الخميس، 18 يونيو 2009

مجرد تغييرات طفيفة


أصحو من النوم مفزوعة..مهلا..لا لست مفزوعة اليوم..غريب..لماذا لست مفزوعة؟؟ آه..ان المنبه اللعين لم يدق اليوم..جهاز تعذيب نازى يخترق جهازى العصبى يوميا و يوقظنى بطريقة اشبه بالصعق الكهربى و.........
مهلا..لماذا لم يدق المنبه؟ هل تأخرت على العمل؟؟ ياله من يوم..
نهضت مسرعة واتجهت الى الساعة المعلقة فوق تقويم الحائط فى الصالة..الساعة العاشرة صباحا..سحقا..ولكن الغريب ان التقويم يشير الى يوم الجمعة..اذن اليوم اجازة؟؟
كيف؟؟ لقد نمت يوم الثلاثاء ولا يمكن بحال ان اكون نمت يومين كاملين..اذن هل قرر الكون ان يصبح لطيفا فجأة ويهدينى يوم جمعة فى غير أوانه؟؟
الغريب فى الامر اننى لا استشعر اى ذهول ولا اريد ان اعرف اكثر..
اتجهت ناحية النافذة وفتحتها..عجبا..ضوء الشمس يغمر الحجرة ويضفى عليها جو دافىء و مبهج و.........
ولكن كيف؟؟ ان ضوء الشمس لا يدخل شقتى منذ دهور..العمارات الشاهقة المحيطة تجعل دخول اشعة الشمس الى داخل بيتى شىء اشبه بالخيال العلمى ..فكيف تدخل الاشعة الذهبية المبهجة وتفترش الارض وتغطى الموجودات من حولى؟؟
ان هذا اليوم غريب بما لا يقاس..
والادهى ان استغرابى هذا لا يستغرق اكثر من نصف ثانية اعود بعدها واقرر ان اتعامل مع عجائب اليوم كأنها شىء عادى يحدث يوميا..فلا أرى شىء غريب فى ان يقرر يوم الاربعاء فجأة ان يغير نشاطه ويصبح جمعة ..ولا اندهش لكون الشمس وصلت الى غياهب منزلى البارد على الدوام..
أدخل الحمام كى اغتسل فلابد ان الحمام الدافىء مع كل هذا الترف الغير مسبوق سوف يضفى بهجة شديدة فانا لا احظى بمثل هذا التدليل ابدا..ادخل الحمام ولا اندهش من وجود مغطس "بانيو" لم يكن له وجود من قبل..لقد كانت امنيتى دائما ان اقتنى مغطس و لم تتحقق الامنية بسبب ضيق الشقة..
اليوم و بمعجزة ما يوجد داخل حمامى بانيو انيق..لن اندهش بالطبع فليست تلك اكبر عجيبة اقابلها اليوم.
اخرج من الحمام منتعشة للغاية و فرحة كالاطفال بتجربة اقتناء مغطس ..امشى فى الصالة باتجاه غرفتى فيقابلنى هذا الرجل خارجا منها..
لا..هذا كثير..اقبل الترف والتدليل من الكون ولكن ليس الى هذه الدرجة..من هذا الذى يخرج من غرفتى؟؟ بالتاكيد انا لا اعرفه ..وحتى لو اعرفه فبالتاكيد لا يجب ان يكون خارجا من غرفتى الان..اعترف ان ذاكرتى ضعيفة فعلا ولكن ليس لدرجة ان انسى انى تزوجت..
حسنا...يكفى هذا..يجب ان انهار الان..يجب ان افزع واصيح فى وجهه واساله من هو وابدا فى التساؤل الفعلى عن العجائب التى اقابلها منذ بدأت هذا اليوم الغريب...يجب ان اصرخ الان واولول و انعى حظى الذى قادنى اخيرا الى الجنون..يجب ان اطرد هذا الدخيل الذى لا اعرفه ..يجب ان اتطلع خارج النافذة كى ارى كيف وجدت خيوط الشمس طريقها بين العمارات لتدخل شقتى واستفسر منها لماذا لم تفعل ذلك قبلا..يجب ان افتش فى ذاكرتى جيدا عن موعد شراء البانيو وملابسات قرارى هذا و الكيفية العبقرية التى استطعت تركيبه بها داخل الحمام الضيق بالاساس.
كل هذا الذى يجب ان افعله استغرقت اقل من دقيقتين للتفكير فيه وانا اقف مذهولة ..وافقت على صوت تلك الفتاة الجميلة التى تجذب طرف ثوبى برقة..نظرت اليها..جميلة هى..شعرها اسود مموج منتثر حول وجهها الطويل ذو العينين الواسعتين والشفاه المرسومة بعناية. لا اعرف لماذا تخيلت ان اسمها كارمن..بالتاكيد اسمها هو كارمن.
- ماما..بابا بيقولك جهزى نفسك بقى عشان ننزل نتفسح
ماما؟؟ كيف؟؟ متى؟؟ ومن هو بابا هذا؟؟ هل هو الرجل الخارج من الغرفة؟؟ اذن كيف اكون انا ماما؟؟
حسنا..حان وقت الهستريا..يجب ان افهم..لماذا اتغاضى عن الفهم هكذا؟؟ لماذا اتمادى اكثر؟؟ الادهى لماذا انا سعيدة؟؟
انا بالفعل سعيدة جدا بهذا الذى يحدث رغم ما فيه من جنون حتمى..سعيدة بالكائن الصغير الرقيق الذى دعانى للتو بماما..سعيدة بالشمس التى تدخل شقتى و تشعرنى انى لست وحدى.
خرج الغريب الى الصالة حيث وقفت مع ابنتى الافتراضية..اقترب و للمرة الاولى ادقق فى ملامحه..لا شىء مميز فى وجهه ولكن هناك تلك المسحة من الامان..مسحة من شىء ما لا ادرى كنهه ولكن لا اجده فى معظم من حولى فى حياتى الاصلية..هناك ابتسامة تشع بهجة مرتسمة على وجهه..
- صباح النعناع..
انه ايضا يقول صباح النعناع..ياللهول..اتسعت عيناى ذاهلة وهو يقترب كى يضع فى يدى قطعة شوكولا ويغمز بعينه..لم افهم معنى الغمزة تماما ولكنى تقبلتها..والادهى اننى سعدت جدا بقطعة الشوكولا..
استعجلت ابنتى الافتراضية التى لا اعرفها زوجى الافتراضى الذى لا اعرفه كى نخرج سويا ونبدأ النزهة..
خرجنا و قضينا يوم جميل فعلا..كنت انا فى غاية السعادة..لم اتساءل عن كنه هؤلاء اللطفاء الذين ارافقهم و لم ادع نفسى للاندهاش بكل تلك التفاصيل الرائعة التى لست معتادة عليها ابدا..قضيت يوما بعيدا عن حياتى التى تختلف كل البعد عن هذه الاسرة اللطيفة وتناسيت ليوم كامل انى لا امتلك مثلها اصلا..ولا امتلك خيوط الشمس الذهبية ولا امتلك المغطس.
عندما انتهى اليوم و ذهبت للنوم..انطفأ المشهد امامى وظل الكادر كله يبتعد ويبتعد حتى اصبح المشهد كله امامى فراغ لا يشوبه شىء ثم تحول هذا الفراغ الى كارت ضخم..
كارت كالذى يرفق مع بوكيهات الورد..
كان الكارت مكتوب عليه عبارات واضحة جدا وقد توقعتها..قرأتها وابتسمت و استعددت ان اعود الى حياتى الاصلية..كانت العبارات على الكارت تقول
(( الحلم الحلو دة كادو منى عشان تعرفى تكملى حياتك..نزهة بعيد عن حياتك العادية..عارف انك استمتعتى بيه................مع تحيات عقلك الباطن ))


.............انجى ابراهيم...........
يا جماعة انا على جريدة العربى الناصرى...اى نعم محدش استاذن منى ولا حتى قالولى بعدها خاصة ان المسؤولة عن الباب مدونة زميلة يعنى كانت ممكن حتى تسيب كومنت تقول انهم نشروا حاجة عندهم بس دة لا يمنع انى مبسوطة ولو انى عرفت بالصدفة...لينك الموضوع اهو بس محدش يتعب نفسه ويروح لان الموضوع دة اتنشر على المدونة خلاصhttp://www.al-araby.com/docs/article2142181094.html

هناك 34 تعليقًا:

شمعى أسعد يقول...

Shamei Assad: تحفة
Shamei Assad: قصة جميلة جدا
Enjy Ebrahim: بجد والنعمة؟
Shamei Assad: بجد والنعمة
Shamei Assad: عندى ملحوظتين
Shamei Assad: واحد حلوة
Shamei Assad: وواحدة عادية لا حلوة ولا وحشة
Enjy Ebrahim: قول طيب
Shamei Assad: اما الحلوة فهى تأثرك الواضح جدا باحمد خالد توفيق
Enjy Ebrahim: ممممممم
Shamei Assad: تعبيرات كتير فكرتنى بيه
Shamei Assad: اما العادية
Shamei Assad: فمطلوب من سعاتك انك توحدى كلمة بانيو او مغطس
Shamei Assad: مش الاتنين
Shamei Assad: مقبول انه فى اول ذكر لكلمة مغطس فسرتيها بين قوسين بانها بانيو
Shamei Assad: انما مرة مغطس ومرة بانيو
Shamei Assad: لا!
Enjy Ebrahim: صح كدة
Enjy Ebrahim: طب والنهاية؟
Enjy Ebrahim: مقبولة وللا مبالغ فيها؟
Shamei Assad: جميلة
Enjy Ebrahim: ولو مقبولة مرسومة حلو؟
Shamei Assad: بالعكس جديدة
Shamei Assad: اه شدتنى
Shamei Assad: وفضلت مستنى النهاية
Shamei Assad: كنت هاتنفخ لو قلتى انه كان حلم - القفلة العادية المملة
Enjy Ebrahim: :)
Shamei Assad: انما عقل باطن دى رائعة
Enjy Ebrahim: الحمد لله

Unknown يقول...

شمعى اسعد: اممممممممم انا شفت الكلام دة فين قبل كدة؟؟؟ فى حد منتحل شخصيتى باين نيهاهاها

الحمد لله انها عجبتك يا بشموهندس والله مع انى عارفة انك متحيز لى جدا وبتوافق على اى حاجة انا بكتبها يعنى بس دة لا يمنع انى فعلا والله بستنى رأيك فى البتاعات اللى بكتبها..

الملحوظتين بقى الملحوظة الحلوة المفروض متفرحش يعنى الواحد ميفرحش لما يبقى متاثر بحد لدرجة انك تشم ريحته فى السطور بس عموما يعنى دة يزعل اى حد غيرى...دة دكتور احمد يا ناااااس

بس ايه رايك فى الحلم؟؟؟ والله البت البطلة بتاعة القصة دى مهبوشة حد يحلم حلم بالتفاصيل الشنيعة دى؟؟؟

كلمة فى سرك..انا حلمت امبارح انى بقرا رواية والاكادة بقى انى الفت رواية فى الحلم وكنت معجبة بيها اوى لا واييييييييه شوف حكمة ربنا كمان الرواية فى الحلم كانت ناقصة لانى مكملتش قرايتها المشكلة بقى انى صحيت الصبح مش مستوعبة انه حلم وقمت دورت على الرواية عشان اكملها عشان كانت عجبانى اوى فى الحلم..

انا كمان عقلى الباطن تعبان..

يللا سلام بقى يا بشموهندس وسلملى على كرمة

عمرو يقول...

أهلا
لا أخفي عليك أنني استمتعت بالقصة وكنت أتمنى لو لم أفعل. أنت تعلمين أن القصة هي منشطقتنا وبالتالي فلا نسمح لأحد الاقتراب منها. القصة جميلة جداً, وأعطتني فكرة أكمل بها قصة في عقلي (وبالتالي أنا مدين لك بالشكر إن نفعت هذه الفكرة). هناك بعض المفردات لابد من إعادة النظر فيها مثل "سحقاً" و "إن هذا اليوم غريب بما لا يقاس" هناك بعض الأخطاء النحوية التي ينبغي الانتباه إليها. تحتاج بعض الجمل إلى المزيد من السلاسة, ويمكن عمل ذلك من خلال إعادة ترتيبها وتقسيم الطويل منها. النهاية بها الكثير من المراهقة الفنية يا إنجي وأنا أعتذر عن استخدام هذا المصطلح. كان يكفي فقط أن تعود هذه الفتاة إلى حياتها الأولى. الرسالة من العقل الباطن هي شيء رمزي ألقي على سطح الأحداث المبنية على الأفعال فلم يتناسب معها.
لو بتزعلي من النقد قوليلي عشان ما أتقلش
:)
أنا تقوقزت على قد ما قدرت عشان ما يبقاش حرمتك من حاجة

السنونو يقول...

رغم أن العقل الباطن مش بالطيبة دى علشان يرسمنا فى كروت سعيدة وغالباً بيخرج الشر والأحلام المكبوتة :))))) بس عجبتنى جداً
هو أجمل ما فيها أن البطلة كانت بتعيش مع الأحداث رغم غرابتها لكن عادى الاستسلام ما دامت سعيدة أو أنه مستسلمة على ما تعرف أيه أخرتها عجبتنى الفكرة دى وكنت بقول قبل نهاية الموضوع ليه الواحد مش كده فى الواقع

Unknown يقول...

عمرو:منور......استمتعت دى حاجة حلوة جدا الحمد لله...الاخطاء النحوية دى بقى مبعرفش اظبطها خالص والله...الجمل اللى معجبتكش بقى..سحقا دى معرفتش اجيب لفظ يغنى عن ياااااادى النيلة او يخربيت القرف فملقتش غير سحقا هى اللى تمشى..

عن المراهقة الفنية انا معترفة انى والله يا جدعان بتعلم انا غير ناضجة فنيا بالمرة والله وعارفة دة كويس جدا..اصبر بس علينا شوية يا قابتن بعد كدة كله هيتظبط...

الرسالة من العقل الباطن هي شيء رمزي ألقي على سطح الأحداث المبنية على الأفعال فلم يتناسب معها.

انجليزى دة يا مرسى؟؟؟ مفهمتش الجملة دى معناها ايه الصراحة..انا كنت اقصد عموما ان الكارت مرفق مع الحلم زى مبيرفق مع بوكيهات الورد كدة..

اما عن سؤالك عن زعلى من النقض فانا مش هرد عليك اصلا وهعتبرك مقلتش حاجة عملا بمبدأ لكل جواد كبوة...بس انت كدة اخدت كبوتك خلاص اوعى بقى تعمل كبوة تانية..يا عم دة انا اللى جيت عزمتك عشان تتقوقز وتنقد تيجى فى الاخر تقولى مش عارف ايه...لالالا كدة مضطرة اخد منك مج الكابوتشينو..هات منتاش شارب حاجة بقى

منور يا باشا نحن نعشق القوقزة تقوقز براحتك يعنى ولا يهمك

سلام

Unknown يقول...

السنونو:على فكرة العقل الباطن مهمته الاولى تحقيق التوازن عشان كدة كتير اوى بيدينا احلام سعيدة وكروت حلوة دة لان وظيفته انه يحقق الرغبات المكبوتة فى الواقع ويعيشهالنا مكثفة فى الحلم...

ولما بتكون رغباتنا شريرة او غير مقبولة من المجتمع ومن الانا العليا بيرمزها ويخليها رموز فى الغالب مبتكونش مفهومة و احيانا بتكون سيئة لكن مهما كان مدى سوءها فلو بصينالها مجردة من الرموز هتبقى اسوأ بكتير جدا..

ايه رايك اربع سنين دراسة فى دهاليز النفس فلازمن وحتمن ولابد انى اطلعه عليكوا يعنى

الحمد لله ان القصة عجبتك هستنى زيارات تانية كتير

غير معرف يقول...

فكرة أكثر من رائعة ..و قد لاحظت تطور ممتاز في الأفكار و قدرة عالية على الابتكار منذ أن قررتي أن تكوني ممن يجلبون الحظ لأنفسهم .

أشعر باكتمال التفاعل النفسي للبطله مع الأحداث بطريقة منطقية و كأنني أستمتع بفيلم سينيمائي برعت فيه الممثلة البطلة في أداء دورها .

فكرة النهـاية ممتازه جدا .. مع أنني أرى أنها كانت تحتاج لإحكام الحبكة بعض الشيء لإثارة عقل القاريء .

ممتــــاز جدا يا دكتورة .

محمــود حجــاب

adel يقول...

يخربيت الصياعة يا انجي
النهاية صايعة اخر حاجة
(صياعة هنا يمعني جديدة و متخيلتهاش)

و الكلام حلو قوي بس متخليش اللغة العربية تبقي فصحي للدرجة ... يعني استخدمي بانيو من غير مغطس عادي ...
انا بكتب اساسا قصص عامي :):):)
لو قريتها مش هتصدقي نفسك

---------
ملحوظة : ساعة متنزلي المجلة ابقي ابعتيلي انك عاوزة موضوعات لان اللي عندك قديم و انا متابع كله تقريبا
اوك

نعكشة يقول...

أنا مستعدة دلوقتي حالاً
اقولك بحبك قوي :D

أنا لما حد بيديني حاجة حلوة بحبها بقوله بحبك قوي

أنا فعلاً
موت عالآخر
خالص
جداً

كنت محتاجة أعيش اللي كتبتيه و دلوقتي

اتفق مع اللي كتب اول تعليق في اني فرحت جداً لما كانتاالنهاية من عقلك الباطن

بصي الاحداث كلها حلوة

و صباح النعناع
فرحت بيها قوي
مش عارفة ليه

و البنت .. مش عاجبني اسم كارمن مع انه عسول
بس انا عايزة واحدة

لأ بجد جميلة قوي

مليش دعوة بالاسلوب خلاص
الفكرة بجد يعني
ممكن اروح و انام و اصحى و احلم الحلم دة

او عقلي يحبني ولو لحظات و يديني اللحظات دية

يلهوي

لأ بجد ربنا يخليكي

سلام عليكِ

نعكشة يقول...

معلش رخامة

وش مبسوط و حاطط إيدة تحت خده و هوه بيبص تاني على اللي انتي كاتباه


بس خلاص

سلام

هروح أبص تاني :)

نعكشة يقول...

مش هقرا البتاعة اللي هناك
أصل اسمها أقصى درجات الموت و انا أصلاً عندي كمية بؤس الحمد لله الحمد لله
الواحد لسة واخدة جرعة من الانشكاح

هبقى أروح يوم تاني

و بعتذر و بشدة إني احتليت 3 تعليقات بلا سبب
و متقوليليش البيت بيتك

بس الجمل بتيجي مش مع بعضها

سلام عليكِ

Foxology يقول...

والله العقل البطان ده ساعات بيبقى ليه حاجات كويسة برضه :)

تحياتى :)

Unknown يقول...

محمود حجاب: رأيك فى الغالب بينور حاجات كتير...الحمد لله انها عجبتك..متفقة معاك ان النهاية كانت محتاجة حبكة اكتر..الحمد لله........


عادل:فاهمة يا دولة قصدك انا برضو بقول صايع كناية عن الجمودية..رافع معنوياتى جامد جدا..المجلة المصمم بتاعها خلع وفى انتظار مصمم اخر عشان الموقع..ربك يسهلها.......

Unknown يقول...

نعكشة:معرفش.......لما بقول لحد بحبه اللى فى قلبى بيعتبرها مبالغات وتهجيص..عشان كدة مش هقول

بس هقولك ان تعليقك خلانى ابتسم بعد اربع ساعات بكا متواصلين..

ربنا يكرمك

سلام عليك

شمس النهار يقول...

جميل عقل بطلت الباطن

القصه جميله ولطيفه ومكتوبه بطريقه مشوقه
افتكرت الاول انها واحده كانت فاقده الذاكره
حقيقي استمتعت بالقصه

VÖltaa يقول...

ايه الحلاوة دى
يخربيت الجمال

بجد اسلوبك جميل جداااااا
انا داخل وعايز انام
ولاقيت بوس جديد
بس قريت كام سطر
ولاقيتنى فى اخر سطر فجأة
ولاقيت ان النهاردة الجمعة فعلا
يظهر انى بدأت اهرتل انا كمان

تسلم ايدك بجد
سلاااموءا

عابر سبيل (عبدالرحمن محمود) يقول...

جميل جداً
من اول سطر فى البوست وانا متوقع ان نهايته ان ده كله حلم جميل لذيذ
لكن موضوع الكارت الصغير والعقل الباطن بجد قفلة عبقرية
وتجاوز للمتوقع بغير المتوقع

دمت مبدعة والسلام

dr.lecter يقول...

نفسي ارجع اكتب زي زمان بجد انت فتحت شهيتي يادكتره بس نفسي مغمومه

جو الاحلام ده بحبه اووي انا بقي بحب اكتر انك ماتعرفيش تفرقي بين الحلم والحقيقه لما الحلم يتداخل مع الواقع وتحسي انك جوه حلم طوييل مالوش اخر ومش عاوز يخلص

نعكشة يقول...

سؤال فضولي متشرد عارفة إنه محدش هيجاوبني عليه

بتبكي 4 ساعات بحالهم ليه؟؟؟

يجيلك جفاف كدة يا ماما واحنا في الحر دة


واحدة مبرقة عينيها و لابسة نظارة قعر كوباية و بتسأل

ها بتعيطي ليه ها؟؟؟

سلام عليكِ

Unknown يقول...

طيب مينفعش تبقيى على مجلة رؤية مصرية كمان
النص حلو قوي وكل لما آجي هنا بتمنى أعلق وأقول رأيي
بس بدايق وبزعل جدا لإني كان بودي يكون فيه تواصل مع مدونتي مش عشان تعلقي والحكاية الحمضانة دي الي هي الرغبة في الحصول على زوار كتير وخلاص لأ بس لإنك عقل واعي وفكر كويس وقلم أنا بحترمه قوي
بس طبعا دي حرية شخصية وامتناعك عن زيارتي لا يمنعني عن الاستمتاع بكلماتك ومتابعتك دائما


يلا ع العموم خير
فرصة سعيدة

خالص تحياتي

blue-wave يقول...

كالعادة
اسلوب رائع يا انجى بجد
بس مش غريبه انك تتسرقى وتبقى مبسوطه؟

msafa يقول...

اتمنيت انى اكون انا
وصحيت لقيتنى مش انا
لقيتنى حد تانى مسحوبه منه الانا
الا انا الا انا
من دون الناس محروم منى انا
..........................
رائعه القصه

Unknown يقول...

شمس النهار:الحمد لله انها عجبتك دة اقصى املى..نورتى جدا..........


محمد:طب النهاردة ايه يا محمد؟؟؟ لالا متقلقنيش عليك..الحمد لله يا باشا هدفنا انا نسعدكم..سلاموءا.......


عابر سبيل:تمام يا فندم الحمد لله انها عجبتك..شكرا على الاطراء الجامد دة ربنا يكرمك...........


دكتور ليكتر:ارجع يا دكتور كلنا مستنيينك والله...ديكارت بتاع الشك دة الفيلسوف عارفه؟؟؟ بيقول اننا منعرفش نفرق بين الحلم والحقيقة وليه متكونش احلامنا هى حقيقتنا وكل عيشتنا هى اللى حلم طويل؟؟؟ مجنون الراجل دة باين..بس سيبك انت منور اوى يا دكتور............

Unknown يقول...

نعكشة:والله يا نوشة هو ممكن حد يرد عليكى بس فى هاذوهى الحالة انتى مضطرة تقعدى تسمعى احداث اخر سنة من حياتى
عندك وقت؟؟؟؟

Unknown يقول...

كاتب مصرى:منور...ربنا يسهل للمجلة ان شاء الله و تعالى اقرا وعلق تنور والله محدش يقدر يقول غير كدة..نورت............


بلو ويف:ربنا يخليك يا دكتور عمرو ربنا يكرمك بالنوسبة للسرقة بيقولوا ان كل المحتوى النتى مباح فمعرفتش اعترض اوى بس مين قال انى مش زعلانة بالعكس انا متغاظة جدا.........


مسافة:مين اللى كاتب الكلام الحلو دة؟؟؟ بجد حلو اوى وعموما هو اكيد واحد فنان ورقيق وعبقرى...منور يا عبقرى.......

Unknown يقول...

كاتب مصرى:منور...ربنا يسهل للمجلة ان شاء الله و تعالى اقرا وعلق تنور والله محدش يقدر يقول غير كدة..نورت............


بلو ويف:ربنا يخليك يا دكتور عمرو ربنا يكرمك بالنوسبة للسرقة بيقولوا ان كل المحتوى النتى مباح فمعرفتش اعترض اوى بس مين قال انى مش زعلانة بالعكس انا متغاظة جدا.........


مسافة:مين اللى كاتب الكلام الحلو دة؟؟؟ بجد حلو اوى وعموما هو اكيد واحد فنان ورقيق وعبقرى...منور يا عبقرى.......

نعكشة يقول...

نجيبلك وقت يا باشا
إن شاء الله يعني يبقى فيه

فاضي إنت يوم السبت بليل خالص *-)

;)

هع هع هع

حطيتك في كورنر :P

المعتصم يقول...

عرفت انه حلم من اول ما لاقيت كل حاجه حلوة بتحصلها
اصله يعنى الواحد ينام ويصحى يلاقى كل اللى نفسه فيه بيتحقق دى صعبه خالص
ههههههههههههههههههه
على الاقل مش فى بلدنا دى
انما الحلم مكتوب بطريقه حلوة خالص
والقفله بتاعته جديده واحلى من القفله الاعتياديه على انها صحيت من النوم واكتشفت انها كانت بتحلم
تقبلى مرورى
ودمتِ متألقه دائما
تحياتى

Unknown يقول...

نعكشة:نياهاهاها لالا سورى يا نوشة يوم السبت مش هكون فاضية..اصلى هكون عيانة..حطيتك فى كورنر؟؟؟ انا شورييييييييييييييييرة...


المعتصم:منور يا فندم..الحمد لله انها عجبتك..طبعا مرورك يشرفنى جدا احنا نطول؟؟؟

نعكشة يقول...

انا في طب ... ممكن أساعدك على فكرة

اختيار غير موفق لإجابتك

....

هع هع هع

انا اكثر منكِ شراً :P

Unknown يقول...

نعكشة:لعن الله بعد المسافات...وبعدين هتعالجينى ازاى وانتى فى القاهرة؟؟؟ بس اقولك.......بجد كسبتى الحوار وفعلا انا اتحطيت فى كورنر بس برضو مش هقولك انى بحبك من على بعد لانك مش هتصدقى.......

نعكشة يقول...

لو على المسافات أنا ممكن أعملها في الخباثة و اروح استنجرية و ارجع بسرعة
بس المشكلة اني عندي ضغط دراسي جامد
الكلية عندنا بتعمل معانا
زي بالظبط ما واحد بيفش غله في سجارة رماها عالأرض بعد ما خلصها

اصبري عليا في الشتا ( أجازتي ) عشان نفسي موت اروح استنجرية في الشتا


هعالجك ازاي : يا سلام .. بسيطة هتقوليلي الأعراض و هقولك عالتشخيص :P

دة على أساس إني خبرة ( بتاكل بعقلك حلاوة على فكرة .. انها طالبة فاشلة )

تصدقي و تآمني بالله

مبحبش حد يقولي بيحبني
أول ما بيقولها بيحصلي شيء من أنواع النفور ( لا إرادي معرفش ليه )
شخصيني يا دكتورة
انتي مش اتخرجتي يا بنت انتي :@
مش نفور نفور لدرجة اني ابعد عنهم خالص
بس لو كنت بحبهم بحس انه قل الحب في قلبي حبه
معرفش ليه برضو

..........

سيبك انتي
الحب بيبقى من الافعال
مش مجرد كلمة بنبعزقها كدهو

اصبري بس أما اروح استنجرية في الشتا مرة
ووريني يا عزيزتي ;)

...........

مقولتيش
منسيتشييييييييي :P
هتقولي قصة حياتك في سنة يوم السبت بعد الكورنر ولا لأ
:P

وش شرير خالص و بيضحك
.............

Unknown يقول...

نعكشة:انتى كدة اثبتى انك بتفهمى...فعلا اسكندرية فى الشتا جنة وفى الصيف معتقل تعذيب نازى...

اه مونكن اشخصك بسهولة واعتقد انك عارفة التشخيص اصلا....بالنسبة لتشخيصى انا فعذرا انتى لسة متخرجتيش واذا كان الدكاترة اللى متخرجين من سنين معرفوش والدكتور يبصلك ويبص لجهاز الضغط ويبص لعدد النبض ويذبهل ويعرق....سيبك انتى اللى حصل وبيحصل اكبر من الحكايات...

مستنياكى فى الشتا اكيد ونقعد فى البرازيلى ورا الازاز والدنيا بتشتى واحتمال ادورلك مخصوص على حد بيبيع درة مشوى...

اما عن قصة حياتى فانا يوم السبت عندى معاد مهم معرفش هو ايه بس هو مهم جدا وممكن لو فضيتى نفسك اسبوعين ورا بعض احكيهالك كلها ومش مسؤولة عن اى اثار جانبية...

انتى مش شريرة على فكرة

سلام عليك

نعكشة يقول...

عايزة اقولك إني مروحتش استنجرية في حياتي غير أربع مرات و في كل مرة بتكون نص يوم مش أكتر
بس متخيلاها في الشتا تحفة
نفسي انا في المطر اللي بجد
و نفسي اشوف الموجة العالية قوي دية
بصي ان شاء الله في الشتا هعملها و هروح بس متتنصليش من وعدك سيدتي
:P

عارفة لو يومها لاقيتي درة مشوي :|
مش عارفة هعمل إيه ساعتها

.................
تشخيصي : ليه بتحطيني قدام مرايتي 8-)

..............
تشخيصك: على فكرة فيه طلبة طب قالولنا عليهم في كليات تانية على مستوى العالم اكتشفوا حاجات لم يكتشفها الدكاترة المتخرجين
انا مبتكلمش عن نفسي
بتكلم عن الناس المش متخرجة و عندها مخ
..........
شفاكِ الله و عافاكِ
داوو مرضاكم بالصدقة .. تصدقي كتير
...............

معاد مهم : مممممممممم هعمل نفسي صدقت .. طيب

بس هجيب اسبوعين ورا بعض دية منين

أنا في كورنر
طيب عامتاً كلها اربع خمس شهور و هبقى فاضية شهور مش اسابيع
بس للأسف هنسى

ممكن تفكريني ؟ ( وش باين عليه آثار البراءة و البلاهة في آن واحد)

هههههههههه

انتي متعرفينيش على فكرة
( المفروض ان حضرتك عارفة إن لاانسان بيظهر الجانب الكويس منه للناس اللي ميعرفهمش او يعرفهم معرفة غير عِشَريِّة)

انا أعلم بي منكِ

و انا فعلاً شريرة

عليكِ السلام