الجمعة، 2 يناير 2009

انه خطئى

أذكر اللحظات السابقة بوضوح..أذكرها جيدا..
لقد كنت أعبر الطريق عندما دهمتنى سيارة مسرعة..لا لم يكن انتحارا.انا فقط لم أنظر حولى و أنا أعبر الشارع..آخر كلماتى للسائق كانت (لا عليك انه خطئى).. لا أريده ان يشعر بالذنب تجاهى.ليس لاننى انتحرت فأنا كما تعرف لم انتحر .فقط أنا نسيت أن آخذ حذرى و انا اعبر الطريق..نعم لم يكن انتحارا.....



أو كان انتحارا..



.......................................................................



كيف أرى جسدى مسجى على الفراش هكذا؟؟ أرانى بوضوح مستلقية على الفراش فى مستشفى ما يتصل بجسدى بضعة انابيب وحولى أشياء..لا ليست أشياء.مهلا انهم بشر.أقاربى ربما.على أى حال أنا لا أعرفهم.........



أو أعرفهم..



........................................................................



هذا الرجل أشيب الشعر.. لماذا أنت منهار هكذا؟؟ تماسك قليلا..انت اسد..الاسد يجب ان يكون قويا..الاسد يجب ان يزأر..الاسد يجب أن يفترسنا..أليست هذه هى كلماتك؟؟ لا تتاثر ارجوك سوف اريح واستريح..اليست هذه ايضا كلماتك؟؟ انا لا اعرفه وهو لا يعرفنى بالمرة اذن علام كل هذا التأثر؟؟ واذا كنت لا اعرفه فكيف اعرف كلماته؟؟ على اى حال تلك خواطر سخيفة لافكر فيها الان..

آسفة فعلا لقد ضيعت وقتك واستنزفت ثلاث دمعات وبضعة كلمات..يمكنك أن ترحل الان فقد اديت واجبك الاجتماعى كاملا...



أو لم تؤده اطلاقا..



.........................................................................



مهلا..لا تمسوا جسدها..جسدى..هى لا تريد مساعدة منكم ..انا لا اريد انقاذ..ابتعدوا عنها..ابتعدوا عنى..اتركوا الجسد..انا سوف انقذها.انتم لن تستطيعوا منعى لانكم لا ترونى.انا الان احتضنها بقوة وهى لا تقاوم احتضانى هذا..هى لا تريدكم...



أو لم تعد..



........................................................................



هرعت الممرضة لجهاز مراقبة القلب الذى بدأ يصدر أزيز متصل و ظهر على شاشته خط واحد مستقيم. لقد انتهى كل شىء...



أو بدأ..





ملحوظة رفيعة:لو سمحتوا مش عاوزة اى حكم اخلاقى على الانتحار..محدش يقوللى الانتحار حرام والانتحار ضعف والانتحار هروب والانتحار جبن..بطلة القصة انتحرت انا ذنبى ايه؟ (وش بيطلع لسانه) عموما كلنا عارفين ان الانتحار حرام بس اللى عالشط عوام..........

هناك 54 تعليقًا:

فشكووول يقول...

يا سلاااااام .. اول تعليق
طب انت حجرتى على رأي انا اقول ايه .. لكن على العموم ربنا هواللى بيحاسب وهو اللى عليه العوض .. طبعا كلنا يعرف ان مصائب الدنيا الأن كثيره ولكن على الله التوكل
ادعى لى يا انجى ان الظروف تعدى على خير.. اما عن غزه ان شاء الله حانزل بوست بيتكلم حول الموضوع وكل حاجه عنه
تحياتى

Unknown يقول...

يوم ورا يوم وهلاقيكي سبقتيني وبقيتي أستاذة في القصص والحكايات

ربنا يوفقك

http://kasperb4.blogspot.com/ يقول...

هي قصة غريبة
عجيبة
والغرض منها لم أفهمه بصراحة

أو فهمته..

لا يهم
المهم انك كتبتي ما يدور في عقلك
:))

Unknown يقول...

انجي، حاولي ماتكرريش نفسك، أعتقد انت عندك كتير عشان تقدميه، بلاش تسرع.

أنا زي جوز بنت خالتك، وعارف مصلحتك :-)

يوسفيات..محمد يوسف يقول...

حلوة بشكل وحش

وأحلى مافيهاالتناقض اللي ف آخر كل مقطع....خلاني أشغل دماغي

....

موضوع الملحوظة الرفيعة ممنوش داعي.. أو كذا أعتقد

Unknown يقول...

فشكول:ايه رايك عمو صلاح فى الحجر دة؟؟؟ رخامة رخامة يعنى مش هزار..ربنا يعدى الظروف اللى عندك على خير باذن الله هتعدى ............


كاتب مصرى:مش اوى كدة يعنى..شكرا على رايك......


الام وامال:حلو الرد دة بس دى قصة مالهاش غرض يعنى..كل واحد هيحاول يطبقها على حياته واحتمال يلاقى حد كدة واحتمال ما يلاقيش بس الاكيد ان اللى هيقرا القصة دى مش هيقسى على حد لدرجة انه يسيبه ينتحر..دة رايي..........


احمد على:هى البت شهد اللى عندها خمس سنين اتجوزت من غير ما تعزمنى الجزمة دى هوريها والله....المهم والله هو مش تكرار بس انا دماغى مش جايبة حاجة اكتر من كدة يعنى..بالنسبة للتسرع انا اقر واعترف ان البوست دة اتنشر غلطة اصلا انا اتفاجات انه اتنشر ومكنتش عايزة انزله على المدونة لاسباب كتير مش لازم اقولها ...المهم انى نشرته بالغلط


يوسفيات:بجد حلوة؟؟ شكرا والله على رايك دة موضوع الملحوظة بقى مش عارفة ليه ممنوش فايدة؟؟ اصل والله الخلق كلهم هيسيبوا القصة والحبكة وطريقة الكتابة ويقولولى لالالا الانتحار حرام قلت اريح دماغى بقى

NOGA ALEX يقول...

انجى:المغزى من القصة حلو اوى اوى لكن التفاصيل قليلة اوى والاحداث سريعة ممكن يكون موقف مش قصة مش عارفة حاسة لو اديتنى تفاصيل اكتر كانت هتبقى جامدة

فارس بلا جواد يقول...

مستغرب انك في ردك علي التعليقات بتقولي ان البوست غلطه مع اني شايف ان فكرته حلوة .. هو صحيحي الموقف بسيط ومفيش اي احداث بس طريقة العرض جميلة
علي فكرة كمان كويس انك قلتي الملحوظة اللي في الاخر لأن لولا كده كانت هتبقي التعليقات كلها ياما بتقول الانتحار حرام يا اما بتقول البقية في حياتك
تحياتي

حمادة زيدان يقول...

أنوووووووووووووووووووووووووووووووج

القصة حلوة جدا

وأكيد المواضيع السوداوية دي دايماً بحبها ...

والله الانتحار في دنيانا بعد كل المصائب التي لا تريد الابتعاد عنا من أنسب الحلول خاصة في اليومين دول ...

بس الانتحار يكون لأبطال قصصنا لأن أنتحارنا نحن سيكلفنا الكثير والكثير

تحياتي الابداعية

من غير عنـــوان يقول...

عموما الإنتحار ضعف


بس بلا شك تناول ممتاز لقصه قصيره

أمنياتي

عالم ماريونت يقول...

عزيزتي انجي
القصة غريبة جدا وغامضة شوية
هو كان ابوها ولا لأ؟
مفهمتش دي؟
بس غير كدة هي كالعادة قصة جامدة جدا ربنا يوفقك يا انجي
انا بس كنت عايزة اقولك حاة واحدة بس:
الانتحار حرام يا انجي!!!!!
ههههههههههههههههههههههههه
كل سنة وانتي طيبة وياريت مش تنسي تصومي بكرة ان شاء الله
رنا

واحد من البلد دى يقول...

السلام عليكم

أسف لتقصيرى ياأخت إنجى و الله غصب عنى

طبعا اللى على الشط عوام..

لكن طالما انا عارف إنى ما بعرفش اعوم..
انزل البحر ليييييه

تحياتى لحضرتك

نعكشة يقول...

لولا الجملة الحمراء دية كان زماني كنت بقيت بطلة القصة


بكل ما تحمله من معاني

مش عارفة اقولك اية

بقالك فترة بتكتبى عني تقريبا :D

يلا خير

الأسلوب المرة دي تُحفة بجد

عجبتني حركة الهيا و الانا

جميلة بجد بجد

و المحتوى حاساة جداً

سلام عليكِ

3omda يقول...

مش فاهم حاجه خــــــــــــــــــــالص
:)

alshared يقول...

أسلوب متميز للغايه
.........
لست أدري أين البدايه
وأين الحقيقة من صور المرايا
وما خطوات الوهم
ومنطق الخطايا

........
دمتي بكل الود

محمود محمد حسن يقول...

اكتر حاجة شدت انتباهي اوي الراجل ابو شعر ابيض اللي فضل يبكي على السرير وبعدين مشى

حسيت الحتة دي اوي ، لأني عارف قد ايه صعب لما يبقى فيه حد هوا المفروض بيحبك ، وبيقول انه بيحبك وبيدعي انه بيحبك ، بينما انت عارف كويس اوي ان العلاقة ما بينكم لا تتعدى اكتر من علاقة شكلية فرضتها عليكم الحياة ، ومنظر اجتماعي لذيذ وخلاص

بوست جميل يا انجي فعلا

بس ايه حكايتك في الإنتحار اليومين دول ؟؟!!! ، ارجعي يا بنتي ، الحياة حلوة برضه

:))

تحياتي ليكي

لكل الناس وطن يعيشون فيه الانحن فلنا وطن يعيش فينا يقول...

فعلا يا انجى
دى قصة جميلة جدا يمكن انا حاسسها عالشان انا بمر بيها وصدقينى انا مش ببالغ هيا فعلا من احلى الحاجات الى انا قريتها منفترة طويلة
جهاد

Tamer Nabil Moussa يقول...

ازيك انجى
اخبارك اية

االف شكر على سولك عليا

ربنا يكرمك يارب

عودة
تحياتى

Unknown يقول...

نوجة:والله يا نجوى دماغى مجابتش اكتر من كدة وحسيت اى اطالة هتضر حالة الشجن اللى فى القصة..نورتى............


فارس بلا جواد:دكتور ازيك مفتقدينك والله...انا مازلت بقول انه غلطة مش عارفة ليه بس هو كدة يعنى المهم ان القصة عجبتك وطالما انت قلت حلوة تبقى حلوة لانك من الاراء اللى بثق فيها فعلا..نورت.............


حمادة زيدان:يا رااااااااااجل والله صح كدة انت قلت كلام زى الفل.........


من غير عنوان:بردو مفيش فايدة اومال الملحوظة لازمتها ايه بس؟؟ يللا ما علينا ملاحظة مقبولة جدا والمهم ان التناول عجب حضرتك نورتنى.........

Unknown يقول...

يوميات نائمة فى الارياف:عزيزتى رنا..فكرتينى بافلام زمان بعزيزتى دى المهم هو ممكن يكون اى حد ابوها ماشى جوزها شغال جوز امها يجوز طليقها ممكن اخوها احتمال اى حد يعنى دة كل واحد بقى ودماغه ...وبالنسبة لملحوظتك مااااااااااااشى يا رنا ماشى براحتك انتى تعملى اللى انتى عايزاه كل سنة وانتى زى الفل.............


واحد من البلد دى:ولا يهمك بالنسبة للتقصير بالنسبة للبحر بقى يمكن حران يا عم..............


نعكشة:منورة يا دكتورة بس معنديش رد على تعليقك عشان اى كلام هقوله هيبقى سخيف..خير خير نورتى

Unknown يقول...

عمدة:احم احم اكيد العيب فى القصة .....


الشارد:شكرا شكرا شكرا.........


محمود محمد حسن:الافتك يا اخ محمود انه حتى ميمثلش او يدعى انه بيحبك يا سلاااااااااااام قمة السلام النفسى وعلى فكرة مش دايما بيبقى مظهر اجتماعى لذيذ احيانا بيبقى بايخ وماسخ المهم عجبتك يعنى؟؟ ارجع فين يا كابتن منا موجودة اهو للاسف يعنى هروح فين يللا ما علينا نورت جامد.......


جهاد:طب الحمد لله انها عجبتك والله مبسوطة فعلا انها عجبتك يعنى تورت جدا يا جهاد.............


تامر نبيل:حمد الله عالسلامة..........

محمد حويحي يقول...

كان فيه سؤال علي راديو "صوتنا" - تقريبا- كان بيسال ايه اللي حيحصل لو طلعت فتوي لا تحرم اللانتحار؟! .. انا عقل مهوي .. لو ليا اني اقول رائي .. فانا شايف - أحم احم - انه ولا حيحصل حاجه .. لان الانتحار في كفعل هو قوه نابع من ضعف . .. مالوش علاقه بتيتا البته بالحلال والحرام .. انسان فقد الثقه في نفسه ومقدرته علي التاقلم مع الظروف المحيطه فبينهار .. بيضعف .. ووقت ما يصل " لقمه الضعف !! " بيكتسب قوه ومقدره .. لفعل الانتحار!! .. دا كلام عقل مهوي :)

محمد حويحي يقول...

تحياتي .. رديت انا علي الملحوظه الرفيعه وسبت باقي البوست لسببين .. الاول : لان الممنوع مرغوب :) .. قلتي بلاش كلام منده ..قلت كلام من ده .. ثانيا: لان البوست مش حعلق عليه الا لما اقرا باقي المدونه لو قدرت :) .. تحياتي مره تانيه

مذكرات مشاغب يقول...

طبعا هي مش حلوه خالص
هي روووووووعه
بجد يعني لو كنتي شيلتي اسمك وحطيتي اسم كاتب كبير كنت هصدقك
اسلوب الكتابه بتاعك جميل جدا


تحياتي

Unknown يقول...

عقل مهوى:تصدق عصبتنى جامد جامد يعنى..بس منور ................


مذكرات مشاغب:والله ما عارفة ارد بجد يعنى والله..شكرا جدا على الكلام دة.......

محمد حويحي يقول...

أي خدمه :)

Unknown يقول...

عقل مهوى:وش بيضحك وهو بيطلع نار من ودانه وكلاكيت تانى مرة..منور والنعمة الشريفة يا عم

غني يابهيه يقول...

اول زياره
زمان كنت بقول مفيش حاجه تخلى حد ينتحر ابدا
دلوقتى بصبر نفسى بس انا من جوه عارف ان مفيش اى حاجه تمنعنا من الانتحار
ماعدا انه حرام

تحيات بهيه
معلش نظره تشاؤميه

غير معرف يقول...

دكتورة انجى

تعذرى تقصيرى

أهذه الرائعة لك

اذن فسوف تملين من كثرة زياراتى وتعليقاتى قرأت لك قصصا أخرى

ولكن هذه قد تعدت حدود القصة لتمس شغاف القلب

ابدعت فى التكثيف الهائل للمشاعر الأنسانية كما أخذ الحى والسرد طابعا أندماجيا مميزا

أتمنى أن اقرأ الكثير من هذه الروائع

تحيتى

Empress appy يقول...

لا سيبك بجد عملتى القصه حلوه وبتوجع
بس برضه الانتحار حرام ههههههههههه

kalamfady يقول...

حلوة بس كأسلوب ومش عجبانى الافكار

أحمد بكر يقول...

على فكره الانتحار حرام و الانتحار ضعف
وش بيطلع لسانه
ازيك يا انوج حلوه القصه مش المقصد تايد او استنكار الى حصل بس مش النجاح اننا نعبر عن الصح بس لازم نعبر عن كل حاجه
حلوه و عجبتنى

م/ الحسيني لزومي يقول...

لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .

*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز

لنوقف شراء البضائع الأمريكية والبريطانية لشهر واحد فقط

سوف تكون تكلفة هذا الشهر عليهم خسائر مقدارها
37 بليون دولار

***

msafa يقول...

انتى مجنونه ومشاعرك اجن منك انا مش ممكن اللى القريته ده منهى الابداع ورائع

كيكى عوووووو يقول...

آسفة فعلا لقد ضيعت وقتك واستنزفت ثلاث دمعات وبضعة كلمات..يمكنك أن ترحل الان فقد اديت واجبك الاجتماعى كاملا...
***************
تصدقى انة عمره ما ادة دورة الاجتماعى !!!
هتصدقى ان شاء الله
ماعلينا**
اسلوبك عايزلوا بوسة كبيرة
عووووووووووووووووووووو

كيكى عوووووو يقول...

يااااااااااة تعليق محمود محمد حسن
كان هيخلينى اعيط!!
انت فنان يابنى على احساسك دة
سلاموا عليكوا
عوووووووو

موناليزا يقول...

روحها بتتكلم بحرية وبسعادة وبكل ثقة وكأنها لا تعلم مصيرها المنتظر!!!

mahasen saber يقول...

الانتحار حرام اه ما احنا عارفين
بس ربنا اليى هيحاسب البطله مش احنا

هههههههههه انا بهزر
انا معجبه جدا جدا جدا بالجمله اليى كتباها على عالمنا الكبير مبروك عطيه
لانه يستاهل اكتر اكتر من كده بكتير

adel يقول...

انا كنت داخل اشوف النظام.... و ااقول اهلا و امشي بسرع عشان المذاكرة...
و اابقي طلعت ذوق و رديت
---------------

لكن بجد القصة تحفة جدا.... و سيبك من حرام او لا...

احنا كلنا بنعمل حاجات حرام كل يوم ....

لكن بسيطة و معبرة و اديني فكرة لام الرواية اللي بكتبها و مش عايزة تخلص

ههههههه

متخافيش مش هاسرقك .... لانها بتتكلم عن موضوع تاني

بس زي ما تقولي كده الهام جاتني و انا بقرا قصتك
:):):)

Unknown يقول...

غنى يا بهية:انا كمان زيك بالظبط..نورتنى.......


المحارب المتيم:انا معنديش رد خالص على الكلام دة مش عارفة ارد ولا حتى اقول شكرا ..............


ابى:عجبتك فعلا؟؟ اه عارفة ان الانتحار حرام سيادتك بس هزارة مقبولة منك جدا ا امبراطورة...........


كلام فاضى:هو اهم حاجة الاسلوب ولو كنت قلت مش حلو وعاجبانى الافكار كنت قلت اهم حاجة الافكار يعنى كدة كدة مبسوطة بالتعليق...............


بيكر:والله يا بكر يا اخويا ما فهمت غير اخر كلمتين انها حلوة وعجبتك الكلام اللى قبلهم بقى عربى دة يا بكر؟؟......



مهندس حسين الزومى:شكرا على التذكرة...

Unknown يقول...

مسافة:احلى تعليق وصلنى من اول ما عملت المدونة دى..يحيا الجنان وعلى فكرة انت كمان مجنون وانا قلتلك دة قبل كدة لو تفتكر.........


كيكى:ازيك يا انتيختى؟؟ حلو يا بت التعليق دة وعارفة ان المعنى وصلك يا انتيختى وبالنسبة للدور الاجتماعى بخ.. محمود محمد حسن معجبينه بقوا كتير اوى عندى هنا مش معقول خالص يعنى كدة يا اخ محمود ..........


موناليزا:انتى ليه كارهة بطلة القصة كدة؟؟


محاسن صابر:ايون مش احنا اللى هنحاسبها وبالنسبة للدكتور مبروك فتعليقى عليه انه رجل والرجال مفيش...........


عادل:نورت يا ابنى ولو انى شايفة انك لازم تروح تذاكر زيي (وش خدوده حمرا من الكسوف)..نورتنى جدا.........

حروف يقول...

حلوة اوي القصة بجد رائعة نورتيني يارب دايما ومتكنش مرة وعدتت يابلدياتي
دمتي بالف خير

مـجـنـووون يقول...

يا ستي متزعليش مش هنتكلم عن الأنتحار ولا حاجه

ولكن هنقول ربنا يرحمها يا رب

تقبلي مروري
مجنووون

همسات شاب يقول...

جميلة أوي

جزاكم الله كل خير

Asmaa Fathi يقول...

اسلوبك جميل وسلس

تقبلى تحياتى

أشرف حمدي يقول...

جميلة جدا يا غنجي ، وماكنش فيه داعي للملحوظة الرفيعة :) أكتي كل اللي إنتي عاوزاه كما هو
رائع ، وفي انتظار المزيد

micheal يقول...

أسلوبك حلو وخفيف يا إنجي ومدونتك جميلة بجد بس رجاء رجاء كبري الفونت
:)
تحياتي

فشكووول يقول...

انجى الحبيبه ..
الحمد لله .. ربنا عداها على خير .. اشكرك يا ابنتى على سؤالك عنى .. والله انا احس انك مثل ابنتى ولو انى لم اراك وانا عندى الآن بنتان .. الهام وانجى
خالص تحياتى واعتذر عن التأخير لظروف السفر من اول الاسبوع ولم اعود الى البيت الا الان
مره اخرى تحياتى يا انجى

Tamer Nabil Moussa يقول...

قصة حلوة ومن ارض الواقع

واكيد الانتحار ضعف وهروب وكمان حرام

تحياتى

فتاه حالمه يقول...

عارفه يا انجي البوست بتاعك ده اول ما قريته فكرني باغنيه بحبها اوي بتاعت Evanescence اسمهاhello
بجد بجد والله ابقي حتي اسمعيها
بس بجد اسلوبك حلو معلش انا جيت متاخره
بس عجبني البوست فعلا

Zika يقول...

حلوه القصه اوي
كمان
عاجباني النهايه
اذا كانت دي النهايه
حلوه حلوه

اسماء عوني يقول...

الله
طب الانتحار حرام بقي
وضعف هه بس
وانهيار هه بس هه
بالعند فيكي بقي
( وش مطلع لسانه اطول من الوش بتاعك )
اسلوبك بجد جميل

كيكى عوووووو يقول...

انا جيت ووحشتينى اوى وعايزة نرغى اوى
عووووووووو

فشكووول يقول...

انجى العزيزه . تحياتى
اشكرك على التعليق .. الواحد بيبقى مبسوط انه قال معلومه جديده .. دا بوست على الماشى كدا يعنى عشان اغطى بيه المدونه بدل الواحد ما يتأخر فى الكتابه عن موضوعات مهمه .. تلاحظى انى لم ارد على التعليقات عندى لأنه موضوع لا يحتاج للنقاش والجدل وهو موضوع تاريخى يأخذ على علاته
تحياتى