مش هطول عليكم المرة دى انا بس كنت عايزة اعمل مداخلة بسيطة ماشى؟
فى خطاب الرئيس يوم عيد العمال قال ان العلاوة مش بس 15 فى المية ولا20فى المية لا دى 30فى المية.
كلامه فكرنى باعلان سمن روابى الاعلان كان بيقول روابى مش بس زادت ربع كيلو ولا نص كيلو روابى زادت كيلو بحاله.
وانا عايزة اعمل اعلان انا كمان اشمعنى يعنى انا.وهاقول فى الاعلان
الاسعار زادت مش بس 30فى المية ولا50فى المية الاسعار زادت اكتر من 100فى المية ..
بس طبعا مافيش حد هيهلل للاعلان دة زى ما هللوا لاعلان الريس لييييييييه؟
عشان دة الريس واحنا فى بلد ديموقراطى ..حد ليه شوق فى حاجة؟؟؟
هناك 19 تعليقًا:
لا دة بس المستشار الاعلامي بتاع الريس اليومين اللي فاتو كان مقضيها مع طارق نور
انا باثبت حضور اهو
عشان خاطر اللي عمله مرزوق
ياسر خاطر:شكرا على التعليق..بس هو زيارتك دى تكفير ذنوب بس؟يعنى كدة خلاص مش هاشوفك تانى؟طب ليه كدة؟ على العموم انا مش هابطل ازور مدونتك ويسعدنى انك كمان تزورنى ماشى؟
هشتكنى...وبشتكنى...ياريس
انجى يتفع اسيب عندك تعليق..خلاص بقى انا مش غريبة..دخلت عند عالم الهسس..ومعرفتش اعلق خالص..مش عارفة الجهاز مضروب ولا جهل بعيد عنك...قوليلوا...علشان الحمار بتاعوا...كلنا لها...انتى مشتركة فى عالم الهسس دة...ابقى خدينى معاكى....بعد ما تعالجينى...هبقى كويسة..خلاص اخدت الحقنة استريحت..افففففففف
عشان يعلمونا بس ان مهما الشعب يعمل هما فى الاخر بيعرفوا يضحكوا عليه صح
و مبروك على المدونة و شكلك كارثة و كمان دكتورة نفسية شدى جيلك بقى عشان تعالجى الشعب المصرى كله و انا منهم طبعا
تحياتى يا فندم
اشمعني اعلان روابي
مالها الهانم ام حسنة زرقا
كيكى:عيب كدة يا بنت ايه هشتكنى دى اسمها هشكنى..شكرا على التعليق
محمد ياسر:هو انت كدة على طول فاهم الحكومة غلط يا معلم الكبير ما كانش قصده يضحك علينا دة كان قصده يقلب عيشه واهو يمكن اى مخلرج اعلانات يعجبه الاداء..شكرا على التعليق واوعى تبطل تزورنى ماشى؟
احمد المهم:هانم ايه يا ابنى روابى وبس وبعدين اعلان روابى اخره كان بيقول وعلبتنا مش منفوخة واهى تمشى مع العلاوة بحيث نقول ومرارتنا مش مفقوعة.
ههههههههههه
صح كده :) تمام
هههههههههههههه
المفروض تدفعي ضرايب علي الاعلان بتاع الاسعار ده
اشرف حمدى:اخيرا طالعنا تعليقك البهى على المدونة يا عم انا كنت فقدت الامل.على العموم اهلا وسهلا شرفت اوعى تبطل زيارات.
تامر:ايه يا عم المتفوتر ما تخليك محضر خير انت ما صدقت؟شكرا على كل حال على التعليق البرىء دة
ههههههه
كل اعلان وانتى طيبة
تحياتى
وكل تعليق وانت طيب يا تامر ..اوعى تبطل تزورنى يا باشا
هاى..انجى عاملة ايييييييييية..انا رديت على سولك عندى فى المدونة لاحسن تفتكرينى بطنشك....الاهم الايام الجاية عندى امتحانات...بقولك بي علشان لو مردتش على اى كومنت...ادينى قولت..لو سمحت هتلى دستة حقن علشان الامتحان...معيش غير واحدة دلوقتى..اففففففف...استريحت
انا عن نفسى ماليش شوق فى اى حاجه
انا بدفع الاسعار 4 اضعاف وانا ساكته خالص
مضطره بعيد عنك
منه له اللى كان السبب
تحياتى
بتفكرني برضه بالراجل اللي بيطلع الأتوبيس يبيع أحد أنواع الشيكولاتة مجهولة الهوية، غالبا بيقول "صلوا علي رسول الله، لا هنقول بجنيه واستغلال المحلات، ولا بنص جنيه، هانقول الواحدة بربع جنيه وكل من دفع جنيه خد أربعة"
... معلش ، كل واحد وثقافته :-)
كيكى:ربنا يوفقك ان شاء الله هادعى لك وانت كمان ادعى لى ماشى؟
قطة الصحراع:سعيدة انك شرفتى..وبالمناسبة انا كمان ماليش شوق فى اى حاجة.
احمد على:يا اهلا يا اهلا شرفت والله بس ملحوظة انا ما بحبش غير شوكولاتة كادبرى اوكى؟
أنا بشجع منتج بلدي وباكل شكولاتة "العنتبلي"
حد لة غرض في حاجة؟؟
واذا كان عجبنا وممكن الاسعار
تتطلع 200في المائة والاجور متزيدش
عادي وطبيعي جدا ولو كان عجبنا
تحياتي
اختى
موضوعك رائع
وفيه اشياء فى واقعنا
ومن الجميع ان تعبرى عنها بهذا الاسلوب الرائع
إرسال تعليق