الاثنين، 19 يناير 2009

عندما تحتضر الحياة


(انتى بلاد طيبة..وقريبة وحبيبة انتى امل وحياة.. وقت الخطر أمى بتحملى همى حضنك دفا وأمان)
أفاق من نومه على منبه هاتفه المحمول. هو يضبط نغمة منبه هاتفه على أغنية منير بلاد طيبة..
لا يعرف لماذا هذه الاغنية تحديدا..لماذا يجلد نفسه بها؟ هو يستشعر الالم كلما دق هاتفه بها ومع ذلك هو يصحو عليها يوميا..
(ليكى أنا غنيت يا دنيتى وناسى..اذا كنت مرة جنيت حقك على راسى)
تبا..هو لم يقم بايقاف المنبه تماما لذلك عاد للدق مرة أخرى..نهض متثاقلا ووقف يتأمل وجهه فى مرأة الحمام.. وسئل الوجه لماذا يضع هذه الاغنية لتوقظه كل صباح؟؟ هل هو ماسوشى يهوى تعذيب نفسه وجلدها؟؟
لا..هو فقط يريد الا ينسى انه يحبها..صوت منير ينطلق فى هذه الاغنية معذب يعبر عنه بشدة..مع انه لايصرخ فى أى من مقاطعها ولكنه يشعر أن الاغنية لاتخرج من الهاتف ولكنه تخرج من داخل روحه هو.
ارتدى ملابسه ونزل الى الشارع.. مشى فى الطريق المعتاد الى العمل..كم يفتقد وطنه القديم..كم يفتقد رائحة الجو فى وطنه ..شكل الشوارع..كم يفتقد الناس الذين لا يعرفهم ولكن شعور عارم بأنه يرتبط بهم بشكل أو بآخر..كم يفتقد أن يتنفس..نعم هو لم يتنفس بحق منذ فترة طويلة.
عندما تحتضر الحياة يصبح التنفس عسيرا بعض الشىء..عندها تصبح الغربة منطقية جدا.ولكن وطنه لم يحتضر من تلقاء نفسه وطنه قتل..تم ذبحه بسكين بارد ودفع هو وأمثاله الثمن .
غربة غير عادية تجتاحه الان..
يمشى فى الشوارع..بلد نامى هو مايعيش فيه الان..الشوارع صناعية جدا مع الفقر الواضح الذى يعانيه أهل هذا البلد..ومع مستوى الناس المنخفض هناك الكثير من المولات المبهرة التى تشعرك كم أنت صغير وفقير وتزيد من شعورك القاتل بالغربة.. هم أن يعبر الطريق فسمع سبة شديدة من سائق حافلة كان يريد أن يتعداه..
كم يشتاق الى شوارع الوطن فى هذه اللحظات.كم يشتاق أهله.
لم تكن أوضاعه هكذا من فترة قصيرة..كان يعيش وسط أهله وكان يحلم وكان يحب..
فجأة اكتشف انه يقف فى العراء..يواجه الحياة وحيدا..يريد أن يأكل ويشرب ويعيش..
وفى لمح البصر تبدل من حوله من ناس وكف عن الحلم اذ انه قرر أن يتبع سياسة الممكن..وبالطبع أصبح الحب رفاهية ليست من حقه.
غربة .. وحدة.. خواء..هو ما يستشعره الان.
وهذا البلد الذى وجد نفسه فيه فجأة انه يلفظه بشدة..انه لايريده حتى أن يحيا. وجد نفسه فجأة فى مجتمع لايعبأ به .. يجب أن يكون وغد كى يعيش..لا يعرف ابتسامات من حوله حقيقية أم أنها عيب خلقى..حتى كلامهم يحمل أكثر من معنى وغالبا ما يصله المعنى الخاطىء..الشوارع بغيضة ..صناعية..وباردة لا يجد بصمته فيها..حتى الجو سىء جدا..
تعاملات البشر هنا تصيبه بالغثيان..يذكره الامر بأفلام الكارتون كلها مؤامرات خرقاء مضحكة لاتجدى نفعا..واللهاث المحموم وراء الرزق ينهكه وينهك من حوله حتى يقضى على بقايا الانسانية..
حتى الحب لا يستطيع أن يجده فى هذا المجتمع البغيض فبغض النظر عن أن أحواله المادية تضعه تحت الخط الفقر بخطين أو ثلاثة فان الحياة هنا أصبحت مادية جدا والمشاعر الكلاسيكية تعمل عمل النكات البذيئة التى يضحك عليها الناس مع مسحة اشمئزاز..
يا الله كم يشتاق وطنه القديم بشدة و........................
انتزعه من خواطره شاب استوقفه وسأله..
-لو سمحت متعرفش أقرب محطة مترو من هنا فين؟؟ أصل أنا عايز أروح السجل المدنى..ايه؟؟ مالك مبتردش ليه؟؟ ايه ياعم نت مش من هنا وللا ايه؟؟ انت مش مصرى؟؟

هناك 38 تعليقًا:

princess يقول...

صدمة اخر البوست ماثرة عليا
فمش عارفة اتكلم
بس الاحساس وصل اوى
بس يارب الحال ميوصلش بينا للدرجة دى عشان دى كارثة
تحياتى

adel يقول...

هل هو ماسوشى يهوى تعذيب نفسه وجلدها؟؟
لا..هو فقط يريد الا ينسى انه يحبها..صوت منير ينطلق فى هذه الاغنية معذب يعبر عنه بشدة..مع انه لايصرخ فى أى من مقاطعها ولكنه يشعر أن الاغنية لاتخرج من الهاتف ولكنه تخرج من داخل روحه هو.
---------------------------

انها تعذبنا جميعا..... ز من الحب ماقتل

----------------------
اللغة عربية بس سهلة و بسيطة ....الفكرة جامدة ....

المعني وصل....

اهلا بك في القرن الحادي و العشرين
مرحبا بك في وطنك .... مصر

Muhammad Mammdouh يقول...

حلوة الحياة تحتضر
ورائعة القصة
ومن العنوان عرفت المسكين عايش فين
اصل انا اعرفة كويس لا اعرفة اية اعرفهم كلهم
تسلم ايدك

عالم ماريونت يقول...

انوووووووووووووووج
لا مش هنكرهها
لا بنحبها
وهنفضل نحبها لغاية ما نموت
حتى لو وحشة
وحتى لو مش زي ما احنا عايزين
انا عن نفسي...بحبها جدا مهما حصل
ومش هسيبها مهما حصل
وحشتيني جدا جدا يا انووووووج

Unknown يقول...

"تعمل عمل النكات البذيئة التى يضحك عليها الناس مع مسحة اشمئزاز.."

.. جامدة

MISS\GH يقول...

حقيقى مش عارفه اكتب واقول ايه
فعلا بعد كل اللى بيجرى حوالينا ده الحياه بتحضر ما كذبت يا صديقى البوست ده بيدوس بجد على جرحنا كلنا
بس عارف السبب فى ان الحياه تدهورت كده وبقت بتحضر غضب ربنا علينا ربنا وعد وقال فى كتابه ايات كتير معناها ان هناك اقوام كثيره نسوا الله ونسوا زكر الله فانساهم انفسهم
كل ده واكتر لسه هيحصل لينا لاننا بعدنا قوى عن ربنا ياريت نرجع تانى ونشوف ليه بعدنا عن ربنا
بحييك بجد على موضوعاتك الجميله واتمنى لك مزيد من التقدم والنجاح

Unknown يقول...

فكرة رائعة.. ومعالجة أروع.

romansy يقول...

بنحبها اكيد ومش هنبعد عنها ثانيه
دى مصر امى وام الدنيا
بنحبها كده زى ما هيه
بنحبها بالعلماء وبالحراميه
بنحبها ولا عارفين نعيش من غيرها

وبنحبها لحد اخر يوم فى عمرنا

http://kasperb4.blogspot.com/ يقول...

وطول ماهو ماشي ساكت ومهموم كده وخلاص، مش هيقدر يرجع لوطنه تاني

Che يقول...

فكرة جامده جدا .. و صدمه واقعيه جدا فى نهايه البوست و فعلا .. البلد دى مابأتش بلدنا خلاص

عالم حبيب يقول...

مشاعرك أكيد وصلت لكل من قرأ الكلمات .. سواء كنت تقصد الغربة الحقيقية والبعد عن الوطن .. أو الغربة داخل الوطن نفسه .. الله يصلح الحال

مذكرات مشاغب يقول...

يا بنتي بجد مش عارف اقولك ايه واللهي
اسلوبك عجبني اوي في الكتابه
واللهي العظيم انا مش بجاملك خالص
وعجبني جدا عدم الذكر المباشر لوطنه الاصلي
والاسلوب اكتر من رائع
والنهايه متوقعه طبعا

تحياااااااااتي

بنت القسام يقول...

بسم الله
وجميعا نشتاق والله
تحياتى

Unknown يقول...

تسدئي فكرت انه في غربة بجد
صدمتيني والله
الأغنية الي هو حاططها دي تدبح بجد
أنا لما جيت مصر كنت عكس ده تماما مع إني لاحظت الفارق الكبير بين مصر والسعودية في التطور والحضارة وووو بس كنت مبسوط جدا إني وسط أهلي وناسي وبلدي يعني أرضي أنا
حسيت يومها إني بأنتمي للبلد دي مع انها زي ما قلتي شوارع يظهر عليها الفقر المتقع فعلا..مناطق مناطق عشوائيات للفقرا وقصور للبهوات..
مهما كان في وطننا هذا لكنها أرضنا وبلدنا يوم هتتصلح على ايدنا المهم اننا نفضل بنحبها ونودها وعاوزين لها الخير
الغربة الحقيقية الي هيا العيشة بره بلد الإنسان الحقيقية هيا والله الي ذل وعذاب ملوش مثيل أنا مجرب ده فعلا..
مودتي..وتحياتي الخاصة ع البوست ده

Foxology يقول...

ممتعة
مؤلمة
حقيقية

تحياتى :)

دعاء مواجهات يقول...

ياااااة

عليكى

صدمة فى واقعنا ..

مفيش كلام بجد يعبر

.........................

ربما تعبر هى .

بسبوسة يقول...

.........................
...........................
...................
صمت رهيب

حاتم عرفة يقول...

في أول مرور لي الذي أعتقد لن يكون الأخير
جميلة جدا

:)

تحياتي الحارة لقلمك
يا اسكندرانية

NOGA ALEX يقول...

هذة التدوينة حقيقية جداااااااااااااااااااااااااااا

ghorBty يقول...

السلام عليكم ورحمة الله وبركاته

انتي قلتي كل حاجه بس ان شاء الله اللي جاي احلي

مهما وجدنا الحال قدمنا بقي مظلم وكئيب ليس في ايدينا الا الامل علشان نقدر نكمل ونعيش صعب جدا نفضل احنا عايشين في دنيا ومكان كل تفكيرنا فيه انه خلاص احتضر وانتهي هنكون عملين زي الروح اللي محبوسه في جسم مشلول الروح عايزه تنطلق بس الجسم مانعها احنا ان شاء الله هننطلق ونبدا نغير الواقع اللي احنا شيفينه بقي كله غلط وكل شئ فيه بقا مصالح وانانيه واكيد لو كل حد فكر كدا حياتنا هترجع حياه حلوه من تاني

كلنا في مركب واحد ونفسنا بجد مصر ترجع زي ماكانت ارض الشهامه والرجوله والناس ترجع تحب بعض من تاني وقلوبنا تكون علي بعض وتقل الجرايم ويسود الحب في كل مكان ولكن زي ما قلتي

ولكن وطنه لم يحتضر من تلقاء نفسه وطنه قتل..تم ذبحه بسكين بارد ودفع هو وأمثاله الثمن .

بس لو فئه قليله فاسده ممكن تقدر نتخلص منها ونرجع وطننا نقي وجميل من تاني


دمتي بخير سعدت بمرري لديك يا انجي

اختك غربتي

أحمد بكر يقول...

حلو اوى التيمه الى انتى بتكتبى بيها
افكار عميقه و حبكه كويسه
تحياتى لابداعك يا انوج

micheal يقول...

فعلا يا انجي مع كل اللي شايفينه حوالينا والتغير البشع في الأخلاقيات والسلوكيات ،باتت الحياة تحتضر
أحييكي لاسلوبك الجميل
ورجاء تكبير فونت الكتابة
:)
تحياتي

dr.lecter يقول...

مشكله اغلبنا

النوستاالجيا والحنين

تحفه بجد

Empress appy يقول...

ساعات الحياه من كتر البساطه بتاعتها مبنقدرش نفهمها ولا نعيشها صح لان العيشه مترتبه على الفهم
انجى بتكبرى بسرعه فى الكتابه

ملحوسه لو مكبرتيش الخط وعملتيه تقيل هعضك

Asmaa Fathi يقول...

قد يكون الصمت هو ابلغ تعليق على كلماتك

لذا ساسكت والسلام

تحياتى

3omda يقول...

بوست اكثر من رائع،فعلاً احنا عايشين في غربه داخل بلدنا.

الحرامي يقول...

مدونتك جميله جدااااااااااااا
والله
ورأيك فيا برده عاجبني
لان انت اول حد يشتمني وانا بصراحه بموت في الشتيمه

الحرامي يقول...

الغريب بقي اي لقيت لحضرتك تعليق عندي وماكنش شتيمه ولا حاجه بالعكس كان لذيذ جداااااا
بس دا رأيك ونا بحترمه
بس انا حابب اقولك ان المدونه مش موضوع سرقه وخلاص
لا هي فكره لعمل حاجه زي ارشيف كده للمدونات
يعني تكريم
او سميها زي ما تحبي
للمدونات الجيده بس انا حبيت اعملها بطريقه
دمها خفيف ولو انت شايفه غير كده
يبقي انا فشلت اوصلك فكرتي
اما لو انت معترضه علي الفكره نفسها
فأكيد مش كل الناس هتوافقني علي الفكره
واكيد انا مش هكتب عن حد مش عايزني
اكتب عنه
انا تقريبا بأستأذن من اي حد قبل ما اكتب عنه بس بطريقه دمها خفيف ( تهديد وحاجات كده) ومش بكتب الا لما اشوف رده
وعلي فكره انا عجبني الموضوع بتاع المشاغب
لانه عمله بطريقه جميله جدااااااااا

يوسفيات..محمد يوسف يقول...

لذيذ

سقراط يقول...

من اول ما بدأت فى قراية التدوينة
وانا عاوز ابطل واسيب المدونة كلها وامشي
لكن كان فى حاجة غريبة بتشدني وتخليني اكمل
وكنت بسأل نفسي هو ايه اللى بيشدني ده؟
والسؤال الاخير فى التدوينة
كان اجابة واضحة جدا لسؤالى
بجد بحييكي

صوت من مصر يقول...

الصدمه انى بلدى بلد كبارى ومترو صعب تسالنى انت مش من مصر ولا ايه مش هلاقى رد ؟

محمود محمد حسن يقول...

كنت عارف من الأول ان الوطن هوا اللي هاجر مش صاحبنا ،

الله ينور يا انجي ، تعبيراتك في البوست ده قاتلة ،

تحياتي

Tamer Nabil Moussa يقول...

بجد شىء صعب لما يكون الانسان فى غربة وهو فى الوطن الام

ربنا يغير الحال ولانوصل الى الاصعب

ربنا يكرمك انجى

تحياتى

مـجـنـووون يقول...

كل واحد عنه بلده أحلي مكان في الوجود
والي يقول غير كده يبقي معندهوش انتماء وميستهلش البلد دي

تقبلي مروري واسف علي التاخير
مجنووون

Tamer Diab يقول...

أول مرة ادخل عندك بس مفيش تعليق علي البوست ده بالذات غير
روعة ومؤثر لدرجة تبكي

حروف يقول...

بجد بوست حلو اوي يا انجي
دمتي بالف خير

نعكشة يقول...

بعيداً عن القصة ممكن أرغي؟؟؟

هوه انا هرغي مليش دعوة

وانا بعدي من يومين الشارع عديت من قدام اتوبيس ( و انا نادراً ما بعدي من قدام اتوبيس)
كما قال المثل never pass infront of a bus
بس عديت و الراجل هدى
بتاع الاتوبيس هدى
المهم كان فيه بعديه تاكسي
بعدة بمسافة يعني
مفروض الطبيعي انه يهدي وانا اعدي كالعادة و ابصلة و ابتسم او مبصلوش او ابصلة و اقول في نفسي قشطة عليا

بس الغريب اني لاقيت بتاع التاكسي سرع السرعة
طبعاً رجعت تاني و جريت قدام الاتوبيس
وبتاع الاتوبيس فرمل
وانا قلبي وقف
و شتمت بتاع التاكسي ( نادراً ما بشتم حد) و اعتذرت لبتاع الاتوبيس ( نادراً ما بعتذر لحد)

طلعت من دة بإية؟؟؟؟
إني مش زي ما بقول
اني بخاف لاموت
مش عارفة
بس حسيت لوهلة إني عايشة واحدة تانية
انا مش دية
او دية مش انا
فيه حاجة غلط

.......

انا بستغرب قوي لما بمشي في المول
او حتى ابص لنفسي
هوه فيه اية
الناس ماهية معاها يعني
اومال ليه بيقولوا مصر فقرانة؟؟؟
عندنا معظم الناس في الكلية
و الكلية ببلاش يعني
يعني انا مش كلية خاصة ولا Auc و تقريبا معظم الشباب( بنات وولاد) لابسيين nike, fila , puma , polo , gucci , guess

حتى اللي هما مش كدة مش حاساهم فقرانين كدة

في نفس ذات الوقت لما رحنا بني سويف و الفيوم
الناس ياعيني ساكنين في حاجات كدة صغيرة
ومش لاقيين اي دكاترة خالص
و مفيش اي رعاية صحية

فية تفاوت غريب في الطبقات
معرفش صراحة

بس انا عندي مرحلة من اللافهم محتاجة ابص جلوبالي على مصر كدة و افهم

...........


بالمناسبة:
- انا كنت بحب الاغنية دية قوي

- حلوة معلومة ماسوشي اللي بيعذب نفسه

- عجبتني حتة الغربة منطقية جداً

- انا حسيت اوانا بقراها إني عايشاها بتمشى مع الراجل .. بتكعبر وانا راكبة البتاع مع المطب ( حتة من عندي) بشم نفس الهوا ...

- مفهمتش النهاية صراحة

سلام عليكِ

bolbol يقول...

http://www.freecopts.net/arabic/arabic/content/view/4692/1http://www.freecopts.net/arabic/arabic/content/view/4692/1