الأربعاء، 15 سبتمبر، 2010

تداعيات


"يا شال الهوا غطيه..يا نسيم الأطبا داويه..وتحاسبى يا غربة عليه بكينى واضحكى ليه..صعبان عليا يا غزالى"

أعشق تلك الأغنية عشق غريب..أشعر أن ألبوم عشق البنات هو أحب ألبومات منير إلى قلبى..ربما لأن قصة حبى لمنير بدأت معه..ربما لأننى فى فترة ما لم أكن أسمع غيره وكنت مراهقة خرقاء مجنونة بذلك الاكتشاف الأسمر الرقيق الذى يغنى لها وحدها..تلك الأغنية تحديداً يمكنها أن تجعلنى أبكى بشفافية غريبة لا تليق باللحن السريع ولا بالكلمات الرشيقة..أحبها وأحب تلك الحالة المتفردة التى أجدها فى الأغنية..كل جملة بها تخبرنى شيئاً ما..كل جملة لحنية فى الأغنية تزغزغ وتراً فى روحى.ودائماً ما يكون هذا الوتر مشدود فيرتعش قلبى بسهولة..لا أعرف هل الدفء المختلط بالشجن يتسرب إلى شقوق الروح المنهكة من صوت منير أم من الكلمات التى تقطر حميمية أم أننى أهلوس فقط لا غير..ولا أعرف سر إصرارى الغريب على أن أستبدل كلمة كلامه بكلمة شبابه فى الكوبليه الأخير عندما يقول "الدنيا اللى جاية عيونه وأفراحه وكلامه ولونه" أصر أنا أفراحه وشبابه ولونه..لا أعرف السبب ولكنى أشعر أنها هكذا أفضل..شبابه أفضل كثيراً.

تلك كانت مقدمة..أو قل أننى أضعك فى الجو..على أى حال لقد أتممت الاثنين وعشرون عاماً..بالطبع هو حدث لا يستحق أى احتفال..ولكننى كنت أترقب يوم ميلادى بفرحة غريبة افتقدتها هذه السنة..حاولت أن أعوض ذلك الفقد بتلمس مكالمات الأصدقاء التى أعرف أنها حقيقية جداً..و حاولت أن أصنع ذكريات يوم ميلادى الخاصة..استمعت إلى على حسين ودنيا مسعود وبلاك تيما..رقصت وحدى فى الغرفة رقص تحول إلى تنطيط عشوائى جداً ومنهك..كنت أحاول أن أصرف ذهنى وقتها عن التفكير وفشلت فشلاً جديراً بالأساطير الاغريقية.

شىء واحد مختلف وجميل جلبه لي يوم ميلادى هذه السنة..دوماً كنت أقول أننى أحب الرسم وكنت أتمنى لو كان بوسعى أن أرسم..هذه السنة قررت أن أرسم -بالعافية- أخبرت أختى أننى أريد هدية ميلادى فرشاة ألوان وكراسة رسم..وذهبت بنفسى كى أشتريهم..نشوة غريبة تملكتنى وأنا أنتقى علبة الألوان وأسأل عن كراس الرسم..وأخبر البائع أنى بحاجة إلى بالتة..بالطبع نسيت أن أبتاع فرشاة وذكرنى بها البائع..ضممت المشتريات إلى صدرى بفرحة طفولية جداً وأنا أصعد السلالم وبدلت ملابسى وقررت أن أفرح قليلاً..جلبت زجاجة مياه صغيرة كى أسكب منها على الألوان..أدرت مزيكا دنيا مسعود وتركتها تسكب فى أذنى حكاية "اللى اتغرب" واهتز قلبى جداً وهى تتساءل أين ذهب حبيبها وتهتف بصوت قوى موجوع "راح مع الرجالة وللا مع الجمالة..تاه من الدلالة ومين يا ناس يجولى".

أحببت الألوان وأحببت قدرتى على تغيير واقع الورقة البيضاء إلى شىء آخر حتى لو كان تحول غير متقن..أحسست أن هناك شخنة ما تفرغت وانبهرت بقدرتى على الفرح بشىء غير متقن الصنع كتلك اللوحة العجيبة التى تستحق مكانها بجدارة فى أقرب سلة مهملات أنيقة

أصررت أن أسجل ميلاد تلك اللوحة على المدونة..بما أنها أصبحت مساحة للثرثرة الشخصية وبما أننى أصبحت أكتب كى أشفى كما تقول إيزابيل الليندى..وبما أن البوح على المدونة هو أقصى تمارين البوح التى يمكننى أن أمارسها..ربما تفلح شخبطة الألوان فى تهدئة شخبطة روحى..وبالتالى فلابد أنكم خمنتم أن اللوحة المرافقة لهذه التدوينة بريشة إنجى إبراهيم.


......إنجى إبراهيم......

هناك 19 تعليقًا:

قطة وخيوط يقول...

كل سنة و أنتى طيبة يا إنجى عقبال مليون سنة تعيشى فيهم وتكتبى كلام جميل كده وحقيقى أوى وحساس جدا ذى الى كتبتيه دلوقتى
يمكن دى تكون أول مرة اقرالك فيها بس حاسة أنه كان فايتنى كتير جدا مدونتك حلوة أوى و أسلوبك عميق جدا ويلمس القلب
اما عن اللوحة بقى فبجد عجبتنى جدا و ألونها حلوة أوى يمكن عشان كده أول ما بصيت فيها جه فى بالى منير برضو
الدنيا لو جراحة لونها لون فرحة
:(

Shrouk يقول...

وانا كمان عجباني اللوحة علي فكرة
:)

adel يقول...

انا لسه شافة البوست
تصدقي كنت فاكراها لوحة من لوحات فاروق حسني ؟؟ :):):)

اما منير فانا لو اتكلمت من هنا لبكرة مش هزهق

اما التداعيات فلنا الله
بس علي فكرة اللوحة مش سيئة بس لو هتضيف شرح يعني دي بتمثل التداعيات ولا يوم ممطر ولا الانسان الحلزوني الزومزويئ؟؟

Ramy يقول...

الأول كده

كل سنة و انتِ طيبة

ثانيا بقى

انا شغلت الأغنية و انا بقرا البوست علشان اعيش الجو أكتر (:

ثالثا

بجد بأمانة بدون مجاملة

أنا افتكرت اللوحة دى بتاعت فنان كبير

اللوحة أهميتها فى أحاسسها مش هى حلوة و لا لأ

لأن كل لون انتى كنت بتحطيه بيمثل أحساس وقته ساعتها

جميله الوحة صدقينى عجبتنى من قبل ما اقرا البوست (:

ربنا يوفقك يا دكتورة

(:

Unique يقول...

عارفة؟! دايما بتذهلني قدرتك على كتابة نفسك بس المرة دي أنا مبسوطة أكتر لإني حاسة إنك مبسوطة أكتر وأكتر

كل سنة وانتي إنجي.. كل سنة وانتي مذهلة ومبسوطة :))

تحية لروحك....
وللفرشاة :)

richardCatheart يقول...

اولا تيجى عندى او ماتجيش دا مش هايمنعنى اسأل عليكى واطمن


بس طبعا مجيك يهمنى لان رائيك يهمنى

انا بس قصرت الفتره اللى فاتت علشان كنت ملخبطه
والله انا غيرت شكل البلوج كذا مره علشان موضوع تهنجها دا يارب تشتغل كويس عند الكل

اللوحه بقى ياستى والله اول مابصتلها افتكرتها جاهزه ياعنى مش هند ميد تبعك

لا ادعى شرف انى بعرف ارسم بس على قدى
اللونها جميله فيها حاله
شايفه وشك فى النص بروفيل وحوليكى افكار وزحمه ملونه كل لون بيقول حاجه

ارسمى على طول حتى لو انت بس اللى حاسها وفاهمها

منير دا بقى حكايه لوحده الغريب اللى فيه انه زى البحر

كل واحد بيحس انه بيغنيله لوحده اغنيه منفرده هو بس اللى حاسسها وسامعها وفاهمها حاله منير

كل سنه وانت طيبه ويعود عليكم الايام بالخير يارب
وماتنسيش التجمع قريب

Anti mogahd يقول...

كابتن ابو رد ستمانين سطر

هنا موضوع مش تبع اى جهاد ولا اى سلامه حتى

فلو عاوز تجاهد جاهد فى حته تانيه

واى رد غير طبيعى هترد بيه هنضطر اسفين نمسح ردك

والحل الاخير بقى

انك تبطل جهاد على النت وتروح تجاهد مع الناس اللى بتجيب دم دى

مش موصله وصله نت وبتجاهد

مجاهد يقول...

أنتم كفرة
تريدون إطفاء نور الحق و لكن الإسلام باق رغم أنوفكم جميعا و السلفية باقية رغم أنوفكم جميعا
و ذات يوم سنحكمكم بالحديد و النار و سنرى إلى أي منقلب تنقلبون

adel يقول...

مين العبيط اللي داخل يكتب اي كلام ده ؟؟؟
يابني ايه علاقة المدونة اصلا بالكفر و العبط ده ؟
وانت اصلا تعرف ديانة صاحبة البلوج منين

يخربيت قنوات سبيس تون اللي خرب عقول الناس

إخواني و أفتخر يقول...

بسم الله و الصلاة و السلام على رسول الله سيدنا محمد إبن عبد الله و على آله و صحبه و من والاه أما بعد
أيها الإخوة الأحباء في الله
قرأت ما كتبه الأخ المجاهد هنا قبل أن يقوم أحد الإخوة بإزالة ذلك الرد الكافي الوافي الشافي عن حرمانيه الغناء بكل أنواعه و حرمانية الإستماع إلى الموسيقى بكل أنواعها و قد جاء هذا الرد من الكتاب و السنة النبوية المطهرة و الاحاديث الشريفة و آراء علماء الأمة و فقهائها ولا أدري سببا يدعو إلى إزالة هذا الرد المبين لأحكام الشريعة إلا كراهية الشريعة الإسلامية و عدم الرغبة في الإنتهاء بنواهيها و الإلتزام بأوامرها التي أنزلها الله تعالى و أمر بها رسول الله صلى الله عليه و سلم .
الإخوة الكرام إن الأخ مجاهد لم يفعل شيئا معيبا ولا قام بنشر ما يخالف صحيح الدين او ما يخالف المعتقد مما يستوجب الحذف لكنه نشر صحيح الدين و أعلى كلمة الله و رسوله و أعلنكم بها و كان لزاما عليكم أن تنصاعوا لأوامر الله و الرسول بدلا من أن تزيلوا ذلك الرد الذي بعد أن قرأته إنشرح صدري لأن هناك من هو مستمر في محاولة نشر صحيح الدين بين الأمة الغافلة عن دينها اليوم و أصدقكم القول بأن عيناى أغرورقتا بالدموع بعد أن رأيت أن ذلك الرد قد تم إزالته و شعرت بأن هناك من يرفض أوامر رسول الله و ينقضها لصالح مزاجه الشخصي
قيا امة محمد يا خير أمة أخرجت للناس أيصح ان نفضل مزاج المخلوق على رغبة الخالق ؟
أيصح أن نهمش الدين لصالح أعداء الدين ؟
لا و الله إن هذا لذنب عظيم فلا طاعة لمخلوق في معصية الخالق.
أطالبكم جميعا بأن ترجعوا إلى رشدكم و تستمعوا إلى كلمات الأخ المجاهد الذي يبدو من تعليقاته أنه متبحر في أمور الدين و فاهم للدين الصحيح و ليس من دعاة الدين المودرن الذي ينادي به أشباه الشيوخ اليوم فهو فاهم جيد جدا للجهاد و فقه الجهاد و كل ما قاله فيه صحيح بالدليل و البرهان و بكلام أشرف الخلق و بتفسيرات أئمة الامة كلهم.
إخوتي الأعزاء ديننا يأمرنا بأن نرهب عدو الله و عدونا فلماذا لا نرهب كل من تسول له نفسه أن يكون على غير ديننا الحنيف ؟؟
لماذا أصبحنا نتملص و نشمئز من كلمة الإرهاب ؟
إنها و الله العلمانية الكافرة التي ملأ بها الإعلام الغربي صدورنا فأصبحنا نختشي من ذكر فقه الجهاد و نتنصل من الأحاديث النبوية المشرفة و نصفها بالأحاديث الضعيفة و أصبحنا نفسر آيات القرآن الكريم على أمزجتنا و أهواءنا و ما لا يتوافق معنا نهمله.
فلنرجع جميعا إلى رشدنا و لنتب إلى الله توبة نصوحة عسى الله أن يهدينا جميعا إلى سبيل الحق.
أقول قولي هذا و أستغفر الله لي و لكم و السلام عليكم و رحمة الله و بركاته

adel يقول...

ياجدعان كفاية هرتلة
شوية

الاستاذ اللي بيغني و التاني اللي بيطبل

واضح قوي من اسلوب كاتبة وصاحبة المدونة مدي اطالعها و ثقافتها
الادبية و الدينية والا مكنتش هتحط صورة حد زي د/مبروك عطيه

ياريت كل واحد يخليه في نفسه
الاستاذ اللي بيكفر ... هو حضرتك ضامن جنة يعني ولا اصلا ضامن منين صحك من غلطك
الكامل هو الله يا استاذي

وبالمثل الاستاذ الاخواني
يا اخي انهي نفسك عن الهجوم علي الغير و اليس النصيحة في العلن فضيحة ؟
دي علي اساس اصلا انا المدونة هنا مرقص ؟ و منزلة اغاني سعد الصغير ؟
وبعدين هو انت هتتحاسب عن اللي بيسمعوا مزيكا ؟

اعمل مدونة حضرتك بدل التخفي باي اسم
واكتب مايحلو لك من شؤؤن الدين واللي هيقرا وهيتعظ يبقي اتكتبلك حسنة
اللي مش هيتعظ هيتحرق مع المطربين في جهنم

صح ياسيدي الفاضل الكلام ؟؟

Timo.. يقول...

"أحببت الألوان وأحببت قدرتى على تغيير واقع الورقة البيضاء إلى شىء آخر حتى لو كان تحول غير متقن.."

وهو العمر ايه غير ورقة بيضا بنحاول نغير فيها حتى لو فشلنا..بنحاول عشان ما تبقاش الورقة (فاضية)

ها ييجي اليوم اللي ترسم بنتك فيه اول رسمة واول شخبطة وها تحسي قد ايه هي اهم واجمل رسمة في الوجود..وده في حد ذاتة...تغيير برضه :)

كل سنة وانت طيبة :)

Timo.. يقول...

نسيت اقولك اني انبسطت كتير وانا هنا :)

Timo.. يقول...

احسن حاجة عملتيها انك نشرتي تعليق مجاهد زي ما هو عشان يبص لنفسة في المراية وعشان حنا كمان نشوف الجهاد من وجهة نظرة...!!

Anti mogahd يقول...

الله
الوطن
الكتاب الاخضر
ده الشعار فى ليبيا
هنا يا طنط مجاهد
بتقول سنحكمكم بالحديد والنار
انا مش هلخبط فى ديانتك
بس بيتهيالى ستالين وهتلر اللى كانوا هيعملوا كده
ربنا يهديك للبتاع اللى انت عاوز تهتدى ليه
بس اكيد غير الاسلام بتاعنا
اه صحيح
بما ان من كفر مؤمنا فقد كفر
فصباح القشطه
وبما ان اسلوب اخيك الفاضل اللى جه يأزرك معرفش استنتج منين انو لازم يحط الرد زيك تلت اربع مرات
يمكن عملا بان كل تعليق بعشره امثاله

وزى ما قولت

لو انت عاوز تجاهد
روح اتبرع حتى بالدم

والنبى الناس اللى بتوصل نت وتيجى تجاهد بيطلعوا فى الاخر
...............
ولا بلاش
وزى ما قال استاذ عادل
وبما نكم من الاخر بتتكلموا من ورا اسامى الجهاد والسلام ومش قادرين تقولوا شخصياتكم

يبقى للاسف الشديد
بنتعامل مع فراخ من برنامج فرختن لكل مدونه



الاخوه اللى بيناصروا الاسلام دول

روحوا ادعولنا بالهدايه بدل التكفير

ربنا يخرب بيت شركات النت اللى وصلت النت لكل الكائنات بدون الاطلاع على النوعيه

ميرام يقول...

اللوحة
شاردة ..
مشتتة .. عشوائية ...مشاعرك مختلطة جداااا
شعرت وكأنك تحاولين جعلها توحي بالسعادة ,,,
الا أن المحاولة أخطأت ,,,

تفتكري قرأت اللوحة غلط ...!!

بس على فكرة جميلة (:
والنص أجمل
واحساسك وصلني ..
تحيتي
وانتظر الجديد

اندروميدا يقول...

واضح انك خلصتي الالوان كلها علي الورقة البيضاء :) .... عموما كل سنة وانت طيبة .

تحياتي في مرور اول

ponpona يقول...

تعرفي
جو أهيد

:)

P A S H A يقول...

:)

كل سنة وأنتِ بتشخبطي

:)