السبت، 21 مارس، 2009

مقال...وجائزة....و أشياء أخرى

فاعل ليس له محل من الاعراب
.......................................
فتاة ما .... مجرد فتاة مسلمة روت قصة حبها لثلاثة شبان مسيحيين فى سنة واحدة. القصة نشرت على صفحات جريدة اليوم السابع..قصة..مجرد قصة تختلف معها او تتفق.. تتعاطف او تنفر منها.. تقرأها او لا تهتم.. ما اندهشت منه حقا هو انها تحولت من مجرد قصة الى قضية..يتناقشون ويتحاورون ويسودون الصفحات و ها أنا ذا ايضا اشارك معهم فى هذا الفعل المشين.. ولكن يغفر لى اننى لن اتكلم فى القضية بتاتا.. لن احكم على شرعية قصص حب هذه الفتاة والتى لا تمت لقصص الحب بأى صلة اصلا.. لن اناقش موقفى من الجريدة ولن اتساءل عن مغزى القصة العميق .. لن اسب اى ممن ادلوا بآرائهم.. ولن اتناول سياسة الجريدة-التى هى ليست واضحة بالمناسبة- سوف اتناول خطا واحدا من هذه القضية والتى اندهش من ان ايا من الكتاب المحترمين الذين تكلموا لم يلحظوها...الفتاة يا سادة صحفية فى الجريدة مانشيت عريض الزميلة فلانة تكتب عن تجربتها وصورة شخصية للفتاة الصحفية.. الفتاة الصحفية التى كانت تعتقد ان المسيحيين مميزون برائحتهم او بشكل الانف..
الكاتبة الشابة التى لا تعرف حكم الشرع فى زواج المسلمة من مسيحى..صحفية لم تهتم ان تعرف ميول حبيبها الدينية ومدى اهتمامه بطقوس الدين..
لا اعترض ان يكون هناك فتاة بهذه المواصفات اطلاقا ولكنى فقط اعترض ان يكون هناك صحفية وكاتبة بهذه المواصفات...
كارثة ان تكون هناك فتاة فارغة العقل بهذه الطريقة السخيفة فما بال سيادتك بصحفية تؤثر ومسؤولة عن قلم وعن كلمة وعن عقول تتأثر بها..
سخف سخف سخف لا متناهى... أى سخف هذا الذى أراه؟؟؟
المشكلة ان هذا النموذج منتشر بكثرة غير عادية فى هذا الجيل وياللعجب فأصحاب العقول والفكر الراقى الذى يستطيع ان يؤثر فى العقول لا يجد من يوليه اهتمام والادهى انه ربما يجد من يقول له باشمئزاز فلسفى يالك من منافق غبى انت لا تستطيع ان تكتب اسمك هل تريد ان تكتب ما هو اكثر من مجرد بيانات بطاقتك الشخصية؟؟
الفارغون الذين يملؤون الصفحات بفلسفة سطحية وتأملات سرمدية ضحلة وألفاظ غريبة وأحيانا وقحة جدا بدعوى ان هذا هو الفكر الجديد وهذه هى الطريقة المثلى لمخاطبة الشباب مع الاخذ فى العلم ان هذه الطريقة الطريفة غالبا ما تقابل بالتتنيح من قبل القراء واعذرنى فى اللفظ...لا اجد لفظة اكثر تعبيرا من التتنيح تقرأ ولا تفهم تبتسم وتعيد القراءة ربما تكون أسأت الفهم أو ان هناك سطورا سقطت سهوا منك اثناء القراءة..
تكتشف انه لا خطأ هنالك انت قرأت النص كاملا ولم تستخلص منه أى شىء...
يكتبون عن تجاربهم التحفة والتى يجب أن تدمع عيناك تأثرا و انت تقرأها وتقرر ان تغير حياتك لان فلانة اكتشفت ان مفاتيح بيتها – ياللعجب- تستطيع ان تفتح بها الباب بسهولة.. أو ان احدهم سافر ليقضى بعض المصالح ثم استقل القطار عائدا... يالها من تجارب بشرية عميقة تقشعر لها الابدان ...
كم اشعر بالضآلة حقا وانا اقرأ هذه التجارب..
هذه الفتاة الصحفية الشابة الفالتة تتكلم بسذاجة لا اعرف ان كانت متعمدة ام لا ولكنى شعرت بتقلص عندما قرأت تعبيراتها التى تستعجب فيها كيف انها لم تلحظ اى شىء غريب فى حبيبها.. فرائحته عادية وانفه شكلها عادى وكلامه غير مختلف عنا و هى كانت تعتقد ان المسيحيين كائنات اخرى يتكلمون ويمشون بطريقة مختلفة..
ما هذا العته؟؟؟ هو فعلا عته ولن اعتذر عن اللفظ.. لم اقابل اى طفل يعتقد هذه الاغتقادات السخيفة حتى الان..
بالتاكيد هذه الصحفية الشابة تشبه كثيرا النماذج التى ذكرتها آنفا..
كيف أترك مثل هذه النماذج لتسيطر على عقلى؟ كيف أتركها تؤثر على تفكيرى وتنقل لى ثقافة.. حتى وان كانت تقريرية ولن اتشرب آرائهم فى الحياة.. هناك منهم من سوف ينفذ من ثغرة ما لينقلوا لى آراء مغلوطة و ثقافة مشوهة.. الكثير من الكلمات الغريبة والجمل السخيفة والتعبيرات الوقحة والتكوينات الغبية..
عذرا عن حدة اللغة ولكنى ارى الكثير ممن يتأثروا بتلك الثقافة التى لا تمت للثقافة بأى صلة.. ارى ان هذه الطريقة المنتشرة هى مسمار آخر يدق فى نعش بلدنا الذى لا يعرف من اين يتلقى الضربة القادمة..سوء احوال من جميع الجهات.. اقتصاديات مدمرة.. اجتماعيات مشوهة..سياسات قمعية.. تعليم غريب .. ثقافة غربية.. اعلام داعر..صحافة ساذجة.. بلدنا لها الله ولا أرى تعبيرا آخر..
اعرف اننا نساعدهم بعدم تفنيدنا للحقائق والمعلومات التى نتلقاها ولكن ايضا عندما ترى انتشار واسع وحواريون مخلصين تقف وتتساءل هل هم حقا مخطئين وانا المصيب؟؟
عندما تعترض على اسلوب احد هؤلاء المدعين ثم تجد من يكشر عن انيابه ويعاديك بتهمة سب الصنم الاعظم لا تجد امامك الا ان تعيد التفكير وهناك احتمال ان تسكت فدور البطة السوداء غير ممتع فى معظم الاحوال..ان تكون مختلفا ومعترضا يعرضك لسماع ما لاترغب وليست اخر القائمة جملة-طب ورينا شطارتك- فهناك غيرها الكثير...ولذلك يتوغل هؤلاء اكثر وينتشروا والضحايا جيل لا يعى ومنوم مغناطيسيا من قبل هؤلاء.. انا لا ابالغ وهذه النماذج موجودة بكثرة حولنا ويشكلون ما يشبه اللوبى.
فارغى العقل اعضاء فاعلون فى المجتمع..مؤثرين جدا.. نشطون كالبراغيث..انتاجهم غزير بطريقة تثير الحسد..
أتمنى ان يتوقف تفعيلهم وأن يتم كشفهم لا أريد حواريين لهؤلاء البشر الفاعلين الذين ليس لهم اى محل من الاعراب.
.................................................................
المقال دة فاز فى مسابقة عيش وحلاوة الادبية بالمركز الرابع وانا روحت حضرت الحفلة فى مسرح روابط فى القاهرة يا بنى ادمين....
وعايزة من هذا المزنق اقول لكيكى:ميرسى يا مجنونة على الفسحة اللطيفة واول مرة فى حياتى اكل من على عربية كبدة والقطط حوالينا والقطة كانت مركزة معايا انا خصوصا لدرجة انها حاولت تنط علية يا جدعان شفتوا كدة ابدا؟؟؟
دة غير ان كيكى هانم كانت ماشية معانا باحساسها يعنى كانت بتحس ان رمسيس من هنا وان مثلا التحرير احساسها بيقولها انه من الناحية التانية....واكلتنا ايس كريم تحفة من عند العبد وعلى فكرة انتى المفروض تتعالجى من ادمان الشيكولاتة.....
قابلت دعاء عمرو اللى هى دعاء مواجهات..عسولة وواثقة فى نفسها جدا ماشاء الله..وكمان عرضت توصلنى فى موقف محرج جدا مكنتش عاملة حسابه خالص..شكرا دودو كانك وصلتينى بالظبط..
شكرا يا اسامة امين انك عرفتنى على المسابقة اصلا هو انا اى نعم كنت مركز رابع بس دى اول مرة فى حياتى ابقى اى مركز فى اى حتة فى الكون ولازم اسيحلك واقولك انك كسبت اربعة مركز اول و واحد مركز تالت وصلحه...
جايزة المسابقة بقى هى المفاجأة.....كتاب انيق جامعين فيه الاعمال الفايزة وكل واحد فينا اخد نسخة...هو اى نعم الكتاب غير مخصص للنشر بس دى اول مرة اشوف اسمى مطبوع ودى حاجة مفرحانى....
على فكرة انا كرهت القاهرة جدا بجد بلد وحشة وكنت حاسة انها بتكرهنى جدا و انا راجعة رايحة اركب كنت حاسة انى مخنوقةوواخدة على خلقتى بالقلم وعايزة ارجع بلدى..القاهرة دى وحشة تحس انها بتسخر منك كدة ومش بترحب بيك..والله العظيم قسم احاسب عليه انا مرجعتش اضحك غير لما رجعت اسكندرية والله العظيم حسيت انى رجعت اتنفس تانى..
......................................................
الايام دى لازق فى نافوخى اغنية فيروز (رجعت الشتوية) خصوصا المقطع دة
(يا حبيبى الهوا غلاب....عجل وتعا السنى ورا الباب...شتوية وضجر وليل وانا عم بنطر على الباب..ولو فية يا عينية خبيك بعينية...رجعت الشتوية)
.......................................................
ساعات حد يرفض يسمعك مع انك بتسمعه وتلاقيه بيحكم على كلامك انك مكبر الموضوع اوى وهو ميستاهلش..
وساعات حد يخيب ظنك ويتصرف تصرف يخذلك وميبقاش فاهم اصلا انه خذلك وتبقى مندهش انك مش بالاهمية دى عنده ..
وساعات حد ينسى وجودك على الكرة الارضية لانه مشغول ومعندوش وقت يضيعه فى مكالمة معاك..
بس متزعلش...هم البشر كدة وانت اكيد ممكن تعمل كدة فى يوم من الايام ومتبقاش شايفها غريبة.
........................................................
انا نجحت على فكرة يا خلق...فاضل لى ترم واحد وابقى متخرجة...هو انا اى نعم هكمل دراسات عليا ان شاء الله بس والله بردو فى فرق..التعليم الالزامى هيخلص ان شاء الله اخييييييييرا..
.......................................................
البوست دة طويل انا عارفة بس عموما دى مدونتى وانا حرة فيها اصلا..
سلام

هناك 36 تعليقًا:

مـجـنـووون يقول...

بجد أنا عجبني أسلوبك في الكتابه وبالذات العنوان هات من الأخر يعني من الأخر متوجعش دماغي
وانا هجيب من الأخر ومش هوجع دماغك

بالنسبه للناس الي بتكتب في مواضيع بتثير الشك بين الناس فهي بتعمل كده علشان تنشهر ويعلي صوتهم وهم بيحسبوا انهم بكده هيوصلوا ولكن بالعكس هيزيد سخط الناس عليهم وهيعرفوا انهم اشخاص تفهين جداً

بالنسبه لموضوع القاهرة فعندك حق هي تضايق قوي بس جوها بالليل بيبقي متعه وكونك كنتي ريحه في مهمه فحسيتي الاحساس ده
وبعدين متزعليش مننا الناس بتوع مصر

وكل واحد بلده في عيونه أحلي بلد في الوجود

تقبلي مروري سيدتي
مجنووون

Mo7amed Mamdou7 يقول...

طبعا هى دى انجى الى اتعودت انى اشوفها كده ربنا يديم نجاحك وانتى من الناس الى هاتجيلهم الفرصة لحد عندهم وبكرة تقولى محمد قال وابقى اسالينى لية بتقول كده وانا هابقى اقولك

adel يقول...

1-الموضوع الاول معاكي تماما
خصوصا ان صحفية المفروضة مثقفة ولو بجزء بسيط متقولش كلام زي اللي بيتقال عن الرائحة او شكل الانف ... ازاي يعني؟؟
كلام اساسا مش منطقي
بس عشا ناحنا شعب بيصدق اي حاجة فبقي ده العادي انهم يستخفوا بعقول القراء

ده لو مكنش الموضوع كله متفبرك عشان يوزعوا مش اكتر

2-مبروك الجايزة ... بقولها بكل حقد و غل و شر و كل المشاعر السيئة
هههههههههههههههههه

اللي يسهل له ياعم

و بعديت تنزلي القاهرة من غير ماتقولي :(:(:(:(
عيب قوي كده

و القاهرة حلوة بقي علي فكرة ... احسن من اي حتة ده حتي احسن من مين القمح

ههههههههههه

3-يارب ما تعرفي تسمعي فيروز عشان تتجنني :):)

4-مين اللي سمع و مين اللي ماسمعش

5-مبروك النجاح و عقبال البكالوريا

ههههههههههههه

6-ايه كل ده ....ملل ملل ملل

نهر الحب يقول...

اولا
الف مبروك على النجاح فى الترم
تانى حاجة على القصة بتاعت البنت فدي تدل على مدى استهتار البنت وغياب الاهل والرقابة وعدم معرفتها بدينها
الله يثبتنا يارب
بصى يا انجى بلاش اعلق لان القصة دى مستفزة جدا لى





احيكى جدا على تناولك للقصة واسلوبك
تحياتى وحبى

هى فوضى يقول...

الف مبروك على النجاح
فين الجاتو بقى

ربنا يستر علينا ويثبتنا
على فكرة بحس الحاجات دى مفبركة

صوت من مصر يقول...

كده فى اتنين بلوجريه ناجحييين لولى لولى
مستنى منك شوب عصير قصب اوك

حاسوباتيه يقول...

دي تجربه تتكتب لا حول ولا قوه الا بالله ربنا يهديها بجد مش ناقصصين فساد اكتر من كده في الشباب

سقراط يقول...

أولا ألف ألف مبروووووووك
ثانيا انا عاوز اقولك انى كل مرة بضرب ع الماوس علشان يجبني عندك هنا ببقي عارف ان فى انتظاري تدوينة ممتعة جدا
اما بالنسبة لموضوع ان التدوينة طويلة
فهى طويلة فعلا
ودى مدونتك تعملى اللى انت عايزاه
بس مش اللى انت عايزاه قوي يعني
فالمرة الجاية ان شاء الله خليها اطول من كده شوية
...
..
.
تحياتي

Appy يقول...

اولا مبروك النجاح
ثانيا مين قال ان دى صحفيه
هو كل واحد نزل له حاجه فى مجله الكترونيه ولا صحافه صفرا ولا زرقا بقى صحفى
دول بينزل لهم حاجات بس علشان الناس الكبيره بقت بتاخد كتير فهما بيستهيفوا دول لغايه لما يبدأ يطلع لهم انياب ويقولك فلوس وبالشالطوت بره
فبالتالى ولا يهمهم ايه توجهاته
فيه بلاوى كتير وزبالات كتير بتكتب فى مجلات وجرايد عمرنا ما سمعنا عنها دول يتقال عليهم مرتزقه مش صحفى
بس شوفتىالحل سهل ازاى

Foxology يقول...

اولا بالنسبة للمقالة فهى الحقيقة قوية جدا جدا وفعلا ثقافة اللاشئ مفهوم هى الثقافة السائدة للأسف وللأسف الأكبر ان فى مساحات بتتفرد للكلام الفارغ ده اللى برضه مع الأسف الشديد فى ناس بتصدقه وبتؤمن بيه كمان !! حاجة تقرف بجد

ثانيا بالنسبة للقاهرة وكلامك عنها فكرنى بأغنية قديمة لعلى الحجار اسمها >> هنا القاهرة :)

ثالثا بالنسبة للدراسة مبرووووك وعقبال التيرم الأخير ان شاء الله :)

تحياتى :)

ايوشة يقول...

الله الله على بوستاتك كل بوست بطريقة سرد ممتازة بجد انا باجى هنا علشان اتذوق البوستات مش اقراها بس ياانجى ربنا يوفقك فى الامتحانات وتتخرجى
اما بخصوص القصة العجيبة دى انا دلوقتى بقيت بحس ان الاعلام والصحافة بيتعمد يركز على اشياء تافهة وغبية لتضليل الناس مش اكتر استفادنا ايه احنا من قصة غبية اصلا لما الاخت دى مسلمة بجد كانت اول حاجة تخطر على بالها ان اللى بتعمله ده شئ محرم فى الدين
للاسف دول مش بيعرفوا من الدين غير الاسم غير كده لا اعتقد طول عمرى اقول الدين ناخده مرة واحدة كده مش نجزئه على مزاجنا
ربما يصلح الاحوال
الف مبروووك على المركز مع انى مش عارفة اسلوبك بجد يستحق الاول وبجدارة
اما بخصوص القاهرة انا حبيتها اوى وكان نفسى اقعد فيها فترة اطول بس كرهت الزحمة فيها مش اكتر :)

نعكشة يقول...

مبووووووووووووووووووووووووووووووووووووووووووووووووووووورك

يابنتي هيا البداية كدة
لازم تطلعي السلم من الاول عشان تحسي بحلاوته

1- بالنوزبة للمكالة
فانا اعتقد والله اعلم ان الست كانت عايزة توصل وجهة نظر ان الاخوة المسيحين زينا زيهم بس انا اللي اعرفه يعني من غير ما تقول احنا بنعاملهم كدة
عامتاً
وجهة نظرها الدينية العميقة و العلاقات الرهيبة من حقها برضو
بس اللي مش من حقها انها تدخلها في فكر ناس
المشكلة بقة اية
ان الشباب منقسم كذا قسم
قسم مش فاهم اي حاجة و عايش في البتاع خالص و دول بيصدقوا اي حاجة و ممكن يتأثروا
و قسم فاهم وب ينقد و مثقف وواعي و دول مش هتأثروا بس هيتخنقوا
و قسم ملوش دعوة بحاجة
ودول مفيش امل منهم
ما علينا

ممكن تقترحي على نقابة الصحافة تعمل اختبار للصحفين عشان يشوفوا اتجاهاتهم
و الحاجات دية
و اهو يبقى اسمك عملتي حاجة للبلد
و نطلع في مظاهرات نقول انجي انجي

طيب بالنوزبة للجائزة
قولنا فوق شكرا مش هنزود بقة
حاجة غريبة
الف مبروك يا قمر
عقبال التاني
و الول
و الاعظم
باكتساح يا رب

طيب بالنسبة للقاهرة
دية وجهة نظرك
و دية مدونتك
بس انا محستش انها مكشرالي يعني

بالنسبة للكبدة ( نفسي اعمل الحركة دية)

الاربع جمل اللي قولتيها عن الناس
عندي احساس انهم بيتكلموا عني مش عارفة لية
مع اني مش فاكرة اني عملت كدة في حد
بس زي ما تقولي
اللي مش شايف انه عمل حاجة لحد بيبقى عمل كتييييييير و هوه مش واخد بالة لانه مش حاططهم في دماغة
ادعيلي ربنا يهديني

ختاما

الف مليون مبروك عالنجاح
و عقبال يا رب يا رب الترم التاني تجيبي امتياز
و تاخدي الماستر و الدكتوراة في اسرع وقت

ربنا يوفقك يا رب يا قمر
انتي تستاهلي كل خير

سلام عليكِ

ABOALI يقول...

المهم هات من الاخر
وانا عجبنى المقال الفايز بالتاءكيد
واكيد شكرك الكثيرين عليه
شيىء رائع انك مهما كان حجم الجايزة اللى اخذتيها انك تكونى سعيدة
سعادة الامل والتفائل
باءن هناك من قدر التعب والمجهود
حتى وان كانوا قلائل
ولكن الطموح وميلاد يوم جديد يوحى ان القليل سيصبح كثير ان شاء الله

عتااااااااب اكيد لازم اوجه ليكى
وهو النهاية

التى تقولى فيها انها مدونتك وانتى حرة فيها

عندما ننشر فكرنا على الشبكة العنكبوتية
هناك اذن فكر طرح وسيقرءاه الكثيرين
بل قولى الملايين
انك من خلال كلماتك فى تلك المدونه
تشكلى كيان عدد ليس بقليل
وتضعى بذور لتطرح فل ورياحين ان شاء الله
فكر تنوريى به الطريق لغيرك
فلا تجعلى لكلماتك عبء وحماية تحت مظلة تلك مدونتى وانا حرة

الحرية سيدتى هى انطلاق الكلمة الى الافق الرحب
لتصنع وتضع النقاط فوق الحروف


لا تتعذرى عن الاطالة
فهناك من يجلسون فى المقاهى بالساعات
هناك من يشاهدون الفيلم بالايام


لك المدونه ولى حرية القراءة
فكلانا له حق وشراكة


تحياتى

fashkool يقول...

العزيزه انجى
والله انت اللى زى السكر والشكولاته كمان بنت حلوه كدا وزى العسل

نيجى بقى للتعليق
عارفه يا انجى اصل المجالس عندنا بقت كتيره وفيه المجلس القومى للحمه والمجلس القومى للعيش والمجلس القومى للفراوله والقومى مجلس للمرأه .. وكلها حاجات مستورده وافكار وعادات وتقاليلد مستورده وبنحاول نقلد الغرب وامريكا فى الحاجات الوحشه ولا بنحاولش نقلدهم فى الحاجات الحلوه
يعنى لو فيه قانون زى الزفت يقولوا دول فى انجلترا بيعملوا كذا وكذا
والاسعار فى امريكا كذا وكذا
والاسعار العالميه كذا وكذا
طب والاجور عندنا برضه كذا وكذا
تقاليد وعادات وطبائع مستورده
وقال ايه العلمانيه
بس مبروك على المركز الرابع آهو احسن من مافيش يعنى تاخدى الميداليه الخشبيه
على فكره احسن سندوتش اللى بيبقى هافف عليه الدبان وبتبقى ريحته هايله وبيبقى طعم قوى .. اسألينى انا
تحياتى

assafo anaroze يقول...

سيدتي
اول شيء بهنيكي على الجايزة
ثاني شيء حبيت انه في نظري ما فيش فرق اصلا انك تحب مسيحي يهودي و لا مسلم لان في الحب ليس هناك شيء اسمه تخطيط عشان احب شخص معين ده بيجي فجأة و من غير توقع
المهم اني احب اي انسان لمجرد انه انسان بغض النظر عن ايديولوجيته او دينه او عرق
اللي مش مقبول ان مثل هذه القصة تتنشر و يستغلها صاحبها عشان يتشهر و يعمل له اسم بشكل تافه جدا
********
سيدتي اتمنى دوام التواصل
"الامازيغ بين التاريخ و الحاضر" في انتظارك
مودتي

حقودي يقول...

أحم أحم
نحن هنا
واحد أتنين تلاته أيون تلاته مبروك
وواحده زعلتيني منك
مبروك المركز الرابع
ومبروك اسمك علي المطبوعات الغير مخصصة للنشر
ومبروك النجاح وربنا يسهل علي الترم
بس أنا حقيقي زعلان
لأن الروح الانهزامية ظهرت عليكي
لأنك متنحتيش مع القاهره
أزاي يعني أنا أبقي جاي من أخر الدنيا
ومحدش يقولي نورت مصر
وأسيبه في حاله وأمشي
هو أنا كده كده همشي
بس لازم أكون حاسس أن البلد اللي
مترحبش بيا
أنا لازم أعلم عليها وأعرفها أنها هي السبب مش أنا
في النهايه أجمل بلد أسكندرية
ونورتي القاهرة يا دكتورة
وبحسدك علي مقابلتك لمواجهات
تحياتي
وقل أعوذ برب الفلق
عشان الحسد
:)

أحمد علي يقول...

"ولكن يغفر لى اننى لن اتكلم فى القضية بتاتا"

كل ده ومااتكلمتيش :-)

أنا تتبعت أصل المسابقة، وعرفت إن التصويت كان من خلال الفيسبوك، اوعي تقولي تاني انك مابتحبيش الحاجات دي :-)

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

حمادة زيدان يقول...

أنووووووووووووووووووووووووووج

أولاً ليكي وحشة كبيرة فينك يا بنوتة

ثانياً كيكي وأنوج يبقى يا صباح الثقافة والجنون .......... هههههههههههههههه

ثالثاً موضوع البنت دي قريته من فترة كبيرة جدا ومصدقتوش حسيت أنه فيلم وفيلم كمان تعبان ومفيهوش اى منطقية

رابعاً : أنا خلصت الرواية وهبعتهالك قبل النشر تلقي عليها نظرة

سلاموزات على طول السلام

عابر سبيل (عبدالرحمن محمود) يقول...

بداية
اسلوب جميل
واعترف انى مررت بالمدونة اكثر من مرة
وكل مرة اكتم اعجابى وامضى بلا تعليق
ولكن اليوم احتاج ان اعلق
الاستاذة الصحفية
واسف على الكلمتين
الواضح انها فبركت موضوعاً شيقا ليجذب القراء
كما تفعل اغلب صحف هذه الايام
او انها كانت تنتظر الحب على باب الكنيسة
(وليس لكلامى اى تجريح فى الكنيسة)
وفى النهاية
جزاكم الله خيراً نرجوا لكم التقدم والاستمرار

reem يقول...

السلام عليكم ورحمة الله وبركاته
ازيك يا انجى ؟؟ اخبارك ايه؟
الف مبروك جايزة المقال يا جميل
وان شاء الله المرة الجاية تبقى مركز اول
والف الف الف مبروك النجاح وعقبى للترم التانى يا جميل
ويارب دايما من نجاح لنجاح
ريم

اسماء عوني يقول...

اه والله انا سمعت الحوار ده قبل كده يا انجي واستغربت جدا
ايه الدروس المستفاده من القصه واحده بتحب المسيحيين .. يعني ايه بتحب المسيحيين مش فاهمه ؟
يعني فين القصه
فين البدايه والعقده والحل
كل شويه تسيب واحد وتحب واحد
مزيج كده من السطحيه والهيافه في شخصية البطلة القصه ده اذا كانت حقيقيه يعني وطبعا في العبقريه اللي سردت الاحداث
وبعدين انا متهيالي ان هي عاوزه كده
اي فرقعه وخلاص واديكي شاركتي في هذا العمل الاجرامي انك اتكلمتي عنها عهعععععع هعهعهعهع
بهزر

maiosha يقول...

مبروووووووووووووك يا انجى

مبروك على المسابقة والجايزة والله تستاهليها بجد
ومبروك على النجاح

بس إنتى قابلتى الجامدين فى مصر يعنى.. وبعدين إحمدى ربنا إن كيكى اكلتك من على عربية كبدة .. مش احسن ما توقفك عند عربية فول.

هههههههههههههههههه

كيكى ودودو دول مشكلتين .. بس أجمل مشكلتين ممكن تقابليهم فى حياتك

تانى مرة مبروووووووووووك

على باب الله يقول...

مبروك على الجايزة

---

ما قريتش القصة علشان كده مش ها أنط بباراشوت التعليق عليها

---

Zika يقول...

اه الموضوه ده كان فاقع مرارتي لما قريته بصراحه
فرغتي الطاقه اللي كانت جوايا
يعني ممكن القصه تبقي فيها حاجات كده ولا كده كل واحد حر بس المهم استفيد منها حاجه او علي الاقل استمتع بيها خصوصا لو كانت حقيقيه
يعني مثلا ماهو " اولاد حارتنا "
ممكن يكون فيها تجرأ زياده حبتين تلاته اربعه خمسه سته سبعه
بس انا قريتها واستمتعت بيها من غير ما احس اني مخنوق
مبروك عالمركز
وان شاء الله المره الجايه المركز الاول مكرر
واللي بعدها المركز الاول عدل
نورتي القاهره وانا اقول بارضه اليومين دول كانوا عواصف وزعابيب كده ليه
لكن ازاي تكرهي القاهره
القاهره دي ام الدنيا
مش مصر لأ
بس تلاقيكي ماروحتيش اماكن حلوه
علي العموم نورتي القاهره بارضه
نفسي ابطل رغي والله يا انجي بس مش عارف
سلام :D

Abu Shahin يقول...

الف مبروك يا انجى
وبجد شرفتينا ف يومنا المتواضع

وانا مبسوط ان الجايزة عجبتك
وبجد دى اقل حاجة نقدر بيها ابداعكوا



أحمد شاهين .. عيش وحلاوة

assafo anaroze يقول...

مرور للتحية
و دعوة لمدونتي الجديدة التي تحمل نفس اسم القديمة بس على البلوج سبوت
مودتي

كراكيب يقول...

جوووووووووجا
بصي انا معرفتش اقرا ولا ارد لان اختي واقفة فوق راسي عايزة الكمبيوتر

انا بس داخله اقول اني بعتلك ميل فيه لينكات داون لود اغاني بلاك تيما
واي خدمات

miro el niro kwaniro

fashkool يقول...

انجى الحبيبه
تحياتى
آه والله شفت بلال فضل امبارح وقلب على المواجع وقمت على طول عملت البوست مع ان ميعاد البوست بتاعيى بيكون يوم الخميس او يوم الجمعه .. برضه كتر خيره بلال فضل شغل القريحه عندى وكان عندى مشكله ان اكتب فى ايه؟ وبلال فضل سهل لى الموضوع
ما تقوليش بقى لحد عشان فشكول ما ينكشفش قدام الناس

تحياتى انجى الحبيبه

كراكيب يقول...

تلحظ اى شىء غريب فى حبيبها.. فرائحته عادية وانفه شكلها عادى وكلامه غير مختلف عنا و هى كانت تعتقد ان المسيحيين كائنات اخرى يتكلمون ويمشون بطريقة مختلفة..

يا ماشاء الله.. ده ايه الكلام الفظيع الشنيع الواعي الكبير بتاع الناس العقلين ده
ربنا يشفي


استني هنا انا مش هقول اي حاجة تخص البوست ولا مبروك ولا بتنجان
جيتي القاهرة وما قولتيييييييييش
ااااااااااه يا خاينة انتي وكيكي
زعلاااااااانة اووووووي منك انت وهي
يا شريرين يا وحشين
مش بكلمكوا ابدا ابدا
هه هه
ومش هشوفك لما اروح عندكوا في المصيف
هه هه
بس.. وحسابك معايا يا كيكي

miro el niro kwaniro
والنبي يا اختشي صحيح ابقي كبري الخط شوية علشان انا جالي عمش بعد ما قريت بوستك ده

مصري جدا يقول...

شفت الكلام دة وما صدقتوش
بيقول لك اول مرحلة في الصدمة الانكار
وثابت عندها

تامر علي يقول...

أنا عاوز أقول معلومة بسيطة جداً وهي في شكل سؤال استنكاري :)

فين الصحفيين الشرفاء أصحاب الأقلام الحرة البعيدين عن النفاق اللي بتفترضي وجودهم ؟؟؟؟؟؟؟؟

لاتتعجبي من جهل الصحفية فهي ولو افترضنا انها منحرفة حتى لا تختلف عن من يمارسوا البغاء الفكري في صحف (كبيرة)

ألف مبروك على النجاح

عاشقة القمر يقول...

ايه ده ماكونتش اعرف انك من الناس المشاركين في عيش وحلاوة .. عموما الف مبروك يا جميلة .. مبروك على المسابقة ومبروك على النجاح طبعا وعقبال الترم التاني ان شاء الله

Gannah يقول...

الف مبروك يا انجى
المقال متميز جداا وانتى بالفعل موهوبة فى كتابة المقال
وانا اول مرة اعرف ان صاحبة القصة دى صحفية ولو هى دى الصحافة يبقى بالاش منها احسن
لا اريد اتهامها بالسذاجة لانى لا استطيع تصور انها ساذجة لهذه الدرجة ولكنها كتبت شىء يتفق مع سياسة جريدتها واهدافها على ما يبدو
عقبال ما تخدى جائزة فى القصة القصيرة لانك كمان موهوبة فى كتابتها
----------
انت وكيكى وحشتونى وان شاء الله نتقابل لما انزل مصر ..
مش عايزة ارغى لحسن تقوليلى رغاية
تحياتى

غير معرف يقول...

http://www.tranzagals.com/galleries/facial-cumshot/59/facial-cum-12.jpg

micheal يقول...

اولا..مبروووك النجاح وبإذن الله دايما
ثانيا..أنا فطست علي نفسي من الضحك في موضوع شكل الأنف بتاع المسيحيين ده لأني سمعته قبل كده وإتقالي من زميلة عزيزة أنهم بتبقي مناخيرهم طويلة حبتين
:)
الحمد لله مناخيري توربو ومفلطحة
هع هع
:)
بجد قصة رغم سذاجة صاحبتها بس ضحكتني
:)
صحافة اخر زمن
:)
تحياتي