الثلاثاء، 16 سبتمبر، 2008

قوانين بنكهة الفوضى

انا شخصيا احب الشيكولاتة باللبن وافضل الزبادى بنكهة الفراولة... ولكنى لا احب القوانين بنكهة الفوضى..

احترم القوانين وافهمها جيدا واوافق على تطبيقها اذا ما كانت تحترم ادميتى و اذا ما كانت ليست بنكهة الفوضى ولكن للاسف فان النكهات المتوفرة فى الاسواق حاليا كلها فوضى...

انا مع قانون كادر المعلمين الجديد .. احترم هذا القانون جدا اذا كان هدفه فعلا ان يرفع كفاءة المعلم ويقوى ملكاته ويساعد فى النهوض بالعملية التعليمية.. ولكن اذا اضيف لهذا القانون نكهة الفوضى فقد مغزاه ونكهة الفوضى تتمثل فى ان تتحول اهداف القانون الى ان تكون تعجيز المعلم واختباره فيما يبتعد كل البعد عن مجال تدريسه واختباره بالقلم الرصاص مما يتيح التلاعب بالاجابات - على حسب ما سمعت- وان تخرج نتائج الاختبار موضحة ان معظم المدرسين غير مؤهلون وهذا لكى لا يستفيدوا من العائد المادى المقرر للقانون...
هذه هى الفوضى التى ارفضها.
انا مع قانون المرور الجديد .. احترم هذا القانون اذا كان هدفه فعلا الحفاظ على سلامتى على الطريق ورفع ثمن حياتى كروح لا يجب ان تهدر بفعل الاهمال .. ولكن ما ان اكتشف ان القانون يسرى على ولا يسرى على امثالى من المسنودين .. وانه لا يجب ان يحمل اى منهم حقيبة اسعافات بها ثمانية امتار شاش مفزلن - مضاف له الفازلين- وعندما يكون الهدف من القانون احراز اكبر عدد من المخالفات كاننا فى مباراة تنس طاولة..وان تكون مشكلة السائقين هى ارتفاع سعر اسكات البيه الضابط الى الضعف بعد هذا القانون.
هذه هى الفوضى التى ارفضها.
انا مع انتشار جرائد المعارضة .. وفضح جرائم المجرمين و لكنى لست مع ان يظل العنوان الرئيسى لجريدة معارضة كبيرة موثوق بها يحتوى دائما على اسم جمال مبارك.. دائما المانشيت الرئيسى يحتوى هذا الاسم وغالبا ما تكون القضية ليست حماسية ولا تهمنى بالقدر الكافى.
هذه هى الفوضى التى ارفضها.
اتخيل كل المواضيع السابقة لو نزعت منها نكهة الفوضى كانت ستكون افضل كثيرا..مثلا لو اضفنا اليها نكهة العدل او نكهة الذكاء سوف يقبل عليها امثالى اكثر.. ولن ينتشر هذا الصداع المزمن فى الجرائد والبرامج ولن نفرد حوارات ومناقشات وصفحات لمناقشة قضايا مصيرية مثل:
لماذا يمتحن المعلم بالقلم الرصاص فى امتحانات الكادر؟
ولماذا يجب ان يكون الشاش مفزلنا ولا يقل عن ثمانية امتار وليس عشرة مثلا؟
ولماذا يسافر جمال مبارك الى شرم الشيخ؟
الا تتفق معى فى هذا؟؟؟؟؟؟؟؟؟

هناك 66 تعليقًا:

حمادة زيدان يقول...

أنووووووووووووووووووووووووووووووووج

أنا معاكي ... المشكلة أنه القوانين في مصر ع الغلابة وبس ... يعني قانون المعلمين كان ممكن يتعمل بطريقة ما تزلش المدرسين بالشكل الغبي ده ... كمان قانون المرور اللي انا معرفوش علشان معنديش عربية ومبفكرش اجبلوا عربية أعتقد أنه بيطبق على الغلابة من اصحاب لتكسيات والميكروبصات أما أصحاب السيارات الفارهه فلا أعتقد حد بيسأل عنهم في حاجة

كمان قانون الضرايب العقارية شكله حلو ويارب يطبق صح مع اني واثق أنه الفوضى هطوله هطوله

معلش طولت

حمدالله ع السلامة

mregypt7 يقول...

والله كلامك جميل وزى الفل ولا يختلف عليه تلاته
اولا يا دوك احترام القوانين ده ما ينفعش يحصل لاننا مصريين والمصرى معروف بولعه بمخالفه القوانين.. ليه لاننا شعب عشوائى
يعنى مثلا فى قانون المرور الجديد
كنت راكب العربيه ودخلت فى الطريق المخالف يعنى عكس اتجاه وانا عارف انى ماشى غلط وعارف ان عقوبتها السجن وغرامه تقدر بتلات الاف جنيه مصرى لاغير
ولحظى الوحش اصطادنى الظابط بعينيه وجه وقفنى
ولكن طبعا عشان المحسوبيه والكوسه اللى فى البلد ما دفعتش ولا مليم
وقاللى خليها علينا يا بيه
اما كادر المعلمين فبيحصل مهازل فيها يا ال انجى
يعنى يبقى الراجل كبير كده ومعلم ومدرس اد الدنيا وواخد معاه برشام
ده اسمه كلام
بس والله فرحت فيهم اصل لما كانوا بيغشوا ويطلعوا البرشام كانت الورقه بتنسحب منهم
فكرونا بنفسنا واحنا بنغش
اهه برضه ماحدش احسن من حد
ههههههههههههه
اما جرائد المعارضه فهى بتقول كلام حلو وزى الفل بس هى مالها ومال الريس بس مش عارف
ده الراجل مظبطنا ومروقنا
كفايه التقدم اللى احنا فيه
وعلى راى المثل
هشتكنا وبشتكنا يا ريس
ولو يا ستى مش عجباكى هاتى الجرايد بتاعه الحزب
اخيرا المشكله الوحيده يا انجى تكمن حلوه واعزرينى لو كنت بقول تكمن
فى انك بتحبى الشيكولاته باللبن
جربتى انتى الشيكولاته البيضه السويسرى
جربيها هاتعجبك اوى بس ابقى افتكرينى
وبطلى تاكلى الزبادى ابو فراوله مش مغسوله كويس ده ههههههههه
انا طولت شويه
وماله البيت بيتى برضه
ههههههههههه
بوست جامد وحلو وله هدف وهدف نبيل نتمنى الاستفاده منه ونغير النكهه الفوضاويه ديه ونخليها
قوانين بنكهه البتنجان
تحياتى
بيبــــــــــــــو

blue-wave يقول...

يا دماغك يا انجى
انا متفق معاكى فى كل حرف
بس احنا اتعودنا على كدا
لأننا مش بندرس اى حاجه قبل ما نعملها
ف عالبا بتطلع بايظه

أبو أسامة - مدونة كباية شاي يقول...

أنا أتفق معك تماما

إن كان هذا يرضيكم

ولكن ما يرضيني أن نتوقف جميعا عن " مجرد " الشكوى ونبدأ كلنا في الحلول من أجل التغيير للأفضل

Amgad يقول...

معاكي حق يا انجي احنا حتي لما بنعمل
حاجه صح لازم يا اما نأفورها اوي لحد متبقي
غلط زي جرايد المعارضة او حتي المستقلة
يا اما نخترع (بايل)فيها ينكد علينا
يا اما نستخدمها استخدام سيء يا اما يا اما يا اما
الامات كتيييييييره اوي
طول ماحنا الشعب الفهلوي

خديجة محسن "لؤلؤة الاسلام" يقول...

ما شاء الله اختى
مدونة جميلة و متميزة
و ديه اول زيارة
بس ان شاء الله تتكرر

و تحياااااتى
رمضان
كريم

فارس بلا جواد يقول...

للاسف من يقومون بوضع القوانين لا يخضعوها لدراسات جيدة لبيان مدي كفاءتها والتغلب علي الاخطاء التي قد تظهر .. ولكنهم يتبعون سياسة التجربة بحيث يتم وضع القانون وينتظرون النتائج
وأكبر دليل هو كثرة التراجع عن قوانين تم وضعها من قبل وأثبتت فشلها
...
بالنسبة للصحف المعارضة أنا أري انها من أفشل الصحف .. فإذا كانت الصحف القومية تخدعنا لتجعلنا نري دوما الحياة وردية .. فإن الصحف المعارضة تقنعنا بالنقيض تماما وانه لا امل في إصلاح تلك البلد .. وأحيانا تميل لبعض المصالح الشخصية
تحياتي لموضوعاتك الجريئة

EMMY BABY يقول...

اول تعليق ليا على مدونتك وان شاء الله مش هيكون الاخير

بجد يا انجى والله كلامك كله صح ميه فى المية للاسف القوانين نفسها تثير الفوضى
يعنى بحس انهم بيحملوا المواطن اكبر من قدرته عايزين يقلدوا الدول التانية بس للاسف معرفوش يدونا حقوقنا اللى افراد الدول التانية بتاخدها

يعنى مثلا ليه امتحان كادر المعلم ميكونش فى المادة اللى بيدرسها لا ازااااااى لازم كل المواد وياريتها اسئلة عادية لا اسئلة ابتكارية وفيها تفكير والتفكير اصلا للاسف مفتقده التعليم فى مصر

ازاى بيطالبوهم يجاوبوا بطريقة متعلموهاش اصلا

واخيرا احب احييك على المقدمة الهايلة وطريقة تناولك للموضوع

تحياتى

ايمى

بنت مصريه يقول...

اتفق جدا
وعشان تسمعى ردى
وليه الناس دى سايقه ف نكهه الفوضى ومستهبله فيها
نورينى ف مدونتى

princess يقول...

هاى
القوانين دى تحسى كده انهم بيناموا ويصحوا يقولوا يلا نعمل قانون ههههه
اه واللهى تحسى كده انه عندهم فراغ ملوش حل
يعنى مثلا قانون المرور والشنطة الطبية اللى لازم تبقى موجودة فى العربية
طب لقدر الله لو حصلت حادثة مثلا الشنطة ولا ليها لازمة لو كان الشخص نفسه معندوش فكرة يستخدم الحاجات اللى فيها
بس تقولى ايه بلد قوانين صحيح ههههه
ام الكادر فده مهزلة بجميع المقاييس
تحياتى

romansy يقول...

هى دى مصر يا انجى
ممكن تكون فية حاجات كتيرة بتصدر بدون تخطيط
وبدون اى انذار
يالله .............. ربنا معانا

هنلقيها منين
قانون المرور ولا الكادر ولا البطالة ولا العيش ولا اية

مواطن مصرى نايم يقول...

نسيتى تكتبى فالاخر
و عجبى

اه و الله
عندك حق فعلا
بوست فالصميم

تحياتى

اسلام

يوميات نائمة في الأرياف يقول...

اه يا انجي
في قوانين بنكهة الفوضى
وفي مواطنين برضة بنكهة الفوضى
هي دايرة مكان ما بتبتدي بتنتهي تاني
مش فكرة قوانين فوضوية
فكرة حالة فوضوية
من القانون اللي بيتفرض
للمواطن اللي متعود على خرق القوانين
لحال البلد اللي حقيقي متسمحش باي نظام
بصي
انا اعرف ان لما حاجة تبوظ اوي كدة
يبقى مش عامل واحد بس هو السبب
الخراب بيكون نتيجة لتضافر عدد كبير من العوامل
تحياتي وكل سنة وانتي طيبة
رنا

aboud يقول...

نسيت تذكرى قانون الضرائب العقارية كمان
الوضع فعلا بقى مستفز يا انجى وبقت حاجة تقرف وللاسف الوضع لايبشر بشىء جيد بل ينذر بكارثة
وللاسف البلد مش هتفوق الاعلى كارثة والله اعلم ممكن تكون ساعتها مش كارثة ونعتبرها نجدة

صوت من مصر يقول...

عندك قانون بالجبنه او بالشطه ؟
وسمعت عن قانون جديد بالكوسه ايه رايك ؟
بوست هايل جدا يا انجى ؟

كراكيب يقول...

جوجاااااا

وحشتييييييني جداااااا
عاملة ايه كدة وايه اخبراتك

انتي عارفة يا جوجا
كنت في اسكندرية عنديكو
وبعدين كنا راكبين العربية السوزوكي دي
والظابط برده وقف يتنطط علينا كدة
وسحب الرخص من السواق وكان عايز منه قصاد الرخصة 500 جنيه
بيطلب من سواااااااق 500 جنيه
والراجل يتحايل عليه لما كان هيبوس رجليه
بني ادمين اعوذ بالله
دول لو كانوا بني ادمين اصلا

حححححححح الموضوع عايز رغي
بس انا اصلا داخله علشان اسلم عليكي
بس معرفت ادخل عندك ومش اقرا البوست

اشوفك على العيد بقى ان شاء الله

miro el niro kwaniro

elkenany يقول...

بوست رائع أتفق معك تماما

كل عام وانتم بخير
ورمضان كريم

ميرو انتكة يقول...

انجى حبيبتى ازيك يا قمر

ايه يا عم البوست الجامد ده والله يا بنتى معاكى حق فى كل كلامك

ربنا يهدى يا رب وفعلا يا رب قانون الضرايب الجديد ده تبقى خطوة كويسة

ويبعدوا بقى شوية عن الغلابة

خير خير الحمد لله

كل سنة وانتى طيبة يا توتى
رمضان كريم

canary يقول...

انجى الجميله

انت طرحتى اكتر من موضوع يستحق اكتر من بوست

عشان كدة انا هركز معاكى فى موضوع واحد منهم وهو موضوع قانون المرور الجديد
كنت مسافرة القاهرة وسواق الميكروباس اتسحبت رخصته بعد 100 كيلو واتسحبت رخصه السيارة بعد 50 كيلو كمان وعلى ما وصلنا القاهرة العربيه كلها اتسحبت منه واخدوها لأدارة المرور والحجج مليون حجه ولا نهايه لها
وكل الموضوع ما هو الا عمليه جبايه
بس للأسف جبايه من شخص غلبان اخر امكانياته انه يموت من الفقر والجوع والغلب

عايش ولكن يقول...

هههه انجى
انا عاوز افوقك
شكلك ناسيه
احنا فى مصر
م = مزاج
ص = صلطنه
ر = رزاله
يعنى من الاخر كل حاجه شكله حلو ومزاج وصلطنه ومن جوه واخرها رزاله ورخامه بس بشكل حلو
يلا لنا الله

كاتب مصري يقول...

الفوضى تصنع الأحداث والأحداث تخلق القوانين والقوانين لا بد أن تعود لأصلها الذي جاءت منه الفوضى
بجد حاسس اننا مهما نطبق القانون بردو الي ايدو طايلة بيتعداه ويخليها سلطة يعني فوضى زي ما بتقولي يبقى الحق على مين علي بيطبق القانون علينا ويعدي غيرنا من تحت الترابيزه..
كل ودي

bar2ash يقول...

السلام عليكم

دكتورتنا الجميلة

البوست واقعي خصوصا انه من لسان دكتورة مع اذدياد مشغولياتها الا انها عندها الوقت لتطالع وتهتم بجد ماششاء الله عليكي


البوست ده انا بعتبره بنكهة الصراحة او نكهة المواجهه

حقيقي رائع ودمتي موفقة

تحيات اخوكي

د / برقش

Sometimes يقول...

عجبانى الفكرة اوى
بعيدا بقى عن الفوضى
ربنا يصلح الحال

اه على فكرة كل سنة وانتى طيبه يا قمر

معلش بقى اعزرينى

3omda يقول...

هاي..في البدايه احب احييكي علي البوست الهايل ده.
"الالتزام" كلمة السر للنجاح،التقيد بالقوانين حتي وإن لم تكن مقبوله بدرجه كبيره هو شئ مهم علشان ننجح لازم نلتزم لان الالتزام ده في وقت من الاوقات هايخلينا نقدر نفرض القوانين اللي احنا عايزنها لان مش معقول القانون اللي يعجبني احترمه واللي ما يعجبنيش ارميه في الشارع لان كده مش هنلاقي اثنين متفقين علي قانون واحد.
اما بقي بالنسبه لحكايه كادر المعلمين فانا موافق علي موضوع الامتحان أقوي
لانه مش معقول نطلع طالب متفوق -أقصد طبعاً عملياً وليس متفوق علي الورق- من غير مايكون الاستاذ نفسه متفوق "فاقد الشئ لايعطيه"واحنا طبعاً كشعب مصري -شعب الا خمسه- بنحب نعمل كل شئ واحنا مضطرين ومزنوقين في الوقت،وانا اعرف اكثر من مدرس ومدرسه وسألتهم هل حاول حد انه يقرأ في اي مرجع للماده اللي بيدرسها او حاول يقرأ في كتاب للتنميه البشريه؟كانت طبعاً الاجابه لا ،وانهم اضطروا يطلعوا كتب الكليه علشان امتحان الكادر اما بقي بالنسبه لحكايه القلم الرصاص فلا أعتقد ان في تلاعب لان بكل بساطه لو سألت حد من اللي امتحنوا ها يقول انو ماحلش نصف الامتحان..أنا آسف جداً علي الاطاله

عبدالتواب محمود يقول...

كلااااااااام كويس

منطقى


ما فيش داعى انى اعلق على القوانين


لان فى ناس اتكلمت


دعواتك

elsha3er يقول...

انا بصراحة معاكى فى كل اللى انتى قلتى خصوصا فى كدر المعلمين انا ارفض من الاصل فكرة امتحان المعلمين

احمد الشاعر

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

محمد الدخاخنى يقول...

انا اتفق معاكِ فى ذلك جدا..ولكن وما اسمعت لو ناديت حيا ولا حياة لمن تنادى

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

(احمد سكر ) يقول...

السلام عليكم ورحمة الله وبركاته

اولا كل سنه وانتى طيبه

بمناسبة عيد ميلادك

عقبال 100 سنه

سكونو كلهم طاعه يارب


ثانيا يستى انا معاكى فى كل شىء

واهم شىء الشيكولاته باللبن
هههههه

مشتلنا اننا كلنا بنركب الموجه

واحنا مش عارفين هتودينا فين

بنركب وخلاص

انا عاوز فايده واحده لقانون المرور الجديد

فين السيوله ف المرور

انا دمى بيتحرق كل يوم وانا رايح الشغل من الزحمه
بتهلك بعربيتى قبل مااروح الشغل

وطبيعى انى اروح الشغل بدل مااكون مفرفش كدا وفرش

بكون تعبان من السواقه

ويأما لو ريحت العربيه

بكون تعبان من المواصلات

ال قانون مرور جديد ال

كل سنه وحضرتك طيبه


احمد سكر

Foxology يقول...

انا اختلف معاكى .. احنا دلوقتى بنعيش قضايا الفوضى بنكهة المشاكل بمعنى .. قضية الفوضى الممزوجة بنكهة قانون المرور الجديد .. الخ

ثقافة الفوضى هى السائدة بدون منازع والله يسامح اللى طلع مصطلح الفوضى الخلاقة ..

شكرا على الموضوع المهم اللى ملوش حل غير اننا نفوق

كيكى يقول...

انوج يا جاااااااااااامد
يا واد الحلاوة دة
!!1!
نسيتى الصلصة بمذاق الصلصة
هههههههههههههههههههههههه
ههههههههههههههههههههههههه
اةةةةةةةةةةةةةةةةةةةةةةةةةة
عارفة انتى لو مش لقيتى القوانين دى بنكهة الفوضى..يبقى انتى اكيد مش فى مصر
!!1!!!
وعجبى عليك يا زمن..نكهات
هههههههههههههههههههههههه
بوست فى الجون وبجد اسوبك بنكهة خاصة
تسلمى يا انتيختى
امواااااااااااااااااااااة
عوووووووووووووووووووووووووو

no promises يقول...

بالنسبه للكادر
فبجد دى مهزله وانا شفت امدرسين وهما فى الجامعه بيمتحنو
تلافى المدرس اللى عنده خمسين سنه بيمتحن زيه زى اللى عنده عشرين

بالرغم من انى مع تطوير المعلم بصوره كليه

Nabil يقول...

كل سنه وانت طيبه
انا معاكى ...بس علي فكره احنا دلوقتى بنشوف ناس بتعارض لمجرد المعارضه وناس تانيه عايزه الشهره ...
وبعدين انا مع اختبار المعلمين لان الحقيقه ياما افكار خاطئه بتعيش داخل الناس عشرات السنين بسبب مدرسين ابتدائى
المهم الموضوع يمشى نزيه وكويس..والقلم ارصاص برده مش دليل علي التلاعب...اصلا تلاعب علي المدرس لمصلحة مين؟؟؟
انا مش ضدك بس بحاول اكون موضوعي اكتر..
كل سنه وانت طيبه كمان مره
تحياتى

يوميات نائمة في الأرياف يقول...

ليكي تاج عندي يا انجي

Sourah يقول...

ازيك يا انجي
دي اول مرة ادخل البلوجر بتاعك ، و بصراحة زعلانة من نفسي اوي ، لاني ماشفتهوش قبل كده ، عجبتني كتاباتك جدا ، و كلماتك في الصميم و دوغري ,,

ربنا يوفقك و دايما ممتعانا بالمزيد ..

اما بالنسبة للبوست ، فبقولللك ان القوانين دي معمولة علينا مش لينا ، في الاخر المحصلة ايه ..
سيبيها لله ، و ارجع اقول يا بنت افترضي حسن النوايا المسؤلين عاوزين المصلحة العامة ، و احنا في رمضا ن والحاجات اللي بالك فيها دي ..

بس برجع في الاخر و الاقي لساني يقول حسبنا الله و نعم الوكيل ..

و اخر الكلام سلاااام

عالم حبيب يقول...

للأسف نمر بحالة من الفوضى في مجتمعنا في اغلب المجالات .. كما ذكرتي لو مجرد أننا نزعنا منها الفوضى لكانت في احسن احوالها

المحارب المتيم يقول...

السلام عليكم

والله الفوضى مالية بلدنا وهى السمة المميزة ليها

يعنى لو مصر مبقتش فوضى

امال مين اللى هيبقى فوضى


وكادر الامعلمين مش قوى خالص وفاشل


رمضان كريم

3ashk el7ob يقول...

نلقيها منين بس ولا منين
احنا فى الدنيا دى مساكين
فى وسط الميه عطشانين
وبرضه نعمل ايه

Mero.. يقول...

مممممممممممم
معاكي حق مليون الميه...
احنا بلد حكومة وشعب وادراة تعمها الفوضى .. ومش عايزين نغيرها ومش شايفين انها غلط اصلا...
جيتي ع الجرح دانا كنت هتشل من كام يوم من الفوضى اللي في البلد دي....
دمتي بخير...
دامت مدونتك متميزة كعادتهااااااا .... :)

Desert cat يقول...

اتفق معاكى جدا
فنكهة الفوضى اصبح السيد السائد فى مجتمعنا الذى لا يفيق من كترثه يقع فى الاخرى وايضا الفوضى عامل مساعد مشترك بين جميع هذه الكوارث
تحياتى

لماضة يقول...

جداااااااااااااااااااااااااااااااااااااااااا
من هنا للسنه الجايه

ketchup يقول...

انتي عارفه لما بيرصفوا طريق بيعملوا ايه في مصر

بيرصفوه
و بعدين بفحروه عشان يركبوا صرف صحي
و بعدين يرصفوه
و بعدين يفحروه عشان يركبوا خطوط تليفون
و بعدين بفحروه
و بعدين يلطموووه و يصوتوا عليه


المشكله ان كل واحد في شغله في مصر فاكر انه دايماً هو احسن واحد فيها و اكتر واحد عارفها

مع ان دا مش دايماً صح


زي القوانين برضوا

الناس اللي بتسن القوانين دي مش هي دايماً اكتر الناس اللي بتفهم في المجال ده
يعني مثلا المرور او التعليم

لما يسن قوانين جديدة من اجلهم لازم القانون يتناقش اكتر من مليون مره
و يروح مجلس الشعب و مجلس الشورى و مجلس الحاج برعي كمان لو تطلب الامر

عشان في الاخر يكون قانون في صالح المواطن

الشريف / جمال طة يقول...

نصاب الشقق التمليك بالمعادى / محافظة القاهرة
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة

مطلـــــــــوب القبــــــض
علـــــى نصاب عائلـة الزينــــى

نصاب الشقق التمليك بزهراء المعادى / بالمعادى / بمحافظة القاهرة

المهندس / ايهاب فراج محمد ابراهيم الزينى

وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من سبعون حكما قضائيا

وعنوان سكنه وعنوان الشركة

شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه

و مدينة المنصورة بمحافظة الدقهلية

ومركز بشبيش بطنطا بمحاظة الغربية

واليكم على سبيل المثال لا الحصر بعضا من القضايا المحكوم فيها على هذا النصاببالسجن وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و

قضية رقم 5977 لسنة 2008حصر رقم 3316 لسنة 8002 ( ستة أشهر حبس ) بتاريخ 25/6/2008
قضية رقم 6098 لسنة 2008 حصر رقم 2906لسنة 2008 شهرين حبس بتاريخ 4/6/ 2008
قضية رقم 5978 لسنة 2008 حصر رقم 3039 لسنة 2008 / حبس 6 أشهر سجن بتاريخ 11/6/2008

قضيه رقم 6099لسنة 2008م حصر 2947لسنة 2008 ستة أشهر سجن جلسة 5/6/ 2008

قضية رقم 10030 لسنة 2008 حصر برقم 5979 لسنة 2008 سنــــــــــــــــة سجن جلسة 3/7/2008

بالاضافة الــــــى أربعة عشر حكما صدرت ضده باحكام بالحبس شهرا لسرقته التيار الكهربائى بعمارات الرقابة ألأدارية بالبساتين رقم 13 و 23



وماخفــــــــى كان أعظم

عيون تدمع يقول...

بجد اسلوب العلرض عاجبنى جدااااااااا
وموضع جامد بحسدك انك اخدتى بالك منه وكتبتى فيه
وربنا معانا ويقوينا على اللى هنشوفه
تسلم ايدك
بجد ابدعتى

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة ) فى هذا الرابط:

http://www.ouregypt.us/culture/main.html

خديجة محسن "لؤلؤة الاسلام" يقول...

ما شاء الله مدونة جمية
و بوست رااااااائع

و تحياااااااااتى
كل عام و انتم بخير

engy يقول...

بوست رائع بجد
فعلا القوانين هنا تسرى على الغلابه
ولا تسرى على الباقى
تسرى فقط على من لا يملكون قوت رزقهم
مش عايزنها يوتوبيا بس عايزينها معقوله بس ونعرف نعيشها
تحياتى

elsha3er يقول...

عايزين نشوف مواضيع جديدة وفقك الله

احمد الشاعر

هانى علوان يقول...

الله ..قوانين بنكة الفوضى
جميل التعبير ده يا انجى وفعلا هما عملوا امتحان المعلمين حجه عشان مفيش فلوس شوفتى الخيبه بس هنقول ايه بقى فى بلد بتتفاوت فيها المرتبات من 150 جنيه الى 150 الف جنيه .
ورمضان كريم

حمادة زيدان يقول...

أنوووووووووووووووووووووووووووووووج

فينك يا بنوتة

طمنينا عليكي

مواطن مصرى نايم يقول...

فين الجديد يا انجى ؟؟

ايه دا كسل رمضانى ؟؟

هههههههههههههههه

مستنى البوست ان شاء الله

elsha3er يقول...

لا كدة انا ازعل انتى اسكندرنية زى ما تسبيناش كدة اى موضوع طيب


احمد الشاعر

Dexter! يقول...

الحكايه ببساطه

ان الريس عايز يبقي حلو و لطيف

يعمل كادر للمعلمين

تيجي الوزرا تجتمع
الماليه و التعليم

تقول ..

ايه الوقعه المنيله دي

هنجيب فلوس منين؟؟

دول كذا الف بتاع معلم

يقوم بطرس غالي يقول للجمل

اتصرف

بص انا معايا لنصهم فلوس

قنطر بأه النص التاني

يقوم يعمل اي حركه قرعه زي دي

علشان بفلسع الباقي

بس

شخـا بيــط مـحـجـوب يقول...

المهم هات من الاخر تسمحو لى اكون صديق جديد على مدونتكم واشارك فى التعليق

تحياتى لكم

شخابيط mahgoub

عايش ولكن يقول...

انتى مستخبيه فين ده كله؟!!
ايه يا ست الدكتوره مش تطمنينى كده
:)

بيكر(baker) يقول...

على فكرة يا انوج انا كمان بحب اللبن بالفراوله
يا بنتى احنا بلد تعبانه

صوت من مصر يقول...

الصيام شكله ماثر عليكى ونسيتى البلوج ؟
صح ولا ايه

شخـا بيــط مـحـجـوب يقول...

والله انا عاوز ائول اية موجود فى حيتنا مش فوضى احنا من كتر الفوض اصبحت شيى عادى وضرورى فى حيتنا كل حاجة فوضى السؤل الصح اى اللى مش فى حيتنا فوضى طبور العيش اللى هو اقل حق من حقوق الانسان فوضى عبور الشوارع فوضى الركوب فى المواصلات والمترو فوضى القاء المخلفات فى الشارع فوضى السرعات على الطريق فوضى اللى ماشى راكب عربية وبيكسر على المارة اللى على رجليهم بدون اخلاق فوضى اللى بيشغل كاست عالى فى عربيتة فى الشارع فوضى المرضى اللى موجودين فى المستشفى بدون رعاية كاملة فوضى الموصلات اللى مليانة بالناس فوق بعضهم فوضى عدم احترام اى شيى يخص الانسان اوحتى كرمتة فوضى بختصار عاوز ائلك اولا كل حاجة فى حيتنا فوضى ثانيا دة كلة ثقافة شعب لازم نعلم جيل يكون صغير ويتربا على الثقافة العامة دى وبعدين نشوف بعد كام سنة يكون فى احترام لللانسان وسعتة ميكنش فيةقوانين بنكهه الفوضى لانها كلها من تنفيذ الا نسان واهميته بيها

شكرا ليكى
شخابيط mahgoub

maiosha يقول...

ميةمية يا إنجى

أنتى كده جبتى الزتونة بجد
بس المشكلة إن القوانين دى لو إتعملت علشان مصلحتنا كانت هتفيدنا فعلا .. إنما كل قانون من دول بيتشرع علشان مصلحة معينة .. زى شوية شنط الإسعافات اللى عايزين يبيعوها بسرعة .. إعملها قانون يا جدع

وزى كده كتير

يالا ربنا يهدى الكل

وكل سنة وانتى طيبة

Beram ElMasry يقول...

سيدتى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

يوميات نائمة في الأرياف يقول...

انجي العزيزة
كل سنة وانتي وكل اللي بتحبيهم طيبين
ويارب السنة الجاية تكوني حققتي كل اللي تتمنية
اختك رنا

الـفـرعـون الـمـصـرى يقول...

السلام عليكم
أولا قانون كادر المعلم هما رفعوا كادر المعلم

ورفعوا الاسعار وياريت رفعوا الاسعار على قدر الراتب

ثانيا قانون المرور فى راى المتواضع

عملوا فرصه للحرمين المرتشين يشتغلوا صح

يتدفع يا تدفع علشان تعدى
؟؟؟؟؟؟؟؟؟؟؟؟؟؟؟؟؟؟؟؟

الازهرى يقول...

صديقتى العزيزة


لماذا يمتحن المعلم بالقلم الرصاص فى امتحانات الكادر؟
ولماذا يجب ان يكون الشاش مفزلنا ولا يقل عن ثمانية امتار وليس عشرة مثلا؟
ولماذا يسافر جمال مبارك الى شرم الشيخ؟
الا تتفق معى فى هذا؟؟؟؟؟؟؟؟؟



انها قضايا الساعة التى ستنقل البلاد والعباد الى الصف الاول بين الدول وستجعلنا على قمة العالم
اليس كذلك؟
لا اعتقد ان هناك من يعارضنى ؟

تحياتى

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘