السبت، 24 يناير، 2009

ناثر البخور...عشان الحسد

تحديث :بص يا طارق عشان ابقى عملت معاك احلى واجب يا ابنى وتشيل جمايلى فوق دماغك ادينى بقول اهو يا جدعااااااااان حفل توقيع كتاب طارق عميرة كلاكيت تانى مرة هيتعمل فى معرض الكتاب يوم الاتنين اتنين فبراير فى معرض الكتاب سراى 3 دار اكتب للنشر والتوزيع الساعة واحدة الضهر والكونت اللى هو دكتور احمد خالد توفيق هيروح اللى عايز يروح يبقى يروح ادينى قلت اهو و سيحت جامد ومتقلقوش انا هبقى احقد من مكانى هنا على كل الناس اللى هيروحوا لانى مش رايحة...لازمكوا حاجة تانى؟؟بداية محتاجة من كل واحد هيقوم بقراية الموضوع ان يشغل خياله شوية يا جدعان مش كدة...بصوا تخيلوا ان فى صورة كدة اللى هى غلاف كتاب ناثر البخور..ماشى؟؟ تخيلت؟؟؟
معلش اتعب نفسك شوية اصل انا مش بعرف اضيف صور للموضوع اعمل ايه يعنى؟؟
(ناثر البخور) عنوان كتاب طارق عميرة الجديد..الكتاب عبارة عن مجموعة قصصية مجمع فيها بعض القصص القصيرة التى نشرت على مدونته او لم تنشر بعد... والكتاب صادر عن دار نشر اكتب...
طبعا طالما فى كتاب يبقى اكيد فى حفل توقيع للكتاب دة اصحوا شوية معايا مش كدة يعنى...
المهم انى كنت من ضمن الحضور فى حفل التوقيع دة وقررت انى احكيلكم ايييييييه اللى حصل يومها.. بس انا بقى هكتب عن انطباعاتى الشخصية جدا عن الحفل واللى هى غالبا متهمش حد غيرى يعنى بس انا هكتبها عادى.
على بركة الله.
اولا الحفل كان ظريف جدا جدا – خاصة بالنسبة لى - شفت ناس زى الفل كان نفسى اشوفهم من زمان وشفت الكونت دكتور أحمد خالد توفيق بحااااااااااااااااله...
المهم أول واحد شفته هو أسامة أمين لانه طنطاوى طبعا اومال هستغل مين يعنى؟؟؟
المهم وصلنا المكان وبالمناسبة مش بعيد عن المحطة غير خمس دقايق مشى بس...دخلنا لقيت طبعا طارق واقف عامل شبه أم العروسة مشغووووووول ومش فاضى يتنفس ...دخلنا ازيك يا طارق مبروك يا عم..الله يبارك فيكى اتفضلوا..اتفضلنا وبعدين قاللى الراجل جوة على فكرة...باستهبال مبالغ فيه راجل مين يا طارق قال دكتور أحمد طبعا...دخلنا.........(موسيقى بقى) دكتور أحمد خالد توفيق لبى دعوة طارق عميرة وحضر الحفل ...سلمنا عليه طبعا بس انا ساعتها مكنتش فاهمة هو ازاى موجود كدة يعنى وقاعد معانا فى مكان واحد ؟؟؟ وبعدين دكتور احمد اساسا بيبقى فى الصور لابس قميص اسود لكن دة لابس بدلة رمادى...خواطر سخيفة طبعا نسيتها لما سلمت عليه لان طالما سلم يبقى حقيقى مش صورة....
بعد كدة خرجنا القاعة بعد تبادل عبارات التهنئة تاااااااانى والسلامات والتعارفات...
بعد كدة كذا حد اتكلم عن طارق بس هنا بقى لينا وقفة صغنتوتة....يا جدعاااااااان الحفلة دى معمولة عشان طارق ولا يجوز ان كل واحد يتكلم عن انجازاته الشخصية فيها ...عشان كدة اتغظت لما مؤلف رواية تمارا – مش فاكرة اسمه للاسف بس هو رامى حاجة – اتكلم عن اى حاجة فى الدنيا ما عدا طارق عميرة... و فى واحد كمان اتكلم عن حاجات مش فاكراها طبعا بس مكانتش تخص المجموعة نوهائى.... دكتور أحمد لما اتكلم اتكلم عن طارق شخصيا وبعدين قال انه لسة مقراش المجموعة لكن ممكن نتكلم فى الطريقة اللى كتبت بيها وقوانين كتابة القصة القصيرة و أدار حوار لطيف مع طارق... محمد الغزالى بقى لما اتكلم يالهويييييييييي فضح الولد على الهواء مباشرة...اتكلم عن تعارفهم باسلوب ظريف واتكلم عن طارق انسانيا واتكلم عن المجموعة...يعنى بصراحة الراجل اتكلم حلو اوى فيما عدا يعنى انه قال ان طارق وغد ساعتها راح طارق قام من مكانه قاله كفاية كدة متشكرين منك...كمان قال ان طارق مفترى لانه بيقول انه مش رومانسى مع ان فى قصص فى المجموعة بتقول عكس كدة خالص....بصراحة الغزالى احيا القعدة حلو اوى....
طارق لما جه يتكلم عن المجموعة قال ان افضل تعارف انه يقرا جزء من احدى قصص المجموعة واختار الذين صمتوا – بالمناسبة يا طارق انت بتنطق تلفاز غلط يا معلم – بعد كدة دار حوار عن مدارس القصة القصيرة و الرواية والكتب المنتشرة دلوقتى والمدونات اللى اتحولت لكتب مؤخرا وطبعا دكتور احمد هو اللى اتكلم بقى فى الحتة دى عشان الكورة بقت فى ملعبه....اتكلم عن حاجات كتير تخص الاسلوب فى القصص وازاى تتعلم من حد سبقك وكدة يعنى....وقال انه فخور انه موجود فى مكان فى شباب صغيرين بيعرفوا يعملوا حاجات مفيدة وبارك لطارق عميرة .....
اثناء الحفلة بقى ولحد اخر دقيقة تليفون طارق رن بتاع 1254789625 مرة...ايوة يا عم كاتب بقى وبتاع – ايوة هو حقد عايز حاجة - بس بجد كان يوم جميل والله يا طارق تستاهل احسن من كدة كمان..عقبال الجاى يارب.
الحفلة انتهت و خليت طارق يوقع على نسختى – اومال هو حفل توقيع ليه – ونزلنا....
طبعا أسامة أمين عمل احلى واجب و على فكرة الكاستر كان حلو يا أسامة الله ينور...
ركبت القطر تانى متجهة لمدينتى حبيبتى اسكندرية وانا مبسوطة وفرحانة ومش مصدقة انى قضيت يوم حلو كدة والصراحة مكنتش مصدقة ان حلمى اتحقق وشفت دكتور احمد واتكلمت معاه كمان – على فكرة راجل ذوق ذوق رائع من الاخر – وكمان فخورة ان عندى اصحاب حلوين ويشرفوا كدة....
فى حد مكانش موجود فى الحفلة ومالوش دعوة بحد خالص من اللى كانوا موجودين بس هو بجد بجد اللى خلانى اعرف استمتع باليوم ومتضايقش لو كان فى حاجة بايخة حصلت الحد دة محمد ممدوح شكرا يا محمد انت عارف طبعا قصدى ايه.....
بس فى حاجة بقى تخصنى انا بعيدا عن كل دة انا لسة مقولتهاش...الحاجة دى انى عرفت ان ماما واثقة فى دماغى اوى و ممكن تنفذ اى حاجة انا عايزاها لانها شايفة انى بفكر صح و رغباتى لا تتعارض مع مصلحتى....دى حاجة مفرحانى اوى..
مبروك يا عم طارق انا قلتلك مبروك كتير اوى ايه دة كفاية كدة بقى....

هناك 46 تعليقًا:

Gannah يقول...

انجى الجميلة
أنا أول تعليق ..الحمد لله
بجد شكرا جداا لذوقك أهو كده الحكايات ولا بلاش
مش نظام النشرة الاخبارية ..
أنا قلت محدش هيحكى كويس الا بنوته ..دى بقى ميزة البنات
طبعا طارق يستاهل كل خير ..أنا طبعا مقرتش المجموعة لكن قريت الذين صمتوا
وأنا رأيى فى طارق قلته كتير فخايفة الناس تقول عليا متحيزة..
ويارب عقبالك يا انجى
بس تخليكى حلوة وتعمليها لما اكون فى مصر ان شاء الله
وطبعا بقى نخلى طارق يتوسطلك ويعزم د.توفيق ولو انى أخاف عليكى من الفرحة
بس ليه الفضيحة التكنولوجية دى
متعرفيش تحطى صور ؟؟ طب ما تخلى انتيختك تعلمك
شكرا يا انوووج
سلامى لماما
اديك عرفتينى كمان مواهب الغزالى ..بقى أحيا الحفلة :)
هديه لينك البوست ولو انى عارفاه ممكن ميعلقش
تحياتى

صوت من مصر يقول...

جميل يا انجى بس البخور ممكن يحرق السجاده ولا ايه ؟.

adel يقول...

بصي ...

انا شغلت الخيال

و عاجبني الكلام عن الكتاب و احتمال اشتريه بس احب اعرف هو تابع لانهي دار نشر

كل ده كوم و انك تشزفي دزاحمد خالد توفيق و متقوليش قابليها

انا هولع في نفسي بعد ماغطس نفسي في كوكاكولا ياجدعان

(وش متكدر اخر حاجة)

ربنا يسهاله ياعم

:):):) طب ابقي قولي

adel يقول...

ههه انا جيت تاني

و رديت عليك عندي بس قلت اجي رخامة :):)

فاضي شوية النهاردة و بدلع نفسي :):)

كويس احتمال اشتري الكتاب من المعرض بس لما اروح ان شاء

و اكيد رايح بس بعد الامتحانات :)

عالم حبيب يقول...

مشاعرك جميلة .. مبروك لطارق .. وربنا يارب يوفق الجميع

romansy يقول...

مبروك يا استاذ طارق وبلاش البخور دا فى نوع احسن على فكره

mohamed ghalia يقول...

جميل التواجد الرائع للمدونين فى كل مكان
وجميل إهتمامك بده
دمتى بكل الود
فى حفظ الله

tarek يقول...

لا مؤاخذه
انا طارق بس من حساب تاني
انا متااااااااااابع
وراجع للرد

gana magde يقول...

انجى

جميل اسلوبك فى سرد وقائع الحفلة

ورغم انى معرفش مين طارق بس قوليله جنى بتقولك مبروك وربنا يوفقك

وعقبال يارب ما كل حد موهوب يعمل حفله وينشر مؤلفاته

تقبلى تحياتى

Mohamed Hamdy يقول...

ممكن اسالك على حاجه ؟

هو حفل التوقيع اللى بتتكلمى عنه ده كان امتى ؟ هل كان من فتره قريبه ؟ لانى قريت على النت ان الحفل ده كان يوم 15 يناير وانتى كاتبه عنه 25 يناير يعنى بعد عشر ايام فا انا مش عارف هل فعلا هو كان من عشر ايام يعنى يوم 15 ولا كان فى وقت اقرب من كده ؟ لانى قريت خبر عن حفل التوقيع وكنت عاوز اروح لكن اكتشت ان المعاد فاتنى فا مش عارف هل فعلا كان يوم 15 يناير ولا بعد كده

ياريت توضحيلى


شكرا جزيلا

blue-wave يقول...

مبروك لطارق
وليا عتاب كبير عليكى

سقراط يقول...

مع انى بعيد تماما عن الموضوع
لكن واضح قوي انك بتحكي باحساس عالى قوي
وفى الغالب كتبتي التدوينة دى بعد وصولك اسكندرية مباشرة
وواضح كمان انك كنت فرحانة عشانه بجد
عموما مبرووك لطارق
مع انى ماتشرفتش بمعرفته
ومبرووك ليكي لانك قابلتي د.احمد
====================
اه بالنسبة لموضوع الصور
انا ممكن اساعدك لو تحبي

كيكى يقول...

قبل مارغى واقول الى فى نفسى فى كلمتان محشورين فى زروى من ساعة ماقريت التدوينة دى
انتيختى مضرا اقولك...
......................
......................

بكل اسف



هقول اهو






فضحتينااااااااااااااااااااااا
على الفضائيات..يا اختشى بموضوع الصور دة!!!!!!!!
قال وانا من زمان بستغرب هى البت دى مش بتحط صور لية؟؟
منا معاكى بقالى 100 سنة اهو لحد ماقربت اخلل مقولتيش لي ليييييييية؟؟..زمانك فى الامتحان دلوقتى ربنا معاكى يارب ولمة نتقابل على بليل هبقى اقولك ومعاكى اتنين جنية 60 قرش ايوة عشان جايلى متاخرة والموضوع خرج من ايدينا يابنتى...ان شاء الله بنت!!
احم احم ايييييييية التهيس دة سورى
المهم يا انتيختى مبسووووووووطة كتير انك روحتىومبسوطة اكتر انك شوفتى
هااااااااا***وش بيغمز حمو خالد ايوة ياعم عاجبتنى حتة انك بتقولى لطارق انة مش عارف ينطق تلفاز صح**لسانك متبرى منك**
وربنا يخليلك ماما ودايما تفهمك كدة الله مالاحسد يعنى
**************************
يالهوى كل دة تعليق مش عارفة حسيت بقالى زمن مش كلمتك!!!
عوووووووووووووووووووووووو

كيكى يقول...

يخربيت السبرتو بعد كل الرغى دة مقولتش
لطاااارق مبروووووووووووووووووك
مبرووووووووووووووووووووووك
عووووووووووووووووووووووووو

Zika يقول...

ايه ده
انت قابلتي احمد خالد توفيق
يالهوي
ده انا كدا لازم اتصور معاكي
واعلق الصوره في المطبخ جمب الحلل كده
يالهوي
بصي من الاخر انتي كده عديتي خلاص وماحدش هيعرف يكلمك بعد كده
يالهوي طب ما سلمتيليش عليه ليه بس يا انجي
الله بقي
ده اسمه كلام ده
لو شوفتيه تاني قوليله زيكا بيقولك انت جامد يا معلم
وماتنسيش ( يا معلم ) دي اهم نقطه
عموما مبروك لطارق رغم اني ماعرفوض بس ان شاء الله ابقي اجيب الكتاب لما انزل المعرض بعد الامتحانات

ومبروك يا ستي عاليوم الجامد يارب دايما
سلام

ط يقول...

ازيك يا انجي
اسلوبك ممتع فعلا في الحكي
استمتعت بجد
مبروك لطارق طبعا المجموعة الأولى
بالمصادفة أنا كنت عند يحيى هاشم
مدير عام دار اكتب اللي صدر عنها الكتاب وأهداني مشكورا نسخة..
ولم اكن قد سمعت عن طارق- شريكي في الاسم - أي شيئ واضح انكم مجموعة تعرفوا بعض كويس يا ترى هل بتجتمعوا في مكان ما ؟
عن المجموعة:
بصراحة
لما عرفت منك انها المجموعة الأولى ده ممكن يدي تفسير لبعض التساؤلات الي كانت عندي
لأن كتير من القصص كانت تقليدية خاصة في اسلوب السرد واللغة شوية مباشرة وممكن نتكلم أكتر عن المجموعة في مناسبة تانية
لكن دلوقت نقول مبروك
أه صحيح عجبني الغلاف اللي مصممه حاتم عرفة..
سعيد بزيارة مدونتك
ط

حازم سويلم يقول...

لو اعرف ان الكونت" أحمد خالد" كان موجود فى الحفلة كنت جيت فورا, تحياتى على انطباعاتك

Abd-Alrahman يقول...

قصة جميلة
بس طويييييييييلة
الصراحة مقريتهاش كلها

ههههههههه
سامحيني
تحياتي منتظر زيارتك

الصيدلي المطحون

شفقة هانم واحسان بك يقول...

مشاعرك حلوة اوى اوى
ياريت تباركى لطارق نيابة عننا
وعقبال صدور كتابك
تحياتى

3omda يقول...

Congratulation for your friend 4 his book,and 4 u coz your dream came true "u saw Dr,Ahmed"

اسماء عوني يقول...

طالما كده
قوليله مبروك رغم اني ماعرفوش
وعقبال الكتاب الجاي كمان
الله ... قابلتي دكتور احمد
انا متهيالي اني ممكن اخده بالحضن

رواية للنشر الإلكتروني يقول...

الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .


موقعنا ( http://rewaya.tk )


إيميلاتنا
rewaya12@hotmail.com
rewaya12@yahoo.com

micheal يقول...

وأنا كمان حقوله مبروك
وبجد أنا معجب جدا بمثل هذه التجمعات التدوينية في الفترة الأخيرة
تحياتي

انت تسال والكمبيوتر يجيب يقول...

دعوه
الأخ العزيز/او الأخت العزيزه
تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

سمكه واحده يقول...

السلام عليكم
اولا مبروك للاستاذ طارق
ثانيا يا انجي يا حببتي تعالي هنا ايوه تعالي هنا علي جنب انا هقولك كلمتين بس متفضحنيش انا في حجات كتير مبعرفش اعملها وبيعلموني هووووش اه وربنا وبهبل احلي هبل في المدونه
ثالثا بقي نفسي اوي احضر معرض الكتاب ده واروح االقاهره وركبتي قطر يا بختك من زمان ركوب القطار وحشني وسيدي وصالك وكده يعني واخده بالك انتي

عقبالك يا جميل واسلوبك ممتع في الحكي هما بيقلوها حكي ولا حكاوي ياله ما علينا اتشرفت بتعليقك جدا
اتمني التواصل
تحياتي

Hossam يقول...

انجىىىىىىىىىىىى
ازيككككككككككك
وحشتينى جدا وحشتنى كومنتاتك اللى بتاكدلى ان الموضوع اللى انا كتبة موضوع صح صح
موضوعك لذيذ اوى وقلتى لطارف مليون الف مرة الف مبروك كده كفاية ههههههه
ربنا يوفقة يا رب
سلام صديقتى

كوارث يقول...

خالتي جنة ..
ردي عليكي هتقريه في مدونتك ..
بجد لسه بفكر هكتبلك ايه ولا ازاي

صوت من مصر
ممكن جدًا

adel
الكتاب صادر عن دار اكتب للنشر والتوزيع
سراي 3 علوي معرض الكتاب
حفل توقيع المعرض يوم الاتنين الجاي 2 فبراير الساعه الواحده ظهرًا
والمفاجأة بحضور الدكتور أحمد خالد توفيق !

عالم حبيب
الله يبارك فيك ويوفقنا جميعًا

romansy
الله يبارك فيك يا ريس
وصدقني كل البخور اللي في مصر مضروب

جنى مجدي
مبروكك وصلت والله يبارك فيكي وشكرًا جدا , ويا رب كل موهوب يشق طريقه ويوصل لهدفه

mohamed hamdy
حفل التوقيع راح فعلا ..
بس في حفل تاني في معرض الكتاب المصري يوم الاتنين ..يا ريت تنورني

blu wave
الله يبارك فيك..

لي عودة ..

أحمد سعيد بسيوني يقول...

كان نفسي اكون موجود

بس للاسف سمعت عنها بعد انعقادها

متعوضة

ان شاء الله

مـجـنـووون يقول...

والله بتبقي حاجه حلوه لما المدونين يخرجوا من العالم الأكتروني ونشوفهم علي أرض الواقع

وبعدين مش عيب تبقي اسكندرانية ومتعرفيش تحطي الصورة ( وش بيطلع لسانه )

تقبلي مروري
مجنووون

محمود محمد حسن يقول...

كويس انك فرحانة ومبسوطة ويجعل ايامك كلها سعادة وانبساط وفرحة ،

عقبال ما نحضر حفل توقيع كتابك كده إن شاء الله

وينكى يقول...

عااااااا
اخص عليكي
بجد زعلت
وماتقوليليش انك رايحه يا ندله
لا بجد اخدت على خاطرى منك
والباشا التانى الغزالى
حسابه معايا عصير
انا متخيله شكل اليوم.. مبروك لطارق وعقبال مجموعته القصصية العاشرة
:)

فارس القمر يقول...

السلام عليكم

جميل قوى الحفل اللى كنتى فيه علشان انا شوفتوا وكنت موجود طبعا فى خيالى

انتى اللى قولتى تخيلوا المناظر

بجد فعلا انا تخيلها وكانت حاجه جميله جدا التجمع اللى حصل كان من المدونين او من غيرهم

والف مليون مبروك

وشكل استاذ طارق اتحنق منك علشان كل شوى مبروك والله يبارك فيكى وعقبالك ربنا يخليك

واتفضلى نسكافيه

تحياتى لك ودمتى بخير

كيكى يقول...

فينك مختفية
وحشتينى اوى والله حاسة بقالى زمن مش كلمتك
عاااااااااااااا
معيش رصيد
عوووووو

يوميات نائمة في الأرياف يقول...

حبيبتي انجي
ربنا يخليكي ليا اكيد ان شاء الله لما افك الاضراب اللي انا عاملاه وافكر اتجوز انتي اول واحد هعزمها بس تبقي تيجي انتي بس
ماشي؟

علي جاد 0185556783 يقول...

سلام..
أنا هاجبلك من الآخر من غير لت وعجن
انت سكر .. واسلوبك عسل، وشكلك ما بتحبيش المظاهر، ودوغرى وصريحة علشان كدا عجبتنى مدونتك ..
ونبى ..ونبى .. وحياة خالك حسن
تطلى على مدونتى وتقوليلى رأيك لأنه يهمنى خاصة إنك نفساوية..نفسانية..
يووووه..شكلى مش مجمع .....سلام

صحفية روشة يقول...

جبتنى التدوينه
وعجبنى بلوجك بوجه عام لذيذة بجد
وحظك انى كنت بسمع يونس
لما شوفت كلمة(ودة حب ايه اللى من غير اى حرية)
وانا بموت فى منير ومش بيضحكنى غير صبحى
هو انتى وانا مش واخدة بالى ولا ايه
___________________________
اقرا اخر بوست(مين بيحب ربنا؟) يا جماعة البوست للى بيحبو ربنا فقط اللى غير كدة لا
_________________________________
ادخلو مصطبتى التانية لوحة شرف
مدونة لكل من دون فابدع
هتلاقوا اللينك فى مدونتى

Tamer Diab يقول...

والله تنفعي تعملي دعاية وأعلان اصلي
وأنا اول مره أعرف طارق نظرا لظروف غياب عن اي حاجة وان شاء الله هجيب الشغل الجامد ده وأقرأه
تقبلي الزيارة بتاعتي
طبعا أنا عارف :)

elsha3er يقول...

اولا انا بهنى على الكتاب

ثانيا بجد تعبنا من التخيل


احمد الشاعر

adel يقول...

انا لسه راجع من هناك و شفت د.احمد و اشتريت كمان الكتاب بتاع طارق :):)

adel يقول...

هههههه

من عيني هاقراها و اول رائ

و كمان طارق زي العسل بجد

و تليفونك وصل :):)

و د.احمد فظيع ....مكنش في الا 3 او 4 فانا فضلت ارغي معاه ساعة :):):)

بجد يوم تاريخي في حياتي :):)

أبو العريف يقول...

مبروك يا طروق
عالي انت يا مان
بس المشكله في البخور اللي مالي الجو ده

gana magde يقول...

ازيك يا انجى

انتى رحتى فين ليه بتتاخرى فى الكتابه

عموما يارب يكون المانع خير

تحياتى

الحرامي يقول...

مبروووك يا باشا

الحرامي يقول...

اه نسيت
انا جيت علقت وجريت علي طول كده
عشان المدزنه شكلها ملغمه حكومه
انا ماشي بقي

Sharm يقول...

مبروك

will يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園