الخميس، 4 يونيو 2009

ليست هوامش على الاطلاق

هذا الموضوع ليس هامشى تماما....به بعض الهوامش التى لا تخص احدا غيرى ولكنه ايضا يحتوى على بعض الاراء التى سوف انفجر كمدا اذا لم اقلها صراحة..
فلنبدأ.........
- انقلب وطنى رأسا على عقب بزيارة الرئيس الامريكى اوباما..فخر غير عادى بزيارة رئيس اكبر دول العالم واكثرها هيمنة..كل ما شعرت به قبل الزيارة بعد ما شاهدته من استعدادات وهمية لتلك الزيارة هو شعور واحد.. حسرة عميقة..اتحسر على موقف بلدى..اتحسر على الجهل الذى يغلف اعتى الرؤوس..حسرة شديدة عندما قاموا بتغيير شكل الشوارع تغيير جذرى..بناء نافورة..الغاء الامتحانات..تشوية قبة جامعة القاهرة وفى رواية اخرى تلميعها وصقلها..اغلاق المتاجر والشوارع..التنبيه على سكان المناطق المحيطة بالتزام المنازل..اغلاق الكثير من المؤسسات واعطاء اجازات غير مسببة..اصبحت القاهرة مدينة الموتى..جاء اوباما كى يلقى خطبة من قلب القاهرة الميتة..اعتقد انه كان يجب ان يرى القاهرة الحقيقية ليس لانه كبير العالم و سيد الدول جميعا ولكن لان كرامتنا كدولة لا تسمح لنا بذلك التخبط الذى حدث....كثيرا ما شعرت ان كرامتى مهدرة فى وطنى بشدة ولكن تلك هى اول مرة اتأكد فيها من ذلك بشكل قطعى وحاسم..
لن اتكلم فى فحوى الخطاب والسعادة الشديدة بالكلام المتناقض الذى قاله باراك اوباما وكانه منحنا صك الغفران..لن اتكلم عن ذلك الهاجس الذى يلح على رأسى والذى يخبرنى انه لا محالة سوف يقبلون اقدام هذا الولى القادم من بلاد العم سام..لكنى سوف اقول اننى احترمه بشدة..احترم باراك حسين اوباما..دائما كنت اشعر بمقت لرؤساء امريكا ولكنى احترم هذا الرجل واجله كثيرا..رجل واحد استطاع ان يهزم امة دون اراقة قطرة واحدة من الدماء وتزين وجهه ابتسامة جميلة..رجل واحد استطاع ان يصل لاكبر هدف فى العالم مع الاخذ ف الاعتبار انه كان يعتبر من الاقليات..رجل واحد استطاع ان يقلب موازين الكرة الارضية..الا يستحق الاحترام؟؟؟
.................................................................................
الكثير من الاعلاميين فقدت احترامى لهم فى الفترة الاخيرة...لماذا تصر الرموز ان تقنعك انها ليست رموز الى ذلك الحد الذى كنت تتصوره وتضحك بتشفى على نظرتك الطفولية للعالم؟؟؟
............................................................................
على المستوى الشخصى..قررت ان اكون اكثر حظا...قررت ان اصبح من تلك الشخصيات التى تجلب الحظ لنفسها بسبب اعتقاداتها فى مقدرتها على ذلك..
انا مميزة..اعرف ذلك ومصرة ان اظل كذلك..لن افقد عشرينيات عمرى فى التفكير فيما حدث وما يمكن ان يحدث ويتطور للاسوأ..لن اكون غراب بين بعد الان..انا احبنى كما انا..لن اتغير و سأحافظ على ما تبقى منى..اكتشفت أخيرا انه لولا ما حدث لى ايا كان مدى سوءه ضرورى للغاية..بدونه لم اكن لاحظى بانجى ابراهيم..هناك الكثير من الاكتشافات العبقرية فى كل يوم..انجاز صغير..كنز من كنوزى الكثيرة التى اعشقها..صديق جديد رائع..حدث غير منتظر..ترتيبات جديدة..مفاجأة قدرية..تطور فى مجال ما..استمتاع جديد..مدح استحقه..رأى ابديه..هناك الكثير من تلك الروائع حتما وانا مصرة عليها بشدة..يكفينى ما فقدته..لن اجعلها هوامش ستكون هى الاساس وما يحدث بعدها هو الهوامش..انا الان ابدأ حياتى مرة اولى وليست مرة اخرى فانا اكتشفت انى لم ابدأها سابقا..انا ابدأها بثقة شديدة فى الله ثم فى قدراتى ..
اعرف انى احتاج دعم ولكنى امتلك الثقة فى انى سأجده..او بمعنى اكثر دقة سوف يستمر هذا الدعم من هؤلاء الرائعين من حولى..اثق فيهم..اثق فى نفسى..ومتأكدة ان الله سوف يستمر فى مؤازرتى ولن ادع نفسى لاكون اقل استحقاقا من تلك المؤازرة فقد وقف بجانبى بلا اى سبب منطقى الى الان..انا الان افضل وسأكون افضل للابد ولن اخذله ابدا....يارب دمها نعمة ....
...........................................................
اعرف انك لا تاتى هنا..ولن تات هنا ابدا..ولكن اعلمى ايتها الصديقة الرائعة انك جزء من قلبى..جزء كبير جدا منه..احبك للغاية..باكينام..لن احصل على مثلك حتى اذا فتشت فى وجوه كل سكان الارض..لن اتكلم اكثر لان الكلام فى تلك الحالة هو السخف مجسد.
..............................................................
تامر حسنى..اكرهك للغاية..عمرو دياب اذا تاخر الالبوم اكثر واذا وجدت به ذات الاغنيات السخيفة التى تسربت سوف اكرهك انت ايضا.
......................................................
أنا على مجلة ميكانو.http://www.mikanoo.com/.احدث المجلات الالكترونية..ارى انه مجهود يستحق الاشادة.. لى مقال ارجو ان اعرف الاراء فيه http://www.mikanoo.com/las3an/19-in3/64-etbak.html
.......................................................
أصدقاء المجتمع التدوينى..
كيكى..احبك واشعر بشكل ما انى مسؤولة عنك..أسامة أمين ..افتقدك كثيرا..طارق عميرة..سوف أقتلك وأجعل الامر يبدو كحادث.

هناك 36 تعليقًا:

adel يقول...

اول الكلام نرمي السلام و بعد الاطمئنان علي صحة سعادتك

هههههههه والله شاعر شاعر يعني

1-ابوماما انا اتكلمت عنه في بوستين و كده كتير بس فعلا راجل صايع قوي و ذكي ...اه معجبنيش كلامه بس ارفع له القبعة بجد ... كفاية انه ثبت العالم بولا حاجة

2-هو في اعلامين ممكن حد يحترمهم ؟؟؟

3-انجي ابراهيم ....افضل كثيرا
في اي حال و باي شكل .... في ناس كده مهما حاولت بتفضل في كل صورها بشكل جميل

4-يابخت صحابتك ....مش اي حد بيفهم الصداقة

5-انا تقريبا كرهت تامر...بسمع اغانيه دلوقتي و مش كلها كمان مع العلم اني كنت بحبها قوي....عمرو دياب انا ممكن يحصل لي حاجة لو اتاخر لانه كمان هينزل مع شيرين حبيبة قلبي :):):)

6-ايه الحقد ده ...ده حقد في منتهي الفخامة .... و مش سياحة بقي ...دي اباحة مع العلم انهم مش هيعرفوا يحجبوها ....دا احنا شعب عبقري ...حتي مايكروسوفت فشلت توقف قصدنا ؟؟؟ و الدليل حكاية الويندز الجينون (النجمة) دي مستحيل تتشال الا لو اشتريت ويندوز .... احنا بقي برنامج مكملش 1 ميجا بيخلي النسخة احسن من بتاعت بيل جيتس ....و خنازير ايه بقي اللي هيعملوها بانسانية ...مش لما يعملونا احنا الاول بانسانية

7-اسمي مكتوب ...لا ...طيييييبببب
مجتمع تدويني و انا مجتمع تمويني يعني ولا ايه

ههههههههههههه

انا كتبت كتير علي فكرة
ده اطول من البوست بتاعك

حكاية لا تنتهي يقول...

اما من جهة ما فعلته مصر لوصول اوباما فاسمحي لي ان بدوت مختلفا البعض يلقبني بالحكومي وهذا شئ لا اخجل منه علي الاطلاق

تفريغ القاهره هو داع امني بحت واراهن ان لم يكن قد تم ذلك لقامت المظاهرات والاشتباكات اثناء الزياره وخصوصا ان المصريين ولسبب ما يظنون ان اوباما هو ولي امرهم الذي سيشتكون له الاحوال
عكس كل المدوين وهذا ما سيعتبره البعض جنونا انا احترم الرئيس حسني مبارك للغايه فشئت ام ابيت هو رجل مميز والا لما استطاع ان يبقي كل تلك المده

اما من جهة الاعلاميين فلا تعليق

ربما من الافضل في بعض الاحيان ان تكون ما انت عليه

اما الجزء الاخير من تدويتك فاسلوبك فيه شديد الشبه بالدكتور احمد خالد توفيق هو يود قتل كاتب رعب منافس وانت مدون منافس

عمرو يقول...

أهلا إنجي
طبعا أنا فرحان قوي بالكلام اللي قريته النهاردة عن إنجي إبراهيم. بس هي مين البنت دي. تعرفيها. طيب ممكن تعرفينا عليها؟
:)

كلامك عن البداية الأولى ده أسعدني جداً لأنك بكده فعلا بدأتي تعيشي. التوجه طريق الحياة.

حكاية أوباما والقاهرة بقى دي مسخرة.. إحساس داخلي عند القادة بالدونية هو اللي تسبب في ده. لما فتحت التليفزيون الصبح حسيت إن النبي هايزور مصر. وإن الزيارة هاتمسح دموع العيال الصغيرة, وتشفي المرضى, وتسكن المشردين.. حسيته المسيح بيقول تعالوا إلي وأنا أريحكم. كأن الزيارة هي اللي هاتقلب حياتنا
حاجة تغيظ

يا بختها صاحبتك.
إلا سؤال يا ست إنجي.. هو إمتى الواد عمرة بتاع مرارة روح هايظهر عندك في مدونتك ده انتي حتى مش حاطاله لينك على يمين مدونتك.. ده مش عدل يا دكتورة
:)

كيكى عوووووو يقول...

قررت ان اصبح من تلك الشخصيات التى تجلب الحظ لنفسها بسبب اعتقاداتها فى مقدرتها على ذلك..
*********************
مفرقش معايا اوباما لانك عارفة رائ مفرقش معايا حاجة خالص غير الجملة الى فاتت دى!!!!
**بس مستغربة شوية على نهاية البوست!!!

Unknown يقول...

عادل:دوووووووووووولة..لالا شاعر شاعر يعنى مش هزار..ميرسى على آراءك فى كل النقاط وبجد انت انعشتنى لما اهتميت بكل التفاصيل وعلقت عليها..
متشكرين زيارتك لمقال ميكانو وواخد تاكسى ورايح عند الصنبورة وراجع بتاكسى من عند الصنبورة..تعبناك جامد
نورت يا دولة........


حكاية لا تنتهى:كل واحد حر فى ايديلوجيته..لكن احنا لو بلد محترمة ومعندناش وظلم وقهر وفقر وجهل وتخلف مكناش احتجنا نفرغ القاهرة..تصرف غير حضارى بالمرة..
دايما من الافضل اننا نكون احنا مش حد تانى..
شبه اسلوبى بدكتور احمد حاجة بتحسسنى بفخر جهنمى مع انها المفروض تزعلنى..بس طارق انا هقتله عشان هو كف عن كونه مدون منافس..موضوع يطول..نورت......

Unknown يقول...

عمرو:والله ولا اعرفها يا باشا..مين انجى ابراهيم دى؟؟ عليها ليك فلوس وللا حاجة؟؟
انا كمان مبسوطة بالبداية واتمنى انها تكون بجد مش حقيقية وهجتهد عشان تكون بجد وبحق وحقيقى..
تعليقك عن زيارة اوباما تعليق عبقرى جدا اوى خالص مينفعش ازود عليه ولا حرف وانحنى لك احتراما..بجد انت جبت من الاخر..
بالنسبة لاخر نقطة فى التعليق..اسمك هيطلع طبعا طبعا لا تتعجل بس بالنوسبة للاضافة فى الريدر..اسمحلى اكرر حسرة عليها يا حسرة عليها يا حسرة عليهاااااااااااا راجع تعليقى عندك يا باشا ودور على حد يفك لك العمل..........


كيكى:عارفة رايك يا انتيختى اكيد فاكرة مكالمة التلافون الطويلة جدا اوى خالص....وعارفة ان الجملة دى فرقت معاكى..مستغربة ايه مش فاهمة؟؟

صوت من مصر يقول...

نوجا
معلش اتاخرت بس كنت بمتحن وانا اتضامن معاكى فى كلامك بس اوباما اظهر لنا فعلا انه ناوى على خير ومدخلش دخله عجرفه السلطه الامريكه
وانتى صح انا بكره تامر
وشريط عمرو يوم 14 اى خدمه بس يا مسمعانى بلاك تيما هما بيحضروا للالبوم
اى خدمه يا صديقه

نعكشة يقول...

:D

عارفة لما غصب عنك حد يشدك من اللا مبالاة لحالة من الابتسامة كدةو وانتي باصة و شغالة تدعي ربنا

............

أوباما :
انا مبسوطة إنه جه عشان خدت يوم أجازة لإني كنت كل يوم انزل من بيتي سواء للكلية أو الدروس حتى يوم الجمعة

مسمعتش الحديث بتاعة
بس سمعت صوت الطيارة الهليكوبتر وهيا معدية من فوق بيتنا
و افتكرن لما كانو بيعدوا بالطيارات الهليكوبتر في ستة اكتوبر و يوزعوا كروت مليانة هدايا على الناس

أنا باصة للبلد من وجهة نظر أخرى غير السياسة صراحة

أنا احاول أساعد أهلها و أرسم بسمة على وشهم و اخففهم و اكون دكتورة شاطرة في يوم ما إن شاء ربي طبعا
و اني اخلف عيال و اربيهم صح و ادخلهم مدارس كويسة و اعلمهم يعتمدوا على نفسهم و يحبوا ربنا من وهما صغيرين عشان اخد ثواب لما اموت و يدعولي

مع إني عندي احساس قوي إني مش هخلف عيال
و إني هموت وانا صغيرة
بس مفيش مشاكل من شوية أحلام

...............

نيجي بقة ليكي يا جميل انت
انا مبسوطة قوي على فكرة
من خمس دقايق بس او يمكن عشرة كنت في قمة الملل
قمة القرف
قمة اللا مبالاة
قمة الترقب

بس بجد لما قريت البوست دة
خرجتيني من دة كله
انا مش أي حاجة بتخرجني من حالات قرفي حتى لو حاجة بحبها
تسلمي يا كوكي
عارفة اني بعد ما هسيب هنا هرجع تاني مكئوبة فهقعد ارغي شوية

ياااااااااااااااااااااااااااااااااا رب ما يخلف ظنك في نفسك
ولا يخلف ظنك في أي حد وثقتي فيه

و يااااااااا رب
وفقك في امتحاناتك
و اشوفك احسن دكتورة نفساوية عشان آجي اقعد عالشيزلونج تبع الانتي :P
مصلحة
هههههههههه
لأ حتى لو مجيتش يعني ان شاء الله تتخرجي و تحققي كل اللي في نفسك

الحمد لله على تغير الرؤية
بجد كنت منتظراكي تيجي بقة و تفرحينااااا

بس انتي بتليقي في الحزايني اكتر
هههههههههههههههههههههههههه
بهزر بهزر

ربنا يخليلك باكينام و يخليكوا لبعض و يكرمكوا يااارب انتو الاتنين و يعزكوا كدة و يقويكوا مع بعض و يجع ما بينكوا كل حاجة بتحبوها
وما يفرق ما بينكوا ابداً
آمين

هروح اقرا المقال اللي هناك
سلاموزة

آه صحيح
اجابة على ردك هناك عشان قولتيلي مردش هناك

البتاعة كتبتها وانا وسط ناس انا مش منهم بس هما ناس حلوين قوي و صالحين قوي ربنا يبارك فيهم و يباركلهم و يفتح عليهم و يقويني و ابقى فعلاً زيهم مكونش زي اللي بتلبس لبس عسكري عشان تتسحب وسط الجنود
بس كويس إنها مش مفهومة
:)

خيراً

سلام عليكِ

Foxology يقول...

هوامش قوية يا انجى :)

فهمت قصدك من الحسرة من زيارة اوباما مع انى رديت على تعليقك عندى من قبل ما ازور البلوج هنا لكن فهمت قصدك هناك صح

تحياتى وربنا يقدم لينا كلنا اللى فيه الخير

غير معرف يقول...

- لن أضيف على تعليقك على زيارة أوباما .

- العيب فيمن جعلهم رموزا ، و انت لا تريد إلا أن تكون ( انت ) ، يكيفك من كل من هو أعلى منك مكانة في مجال معين طريقة وصوله لهذه المكانة و ليس ( هو ) ، فإذا كنت تريد أن تقف على القمر ليس لزاما أن تكون نيل أرمسترونج لكنك يكفيك السفينة و التجهيزات و العلم الذي صعد بهم نيل على القمر .. وإذا كنت تجهز نفسك للانطلاق للقمة فلتتخذ هذا الحديث سفينتك ( قال رسول الله صلى الله عليه و سلم : " أصحابي كالنجوم بأيهم اقتديتم اهتديتم " ) .

- كل اللي حصل و بيحصل و هيحصل ده يا إنجي علشان انت لازم تكوني إنجي مافيش حاجة مالهاش سبب منطقي و ربنا عايزك كده لإنك تستحقي كده .

- على قد مانت واثقه من اللي في قلبك ليها ثقي إنها في قلبها ليكي مثيله تماما .

- بخصوص تامر حسني و عمرو دياب و أمثالهم فأنا أفتخر إني مش بعلق ولا بهتم بأشباه الرجال .


محمـود حجـاب

حنعيش يعنى حنعيش يقول...

الواضح كدة انى حتابع مدونتك كويس قوى
تقبلى مرورى

3omda يقول...

ويا تري اللي جاي هايكون شكله ايه؟

مريم يقول...

انا مضايقة زيك بالظبط من اللى حصل فى القاهرة انهاردة بجد محدش هينسى اليوم ده تخيلى كام طالب و طالبة اتاجل امتحانهم انهارده و اتأخرت اجازتهم اسبوع و يمكن اكتر فى جامعة القاهرة و عين شمس عشان خاطر سياته جاى ..و الطلبة ملها؟؟؟ حاجه غريبة والله

لأ و اللى يضحك ان الأوبشن اللى كنت فاكرة ان مصر مسمعتش عنه قبل كدة, اسكتى طلعت عرفاه.. اه والله و عملتو انهارده نظفت الشوارع تخيلى قادره تستوعبيها دى شوارع مصر نظيفة بتبرق انهاردة انا و الله بفكر اروح جامعة القاهرة و اتصور جنب القبة الجديدة قبل متصدى ولا يشلوها بجدهتكون صورة تذكار و الشوارع هتكون طلعة نظيفة

بجد حاجة تزعل مش عارفين ينظفو البلد الا لما حد يجى ..لأ و الناس فعلا خايفة تنزل و اللى نازل امه تقلق عليه متقوليش نازل يستشهد..اوووف بجد عرفو يخلو بلدنا سجن لينا..

انا اول مرة اكتبلك ,اتعرفت على مدونتك عن طريق شخابيط و عجبتنى مقالتك بتاعت غاضبة للغاية رغم انها اثارت مشاعر الغضب جوايا بس والله عبرت عن اللى جواياو سورى طولت فالتعليق

عالم ماريونت يقول...

انووووووووووووووج
يارب المرة دي يطلع تعليق بجد وميطلعش بوست زي المرة الي فاتت
ههههههههههههههههه

عندنا توارد أفكار يا انووووووووج

انا حسيت انك بتكتبي بقلمي
حسيت اني انا الي بتكلم
الله ينور يا قمر

مش هناقشك في الي قلتيه لأن ده نفس احساسي بالضبط

:)
اشوفك على خير

رنا

أحمد الشمسي يقول...

اللي حصل في القاهرة ده فعلا مؤسف... لما احنا عارفين ان فيه حاجات كان لازم تنضف وتتلمع وتتزبط، سبناها ليه كل الوقت ده؟!
ويا ترى الإجراءات الأمنية بتتم بالشكل ده لما حاكم عربي يزور أكريكا؟
---------------

تامر أنا كاره أمه من زمان! واوع اسمع حد بيقول ايه ذنب امه!

عمرو دياب أنا محايد جدا من ناحيته... لا بحبه ولا بكرهه! بس اقدر اقول انه نجم فعلا... وانه إلى حد ما يستاهل يبقى نجم! صحي أغانيه مش أحسن أغاني بالنسبالي لكنها أغاني جماهيرية. بالنسبة للشريط الأخراني عجبتني "حنية الدنيا".
---------

أنا بقى عكسك تماما اليومين دول... حاسس فعلا اني محتاج أغادر الحياة بكل آلامها اللانهائية

عابر سبيل (عبدالرحمن محمود) يقول...

التعليق الوحيد
هو لا تعليق

اتفق معك تماماً
شكراً عل الزيارة التى شرفتنا بها
ارجو ان تتكرر
دمت بخير
والسلام عليكم ورحمة الله

ويكا يقول...

انجى
انتى رائعه

Unknown يقول...

صوت من مصر:وعملت ايه يا كيمو؟؟؟ يارب يوفقك..اوباما دخل دخلة صح عشان هو عبقرى ومحترم وعارف مصلحة بلده مش زينا مساحين جوخ..اخيرا شريط عمرو؟؟ فعلا بلاك تيما هينزلوا شريط؟؟ والله حاجة حلوة اوى جدا خالص اكيد هيبقى حلو بس يكونوا اذكياء ومينزلوش حاجات نزلت عالنت من الحفلات..نورت يا كيمو.........


نعكشة:طب الحمد لله انى عملت كدة يا سلااام والله دة فخر..اه اخدتوا اجازة فى القاهرة عشان الزيارة بس دى حاجة مش لطيفة يعنى لو مبارك راح هارفارد طلبة هارفارد هياخدوا اجازة؟؟ انا شايفة ان دى مسخرة بصراحة..
وجهة نظرك فى الاصلاح هى وجهة النظر الصح لازم كلنا نعمل كدة عشان نبقى بنى ادمين غير كدة لو قعدنا كلنا نهاتى ومحدش اشتغل بايده يبقى عمرنا ما هنعمل حاجة ابدا..ربنا يوفقك وتبقى اشطر دكتورة فى الدنيا..
بالنسبة بقى لكلامى عن نفسى والله انا كدة مرتاحة اكتر وعندى استعداد افضل عايشة لانى فعلا كان حاصلى حاجة غريبة اوى اوى ولو مكنتش اخدت القرار دة الله اعلم كان ايه اللى حصل لانى كنت بتدهور بسرعة رهيبة الحمد لله يعنى..يارب بس مخلفش ظن ربنا فيا عشان بجد وقف جنبى بشدة وانا مستاهلش..
يا فندم انتى بس خدى القرار ومش هتحتاجى دكتور نفسى اصلا اصلا انتى فعلا عندك استعداد تبقى زى الفل بس محتاجة قرار ..زيي انا كمان لسة محتاجة اخد قرار انى اكون ايجابية ومنتجة..القرارات كترت اوى بس نعمل ايه.....تعرفى هقولك حاجة متاكدة انك حساها..الايام دى بالذات فهمت انى كبرت خلاص...الحمد لله

سلام عليك

Unknown يقول...

فوكسولوجى:والله انا قلت اكتب عشان خاطر افرغ الغضب يمكن ارتاح لكن لما علقت عندك مكنتش لسة اخدت القرار..نورت يا فندم ويارب يقدملنا الخير.........


محمود حجاب:متضيفش مهو التعليق شارح نفسه...موافقاك فى الكلام دة جدا بس المهم اننا نعرف اننا نقدر اصلا لاننا ممكن نعيش ونموت محناش فاهمين حاجة..ايون صح كان لازم يحصل وربنا يستر فى اللى جاى..انا عارفة اللى فى قلب باكينام لانه ظهر عمليا فى احلك وقت مريت بيه كفاية وقفتها جنبى ايامها..يارب يكرمها ويحميها..بالنسبة لاشباه الرجال..ماشى مفيش مشكلة متعلقش..نورت جدااا...........


حنعيش يعنى حنعيش:طب دى حاجة تفرحنى بجد..نورت...........


عمدة:مش عارفة والله اما نشوف.......

Unknown يقول...

مريم:ولا يهمك طولى براحتك جدا..معنديش تعليق على كلامك لانه كله صح ومفيش كلام تانى يتقال..سعيدة انك عرفتى السكة وجيتى حمد الله عالسلامة..عجبك غاضبة للغاية؟؟ طب الحمد لله دة هدفى والله..على فكرة اسمك حلو اوى جدا خالص انا بحب اللى اسمهم مريم اوى..نورتى......


عالم ماريونيت:رنا حبيبتى ازيك؟؟ بجد كنتى عايزة تقولى كدة؟؟ شفتى من القلب للقلب ..الحمد لله طلع تعليق مش بوست الا صحيح هو البوست دة حصل ازاى؟؟ حاجة عجيبة بجد..نورتى فعلا
بتوحشينى بجد يا رنا ونفسى اشوفك.....

Unknown يقول...

احمد الشمسى:لا طبعا مش هيحصل..هو ممكن يقفلوا هارفارد عشان حد رايح يزورها؟؟ دول ناس متحضرين..
ذنب امه انها بلتنا بيه دى معروفة يعنى..
ايه حنية الدنيا دى؟؟ هو فى اغانى تانية اتسربت؟؟ يا خراب بيتك يا عمرو دياب...بالنسبة لحالتك الايام دى فطبيعى نبقى متقلبين شوية كدة وشوية كدة..يارب تعديها على خير..انت منور بجد يا احمد يا شمسى..........


عابر سبيل:الحمد لله انك متفق معايا..اكيد الزيارة دايمة اصلا لكن مش بلاقى تعليقات اعلق بيها والله..نورت......


ويكا:احم احم دى اقل حاجة عندى والله...لالا بجد مش اوى كدة يا عم ابقى تعالى كتير هبقى اجيبلك كابوتشينو..نورت يا بشموهندس اياد........

مريم يقول...

انا تانى ..مش عارفة اذا كنت هتصدقى اللى هقولهولك ولا لأ..بس هو كل اللى يعرفونى عارفين انى بحب اسم انجى جداااا(والله مش بجاملك ده حقيقة)..من و انا صغيرة و انا بحب الأسم ده تحديدا بعد فيلم رد قلبى : ) : )

msafa يقول...

متأخر دايما يا مسافه ...
معلش كنت مسافر علشان احضر مهرجان فى القاهرة وحضرت المهرجان ... وكمان متحبسناش فى الفندق ولا حاجه فى اليوم اللى احنا مسافرين فيه علشان الزياره السعيده للسيد السعيد ابدا ماحاصلش احنا بس قاعدنا استمتعنا بالحر الشديد وارطوبه والنوم على كراسى الاستقبال لد ما السعيد ابن السعيده مشى يعنى حبس يوم عادى بقى فوتى
كويس حكاية الثقه فى النفس والذات دى انا بتمناها على فكره يا انجى انا اخدت جايزه فى المهرجان والله كان نفسى تشوفى الشغل كان عامل ازاى

ابو المفاصل الواصل يقول...

العدالة وجهة نظر
الكل يطالب بالعدالة ولكن من وجهة نظره
فالقاتل يطلب البراءة باعتبار القتل قدره
ويتناسى ســــــفكه للدماء وظلمه وغدره
ويتباهى بنفسه لتخليص القتيل من كدره
ويعتقد ان هذا دوره المعشعش فى صدره
فلا يخجل من ازهاق الارواح على مدى عمره
ولا يدرى انه بقتله للاخر بيستعجل حفر قبره
وسينال العقاب المناسب ولن يطول صبره
==========
ناجح يوسف فهمى

الست فرويد يقول...

انجى

وقفت عند كلامك

انا مميزة..اعرف ذلك ومصرة ان اظل كذلك..لن افقد عشرينيات عمرى فى التفكير فيما حدث .........
الى اخر الفقرة

برافو عليكى انك وصلتى للاحساس ده
امسكى فيه بايدك واسنانك واعصابك وكل قدرة الفرح جواكى
اوعى تسيبه يروح منك
ولو ضاع هتضيع العشرينات والثلاثينات وكل العمر
بعد الشر عليكى من اى ضياع
خليكى مع ربنا ومع الصحاب اللى بجد
هتفضلى محتفظه بيه
ان شاء الله دايما يارب سعيدة ومميزه وقوية

ارق تحياتى لكى

كراكيب يقول...

انا احبنى كما انا..لن اتغير و سأحافظ على ما تبقى منى..اكتشفت أخيرا انه لولا ما حدث لى ايا كان مدى سوءه ضرورى للغاية..بدونه لم اكن لاحظى بانجى ابراهيم

اييييييه داااااااااه الحتة دي شبه بوست مرام حياتي اللي عندي
مليش دعوة البلوتوث ده لازم نخربه

وباكينام بقى انتي هتلاقي احسن من انجي فين يا باكينام دي عااااسااااااال
خلي بالك منها.. ده مفيش احسن من واحدة صاحبتك بتحبك اوووي

جووجاااا.. والله يا انجي من كتر ما عايزة اكلمك انت وكيكي حلمت بيكم.. الموضوع كله اني مش معايا موبايل دلوقتي..
انتي بجد وحشتيييييييييييني جدااااا
معلش ماتزعليش مني والله غصب عني
ظروف منيلة بنيلة كدة جايبالي اكتئاب ادعي بس انها تعدي على خير
امممممممواااااااااه

miro el niro kwaniro

كراكيب يقول...
أزال المؤلف هذا التعليق.
!!! عارفة ... مش عارف ليه يقول...

بوست رائع

يعمل على تدعيم الثقة بالنفس

وأن هناك غداً أفضل

وإن شاء الله بالتوفيق دائماً

وليد

Unknown يقول...

مريم:لا مصدقة والله يا بنتى من القلب للقلب...بس رد قلبى ايه وبتاع ايه دة انا احلى من مريم فخر الدين بمراااااااااااحل..هع هع هع..نورتى مريم هانم..تعرفى ان مريم لغويا يعنى سيدة العالم؟؟؟



مسافة:انت تيجى براحتك يا فندم ونورت جدا والله.........


ابو المفاصل:اوك....نورت.......

Unknown يقول...

الست فرويد:اه الحمد لله والله يا بنتى..بس انتى ايه رايك فى القرار الفظيع دة؟؟ الحمد لله بس ربنا يجملها بالستر......



كراكيب:هييييييييييييييييييييه دنيا..بت يا مرام؟؟ انتى بتثبتينى يا بت؟؟ انتى بتخلينى مش عارفة اشرشحلك كام شرشوحاية كدة من الاسكندرانى اللى كنت عاملة حسابى عليهم...
خلاص مستنياكى تتصلى تبدى الندم وانا اسامحك ونقعد نرغى نرغى....بحبك وحشتييييييييييينى..


عارفة مش عارف ليه:اه عندك حق بس يارب يدوم..نورت

شمس النهار يقول...

البوست كله لطيف
عايز يترد عليه ببوست مش تعليق من جماله واتقانه
اما الاخ اوباما واللي حصل فكرني بفيلم طباخ الريس لما قال وديت الشعب فين
اهو اوباما فضولوا القاهره عشان مايقابلش حد
بس الغريب ان الناس امبسطت بالاجازه وقعدت في البيت

اما الصداقه فهي احلا حاجه في الدنيا
بس لما تكون صح

آيــة يقول...

بت يا إنجي .. المكان هنا مغري بالرغي و الله .. ايه ده ..

انا قلت اقولك انها تالت مرة اقرأ البوست بتعليقاته ..
و اني شايفة فيه مني كتير بالهبل يعني ..

و اروح أغسل المواعين ... و لما ارجع ابقى ارغي بقى
:))

daktara يقول...

يا بنتي احنا بلد شهادات صحيح
اتفق معك كثيرا عن تامر حسني
وعمرو دياب

Unknown يقول...

شمس النهار:الغريب فعلا ان الناس انبسطت..اصل محدش فاهم حاجة للاسف..وانا معاكى فى رايك طبعا......


ايه مش هنا:ايه هنا عندى انا؟؟؟ يا خبر يا خبر ستنى طيب اجيبلك كابوتشينو و سحلب وشربات وكدة...طب خلاص مستنياكى بعد فاصل المواعين..الحمد لله انه عجبك..نورتى............


دكترة:والله منور دكتور خالد عزب..ابقى تعالى كتير...........

نعكشة يقول...

من كام يوم كتير كدة تقريبا قبل ما اقرا تعليقك اول مرة
كنت قاعدة بفكر في العلاقة بيني و بين والدي

و اكتشفت انهم فاكرني كبرت
و اني لازم اتعامل على اني واحدة بتفهم و تميز

ناس غريبة صراحة

بس كويس إنك حاسة إنك كبرتي

شعور ان الواحد كبر دة بيديه حاجات كدة
انه بقة عندة خبرة يعتمد عليها حتى من قَبَل نفسه
انه يم يم ممم مسؤول
ان الانسان يدركها اعتقد انها حمل يمكن أنا بتهرب منه

الله معكِ

سلام عليكِ

Mariam يقول...

متشكرة على المعلومة الحلوة ده انا فعلا معرفش ان اسمى معناه كدة..
و بعد معرفت منك ان انا سيدة العالم : ) عايزة اقولك مريم فخر الدين ايه بس ده انتى احلى من مارلين مونرو نفسها: ): )
(انت احلى منها اه بس ناخد بالنا انابردو اسمى لسة سيدة العالم ههههه)
شخصيتك لذيذةاوى ما شاء الله و تتحبى جدااا والله.