الاثنين، 1 سبتمبر، 2008

حمد الله على سلامتى

حمد الله على سلامتى .........طبعا العنوان واضح وصريح ولا يحتاج لاى شرح او تحليل........
عملت العملية وبقيت زى الفل والله كان نفسى اجى اطمن الجماهير والحشود الغفيرة اللى افتقدتنى بس لظروف تتعلق بالنحس الكمبيوتر باظ ودخل العناية المركزة لمدة خمس ايام يللا ما علينا مش مهم..........
كل سنة واحنا طيبين بكرة اول يوم رمضان والنهاردة المسحراتى وكدة يعنى.........
طبعا كما لكم ان تراهنوا كان لى مغامرات فظيييييييييييعة فى المستشفى هأموت وأحكى عليها بالتفصيل بس اهم حاجة اتعلمتها انى عرفت قيمتى و انى غالية جدا عند ناس و عرفت حجمى ومكانى عند ناس تانية.......
عايزة بقى اشكر اصدقاء المجتمع التدوينى ميرو انتكة على لفها ورايا بالتليفونات لحد ما تلاقينى وتطمن علية...
أسامة ناصف على وقته اللى منحه لى بكل سماحة.......
وطارق عميرة اللى اهدانى هدية فظيييييييييييييعة(مش هقول عليها لاسباب تتعلق بالرخامة) وانا عند وعدى يا طارق اطلب اى طلب وانا هأنفذه على طووووول.........
اصحابى بقى اللى رجعت لقيتهم قالبين المدونة سؤالات واستفسارات عن صحة السيادة كيكى اللى كانت هتموت لما عرفت موضوع العملية و ماكانتش عارفة تجيبنى ازاى....... .. بجد والله شكرا لاى حد سال عنى و اهتم وكدة يعنى.................
طبعا طبعا الوجود فى المستشفى علمنى حاجات كتير اهمها ما يلى:
-مستحييييييييييل دكتور رفعت اسماعيل يمر على المرضى ودة مش لانه شخصية خيالية لكن لاننا فى اسكندرية ودكتور رفعت فى القاهرة ودة واضح انه سبب وجيه لعدم رؤيتى ليه فى المستشفى.
-ان الممرضات اللى بيمشوا فى الردهة فى نوباتشية الليل مش اشباح ولا حاجة سيبك انت من مشيتهم المتخشبة دى بس هم ناس حقيقيين ومفيش محاولات لقتلك بالمحلول اللى بيعلقوه فى دراعك ولا اى حاجة من دى.
-ان سماع محمد منير بالليل وانت باصص من شباك الغرفة حاجة لذيييييييييذة جدا لوحدك تماما هدوء تام شجن رهييييييب بس طبعا دة كله فى اليوم السابق للعملية لانك بعد العملية مش هتبقى سامع اى حاجة اصلا.
-ان سلسلة سافارى تحفة بجد وخسرت كتييييييير لما ضيعت كل دة وقت ما قريتهاش فيه ودكتور علاء عبد العظيم دة عسل و شخصية طبيعية جدا بس بردو مستحيل تشوفه فى المستشفى.
-ان اللى تاخده بالعتاب مالوش لازمة لانه مش بيبقى طالع من القلب لو شايف انك تستحق اكتر من كدة انسحب بهدوء بس مالوش لازمة العتاب.
-ان مفيش حاجة تستاهل تعب اعصابك وارهاق روحك و قلبك خصوصا لو سبتها على ربنا.
طبعا مفيش داعى اقول انى مارست هوايتى فى الرخامة على دكتور التخدير لما سالنى وجعتك الكانيولا؟؟؟ بصت له انا بكل سماجة وقلت له يعنى انا على سرير العمليات وعارفة انى هاعمل عملية وهيفرق معايا الم الكانيولا؟؟؟
و لا بردو فى داعى اقول انى فضحت الممرضة وهى بتشيل الدرنقة وقعدت اقولها ايييييييييييييه انت بتعملى ايييييييه صاحبتك كل يوم بتغير على الجرح مش بيوجعنى اشمعنى انت حرام عليكى...............
طبعا قبل كل دة وبعد كل دة انا فعلا حسيت بقيمتى و حسيت ان فى حواليا حب بجد و حاجات حلوة وافرحكوا واقولكوا ان الاكتئاب راح فى داهية الله لا يرجعه ودعواتكم وصلت كلها تامة غير منقوصة انا مش عايزة اخلص كلام بس البوست طول قوى كدة وفى مواضيع كتيييييييييييير كانت فى دماغى ونفسى اكتبها يللا كفاية عليكوا كدة يا بشر.
وهكذا رجعت انجى لتنير عالم التدوين مرة اخرى ...........ربنا مايحرمكوش منى قولوا امين.

هناك 43 تعليقًا:

Amgad يقول...

انا جيت احجز اول تعليق قبل محد يعلق قبلي
واقولك انتي فهمتيني غلط
كنتي ومازلتي طبعا
بس انا قصدي ان انتي من اوائل
الناس اللي اعتبرتهم اصدقاء في العالم ده
حمد الله علي سلامتك
واقري البوست بقي
واقولك تعليق يا رب يكون التاني

Amgad يقول...

اما بقي التعليق الرخم ده
فعشان اقولك اني غيرت الصورة

ميرو انتكة يقول...

انجى حبيبتى حمدالله على السلامة يا قمر
نورتى التدوين كله

ايوة طبعا كان لازم اطمن عليكى امال ايه احنا مش اصحاب والا ايه؟؟؟

ربنا معاكى بكرة وما تضربيش الدكتور وهو بيفكلك السلك

يلا سلامة سلامة يا قمر

mregypt7 يقول...

السلام عليكم
والله ينفع كده يعنى
اجى الاقى نفسى تالت تعليق وانا فاكر انى هبقى الاول
ينفع كده يا دوك
استنى بقه لما اقرا البوست وبعد كده ابقى اعلق
تؤؤؤؤؤؤؤؤؤ
صحيح ........ حكم

Mero.. يقول...

حمد الله ع السلامة...
والله حاجة تفرح كمان على دخول رمضان..
ربنا يكتبلك الصحة والسعادة دايما يارب ..
وجهازك كمان..
ومتغبيش عنا تاني..
دمتي بخير

Amgad يقول...

ههههههههههههههههه
انا بقيت الخامس
بس اشطة يعني انشالله ابقي الميةواتناشر
بتقولي-ان سماع محمد منير بالليل وانت باصص من شباك الغرفة حاجة لذيييييييييذة جدا لوحدك تماما هدوء تام شجن رهييييييب
الموضوع ده قديم اوي معايا
وبالذات بقي لو مع سيجارة وكباية النسكافيه بس يكون بلاك
مقولكيش
كل سنة وانتي طيبة
ويارب دايما تبقي باحسن حال
وربنا يديم المعروف ههههههههههههه
علي فكرة انا قاريكي كويس
وعارف امتي بتهزري مش محتاحة تقوليلي
انك بتهزري عشان اعرف
خالص تحياتي وحمدللاتي علي السلماتي

غير معرف يقول...

مش هتنازل عن عزومة في مطعم فول محمد احمد
امجد ..الاصل في الحمد للاتي الحمد لله..اللاتي ده بتاع اصنام قريش..و ربنا اسمه مقدس كذاته
من عالموبايل
طارق

غير معرف يقول...

مش هتنازل عن عزومة في مطعم فول محمد احمد
امجد ..الاصل في الحمد للاتي الحمد لله..اللاتي ده بتاع اصنام قريش..و ربنا اسمه مقدس كذاته
من عالموبايل
طارق

غير معرف يقول...

مش هتنازل عن عزومة في مطعم فول محمد احمد
امجد ..الاصل في الحمد للاتي الحمد لله..اللاتي ده بتاع اصنام قريش..و ربنا اسمه مقدس كذاته
من عالموبايل
طارق

كوارث يقول...

مش هتنازل عن عزومة في مطعم فول محمد احمد
امجد ..الاصل في الحمد للاتي الحمد لله..اللاتي ده بتاع اصنام قريش..و ربنا اسمه مقدس كذاته
من عالموبايل
طارق

كوارث يقول...

معلش اصلي فرحان بموضوع الموبايل ده فبستغبي علي نفسي

محمد ياسر يقول...

حمد الله على سلامتك ويا رب دايما تبقى بصحة
و رمضان كريم و كل سنة وانتى طيبة و ينعاد عليكى بكل خير

كاتب مصري يقول...

ألف ألف ألف حمد لله ع السلامة يا انجي ربنا الحمد لله حقق للعالم التدويني أمنيته بشفائك..
رمضان كريم وكل سنة وانت طيبة..ياريت بأه نشوف بوستات أكتر في رمضان..مكن ولا ايه..وبعدين وعدتيني بحاجة ونسيتيها لو عاوزاني أعملك كابي بوست من التعليق الاول بتاعك في المدونة عندي أجيبهولك فورا..لإين هأكون عندك علطول وهلزقلك وكده..أنا أتشرف بيكي وعارف طبعا هتقولي سهو غير مقصود بس شكلي انا الي رخم ومش عاوز أحل عنك وانت مكسوفة تقوليها ف وشي مش كده..هههههههههههههههههههههههه
ربنا يعافيكي ويكتبلك المغفرة والعتق من النار في رمضان ولا تحتاجي عمليات تاني يارب..
دمتي بخير وحمد لله ع السلامة ..عالم التدوين نور تاني (معذرة على الإطالة)

Lady E يقول...

الف الحمد لله على سلامتك وان شاء الله دايما تكوني بخير

وكل سنة وانتي طيبة وبكل خير وصحة وسعادة

فارس بلا جواد يقول...

الحمد لله علي سلامتك .. ودايما دخول رمضان بيحمل معاه اخبار حلوة
مبروك نجاح العملية .. ورمضان كريم عليكي .. وترجعي تنورينا تاني بكتاباتك
كل سنة وانتي طيبة

CAIROCOMPUTER يقول...

السلام عليكم وكل عام وانت بخير
يهمنا رايك فى مدونة اول برنامج أذاعى فى الشرق الأوسط عن النت والمدونات ...شارك فى البرنامج بابداء رايك فيما نطرحه من اسئله فى المدونه
http://netonradio.blogspot.com
وطبعا نرحب ايضا بزوار مدونتك المتميزه

عايش ولكن يقول...

حمدلله ع السلاميه يا انجى
والله فرحتينى جدا ببوستك ده
كنت مفتقدك جدا اليومين اللى فاتوا
ازاى انزل بوست وملاقيش انجى من اوائل اللى بيعلقوا
انا دعيتلك .. دعوتى وصلت ؟ مجاش ليكى ملاك كده بيقولك علاء بيدعيلك بالشفاء العاجل ههههههه
يلا قبل ما انسى كل سنه وانتى طيبه
ورمضان الجاى تكونى ان شاء الله حققتى كل احلامك


علاء

كيكى يقول...

هيييييييييييييييييييييييييية
هييييييييييييييييييييييييييييية
مش مصدقة عنتينى .......
هيييييييييييييييييييييييييية
امييييييييييييييييييييييين
اميييييييييييييييييييييييييين
امييييييييييييييييييييييييييييين
ربنا مايحرمنا منك ابدااااااااا
انا جيت البيت على فكرة...
وهستنكى على السحور نكلم
رمضاااااااان كريم يا حبيبتى
والف حمد الله على السلااامة...
مدفع الافطااااااااااااااار
اضرب
عوووووووووووووووووووووووووووو

أحمد علي يقول...

كنا مستريحين ....

بهزر طبعا، ألف سلامة عليكي يا بنتي، والأهم إن الإكتئاب راح، وكل سنة وانتي طيبة.

mina يقول...

الف الف الف حمد الله على سلامتك

blue-wave يقول...

الف الف حمدالله على السلامه يا قمر
والله وحشتينا

شـمو نشـادر يقول...

رائع جدا !!

حمادة زيدان يقول...

أنووووووووووووووووووووووووووووووووج

ألف حمدالله ع السلامة .... والله كنت قلقان عليكي جدا بس الايد مش عارف ايه والله مش عارف باقي المثل .... النت عندى في السلكان وبقعد صدف ... ومفيش تليفون نطمن على سياتك بيه ... سيبك سيبك من كل ده المهم أنك رجعتي والعملية اتعملت وانجي عادت تاني

ربنا يطمنا عليكي دايماً يارب .... الحمد لله ... الحمد لله ... الحمد لله ... الحمد لله ... الحمد لله ... الحمد لله ...

ربنا يجعلها أخر العمليات ويارب تكوني استردستي صحتك كاملة يارب

حمادة زيدان يقول...

على فكرة انا عملت كومنت بمعجزة

نسيت اقولك

رمضان كرييييييييييييييييييييييييم

Abu Shahin يقول...

بقى اول مرة ادخل عندك البلوج الاقيكى عامله عملية

حمد لله على سلامتك ويارب تكون اخر عملية ان شاء الله

بوستك بيدل على ان فعلا اى حاجة ف الحياة مهما كانت مؤلمة فهى ف النهاية تجربة والشاطر يطلع منها مستفيد

وانتى طلعتى شاطرة

تحياتى والف سلامة

مواطن مصرى نايم يقول...

حمدالله عالسلامة
و الله فرحت جدااااااااااا
و الله بجد كنت قلقان عليكى جدا جدا
الحمد لله ان ربنا قومك بالسلامة
اعذرينى انى اتأخرت فالرد
بجد كنت منقطع عن التدوين بقالى فترة كده
و لسه راجع
الحمد لله انك بخير يا انجى


اسلام

ورود و أشواك يقول...

الف حمد الله على سلامتك يا نجنوجة
و الحمد لله ان اطمنا عليكى
يلا بقى همتك معانا علشان تحليلنا مشاكلنا النفسية يا دكتورة :)

و الله انا فرحانة جدا ان العملية مرت بخير و نجحت الحمد لله
ربنا يوفقك ديما يا جميل

على فكرة ليكى تاج عندى ياريت تشرفينى فى المدونة وتاخديه :)

عمرو وجيه يقول...

الف سلامة عليك يا إنجى ....


إن شاء الله اللى يكرهوك


كل سنة وانتى طيبة

و رمضان كريم عليك


و ربنا يقوم الجهاز على خير


و الف سلامة مرة تانية

بيكر(baker) يقول...

حمد الله على السلامه يا انوج و الف بعد الشر عليكى و رمضان كريم

enjy يقول...

امجد: بوكس لوحدك يا بيه عشان ارد على المية وتلاتاشر تعليق بتوعك بالترتيب.........
اولا:يا ابنى انا عارفة طبعا انى اهم واحدة وهافضل اهم واحدة اومال ايه يعنى ولا تقلق انا واثقة فى كدة...

ثانيا:مبروك انك غيرت الصورة حلو بردو هارى بوتر مش بطال ولو ان كانت عاجبانى الصورة الاصلية اكتر...

ثالثا:اه فعلا مع كوباية نسكافيه بلاك وسيجارة يعععععععععع انا مش بحب النسكافيه البلاك ومش باشرب سجاير انا باشيش بس..كويس انك عارف انى باهزر كنت واثقة انك فاهمنى طبعا..كفاية عليك كدة سلام.

enjy يقول...

ميرو انتكة: حبيبتى ازيك ما تقلقيش ما ضربتش الدكتور بس كنت هاغز الممرضة سلامة سلامة.............


mregypt7:طب وهتقراه امتى ان شاء الله؟


mero:ويكتب لك السعادة والصحة ويفرحك طول الايام مش رمضان بس وشكرا شكرا شكرا.........


كوارث:يا عيييييييييينى يا طارق مخك لسع ولا حول ولا قوة الا بالله ايه التعليقات اللى كلها كوبى من بعضها دى وبعدين عزومة ايه مش فاهماك ومحمد احمد مين؟؟؟ انت مين اصلا النمرة غلط يا استاذ...............


محمد ياسر:بتقول المفيد كله فى سطرين ماشاء الله وانت طيب وشكرا على الدعوة.................


كاتب مصرى:انت تطول براحتك مش هاعتذر عن السهو لانى جرى على مدونتك حالا.............


lady e:وانت طيبة وشكرا على الدعوة وشكرا لمرورك الاول وتعليقك.........

enjy يقول...

فارس بلا جواد:ازيك يا دكتور كل سنة وانت طيب يارب وشكرا على الدعوات الحلوة دى..........


عايش ولكن:اه جه الملاك الصغنون وقال لى ان علاء بيسلم وبيدعى بس يا عينى صعب علية قوى لانه كان تعبان من المشوار كدة تتعب الملايكة معاك كان كفاية ايميل..كل سنة وانت طيب يااااااارب.............


كيكى:حبيبى رجع بيته يا ناس اكيد البيت دلوقتى منور يا قمر انت يا عسل يا جميييييييييييييييل كل سنة وانت طيبة ومتهنية ومحققة احلامك يا كيكى يا عسل.............



احمد على:طبعا يا باشمهندس بتهزر انت تقدر تقول غير كدة وكل سنة وانت طيب يارب............



mina:الف الف الله يسلمك شكرا شكرا....



blue-wave:طبعا وحشتكوا يا دكتور بس انت وحشتنا اكتر........

enjy يقول...

شمو نشادر:يااااااااه ايه التعليق الطويل دة يا اسامة بس والله عينى وجعتنى من كتر القراية حرام عليك ابقى قصر تعليقاتك بعد كدة شوية........


حمادة زيدان:ايد ايه اهه قصدك العين بصيرة والايد قصيرة يعنى يا عمونا الاحساس وصل من غير اى امثال يارب يخليك ويبارك فيك وشكرا على دعواتك يا جميل والله اكرم وكل سنة وانت طيب ويارب يرجعك للنت بالسلامة يا حمادة...................


ابو شاهين:معلش بقى ان شاء الله المرة التانية تيجى تلاقى فرح فى المدونة المهم انت كل سنة وانت طيب وياريت ماتكونش اخر زيارة............


مواطن مصرى نايم:ولااااااا يهمك المهم كل سنة وانت طيب يا اسلام شفت تعليقى عندك ايه رايك فى الاقتراح ابقى فكر وقوللى...........


ورود واشواك:يارب يخليكى يارب ويبارك فيكى وكل سنة وانت طيبة يارب وشكرا على دعواتك يا جميلة...........


عمرو وجيه:اه والله ان شاء الله اللى يكرهونى كل سنة وانت طيب وشكرا على دعواتك ..........


بيكر:الله يسلمك يا بكر كل سنة وانت طيب ورمضان كريم.........

كيارا يقول...

الف حمد الله علي سلامتك ورجوعك

كل سنه وانتي طيبه

romansy يقول...

اهم حاجة ان بعد الضلمة لازم يبقى نور
نورتى مدونتك
وحمد الله ع السلامة

خالد فوده يقول...

حمد لله علي سلامتك
وربنا يكرمك يارب
كل عام وانتم بخير
وأعانكم علي صيام رمضان وقيامه

المحارب المتيم يقول...

كل عام وأنت إلى الله أقرب

ومنه أخوف

وبه أعرف

وإلى دار كرامته اسبق

رمضان كريم

enjy يقول...

كيارا:وانت طيبة يارب والله يسلمك....


romansy:دة نورك عشان اول زيارة.....


خالد فودة:ربنا يكرمك........


المحارب المتيم:يارب..كل سنة وانت طيب

ياسر خاطر يقول...

حمد لله ع السلامة

الحمد لله

انسان بلا عنوان يقول...

حمد لله على سلامتك

رمضان كريم

الشنكوتي الكبير يقول...

حمدا لله على سلامتك ودي اهم حاجه
كل سنه وانتي طيبه
سلااااااااام

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘