الخميس، 25 فبراير 2010

حضن


أحيانا يحتاج شخص بالغ عاقل راشد الى حضن دون أى آراء سخيفة حول المنطقية والعلاج المعرفى و ارهاصات اللاشعور..دون أن يسمع أعذار واهية عن الانشغال و أعباء الحياة..دون أن يطالب أن يكون أكثر تضحية كما تعود دائما..دون أن يشعر أنه سخيف و ضعيف و حقير..

أحيانا يكتشف هذا البالغ أن خوفه أكبر من الحياة..وأنه فقط يود لو يدفن رأسه فى حضن يحميه من الحياة..فقط يود أن يمنحه هذا الحضن ثلاث دقائق من الشحن ليستطيع بعدها أن يواجه سخف الدنيا ورعبها...

المضحك فى الأمر أن هذا البالغ العاقل يكتشف أنه غبى..فى منتهى الغباء..عزيزى..ليس من حق البالغين أن يحصلوا على حضن فلا تكن سخيفا

عزيزى البالغ العاقل الرشيد..يا من تبغى حضنا خياليا..لك الله


.........انجى ابراهيم..........

هناك 22 تعليقًا:

بطوط حبوب يقول...

صدقينى لو اوبشن الحضن دا دايما متوفر

مكناش وصفنا الدنيا انها سخفيه ومرعبه

تحياتى لك

The Confused يقول...

انا معاكي ان فعلا الانسان بيحتاج للحضن ده ف اوقات كتيييييييييييييييير خصوصا حضن الام .... مهما كبر الانسان ومهما بلغ سنه اكيد بيحتاجه وبيحنله ف كل الاوقات

و ف الاخر
من حق البالغين وبشده كمان ف الحضن ده ولا هو احنا مش زي باقي البشر يعني

اوعي تكوني تبع اللي طلع وبيقول المفروض يبقى فيه غرامه للي بيسلموا على بعض ب الاحضان ف الشارع والمناطق العامه =))

كيكى عوووووو يقول...

مممممممممممممم
لك الاحلام والصور ايضا عزيزى البالغ!!!
عمتا
تعالى فى حضن حموووووووو

كفايـة طيبـة يقول...

:) :)

Heba Gamal Emara يقول...

انتى مكبرة الموضوع اوى يا انوج
ليه مش من حق البلغ هذا انه ياخد حضن ...؟؟؟؟؟
ليه ؟؟؟؟

Heba Gamal Emara يقول...

* البالغ

msafa يقول...

اتكور واحضن نفسى ... بنفسى
كان نفسى يكون ...
حضنك
ونفسك بيدخل نفسى
كان نفسى
احضنك والمسك
لك مش قادر غير انى احضن نفسى ..
وكان نفسى

adel يقول...

انجي بلاش رغي كتير
عاوزة تتحضني شوفي مامتك او اصحابك مفيهاش كسوف:)
بس مش وقت لغة عربية في الاحتياج ده نوهائيا

Unique يقول...

البالغ الراشد المذكور هو وحده من يعتقد انه صاحب حق في الحضن بينما كل الكائنات الحية وغير الحية حوله تؤكد له أن الحضن ليس من حقه أبدا

نصدق مين ؟

قبلاوى يقول...

"المضحك فى الأمر أن هذا البالغ العاقل يكتشف أنه غبى..فى منتهى الغباء..عزيزى..ليس من حق البالغين أن يحصلوا على حضن فلا تكن سخيفا"

شاب فقرى يقول...

لنا الله جميعا
:(
فقرى

بـــــسمة انـــــــــور يقول...

تصدقى معاك حق

مش عارفه لما بدخل مدونتك وبقرا اللى فيها بحس انك بتوصفى حالتى

بجد بحب مدونتك اوى
ممكن مش بلاقي اى كلام اقولو لما بقرا فبكتفى بالقرائة وبس

تقبلى تحياتى

Haytham Alsayes يقول...

السلام عليكم
مدونتك جميلة يا انجي والبوست ممتاز
اول مرة ادخل مدونتك وعجبتني ومش اخر مرة ان شاء الله خاصة انتي متابعة احمد خالد توفيق زى تمام
تقبلي مرورى
ونوريني في مدونتي وقوليلي رأيك

غير معرف يقول...

انا حاسس انك بتتكلمي عني
و اعرفيني لوحدك

غير معرف يقول...

الأخ صاحب التعليق السابق يا إما دمه خفيف (مع تحيات جمعية رفع معنويات ذوي الاحتياجات الخاصة) يا إما بارانويد (وهذه نحتاج فيها لرأي الدكتوره) ياإما أنا اللي مش فاهم حاجه!

إمرأه من ثلج يقول...

كتير منا بيحتاج للحضن دة وممكن يبقى موجود قدامة لكن حجات كتير بتمنعنا نعمل كدة خوف على صورتنا الأزاز لتكسر أولان فعلا الكبار مش ليهم حق يعملوا كدا وأنا أول واحدة نفسى أترما فى حضن حد وأفضل أعيط للصبح
أتمنى منك زيارة قريبة لمدونتى علشان تنوريها ياجميل
فاطمة

إمرأه من ثلج يقول...

كتير منا بيحتاج للحضن دة وممكن يبقى موجود قدامة لكن حجات كتير بتمنعنا نعمل كدة خوف على صورتنا الأزاز لتكسر أولان فعلا الكبار مش ليهم حق يعملوا كدا وأنا أول واحدة نفسى أترما فى حضن حد وأفضل أعيط للصبح
أتمنى منك زيارة قريبة لمدونتى علشان تنوريها ياجميل
فاطمة

Egyptos يقول...

من ضمن الأحضان الخيالية.. إننا معشر الرجالة.. نفضل نحلم و يتهيأ لنا إنن لما نرتبط ها نشبع أحضان و بعد افرتباط .. بنشبع أحزان مش أحضان.ز ربنا يحنن قلوبكن علينا و يرفع عنكن عقدكن النفسية.

مـجـنـووون يقول...

من حق كل واحد في حضن يضمه
حضن يحسسه ان لسه في خير في الدنيا
حضن يبين له ان اهم حاجه في الدنيا الطمئنينه والسكينه

تقبلي مروري
مجنووون

Reem Wageeh يقول...

من حقك اوى اوى انك تتحضنى!!
من حقنا اننا نضعف احيانا ..ونظهر ضعفنا ده كمان...واللى مش عاجبه يخبط دماغه فى اقربها حيطة!!
الحياة ابسط من كده بكتير ياقمر

shicooo يقول...
أزال المؤلف هذا التعليق.
KIMOOOZ يقول...

لنا الله فعلا