الاثنين، 2 مارس، 2009

هذا هو وطنى.....الان

الكومباوند يعنى المجمع ...وهو مفهوم للسكن الحديث فى كل دول العالم وانتشر منذ حوالى خمس سنوات فى مصر..وهو عبارة عن مدينة متكاملة تضم عددا من الفيلات والقصور والعمارات المبنية على طراز خاص ولكل كومباوند مدارسه ونواديه الخاصة وكذلك المولات والمطاعم والاسواق وكل اماكن الترفيه حتى لا يخرج منه سكانه الا نادرا وعن ثقافة هذا النوع من السكن قالوا:
-المكان له اسلوبه وحياته الخاصة فانا اتمنى ان اتزوج هنا ولا اخرج من هنا ابدا فبالرغم من انى اعمل فى الترجمة الا اننى ارسل الشغل على الميل واتمنى الا اخرج من هنا ابدا فنحن داخل المجمع نشعر بالاكتفاء الذاتى.
-صعب جدا على من عاش داخل الكومباوند ان يعيش فى الخارج حتى لو انتقل الى مكان راق فهنا فئة معينة من الناس وطبقة لديها امكانيات خاصة.
-طبعا الحياة هنا غالية جدا سواء فى السوبر ماركت او حتى محلات الخضروات لان هذه الاماكن تم تصميمها لطبقة معينة.
- عندما اخرج واعانى من المرور و تلوث الهواء و تلوث الناس احسد نفسى على الحياة هنا..
(تحقيق بعنوان الحياة فى الكومباوند...مجلة الشباب...عدد مارس 2009)
.........................................................................
اسمى عمرو وابويا تقريبا اسمه محمد...انا نسيت اسمه من كتر ما الناس بينادونى حلوس..انا فى الشارع من زمان قوى و كل اللى فاكره ان وانا صغير كنت بسرح مع ستى كانت بتشحت علية وقالتلى ان ابويا وامى ماتوا..انا عايش فى الشارع وبنام تحت اى كوبرى او فى محطة مترو او فى اى خرابة..ساعات بروح للحاجة عطيات فى شبرا وهى بتدينا حاجات نبيعها مناديل او فوط صفرا وتدينا حسنتنا..والرزق يحب الخفية يا اما ببيع مناديل يا اما بشحت..وبروح اى عربية فول اكل لو معايا فلوس ولو مفيش بروح اى محل واشحت اكل ولو غلبت اروح عند اى مقلب زبالة لان الناس بترمى اكل بالهبل.نفسى فى حاجات كتير نفسى يبقى عندى بيت اعيش فيه ونفسى ابقى معلم كبير ونفسى فى موبايل بكامير واكلة كباب من عند الحاتى.
(تحقيق بعنوان الاسم حلوس المهنة طفل شوارع...مجلة الشباب..عدد مارس 2009)
..............................................................................
شايف رواية يوتوبيا؟؟؟؟؟؟؟
عيش أقسى ما فى اللحظة...........
..............................................................................
نوجا .. نوجا .. أحلى نوجا .. "
أتبيع الحلوى يا ولدي
من غيرك كان ليأكلها
لولا مهزلة فى بلدى .. ؟ !
" نوجا .. نوجا .. أحلى نوجا .. "
فى نصـف الليـل تغنيهـا
عريانـا فى برد الليـل
أنا مثلك لم أعرف يوما أفراح الطفل
و عرفت الأحزان المرة
و رضعت العلقم من مهـدي
لم أعرف ما طعم الحلوى ..
" نوجا .. نوجا .. أحلى نوجا .. "
أحلى نوجا ؟ !
كلها يا ولدى .. ملعون من يأكلهـا ..
غـيرك أنت ..
و لتقطع كف تخطفهـا مثل الحـدأة ..
يا كتـكوتى .. من ثغرك أنت ..
يا مثـل الورد البري
يا أطهر من أى نبى
يا أحلى من أحلى نوجا
يا كبدى .. أتبيع النوجا ؟
" نوجا .. نوجا .. أحلى نوجا .. "
ما كان بعيدا أن أصبح مثلك أنت
فأنادى " نوجا .. يانوجا .. "
ما يمنع أن يصبح ولدى يوما أنت
فينادى " نوجا .. يانوجا "
قلهـا للعـالم يا طفلي
قلها للقرن العشرين ! .. فليبنوا من فوق الموتى أهرام المـال
و ليلقوا للفقر الضــارى بالأطفال
ليبيعوا للنـاس النوجا فى نصف الليل
" نوجا .. نوجا .. أحلى نوجا .. "
(قصيدة نوجا ....نوجا للشاعر نجيب سرور)
........................................................................
أعرف مدى قسوة هذا الموضوع ولكنى لا املك اختيارات اخرى..
هذا هو وطنى.......الان

..........انجى ابراهيم...............

هناك 42 تعليقًا:

مذكرات مشاغب يقول...

معاكي حق فعلا يا انجي
البلد كلها كده
بس هختلف معاكي في حاجه
مش البلد بس
ده ظلم عالمي
يعني حتى في اغنى بلاد العالم اللي هي امريكا
فيه برده اللي عايش في قصور
واللي عايش تحت الكوبري

في تباين غريب ظالم لا يقبله عقل
بس ده واقع عالمنا
نقدر نغيره
لكن اشك في تغييره

تحياتي

ليكوريكا يقول...

عملنا فريق شبابنا لانقاذ اطفال الشوارع


خدنا الموافقات

جمعنا الناس

الكل عنده استعداد يساهم

الكل متحمس

بس للاسف الشعب فوادي

واللي ايدهم القرار في وادي

.....

ده مش واقع قاسي وبس

ده واقع مميت ...

:(

صوت من مصر يقول...

انجى للاسف مصر مش اطفال شوارع بس لكن مصر حاجات كتير وهى وطننا ومش هنستغنى عنه مهما اتقال عليه من اطفال شوارع لارهاب تخبلى من الى ايه بس وطنى لانى مبحبش عيشت الكرتون او البلاستيك
للاسف اعترف انى مواطن مصرى اسعى لتحقيق حلمى فى بلد كل شىء به مجهول
هايل يا نوجا نوجا

كراكيب يقول...

ااااااااااااااااااااااع
دي سويطة بس الأول كدة علشان انا كتبت كومنت واتمسح من غير ما ينزل
حسبي الله ونعم الوكيل

جوجا..
انا من فترة وانا عايزة اكتب بوست على موضوع التفاوت الكبير اوي زيادة عن اللزوم اللي بين الطبقتين دول
لإن اي مجتمع في الدنيا في طبقات بس ماينفعش ابدا خالص يبقى في طبقة عايشة حياتها بعيدة تماما عن بقيت الطبقات اللي في المجتمع
طبقة عايشة في فيلا وكل فرد معاه عربية اخر موديل
وفي في المجتمع زي حلوس بينام تحت الكوبري في عز الشتا بياكل من اي حتة ده لو اكل اصلا
يبقى ده مش وطن
علشان لو وطن مش هيسيب واحد مهنته في الحياة مجرد طفل شارع وفي واحد تاني في نفس المجتمع مايقدرش يعيش من غير بسين

هيتعدل امتى حالك بقى يا وطن؟؟

جوجاااا.. انت بنوته جامدة جمودية كبيرة على فكرة
اممممموااااه

miro el niro kwaniro

كراكيب يقول...

ايه الرغي بتاعي ده كله؟؟؟؟
رغاية رغاية يعني

مـجـنـووون يقول...

عندك حق في كل إلي قولتيه

بس أن شاء الله تتغير بلدنا بينا لأن مفيش حد هيغيرها غيرنا


تقبلي مروري
مجنووون

adel يقول...

كنت عاوز اكون اول واحد اعلق

1-اختيار المقالين و المقارنة بينهم تحفة قوي

2-نجيب سرور ..... بجد ذوقك مفيش بعده و انا اللي يحب الرجل ده ..... احب قوي انا كمان :):):)

3-متطوليش الغيبة

هههههههههههه بلا خيبة :):):)

سجع اهو ... شاعر شاعر يعني

Mo7amed Mamdou7 يقول...

طيب وبعدين

Foxology يقول...

وليه نقلب المواجع ؟؟

ما علينا

زمان كنت بقول >> بكرة تروق وتحلى
دلوقتى بقيت بقول >> يمكن بكرة تروق ويمكن تحلى مين عارف؟

تحياتى :)

ايوشة يقول...

بلد التناقضات للاسف ناس بتنعم فى كل الترف والبذف وناس مش مش عارفة حتى تحلم
فكرتنى باغنية لحنان ماضى ناس تحلم بالدهب والماس وناس يدوب يحلموا يعيشوا

احمد سعيد يقول...

اة يانى
المشكله ان الكل بيقول عليا متشائم
الا انى دايما المستقبل لما بييجى باكتشف انه بيفوق اكثر توقعاتى تشاؤما...

مش قادر الاحقه ابدا

نفسى مرة متفاجأش بيه

اصلى بكرة المفاجات
وخصوصا السيئه

طب انا فقدت الامل فيه

بس على الاقل ابقى مستعد للهباب اللى جاى....

احقن مخى بحقنه بلك او حبر اسود ؟؟؟؟

dr.lecter يقول...

اختفاء الطبقه المتوسطه هو السبب في كل المشاكل دي

اي مجتمع علشان يبقي فيه توازن لازم يكون فيه طبقه متوسطه لكن مع انهيارها للاسف والمتغيرات اللي حصلت اصبح هناك فرق شاسع بين الناسع زي مانت زكرتي وزي مادكتور احمد زكر في تحفته يوتبيا

مجتمعنا ايل للسقوط عاجلا او لاحقا لو ماتحلتش المشاكل دي واتعمل التوازن هتبقي العواقب وخيمه

لكن ماحدش بيسمع كلامنا والمسئوليين عازليين نفسهم تماما عن اي حاجه تانيه

حقودي يقول...

ذراع مبتورة ،

وردة ،

عظامٌ مُجففة ،

وسط المدينة ،

شتاء ،

أغصان زيتون ،

أشلاء ،

أين إذن يختبىء الوطن ؟؟؟

محمود محمد حسن يقول...

كان فيه موضوع في جريدة الشروق فظيع جدا ، عن بنت طلبوا منها تكتب عن الفقر في مصر ، البنت كتبت عن حياتها ، الموضوع كان فظيع اوي ، البنت بتحكي عن فستانها اللي شحتاه من قرايبها ، بتقول انها خدته وراحت ضيقته عند الخياطة ولبسته يوم العيد ، وصحابها فضلوا يضحكوا عليها علشان كان بيان مكان خياطة التضييق ،

بتحكي عن العيدية ، بتقول انها بتجيب بالعيدية ازازة زيت شعر ، وتدي الباقي لمامتها ، ابوها غفير ، وكان عايز يطلعها من المدرسة لما لقى انهم زودوا المصاريف السنة دي خمسين جنيه ، وقال بلاش المدرسة ، لكن امها اصرت ،

الموضوع كان فيه تفاصيل كتيرة اوي ، كانت بتحكي عن ابسط احتياجات البنت اللي ما بتقدرش تلبيها فبتضطر تستلف من قرايبها حاجاتها الشخصية، كان موضوع مؤلم اوي،


كاتبة الموضوع بتقابل البنت قبل تسليم الجايزة ، البنت بتقول انها نفسها تكون الجايزة فلوس علشان تساعد اهلها بيهم ، لكن الجايزة بتطلع لابتوب ، البنت بتقول مش مهم مبسوطة برضه ،

الوضع في مصر بقى غريب جدا، لما تروح كوستا او سلانترو او ستاربكس ، مش حتدفع اقل من خمسين جنيه في فنجانين قهوة، الخمسين جنيه دي ممكن تكون مصروف اسرة لمدة اسبوع ،

انا لما قريت رواية يوتوبيا حسيت بخوف بعد قراية الرواية ، وخصوصا لما بيشرح الكاتب إزاي الأمور آلت لما آلت اليه البلد في سنوات قليلة ، لما يقول إننا ما كناش بنحس إن فيه حاجة بتتغير ، علشان كل يوم الصبح بنصحى بنلاقي حتة صغيرة اوي اتغيرت فنقوق مش مشكلة ، لكن فجأة فقنا على إن اللي اتغير كان كتير اوي وما حسناش بيه

تحياتي يا انجي ،

princess يقول...

المشكلة ان الفجوة بتزيد يوم عن يوم وده بيخلى الناس تسرق وتعمل كل حاجة:((((((((
تحياتى

msafa يقول...

اقف منحنى الى تاشاعر العظيم نجيب سرور ابن البلد دى ( مصر الحروسه ) .
يعنى اجيب مكرفون واقول البنت دى مش ممكن مجنونه يعنى اقف فى نص الشارع واصوت واقول ان التفاصيل دى والصور دى ياناس يا خلق بتاعة مسرح يعنى مش ممكن ده انتى عندك بساطة مدهشة وكمان العمل يعنى عظيم فيه امكانيات كاتب مترسخ وراقى انا مش بجاملك انتى فعلا روعه ومكتمله انتى محتاجه لالالالا انتى مش محتاجه خاليكى كده هو ده اللى ممكن يتعمل ويتحكى ويتقال يعنى انا شايف ان النص ه نص مسرحى
تخيلى ان فيه راوى بيحكى القصتين وفى مشه درامى حركى بيدور على المسرح بجسم الممثلين يعنى الحاجه اللى عايشه فى المكان الرائع ه اللى هى مش قادرة تطلع منه .... نجيبها ونحطها على المسرح عليها اضاءة خاصه جدا وفركن كه وتحكى التفاصيل وناس تمثل حركى بس
والنص التانى يتداخل معاه فى نفس الوقت وبنفس الطريقه وبين ه وده يكون نجيب سرور حاضر بيعلق بشعره بين المقاطع .... يا ناااااااااااااااس مسرح والله مسرح
انتى رائعة
بشكرك على التعليق عندى ه كتير عليه
بصى يا ستى .... انا عارف انى غلس وطولت .... مفيش حاجه اسمها معرفش اعمل ه لا تعرفى بس انتى مش واخده بالك وممكن تجربى حاولى ... ممكن تحاولى ؟

مواطن مصري يقول...

“إحنا شعبين.. شعبين.. شعبين
شوف الأول فين
والتاني فين
وآدي الخط مابين الاتنين
بيفوت


اجمل حاجة في يوتوبيا قصيدة الابنودي و سحر استذنا احمد خالد توفيق


بس مش كل الناس ساكنين في كومباوند حرامية او سارقين قروض

يعني فية ناس تعبت و شقيت و حلمها تسكن في كومباوند و من حق كل واحد يسكن في كومباوند
انا متفق معاكي في موضوع اطفال الشوارعع

انا خوفي كلة من تحقيق روئية فلم land of the dead
الفقراء يأكلون الاحياء في مناطق الاغنياء

بس الكومباوند فعلا فرق بينها و بين المدينة ربنا يوعدك و تسكني في كومباوند

يوميات نائمة في الأرياف يقول...

حبيبتي انجي
بجد يوست هايل ومميز زي كل بوستاتك.
بجد عجبتني حتة اعلان فودافون يمكن لأنه اعلان مستفز
تحياتي
رنا

Gannah يقول...

هذه بلادى لم تعد كبلادى
تفتكرى لو الاغنياء بيخرجوا زكاة المال بما يرضى الله كان هيبقى فيه فقر الى هذه الدرجة
المشكلة ان اللى عايش فى الكومباوند مش عايز يخرج ..طب ازاى هيتصور اصلا ان فيه ناس مش لاقية تاكل ..انه لا يرى لا يسمع وان رأى فربما اصابه القرف من الوجوه الفقيرة وخشى ان يلوث احد الاطفال ملابسة الغالية اذا اقترب منهم
الفجوة طبعا بتوسع لان فيه طبقة من المجتمع مش بتشوف الا نفسها وبتعتبر الباقيين كائنات هلامية لا وجود لها فى الحياة
النوجا أصبحت لمن يقدر على الثمن ...
هذه بلادى لم تعد كبلادى
تحياتى

Zika يقول...

اولا ازي
وفينك ومابتجيش ليه وكده والحاجات دي
ثانيا
اه هذا هو وطننا الان
حلوس .. نفس طريقة ناجي العلي
تحياتي

3omda يقول...

الثراء والفقر وجهي العمله المصريه.
فعلاً في ناس عايشين مايعرفوش غير الجري في النادي الصبح وال ايروبكس بعد الظهر والخروج مع الشله لاحد المطاعم الفخمه باليل.
وفي ناس ماتعرفش بوجود الحاجات دي اساساً.مايعرفش غير الجري ورا الاتوبيس الصبح وطبور العيش .
موضوع حلو خصوصاً المقارنه بين المقالات
بس انا عندي اعتراض علي البيت ده:
"يا مثـل الورد البري يا أطهر من أى نبى"
شكراااااااااً

محاولة لكسر الصمت يقول...

(أعرف مدى قسوة هذا الموضوع ولكنى لا املك اختيارات اخرى..
هذا هو وطنى.......الان)
*وطني*
يبدو انه خطأ مطبعي سيدتي, ما تتحدثين عنه ليس وطنا, هو شيئ آخر لن أجد في الأبجدية ما قد يصلح له اسما..
لست وحدك من لا تملكين خيارات أخرى.. عفوا سيدتي..تصبحين على وطن..

EMMY BABY يقول...

لازم يكون فى كدة وكدة

لان ربنا خلقنا طبقات فى الغنى وفى الفقير

بس لو فعلا الغنى تصدق على الفقير مكنشى هيبقى فى اغنياء لان الفقرا كتروووا اوى

PrInCeSS BeRy يقول...

ازيك يا انجى يارب تكونى بخير

معاكى حق فعلا يا انجى سلبياتنا فى بلدنا كتير بس محتاجة تتغير بادينا احنا مش بايد حد غيرنا وان شاء الله مصر دايما الاحسن ياربببببب

funckydoctor يقول...

مش هنقول إلا حسبنا الله ونعم الوكيل
أى نعم الثران بيقول
وجعلنا بعضكم لبعض سخريا
لكن برضه انتفى مفهوم التراحم وربنا يستر علينا من غضب ربنا

Zika يقول...

عملت مونتاج للبوست يا بنتي
تعالي بصي بصه
شيلت القباحه هههه

reem يقول...

السلام عليكم ورحمة الله وبركاته
اهلا انجى .. ازيك؟
انا ريم .. ياترى فاكرانى!!
تناولك جذاب جدا للموضوع ، الاقتباسات قوية جدا
مدونة جميلة ، وأسلوب أكثر من رائع
ربنا يوفقك يا قمر
ريم

maha zein يقول...

ايه ده
موضوع رائع بجد
مقارنة رائعة
تسلم ايدك يا انجي علي مواضيعك
كل سنة وانتي طيبة
يا رب تكوني بخير

أحساس لسه حى ...أنا مش موافق يقول...

عزيزتى

المشكله مش فى الفروق الواسعه بين الاغنياء والفقراء

المشكله ان كثير من الفقراء حاسين ان الغنى ده سارقهم وواكل حقهم

والحكومه مسعداه على كده

والمشكله كمان ان الغنى ده مش بيحاول يساعد الفقير بكل جهده

واللى بيعمله ان يدى جزء بسيط من اللى بيضيعه فى سهراته ونزواته

ويمكن ده شئ عالمى

بس الفرق بين هنا وبره

ان هنا اللى بيجتهد مش لازم بياخد حقه

وممكن حد تانى ياخده كمان

اما بره فكل ما يحتاجه الانسان شويه اجتهاد وعمل

وحقه هيجيله والكل هيساعده فى الوصول اليه

ومصر خيرها كتير اووووى

خساره يكون ده حالنا

تحياتى

سلام

سقراط يقول...

عارفة
انا شفت النهاردة نظرة فى عيون طفلة
عمري ما هانساها
مستحيل اشوف معنى الجوع فى حاجة تانية غير النظرة دى
دافينشي نفسه مايقدرش يرسم لوحة تتكلم عن المعنى ده
وتنافس اللوحة الطبيعية اللى انا شفتها
مش عارف اشكرك ولا اعاتبك
اشكرك انك فوقتينا
ولا اعاتبك لانك آلمتينا
ولحد ما ارسي على بر
تحياتي ليكي

سارة نجاتى يقول...

أنت خدت دش ساقع على بارد بسبب موضوع الكومباوند و ما يليه من صفايح زبالة

هى دى مصر يا عبلة , قصدى يا انجى

سلام

مواطن مصرى نايم يقول...

امتى يبقى الحال غير كده
بجد نفسى انام و اصحى الاقى البلد دى بقت على الاقل تعدى مرحلة التحول اللى واقفة فيها و مش راضية تتحرك
لو عدينا المرحلة دى حنخرج من اطار الدول النامية لأطار الدول المتقدمة

(تعليقى معقد ؟؟)
لو اه يبقى نصيبك بقى
هههههههههههههههه

عجبتنى قصيدة نجيب سرور

اقولك سر ؟؟
مش بحبه مش عارف ليه

!!! عارفة ... مش عارف ليه يقول...

لي ملاحظة صغيرة
على شطر في شعر نجيب سرور
وهو:
"يا أطهر من أى نبى"
الشطر ده ممكن يكون حوالية علامة إستفهام
وملاحظتي دي مش موجهة لك .. لأن العهدة على الراوي

-----------

أما عن مجمل البوست

فهي دي مصر ... يا عبلة :(


تحياتي
وليد

شخـا بيــط مـحـجـوب يقول...

ازيك يا انجى انتى فين

يارب ديما تكونى فى تألق

وانا اتفق معاكى

معكى حق كل الحق

شخابيط mahgoub

daktara يقول...

بحرفية لمستي لب الموضوع
نايس عايشة في مجتمعات خاصة
وحياه اكثر من مرفهة

وناس تانية بتاكل من الزبالة وتنام تحت اقرب كوبري
المهم
هل ده يستاهل الثراء والتاني يستاهل النوةم في الشارع
هل يعمل كل منهم بقدر مكانته؟؟؟؟؟؟؟
الله اعلم

شكلها باظت
انظر حولك
د. خالد عزب

WhItE HeArT يقول...

يا مثـل الورد البري
يا أطهر من أى نبى

انا هرجع اتكلم معاكي في الموضوع وهقول احلى كلام

بس معلش اعذريني محاج تفسير للجمله مش اكتر

انا عارف ان مش انتي اللي كاتباها بس خايف اكون فاهمها صح

تحياتي

enjy يقول...

مداخلة بسيطة
يا أطهر من أى نبى
واضح ان نجيب سرور هو اللى قال دة اولا
ثانيا مكانش ينفع اقص القصيدة لان دة مش من حقى اصلا
نجيب سرور شايف ان التعبير حلو ودة هو اللى يتناقش فيه وبما انه مات الله يرحمه فمينفعش نناقشه فيه انا بس اخدت القصيدة زى ما هى وحطتها......


فاللى شايف ان التعبير دة فيه تجديف انا حتى مقدرش اعتذر عنه لانى مش صاحبة التعبير دة والجملة مش جملتى......

اتفقنا؟؟؟؟؟
شكرا لاى حد اهتم وعلق واخد باله من التفاصيل
سلام

WhItE HeArT يقول...

تمام

وبجد الموضوع سردتيه بطريقة حلوة بحييكي عليها


تحياتي

kalamfady يقول...

حقا هذا هو وطنى

كراكيب يقول...

ايييييييه يا اختشي
فين حضرتشك يعني
لا بتشيجي هنا ولا هنا
تؤ.. الله

حسام مصطفى إبراهيم يقول...

تدوينة مفترية.. شكرا على مرورك.

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online