الثلاثاء، 24 يونيو 2008

اسطورة الثانوية الزفت

الثانوية العامة السنة دى اسطورة فعلا..........
امتحانات تشبه الالغاز او اصعب...........
عينات عشوائية ومدرسين يصرحوا انهم غير مؤهلين لحل الامتحان فى الوقت المخصص.........
اخبار تتصدر صفحات الجرائد وطلبة منهارون واولياء امور بيدعوا على واضعى الامتحان.........
حوارات على الفضائيات فى اهم البرامج اليومية.............ومطالبات باقالة الوزير.........
ما يشبه الحداد فى كل البيوت التى تعانى من وباء الثانوية العامة..........
كنت عازمة الا اتكلم فى الموضوع حتى صباح اليوم مانشيت جريدة الدستور يقول
(طالبة تصاب بجلطة وطالب يمزق ورقة الاجابة ........ طالب يشنق نفسه واخرى تلقى بنفسها من الشرفة)
ذهلت من الخبر .. هل الثانوية العامة تتطلب هذا الذعر الشعبى الذى نعيش فيه؟؟؟
لماذا؟؟؟؟؟؟ فى مصلحة من؟؟؟؟؟؟؟ لاى غرض؟؟؟؟؟؟؟
نظرية المؤامرة التى تؤمن ان امتحانات الثانوية العامة جزء من خطة سياسية تفسر الموقف لكنى لا ابتلعها ولا اعرف لماذا.
هل الموضوع يمكن ان ياخذ هذا المنحى فعلا؟ هل هى خطة سياسية فعلا؟
ما ذنب الطلبة فى هذا طالب ذاكر طول السنة ذابت اقدامه فى الذهاب الى الدروس الخصوصية واولياء امور انفقوا الكثير اب زادت ساعات عمله وام سهرت الليل كى تحاول توزيع الميزانية........
وفى النهاية امتحان سخيف يهد كل شىء راسا على عقب.هذا ليس عدلا باى حال من الاحوال .
هل كل مشاكلنا انتهت كى نضيف اليها مشكلة جديدة كبيرة بهذا الحجم؟
واضعى الامتحانات اليسوا بشرا الا يعرفوا فعلا ان الامتحان فوق مستوى اى طالب؟
تساؤلات لا تنتهى وفى النهاية سوف يظهر التنسيق مجاميع فلكية لدخول الكليات و تظهر مذبحة جديدة .
شباب يضيع املهم فى الهواء كل منهم كان يظن ان هذه هى فرصته كى يصبح شىء والفرصة ضاعت فماذا يرغمه على اكمال احلامه او استبداها باخرى؟؟؟؟ لهم الله..................
الى كل طلبة الثانوية العامة : لا تستسلم ادع الله وفق احلامك وفقا لمقتضيات الواقع لا تنكسر فالحياة تحتمل اكثر من ذلك ولن تكون الثانوية العامة اقسى الصعاب التى سوف تواجهها............
باقى من الزمن خمسة ايام وتنتهى اسطورة الثانوية العامة ...............الله لا تعيدها تانى يا رب

هناك 50 تعليقًا:

أحمد بكر يقول...

يا انجى الى يشوف كده يفتكر ان الى اتعلموا خدوا حاجه
ده الواحد اصلا بعد ده كله مبيلاقيش شغل
المشكله اكبر من الثانويه العامه
دى مشكله بلد بحالها

sebofy7alo يقول...

أول تعليق
الموضوع بمنتهى البساطة عبارة عن مخطط مدروس علشان الجامعات الخاصة تستفيد يعني بيزنس مشترك ومعدلتة رأس مال + طلبة =فلوس كتيييييييييير ونغنغة.
يعني الموضوع فية مصالح شخصية مش مصلحة لينا كشعب.
www.sebofy7alo.blogspot.com

بطوط حبوب يقول...

هو انتى مصريه جديده؟؟
هههههههههههههههههههههههههههههههه

انا يقول...

وهل الهدف من الثانوية العامة هو حصول الجميع علي مجاميع تقترب من ال100 % ,(أو ربما تزيد) ليدخل جميع الطلاب كليات الطب والصيدلة والهندسة مع ما تعانيه من نقص -او حتي إنعدام- في الإمكانيات ثم الحديث عن إهمال الأطباء و إنهيار العمارات و...؟
حل المشكلة ليس في سهولة الإمتحان , فلا بد من وجود معيار للتفضيل لإختيار الأصلح لأماكن محدودة , ولكن ربما في السماح بفرصة أخري لدخول الإمتحان بدلا من فكرة إرتباط المستقبل كله بساعتين الإمتحان ربما تضيع من الطالب لخوفه من ضياعها!!

يارب ماتكونيش ثانوية عامة وتهزأيني عالتعليق دا :) :)
وتكتفي إنك تطنشيه زي تعليق البوست اللي فات P:

تحياتي

في حب مصر يقول...

لما يوصل التخبط والارتجال لكل شيء ليه نتوقع ان الثانوية العامة هتكون استثناء؟؟؟
سواء أمنا بنظرية المؤامرة أو لأ فالحقيقة اننا بقينا بنعيش في وضع فوق احتمال اي شخص طبيعي؟؟
الغريب ان في الوقت اللي بيتم التركيز على حالة اهيار الطلبة وصعوبة الامتحانات فيه مهازل كبيرة حصلت بتسريب الامتحانات وحلة للطلبة وبالمناسبة مش بس في المنيا في أماكن تاني كتير..
يعني تخبط وفساد وفوضى وسخافة..المطلوب من الناس انها تنفجر.. بس مش عارف ليه مش بتنفجر ولا بتتحرك...

تحياتي

Mero.. يقول...

انا مش مؤمن بنظرية المؤامرة او مش مهووس بيها..
واقتنعت ان الشعب المصري اللي انا منه يستهال اي حاجة تحصل فيه لان الفساد انتشر فينا بشكل لا يطاق واكيد ربنا بيسلط علينا اللي يطلع عنينا..
يعني اولياء الامور الغلابة دول فيهم مرتشين وحرامية وكدابين ونصابين و...
اللي عايز اوصله إن اللي بيحصل فينا دا بسببنا
"ظهر الفساد في البر والبحر بما كسبت أيدي الناس"..
تحياتي.. :)

سنووايت يقول...

ميرو معاه حق
وبعدين هم مش عارفين يعملوا ايه علشان يطوروا التعليم ويقضوا علي الدروس الخصوصية فبيقولوا للطلبة واهاليهم كدة كدة مش هتنجحوا
د اغير انهم عايزين يقللوا الاعداد في الجامعات ويلغوا مجانية التعليم اللي هي اصلا مش مجانية ولا حاجة
من الاخر زي ما قال ميرو فساد

Unknown يقول...

بصى يا دكتورة أنا مش عارف الدكاتره مالهم بالثانوية العامة دى دى تانى موضوع اقرأه عن الثانوية العامة يعنى هارد مرتين ورا بعض ولا ايه

بس اسمحى لى أن أنقل تعليقى فى مدونة صديقى دكتور هيما المرحوم فى الثلاجة


"بص يا عم هيما الثانوية العامة موضوع كبير أوى وأن مش عارف ايه الصح أن الإمتحانات مفروض تكون سهلة ولا المفروض تكون صعبة ودى النقطه الهامة
والطلبة معدش عندهم حاجه اسمها عقل
مش عايزين يفكروا خالص
وليس كل الامتحانات صعبة ومش لازم كل الطلبة تدخل طب يا جماعة
بص يا دكتور محدش من الوزراء دخل الطب الا وزير الصحة
أما الكليات الخاصه فدى كدا كدا هيكون لها ازدهار فى المستقبل واسمع كلام عمكم هيما"

مصطفى

Unknown يقول...

بكر:صعب ان الواحد ينكسر بدرى زى ما قلت لك قبل كدة..............


sebofy7alo:ممكن يكون دة الهدف.......


بطوط حبوب: لا والله بس احنا كنا ثانوية عامة بردو وماكانش فى كل دة...


انا:اولا مستحيل اطنش اكيد ما اخدتش بالى ثانيا ابدا ما قلتش ان لازم الطلبة كلهم يتفوقوا لكن ما تنكرش ان الموضوع كان اوفر وفعلا الامتحان كان ذبح ثالثا ودة الاهم انا مش ثانوية عامة وفى كل الاحوال مستحيل اهزقك لانى متحضرة..........


فى حب مصر: التخبط والارتجال ودانا فى داهية فعلا عندك حق........


mero:ومن اعمالكم سلط عليكم انا معاك بس فى اولياء امور تعبوا وشقيوا فعلا دول مظلومين.........


سنووايت: مجانية التعليم؟؟؟ المصطلح دة جديد لانج علية..دة افتراء يا بنتى بعيد عنك............


egyboy:عمرى ما كان قصدى ان الامتحان ييجى سهل موت لكن بردو مايجيش انتقام مش لازم الطلبة كلهم يدخلوا طب لكن بردو مش لازم كلهم يدخلوا المعهد العالى للبتنجان.........

زى الهوا يقول...

كل البلوجات بتتكلم عن موضوع الثانوية العامة , بقى موضوع العصر , يابنتى والله مافى حد بقى واخد منها حاجة خاااااااالص , انا اهوه خريجة ألسن , اللى هيه كلية قمة , عملت ايه بقى

كوارث يقول...

لا اله الا الله !
والله اتغميت ..
حكومة واطية اصلا
اتوقع منها اى حاجه وكل حاجه
لو طالوا يحرقوا الناس هيعمولها بس يحجزولهم شوية خدامين
ربنا عالظلمة !

Tamer Nabil Moussa يقول...

بجد حاجة تحزن

بس زى ما قولتى الحياة فيها ظروف اقوى من كدة والانسان علية يتحمل ويكمل مشوار حياتة

تحياتى

Alkomi يقول...

تصدقي

كانت من اسهل مراحل التعليم في حياتي

لاني كنت مديها جزمة و شلووت

و تسريب الامتحانات مش جديد

و برضه الامتحانات المعقدة مش جديد

الناس اللي جد عليها انهم بقوا كارهين حياتهم و مستعدين يخلصوا منها في اول مطب و ده الجديد

تحياتي

Unknown يقول...

الثانوية العامة دائما هكذا ولو كانت السنادي كبيرة شوية لا ده قوي بس فعلا الطلاب تقريبا عندهم حق يعني 50 في المية..
عموما خير
ميفوتكيش القصة الجديدة

شـمو نشـادر يقول...

ازيك يا اوجى ..

اولا .. تولع الثانويه العامه اللى تخلى واحد يشنق نفسه ولا بنت ترمى نفسها من البلكونه .. تولع المجاميع ع الكليات ع الدراسه كلها .. هو يعنى اللى اتخرجو قبلنا عملو ايه ..

ثانيا .. انا متأكد انه مخطط سياسى فعلا من الحكومه .. و ده مش كلامى كمان ده كلام سامعه من دكاترة جامعات .. الحكومه بدأت فعلا تعمل اقسام بفلوس حتى جوا الكليات العامه .. واحده واحده التعليم المجانى _ اللى هو مش مجانى دلوقتى اساسا _ هيتلغى خالص .. و يولع الناس الغلابه .. معاك فلوس اتعلم يا حبيبي مش معاك يبقى تتعلم ليه اساسا ..

تحياتى ليكي يا اوجى .. و موضوع مهم ..

أسامة أمين

Unknown يقول...

السلام عليكم
ازيك يا انسه انجي
اول زياره لمدونتك الجميله بجد
معلش ان اول زياره تيجي في وقت زي ده وظروف مش تمام زي دي


لكن عارفه بجد اسلوبك في الكتابه يشد ( اب زادت ساعات عمله وام سهرت الليل كى تحاول توزيع الميزانية........)

بسم الله ماشاء الله جمله تبكي لكنها واقع كلنا بنعيشه

ومعاكي حق والله في كل كلمه

ربنا يكون في عون الطلبه

واكرر اعجابي وتقديري للمدونه وانا حالا هضيفك للمدونات المفضله لانه مينفعش ماستفيدش منك



تحياتي

برقش


وتحياتي ليكي

فارس بلا جواد يقول...

الثانوية العامة دي مشكلة .. كل سنة نفس المشاكل
بس بصراحة مش عايز ارمي المسئولية علي الحكومة بس .. بردة الطلبة بيزودها قوي بعد ما يخرجوا من الامتحانات وبالذات البنات .. وهاتك يا عياط .. وواحدة يغمي عليها .. بيحصلهم حالة هستريا
أنا فاكر أيامنا كان الأمتحان بيجي في مستوي الطالب المتخلف عقليا .. ورغم كده الناس تطلع تعيط

عمرو وجيه يقول...

بجد حاجة فوق الفظاعة


غاية فى التباتة ....



ثانوية عامة صارت ملحمة


ربنا يعفينا من الجنااااااان ده


انا الحمد لله عدين منها بالعافية ودخلت كلية كويسة جدا بأعجوبة والله

الميكروباص يقول...

فيه 2 انتحروا
لكن كل ده سببه تفكيرنا
احنا اللي عندنا حالة من الرعب وبنفضل نقول للعيال ان لو لم تحصل على مجموع في الثانويه العامه مستقبلك هايضيع
اضفي لكده
ان الناس كلها عاوزه تجيب 100% والناس كلها عاوزه تحل كل الامتحان صح
ولعلمك
امتحان التفاضل وا لميكانيكا اللي حصل عليهم مشكله موجودين في كتاب الوزاره
لكن احنا طبعنا اننا بنبحث عن السهل
والمدرسين لازم يقولوا ان الامتحانات من خارج المنهج لأنهم اخطأوا في طريقة التدريس
المنظومه كلها مشتركه في الفشل
...............
الثانويه الازهريه
كل سنه العيال بتنطحن بمعنى الكلمه
ولا حد بيقول عنهم حاجه ولا حد بيجي عنهم أي سيره

Dr. Ibrahim يقول...

هل كل مشاكلنا انتهت كى نضيف اليها

مشكلة جديدة كبيرة بهذا الحجم؟
---------
هو ده يا فندم اللى انا كنت أقصده من مقالى

هيا ناقصة الغلو فى الأسعار والحاجة النار

عشان يبقى غلو فى مصاريف التعليم

والغلو فى الإمتحانات

وشكل الواحد هيطلع عليه عفريت إسمه الغلاء :)

وتوب علينا يارب

د/هيما

كيكى عوووووو يقول...

عوووووووووووووووووووو انا جيت اتخديتى
......................................
انتى جتى بس على نظام الثانوى بس.......يابنتى لمة تلاقى النظام كلوا فاشل...فيبقى دة التطور الطبيعى للحاجة الساقعة؟...

ياسر خاطر يقول...

اوبااااا

واضح ان انا فاتني كتير اوي
اعلن اعتذاري بس والله مش بايدي هو مشروع التخرج كدة هي هانت بس اسبوع واسطورتي هاتنتهي
ايون ماهي دي المشكلة كنا فاكرين ان الانوي اخر الاساطير بس نقول ايه بقى
المهم انا لازم اتسحب دلوقتي بسرعة
لي عودة اخرى اكيد طبعا جدا بتعليق مفصل ان شاء الله
ادعيلي بس ربنا يستر

a7md Helal ( المهم ) يقول...

المشكة ان الثانوية العامة دي
زي الموت كاس وداير
والكل لازم يدوقه

لكن المشكلة في العقول الغير مؤهلة التي تقف علي رأس الجهاز الاداري لاي مؤسسة في مصر
والتي تسبب فيها اولا نظام التعليم الفاشل
وكان من الطبيعي ان يأتي اليوم الذي يكون فيه علي رأس الجهاز الاداري التعليمي هذه العقول الغير مؤهلة
وهو ما أدي الي ما نحن فيه الان

ولسه اللي جي اسود من السواد

مواطن مصري يقول...

الثانوية العامة زي مشكلة الفلسطينية

Unknown يقول...

زى الهوا:والله عندك حق بس بردو حاجة تغييييييييظ.........


كوارث: يا ابنى ما تخاف على نفسك شوية عايزينك...........


تامر نبيل:الله ينور هو دة الكلام......


محمد الكومى:بس الناس اللى مش ضاربينها صارمة ذنبهم ايه بس......


كاتب مصرى:خير طبعا انا جاية على طول........


شمو نشادر: اسو صاحبى ازيك على فكرة موضوع الاقسام الغير مجانية فى الجامعات دة مسخرة حقيقية.........


bar7ash:ايه الاحراج دة كلامك كبير وبعدين انت اللى مدونتك جميلة.......


فارس بلا جواد:الطلبة المستهبلين اللى بيطلعوا يصرخوا من الامتحان العادى يستاهلوا الحرق بس المشكلة ان فعلا الامتحانات السنة دى مش عادية........


عمرو وجيه:الحمد لله كلنا نفدنا.......


لورنس العرب:فعلا الثانوية الازهرية ما حدش بيسمع عنهم خالص مع انهم بيتهروا يا عينى..........


dr-hema:هو العفريت لسة ما جاش عندك طب استناه زمانه جاى........



كيكى:منور منور منور والله فعلا هو دة التطور الطبيعى للبتنجان........



ياسر خاطر:معلش هابقى احكى لك اللى فاتك بس بعد ما تخلص المشروع بالسلامة............



المهم:منور والله فعلا كلامك صح وعندك الف حق..........


مواطن مصرى:احنا بلدنا كلها زى فلسطين محتلين بردو بس عندنا اكتفاء ذاتى من الاحتلال حضرتك.........

""""" يقول...

ربنا مع كل اللى لسه فى المرحله دى

الحمد لله خلصت منها

بس الالغاز دى كانت موجوده ايامنا برضه

افتكر امتحان الكيمياء والفيزياء كان عباره عن طلاسم

ربنا يوفق الجميع يارب

همس الاحباب يقول...

ياااااااااه الثانوية العايمة
كبوس فى كل منزل
وكان اللى ينجح فى الثانوية ايعينوه تانى يوم اللى خلى طلبة الطب
كليه القمة مش لاقيين شغل
ولو اشتغلوا بياخدوا كام مرتب
بلا نيلةوالله الواحد يجتهدوالباقى على الله احنا ادينا الثانوية العامة اكثر من حجمها وخليناها بعبع لينا ولاولادنا

R-H-S يقول...

الحمد لله انا فلت منها بأعجوبه
بصي الثانويه العامه دي فعلا كابوس لانها هي اللي بتحدد مستقبل الطالب في حياته
علشان كدا هي كابوس مفزع

وممكن يكونوا جايبين الامتحانات صعبه علشان ينزلو التنسيق شويه اصل العيال الدحيحه بيعدوا الميه في الميه
ربنا معاهم

الحمد لله مره تانيه دخلنا كليات ايام الرخص

تحياتي

3D يقول...

Thanawya thanawya

3D يقول...

thanawya hhhh

blue-wave يقول...

هاتفضل الثانويه العامه بعبع مادامت الحياة فى مصر
تحياتى

شفـقــة و إحســــان يقول...

ربنا يوفقك شدى حيلك ان كان فيكى لسه حيل

دعاء مواجهات يقول...

حبيت ارمى السلام

قبل السفر بساعات

اشوفك ع خير ياقمر

البوست بتاعك هينزل ف المدونة قريب تابيعيها

وعلشان تبقى تردى ع التعليقات وكدة


سلاام ياقمر

لا اله الا الله

شادي أصلان يقول...

مدونك جميلة انا بصيت بصة سريعة كدا واكيد هاجي تاني ان شاء الله

نونو يقول...

ان مفيش حاجة قهرانى غير حاجة واحدة مريهان اللى انتحرت بعد الامتحان من القهرة
انا مقدرش انسى يوم النتيجة بتاعتى
ابدااااااا كنت ماشية فى الشارع اعييط
واقول ضاع مستقبلى هههه
وبعدين ربنا كرمنى وبقييت مهندسة والله دة كرم ربناوعلشان ابوية وامى

ذربونة هانم يقول...

انا فعلا مقتنعة ان ربنا ما بيضيعش حق حد
حتى لو مادخلش الكليه الى على مزاجه فأكيد ربنا مقدرله الخير و اللى احسن ليه

zOzO يقول...

هو انتي اول مره تعرف ده

دا الدروس بتاعه ثانويه عامه زي ما بيقولوا كده كانت بتاخد كله

امال دروس الجامعه تبقي ايه كمان ؟
يبقي انتي اكيد ف مصر ؟
مش هقولك غير الجمله دي
هههههههههههههههه

وسوري لو مش متبعاكي لان النت عندي مش حلو
اوكشن

2ensan wnsan يقول...

ايه دا ثانويه عامه انتي بتقولي ثانويه عامه تبقي انتي اللي قتلتي ياسين ويا بهيه وخبريني على اللي جتل ياسين معلش دي احد اعراض الثانويه العامه اللي انا طلعت عيني فيها السنه دي وانتي عارفه بقى ربنا يستر


انتي عارفه انا لو كتبت قصص طلبة الثانويه العاميه اللي عندي هتملى المدونه بتاعي والمدونات اللي جنبي واللي على اول البلوجر

ربنا يستر فعلا السنه دي .

سلام بقى دلوقتي على فكره موضوعك اتنشر اهنيكي على الموضوع الجامد اوي دا

Amgad يقول...

Your blog is very creative, when people read this it widens our imaginations

Lobna Ahmed Nour يقول...

دي اسطورة من بين ملايين الاساطير المصرية اللي احنا عايشينها

ومش عارفين بكرة فيه ايه تاني

زيارتي الاولى لهذه المدونة الرائعة

تحياتي

غير معرف يقول...

ثانوية ملوخية
و تعليم كله مهلبية

المهم انتي مش طلعتي من المعركة بتاعت الثانوية بدون جروح و بكامل جسمانك و الحمد لله

يعني مفيش ايد طارت في امتحان كيميا ولا رجل طارت في مسألة فيزيا


يبقا كدا زي الفل


ربنا يكون في عون بافي الجنود بقا

المفروض دلوقتي يعملوا فيلم مصري و يسموه
انقاذ الجندي بهلول
saving private bahlol
و بهلول دا طالب ثانوية عامه اخوه الكبير و الصغير و المتوسط ماتوا مشلولين من امتحان التفاضل

و يخرجة وزير التعليم و ستيفن سبيلبرج مع بعض

حمادة زيدان يقول...

يالهوىىىىىىىىىىىىىىىىىىىىىىىىىىىىىىى

يا خراااااااااااااااااااااااابييييي

شكل انجي هتموتني كل ده تاخير

مش عارف اقول إية ولا أعتذر ازاي كل اللي عاوز اقوله

السماح يا اهل السماح

على فكرة موضوع الثانوية العامة ده كارثة من جملة الكوارث اللي بتتنيل فوق دماغنا وأدينا مستحملين وراضيين

وربنا يرحما
سماح بقي

Unknown يقول...

amal:;الله لاتعيدها ايام بس صراحة انا كنت ادبى ومافيش حاجة غلبتنى غير الفرنساوى خنييييييق..........


همس الاحباب شكرا لزيارتك بس بردو عايزة معانى الاسامى.........


gehad-male:بص يا جهاد يا ولد احنا فعلا دخلنا الكليات ايام الرخص انا كل اللى تاعبنى انى باتخيل نفسى مكانهم.................


music lovers:شكرا على الزيارة اتمنى تشوفى تعليقى عندك وتردى علية......


blue-wave:دكتور منور والله تعليق فى الجون...............


شفقة هانم واحسان بك:انا الحمد لله خلصت ثانوى بس هاشد حيلى احتياطى.......


شادى اصلان:نورت.........


نونو:طيب يا باشمهندسة ربنا يوفقك ويرحم مريهان..........


ذربونة هانم:اكيييييييييييييد.....


zozo:ولا يهمك يا جميل..........


واحد انسان: حمد الله على السلامة يا راجل وحشتنا كتيييييييير معلش بكرة التهييس يروح وتخف وتبقى فل......


amgad:ايه الكلام الكبير دة ما اقدرش على كدة على فكرة انا زرتك ومدونتك جامدة جد...........


unique:لا دة فى اساطير بالهبل ماتعديش المهم شرفتينى جدا..........


كاتشب:طب بس هيكون بطولة مييييييييين..............


حمادة زيدان:خلاص سماح ماشى والكوارث بفى ربنا يزيد ويبارك انت هتقر وللا اييييييه............

funckydoctor يقول...

التعليم فى الضياع صدقينى
والتقييم كمان
بلا نيلة

Unknown يقول...

funcy doctor:مصدقاك والله على رايك بلا نيلة......

Amgad يقول...

مدونتك رائعة واحيانا بجد فيها الراي الاخر بختلف معاكي ف موضوع الثانوية ولو حبيتي وجهة نظري الكاملة اتمني تطلي عليا زيارتك الاولي خلتني منشكح اخر انشكاح
وانا بقي شايف ان ولي الامر يوفر دروس خصوصية من سنة اولي ابتدائي ويحوشها ويشتريبيها حتة ارض لابنه علي ميخلص يعرف يدخلو اي كلية خاصة ولا لازمتها ايه الكلية يستني لما يتخرج من اي معهد ويبيعها ويجوزو يعني اللي خدو كليات عملو بيها ايه
بكالريوس هندسة السنادي وعاطل السنة اللي جاية

me يقول...

يا انجى كلو محصل بعضوا برضة

اللى يغيظ ان الكليات برضة مجاميعها عالية و كل سنة اعلى من اللى بعدها و برضة العباقرة اللى دخلوا بيسقطوا فى اول سنة و ديه حاجة تجن

الظاهر ان فيه حد غريب معانا فى المغارة

Soooo يقول...

اعتقد ان فيه نظريه مقصوده من ورا الحوار ده
يعني لما حصل حوار قطر الصعيد .. نادى ناس كتير بتخصيص السكه الحديد عشان تبقى الخدمه في امن وامان
وبالحوار ده .. حوار الثانويه العامه يعني .. وحوار رفع رسوم المدارس الخاصه وفرض ضرايب عليها بعكس توجهات التعليم العام ككل
يبقى كده لازم ناخد بالنا من انه ممكن يكون كل ده مقصود
عشان يجبرو اهالي الطلبه انهم يدخلو ولادهم مدارس خاصه .. ومش باتكلم عن المدارس الحكوميه التجريبيه ولا المدارس اللي بتدرس بالانجليزي بس
لا
باتكلم عن كل ماهو على شاكلة الامريكان دبلوما والشويفات والمدارس اللي امتحانتها بتيجي من بره

وبالتالي هيكون في زياده للضرايب .. وشويه بشويه يتحول التعليم الحكومي لمقبره لعقول الطلاب

ارجو من الله ان تفكيري يكون غلط
لكن للاسف .. الحكومه ماشيه في الخطه دي بخطى مدروسه




سلاموووووووووووز

غير معرف يقول...

ســـــلامتـك يــا إنجـــــى .. وربنــا يطمننــا عليـــكى ..
مع خالص تمنياتنا لك بالشفاء العاجل بإذن الله ،،،
وائــل ثابــت ،

غير معرف يقول...

دى السنة اللى أنا كنت بمتحن فيها :)

كنت 3 علمى رياضة و كانت مدبحة

هيـــــــــــــــــــــه دنيا