السبت، 27 يونيو 2009

مع الايقاع



تخففت من ملابسها قليلا...حررت خصلات شعرها..ادارت المزيكا..اخذت شهيق عميق وبدأت الرقص.
- تحركت حركات بطيئة مع الايقاع وهى ترفع رأسها لتواجه السقف -
قررت ان ترقص قليلا..بالاحرى هى تريد ان تتخفف من بعض الاعباء النفسية ..فكرت ان تمارس الجرى على سبيل التريض ولكنها تذكرت انها لا تملك الوقت ولا البال الرائق لتفسير افعالها..اذن هو الرقص..ليست مضطرة لتبرير الرقص لانه ببساطة لا احد يشهدها ترقص..سوف تشعر بالتحرر وسوف ترقص على الانغام التى تحبها..ان الرقص يعطى احساس لطيف بالتحرر ولكن مع ذلك هى لا تمارسه كثيرا ولا تعرف لماذا..
- تدور حول نفسها فى خطوات بطيئة وهى ترفع رأسها عاليا -
سوف ترقص الان وتنسى ما يحدث لها مؤقتا..سوف تنسى ان المشاكل اصبحت اسلوب حياة بالنسبة لها..سوف تنسى انها موضوعة داخل تلك الصراعات ولكنها لا تقدر على حل اى منها..سوف تنسى انها معدومة الحيلة رغما عنها..بالاحرى سوف تنسى او تتناسى ان حياتها خرجت عن سيطرتها فقط لبعض الوقت المستقطع.. سوف تعتبر فترة رقصها هدنة مع الحياة.. لن تغضب سوف تحاول ان تسترخى قدر الامكان..سوف تتحرر من الخيوط التى تكبلها وترقص قليلا..لن تتحرك بخطوات محسوبة ان هى الا بعض الخطوات الايقاعية التى سوف تقوم بها غير مرتبطة باى قوانين اللهم الا قانون الجاذبية الذى يعطيها ارضا تستطيع البدء منها..سوف تفلت من قيودها لبعض الوقت.
- تدور فى الاتجاه المعاكس بخطوات رشيقة مع الايقاع وتنكس رأسها ارضا -
حسنا..سوف تتذكر فقط المواقف البسيطة السعيدة التى حدثت لها مؤخرا..سوف تخصص فترة الرقص تلك لاجترار الاحداث السارة.
- ترفع يديها فى نفس الاتجاه بمحاذاة كتفها و تحركهم مع الايقاع بنشاط وهى تبتسم -
تذكرت جلستها مع صديقتها المقربة فى منزل صديقة اخرى..كانت ليلة حناء تلك الاخرى..كن يغلفن علب الملبس الرقيقة و يشاهدن ملابس صديقتهم الجديدة التى اقتنتها كى تذهب بها الى بيتها الجديد.. كن يتحدثن ويتضاحكن..قضت وقت جميل بينهم..تقبلت دعوات الاهل بان تكون العاقبة عندها..استغربت الكلمات..
هل نضجت الى ذلك الحد؟؟ هل صديقتها التى هى من نفس عمرها تتزوج؟؟ الا يوجد شىء من النصب فى هذا الذى يحدث؟؟
عندما خرجت العروس من الغرفة اختلست النظر الى صديقتها فوجدتها تنظر لها هى الاخرى.
( دى بتتجوز )
(آه واخدة بالى)
تنظران لبعضهما..تهمان بالابتسام ولكن تغيران رأيهما فى اخر لحظة.
- تنزل يديها وتحرك جسدها مع الايقاع -
اذا لم يسعدها الموقف السابق سوف تتذكر آخر سار كى تبر بوعدها لنفسها.
حسنا..هذا خبر مفرح..ان غدا عطلة من العمل..ولكن هذا معناه يوم كامل بالمنزل..تشعر بالذنب انها تهرب من المنزل بالعمل..ولكن مهلا اين تهرب؟؟
هى فى الواقع لا تحب عملها كثيرا..فى البداية كانت تظن انها مرحلة ولكنها لا تبدو كذلك..ربما تدوم قليلا..فقط طوال فترة حياتها..على اى حال يمكنها الاحتمال يوم آخر..ربما عمر آخر..
- تتقدم بخطوات محسوبة ..بطيئة.. تحرك كتفها بمحاذاة قدمها.-
هل تحبه؟؟ هى لا تعرف ولا تريد ان تعرف..فى الواقع هى لا تعرف عنه شيئا على الاطلاق..هل هم اصدقاء؟؟ لا تعرف ان كانوا اصدقاء فعلا..ان لقاءاتهم هى مزيج غريب من الصمت والهروب ثم الصمت والكثير جدا من التوتر وبعض الضحكات العصبية..فى الواقع هى احيانا ما تشعر انها تكرهه.
- ترخى جسدها وتتمايل مع الايقاع -
حسنا اذا كانت لم توفق فى اختبار بعض المواقف السارة فهناك واحد..تذكرت انها تتقبل نفسها مؤخرا..انها على وفاق مع نفسها قليلا..ولكن مهلا هى دائما ما تعتبر ان تلك الاخرى هى فعلا اخرى..هى ليست نفسها بشكل ما.. هى تعجب بمواقفها..تشعر بالانبهار احيانا من اراءها..تاسرها شجاعتها قليلا ولكنها فى النهاية اخرى..
هل هذا مرض نفسى؟؟ تضحك..وما ادراها ان كان مرض نفسى.. هى ابسط من ان تفسر الامور بتلك الطريقة المعقدة..او يمكن ان نعتبرها أجبن من ان تفسرها..
فطنت الى ان حركاتها صارت ابطأ..ليست بنفس الحماس الذى بدأت به الرقص..تنهدت..
على اى حال لقد انهكت من الرقص..توقفت..اغلقت مشغل الموسيقى..ووعدت نفسها ان المرة القادمة عندما ترقص لن تتذكر ايا من تلك المواقف العصيبة..فقط سوف تتذكر السار منها.


.........انجى ابراهيم...........

هناك 45 تعليقًا:

المعتصم يقول...

اول تعليق
لألألألألألألأ كده هتحسد ياناس
هههههههههههههههههه

ديالا يقول...

فكره حلوه اوي

انك تذكري موضوع الرقص بالاسلوب الراقي ده

فعلا الرقص ساعات بيخفف ضغط كتير اوي علي البنات

تقبلي مروري ياقمر

المعتصم يقول...

كتير فعلا بنبقى محتاجين لهدنة مع الحياة
بس للاسف حتى لما بنحاول ناخد الهدنة دى مش بنعرف
وبنعمل زيها كده
ونفتكر كل المواقف الصعبه اللى بنبقى عاوزين نهرب منها
جميل البوست ده وواقعى
لاننا تقريبا كلنا كده
تقبلى مرورى
وتحــــــــــياتى

adel يقول...

احيييييك من هنا لبكرة علي القصة الجامدة دي يا انجوج
واسمحيلي ااقولك يا انجوج كده في وسط الكلام

ههههههههههههههههههه

لا بجد حلو حكاية الرقص و هي مش الرقص بس ممكن لعب الكرة او الجري تحت المصر و اكل ايس كريم و تشتم الكلية و نفسك السما تبقي مفتوح و بعد كده تقول ياريتني دعيت دعوة تانية عشان لو دي متتحققتش تتحقق دي

ههههههههههههههههه

انا بحب الرقص حدا و بحب ارقص
بس مش بكره في حياتي قد الرقص كمهنة و الرقصات امشال بابا فيفي عبدة و دينا رد سجون و لوسي كريم الشعر

هههههههههه

Emad Ali يقول...

تصوير رائع يا انجي،واختيار موفق لصوره ذراع تحريك عروس الماريونت تعبير عن الخضوع لرياح الحياه.
"كانت تظن انها مرحلة ولكنها لا تبدو كذلك..ربما تدوم قليلا..فقط طوال فترة حياتها..على اى حال يمكنها الاحتمال يوم آخر..ربما عمر آخر.." أعتقد ان البطله متشائمه اكثر من اللازم.
ومعلش انا مافهمتش الجزء ده:-
"- تتقدم بخطوات محسوبة ..بطيئة.. تحرك كتفها بمحاذاة قدمها.-
هل تحبه؟؟ هى لا تعرف ولا تريد ان تعرف..فى الواقع هى لا تعرف عنه شيئا على الاطلاق..هل هم اصدقاء؟؟ لا تعرف ان كانوا اصدقاء فعلا..ان لقاءاتهم هى مزيج غريب من الصمت والهروب ثم الصمت والكثير جدا من التوتر وبعض الضحكات العصبية..فى الواقع هى احيانا ما تشعر انها تكرهه."

Unknown يقول...

المعتصم:تماااااااااام انت اول تعليق...بس على فكرة اللى بيكون اول تعليق بيدفع فلوس..نيهاهاها انا شورييييييييييرة...اما عن رايك فى القصة فطبعا كلامك صح والحمد لله انها عجبتك يا فندم..هذا اقصى احلامى.....


ديالا:ربنا يخليكى يارب..هو يعنى ايه ديالا؟؟؟


عادل:ربنا يخليك يا دووووولة بترفع معنوياتى جامد لدرجة انى هتنفخ عليك انت اول واحد..نياهاهاها...يا عم انت تقول اللى انت عايزه بس وحياة خالك يا شيخ لتنزل بوست جديد بقى..........


عمدة:ربنا يخليك يا رب...هى متشائمة اه....المقطع اللى انت مفهمتوش..هى الاول وصفت الرقصة او الحركات يعنى وبعد كدة كانت بتتكلم عن موقف المفروض انه يسعدها طالما بتحب..بس هى اكتشفت انها متعرفش للموضوع اول من اخر فالموقف اتحول لحيرة وغضب لدرجة انها حست انها بتكره الشخص دة..بس كدة

adel يقول...

حالفتيني بالغالي و صدقيني ناس كتير بتسال و عاوز انزل حاجة بس في حوار شغلني و ان شاء الله هنزل اي حاجة عشان خاطرك :):):)

yoyo يقول...

صباحك سكر يا انجى

عجبتى اوى فكرة القصة
عارفة لما تحسى ان الاياقع و النغمات هو شريط وجزء من حياتك كل حركة وايقاع له موقف ومأثر فيك
تحسى انك بتحاول تحاكى الدنيا و الحياة بحركات و نغمات نابعة من القلب
مش مجرد بس رقصات او حتى حركات
رغم اننا احيانا بيكون جوانا اننا هنبعد عن كل اللى وجعنا و ناخذ من الحزن هدنة وقتها بيكون شريط من المواقف المؤلمة جوانا عمال يتكرر

تسلم ايدك و يسلم احساسك الرقيق
دمتى اختى بكل خير
تحياتى
يويو

عجوز مخرف يقول...

انجى يا بنيتى..ان كانت البطلة صديقتك فأخبريها بنصيحة العجوز..دعيها ترقص بلا انقطاع إلى ان تظهر اول شعرة بيضاء فى مفرقها..وانصحيها الا تنساق لنفس الفخ الذى اجتذب صديقتها..انصحيها ألا تتزوج..فبعضهن يفقدن القدرة على الرقص الحر الراقى ليؤدين رقصا آخر مبتذلا

أرجو أن تكون تخاريفى خفيفة على مدونتك فى أول ردودى هاهنا

كل التحية لسطورك الرشيقة

ديالا يقول...

انجي

اولا ديالا ده مش اسمي انا ده اسم بحبه جدا واتمني ان ربنا لما يرزقني باطفال ان اسمي اسم بنتي ديالا

اما معناه

فهو منسوب لاسم نهر في العراق

الشعب لابد له من حكومه تشكمه يقول...

تصدقى حسيتها جداااااااااا.بجد حسيتها جدا.
دا اول تعليق بس مش اول زياره انا دايما بكون هنا بس تقدرى تقولى مش بلاقى اى تعليق بعد كلامك بس المرادى حسيت انى عاوزه اقولك انك لمستينى:)

micheal يقول...

توظيف هايل للرقص في فكرة ومضمون البوست يا إنجي
أنا عامة مقتنع جدا أن له فوائد هايلة بس بجد أنتي قصصك القصيرة دي بتقدر تلمس الواحد من جواه وده سر التألق
تحياتي

Foxology يقول...

الرقص مع تنشيط الذاكرة ؟؟؟

تيمة جميلة :)

تحياتى :)

سقراط يقول...

جميل قوي يا انجي
تسلم ايديكي

نعكشة يقول...

مليش دعوة هعلق بالانجليزي مع إن الانجليزي بتاعي فاشل
و مش بتمنظر ولا بتنيل
بس أنا هكتب حاجات جت في مخي متعلقة بالموقف
يلا عشان كدة هنساها

بصي هعلق عالموضوع في الاخر

......................

when you start to Dance
Do not try to think
let your body talk
set your self free

do not try to form a shape
let your passion drive
she knows her way
just give her the colours
the brush
and the wooden palette

she will make the portrait
the real portrait of you

when you start to dance
sometimes close your eyes
and others let her see
do not stop your self
let the fear go away
& the anger too

dance will take you high
jump if you want to
lean
spin
do whatever you want to do
you are totally free

when you dance you be
you see
that when you dance alone

but if you dance with me
i will take the lead
no you will take it
we will take it
we will be
yes
we will be
>>>>>>>>>>>>>>>>>>>


معلش

جم في دوماغ بتاع الانا اول ما قريت البتاعة

طيب معلش بقة هبص عليها بصة تانية عشان اعلق بقة
..............

ليست مضطرة لتبرير الرقص لانه ببساطة لا احد يشهدها ترقص

اتفق تماماً
.........

سوف تشعر بالتحرر

في بداية البتاعة كنتي حاطة آمال
كنت مستعدة تماماً إني اتحرر معاها
هيأت نفسي لذلك أيضاً

مش عارفة ليه كان نفسي أبتدع أو أرى ما ابتدعتي من حركات في مقطوعتك تلك الادبية

................

سوف سوف سوف

طول ما الواحد بيفكر وهوه رايح يتحرحر مبينساش
و مبيتحرحرش

مش دايماً

بس موستلي
...............

عارفة

انا ساعات كتير بحس العكش تماماً

يعني اما أقول انا أصلاً ليه مقروفة من الوضع
مبلاقيش حاجة تقريباً تقرفني
مبلاقيش احداث او ظروف تخليني في هذه الحالة الدائمة من الكآبة المطبقة

و بعدين ممممممممم
انتي مقولتيش مشاكل فظيعة تخليها مش عارفة تتحرحر

كل دة عشان كبرت و آن الاوان ليها تتجوز و صاحبها اللي منعكش دة و شوية شغل

فين المشاكل

تصدقي

هههههههههههههههه

انا حاسة ان الناس اللي معندهاش مشاكل هيا اللي بتكتئب

كح كح كح
شكلي هفطس

وليكن

دة رايي الشخصي المعوق
.............

عجبتني
عجبتني لإني بحب الرقص برغم إني فاشلة تماماً فيه
وليكن ميهمنيش
المهم اني ببقى مبسوطة و خلاص

عجبتني عشان انا كمان ببقى مش عارفة انا لية مبعملش كدة كل فترة

عجبتني عشان الافكار خرجت ب ممممم لخبطة كدة لإنها بتحاول تجيب أي بتاع

مش عارفة ليه كنت قاعدة بتخيل شعرها هيطير ازاي مع الحركات اللي بتعملها

تصدقي والله الشعر دة بيساعد في عملية التحرحر

يلا خير

.ليست بنفس الحماس الذى بدأت به توقفت..
اغلقت مشغل الموسيقى..
ووعدت نفسها ان المرة القادمة عندما ترقص لن تتذكر ايا من تلك المواقف العصيبة..فقط سوف تتذكر السار منها.

عارفة

هيا بس اللي قالباها غم
و هي اللي شايفة مواقفها العصيبة دية عصيبة

هيا اللي بتحاول تخلي الحاجة الحلوة بائسة

او انا بعمل كدة

او انا بتكلم من وجهة نظري الشخصية في شخصية البنت اللي جوة القصة اللي انا تقمصتها


سيبك

هيا بتتدلع
بس فعلاً محتاجة دكتور نفساوي

سلام عليكِ

عمرو يقول...

أهلا إنجي
ربما كان الإيقاع هو سبب تلك الذكريات
تعرفي؟ كتابة القصة شيء مرتبط جدا بمعرفة الصراعات النفسية للشخصيات. وانتي بتعرفي كويس ترسمي نفسيات شخصياتك
القصة دي ليها مستويين الأول آني والتاني ماضي. المستوى الآني كان محتاج يعترض الماضي بشكل أكبر. ليه ما فكرتيش في وجود شخصيات أخرى بتحاول تكسر محاولة البنت دي البحث عن لحظات من الاسترخاء والبعد عن الحزن
القصة في مجملها جميلة خالص. بس النهاية ما فيهاش مفارقة. وهي مش لازم يبقى فيها
ههههههه
كان ممكن تستخدمي أحد المقطوعات الموسيقية الشهيرة فتدخلي القارئ في جو النص أكتر.. زي مثلاً كسارة البندق لتشايكوفسكسي, أو أي سيمفونية لموزارت أو بتهوفن, أو عمر خيرت. وتلاحظي حركات معينة في الموسيقة زي دخول الكمان أو سكوت الطبلة وتفاصيل من دي.
بس عموما أنا فرحان بيكي يا بنت يا إنجي
انتي طالعة لجدو
:)

Unknown يقول...

عادل:تسلم......


يويو:حلو التحليل دة..رائع..نورتى........


عجوز مخرف:طبعاااااااا كلامك صح..نورت......


ديالا:ربنا يحققلك حلمك......


الشعب لابد له من حكومة:يا شيييييييييخة دة انا فقدت الامل انك تيجى هنا...الحمد لله انها عجبتك يا فندم...نورتى........


مايكل:ربنا يخليك يا فندم..هو ليه فوايد كتير فعلا.........


فوكسولوجى:شكرا يا فندم والله ربنا يكرمك........

Unknown يقول...

سقرااااااااااااااااااااااط:العزيز جدا اوى خالص سقرا..عودا حميدا يا فندم..لك وحشة..والله دة بجد مش هزار..والله وحشتنى ردودك..ربنا معاك فى النتيجة........

Unknown يقول...

نعكشة:رد مخصوص جدا عشان مريم هانم الملقبة بدكتورة نعكشة .....

بصى بالنوسبة للكلام الانجليزى براحتك يعنى اذاكونتيش هتتكلمى هنا هتتكلمى فين يا ضنايا...هى دى اغنية؟؟؟؟

ايييييييييييون اسم الله عليكى يا بنتى طول ما الواحد بيفكر عشان يتحرحر مبيتحرحرش..كدة انتى جبتى المفيد..

بالنسبة للمشاكل الفظيعة انتى مش واخدة بالك من حاجة مهمة اوى..هى كانت بتفتكر الحاجات اللى المفروض تفرحها..يعنى كل اللى هى حكته دة احداث سعيدة لكن بتقلب فى الاخر..مجابتش سيرة مشاكلها خالص مشاكلها فى كفة تانية مالهاش علاقة بالكلام نهائى..يعنى كل دة المفروض انه مواقف حلوة بس فيها حتة بايظة فسدت بهجة الموقف..

عجبتك الحمد لله انا بنبسط لما حاجة بكتبها بتعجبك على فكرة..بحس انى نجحت فى حاجة..

بالنسبة للدكتور النفساوى فاهلا به وسهلا............

Unknown يقول...

عمرو : متفقين انى مبتكسفش ولذلك انا مش مكسوفة خاااااااااالص من الحتة بتاعة بتعرفى ترسمى النفسيات دى ولذلك عايزة اقولك..احم احم..دى اقل حاجة عندى..

حكاية الانى والماضى دى صعبة شوية مفهمتش كويس..انت ليه بتتكلم هندى؟؟ معلش العيب عندى طبعا طبعا طبعا..الا قولى هو انت دارس فن القصة دة وللا دى قراءات وللا خبرة وللا ايه بالظبط؟؟ يعنى بتجيب الكلام التقيل دة من فين؟؟

شكرا على رايك فى المجمل بس انا شايفة ان المفارقة هى النية التى لم يدعمها الفعل..

بالنسبة للمقطوعات دة اقتراح هايل هايل هايل يا ولاااااااا..فاكر اغنية حكيم دى؟؟ المهم يعنى انه اقتراح تحفة لم افطن له ودة طبعا لانى لست متمكنة نوهائى...

موشكرين على القوقزة وارائك اللى دايما دايما بتفيدنى بجد والله يا عمرو محمود السيد.........

نعكشة يقول...

بالنسبة للعك اللي بالزنجليعي
هيا مش أغنية اكتر منها تعليمات عندما يذهب الشخص ليرقص
أكني بكلم البنت و اقولها اعملي كذا و كذا
او بكلم نفسي
بالنسبة بقة للمقطوعة الادبية
لأ مش قصدي

أنا قصدي إن الواحد هوه اللي ممكن يقلب الموقف غم و ممكن يضحك عليه

بصي مش عارفة أوضحها
يعني ممكن تكون مشاكلها برضو عادية

هيا اللي بتحاول تطلع القطط الفاطسة في الحاجة

بصي هوه شعور أنا عارفاه بس مش عارفه اوصفه

الفكرة فيها برضو على فكرة
اة صحيح
اتفق مع رأي الاخ عمرو في حكاية المقطوعات اللي حضرتك وافقتي عليها
دة حتة رخمة كدة على جمب :D

بصي هقولك حاجة انا رسمت صورة كدةوانا قاعدة امبارح بليل 3 كدة ولا حاجة ممكن تكون هبلة بس انا رسمتها وانا حاسة اني نفسي ارسمها
على جمب برضو ( امبارح انا كنت مبسوطة قوي على فكرة برغم إني وانا رايحة عشان اقعد جمب الشباك و افنس في الخلق في الساعات المتاخرة من الليل كنت رايحة وانا مخنوقة من نفسي )
انا قاعدة برغي عقبال ما الأنتي فايرس يعمل سكان عالفلاشة 42%
ههههههه
وبعدين انتي قولتي اما كونتيش هترغي هنا هترغي فين
عايزة اسئلك سؤال صحيح بما انك بتاعت نفساويات
متعرفيش دكتور نفساوي بيحلل النفساويات بالرسومات؟؟

انا اسمع ان فيه علم بيحلل الشخصبطة اللي في الرسوم لما الواحد بيكون بيتكلم في التليفون
يعني مثلاً السهم بيعني حاجة و الدايرة حاجة
لو تعرفي ممكن اسئل على إية طيب وانا بدور عن هذا العلم
لو اسمه حتى
عشان وانا بدور ابقى فاهمة انا بدور على اية 66%
يلا بالمرة بما اني فاضية و مستنياة
بقولك متركزيش في العك اللي برغيه هاه
هوه خلص
مش هقول عاللي كنت هقوله
يلا هروح اظبط الصورة و ارفعها و آجي

بغض النظر عن إني رسمت معاها كمان كام صورة بس عشان مقرفكيش
شوفي بس دية
هرفعها و اجيبهالك لحظة ..........

تفظلي سيدتي>>>

http://img200.imageshack.us/img200/6083/withtherhythm500.jpg

يلا سلامٌ عليكِ

عمرو يقول...

أي خدمة يا إنجي.. بس لما تبقي روائية أو قاصة كبيرة في البلد ابقي افتكرينا
:)
أنا مش دارس القصة واللي باقوله هو حصيلة المحاولة والخطأ خلال خمس أو ست سنين

نعكشة
حلوة الرسمة.. الجميل فيها إنها خارجة بتأثر.. التكنيك اللي بتدوري عليه اسمه الإسقاط في علم النفس (على ما أتذكر يعني)وأنا أعرفلك دكتورة لهلوبة ممكن تعمل الحكاية دي بسعر هايل
اسمها إنجي إبراهيم

(إنجي هانقسم أنا وانتي في الفلوس)
:)

dr.lecter يقول...

وماله

اعلي فكره انا شايف ان العلاج مش في الرقص كفايه انك تتحرك لوحدك ومندمج مع موسيقي معينه علشان توصل لحاله معينه انت اصلا بتدور عليها بس مش عارف فبحترك جسمك علشان يحصل تفاعل معين توصل به لقمه الذروه مش مهم بقي نوع الحركه دي لكن المهم انك توصل للي انت عايزه

Unknown يقول...

نعكشة :امممممممم تعليمات للرقص..اصلى حسيت ان فى ايقاع يعنى ينفع اغنية شوية..

انا فاهمة على فكرة اللى انتى تقصديه هى فعلا محتاجة تبص لنص الكوباية المليان..كل موقف من دول كان ممكن متاخدش بالها من الوحش اللى فيه وتدور على الحلو وبس..فاهماكى والله..

موتتينى من الضحك على موضوع سكان الفلاشة معرفش ليه حسيت انى بكلمك فى التليفون ..حسيت انك قريبة..ما علينا خير..

الرسمة حلوة اوى..بتعجبنى جرأتك فى الرسم بالقلم الجاف اوى على فكرة..

تحليل الشخصية من خلال الرسم مش علم قائم بذاته دة جزء من التحليل النفسى وزى ما قال عمرو اسمه الاختبارات الاسقاطية..معرفش غير ضاكتور مدحت ابو زيد..نفس هيبة يونج بالظبط حتى شبهه والله وعبقرى علاج نفسى..

بالنسبة لجملة متركزيش فى العك فانا هعتبرك مقلتيهاش لانى اقسم بدور على تعليقاتك عشان افرح بيها..حاسة اننا اصحاب..خيييييير

يللا سلام

Unknown يقول...

عمرو : روائية وقااااااصة...اممممم طيب لما توصل هناك ابقى قولى شكلهم ايه الروائيين دول لانك بالفعل قاص محترف جدا..

بالنسبة لردك على نعكشة..هو التحليل بالرسم زى ما قلت جزء من التحليل النفسى..اسمه اختبارات اسقاطية..كلمة اسقاط لوحدها كدة تقنيا اسم حيلة دفاعية وووو...لالا مش هقعد اشرح عشان الموضوع كبير..

بالنسبة للفلوس اللى هنقسمها..اخدها بس وبعد كدة انت عارف..للندالة اصول..هع هع هع

بتنوررررررررررر

Unknown يقول...

دكتور ليكتر:ايون معاك طبعا بس هى اختارت الرقص..هو مش رقص رقص بس حركات ايقاعية..نورت يا دكتور والله

نعكشة يقول...

يلا يا انجي هاخد الساحة بتاعة التعليقات بتاعتك مرتع :P

انتي اللي سيبتيها
سكتناله دخل بحماره بقة
يلا خير

امو هند

عمرو : تسلم و بالنسبة للفلوس أنا عالحديدة أصلاً .. أنا بشحت تقريباً كمان
...........

انجي :

طيب اما انتي فاهماني بتغلبي الانا ليه بقة
لا غلبي غلبي براحتك :D

بالنسبةلسكان الفلاشة أصلي كنت مخلصة كتابة التعليق و مستنية بقة فقولت اما افضفض
طيب نكمل رد بقة
الدكتور اللي جولتيلي عليه دة بنلاقيه فين؟؟
يعني هوه ليه عيادة ولا اية نظامة
ولازم اتابع معاه ولا ممكن ابعتله كام راسمة و اشوف انا اصلاً محتاجة دكتور نفساوي ولا لأ؟؟؟
أصل أنا شاكة في نفسي صراحة
يلا مافي مشاكل
............

بالنسبة للرسمة .. هذه مستوحاه من أثير قصتك سيدتي فلكِ الفضل فيها...

وبما انها عجبتك فانا هبعتلك كمان كام رسماية اترسموا قبلها و بعدها استلقي وعدك بقة :P

http://img229.imageshack.us/img229/6877/tellhim.jpg

http://img194.imageshack.us/img194/7444/wildrose.jpg

يلا سلامٌ عليكِ

Unknown يقول...

نعكشة : انتى ترتعى براحتك فى اى حتة احنا نطول اصلا؟؟؟

بالنسبة لانى غلبتك معلش والله ماخدتش بالى انك على نفس اللينك يعنى فكرتك بتتكلمى فى ملعب تانى..

بالنسبة لدكتور مدحت دة عندنا فى اسكندرية وهو لسة جاى من برة ولسة بيوضب عيادته تانى هنا لانها كانت مقفولة سنين يعنى بس اعتقد انه هيكون جاهز الصيف دة..مينفعش دكتور نفسى يحلل من على بعد لان زى ما قلتلك الرسم جزء من التشخيص بالتحليل النفسى وجزء صغير جدا مينفعش نبنى عليه افتراضات اطلاقا..يعنى من الاخر لازم تشوفيه وجها لوجه كدة وتتكلموا وهو يحدد بقى بعدها..او ممكن تستنينى ربنا يدينى ويديكى طول العمر بقى..نياهاهاها

شفت الرسمتين..بتاعة الوردة البرية عجبتنى اكتر..هى البنت كانت مذهولة كدة ليه؟؟ البنت اللى كانت واقفة فى النص دى كانت مذهولة اوى..الرسمة التانية برضو امورة بس الاولانية احلى..

على فكرة انا مش فاهمة التقنية بتاعة رفع الصور دى معلش اختك جاهلة..ممكن تفهمينى انا شفتها فين؟؟؟ يعنى الصور بتاعتك دى موجودة فين دلوقتى؟؟؟ فاهمة انا عايزة اسال عن ايه؟؟؟

يللا عايزاكى تنورى هنا كتير

نعكشة يقول...

مممممممممم

بخاف انا من حكاية الدكاترة دية مع اني نفسي والله جداً
وليكن
أخلص امتحانات و يحلها ألف مليون حلال

ربنا ييسر
.............

مش عارفة تصدقي
والله ماعرف :D
هي مذهوله فعلاً
عن وجهة نظري بالنسبة للرسمة
اعتقد انها أنا في حالاتي المختلفة
الست اللي فوقنا نشرت عليها الغسيل :(
اصل انا كنت برسمها عالشباك
وليكن
المهم يعني
مش عارفة
و مش عارفة ليه ية الوحيدة اللي كملتها
وليه دية اللي في النص
يمكن مستغربة إني كنت مبسوطة؟؟
هوه انا اينعم دلوقتي مش
بس ساعتها كنت
وليكن

..........
طيب
بصي يا سيدتي الفاضلة

فيه 2 طريقة لذلك
طريقة سليمة و انا مبستخدمهاش صراحة بس اقولهالك مفيش مشاكل
1- حطي الرسمة بتاعتك على السكانر
2- شغلي السكانر
3- هتدخل الرسمة على الجهاز
4-قومي برفع الرسمة عن طريق أحد السايتات المخصصة لذلك واللي انا بستخدمة اسمه http://img200.imageshack.us/
5- دوسي browse
هيفتحلك ملفات الجهاز
6- اختاري الصورة اللي تبيها
7- اعملي upload

...........
الطريقة اللي انا بستخدمها لإن معنديش اسكانر

1- بصور الصورة عالموبايل
2- بنقلها على كارت الذاكرة ( حلوة كارت الزاكرة دية والله ) ههههه وليكن
memory card
3- بحط الكارت دة في قارئ الكروت
card reader
4- بنزلها عالجهاز
اعملي الخطوة رقم 4567 في الطريقة السابقة

بث كدهون
و أي خدمة يا فندم

انت تؤمر يا جميل بس

سلاح

نعكشة يقول...

آه صحيح بعد ما يعملها upload

هيديكي حاجة اسمها
direct link
او
link for forums

دايركت لينك دة بتاع الصورة ذات نفسيها

و لينك بتاع الفورم دة بتاع المنتديات
خليكي في الدايركت

لو مفهمتيش منني ممكن نشرح بطريقة أخرى

بث سلام عليكِ

Unknown يقول...

نعكشة : اممممممممممم يعنى فى حاجة اسمها مواقع مخصصة للصور؟؟؟ والنبى اول مرة اعرف يا اوختشى...انا كمان معنديش سكانر..على فكرة موقع فور شيرد اللى قلتيلى عليه حلو جداااااااااااااااااا قريت كذا كتاب كان نفسى اقراهم من زمان اوى..شكرم شكرم يا فندم

نعكشة يقول...

شوفتي التطور

والله العلم نور

لأ بجد مبهرجش .. زمان اتعلمت الحاجات دية لما كنت بسيح وسط الجموع

بس للأسف دلوقتي ولا جموع ولا يحزنون
هوه أفضل أخلاقياً

ولكن أسوء نفساوياً

مع إن مفروض إن الانسان لما يبقى افضل اخلاقياً يبقى أفضل نفساوياً
بس أنا تقريبا متركبة شمال

وليكن

................

بالنسبة للكتب
أنا نفسي أنزل سور الازبكية جداً
قريت موضوع كان شخص كاتبه في مدونتة
خلاني نفسي أنزلي اشتري كتب دلوقتي حالاً
بس للأسف لازم اصبر
عععععععععععععععععع
إني بائسة
..
والله العظيم انا معوقة

بس خلاص

سلام عليكِ

Zika يقول...

انجي
عايزك تكتبي قصص طويله
حاولي والله اانا واثق هاتطلع حلوه انامش هاتكلم عالبوست لاني ماليش تعليق عليه اكتر من انه رائع وانا مابعرفش كل شويه ادخل اقول رائع
لكن رايي المتواضع بارضه انك تبداي تحولي الموهبه دي لانك تكتبي حاجه طويله شويه

KIMOOOZ يقول...

ليس ردا على النداء فى مدونه محمود و لكن فعلا انبهار بالقصه

اللى بيعجبنى فى قصصك عامه انك بتجيبى نفسيه اللى بتحكى عنه من جواه اوى بإعتبارك دكتوره نفساويه و بتعرفى الحاجات الجوانيه ديه

بالفعل يا دكتوره انك لما حد يحاول يفكر فى المواقف السعيده ميلاقيش قدامه غير المواقف النكديه
ليه مش عارف
كأن احنا الديفولت بتاعنا النكد
هل الانسان عموما كده
ولا احنا كمصريين كده بسبب ان حياتنا يغلب عليها النكد و الكبت و القرف فى المجمل الاعم

استمرى و الى الامام لحد ما نشوفلك كده كتاب فى دار الشروق اسمه المهم هات من الاخر

بس مش هشتريه
هاخده منك هديه

^_^

KIMOOOZ يقول...

ليس ردا على النداء فى مدونه محمود و لكن فعلا انبهار بالقصه

اللى بيعجبنى فى قصصك عامه انك بتجيبى نفسيه اللى بتحكى عنه من جواه اوى بإعتبارك دكتوره نفساويه و بتعرفى الحاجات الجوانيه ديه

بالفعل يا دكتوره انك لما حد يحاول يفكر فى المواقف السعيده ميلاقيش قدامه غير المواقف النكديه
ليه مش عارف
كأن احنا الديفولت بتاعنا النكد
هل الانسان عموما كده
ولا احنا كمصريين كده بسبب ان حياتنا يغلب عليها النكد و الكبت و القرف فى المجمل الاعم

استمرى و الى الامام لحد ما نشوفلك كده كتاب فى دار الشروق اسمه المهم هات من الاخر

بس مش هشتريه
هاخده منك هديه

^_^

Unknown يقول...

نعكشة : اه يا اوختشى العلم نورون برضو...

هو السياح وسط الجموع مش افضل اخلاقيا فى ايه؟؟؟ مفهمتش الحتة دى..

بالنسبة للكتب انا عينى هتروح خلاص من القراية من على الشاشة..بجد مش هزار..

ايه علاقة الصبر بالاعاقة بس؟؟ انا كمان مضطرة اصبر على حاجات كتير..يللا خير..مش مرتاحة الايام دى على فكرة..فعلا يعنى جوايا سخط عميق مبرر جدا وكلهم بيقولوا انه غير مبرر..كلهم مين؟؟؟؟؟ كلهم وخلاص..

سلام عليك

Unknown يقول...

زيكا:بلاش تيجى تقول روعة بس حسسنى انك قريت وانه عجبك..بتفرق معايا على فكرة..هجرب حاضر بس مبحبش افقد القارىء فى النص..نورت..........


كيموز:جبته لنفسك يا معلم..يعنى ايه مش ردا على النداء؟؟؟ افهم من كدة ان كلامى لا وزن له عند سيادتك؟؟؟ وللا تكونش مستقل بيا؟؟ لا قول قول...اه تكونش مش مستعبر محمود ومدونته؟؟؟ طب ليه كدة يا كيمو دة انتوا اصحاب من زمان يعنى...مش عيب تزدريه على الهواء مباشرة كدة؟؟؟ معلش يا محمود متزعلش اكيد مكانش يقصد...هو كان يقصد بس مش اوى يعنى...نياهاهاها انا شورييييييييييييييييييرة وبحب اهدى النفوس...

اما عن باقى تعليقك فدة شيء يشرفنى..والكتاب ييجيلك لحد عندك بس مش هيكون اسمه كدة..هيكون اسمه حاجة تانية هبقى افكر فيها بعدين..ابقى تعالى كتير لو سمحت مش لازم اشحت سيادتك

Haytham Alsayes يقول...

والله القصة عجبتني واسلوبك حلو والي تطور ان شاء الله

غير معرف يقول...

إنجى انتى بجد متعرفيش عملتى إيه فيا بالبةست ده...أنى اساسا كنتى بتوصفى حالى من فترة كدة بس مع اختلاف الحاجات اللى قعدت افتكرها...أنا حتى كنت عارفة البوست حينتهى على إيه من بدايته

عارفة دايما الواحد لما بيكون الهم راكبه و فى مشاكل كتير اوى فى حياتهو يقعد يرقص على الموسيقى بجد بيحس انه فرغ شحنة كبيرة حتى لو اتفرغت لفترة قليلة بس بجد الموضوع ده بيخلى طعم لليوم




و بجد متعرفيش انا فرحت إزاى بتعليقك و كلامك الجميل عندى...ربنا يعزك و يكرمك يا رب :)

واحدة مجنونة يقول...

قصة رائعة فعلا تبدا بالحماس الشديد للرقص الذي يتناقص تدريجيا مع محاولة التذكر و العودة للانغماس في الواقع
تحاول ان تتذكر اللحظات السعيدة او ربما لحظات تعتبرها هي سعيدة و لكنها في الواقع تحزنها
تحاول ان تهرب بالرقص و لكن كل شيء يعود بها للواقع
تحياتي على اسلوبك الرشيق
و تقبلي مروري

KIMOOOZ يقول...

ههههههههههه

واضح جدا تهديه النفوس
مش القصد

اقصد يعنى انه مش مجرد تعليق عشان اثبت انى باجى هنا

لكن فعلا عن اعجاب حقيقي بالقصه

اما بقى بالنسبه لمحمود فطول عمرنا بنختلف على كل حاجه تقريبا بس هو صاحبى جدا و من اكتر الحاجات اللى كسبتها فى حياتى هى معرفتى بمحمود

مش هتعرفى توقعى بينا نياهاهاااااااااا

على فكره انا كنت بحسبك بتعملى دكتوراه بالفعل لكن محمود وضحلى انك لسه طالبه

مش مشكله هقولك رضه دكتوره على سبيل التحفيز .. ممكن؟؟

Unknown يقول...

هيثم:ربنا يخليك يارب والله فرحتنى..ابقى تعالى كتير..........


انا ودماغى:يعنى وصل على جوة القلب؟؟ طب الحمد لله رب العالمين دة اقصى املى..


واحدة مجنونة:ايون بالظبط كدة هو دة اللى حصل الله ينور عليكى..طب منتى عاقلة اهو اومال مجنونة ليه بقى؟؟؟ نورتى........



كيموز : دى اقل حاجة عندى والله يا كريم احمد ربنا انى موصلتش الموضوع للتار..نياهاهاها..

بالنسبة لصحوبيتكوا يا سيدى ربنا يخليكوا لبعض على طول على العموم هو يستاهل الناس تتمسك بيه يعنى محمود شخص لطيف...وانت لو انتظمت هنا وبقيت بتيجى هتبقى لطيف برضو..ادينى حذرتك اهو..

بالنسبة لانى لسة بدرس..كلها شهرين وابقى فى تمهيدى ماجيستير ممكن تقولى يا استاذة وممكن برضو تفضل تقولى دكتورة على سبيل النصب ليس الا...ربنا يستر بس احسن الدنيا مضلمة اوى اليومين دول..ادعيلى بالله عليك يمكن ربنا يستجيب.....بجد لو افتكرتنى فى اى وقت ادعيلى..

mariam يقول...

قصة جميلة اوى يا انوج و واقعية جدا ,كتير ممكن الواحد يحاول يخرج من حالة معينة بس من كتر ما هو مركز انه يخرج من الحالة دى بيفشل يعنى بيكون غصب عنه مش بأيده.

صدفة جميلة يقول...

السلام عليكم ورحمة الله وبركاته
ماشى هاعالى صوتى يارب تكونى سمعه
مما سيهرب الانسان من ماضيه كيف اذا كان هذا الماضى هو فى نفس الوقت صانع الحاضر من مشكله ما هذه المشكله هى التى تبنى الانسان وتبين سلوكه اى نعم الرقص والموسيقى يجعل الانسان يسترخى ليفكر فيما حدث على مدار ايامه والاخطاء التى تسبب فيها كما انها تلهمه الحلول المناسبه ولكن سيهرب طول العمر وصدقينى انه سيهرب من واقع لواقع امر لانه سيفكر فى مشاكله العديده اذن لن ينسى بل سيتذكر
فكرتنى قصتك بقصه
كان فيه واحد يضع كنز له فى مكان ومع الايام نسى هذا المكان اخذ يفكر ويفكر ولكن لم يجد حل ولم يتذكر وسال الناس ان كان هناك عراف يستطيع ان يدله باستخدام سحره على مكان الكنز فدله الناس على حكيم بالقريه المجاوره فذهب الرجل وحكى للحكيم قصته امره الحكيم بامر عجيب ان يذهب الى بيته ويتوضأ ويصلى ركعتين لله وما ان ادرك الصلاه حتى تذكر مكان الكنز ولكنه للاسف قطع الصلاه وذهب مسرعا
يعنى فيه اختلاف بس فى الاول والاخر الهدوء يقلب الماضى


انا عارف انى طولت ورغيت كتير اسف بس يعنى حيت اقول وجهة نظرى بان الصمت والنغمه الجميله تقلب المواجع التى نحاول ان نهرب منها
وسلام وبقى زورينى

Unknown يقول...

مريم : سيدة العالم ازيك؟؟؟
منورة على فكرة والله وتعليقاتك بتخلينى مونشكحة جدا اوى خالص فعلا يعنى...الحمد لله انها عجبتك والله دة اقصى طموحى.........


فرصة جميلة:تمام كلامك صح..نورت جامد.....