانى واكرر مرة اخرى لو لم تتعقد احوالى لظروف خارجة عن ارادتى لاستمررت مدمنا الى الابد ..
ادمانى كان مشروعا..
فقد كنت اتعاطى..........الاحلام..

هناك 48 تعليقًا:

رئيس جمهوريه نفسى يقول...

ادمنى الاحلام ومتحاوليش تتعالجى منها ادمنى الاحلام علشان تخلقى منها واقع ليكى

... amr يقول...

الظاهر ان فية كتير عايزين يتعالجوا

انا أولهم !

مواطن مصرى نايم يقول...

ياااااااااااه
دا انا قولت انجى عاملة حامله لدعم المخدرات مثلا
بس توقعت ان النهاية تكون حاجة كويسة كده
على فكرة عجبنى جداااااااا اسلوبك كالعادة
انا كبير مدمنى الاحلام
و بفكر افتح غرزة ادمان احلام
ربنا يسهل بس
ههههههههههه

بجد عجبنى جداااااااااااا (المقال) ده لو صح القول يعنى

Dr.m يقول...

السلام عليكم ورحمة الله وبركاته

بوست رائع ..والفكره رائعه

ولكن أنصحك بترك هذا الدواء سريعا فإن فيه سما قاتلا

فكيف يعيش أحد بدون أحلام يسعى لتحقيقها

ولا أرى أحدا يلام .. بإدمان تحقيق الأحلام
تحياتي
سلام

Foxology يقول...

لو بطلنا نحلم نموت

تحياتى :)

princess يقول...

على فكرة البوست عجبنى اوى:)
وياريت نروح كلنا مصحة
بس تصدقى دى حاجة حلوة الحلم عند الانسان زى التنفس بالظبط لو بطل يموت فى وقتها
مش لازم تكون احلام كبيرة بس المهم نحلم
تحياتى:)

نيرة و منةالله يقول...

يااااااااااااااااااااااااه
انا بس بعلى صوتى
ايه دة
انت فى حلم انك عايش لوحدك فى حلم
مش لوحدك
انا معاك
ايوة انا معاك
بس يمكن رحت للواقع برجلى
صدفة
اتخبط فية وانا ماشية
بجد فى طريقى لقيت ناس كتير بتقول حاجات غريبة فاكتشفت انى كنت عايشة فى عالم من الاحلام
والتفائل والامل
حاول تخرج من مود الاكتئاب بسبب صدمة الواقع
كلنا مضطرين لكدة
هنعمل ايه

3omda يقول...

بوست جااااااااامد جداً
طبعاً مينفعش نعيش من غير حلم بس برده مينفعش نعيش علشان نحلم.
لان الحلم لمجرد الحلم هو تضيع للوقت.
ولكن لو كان الحلم مدعم بالسعي لتحقيقه فإن شاء الله هتخرجي م دايرة الحلم لمتعه الحقيقه ،لانها هتبقي الحقيقه اللي انتي أخترتيها في حلمك.
معلش طولت عليكي شويه بس لان موضوعك شدني لاني عشت حاله زي دي "وتقدري تقولي كده اني لسه عايشها"
وعلي فكره انا كتبت بوست قبل كده عن الموضوع ده

mohamed ghalia يقول...

جديد إدمان الأحلام
فكرة رائعه
اتخضيت فى بداية الموضوع
تحياتى
دمتى بكل الود

أحمد.... يقول...

المفترض ان اكون الان اسعد حالا

انها حقا معادلة صعبة تجسد بكل وقاحة جملة يالسخرية الاقدار فاما ان يتقبلك من حولك مع سخطك على هذا التقبل واما ان تحظى بالرضا ويأتى معها اوبشن الوحدة حقا شىء مضحك

لقد كنت مدمنا

ادمانى لم يؤذ احدا غيرى

ولكن رغما عنى قبلت

وخسرت ذاتى.

ولكنى -للاسف- لا املك ترف الاختيار.

ادمانى كان مشروعا..
فقد كنت اتعاطى..........الاحلام..

اكتر جمل أثرت فيا و رجعتني للذكريات

بوست روووووووووووعة بجد

تحياتي

عالم ماريونت يقول...

عزيزتي انجي:
اكيد انا بحس هنا اني بقرأ عن نفسي
وبحس اننا نشبه بعض كتير
بس انا بقى مش ناوية اتعالج من الادمان
ولا حتى افكر في العلاج
لأن ادماني هو الحاجة الوحيدة اللي بتحسسني بقيمة الحياة والأمل
اوعي تتعالجي يا انجي
انتي كدة كويسة اوي
ربنا يوفقك يا انجي
رنا

Unknown يقول...

بوست رائع كالعاده

دا انا افتكرت بجد

هههههههه


بس جميل انك تدمنى الاحلام بس لازم تحوليها لحقيقه


تحياتى

اوعى تفكر يقول...

يانهار احلام
اه يا مدمن يا بن ال
كمان بتحلم
دول دلوقتى بيلموا فى بتوع الاحلام
صحيح شعب كله مدمنين

انسانةعادية فى عالم مش عادى يقول...

اسلوبك جميل جدا وبوست تحفة تعاطى الاحلام فعلا ده اللى محتاجينه تعرفى البوست ده لمسنى جدا لانى واحدة من اللى اتعالجت من ادمان الاحلام ده وبقيت على ارض الواقع وفعلا مش راضية بيه ونفسى ارجع لزمن
شكرا جدااااااااا على البوست وشكرا على زيارتك مدونتى المتواضعة

صوت من مصر يقول...

لو بطلنا محلم نموت
ولو حلمنا برضه هنموت
لاننا فى بلد الحلم فيها غلط ؟
احنا هواااااااااااااااااا
هايل جدا ؟

كيكى عوووووو يقول...

فقد كنت اتعاطى..........الاحلام
***************************
لا عارفة اعلق ولا عارفة اكلم
!!!!1!!!!!111
وجعتنى اوى اوى فوق ماتتصورى
عوووووووو

msafa يقول...

بصراحه البوست وترنى وخلانى اتعاطفت معاه اوى اوى
مهو بردوا التعاطف حله من التوتر مش كده ولا انا غلطان يمكن غلطان
انا اللى بقولك ايه الروعه دى
انتى محترفه

كراكيب يقول...
أزال المؤلف هذا التعليق.
كراكيب يقول...

يا معلم يا معلم يا معلم
البوست جااااااااامد اخر حاجة على فكرة

حبييييييبتي جوجا النوجا كوانوجا

منير بقى بيقول: لو بطلنا نحلم نموت
ومنير هو هو برده بيقول: قبل ما تحلم فوق احلم وانت فايق
انا بقى بقول: لالالالالا مش عارفة اكمل كتابة
آآآآآه لالا مش قادرة
اصل ايه بقى
انا هقولك
اصل انا قاعدة عند الجيران
وكمان بكتب بإيد واحدة علشان التانية متعورة
وكمان كمية العيال اللي بتتنطط حواليا بقى يختييييييييي
زوزو و شوشو و فوفو ونونو وكوكو وايييييه بقى حاجة فل
اكيد هاجي تاني
انتي بس قولي يارب

miro el niro kwaniro

mina يقول...

قريت البوست دى اول ما نزلت و مكنش فيه و لا تعليق و محبتش ابقى كالعادة ممل و اقولك حلو و برافو و الكلام دة ... بس بصراحة كان شاغلنى اوى ادمان الاحلام دة لأنى من المدمنين الللى مفيش امل من علاجهم و النهاردة و انا بتفرج على فيلم اوقات فراغ قعدت فكر هو ليه حال الشباب بقى كدة فى الفيلم و ملقتش حل تانى الا انهم كانوا لازم يفوقوا من ادمان المخدرات و يبدأوا يدمنوا احلامهم اللى ضاعت فى زحمة الحياة. هايلة يا انجى كالعادة شكراً لمرورك دايماً منورة مدونتى

منه مرتجى - عازفة الأوتار يقول...

يا جامد

ايه البست الجميل ده
بجد بنحنى ليكى على البوست الهايل ده
و انا عماله اقرى اقول ايه المدمن البجح ده يا اختى
مش هامه حاجة كدة و عايز يستمر فى الادمان

فى الاحر طلع مدمن غلبان
فعلا الإستمرا فى ادمانه كان احسن
بس انتى عرضتى الموضوع بحرفية كاتبة مبدعة

دمتى بكل ود و خير غاليتى

العراف يقول...

احلمى على قد ما تقدرى وحققى احلامك لاكن اوعى تغرقى فى احلامك لو غرقتى مش هتلاقى اللى ينقزك الا اقرب الناس ليكى هما اللى هيضحوا عشانك وليه تحطى نفسك فى الموقف ده وانا ضد رئيس جمهوريه نفسه لما بيقول ادمنى الاحلام علشان تخلقى منها واقع الادمان ده هيغرقها اكتر ما ينجيها احلمى على اقد ما تقدرى بس تكونى بتعرفى تعومى
تحياتى
العراف

msafa يقول...

انجى
بكتب وانا مرعوب من اللغه
انتى صح
معلش سامحينى

كفايـة طيبـة يقول...

جميل ان الواحد يحلم اوى

بس مش لدرجة الادمان

عشان مش ننفصل عن الدنيا ومنعرفش نرجع تانى و يجيلنا اكتئاب لما نشوف اللى احنا عايشين فيه

جرعة واحدة كل يوم كفاية D:

Mahmoud يقول...

اه.....
فكرتينى بمنير اللى انا مقاطعه
طب طب طب تيرارار رى رى رى
لو بطلنا نحلم نموت ...لو عاندنا نقدر نفوت


و انا بصراحه مش عاوز اموت و لا عاوزك تموتى
please dream for me

tHE EnD يقول...

لو بطلنا نحلم نموت!؟

حاجــ عيال ــات يقول...
أزال المؤلف هذا التعليق.
حاجــ عيال ــات يقول...

السلام عليكم
انجي
أنا أول مرة أزور مدونتك الجميلة
لكن لن تكون الأخيرة استمتعت بها جدا واستفدت كمان
يارب الاقيك دايما في أحسن حال

جهاد مشالي

مـجـنـووون يقول...

من حقك تحلمي

ومن حقك انك تصري علي الوصول لحلمك

بس في نفس الوقت

لأزم تنزلي أرض الواقع شويه مش علشان تتخلي عن أحلامك ولكن علشان تخدي الدافع القوي أنه يدفعك لتحقبق أحلامك

ويا رب تحققي كل أحلامك

تقبلي مروري سيدتي الجميلة
مجنووون

فشكووول يقول...

الدكتوره اندى بتاعة الاحلام .. تحياتى

أول مرور لك عندى شرفتينى ونورتينى وجميلك على راسى ويارب ما تنقطع الزيارات ..كل عام وانت بخير.. تحيات فشكول.

حمادة زيدان يقول...

أنوووووووووووووووووووووووووووووووج


وحشتينا يا دكتور

الأحلام كلنا مدمنينها وحرام نتعالج منها لأننا لو اتعالجنا الواقع هيدمرنا أكتر ما هو مدمرنا .......


لو بطلنا نحلم هنموت زي ما قال الكينج

Kiara يقول...

لا لو بطلنا نحلم موت

دي الحاجه اللي مش ينفع نتعالج منها لانها مش مرض

أبو أمك يقول...

هابطل الإدمان..وخلاص أحلام مافيش
وهاتعدي الأيام..وأشرب بدالها حشيش

أنا إللى أستاهل يقول...

أنت عندك حقك الأدمان دائما أفضل من الواقع بس أنا عايز أقولك على حاجاة واحدة أنت لازم تكون حاجاة من الاتنين لأما مدمن وتتعايش مع هذا أو واقعى وتتعايش فى دنيا النفاق والحقد والكره والفساد والأيمان فى حد ذاته فإذا أستمعت لنصيحتى أرى أن تتمسك بدنيا الأيمان فإذا كنت مسلم فيقول سيدنا محمد صلى الله عليه وسلم " تركت فيكم ما إن تمسكتم به لن تضلوا بعدى أبدا كتاب الله وسنتى "
ويقول الدين المسيحى إذا كنت أخا مسيحيا " إذا كان الله معى فمن يكون علينا "
أرجو من الله عز وجل أن تأتى المرة القادمة بقصة المعايشة بالأيمان وتحياتى (عضو جديد ىفى دنيا المدونات )

مواطن مصرى نايم يقول...

بعت لك ميل

مواطن مصرى نايم يقول...

على انهو ميل
مفيش حاجة جت

maha zein يقول...

وربنا انا قريتها قبل كده
وعلقت كمان
فين تعليقي يا ظلمه
ولا تلاقيني كنت هعلق والنت فصل ولا حصلت حاجة
بس انا قريتها قبل كده بقه
وقريتها تاني عشان افتكر
بس افتكرت
وبما اني ضليعه في علاج الادمان عشان دورة مكافحة الادمان اللى اخدتها
فانا هقولوا ادمن يا ابني
طالما ادمنت الاحلام يبقه مفيش مشاكل
ادمن يا ابني احسنلك
ويا خوفي لو جيت تخف وتفكر تحقق احلامك
هتتبهدل وتتمرمط وفى الاخر
هتدمن بقه السوكولانس

طلعتي بتحبي منير
غريبة
عجيبة
اصل اللى بيحبوا منير بعتبرهم فه دماغها عالية وواخدين لنفسهم خط كده لوحدهم
بس انا مش بحبه
صراحة

Unknown يقول...

ان تعاطبنا الواقع متنا من القسوه و ان تعاطينا الأحلام متنا عن العالم
بجد بوست رائع بس لازم نتعاطى الأحلام علشان نتعالج من الأكتئاب اللي الواحد عايش فيه أساسا :D

عايش علي الهامش يقول...

يبدوا ان الاحلام صارت مرض كل هذا الجيل كلنا نعاني منها لا اعرف ان كان الحلم مرض ام انها وسيله صدقيني
دون الحلم انت تسقط في هوة لا تعد منها لو لم تحلم ان تصبح ناجحا لن تفعل وان لم تحلم ان تجد الحب فلن تبحث عنه وان لم تحلم ان تري النور فلن تراه
الحلم جنة الله في ارضه فارضي بها ادمانا
شكرا لك ولاسلوب قصتك الرائعه

Unknown يقول...

الواقع مر ومش سهل نعيشه أنا لو مكانك هأنقل حياتي كلها لللأحلام وأعيش هناك
كل ودي وكل عام وانت بألف خير يا انجي هانم

نعكشة يقول...

هههههههههههههههههههههه

تصدقي دية كمان بقالي كتيير قوي محرومة منها

انا عرفت ان الانسان الطبيعي لازم يحلم كل يوم بس بيحس انه حلم او يفتكر جزء من احلم لو قام و هوه لسة في نص الحلم

المشكة بقة اني بقالي كتير قوي قوي مبحلمش
يعني مبقومش في نص الحلم
احساس وحش
انك تنامي و تصحي وخلاص كدة اكن ولا حاجة حصلت

انا اول ما دخلت الكلية كان عندي احلم واسعة
وكنت كاتبها علي كل كتبي و كراريسي
مش عارفة لية تلاشت لاحلام دية
هي لسة موجودة بس مهلهلة كدة وميتبصش عليها اصلا
مش عارفة لية

هيييييييييه

خير

كل سنة وانتي طيبة يا قمر

عيد سعيد

سلام عليكِ

غير معرف يقول...

كل سنة وجميعكم بخير

كل سنة وجميعكم فى سعادة وهناء

كل سنة ونحن أوثق وأقرب

جمعنا الله معا على عرفات

a7md Helal ( المهم ) يقول...

كل سنة وانت طيبة يا انوج

وياريت تقوللي اتعالجت ازاي وفين وامتي
علشان اتعالج انا كمان

ولحد ده ما يحصل انا هاروح الغرزه بتاعة المواطن مصري

كيكى عوووووو يقول...

ياااااااااااااااااااة البوست دة لسة موجود
ياانوج!!!!
وحشتينى وحشتينى وحشتينى وحشتينى ياجمل انتيخة فى الدنيا
*******************
كل سنة وانتى دايما جميلة واحنا دايما اصحاب
زمانك مع الاعداء ماشى الله يسهلوا
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
عووووووووووووووووووووووو

EMMY BABY يقول...

حلوة اوى يا انجى

جميل ان يكون لنا عالمنا الخاص ونرسم احلامنا بس هنشعر بالرضا والتقبل اكتر لما نحوله لواقع

كل سنة وانتى طيبىة

تحياتى

ايمى

كراكيب يقول...

حبيبي
انا دخلت قولت اعيد عليكي
من عند الجيران برده مفيش فايدة
ادعي بس على بكرة كدة بالكتير يكون الكمبيوتر رجع لحالته الطبيعية تاني علشان كدة كتير علينا اوي بصراحة

يااااااارب تكوني كويسة وتمام وزي الفل
وكل سنة وانتي طيبة يا جميل
امممممواااااااه

miro el niro kwaniro

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

BackBone يقول...

يا اهلاً يا دوك. نورتي البلوج, انا كنت جي و معايا كوبايتين قهوه بس واضح ان بلوجك معمور زباين العياده يامه و كوبايتين مش كفاية.

يالله نيس دريمز