السبت، 22 مايو 2010

جولة معى



"إيديا فى جيوبى وقلبى طرب..سارح فى غربة بس مش مغترب"

هل أخبرتك قارئى العزيز أننى اليوم سأتكلم عن نفسى..كل ما يخص نفسى..ولا شىء إلا نفسى..بعض الغرور لن يضير أحداً كما تعلم.

أنا أحب منير (مورير بلغتى) لذلك أستمع إليه الآن وهو يغنى رباعية جاهين..عندما يغنى منير أشعر أنه يحدثنى أنا فقط..يهمس لى بأسرار كثيرة كأن مثلا يخبرنى أنه يعشق الكحل اللى كحل عيونى..أو مثلاً أننى أشبه شمس هلة وطلة م الكولة..أو يدللنى جداً فيخبرنى أننى عندية..صوته يخرج من قلبى مباشرة..نبرة الصوت تلك تشعرنى أننى لازلت إنجى إبراهيم ولا تسألنى عن الرابط لأننى لا أعرفه..منير يدللنى تدليل شخصى جدا..فأنا موقنة تماماً أنه قرر أن يحترف الغناء لأجل خاطرى فقط..إذ أنه إن لم يحترف الغناء من كان سوف يخبرنى أن صوتى مليون كمنجة بيعزفوا..مورير يا رفيقى الأسمر الجميل..مورير يا أعمق وأرق صوت وإحساس..مورير يا صاحب أحلى عينان..أنت تبهجنى..فشكراً جزيلاً.

" وحدى لكن ونسان وماشى كدة..ببتعد معرفشى أو بقترب"

أنا مقاتلة..لست من الساموراى أو الفايكينج..أنا مقاتلة مودرن..مقاتلة تمتلك هاتف محمول وجهاز كمبيوتر وعوينات وأقلام ستدلر زرقاء والكثير من الأفكار..مقاتلة لا يدفعها إلى القتال شىء سوى الغضب..نعم..أنا غاضبة جداً وقد إكتشفت هذا مؤخراً..شاهدت فيلم upside anger واكتشفت أننى أشبه البطلة الغاضبة جداً..نفس ردود الأفعال الحادة..نفس السرعة فى الحركات..نفس نفاد الصبر..نفس تعبيرات الوجه التى تخبر محدثى دائما أن ما يقوله محض هراء وفى الغالب أكون لا أفكر فى ذلك أصلاً..نفس المشاعر المختبئة التى لا يفهمها سواها..أنا غاضبة جداً ولذلك أقاتل..أحاول تغيير أوضاعى جميعها لغضبى الشديد منها..اليوم سلمت تكليف مادة التحليل النفسى فى تمهيدى الماجيستير..كلفنى الدكتور بترجمة ثلاث أضعاف ما أعطاه لباقى الطلبة ليترجموه فى شهرين لأترجمه أنا فى أسبوع..فقط لأن أوراقى تعثرت..أنهيت تكليفى فى ثلاث أيام ليس لحماسى فقط ولكن لغضبى الشديد جداً من أن الدكتور يتحدانى..

" شبابيك..شبابيك..الدنيا كلها شبايك..والسهر والحكاية والحواديت كلها دايرة والكلام كم كان عليك..واللى كان خايف عليك..انتهى من بين ايديك..دى عنيك شبابيك"

الآن منير يغنى لى شبابيك..منذ عام أو أكثر قليلاً سألت أحدهم عن معنى تلك الأغنية..لم أكن أفهمها تماماً..الآن أفهمها جداً..أفهمها بطريقة مؤلمة..أكتشف كل فترة أننى كبرت أكثر..ولكنى أؤمن بشدة أننى أعانى من نوع خاص ونادر من التخلف العقلى يجعلنى لا أستفيد من نموى العقلى..فقط أنا أتوقف وأقول..حسناً أنا كبرت..لا يمكن أن يمر هذا الموقف دون أن أكبر ويزيد فهمى للحياة..ثم أنسى الموضوع برمته ولا أستفيد ولا نيلة..ويتكرر نفس الخطأ مرات..الله المستعان.

" صدقنى حاسس بيك..دة فى عز خوفى..قلبى أنا يفديك دايماً عليك ساتر"

ممممممممممم..مفيش بس منير بيغنيهالى دلوقتى فقلت أقولها..لو حد حس إنه محتاجها يتفضلها..ليس من السهل أن أمنح هذا الأوبشن لأحد..وعندما أمنحه أعنيه تماماً..لست ملاك ولكننى أمتلك تلك الميزة..وعندما أسحب الأوبشن لا تحلم أن تسترده..إنه مثل مذنب هالى لا يتكرر إلا بعد 67 سنة -التشبيه سمعته فى الفيلم على لسان البطلة شبيهتى-
" انت اللى فاضل م الايام انت..انت اللى باقى م الاحلام..انت منايا فرحى وبكايا انت كفاية..انت انا انت"
هههههههههههههههههههه..لا تعليق ولكنى حقاً أحب تلك الأغنية بشدة..ولا يمنعنى هذا من ضحكة ساخرة بحجم الكرة الأرضية.

" مش كل شىء بيفوت فى عمرنا بيجرح..قلب الحياة مليان حاجات وبتفرح"

carp diem كلمة لاتينية معناها اغتنم مباهج اللحظة - منور يا دكتور - ..مثلاً عندما يبتسم لى السائق - أى سائق- عندما يوشك أن يدهسنى لشرودى الفظيع بدلاً من أن ينعتنى بحمارة..يجب أن أمتن..عندما تدعو لى سيدة لا أعرفها لأننى ساعدتها مساعدة بسيطة..يجب أن أمتن..عندما أحصل على صديقة مثلها..يجب أن أمتن..عندما يعطينى أحدهم منديل معطر بالورد كى أمسح وجهى دون أى تريقة..يجب أن أمتن..عندما تقول لى إحداهن أننى طيبة بلا أى سبب منطقى..يجب أن أمتن..عندما يعرض أحدهم علي مساعدتى وهو يعنيها تماماً..يجب أن أمتن..يجب أن أمتن..يجب أن أمتن..

"قلب الحياة جواه..بنورة مسحورة..قلب الحياة مليان ..أحلام صغيورة"

يا مسهل..
..........إنجى إبراهيم...........

هناك 11 تعليقًا:

adel يقول...

رجعتي تكتبي والحنين
و منير

وانا رجعت اعلق اهو

ورجعت اكتب بنفس الحميمية
بس مش منير المرة دي

بس كلها nostalgia

adel يقول...

الاغنية اهي
http://www.youtube.com/watch?v=fbziJRbWTAI&playnext_from=TL&videos=0DyH0Uf1TDU

رحلتنا في الحياة يقول...

منير :)
انا بحبه اكيد بس مش زيك كدا
انتى فعلا بتعشقيه وبتعيشى كلماته فى كل لحظة

dr.lecter يقول...

ايه حكايه النوستالجيا الموجوده عند كل الناس اليومين دول
وبعدين انا واخد حق حصري للنوستالجيا محدش له دجعوه بها خالص دي بتاعتي انا بس

shicooo يقول...

mabroook 3la el new looook walahi ma a5dt bali
sorry b2ali kteer ms bsal
bs ......
ma 3lina
enty tmam?!

basma saghir يقول...

انتي دماغ..دماغ حقيقية

ربنا يخليلنا منير اللي بيحطنا في حالات حلوة زي دي

ربنا يكتر حالاتك الحلوة

أحمد الشمسي يقول...

جميل هذا الصدق الذي يطل هنا
:)

اسماء واحلام فى وجدانى يقول...

واضح جدا من كلامك انك وانتى بتكتبى او بتسمعى مش بتكونى فى دنيتنا دى
يعنى منير وصوته وجاهين كوكتيل جميل جدا
زائد الفكرة اللى جواكى انك تكتبى

msafa يقول...

علشان يشبهلك ...

عالم ماريونت يقول...

انوووووووووووج
بصي
انا المرة دي مش هقولك غير تسلم ايدك بجد

انا حاسة ان في نقط مشتركة كتير بيننا
اهمهم طبعا حب منير
و ان كنت شايفة يا انوج ان منير كان يقصدني انا بكل كلمة بيغنيها
قلت اقولك تاخدي بالك عشان متتعشميش اكتر من كدة
ههههههههههههههههههه

وحشتيني جدا ووحشتني زيارتك ليا

و بجد تسلم ايدك على البوست التحفة ده

سلام

رنا

richardCatheart يقول...

دا انت طلعتى مشكله ومصيبه يا جوجو ايه يابنتى الفلسفه دى لالالا دى خفه الدم والهدوء دا اللى شوفتهم وراه حد تانى خالص جميل بردو بس مختلف

وانا ممتنه جدااااااااااااا انى عرفتك
واتشرفت بيكى والله اما مريهان اتشعلقت بيكى ومن امبارح ماورحاش غير سيرتكم
والله واعتقد ان الكلام عليكم بالخير هايستمر مده طويله فاكل ماتشرقى افتكريها هههههههههههههههه
وميرو والله كمان حبك وحب شريف وضيا كلكم
والله وان شاء الله القا قريب
بصى انا مكسحه لانى بعد مشوار امبارح
نزلت النهارده طول النهار فى مشاوير عاقليه لما اتهديت بس صممت اكتب عندك هنا علشان نبتدى تواصل يارب ماينتهيش
ابدااااااااااااااااااااااا
مليون يوسه وسلام من ميرو ومريهان ليكى