الثلاثاء، 9 ديسمبر 2008

مذكرات فتاة اخرى

السبت 1 يناير
غريبة ان يصادف اول يوم فى الاسبوع اول ايام السنة. قررت ان اكتب مذكراتى بدءا من هذا اليوم..ليست مذكرات بالمعنى المفهوم هى فقط مجرد تسجيل لاهم ملاحظاتى عن تلك الحياة..سوف اكون مختصرة جدا ولن اكتب اى انطباعات فقط تسجيلات امينة لمواقف ومشاعر..
الاحد 2 يناير
اعمل واعمل واعمل تم اعمل واعمل بعدها اعمل.. لا افعل اى شىء اخر ولكن الغريب اننى لم الحظ هذا الا الان. فقط الان اكتشف اننى لا املك حياة ولا اصدقاء ولا هوايات ولا ابناء ولا اى شىء.. شىء ممل للغاية..
الاثنين 3 يناير
سئمت الملل..الغريب ان هذه المذكرات لم تفدنى على الاطلاق قبل ان اقرر ان اكتبها واجلس لاستجمع افكارى كنت اهم نفسى اننى املك الكثير.. هل اتوقف عن كتابتها لاريح عقلى؟؟ لا انا احتاج الى الحقيقة اذن سوف استمر..
الثلاثاء 4 يناير
هل اريد الحقيقة؟؟؟ اذن لاعترف بها ولالقيها فى وجهى العابس فى المرآة.. هاتفى لا يدق الا لاسباب تتعلق بالعمل. حقيبتى لا تحتوى الا على اوراق تخص العمل.ملابسى ليس بها اى شىء يصلح لسهرة او حتى لنزهة بسيطة. ليس لدى اى معارف من اى نوع حتى جيرانى يتعرفون على وجهى بصعوبة.. هذا هو كل شىء وها هى الحقيقة..
الاربعاء 5 يناير
مرآتى تخبرنى الكثير. هذه هى المرة الاولى التى الحظ فيها اننى تخطيت الاربعين..هناك الكثير من الخسائر فالعمر لا يمضى فى سلام ابدا.اشعر اننى نمت فى العشرين واستيقظت فى الاربعين..ليست لدى اى حياة..ملل..رتابة..اعتيادية.. سئمت فعلا..
الخميس 6 يناير
خرجت -بالطبع وحدى- ابتاع بعض الثياب. ثوب رائع..حذاء عالى.. حقيبة صغيرة.. ادوات ماكياج واكسسوارات رقيقة.. ولكن يبقى السؤال ماذا سافعل بكل هذه الاشياء؟؟؟؟
الجمعة 7 يناير
قررت ان يكون هذا اليوم هو اخر يوم فى هذه الحياة الكئيبة وهو يتزامن بالصدفة مع نهاية الاسبوع.. انا الان فى ابهى صورة ولكن بقى ان اعترف اننى كنت حمقاء لمدة تزيد على العشرين عاما.. ولا استطيع ان اصلح كل شىء الان..بقى حل واحد وحيد سوف افعله راضية...

...............................................................................................................
وقد قررنا نحن التحفظ على محتويات الشقة وغلق القضية لتأكدنا لعدم وجود اى شبهة جنائية وسوف يرفق مع الاوراق الخاصة بالقضية تقرير الطبيب الشرعى الذى أكد انها حالة انتحار.......

تمت

هناك 46 تعليقًا:

محمود محمد حسن يقول...

تعرفي يا انجي ، فيه نقطة ، المنعطف ده هوا اللي بتاخده حياة كل واحد فينا بجد ،

زمان من اربع سنين كده لما كنت في الجامعة كان ليا معارف فوق الوصف ، ناس وبشر كتير جدا ، كان لما تليفون البيت يضرب كان الكل عارف ومتأكد إن التليفون ده ليا

البيت ده الواحد ما كانش يرجعه غير علشان ينام وبس

اتخرجت ، المعارف قلوا ، اشتغلت ، قلوا كمان ، انشغلت في الشغل ، قلوا اكتر ، مشيت في مشروع خطوبة ، قلوا اكتر واكتر واكتر

في النهاية بصيت يمين وشمال لقيت حاجة زي الفل ، انت وكان نفر كده فاضلين ،

يعني عدد اللي حواليك قل اقل من خمس تنفار ،

وفين وفين لما تشوف ناس كنت بتعتبرهم اعز صحابك ، ناس كانوا اعز صحابي فعلا ما شفتهمش من سنين ،

حتى لما بتيجي تتصل بحد وتسلم عليه وتقوله كل سنة وانت طيب بمناسبة العيد بتلاقي نفسك بتتصل بصحابك اللي في الشغل وبس ،

الحياة طاحنة فوق الوصف يعني ، بطريقة فظيعة ،

بس صاحبتنا دي ما اتجوزتش ليه ؟؟؟ مش لو كانت اتجوزت كان زمان عندها جوز تتسلى بيه شوية بدل ما تنتحر ؟؟!!

حمادة زيدان يقول...

أنووووووووووووووووووووووووووووووووج

كتبت تعليق وطار

وزعلان عليه جدا

الملل : هو السبب الرئيسي لمعظم حالات الانتحار علشان كدة تلاقيني بهرب منه دايما , ودايماً بحب اكتب عنه وعنه المنتحرين لأنهم بيوصلوا لحالة غريبة من حالات الملل بتفقدهم حتى حبهم للحياة

حبيت اوى طريقة المذكرات في كتابة القصة
تسلم ايدك يا انوج

maha zein يقول...

يا لهوي
ايه ده
ده انتحر

اقول ابداع
ولا اقول ايه
لا بجد والله
اذاي دماغك جابتك للفكرة الهايلة دي
نقلتي في كلمات قليلة احساس وهمي
نقلتيني من كذا حاله
اعتقدت ان الكلام ده عليكي وحسيت بمغصة جوايا
حسيت بعد كده ان الكلام مش عليكي
واتألمت اوي لاحساس صاحب المذكرات
وفي النهاية اكتشفت حقيقة تانية خالص
انها قصة
ومش اي قصة
بجد
برغم صغرها
الا اني احييكي من كل قلبي

كل سنة وانتي طيبة
حسيت

مواطن مصرى نايم يقول...

انجى بجد اسلوبك تحفة و ديما متميزة بجد
الفكرة جميلة جداااااااااا
و القفلة تحفة الله ينور
ترتيبك للاحداث منطقى جدااااا
و النتيجة اللى وصلت لها
الانتحار صدمة فنهاية الاحداث
بجد تحفة
ايه يا بنتى الجمال ده

princess يقول...

انتحار وفى العيد يا ساتر:)
بس نتيجة طبيعية مينفعش الانسان يقضى حياته كلها شغل ومينفعش برده لعب
الامور الوسط فى كل حاجة حلوة
بس بجد نهاية مصدمة
تحياتى وكل سنة وانتى طيبة

عايش علي الهامش يقول...

روعه الفكره دي جميله فكرة تجميع اوراق المدكرات بالصوره دي كقصه
وان كنت انا من المؤمنين ان العمر لاينتهي والزمن لا يمضي الا حينما تصبح عاجزا
علشان كده طول عمري بحب البطلات والابطال الي بياخدوا في الافلام دور المتصابيين والمتصابيات او الي بيحبوا يلعبوا بذيلهم رغم السن زي يوسف وهبي الله يرحمه
الامل هواسم اللعبه
وان كنت وافقت ان تلعب مع الحياه من البدايه فاعرف ان اسم اللعبه الامل
التغير وارد حتي ولو كنت في المائه من العمر

شكرا لك

SHAPE YOUR LIFE (ABOALI) يقول...

من لم يدرك انه انسان عليه ان يفكر فى اى طريقه للخلاص
المهم
ارتحل بعيدا"
عن ارض هى ارضه
ارتحل بعيد"
عند سماء
هى سمائهو
ارتحل بعيدا"
عن رزق هو رزقه
ارتحل بعيدا"
عن نفسك
التى هى ملكه

اذا ادركت المهم
فارحل كما شئت وكيفا شئت
فامامك الاخيتار

تحياتى لاءنك لست تلك الفتاه

Kiara يقول...

انتحار وفي العيد

لا جبتي من الاخر فعلاااااااااااا

كل سنه وانتي طيبه

romansy يقول...

دا كله من اول اسبوع
اكيد يوم الاحد اللى عمل فيه كده
الشغل الكتير
وبعدين يجى يلاقى مش يلاقى مقابل
ولا يلاقى
حد يشكره ولا يقوله حاجه
وكمان اكيد من يوم الخميس
اللى اشترى فيه حاجات كتير اكيد لما شاف الفاتوره قرر انه ينتحر يوم الجمعه

موضوع شامل كل اللى بيحصل فى الحياه
بس الحياه معاناه
محتاجه صبر شويه

صوت من مصر يقول...

طيب 24 يناير هيجى امتى عشان نكتب عليه عيد ميلادى
يوم مش مهم صح ((((((((())))))))))

فشكووول يقول...

انجى العزيزه : تحياتى
قصه مبكيه .. هو ما كانش معاها حد خالص .. يعنى هى كانت عايشه لوحدها لا جوز ولا عيال ولا حاجه خالص .. اذا كان كدا الله يرحمها .. اهلا بيك شرفتينى ونورتينى .. انا عندى اكل كتير جدا ولسه راجع من البلد فى العيد وكنت عامل دبيحه كبيره وكل الناس اللى زارونى اكلوا وشبعوا واكلواتانى وشبعوا وشربوا شاى وقهوه وكل حاجه وبعدين اكلوا وشبعوا .. ما انت كنت من ضمنهم .. يعنى تاكلى وتنكرى .. على العموم كل سنه وانت طيبه والعيد الجاى تبقى العزومه بجد وتشرفينى واعمل لك كل اللى انت عايزاه .. تانى .. كل عام وانت بخير.

mina يقول...

مش عارف اقولك ايه؟؟؟؟ انا لسة هتم العشرين و كاتب بوست كدة .... المهم اصحابى الاكبر بيقولولى يابنى اوعى تضيع يوم من السنييييين دى دى اجمل سنين هتعيشها و اللى خلانى اتخض اكتر تعليق محمود حسيت انى فى نعمة و لازم استغل كل لحظة. كل سنو ز انت طيبة يا انجى

تايه في وسط البلد يقول...

اهلا انجي

ما زلنا مع المنزلقات النفسية والنقط الفاصلة التي لا يشابه ما قبلها ابدا ما بعدها

الاستعانة بفكرة اليوميات كمنظم للاحداث فكرة هايلة لكن انا مش معاكي انه ممكن واحدة تلجأ لكتابة يومياتها في السن ده الا لان اليوميات والانتباه للقصور في الاتزان في الحياة الشخصية ومحاولة تدارك الموقف بشراء الملابس كل هذا ما هو الا وضع ملامح مرحلة جديدة يتم فيها التصالح مع الحياة ...

لا مفارقتها

كل سنة وانت طيبة وبالتوفيق

HERO يقول...

انا قلت كده برضه لازم تنتحر هي لسة فاكرة تفوق بعد 20 سنة خبرة في الكآبة
سبحان الله ... حكم وامثال شعبية
على العموم كل سنة وانتي طيبة وعيد سعيد

تحياتي

انسانةعادية فى عالم مش عادى يقول...

دايما بتعجبنى بوستاتك جدا لانها معبرة اوى وفى كلمات قليلة البوست ده شفت فى نفسى بعد عشرين سنة هكون ايه
علشان كده انا بفكر اغير نظام حياتى شوية علشان طبعا مش هيوصل لانتحار بس علشان مش فى يوم ابص فى المرايا اكتشف انى معرفش انا مين
تسل ايديكى

Unknown يقول...

مش ملاحظة إن مستوي الكآبة زاد عندك في المدونة شوية، يعني هي العملية ناقصة.

مش عارف ده انعكاس لحالتك النفسية ولا لأ، بس أحب أطمنك، إن حتي الأشخاص اللي احنا فاكرينهم بيتمتعوا بشعبية كبيرة وسط معارفهم برضه بيعانوا من الوحدة لأوقات كبيرة.

كل سنة وانتي طيبة

Unknown يقول...

ازيك يا انجي هانم
الظاهر كده والله أعلم إني دائما بأتطفل عليكي هنا وإن زيارتي غير مرغوب فيها كل سنة وانت طيبة ويارب ربنا يسعدك ويبسطك في حياتك بس معلش اسمحيلي أنا بردو هأفضل أتابع المدونة لإني بجد حبيتها ده مش من اللوقتي من زمان لو مش عاوزاني أسيب تعليق انتي حرة بس هتابعها قراءة على الأقل
ممكن
كل ودي

حواء يقول...

السلام عليكم
فعلا علي راي مولان انتحار وفي العيد
ربنا يكرمك بتفكريني بصدام حسين
تحياتي

كراكيب يقول...

ححححححححححححححححح
جامدة اخر حاجة

احيانا بقول ان ربنا لو ما قالش ان الانتحار كفر كانت الدنيا كلها انتحرت وكانوا سكان الأرض لو اتجمعوا كلهم في حتة واحدة بالعافية هيكملوا عدد سكان دولة واحدة من دول العالم كلها....
اصل انا بيجيلي اللحظات دي والحاجة الوحيدة اللي تخليكي تتراجعي هي ان انك هتخسري اخرتك كلها

ححححححححححح
ايه الرغي الفاضي بتاعي ده

ده عيد يا ميرو مش كدة اهدي يا روحي اهدي مش كدة
صلي ع النبي كدة وعيدي على جوجا حبيبتك وروّحي

جوجاااااااا
كل عيد باللحمة والفته والرقاق وانتي طيبة
امممممممواااااااااااه كبييييييييرة قد الدنيا
;)

غير معرف يقول...

والله غريب جدا الكاتب المصري ده بيقولو التقل صنعه زي ما بيحب ويسيب ويحب ويسيب اذن لازم يكون تقيل ---المخلصة السابقة الى الكاتب المصري((؟)) تقبلي مروري

Mahmoud يقول...

كل سنه و انت طيبه

Unknown يقول...

و الله خوفتيني على نفسي اوي !!
باتكلم جد ..!!
طب اعمل ايه طيب .. !
وقفتيني قدام نفسي اوي بالنص دة على فكرة ..!!
في حاجات كتير لازم الحق اصلحها ..!!

حزينه يقول...

السلام عليكم
بجد صعبه اوى وحياتها كانت الاصعب
ماتت وهى عارفه انه حتى بموتها حتتقفل القضيه على كده
العمر لما بيمر بيدبح وبيالم اوى
بوست احلى من التحفه

حزينه

عالم ماريونت يقول...

عزيزتي وحبيبتي انجي:
كل سنة وانتي طيبة يا انوج وربنا يعيد عليكي الايام بكل خير
طولتي الغيبة عليا؟بقالك كتير مش بتيجي عندي قلت أسأل عليكي انا
عاملة اية واية اخبارك؟
================================
مش هقول اكتر من اللي قالوه البوست هايل وفكرة الطرح جميلة كالعادة
انا بس عندي تحفظ واحد في الايقاع بتاع القصة
يعني....محدش بيكون عايش حياة طبيعية كدة وفجأة من كام يوم مذكرات ينتحر؟
قرار الانتحار مش بيجي من اسبوع يا انجي....الايقاع سريع جدا
ومع ذلك..البوست رائع في منتهى الروعة وفكرة المذكرات دي رائعة
ده من حيث الاسلوب
=============================
من حيث المعنى والفكرة
انتي حطيتينا كلنا قدام المرايا
انا شخصيا...مقدرش اقول ان كل التليفونات اللي بتجيلي بتكون للشغل بس بصراحة بنسبة95%منها
عارفة..لما حد يتصل بيا بس عشان يقول لي ازيك او كل سنة وانتي طيبة وميكونش عايز حاجة تانية..بكون في قمة السعادة وخصوصا لما تجي لي من المكفوفين او من اهاليهم
لازم افكر في علاقاتي برة الشغل
لازم اخرج واعيش سني اللي حبست نفسي جواه وكأني عندي40سنة مش يدوب معدية ال20؟
=========================
انا كمان مش واخدة بالي من نفسي.. مهملة في اكلي..في نظري(مفروض البس نظارة حتى مش لاقية وقت اعملها) لبسي يدل ان عندي50سنة
انا لازم اخد بالي من نفسي شوية..لازم اكل عشان ابطل ادوخ والانيميا دي تختفي..لازم اعيش حياتي برة الشغل والكتب
لازم اخد بالي من رنا شوية
انتي فاهماني طبعا!
==================================
كل سنة وانتي طيبة ومتبقيش تغيبي عليا كتير

Foxology يقول...

عارفة يا انجى هى دى المشكلة .. الواحد بيوصل لنقطة بيحس انه خسر كتير اوووى وبتبقى نقطة فاصلة فى حياته يا اما هيغير نفسه ويتغير يا اما هيستسلم لأى حاجة تيجى ف باله ومن ضمنها الأنتحار

الفكرة انه من جواه عاوز ايه ؟

اليومين دول ف دماغى فكرة حلوة جاتلى من كتاب قريته وهو ان كل واحد فينا بيدرس او بيشتغل وماشى بأسلوب حياة معين هل بأة الواحد ده فكر فى يوم وقعد مع نفسه وسأل نفسه >> هو ده اللى انا عاوزه بالظبط ؟؟؟

تحياتى وكل سنة وانتى طيبة :)

سنووايت يقول...

عندما يخرج قطار حياتنا عن قضبانه معلنا التمرد علي رتابة الحياة وكابتها ربما هي فقط فقدت السيطرة علي اتجاهه فانزلق بها في طريق اللاعودة
الفكرة جميلة يا انجي وصيغت باسلوب شيق جدا
كل سنة وانتي طيبة

نعكشة يقول...

يعني هوه التفكير نفسة طبيعي

بس الحركة محتاجة حاجة من 3

واحد مش عارف انه لما ينتجر هيدخل النار

واحد مش خايف من النار او مش عارف ان النار دية لا تُعادل الملل

او واحد شايف ان كدة كدة داخل النار

فيلا مش فارقة بقة


الذي يُبقيني والله ان الواحد عارف ان كرم ربنا واسع وان ربنا كبير و انه ممكن ينعم عليا بالهداية في وقت من الاوقات لو مازلت بحاول و بسعي للأفضل

و ان عندي بعض نقاط الامل في بحر السواد
بس
...............

بالنسبة للاقصوصة بقة


الاسلوب حلو
و مختصر انا بحب الاختصار
و مشوك

النهاية متوقعة علي الاقل بالنسبالي بالرغم اني توقعت في النص ان يبقى فية بارقة امل انها ترفه عن نفسها


المهم

. قررت ان اكتب مذكراتى بدءا من هذا اليوم..

بدءً و ليس بدءاً
مفيش ألف بتتكتب بعد الهمزة عشان التنوين بيتحط التنوين فوقها علي طول


.......

الاثنين 3 يناير


زاي بعد مرور ثلاث ايام فقط علي كتابة المزكرات زهقت من كتابة المزكرات و حست الاحساس انها مش مفيدة برغم انها عقبال ما عرفت ان شغلها واكل كل وقتها خد 20 سنة

..............

الاربعاء 5 يناير

هذه هى المرة الاولى التى الحظ فيها اننى تخطيت الاربعين

بالرغم اني احساسي ان كل الستات بتهتم بالنظر في المرآة كتير

..............


سلام عليكِ

اتمنى لكِ دوم الصحة و راحة البال

محمود محمد حسن يقول...

كل دي تعليقات

:))

فشكووول يقول...

الغاليه انجى :
اشكرك على زيارتك الغاليه ويا ريت تدوم الزيارات على طول وكل عام وحضرتك بالف خير وسعاده

arsenalwy يقول...

انجى

هو فيه كدا؟؟؟

مذكرات مختصرة غايه فى الروعه ودسمه للغاية

كم هى رائعه مدونتك

سعدت بالمرور

الوردة البيضا يقول...

السلام عليكم
عيد سعيد عليكي، والبوست بتاعك حسيته قوي قوي، يمكن حسيت على بطحتي ههههههه بس اطمني إيماني يمنعني إني أوصل للنهاية دي
تحياتي لكي، وزيارتك أكيد حتسعدني
ويارب نباركلك قريب على التخرج يا دكتورة

Desert cat يقول...

ياه يا انجى دى شكلها زهدت الحياة باللىف يها مع ان الشعور بالملل يختفى تدريجيا مع قيام الشخص بعمل اى شيئ ليه قيمة
تحياتى
وكل سنة وانتى طيبة

ميرو انتكة يقول...

وحشاااااااااااااااانى جدا

كل سنة وانتى طيبة يا جميل وعيد سعيد عليكى يا رب

معلشى اتاخرت كتير فى التعليق بس بجد الدراسة بقى وانتى عارفه معلش


بس بجد بيرافو عليكى فكرة البوست حلوة قوى وعجبانى وربنا يوفقك على طول يا توتى


سلامة سلامة

Yasmine يقول...

اختصرتى حياة كاملة فى قصة قصيرة..
بس بيتهيألى هى مسالة اولويات..يعنى البنت فى قصتك اختارت شغلها و بعدين اكتشفت انها عاشت حياة غير اللى كانت بتتمناها..

واحدة غيرها ممكن يكون حواليها ناس كتير و بتتمنى تعيش يوم فى حياة البنت بطلة قصتك..مش شرط تكون الوحدة بالقسوة دى..الفكرة كلها فى اختيار الاولويات من الاساس
مع انى مش متخيلة ان حد ممكن يفضل 20 سنة منعزل عن العالم و اللى فيه بالشكل ده و فجأة يكتشف انه مافيش حد فى حياته
اثرت فيا اوى القصة على فكرة

شخـا بيــط مـحـجـوب يقول...

كل سنةوانتى طيبة يا انجى فينك

موضوع جميل بس النهاية مصدمة
تحياتى ليكى
تقبلى مرورى

شخابيط mahgoub

3omda يقول...

يا نهار أبيض يا انجي، بقي كده بعد ادمان الاحلام تصدمينا بانتحار نتيجة اليأس

طارق عميرة Tarek Omyra يقول...

انتحار موفق يا انجي ..
ايه الأذى ده ؟
ايه يا بنتي الغم ده ؟
لييييييييييييييييييييييييييه
لا وواضح جدا ان القصة مكتوبة عشان تكئب القراء ..
يا ساتر يا رب !

أحمد.... يقول...

يااااااااااااه ....

كل سنة و سعادتك طيبة

بجد تفوقتي على نفسك المرة دي

اشكرك على زيارتك التي اسعدتني جدا

تحياتي

NOGA ALEX يقول...

انجي، البوست حلو اوى ساعات بتاخدنى الجلالة كدة واتمنى لو انى اشتغل شغلة اكون بحبها وتملى كل حياتى ويكون شغلتى دى مهمة ومؤثرة واقول انى بجانب الشغل يكون عندى بيت وزوج واصحاب واهل للشغل وقت ولنفسي وقت عامةببقى متاكدة ان دة مش هيحصل عارفة لية عشان احنا العرب كدة اما اشتغل وابيع اهلى واصحابي وحياتى وسنة الحياة واشتغل واكبر وكلة من غير فايدة او مشتغلش خالص وافضل فى البيت بعد كام سنة متعرفيش تفرقى بينى وبين مامتى وبين جدتى كل دة مع اننا امة وسط لية منعتدلش فى امورنا وهو موضوع الاعتدال دة صعب للدرجة دى مش عارفة عامة بوست جامد براو عليكى

hasona يقول...

يمكن نكون كلنا كده
لكن مش كلنا بنفكر بنفس الطريقة
فيه ناس كتيرة بتبحث عن أي حاجة حلوة في حياته حتي لو كانت بسيطة - علشان يعيشوا بيها وليها

لكن الانتحار ( اذا كان انتحار الفكرة صعب) فما بالك بإنهاء حياتك وانت أصلا لا تملها ولم تهبها لنفسك

للأسف يلزمنا اعادة ترتيب لحياتنا كل فترة صغيرة قبل أن يصعب علينا التغيير

صعوبة الاحساس في صعوبة الاسقاط علي النفس
وأنها قد تصل الي نفس الحل والقرار

تحياتي لك

كيكى عوووووو يقول...

تصدقى بالله بقالى ايام اقول اعلق ولا معلقش
**************
طب اعلق اقول اية اصلا من ناحية الاسلوب؟
ولامن ناحية القصة وترتيبها؟
ولا نهايتها؟
ولا احداثها؟
ولا اترحم على البطلة؟
حيرتينى*********
بجد فى قصصك مش بعرف اعلق اقول اية!!
ربنا معاكى الانهاردة فى الامتحان
انا رايحة شبرا هااااااا
اموااااااااااة
عوووووووووووووووو

Empress appy يقول...

مبحبش منعطف الحياه ده خالص بس اسلوبك فى الكتابه كويس اوى
اما لو طبقتى الحقيقه فاقولك انتى غلطانه لن اللى يفكر فى الوحش هتبقى حياته وحشه

Dr. Ibrahim يقول...

ولكن الانتحار ليس حلا.....

نعكشة يقول...

*-)
( وش بيبص يمين و شمال)

شفـقــة و إحســــان يقول...

انتحار ليه بس النهاية المؤسفة دى يا انوج؟؟
احلى حاجة فى قصصك انها مختصرة وفيها الافادة والهدف
تحياتى

حمادة زيدان يقول...

أنتي فين!!!!!!!!!!!!!!!!!!!!!!!!!!!


طمنينا عليكي