الأحد، 15 مارس 2009

الأب عتمان والأم حفيظة

هل تذكر صلاح منصور فى دور العمدة فيلم الزوجة الثانية؟؟؟
مشهد انا شخصيا أراه عبقرى عندما كان يقنع زوجته ان تتركه يتزوج فاطمة الفلاحة وارضاءا لها عندما طلبت ان يكتب المولود باسمها قال بكل بساطة و أريحية (خلاااااااااص يبقى الاب عتمان والام حفيظة ) .......
لا اعرف لماذا يذكرنى هذا الموقف بما يجرى الان على هذه الارض المسماة مجازا وطن.
التعديل الوزارى الجديد والذى بقى فيه كل الوزراء الذين لا يمتوا للشعب بأى صلة و طال التعديل وزير الرى الذى خرج فى أول أيامه بتصريح عبقرى أنه سوف يتم تخصيص مياه الشرب....هذا التعديل تم تأليفه و توليفه واختيار الوزراء الباقين وانتقاء وزير الرى الجديد من قبل العمدة – اللى هو صلاح منصور متودوناش فى داهية – والشعب يلعب دور فاطمة فهى لا تعلم أى شىء عن أى شىء الا عندما فاجئوها بانها سوف تتزوج العمدة.. نحن ايضا فوجئنا بالتعديل الوزارى ولم نملك له أى ردع....
وكل يوم نوافق على اشياء كثيرة ليس من بينها أى شىء فى مصلحتنا فهناك ميثاق غير مكتوب بيننا وبين الحكومة انه اى شىء نريده هو حلم بعيد المنال وأى شىء ضد مصالحنا هو الهم الاول للحكومة وتسعى لتحقيقه بكل السبل الممكنة......
أنا مثلا لا اوافق ان ترتفع الرسوم القضائية الى اضعاف اضعافها فلتتركوها شكلا حتى لا نفقد الثقة كليا فى استحالة ان نستعيد اى من حقوقنا المهدورة....
انا ايضا لا اوافق ان يتم تأليه ضباط الشرطة و معاملتهم على انهم الهة اغريقية تقدر على تحقيق المعجزات وان يكون القب الرسمى لاى ضابط مصرى هو الباشا فالباشا راح الباشا جه الباشا يأمر فيطاع.....
لا اوافق على ان يروع كل الباعة الجائلين وسائقى الميكروباص و الذين يأكلون طعامهم الملوث بالعرق ارفض ان يطاردوا كالخارجين على القانون وارغامهم على ان يصبحوا فعلا خارجين على القانون..ارفض ان ارى احد السائقين يفرغ مركبته من الكاسيت والاكسسوارات وينظر لهم وهو يلفهم كانه يكفن ابنه فهو يعرف انه لن يسترد هذه العربة الان الا بعد دفع مبلغ فلكى ربما غير متوفر معه الان...
ارفض ان ينفذ مشروع تجديد الحافلات....احصل على خمسة الاف جنيه فقط لاغير مقابل عربتى والمطلوب ان اقبل باخرى جديدة واسدد مبلغ فلكى اول كل شهر والا احرم من مصدر رزقى الوحيد- خلاص كل حاجة فى البلد شغالة فاضل الميكروباصات – وعلى الا اعترض والا فالامثلة كثيرة لمن اعترضوا قبلى..
ارفض كل هذا وأكثر ولكنه يحدث وسيظل يحدث الى ان يكتمل سيناريو رواية يوتوبيا العبقرى ونصبح من الاغيار....هناك حل اخر بالمناسبة فأنا لست متشائمة الى هذا الحد الحل الاخر هو ان نتبع سياسة فاطمة عندما هتفت فى وجه العمدة (لهو انت جوووووووووووووووووزى؟؟؟)
هل نستطيع ان نفعل ام ان سلطة العمدة اصبحت مطلقة على رقابنا؟؟
اتمنى ان نستطيع فانا وغيرى نحب هذا الوطن بحق ولا احب ان اسمع اصدقائى يقولون انها لم تعد بلدنا او كما اسمع حرفيا (مابقالناش عيش هنا ) وعندما اعترض اواجه بالاستنكار الشديد وربما المعاداة ايضا...
نعم الاوضاع لا تحتمل بالمرة و العمدة يفرض سلطاته بقبضة من حديد ولكن فاطمة فى الفيلم استطاعت ان ترقده طريح الفراش ذليل مكسور لا يستطيع حتى أن ينطق......
هل هناك من يريد ان يفعل هذا؟؟؟ لا ارى كثيرا ممن يشجعوننى على هذا ولكنى فعلا معجبة بفاطمة ومعجبة بالجملة العبقرية التى رفضت ان يبقى الحال الاب عتمان والام حفيظة وحولته الى لييييييه لهو انت جوووووزى؟؟

هناك 22 تعليقًا:

صوت من مصر يقول...

ياه الاب مبارك والام سوزان والاحلى اننا برضه منها مصر
انتى منين ؟

Foxology يقول...

مهى مبقتش بتاعتنا بقت بتاعتهم

خلاص دورنا اتقلص وقرب من الأختفاء لكن انا بقول حاسس ان فى تغيير جاى ازاى وامتى الله اعلم بأة

تحياتى

نعكشة يقول...

يا انجيييييي :D

متنسيش دور الشيخ مبروك

و أطيعوا الله و أطيعوا الرسول و أولي الأمر منكم

:D

البركة في الشباب بقة

سلام عليكِ

غير معرف يقول...

الحقيقة كنت أتوقع أن تكون الردود علي ما كتبته بالألاف من الناس المعذبين في هذا البلد, من حرافيشه الذين يقاسون يوميا من عساكر الأنكشارية, وأبناء الوالي واتباعه الذين صاروا جيشا جرارا من الفاسدين لن يتركوا شيئا إلا حصدوه, أقول كنت أتوقع أن يغضب الناس في صورة ردود لاذعة تنتقد هؤلاء المتاجرين بكل شئ في البلد, البائعين كل شئ, والمشترين له في نفس الوقت, والمديرين له بالوكالة.
كنت أعتقد أن هناك من سيأتي ويلعن, ويجهز حذاءه ليستخدمه في يوم من الأيام في مواجهة وكلاء يديرون البلد لا نعرف نيابة عن من بالضبط من أعدائه, لكن هذه ليست المشكلة المهم أن هؤلاء الناس لا يمثلوننا, هم مجموعة من الباعة الجائلين علي موارد البلد, ومقدراتها, ليحصوها تمهيدا ليبيعوها رغم أنوفنا, لنصحوا ذات يوم, أو قولي لنعود ذات يوم من قبورنا, لنجد أنهم باعوا كل شئ, وتركونا تغني مع علي الحجار اللي تجيبه الريح بتاخده الهوايل, بينما هم في منفاهم ينعمون بما جاءت به الريح لهم من خيرات, وقتها وأنا أعلم أنه لن يكون بعيدا جدا كما يتصور اليائسون سوف نسمع العجب العجاب عما كان يحدث في بلادنا في الثلاثين سنه الماضية.
لن يتغير شئ في هذا البلد مادام يحكمنا مجموعة من المماليك الذين يعتبروننا مجموعة من الحسالة لا يعبأون بنا, لا بد أن يعرفوا أننا قادرون علي الموت, وليس عليهم هم فقط, لابد أن يدركوا أننا أصحاب هذه الأرض, ليسوا منا ,ولا نحن منهم ماداموا لا يرون مصالحنا, ويعملوا علي خدمتنا, هم موجودون لخدمتنا, وخدمة حتي الكلاب الضالة في شوراع بولاق الدكرور, لم يجلسوا علي كراسيهم ليجوعونا, وإلا سوف يأتي اليوم إن شاء الله الذي يقولون فيه لأحجار الشوارع خبؤنا من مصير محتوم.

رحلتنا في الحياة يقول...

متتعبيش نفسك ياانجى كل الناس قرفت من اللى بيجرى فى البلد كل الناس مش عاجبها الحال وبتعبر بكل الطرق والاستفزاز لسه زى ما هوا زى ما يكون بيقولوا اخبطوا راسك فى الحيط
ربنا يصلح الاحوال

حاسوباتيه يقول...

والله هو احنا اصلا الحكومه بتاخد راينا علشان نقول موافقين او غير موافقين ده حتى مابتدناش الراي ده هي بترغم علينا القرار ولازم ننفذه وخلاص ولو مش عجبنا نعمل اضراب

Gannah يقول...

وأنا أرفض
وغيرنا يرفض والأمور كما هى ..لا شىء يتغير
يمكن علشان بقى فيه مافيا كاملة والموضوع مبقاش بس عثمان وحفيظة
يمكن علشان فاطمة صابرة وبتصبر وهتصبر ويمكن تيجى اللحظة المناسبة اللى تقول فيها جملتها الشهيرة
اللى أنا متأكده منه ان اللى زى فاطمة كتير
اللى مخلصين لحبهم الأول ..لمصر الحقيقية
اللى بيسافر بيعمل زى بطل البحث عن حياة ..أول قصة فى مجموعة طارق ..بيبعد يدور عن حياة لكن الأكيد انه هيرجع وهيلاقيها
معلش متأثرة بيها ..أصل المجموعة جتلى فسعيدة جداااا
تحياتى

Amgad يقول...

عجبنى جدا اوى خالص الربط بين الفيلم والواقع وبحب الاسلوب دة جدا
علي كده صحيح الشيخ مبروك هيبقي مين
ترزية القوانين
حلو الربط بتاعك اوي يا انجي
وانا مبسوط انك بتستفادي مني كل متعرفيني اكتر
ربنا يخليني ليكو وميحرمكوش مني ابدا

SHAPE YOUR LIFE (ABOALI) يقول...

فى حاجات كتيرة تحت السطح لا نراها نحن
ولكن يعرف مغزاها السياسين
وكما تعرفى ان الهرم القيادى عندنا مقلوب
ولكن على الرغم من عيشة الطيشه اللى الشعب نايم صاحى فيها
الا ان التزام رد الفعل التشائمى ليس هو المخرج والحل
فابين عيشة وضحاها تغير الارض غير الارض
اهم شيىء اننا عند تغير الارض
يكون عندنا الفكر والاستقبال المناسب
مع وضوح الرؤية
وكل فرد عليه تشكيل مجتمعه الذى يريده لنفسه وليكن هو ذلك المجتمع الصغير له
ثم نكون نحن قدوه ولا تجرنا الايدى الى اسفل كما يريدون


تحياتى وتحية خاصه لفكر وصاحبة فكر اعجبنى

msafa يقول...

وخلف كل قيصر يموت
قيصر جديد


كلمات سبارتكوس الاخيره
امل دنقل

adel يقول...

كل كلامك صح بس مع احترامي

لما يبقي درجة البائعة الحاليين بقوا اكتر من الناس و يتعدوا علي حريتي ما انا ساعاتها هاقول يولعوا

او سواقين الكيروباص الغلابة اللي نصهم حشيشين و بيمشوا في البلد بدراعهم و اللي مش عاجبه يولع و الدليل حوادث الطرق ... كل يوم ااقري صفحة الحوادث في جرنال واحد مش هقولك 5 او 6 و شوفي بيكتبوا كام حادثة ميكروباص

الناس دي غلابة و تعبانين زيننا بس ازاي هاقول عندهم حق و انا اول واحد بضر منهم

سقراط يقول...

بعيدا عن كل الردود غير المتفائلة
انا شخصيا معاكى
ومتفائل جدا
ومتأكد اننا ممكن نعمل زى فاطمة
بس الاول نتخلص من كمية التشاؤم واليأس اللى جوانا

Ehab يقول...

اكثر حاجه حلوه في كلامك
اني بعد ما قريت شويه كده سرحت وتخيلت لو فعلا كل اللي بتعترضي عليه بشياكه كده ده يردوا عليكي بشياكه ويحلوا المشاكل دي بشياكه كده
يا سلام دي كانت تبقى العيشه اخر شياكه
اقولك خلينا نحلم باليوتوبيا على مزاجنا
قبل ما يمنعوا الأحلام

سلاااااااااااااااااااااام
اخوكي ايهاب

ليكوريكا يقول...

لعلهم يخلدون كما خلد سابقيهم

ولعلنا نظل نائمون كما ظل اصحاب الكهف

لكن الاكيد ...

هو احساسنا الان

هذا ما اضمنه اليك سيدتي

وان مرت علينا اوقات مشتتين حتى في الاحاسيس .

انا ابغض هذا الدار ...

انا سارحل عن هذا الدار ... باذن الله

هذا ما احسه .

ليكوريكا

mk يقول...

ربنا يولى علينا من يصلح
mk

سارة نجاتى يقول...

لا يا انجى أنتى مش متشائمة, طالما استشهدتى بفيلم الزوجة التانية ,على الأقل ليه جانب كوميدى
لكن هو الموضوع تقريبا زى ما تقولى كده شىء من الخوف " باااااااااطل" .
عجبنى أسلوبك و على العموم هم بتوع برج العذراء كلهم كده ... بيفهموا ههههههههه

تايه في وسط البلد يقول...

انا كمان هاقول

لهو انت جووووووووووووزي!!!

حلو الربط الجميل ده ويا ريت الجارة تعرف ان الكلام ليها

تحياتي

Zika يقول...

عادي الحكومه متجوزانا بالعافيه
والشعب بيتم اغتصابه كل يوم
واشطه ادينا عايشين اهو
بس حلوه طريقتك اوي يا انجي بجد
تشبيهاتك هايله
....
وانتي عامله ايه؟

فشكووول يقول...

العزيزه انجى
تحياتى
تصورى يا انجى ان هذا وطننا
كل شيئ يتم فيه بدون رضانا
كل ما ذكرتيه لا نوافق عليه
لكن هم يوافقون على مالا نريده
ربنا ياخد العمده صلاح منصور
هو مش مات برضه؟
امال ليه لسه عمده؟
وكم ذا بمصر من المضحكات
ولكنه ضحك كالبكاء
تحياتى

dr.lecter يقول...

الاغيار مش خيال ولا تخرفه من دكتور احمد الاغيار دلوقتي عايشين في القطاميه هايتس وبورتو مارينا بمنعزل عن اللي بيحصل للشعب الغلبان
اللي يغيظ فعلا ان الشعب راضي باللي بيحصل ومبسووط ومابيقولش لا

اخره يقول حسبي الله ونعم الوكييل ويدعي وبس

لكن يقدر يقف في وشهم ويقول حراام عليكم؟

مافتكرش

كراكيب يقول...

إلا يا اوختشي الخط صغير ليه؟؟

والله يا جوجا انا تعبت من اللي بقينا فيه
كل يوم بحس ان اللي ماسكينا دول ناس عباقرة ومخهم يوزن البلد اللي سارقينها وقوانينهم بتدل على تفكيرهم وذكائهم العالي
تعبت من الحسبنة والله

جوجا جوجااااااا
ممكن اقولك على حاجة ملهاش دعوة بأي الحاجات؟
مش انتي بتسمعي بلاك تيما باين؟؟
طب هما عندهم حفلة في اسكندرية
نصيحة من اوختشك حبيبتشك روحيها
يختيييييييي على الجمال والفظاعه والرهابة والفحاحة وكل الحاجات
لسة جاية من حفلتهم امبارح
يختييييييييييي في منتهى الجمال اللي في الدنيا

miro el niro kwaniro

Eslam Eldosoky يقول...

السبع
ملخوم بالصراخ اللي في حلوقنا
أصدر قراره
بحظر تجوال الحروف
والاكسجين
نفسه الصناعي
بيوهمه أنه رقابي
جمع الرصاص والدببات والرشاشات
لضرب كل الميتين
الميتين أتجمعوا
من غير ولاد المنه
أحزاب المعارضه المعصومين
لا دنيا ولا دين لعباد الفشل
لا دنيا ولا دين لعباد الطغوت
بأوصيك
في أخر لحظه
علي خط أفتراق الصبح
واليل نهار
بعد أكتمال الشمس في عيون الرمال
ماتفر دمعه من عنيك
قبل أما تميح من زمانك كل عار
---
تحياتي