الثلاثاء، 27 أبريل 2010

عشان ربنا يحبك


لا أجد مقدمة مناسبة ولكن بما أنكم قراء أعزاء و أصدقاء أفاضل -حلوة التثبيتة دى أوى-سوف نبرم معاً اتفاقاً ينص على الآتى..
كل أسبوع سوف أقدم لكم ملخصاً لما يحدث فى فلسطين..أعرف أن متابعة أخبار هذا البلد أصبحت عسيرة بعض الشىء..كل القنوات تعرض مشاهد مكررة للذبح والقتل وهتك الأعراض..نعم إمتلأنا وفاضت أنفسنا ولم نعد قادرين على متابعة المزيد..الأخبار المكتوبة فقط تعطيك عناوين..كى تبقى على دراية بما يحدث..صدقنى أنا جربت وأحببت متابعة الملف كل أسبوع..أعترف أن قلبى أصبح أكثر إنشغالاً بهم..وعقلى أصبح يتذكر هؤلاء البؤساء أكثر من ذى قبل..أيضاً سوف تجد أخبار تهمك بشكل مباشر..فقط أعطنى فرصة كى أشركك معى فى التجربة..ربما تجد فيها ما يفيد..سوف أحتفظ لنفسى فقط بمزية إنتقاء الأخبار لأن كم الأخبار مدهش..كثير جداً جداً..فقط سوف أنتقى ما لفت نظرى أكثر من غيره وأعرضه..


أيضاً عنوان البوست الأسبوعى سوف يكون ثابتاً كى تسهل متابعته..أعتقد أن هناك مزية ما فى بلوجر تتيح لك أن تنشىء أقساماً للمدونة كى يبقى البوست معروضاً حتى إذا أضفت المزيد من الموضوعات..سوف أرى ما يمكننى أن أفعله فى هذا الصدد -مش أنا يعنى أكيد هستغل أى حد من الأمامير اللى بيعرفوا فى المعجزات دى- عنوان السلسلة هو عشان ربنا يحبك..ربما إذا تذكرتهم تتبرع بمال..بدم..تبرعات عينية..ربما بالدعاء..وفى النهاية أنت تفعل هذا عشان ربنا يحبك..

فلنبدأ

*الاحتلال يخطط لتحويل جنوب الأقصى إلى مسار توراتي

*مخططات صهيونية لبناء 321 وحدة بالقدس يقف وراءها المليونير اليهودي "موسكوفيتش"

*إصابة أربعة فلسطينيين برصاص الاحتلال وسط غزة

*منظمة عالمية: مستشفيات غزة تفتقر إلى 480 صنفاً من الأدوية

*غزة: ثنائية الظلام وخطر الموت تحكم علاقة المواطن بمولدات الكهرباء

*إطلاق نار كثيف خلال توغلين صهيونيين بالقطاع الأحد (18/4)

*تحذير من كارثة بغزة جراء نفاد وقود المستشفيات

*استشهاد مقاومين في انفجار شرق البريج

*بعد منعه من السفر للعلاج.. استشهاد المواطن يوسف حجاج يرفع شهداء الحصار لـ502

*الاحتلال يقمع قسم "الوحدة الوطنية " بسجن عوفر

*إدارة السجون تبدأ حملتها الانتقامية ضد الأسرى عقاباً على إضرابهم

*تقرير: 7500 أسير في سجون الاحتلال بينهم ( 37 ) أسيرة و(330 ) طفلاً

*الاحتلال يرفض الإفراج عن أسرى أنهَوا محكومياتهم ويساومهم على الإبعاد

*إسرائيل تمنع الشيخ عكرمة صبري من السفر

*صهاينة يعتدون بالضرب المبرح على طفل فلسطيني لساعتين ويجبرونه على شرب مياه الصرف الصحي

*الصهاينة دمروا ثلث آثار فلسطين

*عملية التهجير تبدأ بإبعاد 200 فلسطيني للقطاع

*للمرة الثانية خلال شهر.. مغتصبون يتلفون منشآت ويخربون خزانات المياه شمال رام الله

*الصهاينة يحتفلون في الحرم الإبراهيمي الشريف بـإقامة دولتهم الدولة، مستخدمين مآذن الحرم وجدرانه الخارجية لعرض شعاراتهم بأشعة الليزر

وهناك ما هو أكثر

*الموساد يستغل تقنيات "فيس بوك وتويتر" لإسقاط الشبان في وحل العمالة

*مبارك يهنئ بيريز بذكرى قيام الكيان الصهيوني فى حين قيام متدينون يهود يحرقون العلم الصهيوني في القدس مطالبين بإنهاء "دولة إسرائيل"

و أخيراً "تل أبيب" تعرض إرسال 150 طن لحوم للقاهرة بدون مقابل
.........إنجى إبراهيم..........

هناك 12 تعليقًا:

كيكى عوووووو يقول...

بصى بجد عشان انا اتخنقت من الحوار دة
اه حوار انا مبقتش اتأثر لمة بشوف ضحايا او بيوت بتتهدم او ناس جثثها اتعفنت مش لاقية الى يدفنها!!
انا بحسها ميديا للاعلام مش اكتر سبوبة يعنى يعرضوا الحوار دة وياعينى الناس تعيط شوية ومن الغيظ بقى يعلموا ايييييييه؟؟
ينزلوا جزء رابع ولا خامس من اغنيه الحلم العربى!!!
ياعزيزتى الموضوع دة لو كان هيتحل كان اتحل من 48 ...لكن احنا بنعمل ايه اخرنا كلاااااااااام ونيجئ نمرمط ام الفلسطنين فى المعبر ونيجئ نستقبلهم الاسرائليين وتانى يوم غزة تضرب!!!
بس انا موعدكيش ان اثناء الانتفاضة دى الواحد هعيط او هيدعى لااااا انا هاكل لحمة وهستنى الجزء الرابع من اغنيه الحلم العربى
امضاء واحدة عربية صميمة صميمة اوى يعنى

Zika يقول...

الاخبار عن فلسطين بقت عامله زي الأكل البايت
بتوجع البطن

غير معرف يقول...

كبسولات:
*رائع يا إنجي (بفاصل :) )
* جميلٌ أن أحدنا انتبه أخيرًا إلى أن (آخرنا كلااااام/أجزاء جديدة من أغنية الحلم العربي)، وهو عارٌ لن يمحوه إلا أن تكونَ خُطوتنا القادمة (بداية الفعل/تغيير الواقع).
* لا أمانع أن يعصر فلان ذهنه ليكتب تدوينة حول هاتفه القديم الذي قرر تغييره (قليل من الهزل لن يقتل أحدًا)، أو أن يصعد آخر إلى سطح بيته ليسطر تدوينه يخاطب بها ربه (وإن كانت اللهجة تحتاج لمزيد تقدير لمقام الربوبية)، لكني أعترض وبشدة - واسمحوا لي أن أفعل- حينما نُسقِط هذه الدماء الذي خنقتكم، وهذه الأشلاء التي اعترفتم أنها لا تجد من يدفنها، من خارطة اهتماماتنا اليومية، بحجة أن الأمر صار مملا، ويوجع البطن.
* لن أصدقك إذا قلتَ لي إنك لا تدري ماذا تفعل، فما ينقصنا حقا هي إرادة الفعل لا وسائله.
* لا يهم إن كان حجم ما نقوم به يسيرا أو كبيرا.. المهم أن نبدأ في التحرك؛ لأن (م الآخر- كما تقول إنجي- ) قلوبنا وأجسادنا لن تلامس حجارة المسجد الأقصى وأرضه المباركة إلا إذا سرنا على: "وقل اعملوا فسيرى الله عملكم ورسوله والمؤمنون". أما لعن الظلام فلم يرد أبدا حقا مسلوبا
* سنقول عن عمل ما إنه صغير، وغير ذي جدوى، لكن لو أن كل واحد منا حاول أن يصنع شيئاً مما يدخل في دائرة المقدور عليه لرأينا عالماً من الإيجابيات والتحولات الرائعة لا يخطر على بال .
* إن مأساة فلسطين جزء من مأساة الأمة، وعليه فكل ما يُسهِِم في نهضة الأمة وتقدمها يُعَد جزءًا من الحل، وعلينا أن ألا نظن أن اليهود هم سبب هزيمتنا، بل تخلفنا من قِبل أنفسنا سبب هزيمتنا في فلسطين وغيرها.

ريم وجيه يقول...

فكرة رائعة بجد يا انجى
تسلم ايديكى وتسلمى

عجبانى الفكرة اوى فعلا
بس المهم تكملى للآخر
ماتسيبيش حد يهد عزيمتك باى حجة!!
واهى خطوة تثبت ان لسه فيه اللى يهمه امر بلد هو جزء من كياننا وروحنا كعرب وكمسلمين

Dr-Ibrahim يقول...

ربنا يهدى...

عالم ماريونت يقول...

انا اتخنقت من القضية الفلسطينية لسبب بسيط: ازاي اتعاطف مع ناس نسيو الاحتلال الي في بلدهم و فضيو للخنق مع بعضهم؟
يعني انا و اخويا دخل علينا البيت تعبان: وانا وهو عارفين كويس انه تعبان و عارفين اننا لو متحدناش و خلصنا عليه هيخلص هو علينا...افتكر نبقى اغبية اوي لو سبنا التعبان و فضينا للخنق مع بعض على مصروف البيت و لا على اي كلام فارغ
هو ده الي الفلسطينين بيعملو دلوقتي في بعض و بصراحة انا مش عارفة نساعدهم ازاي اذا هما مش عارفين يساعدو نفسهم؟
انا على فكرة من اشد المناصرين للقضية و نفسي نعمل حاجة بس قوليلي انتي نعمل ايه في شعب عمل في نفسه كدة؟
تحياتي
رنا

غير معرف يقول...

حينما تحاول زمرة أوسلو تصفية القضية ولا تجد فصائل المقاومة بدا من الأخذ على أيديهم لا يصبح ذلك اقتتالا داخليا بل إنقاذا لما تبقى واستدراكا لذبالة المصباح قبل أن ينطفئ
ثم ألا ترون كافة الفصائل الفلسطينية موحدة في جانب ولا يوجد على الجانب الآخر سوى طغمة دايتون لايؤازرها إلا محتل غاصب أو غربي منتفع أو عربي متخاذل؟
أترضون للفريق الأول أن ينضم لفريق الخزي الذي تبرأ منه حتى بعض أبناء فتح الشرفاء؟
إنهما أمران لا ثالث لهما: إما أننا لا زلنا نجهل الكثير عن تعقيدات القضية الفلسطينية، أو أننا نبحث عن شماعة نعلق عليها تقاعدنا. للمتسائلين ما ذا نفعل: ابحثوا عن مقال بعنوان{ 150 طريقة لنصرة الأقصى} واختاروا ما يناسبكم

الميكروباص يقول...

هبدا من الآخر
أو آخر خبرين
موضوع التهنئه
لا ادري أن كان هذا حدث فعليا أم لا
ولكن على ما يبدو ان وسائل الاعلام تنتظر هذا الخبر من السنه للأخرى لكي يعملوا وصلات الشتيمه المعتاده في الفضائيات
لم يذكر هذا الامر سوى صحيفة القدس العربي
وإن كان قد حدث بالفعل فقد وصف وزير الخارجيه المصري اسرائيل بالعدو- ولكن على ما يبدو ان هذا لم يعجب الاخوه العرب ايضا بعد ان طالعت تعليقاتهم في مختلف مواقع الاخبار
ثانيا: موضوع ارسال اسرائيل 150 طن لحوم إلى مصر، هم يعلمون تمام العلم ان مصر سترفض
وطالعت ايا رد فعل اخواننا العرب على هذا الخبر حبيث قالوا ان الاخوه يساعدون بعضهم -في اشاره إلى ان مصر واسرائيل أخوه- ولكن على ما يبدو انهم تناسوا انهم لم يعرضوا على مصر ما عرضته اسرائيل!

إن أمر فلسطين لن يتم حله في جيلنا الحالي
فنحن ضعاف على جميع المستويات
وحتى مختلفين مع ظلنا
فكيف نجتمع ونحل مشكلة القدس
وللعلم
الناس هذه الايام بطلوا يتكلموا عن القدس وغزه
كنت لسه بكلم واحد صديق بالامس وقلت له يعني مفيش حد بيجيب سيرة الجدار الفولازي ولا جوعى غزه ولا معبر رفح ولا غيره
أصل احنا عندنا الكلام الجد له مواسم
واليومين دول يومين انتقالات اللاعبين في الانديه العربيه ومحدش فاضي

Unknown يقول...

عالم ماريونيت: رنا ازيك..

بصى يا رنا..انا مؤخرا اكتشفت ان الموضوع اكبر بكتير اوى من فريقين بيتخانقوا على السلطة..الموضوع مش بس شوية مصالح وبلد حد عايز يحكمها ويستفيد..وافرضى ان دة اللى حاصل..دة مش معناه ان الشعب بيخانق بعضه..فى فرق شاسع بين الشعوب والحكومات..

لو اتعاملنا مع الموضوع كدة يبقى بالظبط ممكن اوى حد ييجى عندنا هنا بلدنا ويقول ما الحياة فل اهى..العربيات المرسيدس مالية الشوارع والماركات اللى مفيش منها فى اغلى بلاد العالم عادى متوفرة عندنا..ما المولات مالية الدنيا وفيها مستهلكين بالهبل اهو وكلهم مبسوطين وبيشتروا..ما المنتجعات السياحية شغالة الله ينور ومفيهاش موقع لقدم..ما الفضائيات عندهم اكتر م الهم عالقلب والمطاعم شغالة لوز والافراح بتتعمل فى اكبر قاعات وكله اشطة اهو..اومال فين الظلم والفقر اللى العالم دى بتقول عليه..دول ناس مفتريين..بس ايه الحقيقة؟؟؟

الحقيقة اننا فعلا عندنا فقر وظلم وقهر..هل دة معناه ان الشواهد المنطقية بتدعم دة؟؟؟

اللى عايزة اقوله..ان فى فرق كبير اوى بين الحكومات وبين الشعب..

الناس دى بيعيشوا فى الضلمة ايام..مستشفيات بتقف..اطفال صغيرين بيموتوا..مفيش أكل..مفيش أمان..مفيش اى حاجة خالص..

فى عيال صغيرين مالهومش دعوة بفتح وحماس..فى اطفال ميعرفوش الفرق بينهم اصلا..دول ايه ذنبهم ناخدهم بذنب الكبار؟؟

فى ناس كتير اوى مالهومش مصالح سياسية..واصلا اصلا انا مقلتش اننا نعمل اى حاجة غير شوية دم..وشوية فلوس..وشوية دعاء..بس كدة..

بس تعرفى ان تعليقك كان واحشنى اوى...

Unknown يقول...

لورنس العرب : موضوع التهنئة..والله انا قريت الخبر فى مواقع مصرية..ومشفتش شتيمة ولا حاجة ولا حتى حسيت ان الخبر منتشر يعنى..وبعدين فيها ايه يعنى لما يكون الخبر صحيح؟؟؟ ماهو كتير بيحصل يعنى اننا نعمل معاهم اكتر من كدة..ودى مش اكبر حاجة ولا افظع حاجة ممكن نعملها..

ثانيا موضوع اللحوم..المشكلة مش فى اننا نرفض..مش دى المشكلة نهائى..المشكملة فى العرض ذات نفسه..عرض مخزى اوى..مذل للغاية..ومالوش معنى تانى غير اننا اصحاب...ولاد عم يعنى مفيش مشكلة احنا نديهم غاز هما يدونا لحمة..الجيران لبعضيها برضو..

هرجع اقول تااااااااانى انا مطلبتش اننا نحل امر فلسطين خالص..مش قضيتى دى اصلا..انا بس متعاطفة مع بشر..مسلمين..فيهم بنات زيي واطفال لو ولادى هموت عليهم..فيهم شباب صغيرين بيتقتلوا وبينتهكوا عشان مبيعملوش حاجة..انا بس عايزة نفتكرهم بدعوتين..بشوية دم..بكام جنيه..دة مالوش علاقة بالضعف والقوة..دى انسانيات بحتة..

انا متعاطفة معاهم عشان مش متخيلة نفسى بيحصلى كدة..متعاطفة عشان الناس دول اقويا اوى فوق ما انا اقدر اتخيل قوتى..الناس دول مسلمين وعندهم قضية اقل حاجة اننا نحس بس..منحلش لانه مش دورنا..انا بس مش عايزة انسى..

منور جدا على فكرة..ابقى تعالى كتير

Foxology يقول...

وليه بس كمية الاخبار السودة دى ؟؟؟

انا بجد بقيت مقتنع تماما ان فى ناس مصلحتها ان الوضع يبقى كدة سئ للغاية والادلة كتيرة على فكرة

تحياتى

Unknown يقول...

زى عناوين الاخبار المزعجة خبر واحد بالتفاصيل احسن