الأربعاء، 2 ديسمبر 2009

تحكى أمى


تحكى أمى أن أبوها تعود أن يدللها وهى صغيرة..تحكى عن أصناف الطعام التى كانت ترفضها ويخرج هو خصيصا كى يشترى لها الجبن والفلفل من محل معين لانه اجود من غيره..تتباهى أيضا أنه لم يكف عن تدليلها وهى كبيرة وانها الى الان لا تتذوق التين الا عندما يحضره هو..تحكى كيف انه يخيرها عندما تذهب بيته بين اصناف الطعام وتتباهى انه يشيد بطعامها جدا..تحكى ويؤمن على كلامها الكثير..

تحكى أمى ان ابوها حاول ان يدللهم قدر الامكان فكانت امى اول من حصل على فانوس يحتوى لمبة وكيف ان كل من قابلها وهى تمسكه يومها اوقفها وسألها و فحص الفانوس و (شوفى يختى البت ماسكة فانوس بالكهربا)..تحكى ايضا انه يحب ان يراها انيقة فكانت تصحو من النوم لتجد لفة تحتوى قطعة قماش من اغلى نوع بجانبها على الفراش..او كيف انه اصطحبها ليشترى لها حذاء من ارقى محلات الاسكندرية وقتها (الجزمة من عند صباح الخير أو الحذاء الاحمر)..تحكى ويؤمن على كلامها الكثير..

تحكى أمى ان ابوها من أخير الرجال..تحكى عن الارامل والمطلقات اللاتى يساعدهن..تحكى انه يحمل توكيلا من نصف الكرة الارضية تقريبا كى يذهب ويقبض معاشات اصحاب تلك التوكيلات..تحكى عن الاموال والصدقات التى يجمعها ثم يوزعها على من يحتاج..تحكى ويؤمن على كلامها الكثير..

تحكى أمى ان ابوها لا يدخر صحته وانه يسافر بلاد كثيرة يساعد فلان او يذهب بفلان للطبيب او يقضى لعلان مصلحة ..تحكى كيف ان معارفه هم ملح الارض وان افضاله لا يمكن ان تعرف اولها من آخرها..تحكى ويؤمن على كلامها الكثير..

تحكى أمى ان ابوها بار بوالديه وانه لازم فراش ابيه تسعة عشر يوما لا يتحرك حتى اسلم ابوه الروح..وكيف ان امه المسنة لازالت تحكم وتأمر فيه و (ولا يا محمووووووود) ويرد هو بسرعة وهو ينهض (أيوة يا أما)..تحكى ويؤمن على كلامها الكثير..

تحكى أمى أن ابوها هو من يقوم بكل اعمال المنزل وانه يقول ان امها تعبت كثيرا وحان الوقت كى تستريح..تحكى انه يقوم بكل الاعمال ويجيد طبخ كل الاكلات و يكنس ويغسل الملابس لان امها لا تقدر على هذه الاعمال بعد الان..تحكى انه يمنعهم عندما يذهبون بيته ان يشاركوا معه فى الاعمال و (انتوا تيجوا عندى تقعدوا وبس..متعملوش حاجة غير فى بيوتكوا)..تحكى ويؤمن على كلامها الكثير..

تحكى أمى كيف ان ابوها يساعد الغريب قبل القريب وانه يقيم الليل يوميا ويدعو الله ان ينير قبره..تحكى انه ينتقى اطول ايام السنة واكثرها حرا ليصومه تطوعا لله..تحكى انه يؤم المصلين فى مسجد بكر ويؤذن كل الاوقات..تحكى انه يصلى الفجر يوميا بالمسجد..تحكى ويؤمن على كلامها الكثير..

تحكى أمى ان ابوها هو اعظم من قابلته من الآباء يوما..ولكن لكل شىء نهاية..وقد كفت أمى يوم 30/11/2009 عن الحكى أن ابوها يفعل وبدأت تحكى أن أبوها كان يفعل..البقاء لله..

هناك 41 تعليقًا:

Heba Gamal Emara يقول...

الله
ده انا اول تعليق هيييييييييييييييييييه

Heba Gamal Emara يقول...
أزال المؤلف هذا التعليق.
Heba Gamal Emara يقول...

البقاء لله
معلش يا انجى هى دى حال الدنيا يوم ليك ويوم عليك

ان شاء الله دى اخر الاحزان ولا ارانى الله مكروها فى عزيز لديكم

على فكرة انا كنت سبت لك تعليق فى البوست اللى فات يا ريت تردى عليه ....

أحمد الشمسي يقول...

البقاء لله يا إنجي.
لن يضيع الله أجر رجل هذه أعماله.

بعبعه يقول...

البقاء لله يا انجي
ربنا يرحمه برحمته الواسعه

السنونو يقول...

إن لله وإن إليه راجعون البقاء لله

سواحة يقول...

البقاء لله
ربنا ينور قبره و يرحمه فى يوم السوال

ponpona يقول...

البقاء لله يا انجي

بوبو يقول...

ابكتيني بكلامك
ربنا يرحمه ويسكنه فسيح جناته.. البقاء لله

لورا ساهر يقول...

آخر الاحزان ولا تكف انت عن الحكى عن والدتك..
وارجو ان تعبر الصدمه..

Lobna Ahmed Nour يقول...

البقاء لله
ربنا يصبر والدتك وتفضل تحكي عنه وتحكي
ربنا يرحمه ويرحم امواتنا جميعا

adel يقول...

الباقية في حياتك
وربنا يصبرك

dr.lecter يقول...

البقاء لله يانجي

وان كنت عاوز ابدي اعجابي ان اسلوبك علي اد ماهو حزين ومليان نوستالجيا لكنه بسطني لاني كل يوم باشوف ناس اسلوبها في الكتابه اتطبع باسلوب دكتور احمد وانت من القلاءئل دول

غير معرف يقول...

لبقاء لله يا إنجي؛ربنا يصبركم .
ديدي

عمرو يقول...

البقاء لله يا إنجي
لا يصل له سوى الدعاء فادعي له
اللهم أبدله أهلا خير من أهله ودارا خيرا من داره وجيرانا خيرا من جيرانه.. اللهم اغسله بالثلج والماء والبرد واحشره مع النبيين والصديقيين والشهداء.

اقصوصه يقول...

هنيئا لها بهذا الاب

وان رحل

فذكراه تبقى حيه في ابناءه واحفاده

وفي كل من عرفه

رحمه الله واسكنه فسيح جنته

dina يقول...

البقاء لله....ربنا يرحمه يا رب و يسكنه فسيح جناته
بجد هو صورة مشرفة لكل أب

صبرني يارب يقول...

البقاء لله

فى الجنه ونعيمها ان شاء الله

ربنا يصبر قلبكم يارب

وفى ميزان حسناته كل حاجه كويسه عملها

وليه ماما هاتبطل حكايات عن جدو

لا طبعا مش هاتبطل حكايات

السيره العطره تفضل دايما موجوده

إيناس حليم يقول...

البقاء لله يا انجي
مش عارفة اقول.. انا بقالي كتير مجتش كنت مشغولة شوية.. حظي وحش كان نفسي اجي الاقي بوست فرحان..
ربنا يصبرك ووالدتك يارب.. سنة الحياة :(

على فكرة انا نفسي اتعرف عليكي جدا بجد، ياريت لو قدرتي تيجي الورشة يوم هبقى سعيدة جدا.. وضفيني على الفيس انا حاولت ادور عليكي ملقتكيش..

وان شاء الله اخر الاحزان

Foxology يقول...

لا اله الا الله

انا لله وانا اليه راجعون

ربنا يتقبل منه دعائه وينير قبره

تحياتى

shicooo يقول...

بصى يا انجى .....

البقاء لله
كلنا هنموت
مش مهم اننا نموت ....
المهم عشنا ازاى ....
سيبنا ايه ورانا ....
عملنا ايه ....
الصدقة الجارية ....
ذكرانا الطيبة .....

ده المهم

اعتقد ان جدك رحمه الله كان رجلا جميلا
وبالتالى فسيظل مع الناس اينما كان ذلك الرجل الذى ساعدهم يوما ما

المفروض بجد تبقى مبسوطة ان جدك هو هذا الرجل ....
ولو هتكرميه يبقى كملى اللى كان بيعمله

البقاء لله

عايزين نشوفك قريب بأذن الله

KIMOOOZ يقول...

البقاء لله
لله ما اخذ و لله ما اعطى و كل شىء عنده بمقدار

اسكنه الله فسيح جناته و جعل قبره روضه من رياض الجنه ان شاء الله

عاشقه الرومانسيه يقول...

ربنا يجعل كل اعماله فى ميزان حسناته
ويرحمه برحمته اللتى وسعت كل شئ
البقاء لله

أميرة علي كوكب مهجور يقول...

الله يرحمه ويجهل مثواه الجنه
ربنا يجعلها اخر الاحزان
ربنا يصبركم
فعلا لما الانسان يرجع عند ربه لا يبقي منه سوي بعض الذكريات والتفاصيل


ابقي طمنيني عليكي ويارب تكوني بخير يا انجي

Unknown يقول...

عظم الله أجركم انجي
والبقاء لله
ربنا يرحمه واكيد طالما له ابناء يتذكرونه بالدعاء والخير , فهو باذن الله سيكون مرتاحاً

ربي يرحمه

نعكشة يقول...

البقاء لله
إنا لله و إنا إليه راجعون
اللهم اسكنه فسيح جناته
اللهم اجعل قبره روضة من رياض الجنة
اللهم احشرة مع الانبياء و الصديقين و الشهداء
اللهم ثبته عند السؤال
اللهم ادخله الفردوس اللاعلي

يا رب يصبر والدتك
واخواتها
و انتي

اللهم امين

.......
على الهامش
لم تكن تحكي امي عن نفسها ولا عن ابيهاش شئ لنا إلا فيما ندر
ولم يكن لي يوماً جد أو جدة تجلس معي لتحكي لي عن ذكرياتها القديمة
كثيراً ما تمنيت ذلك
ولكن ليس كل ما يتمناه المرء يدركه

رحم الله موتانا و موتى المسلمين اجمعين
آمين

...
آسفة إني معرفتش الموضوع إلا من هنا
ودلوقتي

سلامٌ عليكِ

mariam يقول...

( خير الناس أنفعهم للناس )و هو ما شاء الله واضح من كلامك اد ايه كان بيساعد الناس ..ربنايصبركوا..و ينور قبره و يدخله الجنة امين يا رب..

إذا مات أبن آدم أنقطع عمله إلا من ثلاث , صدقة جارية , و علم ينتفع به , (و ولد صالح يدعو له)

البقاء لله ...

كراكيب يقول...

حبيبتي
البقاء لله
يارب تكوني بقيتي احسن يارب
والصداع يكون راح
والمسكن يكون عمل مفعوله

بحبك يا بت يا جوجا يابت
اممموااااااه

miro el niro kwaniro

كيكى عوووووو يقول...

ازيك؟؟
ياااااااااااااااه وحشانى
مش عارفة اقولك ايه عن كلامك واسلوبك!!حسيت البقاء لله بتاعت الى فى نهايه كانت متقسمة على البوست كلوا فى كلمة وحرف
مش عارفة افهمك ازاى
*********************
طنط والله نفسى اكلمك بس انا مش مظبطة خالص اليومين دول عارفة انك حزينة اوى بس عايزة اقولك انك محظوظ انك فى يوم من الايام كان عندك اب زى دة مليان حنان وطيبة والله متقلقيش ولا تزعلى لانوا سبلك رصيد كبير اوى من الذكريات تعيشى عليه ادعيلوة ربنا يرحمه ان شاء الله ويجعل خاتمتنا وحياتنا كلها صالحه
مش عارفة اقولك ايه..ربنا يصبرك
*************************

الست فرويد يقول...

البقاء لله يا انجى

ربنا يجعلها اخر الاحزان ان شاء الله

blue-wave يقول...

البقاء لله
ربنا يرحمه يارب
ويجازيه كل الخير

غير معرف يقول...

البقاء لله يا انجي ..

msafa يقول...

البقاء لله يا انجى ... مشعارف اقول ايه ....؟
غير سبحان من له الدوام

أسما يقول...

أنا جاية متأخر، صح؟ ربنا يصبركوا، و يصبر مامتك يا رب و انا هادعيله و هادعيلها... سامحيني انا مش باعرف اقول حاجة في الظروف دي...

محمود محمد حسن يقول...

نبكي على الدنيا وما من قوم جمعتهم الدنيا إلا تفرقوا ..

--

جارة القمر يقول...

البقاء لله يا انجى

ربنا يدخله فسيح جناته و يجعله مع الابرار و الصديقين

mano يقول...

البقاء لله يا انجى انا مكنتش اعرف غير النهارده والله وربنا يسكنه فسيح جناته

غير معرف يقول...

ياااارب تكوني دلوقتي احسن ..

OPTIMESTIC يقول...

البقاء لله ... اسأل الله ان ينير قبره ...

الفراغ يقول...

ربنا يصبر والدتك
والبقاء لله
ويارب تكونى انتى العوض لامك عن جدك العزيز
كنت اتمنى اعيش مع اب زى جدك
وان كان ابى الله يرحمه قلبه من ذهب فقد كان رحمه الله لا يخاصم انسان ابدا مهما فعل به او بنا

اللهم ارحم جميع موتانا
واجعل قبورهم روضه من رياض الجنه
اللهم امين

أماني يقول...

البقاء لله يا إنجي
جدك رجل عظيم والخير اللي عمله سيظل ف الدنيا يذكر الناس به
اللهم أدخله فسيح جناته
اللهم أمين