السبت، 30 مايو، 2009

ليلة أخرى عادية


يجب أن أجد شيئا يصلح للأكل..
عندما تسأم التفكير ويتوقف عقلك تماما..اذهب و لتجد شيئا تاكله..
صدقنى انه علاج ناجح جدا وفعال..عندما تجد روحك مثقلة وجسدك منهك..عندما تشعر بذلك الغثيان المميز لركوب العاب الملاهى الغبية التى تدور بلا توقف..عندما تشعر انك لاتستطيع ايقاف تلك اللعبة السخيفة..اسمع كلامى واذهب و جد شيئا لتاكله..انه الحل السحرى عندما تتعقد الامور.
مؤخرا انا اعيش حالة الملاهى التى وصفتها آنفا..اركب لعبة غبية من تلك الالعاب التى صممت كى تفقدك اتزانك و اعصابك و تجعلك تشعر كالابله..الاسوأ اننى لم اركبها عمدا..الاسوأ على الاطلاق اننى لا استطيع ايقافها..كمن استيقظ من نومه فجأة فوجد نفسه داخل احد الفناجين العملاقة فى مدينة ملاهى كبيرة وصاخبة جدا..الفنجان يدور بسرعة شديدة وهو لايستطيع ايقافه..حالته غاية فى السوء فهو علاوة على ذلك يعانى رهاب الاماكن العالية..
دوار شديد..غثيان..صداع مفاجىء..ضيق نفس..
حسنا..حان وقت الاكل ولتدعك من تلك الخواطر السوداء..
اجلس لالتهم اى طعام موجود فالهدف هو الاكل فى حد ذاته و لايهم ما اذا كنت آكل لحما ام زرنيخ..ابتسم..ليته كان زرنيخا..
على شاشة التليفزيون هناك ذلك الفيلم السخيف..الممثلة البلهاء تواجه الكاميرا و تذرف الجلسرين والبطل يقف فى خلفية المشهد بوجه كالحصان خالى من التعبيرات ويهتف (مين اللى كان بيوصلك بعربيته يا مجرمة)..اضحك بصوت عالى رغما عنى..المزيد من الجلسرين ثم يرفع البطل كفه ليغطى وجهه فى حركة درامية مفاجئة..اضحك مرة اخرى حتى تدمع عيناى.
اضع المزيد من الطعام فى فمى و لا انظر الى الطبق مدققا فيما آكله..تلح على رأسى الفكرة..ليته كان زرنيخا..اضحك بشدة ولا اعرف لماذا.
هل انتهيت من الاكل؟؟ اذن لتعد الى الفنجان الذى يدور..انه ينتظرك بشوق..اعود..اجلس واحاول ان افكر..فيم افكر؟؟ هل سيحل التفكير أى شىء؟؟بالطبع لا..اذن سوف استسلم لقبضة الفنجان وادعه يدور فى سلام ولاتعذب انا باحساس الغثيان فى صمت فما أسوأمن انسان يملا الدنيا صراخا من حوله لانه مهموم..مهموم؟؟ يالها من كلمة مبتذلة وسخيفة..مهموم؟؟ تلك الكلمة لاتعبر بأى حال من الاحوال عما أشعر به..مهموم؟؟ حتى وقعها يبدو غبيا بعض الشىء.
متى سوف ينتهى كل شىء؟؟ لا أعرف ولكنى اريد ان اعرف بشدة..لا احب شعور الاحياءهذه الايام..انا لا امزح..فعلا انا لا استمتع بكونى اتنفس.
يدور الفنجان..الصداع اللعين يتملكنى..ماذا سوف افعل؟؟فى اى شىء؟؟ما هذه التساؤلات السخيفة؟؟اغلق فمك ودع الفنجان يدور..دورة كاملة حول محوره..ثم دورة اخرى..هل اسلى نفسى بان احصى عدد لفات الفنجان حول نفسه؟؟ لا..انا لا اريد..
انا غاضب للغاية..غاضب بشدة..لا اريد ان ابقى داخل الفنجان ولكنى لا استطيع ايقافه..ان هذا الغضب.......ماذا؟؟ انه ماذا؟؟ لا ادرى حقا..
امسك جانبى رأسى بكلتا يدى واضغط واغمض عينى بشدة..
انا متعب جدا..وحدى تماما..واشعر بغضب شديد.
يعود الهاجس ليلح على رأسى ..ليته كان زرنيخا..
ترى ما شكل الزرنيخ؟؟ هل هو موجود أصلا؟؟كنت أسمع عنه فى سير الابطال الشعبيين..البطل فلان سمم الوالى بالزرنيخ فمات الوالى وتزوج البطل حسناء القرية و عمت السعادة ونثرت الورود..كنت انتشى بتلك الحكايات..البطل يحصل على كل شىء ويعود الشر ذليلا مدحورا يجرجر اذيال الخيبة..بينما خلق الخير ليبقى.
لماذا ضحكوا على بتلك الحكايات قديما؟؟ لماذا اقنعونى ان الخير وجد ليبقى وان الشر زائل؟؟ لماذا لم ينتصر الحاكم الشرير فى اى قصة كى تكون واقعية قليلا او حتى على سبيل كسر الروتين؟؟
يدور الفنجان ويشتد الدوار..اغلق عينى اكثر .. تتسرب دمعتان من تحت جفونى المغلقة..ايها الابله..لماذا تبكى؟؟
ابكى لاننى مظلوم..ابكى لاننى متعب..ابكى لاننى خائف..ابكى لاننى وحيد..ابكى لاننى لا استطيع ايقاف الفنجان الذى يدور..ابكى لاننى لا املك ترف اختيار تناول الزرنيخ على العشاء لان الانتحار حرام..
امل من مناقشة نفسى..نسيت أن أخبرك امرا..اذا جربت حيلة الاكل ولم تنفع..انصحك ان تجرب النوم..نوم جميل ملىء بالكوابيس والعرق البارد و ارتعاش جفونك وتنفسك المضطرب..ما اجمل ايامك حقا.. ابتسم واغيب فى النعاس الغير لذيذ على الاطلاق.
اصحو مفكك الاوصال..منتفخ العينين..متورم الوجه..اهمس لنفسى (صباح منعش..يخربيت فقرك)..اغسل اسنانى امام المرآه..ابتسم واخبرنى ان الفنجان الدوار ينتظر فلا يجب ان ادعه يتململ..هناك لمحة من القسوة تعلو وجهى وانا اخبرنى بذلك..اهمس للوجه فى المرآة بقسوة مماثلة (صباحك زرنيخ).


.........انجى ابراهيم........
.................................................................................................
هامش:عارفة انى زودتها أوى ونزلت بوستات بالهبل بس دة نوع من انواع العلاج بالتدوين..ايون هو علاج بالتدوين حد عنده اعتراض؟؟
هامش تانى خالص:انا اتنشرلى قصة فى بص وطل وكان تعليق الناقد عليها حلو اوى جدا خالص كيفنى يعنى....اسامة امين..انت اللى قعدت تلح تلح تلح عشان ابعت لهم وبسببك ربنا بعتلى حاجة تخلينى مبسوطة حتى ولو لعشر ثانية يعنى..ميرسى يا اوس.دة لينك القصةhttp://www.boswtol.com/aldiwan/ndonia_250_089.html

هناك 36 تعليقًا:

عابر سبيل (عبدالرحمن محمود) يقول...

جميل جداً وصفك للمشاعر وكأنها مشاعر من يركب لعبة الملاهى التى تدور وتدور وتدور
وجميل ايضاً تعليقك على موضوع انتصار الخير دوماً فى نهاية القصة


ملحوظة:
البوست يحمل تأثراً كبيراً بكتابات الكونت رئيس جمهورية اللى بيفهموا

دمت بخير
السلام عليكم ورحمة الله

shicooo يقول...

امش عارف اقولك ايه البوست جميل بس ليه كده ...!!!!!!!
ماعلينا .... مبروك على القصة فى بص وطل
انا قريتها ...
بجد وصف اللخبطيتة الأنسانية دى صعب وحلو جداً
وكما اعتدنا منك .... دماغ وربنا


هامش صغنون ....
فكك من جو الفناجين والملاهى والبتاع ده .. وروقى كدة
عايز اسمع منك بوست روش كدة
اوك ؟!

enjy يقول...

عابر سبيل:أنا اخدت بالى من التاثير برضو بس قلت يعنى لما ابقى متاثرة بالكونت دى حاجة كويسة وحلو وجميلة وتهبل....شكرا عالتعليق.

شيكو:ليه كدة ايه يا شيكو دى قصة يعنى..احم احم لا تمت لكاتبها باى صلة..بعرف اكدب؟؟
المهم..عجبتك القصة على بص وطل بجد؟؟ الحمد لله..
اما عن البوست الروش اوعدك ببوست حلو مفيهوش اكتئاب فى القريب العاجل..هو مش بوست يعنى ولا قصة ولا مقال هو حاجة كدة هتعرفها فى وقتها..ربنا يستر...اتوحشتنى يا كابتن والله..نورت جامد

Mo7ammed يقول...

مساءك زرنيخ
^_^
البوست ده تحفة من حيث اللغة والتعبيرات والتشبيهات
واضح انك ضليعة فى قواعد اللغة
بجد متمكنة يا انجى

انما اوفر شوية من حيث الاكتئاب
صلى عالنبى واهدى
واعملى حلى الشهير جدا
اللى قلته لناس كتير (كلهم بنات *_*)
اما تكونى مخنوقة هاتى حد بتكريه وانزلي فيه ضرب لحد ما تحسى براحة نفساوية

او اقعد بصى للحيطة
وقومى بوسيها واحضنيها وكلميها
ساعتها الناس هتفكرك مجنونة
ويودوكى الخانكة
وبجد انا نفسى اروح هناك
عالم رايقة والله

adel يقول...

انا مش عارف اعمل كومنت علي البوست و لا علي القصة بتاعت بص و طل ؟؟؟

----------
البوست حلو جدا و حلوة حكاية الزرنيخ
فعلا ليته كان زرنيخا ؟؟
ههههههههه

شفتي الحب بقي ؟؟؟
ههههههههههههه

----------
القصة بجد رائعة جدا بالذات النهاية
قصة صغيرة جدا بس حلوة قوي
انا بحب الاسلوب ده جدا علي فكرة ....

Mo7ammed يقول...

وهروح اقرا القصة بتاعتك واجى
مبروك مقدما

نعكشة يقول...

واقعي بطريقة مقززة
اعتقد ان دة يدل إنه ممتاز

الالكل مبيعملش حاجة

التلفزيون كمان

بقوم من النوم حتى لو نايمة كتير اكني منمتش خالص

مش حاسة اني في دوامة اكتر مني حاسة اني ملزوقة في الارض ومش قادرة اتحرك
بروح واجي هنا و هناك و مش قادرة اتحرك

مش قادرة ابذل ما بوسعي

حاولت اني احمسني
فشل ذريع

ضربتني
مفيش فايدة

و للأسف ابشع شيء مكنتش عايزاة يحصلي
حصلي
انهاردة
هما بيقولوا فيه امل

وانا بقول اني مستحقش إن يبقى فيه ليا أمل

للعلم : الزرنيخ ملهوش ريحة

حرام عشان نفسي مش ملكي و مينفعش اتصرف في حاجة مش ملكي

طب انا مش عايزاها اصلا

حد ياخدها

عارفة تماما اني ممكن اعمل حاجات كتير و اني جوايا طاقة ممكن استغلها

بس مش قادرة
مش عارفة

ابشع حاجة انك تضايقي من اكتر حاجة بتبسطك في الكون

هوه ربنا مش عايزني؟؟؟

بس انا عايزاه

بحاول والله
بس مفيش فيا أمل

هفضل احاول

اسلوبك
مانتي عارفة رأيي


سلام عليكِ

نعكشة يقول...

انا كنت قريت القصة دية بتاعت بص و طل و عجبتني

عجبني قوي تعليق الدكتور

ان شاء الله المرة الجاية لما هتنشري هتفحميهم و مش هيكون فيه اخطاء لغوية

سلام عليكِ

ايوشة يقول...

كالعادة دايما متميزة وكتاباتك مثار اعجاب كل الناس بتمتلكى اسلوب فريد جد فى سرد افكار ماشاء الله عليكى ياانجى
بخصوص الاكل حل فى فترة اللى بتتدور فى الفنجان والله ساعات فعلا بيكون حل وعلاج شافى بس مش فى كل الاحوال الافضل منه بجد النوم :)

enjy يقول...

محمد:مساءك زرنيخ يا باشا...ضلييييييييع فى قواعد اللغة مرة واحدة لا مش اوى كدة يعنى...عجبتك؟؟ الحمد لله يا باشا هدفنا ان نسعدكم...اقرا بتاعة بص وطل ومستنياك..سلموءا....


عادل:ايه رأيك فى الزرنيخ عجبك يا دولة؟؟ كل يوم من دة يا كابتن نيهاهاها.....الحمد لله انها عجبتك وقصة بص وطل عجبتك يااااااااه والله مبسوطة يعنى...منور يا باشا..


نعكشة:وانا زيك على فكرة فى كل الحاجات اللى قلتيها...بس انا مقصرة اوى مع ربنا وهو بيكرمنى وواقف جنبى بلا اى سبب منطقى غير انه كريم اوى اوى..
القصة واقعية فعلا فعلا...عن قصة بص وطل انا عارفة انك قريتيها انا بس عايزة افرحك معايا...الحمد لله انها عجبتك والغلطات اللغوية والله ما عرفت اطلعها مش عارفة بقى اعمل ايه الصراحة انا اصلا فاشلة فى النحو والصرف جدا...
اسلوبى ورايك فيه بيحسسنى بفخر جهنمى...شكرا على كل شىء
سلام

مذكرات مشاغب يقول...

لااااااااااااااااااااااااااااااااااااااااااااااااا
طيب انا عايش ليه دلوقتي
حرام عليكي يا شيخه جرعة الفنجاين الدواره ديه كلها
تصدقي انا هروح اعملي فنجان قهوه عشان اظبط دماغي

انتي طبعا في القصص ملكيش حل
وفعلا بتتاثري بالدكتور احمد
انا ملاحظ كده من زمان

ومبروك على النشر في بص وطل
خلاص معدناش هنعرف نعلق هنا :)

تحياتي

Isolde يقول...

واضح انك اتعديتي من عمرو، ما تروحيش عنده تاني. زرنيخ، هي حصلت؟ لا لا لا ، انت كدة ينخاف عليكي و لازم تتحطي تحت حراسة مشددة.

عاجباني اوي فكرة الفنجان اللي بيدور دي، انا دوخت و انا باقرأ :)

حسام غانم يقول...

جااااااااامدة جدا جدا يا انجي

ومبروك على بص وطل

عمرو يقول...

شوفي يا إنجي يا بنتي
إحنا القصة دي أكل عيشنا أنا وأحمد
واللي يقرب منها مش بنرحمه.. ده احنا هانريحوكي (بصة ريا وسكينة)
هههه
أولاً
ليه خلتيه بطل مش بطلة. متهيألي لو بطلة كان هايبقى أحلى وأكثر جذبا وصدقا كمان. إيه المدلول ورا كتابة بنت لبطل رجل؟
ثانياً
مش عارف لما كتبتي الكلام القصصي ده ليه خليتي البطل يلجأ إلى حيل كلها لا توافقية وصوت العقل مش عاقل خالص.. بيقوله روح نام وخدر دماغك.


إن جينا بقى للأسلوب فأنا عجبتني جمل رائعة زي
"الممثلة البلهاء تواجه الكاميرا و تذرف الجلسرين والبطل يقف فى خلفية المشهد بوجه كالحصان خالى من التعبيرات "

و

"تلك الكلمة لاتعبر بأى حال من الاحوال عما أشعر به..مهموم؟؟ حتى وقعها يبدو غبيا بعض الشىء."

و

"ما اجمل ايامك حقا.."

الكلام في مجمله جميل طبعا.. بس انتي عارفة إني باحب أتقوقز:)

حكاية لا تنتهي يقول...

جميل تلك القصه ...... ولكن م قال ان حل الغثيان في تلك الدنيا هو الاكل في هذه الحاله سيتحول الامر الي قئ مباشر وذلك ليس غباء مني بالعكس فكلما ملات معدتك ولو علي سبيل الهروب كلما توقف عقلك وثقل جسدك وانفصلت عن الحياه وليس الواقع فقط وبعدها تداهمك الام المعده التي تنتهي بقئ شديد ومعها يبدا يوم جديد من حياتك

لي الحياه كانت بمتعة العاب الملاهي الغبيه اياها ولكنها اسوا بكثيررررررررررررررررررررررر

enjy يقول...

ايوشة:كالعادة رافعة معنوياتى بصورة مش طبيعية يا اية والله بتحسسينى انى شىء ما..بالنسبة بقى للمفاضلة بين حلين الاكل والنوم فهما الاتنين مش حلول اصلا دة اسمه هروب وانسحاب وضعف بس بيحصل بتكرار فظيع.نورتى.........


مذكرات مشاغب:ومعاك واحد قهوة ليا انا كمان يا دكتور احمد يا صقر..بص هى مش جرعة فناجين دوارة هى حالة اكتئابية شديدة اعتقد انها بتتكرر..الله يبارك فيك وطبعا انت تنور يعنى دة شرف ليا انك تعلق عندى هنا..........


ايزولد:لا والله يا ايزو انا كدة من زمان متظلميهوش...اما عن الحراسة فمتقلقيش انا مفيش حد يقدر يحرسنى والمكتئب هيفضل مكتئب لحد ما ربنا يفرجها عليه..دة لو فرجها يعنى........

enjy يقول...

حسام غانم:ربنا يخليك يا دكتور حسام والله شكرا على رايك فرحتنى الله يبارك فيك على بص وطل.........


عمرو:ريا وسكينة دى بتاعتنا احنا يا شابة هع هع هع.......البطل ولد عشان المشاكل اللى عنده صعبة اوى ودة باين فى الجزء بتاع مهموم..وبصراحة انا مشفتش بنات عندهم مشاكل صعبة ومميتة غير نسبة صغيرة اوى ودايما حزنهم بيبقى هادى ومفيهوش سخرية على عكس بطل القصة اللى كان بيسخر طول الوقت مع انه عنده جبل مشاكل وصراعات ...كمان هو بطل مش بطلة عشان حسيت ان هو دة اللى هيعبر عن الحالة افضل وعشان حاجة تانية اقولهالك بينى وبينك ومتقولش لحد؟؟ البنات مبيعرفوش يقولوا الجمل اللى كان بيقولها..دماغهم متجيبهاش يعنى اخرهم يعيطوا جنب الحيط..مش كلنا طبعا بس نسبة كبيرة مننا..
البطل لجأ لحيل توافقية غير صحية عشان هو تعبان اوى لدرجة انه مش عارف يفكر ودة واضح فى الحتة بتاعة لما كان بيعيط...اصل حياته والله صعبة اوى وهو محطوط جوة الفنجان مش عارف ينزل منه..
عن الجمل اللى عجبتك انا كمان عاجبانى الجمل دى على فكرة بس فى كام جملة كمان عاجبنى اوى يعنى كان مش انا اللى كاتباهم..
تقوقز يا عم براحتك واوعدك القصة الجاية بطلتها بنت ومش اى بنت يعنى دى بنت اوى جدا خالص...نتقابل القصة الجاية..نورت نور رهيب لدرجة ان عينى راحت...........


حكاية لا تنتهى:شكرا على رايك فى القصة بس عموما انا مقلتش ابدا ان دى حلول ناجحة البطل عنده تشوه من كتر ما هو تعبان و زعلان من اللى بيحصل له فبيتوافق بطرق غلط..بس كدة..نورت والله.........

3omda يقول...

واو..رائع يا انجي.
علي فكره انا حسيت بدوخه من الفنجان ده.وياريت صاحب الفنجان يكون بيحلم ،ويصحي بقي يلاقي نفسه بره الفنجان.

KIMOOOZ يقول...

ههههههههههه

على فكره انا قاعد فى الفنجان اللى جنبك فى نفس لعبه الملاهى الممله اياها

بلاش تهربى من الفنجان بالأكل لأنك ستتحولى بالتدريج الى الفنجان ذاته

واضح جدا تأثرك بأحمد خالد توفيق العبقرى

هو ليه كنت بتكلمى نفسك بصيغه المذكر و لا انتى كنت بتتكلمى بشكل عام

عمرو يقول...

على فكرة يا إنجي أنا ماما وأخوالي من اسكندرية بقى. يعني نص صعيدي. صحيح إنهم في الأساس خالص برضه صعايدة نازحين من حر الصعيد لكن جدي حضر ريا وسكينة. فاحنا لينا فيها
ههههه

ردك فزيييييييييع بصراحة عجبني قوي خصوصا وإنه مليان مغالطات. انتي عممت اللي بتشوفيه من كام بنت حواليكي على بنات الدنيا. أنا شفت بنات عندهم مشاكل أكبر وبيعبروا بطرق مختلفة. وده مش معناه إني صاحب علاقات نسائية متعددة

:)

مستني القصة اللي بعدها
باي

enjy يقول...

عمدة:عماااااااد فينك ياراجل والله واحشنا كتير خطوة عزيزة..صاحب الفنجان مش بيحلم يا عماد للاسف..نورت ومتبقاش تغيب تانى......


كيمو:لالالا تؤ تؤ تؤ نو نو نو اوعى تفهم ان دى خواطر دى قصة قصيرة حضرتك وبطلها واحد بنى ادم راجل انا ماليش دعوة قله هو انا مالى يا عم...اسلوبى شبه دكتور احمد؟؟ يا حلاوة يا ولاد والنبى دى حاجة تزعل اى حد وتفرحنى بشدة جامد يعنى...كنت مستنية تعليقك على فكرة..نورت يا عم........


عمرو:لالالا بغض النظر عن انك نص اسكندرانى انا واخدة توكيل القتل بتاع ريا وسكينة نياهاهاها
اه شفت كم المغالطات يا جدع دة انا يعععععع خالص...بس والله فعلا حاسة انه اوقع لو كان واحد راجل ولد يعنى..عموما مش مهم بقى هى جت معايا كدة يا عم وبعدين اصل البنات بيتخنوا بسرعة والولاد لا فقلت اخليه ولد عشان يحشر براحته هع هع هع..وانا كمان مستنية تعليقك على القصة الجاية ..نورت تانى

hager za3bal يقول...

اولا صباحك زرنيخ
ههههههههه

انا برضه لما بتخنق بحب أكل

وآدي يا ستي قايمه بمأكولات السعاده اللي بتخلي الناس مبسوطين:

الشيكولاته
الموز
الفراوله
اي مشروب يحتوي علي كاكاو او شيكولاته

:))

غروب يقول...

انجي

انا جيت اقولك وحشتينى اوى والله

واجرى بسررررعه للكتاب ادعيلي

وان شاء الله اقرا في اقرب فررررصه كللللللل البوستس اللى فاتتنى

بس اعمل ايه في الامتحانات بقه ؟

يلا سلامممم

Foxology يقول...

يا خبر ابيض ده ايه الفنجان الكبير اوى ده اللى الناس راكباه اليومين دول ؟؟

دوامة بقت ادمان شكلها كدة

تحياتى

blue-wave يقول...

يااااااااااااااااااة
بقالى كتير مجتش هنا
وحشتنى المدونه دى والله
اما البوست فمش هاضيف جديد
اسلوبك مازال يتطور للأروع اختى العزيزة
تحياتى بعد الغياب

enjy يقول...

هاجر زعبل:صباحك فل بلاش زرنيخ..الاكل مش علاج ناجح ولا حاجة دة بطل القصة عنده مشاكل فبيواجه مشاكله غلط بس...نورتى يا هاجر بجد........


غروب:منورة اجرى بقى عشان تلحقى الكتاب..لعنة الله على الامتحانات......


فوكسولوجى:اه انتشر جامد الفنجان دة بقى موضة اوى..بس موضة بايخة........


بلو ويف:دكتور عمرو نورت خطوة عزيزة استنى اجيبلك كابوتشينو..شكرا على رايك والله ميرسى يعنى........

شمعى أسعد يقول...

فعلا فعلا

يخربيت فقرك

حسيت بحاجتين

الدوخة بتاعة المراجيح
وانسيابية شديدة

مبدعة
روحى منك لله

سقراط يقول...

العزيزة جدا خالص
انجي
بالنسبة للتدوينة
فهي رائعة
الكلام عن المشاعر الانسانية بالبساطة دى ووصفها من غير تعقيد ورسم لوحة لحالة انسانية كاملة (حتى لو من غير الوان)
كل ده ما يتوصفش غير بأنه رائع
... تحياتي ...

enjy يقول...

شمعى اسعد:مش اوى كدة يا هندزة انت بس اللى متحمس عشانى شويتين كدة..ميرسى على رأيك بتخلينى مونشكحة جامد يعنى..نورت..................


سقراط:العزيز جدا اوى خالص سقراط..انت اللى رائع..بس كدة معنديش كلام تانى............

أحمد الشمسي يقول...

ده بس إثبات اني جيت وقريت... التعليق بالتفصيل على الإيميل... أي خدعة :)

سهر يقول...

عادي
أنا أيضا عشت ليالي كثيرة عادية
أحييك

كريم بهي يقول...

الايدي الخفية

بوست جديد

كريم بهي

نعكشة يقول...

فراشة بتتنقل بين الورد في البستان

الجملة دية فضلت معلقة في دماغي
فجيت أفرغ ما في جعبتي

دة تعبير انتابني لما شوفت ردودك على التعليقات في هذا البوست تحديداً دون غيره
والاختلاف اللي لاحظتة فيها

خير خير

إلا قوليلي صحيح

انتي هتخلصي امتحانات امتى؟؟

سلام عليكِ

enjy يقول...

أحمد الشمسى:علم يا فندم...

سهر:عادى كلنا كدة..نورتى........


كريم البهى:ماشى.............

enjy يقول...

نعكشة:اقولك ايه بس يا نعكشة؟؟؟ معرفش بس انتى من الاشخاص اللى بيدونى كتير اوى..انتى هتعترضى على الكلام دة انا عارفة بس فعلا انا حاسة بكدة..مترديش عشان انا مش عايزاكى تعترضى وتقولى اى حاجة لان مفيش كلام هيغير رايي اصلا....
كفاية انى حاسة انى شىء وانك بتهتمى تقرى كلامى وبتحسسينى انى بعرف اعمل حاجة فى حياتى...شكرا بجد..

انا هخلص امتحانات يوم الخميس الجاى..امتى بقى انا خلاص بجد جبت جاز والامتحان النهاردة كان غبى وخنيق..عارفة لما تبقى قاعدة منتيش عارفة السؤال دة معناه ايه اصلا؟؟ اصلا انتى مش فاهمة هو عايز ايه يعنى يمكن تكونى عارفة الاجابة بس موقفك قاعدة زى الهبل كدة وكل الناس زيك لدرجة انى شكيت فى القوى العقلية للدكتور....بس مع ذلك يعنى دة كان فى جزء من الامتحان لكن فى المجمل حليت الى حد ما معقول لكن مستحيل اجيب فوق الجيد فى المادة دى دة لو الدكتور متعصبش وفقعنى مقبول عشان انا غبية ومش فاهمة السؤال..ربك هيستر ان شاء الله....

البوست الاخير بتاعك فيه مشكلة عويصة جدا اوى خالص...الكلام كله رموز يا نعكشة مفيش حروف خالص...بصى البوست كله رموز ومفيش كلام لحد السطر اللى بتقولى فيه انك وقفتى لحد هنا..
يعنى كلها اشكال كدة ومفيش كلام مكتوب..
هو انا فاهمة غلط وللا فعلا فى عيب فى البوست وللا العيب عندى؟؟
انا عايزة اعرف عشان اروح اقراه..

على فكرة انا عملت نصيحتك ومشيت لوحدى المرة اللى فاتت بعد الامتحان الى حد ما استمتعت وحاولت ادلع نفسى يعنى...هعمل حاجات تانية كمان لزوم التوافق مع الذات ومصاحبتها وسنوافيكى باهم الانباء..

سلام عليك

غير معرف يقول...

حتى من يركب الفنجان الدوار يستطيع أن يرى ما حوله بوضوح مع فارق أنه لا يستطيع أن يركز على شيء مما حوله ، فإذا كان راضي وضعه فليجلس صامتا في فنجانه بلا صراخ ، أما إذا كان يريد التركيز فإما أن يطلب ممن فعّل مفتاح الفنجان إقفاله أو يقفز من الفنجان و يتحمل بعض الخدوش و التقيؤ ، غير ذلك فلا يلوم إلا نفسه على استئمان من لا يؤتمن أو على خوفه من الخدوش و التقيؤ .

محمـود حجـاب