الأحد، 21 ديسمبر 2008

المزيد من جابر فى كل يوم


جابر..الا تعرفه؟؟ انه احد بطلى رواية يوتوبيا للرائع العبقرى دكتور احمد خالد توفيق..
لا تحتاج ان تقرأ الرواية كى تتذكر اين رأيت جابر اخر مرة.. فجابر يعيش بيننا انت بالتأكيد تعرفه.هو جارك.. صديقك.. أخوك.. والادهى انه ربما يكون انت.
كى تتاكد من كلامى سوف اصفه لك..وصف جابر على لسانه فى الروايه شخص يعيش بلا مأوى .. بلا مأكل.. بلا مشرب (ربما بضعة ايام)..بلا ثياب.. بلا سقف.. بلا حبيبة.. بلا كرامة.. بلا أسرة.. بلا ثلاجة.. بلا جهاز هاتف.. بلا جهاز تليفزيون.. بلا ربطة عنق..بلا أصدقاء.. بلا حذاء.. بلا سراويل.. بلا فلوجستين (مخدر من ابتكار الرواية).. بلا واق ذكرى.. بلا أقراص للصداع.. بلا مؤشر ليزر.. بلا أحلام.
وعلى لسان بطل الرواية الاخر جابر هو شخص أذناه مليئتان بالصماخ.. اصابع قدميه متقرحة تطل من صندل حقير.. نظارته ملحومة بالنار.. عينه تالفة.. غده أسود.. أخته حيوان مصدور.. طعامه فاسد.. كتبه بالية.. احلامه موءودة.. افكاره عتيقة.. أظفاره مسودة.. شعره مجعد معجون بالتراب.. قومه رعاع.. أصدقاءه حثالة.. برغم هذا يمشى كالبشر و يتكلم كالبشر..
هل مازلت مصر انك لاتعرف جابر؟؟
جابر هو مستقبل معظمنا للاسف..هل تضمن لى انى لن اتحول الى جابر عندما يبيعوا وطنى؟؟ هل تضمن لى الا اتحول الى جابر عندما أصحو لاجد انى لا أمتلك أى شىء حتى مجرد كلمة وطن؟؟
انا لا اريد ان يبيعوا وطنى..و انت لا تريد و لكنه سيباع وسوف نتحول انا وانت الى جابر..
اختناق شديد..اختناق حرفى اشعر به عندما أنظر حولى ولا اجد الا سواد.. فقط اللون الاسود هو المسيطر والظلام هو اسم اللعبة.
لا اشعر بنقمة على سائق التوك توك الذى اشعل فى نفسه النيران لان الضابط صادر الشىء الوحيد الى يملكه فى العالم والذى لم يصبح ملكا له بالفعل بعد. اشعر بالاشفاق عليه و اتمنى ان يرحمه الله اذا مات و هو منتحر.. هذا جابر اخر شعر انه لا يستطيع ان يتمادى اكثر.
قهر هو الذى استشعره الان. قهر شديد عندما ارى اصدقائى يفرون الى بلاد اخرى..قهر عندما ارى احبائى يعانون الاكتئاب وانعدام الحيلة.. قهر عندما ارى نفسى لا اتفاعل..لا اتحمس.. لا اغتاظ.. لا اضحك.. لا ابكى.. وشعور دائم بالنعاس مع استحالة النوم مزيج عبقرى لا يفلح معه كل اقداح القهوة المركزة كى تجعلنى افيق..
يريدون ان يحولونى واصدقائى الى جابر و جابر وجابر.. انا ارفض هم يرفضون نحن نحتج. انا لا أريد ان اكون جابر.فقط الان اعرف انى لا أخاف اى شىء اكثر من ان اكون جابر. ماذا سوف يحدث لى أسوأ من غد مظلم أسود لا اتبين فيه كف يدى و عيناى مفتوحتان؟
(اسألينى يا حبيبتى عاللى داير فى البلاد اللى فيها صادروا حلمى وباعوا صوتى فى المزاد.. اسألينى عن ولاد شفتهم بعنية دول جربوا كل الحلول وبيفشلوا بالاجتهاد)
مقطع من اغنية زحمة لفريق بلاك تيما وضعنى امام ذاتى بشدة.. انا حلمى قد صودر وصوتى بيع فى مزاد ولم يهتم البائع حتى بأن يقبض الثمن. انا وامثالى نجرب كل الحلول ونجتهد ونفشل بجدارة.
(أحكى ليكى الف قصة من حكاوى التعبانين.. اللى عايش نص ميت واالى ميت من سنين.. اللى نص كلامه كحة واللى شاف خمارة راحها واللى اكل العيش دبحها دايرة دور عالسكرانين)
هذه الايام لا اشعر باحتقار لاى شاب فقير مدمن او سارق او أى عاهرة فقيرة.. ربما أكون فقدت عقلى ولكن بالله عليك أى عقل يجب ان احتفظ به بعد كل ما حدث ويحدث؟..هناك من هو ميت منذ سنوات ومن يحيا بيننا نصف ميت والاثنان على قيد الحياة يتنفسون ويجب ان احتفظ بعقلى؟؟ بالتاكيد انت تسخر منى..
(اللى نامية وفيها ثروة من الفلوس تعمل جبال.. اسألينى عن كبارى نايمة تحتيها العيال.. اسألينى عالغلابة واسألينى عالتقال اسألينى عالديابة واسألينى عالفساد)
هناك الكثير ممن لا يجدوا قوت يومهم و هناك بورتو مارينا والرحاب و سان استيفانو وغيرها..أليست مفارقة ان نسمى هذا البلد الذى يمتلك اكثر من الف قناة فضائية بلد نامى؟؟
لا أشمئز مطلقا من اطفال الشوارع أشعر أنى مسؤولة عنهم بشكل ما..انا لا املك اى مستقبل فما بالك بهم؟ لا يعرفون معنى الحياة أصلا..
(فعل وفاعل مفعول بيه..اعرب مجلس شعبك ايه..مجلس طبعا يبقى مضاف شعبك هو المضاف اليه)
لا اعرف متى سوف تعترف الحكومة بالواقع وتنفض ايديها منا تماما ويتم حل كل مجالس الدولة ويتحول الجيش الى فرق حراسات خاصة كما حدث مع جابر وأمثاله فى رواية يوتوبيا ولكن ظنى انه ليس باليوم البعيد وقد حان الوقت لهذه الخطوة بدلا من تلك المسرحيات السخيفة التى نمثلها.
اختناق حقيقى.. صدقنى أنا اختنق.. ما الهدف من كلامى السابق؟؟
ليس هناك هدف محدد فقط أنا اسجل انى لست جابر و لا اريد ان اكون جابر .. انا انسان لى الحق الكلمل فى الحفاظ على ادميتى..سوف احاول ان احتفظ بها مهما كانت العواقب..
انا لست جابر ولن أتحول اليه..أنا اشفق عليه ولكنى لا احبه جابر وافق ان يكون جابر لكنى لا اوافق.. لن انتظر حتى يحولونى ثم اولول واملأ الدنيا عويلا.. أنا معترضة ولن أكون جابر.. حتى وان كان هناك المزيد من جابر فى كل يوم.......

هناك 58 تعليقًا:

Unknown يقول...

مع السلامو عليكو.....عايزة اقول ملحوظة انا معنديش اكتئاب بس والنبى بالله عليكوا مش عايزة حد يقوللى بصى لنص الكوباية المليان ومش عايزة حد يقوللى بكرة احسن اكيد وبردو مش عايزة حد يقوللى عيش احلى ما فى اللحظة..... عايزة والنبى كلام منطقى من اللى هو موجود فى الحياة الواقعية وتانى اكرر انا معنديش اكتئاب

عالم ماريونت يقول...

طيب
انا اول تعليق بعد انجي على طول
وطبعا انا قريت بس هرجع اعلق تاني

عالم ماريونت يقول...

اولا
ازيك يا انوج
وحشتيني جدا جدا جدا
ثانيا
انا مش هقولك اي حاجة من اللي قلتي عليها فوق دي
لأن كل ده مش منطقي
لأن اذا كنتي انتي مش عندك اكتئاب انا ربنا وحدة العالم بيا وربنا يعدي الايام دي عليا على خير
المهم
انا مش قريت الرواية دي بس نفسي اقراها من زمان
ربنا يسهل ان شاء الله هشتريها
بالنسبة للتعليق على البوست بتاعك
انا قريت كل كلمة فيه
عجبني جدا من الناحية الادبية والاسلوبية كالعادة
بس من حيث المعنى بقى
لا تعليق!!!!
رنا

عالم ماريونت يقول...

اه صحيح يا انوج
تعليقك على البوست بتاعي اللي فات فرحني كالعادة دايما بحب اقرا تعليقك وفهمته مش تقلقي كان كلامك واضح
ميرسي ليكي اوي

عالم ماريونت يقول...

وكالعادة رنا متصدرة التعليقات
وجوووووووووووووووووووووووون

Unknown يقول...

منورة رنا هانم خدى راحتك على الاخر ورنا معاها الكورة ياااااااااولد يا لعيب

محمود محمد حسن يقول...

البلد دي قادرة على قتل احلامنا بمنتهى القسوة ، قادرة إنها تحول كل حاجة حلوة حلمنا بيها يوم من الأيام لكابوس فظيع
قادرة انها تحول كل اللي حوالينا اعداء علشان لقمة العيش ، سواق الميكروباص ، البقال ، مديرك ، زميلك في الشغل ،

قادرة البلد دي تقتل فينا الوداعة ، والطيبة ، قادرة انها تحولنا لناس مش حلوة، رغم إننا جوانا ناس حلوة اوي

قادرة البلد دي تبعدنا عن حبايبنا بغمضة عين ، فاكر اوي اتنين صحابي كانوا صحاب اوي ، واحد جاله عقد في السعودية والتاني جاله عقد افي الإمارات ، واحد بينزل اجازة في الصيف والتاني في الشتا، بعد ما كانوا ما بيفترقوش ، خلاص كده مش حيتقابلوا تاني ولمدة طويلة ،

قادرة البلد دي تتعبنا ، وتهدنا ، قادرة تخلينا نكرهها رغم اننا كان نفسنا نحبها ، ولسه برده نفسنا نحبها بس هي بتغصب علينا نكرهها

قادرة البلد دي تعمل مننا جابر،

محمود محمد حسن يقول...

نسيت اقول إن البوست ده مميز اوي ، ومحسوس خالص ، والله ينور

ولازم حضرتك تكتبي حاجة ساخرة ، لازم تجربي نفسك في كتابات ساخرة

BackBone يقول...

و اللهي المفروض ان ابقي تاني واحد يعلق...

بس نظراً انك انتي نفسك سحبتي حق اول تعليق

و الاخت الفاضله رنا كانت عايشه في دور ابوتريكه في اليابان, فانا مضطر اعلق في الاخر


انا احب اقول ان البوست دا جامد جامد جامد, اخر حاجه

صوت من مصر يقول...

بجد حاسس انك بقيتى زى حالى حاسه بان الدنيا سودااااااااااااا او مختفى منها رائحه الياسمين التى كان ابى يشمها فى عمله وشارعه وبيته لكن انا بلا كل ذالك بلا جابر ايضا انا بلااااااااااا

كيكى عوووووو يقول...

اولا تصفيق حاااااد
على صياغة البوست وتوظيف الاغانى
بجد بجد دة عايز اوسكار فى صياغتة واسلوبة؟؟؟
اية يابت دة عديتى الكبارى
المهم
********************
جابر فى يوم هيقوم ويصرخ ويقول لاااا
وبأيدو هيحرر نفسة من احتلال حكومتة لى
بس هيبقى وحش.. وحش...وحش
ومحدش يلوم جابر ساعتها؟؟
اة صحيح يا اختشى هو فين الاكتئاب دة
اةةةةةةةةةة هى شكل لانضارة الجديدة عاملة عامليها
وش بيغمز
والله يابنتى انا فوقت شوية لمة النت رجع ربنا معاكى ياحبيبتى
عووووووووووووووووو

ياسر خاطر يقول...

السلام عليكم
ازيك يا دوك اوجي بقالي فترة مش ظاهر معلش بس الظروف
انا بس كنت عاوز اطرح سؤال صغير
مين قال ان احنا مش في يوتوبيا دلوقتي فعلا؟ ماعتقدش انه لازم نكون نفس التفاصيل بالمللي يعني بس مكن يكون اللي احنا فيه دلوقتي كمان ابشع لان اللي بيحموا اليوتوبيين من الاغيار هنا هم صريين برضو يعني كلو بقى اخل في كلو على الاقل في الرواية كانت الدنيا واضحة مين برة ومين جوة وتتصف فين ازاي وامتى وليه, لكن هنا؟؟؟؟

Lobna Ahmed Nour يقول...

كل اللي اقدر اقوله انك جبتي من الاخر

ويا خوفي من الاخر ! ( وش مرعوب )

استمتعت جدا باسلوبك

استمري
وحاذري ان تتحولي الى احد الجوابر

انسانةعادية فى عالم مش عادى يقول...

مش هقول غير دايما اسلوبك جميل جدا فى توصيل اى فكرة انتى قولتى كل الكلام
وتقريبا خلص الكلام باقى الافعال منتظيرين الافعال

كفايـة طيبـة يقول...

احمد خالد توفيق ده راجل تحفة ماشاء الله
بس ان شاء الله مش هنبقي جابر يا دكتورة :)

مفيش شخصية للبنات؟ D:

تبقي اسمها سنية ولا حاجة D:

Empress appy يقول...

مش عارف بس جابر ده مش هيبقى حالنا لو احنا عاوزين بس يا انجى موضوع بتاع اسكندريه التوك توك مكنش بتاع الولد على فكره والظباط معروف انهم كل يوم بيبقوا انيل من اللى قبله ربنا يرحمنا بجد ويهدوا شويه الا كده البلد هتولع

Foxology يقول...

اعتقد ان بعد حملة (كلنا ليلى) هييجى يوم ونلاقى حملة (كلنا جابر)

احنا اللى عملنا ف نفسنا كدة على فكرة والحل بسيط >> دولة مش طايقانا تحدف علينا قنبلة نووية تجيب عاليها واطيها وبعد 100 سنة لما يروح اثر القنبلة النووية ربنا يبعت ناس نضيفة تبنيها من جديد وتعيش زى بقيت مخاليق ربنا الكويسين :)

تحياتى :)

ابن آدم يقول...

المهم ومن الآخر أحلى حاجة ..

"لا تصالح" لأمل دنقل ..

"نعم أنا هوَ"

:)

ابن آدم يقول...

صحيح نسيت ..

إنتي عارفاني منين ؟

!!!

عمرو وجيه يقول...

أنا قريت الكتاب ده

هو معجبنيش الصراحة


بس أعتقد إن المستقبل لو جابر

فده نتيجة طبيعية جدا


بجد موضوع رائع ... جداااا

و تناولك للموضوع فعلااا ممتاز عن جد



جزاك الله كل خير

princess يقول...

هههههه
عاجبنى انك كاتبة اول تعليق
وبعدين ايه شعار فودافون ده
احنا فينا من اعلانات
بصى يا ستى
انا مقتنعة ان مفيش كوباية اساسا هههههه
اه والله اتباعت من زمان
عزيزتى كلنا جابر
تحياتى

عمرو وجيه يقول...
أزال المؤلف هذا التعليق.
بسبوسة يقول...

كلنا جابر

Mona Shereif يقول...

سمعت عن الرواية ... وكتير فيه نصايح انى مقراهاش
وبعد اللى قرأته منك
بجد بجد مش هقراها

يا بنتى الحمد لله
بس تصدقى
وحشتنى ما وراء الطبيعة ووحشنى رفعوتى

اه من الحق انتى كمان وحشتينى اووووووووووووووووى يا انجى

وينوبك ثواب انا عايزه كام كتاب عن علم النفس يعنى ادور عليهم على النت اثقف نفسى شوية
اصلى كان نفسى اخد سنة اكلينك
بس مش عارفه هى تنفع لاى تخصص ولا بتوع علم نفس بس
ويا سلام بقى لو فيه موقع شامل كده ترشحهولى يبقى يااااااااااااااه

الا قوليى هو انتى بتمتحنى دلوقتى ولا ايه النظام؟

عموما عموما وحشتينى
وعجبنى بوست مذكرات فتاه اخرى جدااااااااااا
وتصدقى بقى كنت متوقعة النهاية
جميلة تسلم ايديكى

سلام دلوقتى وكفاية كلام

NOGA ALEX يقول...

انجى ازيك ، الغريب في بلدنا مش جابر لا الغريب انا وانتى وهو وهى وغيرهم كتير كلنا بندور على حاجة ولا عارفين هى اية ولا بندور عليها لية ولا بندور عليها فين الحكاية كبيرةالحكاية انا بنضحك بس مش ضحكة صافية الحكاية انى ابكى على شاب غلبان عاش غلبان ومات كافر الحكاية على طفل مات عشان يكتب الواجب الحكاية على مدرس مقدرش اقول علية مفترى ولا اقول مكنش المفروض يبقى مدرس عشان معندوش خلق للاطفال الحكاية حكاية ام بنتها بتغتصب من شاب مدمن يضيع مستقبلها الحكاية انك تمشي فى الشارع تفضل تترحم على كل اللى حواليك تلاقي شاب لابس لبس غريب مع اننا مش امريكان تلاقي شاب مش عاريف يقرا اسمة وفاشل ومدبلر كذا سنة ومع ذلك كل كلامة حبة انجليزى وحبة فرنساوى ولا هو فاهم حاجة حكاية رئيس الواحد بقى يشفق علية من كتر ما هو حاسس ان ربنا مش هيسيبة عشان الرعية بتاعة هى حكاية شعب كلة عدا مرحلة جابر المشكلة مش فى جابر المشكلة اية بعد جابر اية بعد الحالة اللى كلنا فيها دى واللى كلنا حاسانها دى اية اللى بيحصلنا دة ولية.انا اسفة على الاطالة

أحمد بكر يقول...

انوج
انا سمعت ان اروااية تحفة بس هقراها و هبقى اقولك رايى
المهم انتى ايه اخبارك

HERO يقول...

هو باين والله اعلم انتي دكتورة نفسية يعني على ما اعتقد وزي ما خدت في السيكولوجي ان المفروض ان انتي تعالجي جابر ده لما يجيلك مش انا اللي هعالجكم انتوا الاتنين ولمؤاخذة لأن انا كمان محتاج علاج إهئ إهئ إهئ

بس انا عايز اقول ملحوظة صغيرة ممكن بدل جابر اجبلك برعي لو عايزة ههههههههههه ؟

تحياتي

فشكووول يقول...

انجى الجمليه صاحبة التعبيرات الجميله .. جابر هو ما اتكلم عنه فى مدونتى ولو بصوره مختلفه .. جابر ليس حلمنا .. جابر هو ما ينتظرنا جميعا او بالاصح ما ينتظر اولادنا واحفادنا لن انظر الىنصف الكوب المليئ ليه الكوم ما يبقاش مليان ليه ننظر للنصف اشمعنى احنا دائما ننظر لنصف الكوب مع ان المياه كثيره والخير مرطرط بس مش لينا كلنا لبتوع مارينا وسان استيفانوا وشرم الشيخ لكن احنا لنا الله .. على العموم قولى لجابر انا عندى اشوله كتيره وممكن ياخد شوال ويلبسه ولو عايزه شوال ابعت لك شوالين .. عشان نبقى كلنا لابسين شوال ونايمين على الارصفه فى الشوارع ..انا قريت تعليق محمود محمد حسن عندك والتعليق ده جه على الوجيعه..تعليق رائع تحياتى لمحمود و تحياتى يا انجى وتحياتى لقلمك الرائع

كراكيب يقول...

يا بنت الإييييييييه يا لذينا
خطير جداااااااا البوست على فكرة
وكل واحد في حياته مش جابر بس ده جابر وابوه وامه وجوز خالته والعيلة كلها
اما بقى بلاك تيما معرفش بفرح لما بلاقي حد بيسمعهم اصل انا بحبهم اوي

جوجا النوجا كوانوجا
بوستك وطريقة كتابتك هايلة ولازم تعرفي اني بحبها جدااااا فعلا حقيقي يعني

ومستنية جديدك اوي جدا خالص
مستنية اهو
ما تتأخريش عليا

miro el niro kwaniro

Unknown يقول...

مش عاوزة عيش أحلى ما في اللحظة خلاص اتكلم من القلب ههههههه
يا ستي هي دي الحقيقة وده هو الواقع
بعيد عن مضمون الرواية بس هيا فعلا رائعة وأسلوبها جميل جدا
يعني انت زوقك حلو
مودتي

romansy يقول...

من منا لا يعرفه
انه واحد منا يعيش معنا
امامنا دائما
ولكن قد نبتعد عنه احيانا
لانه قد اتخذ طريق اخر
حاول تحيق احلامه ولكن لاحلامه باءت بالفشل
لظروف نعرفها جيدا ولكن نحب ان ننساها

بسبوسة يقول...

انتى مش بتردى على التعليقات ولا اية؟
طمنينا

Unknown يقول...

يوميات نائمة فى الارياف: رنا رنا رنا انتى منورة لدرجة ان عينى راحت اه يا عيناااااااى...شكرا على رأيك فى الاسلوب والصياغة دة كتير علية اوى ورايك فى المعنى لا تعليق...بالنوسبة لتعليقى عندك ولا يهمك دى كانت شوية هسهسات وانتى فهمتيها لانك ذكية مش لان الكلام مفهوم منورة تانى.........


محمود محمد حسن: ازيك محمود بيه منور تعليقك فى الجون وعجبتنى اوى الحتة بتاعة لقمة العيش الله ينور يعنى وبالنوسبة للكتابات الساخرة ميييييييييين مجدى؟؟ منور يا ضنايا لما تيجى ابقى صحينى.....


backbone:وانا من هذا المزنق باعتذر عن سحب اول تعليق وعن القلق اللى عاملاه رنا وباقوللك ان تعليقك جامد جامد بس مش اخر حاجة عشان بكره الجملة دى تقدر تقول جامد طحن مثلا....


صوت من مصر:محمد لالالا مين قال الدنيا سودا يا كيمو الدنيا سودا منقطة باسود وفيها خطوط اسود بالعرض ومقلمة باسمر..محبكش تكتئب (وش بينفخ).............

Unknown يقول...

كيكى:انتيختى بتكسفينى والله وفعلا مش عارفة ارد بس زى ما قلتلك فى التليفون انتى متحيزة اوى وشكلك كدة والله اعلم بتحبينى (وش بيحدف بوسة) متشكرة يا انتيختى على الكلام الحلو دة وهبقى اخدك معايا وانا بعدى الكبارى عشان بخاف اعدى لوحدى.........



ياسر خاطر:الباشموهندز عندنا؟؟ يا مراحب بص يا هندسة انا مقلتش اننا مش فى يوتوبيا بدليل انى عايزانا نبطل تمثيل كل قصدى انى معترضة جامد على اننا نبقى فى يوتوبيا بكره يوتوبيا وعندى حقد طبقى ولو سابونى هولعلهم فيها...كفاية كدة بقى احسن بخاف....


unique:انا كمان وشى مرعوب بس مش عايزاه يفضل مرعوب يمكن غضبان اكتر من انه مرعوب...لا مش هتحول لجابر وحاسبى انتى كمان وشكرا على الاطراء..........


انسانة عادية فى عالم مش عادى: لا لسة فى كلام كتير وافعال اكتر بس المهم نبقى عايزين نعمل حاجة..شكرا ليكى بجد.....

Unknown يقول...

كفاية طيبة:اه هو تحفة فعلا ماشاء الله انا معاكى بس على فكرة كان فى شخصية فى الرواية للبنات بس مش هتنبسطى لما اقوللك انها كانت عاهرة وغبية وموبوءة وفقيرة وحالتها كرب بس على العموم هى كان اسمها سمية بس انتى منورة اوى جدا خالص..............



appy:ككككمان مكانش بتاعه الدنيا بتصعب كل يوم يا ابى والله وانا وانتى وناس كتير مش عايزين نبقى جابر بس بعد ما بلدنا تتباع تفتكرى ايه اللى هيحصل؟؟بالنسبة للظباط مش هقول رايي هنا............


foxology:لا ممكن نعمل حملة تبقى شعارها لسنا جابر لانى مش عايزة ابقى جابر ولا انت كمان اعتقد وحل القنبلة دة حل حلو اوى على فكرة........


ابن ادم:عمر منور بحب لا تصالح اوى على فكرة.........


عمرو وجيه:رايك فى الرواية يحترم طبعا وشكرا على كلامك وهى فعلا نهاية طبيعية هو دة التطور الطبيعى للحاجة الساقعة........

Unknown يقول...

برنسيس:والله خفت اقول اننا بعنا الكوباية يقولوا بتبالغ بس انتى عندك حق لكن احنا مش جابر انا مش عايزة ابقى جابر وانتى كمان.......


بسبوسة:حرام عليكى دة البوست دة كله عايزة اقول بيه انا مش جابر وانا واثقة ان انتى كمان مش عايزة تبقى جابر بنوتة حلوة زيك وتبقى جابر وتفقد مستقبلها؟؟ لا احنا مش جابر لو حسيناها هنعرف نغير الاحوال.......


sometimes:منورة منورة منورة الكتاب لا يصلح للفتيات الرقيقات امثالك يا بنتى انتى بسكوتة يعنى ممكن تروحى فيها لو قريتيه...حكاية كتب من على النت دى انا فاشلة فيها للغاية بس لو بحثتى هتلاقى موقع اسمه مجانين دوت كوم ظريف اوى جربى تدخليه هتستمتعى والدبلومة عندنا فى جامعة اسكندرية اى حد ممكن ياخد دبلومة علم نفس بس بيبقى علم نفس تربوى او تعليمى ودة اتعقد مش هتستمتعى بيه اوى وبالنسبة لرفعوتك فماشى ماشى انتى جاية تعاكسى هنا وللا ايه؟؟ منورة جدا وشكرا على رايك فى البوست اللى فات..........


نوجة:انتى قلتى كل الكلام الله ينور عليكى......

Unknown يقول...

بيكر:اخبارى حلوة انت ايه اخبارك؟؟.......


هيرو:صباح التهييس يا باشا منور جدا ابقى جيب برعى وتعالى يوم من اول النهار اهو نتغدى مع بعض......


fashkool:منور عمو صلاح وفعلا احنا محتاجين نستوردلنا شوية شولة بالهبل وانت فعلا كلامك جه على الوجيعة زى محمود بالظبط هوصله تحياتك..سامعنا يا عم محمود؟؟وشكرا على رايك بشدة.........


كراكيب:انتى يا بت انتى قافلة التعليقات عندك ليه هموتك هموتك وحشانى جدا يخرب عقلك والله...شكرا على رايك يا ميرو وحاضر عشان خاطر عيونك الجديد جاى فى السكة بس اتفضلى استنى جوة هتفضلى واقفة فى بلوجر كدة لوحدك؟؟؟ منورة جدا جدا..........


كاتب مصرى:شكرا على رايك بس مش هتكلم من القلب عشان ممكن كلامى يعمل مشاكل..........



رومانسى:بالظبط كدة حضرتك طب نعمل ايه؟؟........


بسبوسة:ادينى رديت شكرا على اهتمامك...

حمادة زيدان يقول...

بعد السلامو عليكم

انووووووووووووووووووووووووووووووووج

فينك يا بنوتة !!!

كالعادة بتختفي وبعدين تظهري

على العموم انا لسة مع الاسف مش قرأـت الرواية ... بس قريت عليها نقد في اخبار الادب وعجبني جدا وكان نفسي اجيبها ولكن بما اني مازالت في الصعيد الوسطاني ومش دورت في المكتبات الكبرى فلغاية الان مش جبتها .....

أتمنى ان اقرأها لأتفاعل مع جابر زيكي كدة

سلاموزات واسأـلي يا أنوج

daktara يقول...

لأ مش هاقولك بصي لنص الكوباية لأني مش شايف الكوباية اصلا
موضوعك رائع وفي الصميم
عندي سؤال هو صاحب التوك توك او حتي دكتور زي حالاتي عايز كام سنة شغل في البلد دي علشان يمتلك ولو طوبة في سان ستيفانو ولا بورتو مارينا او حتي العين السخنة؟؟؟؟؟؟؟؟؟؟؟؟؟؟؟؟؟؟؟

انظر حولك
د. خالد عزب

maha zein يقول...

يا بنت الايه
بوست حلو اوي
بقه ده جابر
يا عيني
بجد ايه ده
انتي عموما صيغتي الموضوع بطريقة لذيذة جدا
مقطع من اغنية مع تساؤلات مك
بجد انتي عندك حق في حتة البلد اللى فيها بورتو مارينا وفيها بردو اهالى الدويقة
العالم دي بتبني لمين
بتعمر لمين
بتشتري بلدنا عشان تبيعها لمين

بس ذي ما قلتي لازم نجتهد نتعب ونعمل اقصي ما نملك حتي لا نتحول يوما الى جابر

عايش علي الهامش يقول...

جابر في رواية يوتوبيا هو ما يصرخ الدكتور احمد خالد توفيق محذرا ايانا من انا في الطريق لنصبحه اسمحي لي ان اعترض ليس زمننا الان اسود بتلك الطريقه
يقال ان الشباب هم اللون الوردي الوحيد في تلك الحياه ومع ما رايت هذه الايام اعرف لماذا نحن لانتغير ابدا فنحن كشباب نستسلم للياس من الصغر لنصبح خرق باليه في الكبر ونورث ابنائنا هذا الشعور ويصبحوا هم ايضا نحن اخرون ولكنهم اكثر فشلا
اننا نحتاج الي وقفه وجيل واعي يمكنه ان يحقق المستحيل فهل انت منهم

شكرا لك

أمين المكتبة يقول...

اعتذر للرد خارج الموضوع ولكن اعتقد اختي الفاضله انك قد تودين قراءة بعض التعليقات هنا لا لشيء إلا لأنني احترمت كلامك كثيرا على مدونتي ..
https://www.blogger.com/comment.g?blogID=20719346&postID=3131532519366267179

بالمناسبه ليس هناك اي ضمانات من اي نوع كي لا نتحول جميعا الى جابر ..

msafa يقول...

طب يعنى دى نحلها ازاى ؟
والله والله معارف ارد
صعب اوى كده
انتى رائعه يا انجى

alshared يقول...

لا تعليق
فمن قراء هذه الرائعه للرائع أحمد خالد توفيق
لا يسعه التعليق

صياغه متميزه للغايه

دمتي بكل الود

كلام وخلاص يقول...

الاول اغنية بلاك تيما تحفة
مش حاقولك بصى للنص المليان لكن بصى للنص الفاضى يمكن يتملى (ضحكة شريرة)
بعيدا عن الكوبيات احيانا مش بنمتلك الاختيار اننا نكون او لاء حياتنا سيناريو بايخ جدا كل حاجة غلط مغلفة فى ورق سوليفان مستفز ................ ديكتاتورية مغلفة باعلام يدعى ديموقراطية فشل تعليمى بشع مغلف بتصريحات عن التطوير يعنى مش كفاية البلاوى كمان استفزاز احنا اصلا بنقضى اليوم بيومه ولما يخلص نحمد ربنا انه يوم عدى وياترى بقى قد ايه؟؟؟ وانا معاكى فعلا دى مش اعراض اكتئاب الدنيا هى اللى كده ده ذنبها مش ذنبنا

المـــفـــــــقــــــــوعـــــة مــرارتـهــا يقول...

انا لسة ماقريتش كتاب يوتوبيا بس اكيد هاقراه ان شاء الله ومادمتي انتي قلتي انه حلو يبقي لازم نشوفه ونقراه
سلام

عالم ماريونت يقول...

حبيبتي انوج
كل سنة وانتي طيبة ويارب سنة جديدة سعيدة عليكي ويارب تحققي كل اللي تتمنيه

OPTIMESTIC يقول...

بما اني قريت اول كومينت ..
مش هقول غير تسلم ايديكي .. وتسلم دماغك
انا كمان مش عايزة ابقى جابر ...
اعمل ايه ؟؟؟

فشكووول يقول...

ازيك يا انجى .. تحياتى
شوفى يا ستى .. طبعا الكلام مش من عندى ولا من عند اى حد .. دا كلام تاريخ موثق ومكتوب فى مجلدات وانا قريته من اكتر من مصر ومرجع وبعدين حطيت الكلام فى الخلاص وضربت الخلاط عليه .. وفضيته فى كبايه صغيره .. يعنى الصياغه .. الصياغه من عندى انا لكن المعلومات التاريخيه موثقه وتلاقيها فى الجزء الاول من مصر الفرعونيه لسليم حسن وكمان فى تاريخ موجز للزمان لـ هـ . ج . ويلز وكما ن الجزء الثالث من تاريخ الحضاره لوول ديورانت ودوريات وكتابات عن الفراعنه .. يعنى العلم مش من غندى لكن الكلام والفشكله من عندى .. كل سنه وانت طيبه .

Unknown يقول...

حمادة زيدان: بعد السلامو عليكو ايييييييييييييييييه دة انت لسة مقريتهاش؟؟؟ لا انا كدة ازعل طبعا.......


dktara:لا حضرتك متحلمش يبقى عندك طوبة فى سان استيفانو اصل الطوب هناك مش زى الطوب بتاعنا كدة وطبعا بردو متحلمش بالعين السخنة عشان سخنة بقى وحر وكدة مش املة يعنى...ماشى انا معاك انظر حولك وحاول متعيطش.......


مها زين:تخيلى بقى ان مفيش ضمانات انك لما تتعبى وتشقى متتحوليش لجابر؟؟؟ تخيلى بقى...شكرا على رايك يا مها............

اسماء عوني يقول...

ياااه
اخيرا انا كنت فاكره ان احنا انقرضنا
كويس اني لقيت واحده من محبي دكتور اخمد خالد
بجد ده راجل جامد جدا
و يوتوبيا فظيعه
وبالنسبه لجابر
فزي مانتي فولتي هو موجود بيننا دلوقت وبكتير جدا
وكمان انا بتوقعله نجاح ساحق في سوق البني ادمين في مصر
حاسه ان المصريين عندهم استعداد كامل
انهم يبقوا جابر
تحياتي

Unknown يقول...

عايش على الهامش:انا مش جابر بس منين اضمن ان مفيش حد هيجرنى بالغافية لحد ما ابقى جابر؟


امين المكتبة:وصلت..........


مسافة:والله معرف الحل خالص لو عرفت ابقى قوللى..........


الشارد:متشكرة بجد على رايك فى الصياغة شرفت......



كلام وخلاص:كالعادة قلتى المفيد.........


المفقوعة مرارتها:ايوة طبعا هو حلو بس مش عشان انا قلت لكن عشان هو تاليف دكتور احمد..........


يوميات نائمة فى الارياف:رنا ...انتى تحفة............


optimestic:اولا شكرا على رايك ثانيا احرجتينى اوى بكلامك ثالثا معرفش والله المفروض نعمل ايه اكتر من كدة ربنا يستر.........


فشكول:تانى هقول لحضرتك صياغة جاااااااااااااااااااامدة.........


اسماء عونى:مرحبا بيكى اسماع هانم عونى منورة...طبعا كلامك صح.......

روابط يقول...

عزيزتى
سوف تمنح الحكومة لجابر كل شئ يريده فقط اذا سمع كلامها ومات, او عاش للخدمة والذل والضيم فقط.. لماذا
لأن جابر يستحق هذا وأكثر,لأنه صامت وخانع

فشكووول يقول...

ازيك يا انجى .. تحياتى
انا يا انجى قرأت حوالى 70 كتاب فى التاريخ فقط غير باقى فروع القراءات والحمد لله لكن قبل ان اكتب فى اى موضوع لابدمن المراجعه والتحضير للموضوع الجديد
تحياتى

Unknown يقول...

حازم سويلم:طبعا انا معاك جدا......


فشكول:كلاكيت رابع مرة صياغتك تحفة يا عمو صلاح........

Zika يقول...

ياااه الدنيا لسه بخير يا انجي والله
قريتي يوتوبيا
وبتقري لاحمد خالد توفيق

كلنا جابر
تحياتي يا انجي
كل سنه وانتي طيبه

Unknown يقول...

zika:هى الدنيا لسة بخير اه بس مش عشان انا بقرا لدكتور احمد لكن عشان هو موجود فى الحياة اصلا...منور جدا

وينكى يقول...

انا ماقريتش الرواية
بس جابروفوبيا جوا كل واحد فينا
انه بعد ما يعيش ويتعلم ويتخرج يلاقى نفسه فى الخواء
ولا حاجه
ولا اى حاجه بالمعنى الحرفى والفعلى
وجعتيني يا بنت