السبت، 19 يونيو 2010

منتهى اللذة


لا نصوص جديدة على المدونة..هذا التوضيح لمن يتسائل..أقولها بوضوح وصراحة وشفافية..لا نصوص جديدة ولا حتى تدوينات أسبوعية..أنا مش مخاصمة الكتابة بس هى مخاصمانى معرفش ليه.. نصوص كثيرة كتبتها فى خيالى وترقد الآن بأمان فى عقلى الباطن..نصوص أخرى كتبتها و تستقر فى وداعة حيث فولدر أنيق يحمل إسم enjy's works ..ونصوص كثيرة أعرف أنها فى مكان ما من خيالى ولا أعرف حتى كيف أسطرها على الورق.

كل شىء مؤجل بطريقة سخيفة..الكثير من أكواب الكوفى ميكس لم تشرب بعد..الكثير من العمل لم ينجز ولازال قابع يتململ فى فولد بإسم still need ولا تسألنى عن أصل التسمية..فقط شعرت أنه إسم مناسب للعمل الذى لم أنجزه بعد.



أحداث متتابعة تجعلك تشعر أنك أخذت الحق الحصرى للحياة داخل قناة MBC Action ..حتى أحلام النوم أصبحت تجربة فريدة من نوعها..حياة موازية تفقد بعد الحياة فيها لفترة التمييز بين ما يحدث على الأرض الحقيقية وبين ما يحدث فى مملكة فرويد العزيز..تفقد التمييز بالمعنى الحرفى للكلمة ولا أتكلم بشكل مجازى إطلاقاً.

النوم أصلاً أصبح تجربة بعيدة وفرصتك فيه توازى فرصة حصولك على تذكرة مجانية لحضور مباريات مانشستر يونايتد.

وكما ترى عزيزى القارىء..الحياة عند صاحبة هذا البلوج ليست بالضبط منتهى اللذة.

.........إنجى إبراهيم..........

هناك 10 تعليقات:

adel يقول...

بس علي الاقل حياة !!

Ramy يقول...

مساء الخير

انتى عارفة انى بمر بنفس الأحساس قبل ما انزل البوست انهاردة قاعد محتار انزل ايه لغاية منزلت ده اللى هو البوست اللى فى المدونة (:
ههههههه

و حكاية النوم حقيقى بقى دى حكاية بقيت اصحى من خمصة الصبح وانا نايم متأخر خلقة و معرفش انام تانى

بس حاسس بحالة من اللذة غير المفهومة

بس ممكن اكون حطيت ايدى على اول الخط و خايف منها جدا

هل هى لأنغمازى فى عالم المدونات بطريقة ادمانية

لان بجد انا حاسس زى ما أكون بين ناس اعرفها من سنين
زى دلوقت انا بحكى و مش عارف ليه بقول دة كله وأصدعك (:

معلش ممكن اكون رغاى شوية

طبعا تقولى فى سرك شوية قول رغاى قوى (:(:(:

اخ معلش اعذرينى لانى دائما هكذا اتحدث مع نفسى

امام الأخرين

بوست جميل

وبأذن الله البوست اللى جى أجمل وأجمل

رامى فايز(:

dr.lecter يقول...

لكنها هتستمر رغم كل ذلك لان قلب المدونه نابض لا يتوقف ومليء بحياه خاصه من نوعها

الميكروباص يقول...

هي مرحلة وقت
وبعدها الامور ستعود كما كانت

Lobna Ahmed Nour يقول...

بصي يا ستي .. خلينا نتفق إن "منتهى اللذة" مش موجودة أصلا .. أوكي .. اتفقنا

افرجي عن مسوداتك خليهم يتنفسوا .. وتأكدي إن اللخبطة والزحمة هي أنسب حاجة لتوليد الأفكار خاصة مع حد خلاق بالفطرة زي إنجي

شوفتي ده قبل كده ؟
http://unique100.blogspot.com/2010/06/blog-post_04.html

اكتبي .. اكتبي كتير
وساعتها هنعرف احنا منتهى اللذة

Lobna Ahmed Nour يقول...
أزال المؤلف هذا التعليق.
Foxology يقول...

الحياة عموما اصبحت خالية تماما من اللذة !

تحياتى

The illusionist يقول...

اعملى مدونه مغلقه واعملى دعوه لاحمد خالد توفيق بس
مين بيفهم فى المدونات عشان يقرا حاجه انتى كتبتيها
دى عالم عصافير

richardCatheart يقول...

وقت وهايعدى زى اوقات كتير غيره عدت

المهم انك بخير

Tamer Nabil Moussa يقول...

ازيك انجى اخبارك اية

كلنا كدة ياتى علينا وقت لانعلم كيفية التصرف والابداع فية

بس بتكون فترة وبتعدى

وهيا دى الحياة

مع خالص تحياتى