الخميس، 11 سبتمبر، 2008

الليلة عيد

الليلة عيد.... ليه الليلة عيد؟؟؟ عشان بكرة عيد ميلادى يبقى طبيعى ان البشرية كلها تقيم الافراح وتولم الولائم وكدة يعنى احتفالا بعيد ميلادى........
كبرت انا خلاص بقى عندى عشرين سنة يعنى عهد (اشر ) اللى هو تمنتاشر تسعتاشر خلاص خلص.....
السنة اللى فاتت دى حصلت فيها حاجات كتير .. حاجات وحشة و حاجات حلوة بس الاكتر كانت الحاجات الحلوة او المهمة ......
يعنى السنة اللى فاتت حصل فيها حاجات كتير كانت اول مرة تحصل لى فقط وحصريا (اكسكلوسيف يعنى) ....
مثلا السنة اللى فاتت كانت اول مرة ادون ودى حاجة مهمة جدا على الاقل بالنسبة لى ... اول مرة كائنات بشرية تشاركنى كلامى وارائى ...اول مرة اتصاحب على ناس عمرى ما شفتهم بس احساسى اننا اصحاب قوى ...
كمان السنة اللى فاتت كانت اول مرة اشتغل و اول مرة اسيب الشغل واخد قرار انى هاقفل باب مهم و افتح انا لوحدى باب يمكن صعب لاسباب تتعلق بمصالح الكرامة العليا.......
كمان السنة اللى فاتت كانت اول مرة اعمل عملية واهم حاجة فى الموضوع دة انى اتعاملت مع دكتور نديم اللى هو اساسا محتاج بوست لوحده عشان اوصف كم هو رائع و عظيم و مؤدب و فاهم و طيب و شهم و خدوم و بشوش و زى القمر من الاخر كدة ابن ناس يعنى ماقابلتش زيه كتير وما افتكرش انى هاقابل زيه تانى اصلا.......
انجازاتى بقى السنة اللى فاتت مش كتير ومش مهمة كالعادة طبعا ......
يعنى من عينة انجاز فى كورسات الانجليزى ... قراية رواية يوتوبيا... قرارات فى حاجات مهمة... كدة يعنى.
بس اهم حاجة حصلت ان فعلا السنة اللى فاتت كان لها تاثير شنيع على شخصيتى يعنى حاسة انى بقيت انا حاجات كتير بقت اوضح فى شخصيتى اهتمامات كتير اترسخت عادات ومبادىء ما افتكرش انها هتتغير يعنى من الاخر شخصيتى تبلورت-حلوة تبلورت دى- السنة اللى فاتت بدرجة كبيرة فعلا.... بقيت انجى اللى هى لو حد خيرنى بينها وبين انى اكون اى حد تانى هاختارها هى بكل عقدها وكلاكيعها وكلامها اللى زى الطوب الاسمنتى و وجهات نظرها اللى بتخلى الناس يفكروها يا اما هبلة يا اما جاية حالا من المريخ ....
بقى عندى عشرين سنة بس مش حاسة انى كبرت يعنى ولا حاجة عادى .....
طبعا فى حاجات كتير وحشة حصلت السنة اللى فات بس مش فاكرة منها اى حاجة وكدة احسن اصلا يعنى ...
كلنا نسمع عن ازمة منتصف العمر بس حد سمع عن ازمة مقتبل العمر؟؟؟؟
هاضيفها باسمى لمؤلفات علم النفس ان شاء الله..
المهم كل سنة وانا طيبة ... عايزة اقول لكم ان الهدايا لازم تبقى محترمة يعنى مثلا مثلا ماما جابت لى موبايل فظيع...
يعنى ممكن اقبل هدايا من نفس العينة كدة مش عايزة اتقل عليكوا....... سلام

هناك 50 تعليقًا:

بيكر(baker) يقول...

كل سنة و انتى بالف خير يا انوج و يا رب كل سنه تيجى بخير و احسن من الى قبلها
بقيتى عشرين يا عسل كبيرتى خلاص و لازم بقى تعقلى شويه و عقبال متلاقى ابن الحلال

wa7ed 2ensan wnsan يقول...

ياه عشرين سنه وخلصتي من ( آشر) خلاص
بتغيظي اللي لسه في آشر ولا ايه ماشي يا ستي

كل سنه وانتي طيبه وبألف خير يا داكتوره أوجي

ويا رب الل جاي يبقى احسن من اللي فات ..

بس يا ريت تكبري الخط في اخر كام كلمه كده انتي عارفه النظر بقى شيش بيش بيتهيألي كلام عن هديه او حاجه كده وانا استنتجت بذكائي الفزيع المريع انك بمناسبة عيد ميلادك هتجيبي هديه لكل اللي يعلق مش كده

انا ممكن أقبل الموبايل الجديد كهديه مبدأيه

كل سنه وانتي طيبه

afew good men يقول...

كل سنة وانتي طيبة
ودايما انجازات

ودايما باحسن صحة وبالف خير

الهدية مش عارف اجيب ايه ولا ايه
بس عموما كدا في هدية ليكي عندي

تحياتي

afew good men يقول...

happy birth day to engy
happy birth day to you

عايش ولكن يقول...

ازيك يا انجى
والله فرحان اوى
هتعزمينى على التورته بكره ولا هتعملى فيها ناسيه
كل سنه وانتى طيبه ويارب السنه الجايه تكون احسن من اللى فاتت وتوشفيش فيها اى حاجه وحشه
بمناسبه بقا الهديه
قعدت اقول ياد يا علاء عاوز هديه كده جامده اوى وتكبس على نفسها ملقيتش اكتر من التاج دبستك فى واحد عندى تعالى استلميه هههههههه
دمتى بكل خير
علاء

Foxology يقول...

كل سنة وانتى طيبة والسنة الجاية اقرب واقرب لربنا ان شاء الله :)

تحياتى :)

ليكوريكا يقول...

كل سنه وانتي بجد محققه كل اللي بتحلمي بيه

كل سنه وانتي قريبه من ربنا اكتر واكتر

كل سنه وانتي مع الناس الي بتحبيهم وبيحبوكي بدون مقابل او مصلحه

كل سنه وانتي انجي اللي بتتمنيها

كل سنه وانتي بخير

ليكوريكا

princess يقول...

بحاول اعلى اهو:)
اولا المدونة جميلة اوى
ثانيا سعدت بالزيارة يا دكتور وان شاء الله هكررها:)
تحياتى

حمادة زيدان يقول...

أنووووووووووووووووووووووووووووووووج

كل سنة وانتى طيبة وبخير وجمال وصحة ورمضان عليكي خير

كل سنة وانتى طيبة

ورمضان كريم

blue-wave يقول...

يااااااااااااة
كل سنه وانتى طيبه يا قمر
وعقبال مليون سنه

سفروتة يقول...

كل سنة وانتي طيبة وقريبة من ربنا اكتر واكتر
ويارب السنة دي تحققي انجازات احسن واحسن من السنة اللي فاتت
وتبقي انجي اللي بتتمنيها
:)

عالم حبيب يقول...

كل عام وأنتي الى الله أقرب وعلى طاعته أدوم

اسأل الله أن يبارك لكِ في عمرك ويملأه بما يقربك منه وما يسعدك في دنياكِ واخراكِ

ومن حسن إلى أحسن ومن جميل إلى أجمل .. ان شاء الله تحققي كل ما تتمنين هذا العام

اسأل الله لكِ الفردوس الأعلى

كاتب مصري يقول...

كل سنة وانت بألف خير يا انجي ان شاء الله العمر كله قدامك وربنا ييسرلك في حياتك الباقية ويوفقك ويكتبلك الخير دايما..
يعني انت أكبر من بشهر و8 أيام..يبقى أنا مولود امتى ههههههههه
كل ودي وربنا يتقبل منك صيامك وطاعتك

mina يقول...

انوووووووجججججج كل سنة و انت طيبةةةةة عقبال 900000000004386377512376234ث5 سنة و تحققى كل اللى تتمنيه

كيكى يقول...

يمكن
اكوووووووووووون
من الاواخر الى علقوا..
بس انا اول واحدة اقولك كل سنة وانت طيب جميللللللللللللللل(يعنى انفراد)
وعقبال ما تعشى لحد 34566 سنة
وتقعدى تقرفين فى عشتنا دايما
!
!
وياااااارب السنة الجاية تعرفى تعملى صلصلة ةمكرونة
يالهووووووووووووووووى
انا كدة هسيحلك عموما
انا كلت تورتة كلها لوحدى
هابى برث دى
عووووووووووووووووووووووووو

mregypt7 يقول...

بونجورنو سينيوريتا انجـــــــى
عشرين سنه يا انجى
يااااااااااه عجزتى موزززززز
انا مش عارف اقولك ايه
بس لازم اقولك
كل سنه وانتى طيبه............
وعقبال ما نشيلك فى الخشبه قريبا انشاء الله قولى انتى بس يارب فى الايام المباركه ديه بس ياريت يكون وقت السحور وانتى بتاكلى الزبادى ابو فراوله هههههههههههه
وعن الهديه هتبقى محترمه اوى ما تقلقيش
مش هلبسها لا مينى ولا ميكرو جيب
عارف طلبك هتبقى هديه منقبه هههههههههههههه
الا تعالى هنا فين التورته والبيبسى
وياريت التورته تكون من بون ابيتى
والبيبسى يكون مشبرههههههههههههههه

مبروك يا ستى اديكى سيبتى عهد الاشر ودخلتى عهد ال (ريــــــــن )هههههههههههههه
تحياتى ليكى
بيبــــــــــــو

تسنيم حسين يقول...

السلام عليكم

كل سنه وانت طيبه بمناسبة عيد ميلادك
وكل سنه وانت طيبه بمناسبة رمضان

ونورينى بمدونتى

والسلام عليكم

عايش ولكن يقول...

انجى ازيك
عامله ايه
انا دبستك فى تاج عندى
تعالى استلميه

ميرو انتكة يقول...

انجى حبيبتى وحشاااااااااااااانى مووووووووووت والله بجد

انا عارفه انى مقصرة معاكى بس والله مشغولة جدا جدا جدا لما اقابلك على الميل هابقى اقولك

بس والله وحشانى جدا وخلاص يا توتى حصلتينى وكملتى العشرين

بس على فكرة ده احلى سن يعنى عيشيه بالطول وبالعرض

كل سنة وانتى طيبة يا احلى انجى فى الدنيا وبعدين فين الحاجةالساقعه والشاى بالبن هههههههه

سلامة سلامة يا قمر

المحارب المتيم يقول...

انجى

كل سنة وانتى بألف خير وصحة يارب

مش هقولك عقبال 100 سنة

هقولك يارب تفضلى 100 سنة عمرك عشرين

ويارب تحققى كل احلامك

جميل قوى انك تحتفلى بعيد ميلادك فى رمضان

يالا بقى عاوزين عيد الميلاد مع الفطار

علشان نعرف ناكل التورتة والجاتوه ونشرب البيبس رغم انى مبشربوش بس ممكن صودا ولا فيروز

هابى بيرث داى تو انجى

سنة حلوة يا جميل

سنة حلوة يا انجى

صوت من مصر يقول...

انجى كل سنه وانتى طيبه ما اعرفش ليه جت متاخره جدا ؟

Nabil يقول...

كل سنه وانت طيبه
الظاهر انى اتاخرت بس ظروف والله
المهم كل سنه وانت طيبه كمان مره
وعقبل ماتبقى دكتوره نفسيه
سلام

ياسر خاطر يقول...

انجي انوج اووجي
كل سنة وانت طيبة وبصحة وخير وعافية وحيوية ونشاط وكل حاجة جامدة وعقبال يارب مئات ومئات ومئات من السنوات الضوئية السعيدة والمنعمة والخالية من اي كلاكيع جديدة وهديتي ليكي بمناسبة عيد ميلادك مش هاديهالك دلوقتي عشان للاسف بتاخد وقت عقبال ماتستوي كويس
D:
بس ماتقلقيش قادمة في الطريق ان شاء الله دونت ووري

smily يقول...

happy birthday ya enjy
don't let days steal your happeniss

Mero.. يقول...

ممممممممم انا مليش في اعياد الميلاد فعشان كدا الهدية عليه العوض ومنه العوض..
لكن البوست رووووعة ...مدونتك لها احساس مميز..
ربنا يحفظك يارب ويبارك فيكي...
دمتي بخير..

romansy يقول...

عيد ميلاد سعيد يا انجى
عيد ميلاد سعيد
عقبال الف ميت مليون سنة
وانتى ف سعادة وهنا
واجبلك نجوم السما هدية
لاحلى انجى
كل سنة وانتى طيبة

canary يقول...

كل سنه وانت طيبه

اصدق حاجه قولتيها او عبرتى عنه ان انت بقيتى انت او ان شخصيتك بقت محددة وواضحه

بالنسبه للهدايا فمعلش مش هنقدر نجيب من نوعيه هدايا ماما بس ممكن نبعتلك وردة . وعقبال ما يبقى عندك 80 سنه

(كفايه كدة اوى ورضا برضه الحمد لله)

اسلوبك جميل وراقى
تحياتى

smily يقول...

Happy birthday enjy
don't let your days stolen from you:)

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالتعليق

حنين.. يقول...

. كل سنه وانتى طوويبه
وعسوله كدا
اول مره ادخل مدونتك
بجد دمك شربات وعسل
وانا كمان اتبقالى 5,6 شهور وابقى عندى عشرين سنه
وفعلاا عندى ازمه مقتبل العمر
هههههههههههههههه نفسى افضل كدا ما اكبرش
دمتى سالمه

sanboool يقول...

http://sanboool.blogspot.com/
ادعوك لزيارت مدونتي الجديده

ana ga3an يقول...

مبروك هروبك من عهد ال اشر
ودخولك عهد ال اين

elsha3er يقول...

مش اسكندرانية يبقى اكيد عيدنا كلنا كل سنة وانت طيبة وانشأالله حنعمل مدونة حيكون فيها كل مدونى الاسكندرية ارجو ان تكونى منهم
نحن وبفخر مدونى الاسكندرية

احمد الشاعر

مواطن مصرى نايم يقول...

هابى برزر توتو

كل سنة و انتى طيبة يعنى بس بالانجليزى ايه مفيش لغة خالص لازم نترجم عشان تفهمى قصدى

عقبال ان شاء الله لما يكون العيد المرة الجاية هو فرحك
و تعزمينا بقى
اوعى تنسى

و بعدين المشاريب على حسابى

تحياتى

اسلام

Amgad يقول...

انجي كل سنة وانتي طيبة
ويارب بخير دايما
انا عارف انها جت متاخرة بس حقك عليا
فعلا جميل اوي لما الواحد يعد يتذكر هو
استفاد ايه من كل سنة وايه كان الجديد فيها
ولو مكنتيش دونتي كان التدوين نقص كتير
هزار طبعا هههههههههههههههههههه
وختاما كل سنة وانتي طيبة تاني

كيارا يقول...

كوووووووووول سنه وانتي طيبه وعقبال

10000000000000000000000000000 سنه

حطي الاصفار براحتيكي بقي

ويارب تفضل ايامك كلها سعاده

enjy يقول...

والله يا جماعة متشكرة على الهدايا اللى نازلة ترف علية من الصبح متشكرة جدا لاى حد قاللى كل سنة وانا طيبة بس مش هاعرف ارد على كل واحد لوحده عشان انتوا عارفين انى باتكسف وكدة ماشى؟؟؟

عالم الحب يقول...

هاى يا دكتورة بست رائة ومدونة رائعة بجد وكل سنة وانتى طيبة تحياتى

Hossam يقول...

helloooooooooooooo
happy birthday maaaaaaaaaan
yahoooooooooooooooooooooooooo
have a nice new year man
hope be a frinds
c u
bye bye

engy يقول...

كل سنه وانت طيبه وعقبال مليون سنه
مدونه رائعه باهنيكى
وان شاء الله السنه الجايه انجازاتك تزيد الضعف
انتيمتك انجى

aboud يقول...

بجد بوست زى العسل وبدون مبالغة انت دخلتى قلبى يعنى بجد حسيتك حد طيب اوى اوى وبسيط وتلقائى ودى حاجة مش موجودة اليومين دول بالساهل
و عجبنى اسلوبك و حسيت انه سلس ولذيذ وشجعنى انى ان شاء الله هقرأ بوستاتك القديمة وهبقى اعلق لك عليها وده مبعملوش الا نادرا لما اسلوب المدون بيكون ممتع اوى وبحس ان كلامه طالع من القلب بس موعدكيش ان ده هيبقى قبل اخر رمضان
سلااااااااام مؤقت

aboud يقول...

نسيت اقولك كل سنة وانت طيبة !!!!!

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

goodman يقول...

اول زيارة
كل سنة وانت طيبة

enjy يقول...

سلام عليكوااااا بصوا انا مرديتش على التعليقات عشان بتكسف طبعا بس عايزة ارحب بانجى و عبود واسال حسام هو مين المان اللى انت بتتكلم عليه دة يا كابتن بس والله منورين يا جماعة ولو مكناش فى رمضان كنت قدمت لكم حاجة تشربوها بس احنا فى رمضان بقى احسن وفرتوا............
منوريييييييييييييييييييين

انسان وبس ! يقول...

كل سنه وانتى طيبه

متأخره شويه

وبجد مقتبل العمر ده ازمه

دعاء مواجهات يقول...

وكلى خجل وتواضع وكسووف


((( كل سنه وانتى وردة منورة)))


سامحينى

عبدالتواب محمود يقول...

كل عام وانتى الى الله اقرب

وكل عام وانتى فى تطور وتفوق وازدهار



اما بقى الهدية بتاعتى فانا بقولك لو جالك اتنين موبيل اعملى حسابى فى واحد




دعواتك

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘