السبت، 3 مايو، 2008

الناس الحلوة

سلام عليكم انا كنت وعدت انى اتكلم عن نفسى المرة دى وبما انى اساسا عيلة والندالة طبع قررت انى اخلف وعدى وزى ما اتفقنا قبل كدة انا حرة...المهم المرة دى هتكلم عن الناس الحلوة ..مين الناس الحلوة طبعا الناس اللى عرفونى ان فى حاجة اسمها مدونات الناس دول على راسهم اشرف حمدى الشهير باشروف اول مدونة اقراها كانت مدونته وبصراحةاعجبت بكلامه واعجبت اكتر انه بيعمل الحاجة اللى هو عاوزها بيشتغل حاجات كتير و كلها مهمة مدونته هى كاريكاطظ .............. تانى واحدة هى وينكى وعرفت مدونتها من عند اشروف وينكى بقى مشكلة بتعمل الف حاجة بردو واللى يغيظ ان كل الحاجات اللى بتعملها مهمة ..يا سبحان الله ..بصراحة تحمست لها اوى لانى مش متعودة على كدة من البنات اللى فى بلدنا بصراحة بنت بجد ..... تالت واحد (ايوة تالت مش ثالث) هو اشرف توفيق صاحب مدونة اخف دم بيقول كل اللى عاوز يقوله من خلال اسلوب ظريف صعب تلاقى زيه وهو فعلا اخف دم........رابع واحدة هى غادة عبد العال صاحبة مدونة عايزة اتجوز معجبة بجراتها فى تناول موضوع الجواز ومعجبة اكتر انها مش عايزة تتجوز اى واحد وخلاص .... خامس واحد خالد الصاوى مدونته حلوة قوى والشعر محترف فعلا ناهيك عن انه ممثل اتولد وهو بيمثل اساسا .....طبعا فى ناس مدونين كتير غيردول ومدوناتهم رائعة خلونى استغرب انا ازاى كنت عايشة من غير المدونات قبل كدة ......من الاخر كدة كلهم ناس زى الفل ...واحلى سلام للناس الحلوة.

هناك تعليقان (2):

وينكى يقول...

ياعينى يا عينى على الكلام الجامد
لالالا.. انا باتكسف من الكلام الحلو ده
بصى الموضوع مش صعب خالص
اعرفى ازاى تنظمى وقتك ويكون عندك حماس كفايه انك تعملى حاجه نفسك فيها
وبس
فرحانه بجد انى كنت سبب من اسباب دخولك الفضاء التدوينى
لو احتجتى اى حاجه انا موجوده ماتتردديش
ولو محتاجه ارشادات اون لاين قوليلى وهاوفر وقت عشانك يافندم
اى خدمات
:)

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘