الأحد، 22 فبراير 2009

ولكنها تعرف أفضل


هى تحبه هو بالذات..لقد اختارت ابعد شخص من الممكن أن يشعر بها..اختارته ببساطة لانه لا يدرك وجودها على كوكب الارض..
اشبعت رغبتها فى أن تحب وفى نفس الوقت حمت نفسها من فعل الحب والارتباط الطبيعى.
تراقبه من بعيد وربما تلقى عليه التحية من وقت الى آخر ..كانت تعتبر دوما حب الطالبة لاستاذها فى الجامعة أمر مفروغ منه فهو لا يعدو مراهقة وتسلية فتيات....
ولكنها كانت تعرف ما هو أفضل...
كانت تعرف أنها اختارت المدرس الوحيد الذى لا يدرسها كى يبقى بعيدا..وعندما اختارت من يشرف على دراساتها العليا ابتعدت عن اسمه على اللائحة تلقائيا..كانت تريده أن يبقى بعيدا..
كانت تحب هذا الشعور ولا تريد أن تفقده..
لا تعرف عنه أى تفاصيل سوى شخصيته العامة واسمه الثلاثى وقد اكتفت بهذا لسنوات طويلة.
بل و امعانا فى معايشة الحالة صادقت زميل دراساتها العليا والذى يشرف هذا الاستاذ على رسالته..
كانت تحوم حول مجاله المغناطيسى مع الحفاظ على مسافة تجعلها بمأمن عن مواجهة الحقيقة.
عندما كانت تفكر فى الامر فى لحظات مصارحة النفس كانت تنحى حقائق تعرفها عن انها خائفة و عن انها تتحايل على الامر بطريقة ما .
كانت تخفى عن ناظريها حقيقة انها تشبع رغبة عادية بطريقة مرضية نتيجة لظروف كثيرة اوهمت نفسها بأنها تخطتها ..كانت تقنع نفسها أنها تفعل هذا عن اقتناع كامل .. وعندما كانت تتهاوى حوائط خداع الذات كانت تكتفى بالبكاء ثم النوم فالاستيقاظ صباحا والتفكير فى كيف سوف تتسمع أخباره اليوم من زميلها.
كانت تعرف أنها تحبه بشدة ..نعم هى تحبه حقا فهى تفرغ كل طاقة الحب فى شخصه البعيد عن عالمها..وكانت تعرف أن أول كلام ستقوله عما يعتمل داخلها تجاهه ستكون فى حالة واحدة غريبة بعض الشىء..
كانت تعرف أنها سوف تفضى بكل شىء و هى تركع جوار قبره..وقتها فقط تستطيع أن تفصح.
و ها هى الان ترتدى ثوب الحداد الكامل..تلبس الاسود الذى يغطى ثيابها ويمتد ليلون الافق أمامها و تركع جوار قبره تبكى بحرقة و تحكى له كل هذا..
بعد الهستيريا الاولى لتلقى الخبر..وبعد الدموع المتحجرة فى عينيها..بعد الشهيق العميق والابتسامة الخافتة .. بعد امالة رأسها وهى تتذكر وجهه وهو غاضب من زميلها.. وبعد الرد بعبارات تائهة عن عن استفسار زميلها عن كل هذا الحزن الصادق لموت الاستاذ الذى لم يدرسها ابدا..بعد النظر مليا وتلمس الكتب التى كانت قد أخذتها عنوة من زميلها والتى أخذها يوما من استاذه..
ها هى تركع الان بجوار القبر و تريح عن عاتقها كل شىء اثقلها لسنوات..
سنوات من الحب غير المبرر و مشاعر مريضة لا يستطيع فرويد نفسه ان يفهم تشابكها..
أما ما سوف يحير فرويد حقا و لن يستطيع فهمه او فك الغازه هو تلك النظرة التى تحوى الكثير من الشوق والتى تتطلع بها الان الى ثوب الحداد بينما تدور المشاهد السابقة فى مخيلتها..
اللهفة أن ترتدى الثوب وتقول وتفعل كل ما سبق..اللهفة فى أن يجىء اليوم الذى تنفذ فيه هذا السيناريو الذى عاشته الف مرة من قبل...........والذى لا يجىء ابدا.

..........انجى ابراهيم...........

هناك 38 تعليقًا:

Gannah يقول...

بتعجبنى افكارك يا انجى جداا
ومعالجة الفكرة حلو جداا
تصور انها منتظرة يموت علشان تصارحه
تخيلى حياة كاملة قائمه على مشاعر لن تخرج ابدا
مجرد الاحساس بالحب اللى هى مفتقداه
حتى ولو كان حب لا امل فيه
مجرد معايشه الحالة بيسعدها ويخليها متطلعه كل يوم لمعرفه اى شىء عنه
مشهد الثوب الاسود لو الواحد دقق فيه مأساوى
قمه المأساة
تحياتى

محمد حويحي يقول...


الحب مش اختيار .. ولاهو قرار .. الحب استعمار بيسيطر فيه القلب علي العقل ويمشيه من تحت جناحه ..
انها تختار حد بعينه .. يقي ممكن يكون اعجاب .. انبهار .. انما مش حب ..
وانها تختار شخص بعيد عنها !! .. يبقي دي حاله مرضيه .. الحب مشاركه ..

متهيالي .. دا مرض .. ممكن يكون بدايته مراهقه طبيعيه .. مع الاعتياد والوهم اصبح مرض .. مريضه بالحب .. بس مش بتحب .. لان اللي بيحب مش بيتخيل ابدا ان حبيه يموت .. فمستحيل ها تستني موته عشان تحكيله

Muhammad Mammdouh يقول...

اكتر حد بيخلينى افكر وانا بقرء كلامه
الكاتبة العالمية انجى ابراهيم
رائى انتى عارفاه

محمود محمد حسن يقول...

لالالالالالا المرة دي جامدة بقى،

التعبيرات قوية ، الفكرة جميلة ، والبعتة اللي في الآخر اجمل حاجة،

زمان لما كنت في الجامعة كان ساعات بتصعب عليا البنات ، كنت بحس انهم غاويين الحب المستحيل ، غاويين يتلعب بعواطفهم ومشاعرهم، لما كنت بشوف بنت قاعدة جنب الحبوب والدموع نازلة تسححح منها كانوا بيصعبوا عليا جدا ، ده كان زمان طبعا ،
اكتشفت ان الأمر مش مقصور على البنات بس لكن فعلا فيه ناس غاوية تتعب قلبها ، وتبهدل عواطفها ومشاعرها باللي عمره مش حيحس بيها،

على رأي احلام مستغانمي ( اجمل حب هو ذلك الحب الذي نعثر عليه عندما نكون نبحث عن شيء آخر،)

انتظار الحب والبحث عنه بشمعة ده هوا اللي بيودي العاطفيين والرومانسيين في داهية ،

على فكرة وانا بقرا قلت انجي شكلها دخلت طور التحول ومش حنعرف نلحقها بعد كده ، بجد عالية اوي اوي هنا ، تقريبا اجمل حاجة قريتها ليكي ، بعد موضوع المجلة ،

برافو وللأمام دايماً يا انجي

SHAPE YOUR LIFE (ABOALI) يقول...

ماشى الكلام
الحب له ثمن
والعشق له اثمان
بس السيناريو حلو
والكاتبه اجمل
لاءنها تريد عيشة لا طبيعة
تبتعد فيها عن كلاسيكيات روميو وجوليت
لذلك انتى تعرفين افضل
ولكن لازال لديكى الافضل
فاءن لم يكن لديك
فانتظرى تلك السنوات
لعل الاستاذ ينمو من جديد



تحياتى

hosam4u2004 يقول...

اختى الغالية تلك اول مشارركاتى معك واعجبت جدا بذلك التناقض الغريب مع ما يحدث فى وقتنا الحالى الكل لا يستطيع ان يخفى مشاعره بل على العكس يبوح بكل ما عنده حتى لو ادى ذلك الى مشاكل للطرف الاخر
اصبحت الفكرة من المسيطر وكيف يحاول ان يظهر اعجاب الاخر به لكل الناس
...............
ياااااااااااااااااه منذ زمن لم نجد تلك الروح او التفانى فى الحب لقد ضاع مع زحمة الحياه ....0... كلماتك قوية ...... معبرة
واتمنى لك المزيد من الافكار........
وليكن قلمك قادر على التعبير دائما ولكن ؟! .....
فى ظل كل هذا لابد ان نعبر عن افكارنا ونتجاذب الحديث .....
ولى تعليق بسيط الا وهو يجب على الانسان ان يحيا لحبه ولكن لابد ان يشعر الاخر به حتى تستطيع تذوق الحنان والعطف ولنستمد الدفء من تقابل اعيننا ولو بالاشارة والتلميح ...0..
وفقك الله .

blue-wave يقول...

اوقات بحس انى نفسى اجيب فلاشه وانقل دماغك دى عندى:)))

دعاء العطار يقول...

جميييييييييله جدا ياانجى

واجمل ما فيها التناقض

ازاى بتحبه وازاى بتتمنى موته عشان تقوله على مشاعرها ؟

ممكن لانها ميقنه انها استحاله تفصح عن مشاعرها -فى حياته

احساس غريب فعلا وتقريبا اى حد يحتار فيه

:::::::::::::::::::::::::::::

بجد روووووووعه ودى اول زياره ليا هنا

وبعد اللى قريته ده اكيد مش هتكون الاخيره

صوت من مصر يقول...

نوجا يا نوجا
بجد استاذه كلامك جميل جدا وفكرتك حلوه بجد
تسلم ايدك
والى عجبنى اكتر امضتك تحت الكلام

كفايـة طيبـة يقول...

عايزة اعلق ومش عارفة اقول ايه

بس فعلا بجد اسلوبك جميل ماشاء الله :)

بغض النظر عن المضمون لانى لو فتحت فى الكلام فيه مش هقفل
D:

مذكرات مشاغب يقول...

يعني مش عارف اقولك ايه
كل مره بقولك جامده
زهقتيني يا شيخه
اكتبي حاجه وحشه عشان انقدك شويه بئه
واللهي العظيم انا مش بجاملك
كتاباتك رااااااااااائعه جدا جدا
وبتكون فيها فكره جميله جدا
وباسلوب رائع

تحياتي

romansy يقول...

الحب دا اهم شئ فى الدنيا الحب هو اللى بيخلى الدنيا اجمل
هو اللى بيخلى للجمال قيمه
لان الجمال مش بيقى جميل الا بالحب

maha zein يقول...

يا عيني
يعني قالتش غير لما مات
طيب ا هي اصلا اساسا المفروض كانت تزهق
دي عندها صر رهيب
بس عارفة كويس انه مات
اه والله
ده هيخليها تشوف حالها بقه وتنظر للحياه بشكل يناسب سنها

هي كانت حابسة روحها في القصة دي

بس هي مش طبيعية علي فكرة
هي كانت بتحضر ماجستير ودكتوراه

لحسن اتجنن ذيها ويحصلي كده
بس الحمد الله المشرف بتاعي دكتور ماجد بطرس
والتاني دكتورة احلام السعدي
يعني الاتنين مش نافعين
ومحدش اصلا في القسك كله ينفع
كلهم بيلعبوا في الوقت الضايع

بجد تسلم ايدك
افكارك حلوة جدا
وان مكنتش حصلت في الواقع فيبقه تحية كبيرة لعقلك وخيالك

اذيك يا انجي
انا غيبت عنك كتير
اعذريني

Foxology يقول...

من درجة حبها ليه ... بتتخيل سيناريو اى كانت احداثه علشان تقدر توصل حبها ده ليه !

فكرة بجد عبقرية :)

تحياتى :)

NOGA ALEX يقول...

الفكرة حلوة اوى في بنات كتيرة نفسها تبقى شهيدة الحب (مش انا)

فشكووول يقول...

العزيزه انجى .. تحياتى
قصة مأساويه وحب بلا هدف كما يقولون حب افلاطونى .. ولكن هل النهايه فيها مرائيه ام هى فعلا نهاية المحبوب
تحياتى يا انجى الجميله

maiosha يقول...

والله يا انجى انا مش عارفة اقولك ايه؟

نفسى بس اسألك سؤال .. انتى عرفتى تكتبى الاحساس ده ازاى؟
عرفتى توصليهولى كده ازاى؟
عرفتى تخلى جسمى يرتعش وايدى تبقى متلجه كده ازاى؟

البنت دى قريبة جدا من شخصيتى .. علشان كده انا حسيت القصة دى اوى.. واحدة مستنية الانسان اللى بتحبه يموت علشان تقوله انها بتحبة وتفرغ كل مخزون السنين دى كلها .. ايه الروعة دى

بجد انا مش عارفة اعمل ايه غير انى اصقفلك جامد جدا واقولك مستنية الجديد على احر من الجمر

تقبلى مرورى

daktara يقول...

مش عارف اعتبر ده قصه قصيرة ولا خاطرة عابرة
ولا ابداع روحي يمس الروح والقلب
رسمتي بالكلمات ما يعجز عنه افضل الرساميين
تحياتي لك


شكلها باظت
انظر حولك
د. خالد عزب

حياه بلا عنوان يقول...

مشاءالله عليكى الفكره جميله قوى وخيالك كمان فى افكار جميله جدا وتخيلك فى انتظار الموت عشان المصرحه فعلا مشاعر جميله ورقيقه جدا كل شخص بيفضل انو يشوف اللى معاه فى مكان كويس ومرتاح فيه وفعلا فكرت الموت احلى مكان ليه انو يكون فيه لكن الثواب الاسود لون جميل بس فى حزن شديد لو يكن ابيض يكون لون اجمل واجمل بجد انتى تفكيرك جميل مشاءالله تسلم ايدك والمدونه جميله ياريت تقبلى مرورى للمدونه تحياتى

3omda يقول...

مبروك يا انجي عليكي بطاقة الاحتراف.
وصفتي فصورتي.بجد كان فيديو قصير مش قصه قصيره.
بعد كده هابقي اقرأ من أخر القصه مش من اولها D:

Don_Lochy يقول...

لا فعلا برافو
محترفه محترفه يعني
الفكره جديده وانسانيه موجوده
والتطرق لتفصيل المشاعر وتركها لخيال القارئ الذي بدوره يستنبطها من عرض المشاهد التفصيلي

كان من اهم الميزات
بس ليا عندك عتاب عل فرووووويد
ماكنش عبقري يعني عشان يتم ذكره في موقف زي ده
كان افضل : لا يقدر اعتي علماء علم النفس والفلاسفه عن تفسيره

وجهه نظري المتواضعه شايفه ان التعميم
كان افضل

بس المجمل 0000اكثر من رائع

غروب يقول...

انجي :

ازيك يا قمرايه وحشانى

بجد بجد

ابداااااااااااااااع

عجبتنى اووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووى

حقيقي الفكره جميله

مش عارفه اقول ايه بجد

تسلم افكارك

adel يقول...

انا هنا علي فكرة

بس كان عندي شوية مشاكل و كنت تعبان نفسيا جامد

ومحبتش الناس تتضايق معايا

بس ان شاء الله هكتب حاجة كويسة و كوميدي للناس

بجد ناس كتير واحشيتني

انتي منهم :):)

adel يقول...

و حياة خالتي اطاطا راجع

بس ايه ده ؟

انا طلعت مهم قوي كده

هههههههههههههههههه

و لا عشان تتضحكي ....مش مهم

انا بفكر في مقال كوميدي جامد صدقيني

عشان الناس تنبسط يازينب

ههههههههههههههه

عالم ماريونت يقول...

انوووووووووووج
القصة راااااااااااااااائعة
تححححححححححححححححححفة
اية الروعة والجمال ده يا بنت انتي؟؟؟؟
يخرب عقلك
انا بجد مش عارفة اقولك اية قصة جامدة واحساس عالي والفاظ منمقة وعبارات بسيطة
ربنا يوفقك يا انوج وللأمام دايما
اختك رنا

نعكشة يقول...

:D

والله نظرية حلوة بجد
بس هيا عندها فيه حاجة في مخها
معرفش ليه حسيت شوية انها مهوسة لما كانت قاعدة بتظبت الهدوم السودة اللي هتلبسها يوم ما يموت
يخربيت كدة
تصدقي
عندها حق
ساعات كتير بفكر ان الواحد لما يموت بيبقي افضل لما يكون بعيد
اومينفعش نقربله يعني
عشان لما الواحد بيموت خلاص معروفة مش موجود تاني
انما اللي عايش و بعيد متعرفيش هيقابلك تاني ولا لأ
هيكتشف ولا لأ
شيء غريب

يلا خير خير

حلوة القصة قوي ما شاء الله

سلام عليكِ

نعكشة يقول...

:D

والله نظرية حلوة بجد
بس هيا عندها فيه حاجة في مخها
معرفش ليه حسيت شوية انها مهوسة لما كانت قاعدة بتظبت الهدوم السودة اللي هتلبسها يوم ما يموت
يخربيت كدة
تصدقي
عندها حق
ساعات كتير بفكر ان الواحد لما يموت بيبقي افضل لما يكون بعيد
اومينفعش نقربله يعني
عشان لما الواحد بيموت خلاص معروفة مش موجود تاني
انما اللي عايش و بعيد متعرفيش هيقابلك تاني ولا لأ
هيكتشف ولا لأ
شيء غريب

يلا خير خير

حلوة القصة قوي ما شاء الله

سلام عليكِ

micheal يقول...

اوفففففففف
رهيبة بجد..مالهاش حل يا انجي
بس ليه العذاب ده كله
:)
أحييكي علي الفكرة والأسلوب

فشكووول يقول...

الغاليه انجى .. تحياتى
اصل الموضوع فيه حرب فكريه بينى وبين فركشاوى .. واحنا بقى عمالين نتراشق بالعقل وهو مصمم على التراشق وانا غلبان مش عايز احاربه .. عايز حد يتدخل لوقف اطلاق النار بينا وبين بعض
ما زعلتيش ان انا منوفى ؟
تحياتى يا انجى العزيزه

علي جاد يقول...

.. سلام
جميل يا إنجى وممتاز..القصة لها أكثر من مدلول ومعنى، لكن أقوى مدلول لها الاشارة إلى الحب من طرف واحد والذى دائما لا يرى النور ويظل حبيس القلب يخشى الخروج، لأسباب تجعله يستحيل البوح به.. ويظل صاحب هذا الحب فى عذاب وحيرة، وعندما تتكشف له الحقائق ويجد الطرف الآخر مشغولا بحب آخر ولا يشعر به، وقتها فقط يعرف أن ما عاشه ما هو إلا حلم جميل صنعه من خياله تحول إلى قابوس .. إنجى ممتاز ما كتبت .. بالتوفيق

msafa يقول...

ايه الروعه والقوه دى فى السرد انتى مش ممكن
ممكن سؤال
؟ انتى ممكن تعملى دراما تورج على نص مكتوب مهما كان هو ؟
قصه ، قصيده عامية او فصحى ، لوحة تشكيلية ؟ ممكن تعملى ده ؟
يعنى لو ممكن قوليلى عندنا مشروع لازم نشتغله ممكن ؟
انا اقصد طبعا ان انتى تعملى نص مسرحى مكتوب من كل الحاجات اللى مش هى مسرح يعنى تمسرحيها

Unknown يقول...

انجى كتابتك رائعة تسلم ايديك
بس شكلك بتحبى تقرأى روايات مصرية كتير زىى
مش عارف دا احساسى بصراحة
بس بجد تسلم ايديكى
دى اول زيارة للمدونة وبإذن الله لم تكن اخر زيارة
تقبلى مرورى
إسلام ديو

ميرو انتكة يقول...

الله يا انجى بجد بوست جامد قوى وعاجبنى جدا بجد

سلامة سلامة يا قمر

مـجـنـووون يقول...

قصة أكثر من رائعه
تسلم ايدك ويا ريت ديما تبدعي ومتحرمناش من كلامك الجميل ده

تقبلي مروري
مجنووون

اقصوصه يقول...

اممممممممم

اللي كتبتيه مس شيء فيني

غريبه هي الحياه

وغريبه هي النفس البشريه

بكل ما تحوي من تضارب

مشاعرنا الغير مفهومه

افكارنا الغير واضحه

مفاهيمنا الخاصه

الكثير من الامور

مقطوعتك تركت في نفسي اثرا بالغا

مبدعه انتي في فكرتك

تقبلي مروري

رحلتنا في الحياة يقول...

دايما كتاباتك مبهرة جدا وبتقدرى توصلى الفكرة بطريقة عجيبة مش عارفة فى انسان بيحب يعذب نفسه بفكرة الحب من بعيد لبعيد كده اكيد ده انسان مريض

dr.lecter يقول...

رقيقه جدا احلي حاجه اني افتكمرت اني اقدر اكتب قصص قصيره وافتكر اني خلاص بقيت كويس اججي اقرا للتانيين الاقي نفسي لسه قدامي كتيير واتعلم من كلامكم واسلوبكم

Unknown يقول...

حلوة قوي بجد