الاثنين، 29 سبتمبر، 2008

بطل من ورق

هناك الكثير من الابطال فى هذا العالم .. وهناك ايضا ابطال من ورق فى نفس العالم ولكن تتحدد قيمة هذا البطل حسب نوعية الورق.
هناك بطل يكتسح الساحة الان بطل من ورق هو ولكن الورق هو ما يرفع قيمة هذا البطل.. انه بطل من اوراق العملة.. صنع بطولته ويصنعها من ورق عالى القيمة انه بطل من الفلوس.
انه احمد عز..عفوا المليونير احمد عز..
كل الشعب منذ شهر تقريبا كانوا على قلب رجل واحد.. احمد عز محتكر الحديد..احمد عز مليونير.. احمد عز يستفيد من نفوذه.. احمد عز ظالم.. احمد عز يمتص دماء الغلابة..
كان هذا هو رأى معظمنا او كلنا كما اعتقد ولكن هذا الرأى تغير بمعجزة الهية ما منذ شهر واحد..
قرر المهندس احمد عز ان يمنح الشباب الكثير من الامل..
يتكفل احمد عز بمنح كل شاب من المشاركين فى مشروع ابنى بيتك بطن كامل من الحديد او ما يعادله من اموال..
اقام احمد عز بالمشاركة مع برنامج البيت بيتك مسابقة يمنح فيها كل يوم فى رمضان احد الشباب شقة..
قرر احمد عز ان يمنح من حرموا من الشقة فى المسابقة خمسين الف جنيه بمعنى انه منح ثلاثون شقة وثلاثون مرة خمسين الف جنيه..
قرر احمد عز ان يمنح من فازوا بالشقق اجهزة كهربية بمبلغ خمسة عشر الف جنيه..
افعال خير بالجملة كما هو واضح..
فجأة ودون مقدمات تحول المهندس احمد عز الى بطل قومى و منقذ شعبى و اصبح رجل البر والتقوى.. تغير رأى الجماهير فى احمد عز و اصبحوا يجلونه ويحترمونه ..
شاهدت احمد عز فى احدى حلقات برنامج تليفزيونى فانبهرت بالشخصية الجبارة القوية الواثقة جدا.. رجل يعرف حقا ما يفعله.. رجل لديه عقل يعرف الاستخدام الامثل له..
لقد احكم احمد عز اللعبة .. الان هو فى نظر معظم الناس مظلوم من الصحافة والاعلام خاصة البسطاء الذين لا يعرفوا معنى كلمات مثل احتكار او اسهم او بورصة.. البسطاء الذين لا يعرفوا كم صفرا فى المليون..
جارتنا طفلة تشاهد حلقات المسابقة وهى الان منبهرة اكثر ما يكون بهذا الاحمد عز و امنيتها ان تراه..
سألت صديق لى عن ما اذا كان يشجع فكرة طن الحديد ام لا وكان رده لا طبعا مش طن الحديد بتاع عز هو اللى هيعيشنى..
ولكن كم يوجد مثل هذا الشخص الذى فهمها صح؟على الجانب الاخر هناك الكثيرون يرون ان اللى ييجى منه احسن..
ايهما صاحب وجهة النظر الصحيحة؟
هل طن الحديد مش هو اللى هيعيشنى وللا اللى ييجى منه احسن؟
انا شخصيا ارى ان مشجعى فريق اللى ييجى منه احسن اكثر واعلى صوتا من الاخرين.. فعلا تحول احمد عز الى بطل قومى ..
ما أريد ان اقوله هو ان هذه الاموال التى يوزعها احمد عز علينا بدافع الصدقة وانه رجل خير و انه يساعد الشباب هى فى الاصل اموالنا نحن لقد اخذها منا والان يعطيها لنا بدافع الصدقة.. ولكنه اخذها بذكاء رهيب وايضا يعطيها بذكاء رهيب فلاشعرنا ونحن نسلب اموالنا ولا شعرنا الان باى نوع من المهانة-زى شكة الدبوس- سهلة وبسيطة..
فى اعلان طن الحديد الهدية (ابنى بيتك يا ابن بلدى راحتك انت اهم عندى) اهم من ايه؟؟؟؟؟؟؟
اقصى احلام اى شاب هو ان يبنى بيته وبدون حديد عز يعتبر هذا حلم مستحيل من الواضح فعلا ان راحتنا مهمة جدا.
كل من يفوزون بالشقة فى المسابقة يشكرون فى احمد عز و يدعون له بالخير و يمدحونه فهم لهم سنوات طويلة فى انتظار هذه الشقة.
غيظ عارم ينتابنى من هذا التحول الذكى جدا فى الراى العام تجاه المهندس احمد عز..
انه رجل ذكى جدا اعترف بهذا ولكنى ايضا اعرف انى انا الاخرى ذكية وهناك كثيرون غيرى اذكياء لا يرون احمد عز رجل البر والاحسان انما هو مازال فى انظارنا المهندس المليونير احمد عز ملك الحديد................

هناك 54 تعليقًا:

blue-wave يقول...

اول تعليق
هيييييييييييييييييه

blue-wave يقول...

وانا كمان من رأيك يا انجى
فعلا مش معقول هايبقشش علينا نمن فلوسنا وكمان نخليه بطل قومى
هوا عرف ازاى يضحك على الشعب الغلبان دا
والله مسخرة بجد

حمادة زيدان يقول...

أنووووووووووووووووووووووووووووووووج

أولاً ألف حمدالله ع السلامة

ثانيا انتي سبقتيني في موضوع عز ده ... أنا حاسس ومش عارف ليه بنفاق اجتماعي غرضه الاول والاخير أنه الغلابه يحبوا عز , هي حركة ذكية من رجل أعمال ناجح بالنسبالة كل اللي بيعمله ده ميفرئش معاه في حاجة ولا يقلل من ثروته الكبيرة ... بصراحة أرفعله القبعة على الحركة دي لأن في ناس كتير صدقتها ونسيوا احتكاره للحديد والاحكام العرفية اللي هو بيشارك فيها دايماً

طولت عليكي شوية بس ياللا سلام
وعيد سعيد

princess يقول...

بصى زى ما فى ناس مش بتاخد بالها ومش فاهمة فى ناس زيك شاطرة كده فاهمين الحوار كله يبقى لسا فى امل كبير ان شاء الله
كل سنة وانتى طيبة
تحياتى

رئيس جمهوريه نفسى يقول...

اولا كل سنة وانتى طيبة
ثانيا: حمد للة على السلامة
ثالثا متنسيش انى احمد عز رجل اقتصاد وفى ناحية تسويقية مهمه بتحكم البيزنس هو سوق نفسة صح وقدم الوجة الاخر لاحمد عز بس تفتكرى كام واحد شاف الحلقات او اقتنعه بيها عدا جارتك الطفلة اللى انبهرت بية
اللى محدش يعرفة انى احمد عز مجرد واجهة كارت موجود فى ايدينا ناس تانى مسيرة حيتحرق وحتنكشف كل بلاوية السودة

مواطن مصرى نايم يقول...

اقولك حاجة يا انجى
انا عن نفسى لو اخدت شقة او حديد حنسى اى حاجة عملها احمد عز قبل كده
اه و الله
مش حكدب و اقول لا و احنا و لابد و ربما و اذا و الكلام ده
لا و الله
يعنى واحد عطاكى شقه حتشتميه برضوا و الا حتشكريه و حتدعى له انه بنى حياتك كلها بالشقة دى

و الله يا انجى مش لاقى كلام
لانى اصلا كنت بفكر فالموضوع ده قبل ما ادخل عندك

لما اتفرجت على برنامج دقوا المزاهر بتاع محمود سعد

كل سنه و انتى طيبه

اسلام

كوارث يقول...

مين قالك انه رجل بر واحسان !!
محدش مقتنع غير اللي بتقوليه ده غير أسامة سرايا وأحمد عز والبيت بيتك انا وانتي والشعب بما فيهم اللى خدوا الشقق مش مقتنعين
أبصم بالعشرة !

Sometimes يقول...

جميل العنوان
وفيه الخلاصة

كل سنة وانتى طيبة
عيد سعيد يا قمر

EMMY BABY يقول...

انجى هارتى كل سنة وانتى طيبة

الحكاية ان الشعب ده غلبان اوى والحاجة هى اللى بتحركه يعنى ممكن يدعوا وينبهروا بس هما عارفين كويس انه مش رجل البر والاحسان هو حب بس يصلح وضع بطريقة زى مانتى قلتى ذكية

بس هو مش هيفضل يبر كدة كتير لانه اكيد مش مستحمل الفلوس وهو بيتصدق بيها مسيره هيزهق ويبان انه كان مجرد انقلاب للراى العام

عجبنى عنوان البوست واعتقد انه كافى بالاجابة

تحياتى

ايمى

engy يقول...

والله عندك حق يا انجى
احنا بننسى بسرعه اوى
او ممكن يكونوا بيراضوه علشان الشقه او الفلوس
او اننا بنشكره على انه رجعلنا فلوسناو ماخدهاش وهى دى
اقصى امانينا

عايش... ولكن !!!! يقول...

تفتكرى حد مصدق اصلا اللى بيعمله ده
ابصم بالعشرين مش بالعشره بس ان كل الناس عارفه احمد عز وعارفه عامل كده ليه
بس اقدر اقولك ان صحيح اللى يجى منو احسن منو
لما اخد جزء من حقى اللى منهوب منى احسن ما ياخده كله هو ويتنعم بيه
اعتقد الموضوع ميتقاسش كده
الموضوع يتقاس بمدى احتياج الناس للحاجات دى
لان انا وانتى وكتير مننا طن الحديد صحيح مش واقف عليه حياته
بس غيرنا حياته واقفه على شقه من اللى بتتكلمى عنها دى صحيح هيا جايه من واحد واكل فلوسنا بس هل الشاب اللى خاطب وممكن يكون كمان كاتب كتابه وبقاله سنين ومش لاقى مكان يلمه هو وزوجته ومش قادر يجيب تمن الشقه يقول لا مش ده اللى واقف عليه حياتى
احمد عز رجل سياسه وبيعرف يلعبها صح وهو عمل حاجه ظاهرها صح وباطنها الله اعلم هو عايز ايه بس اكيد ديل " الكلب " مش بيتعدل
عموما ربنا يزيد يا ستى من اعماله الخيريه ويساعد الشباب

صوت من مصر يقول...

هو ده احمد عز بتاع فيلم الرهينه
اهو كان بطل برضه ؟
احيك على الموضوع

نهر الحب يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

كيارا يقول...

عارفه لما قريت بوستك جتلي كريزه ضحك سخريه

لما الحديد يبقي اكتر من 6000 وفي ايام معدوده الشقق تزيد من 50 الف ل100 الف

بسبب زياده الحديد ويليه الاسمنت وخلافه
ويجي يرمي الفضلات ويبقي بطل قومي

يبقي اضحك ولا مضحكش هقول ايه


كل سنه وانتي طيبه يابلدنا

******

عيد سعيد ليكي :)

أحمــــد يقول...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن وبركة عليكم
وأدعوك لزيارة مدونتى " أمــــى "
أما عن موضوعك
فأنا أشاركك الغيظ
والألم على وطننا
وأتمنى من الله أن ينشر العدل فى أرجائه

romansy يقول...

كل سنه وانتى طيبه
وحمد الله على سلامتك ايه الغيبه الطويله دى
موضةعك جميل
مش كل واحد يقضى على احلام شباب بسطاء
يبقى ملاك فى يوم وليله
ممكن اقوللك اللى بيعلموا دا فلوس الزكاه بتاعت الارباح اللى فاتت

كل سنه وانتى طيبه
عيد سعيد عليكى وعلى المسلمين جميعا

عمرو وجيه يقول...

الله بجد يا انجى


مقال تحفة و أسلوب اروع


أحمد عز مش عارف بجد

حاسه حرامى جدا

ده عمل بلاوى فى البورصة

و بهدل الدنيا و احتكر الحديد


ربنا على الظالم

المهم بقى كل سنة وانتى طيبة

سنووايت يقول...

عاجبني اوي اسم الموضوع
بطل من ورق , اوراق العملة
هو مش بطل وما اعتقدش فيه حد مقتنع بدا هو مجرد بيحاول يحسن صورته ويكسب حب الناس او يشتريه

المهم
كل سنة وانتي طيبة
وموضوع احييكي عليه

ميرو انتكة يقول...

انجى ازيك يا قمر وحشانى
كل سنة وانتى طيبة يا جميل

والله يا بنتى انا لما شفت الاعلان بتاع عز ده ضحكت ضحك وقلت يا عينى عليكى يا مصر الاعلان فعلا للغلابة الى مش عارفين حاجة لاز يقولوا ان عز ده بطل وانه بيحب مصر
بس للاسف الحقيقة انه بكده اثبت انه زكى جدا وقدر ياخد اصوات كتير ليه لما يترشح .... ما علينا

حسبنا الله ونعم الوكيل طبعا والحمد لله ان مصر فيها شباب واعى وفاهم الى بيحصل فى بلده

بجد بوست جامد يا انجى ربنا يوفقك يا جميل

عيد سعيد

سلامة سلامة

mregypt7 يقول...

انا جيت بس عشان اعيد عليكى من غير ما اقرا
كل سنه وانتى طيبه
وعيد سعيد
اعاده الله علينا وعليكم بكل خير يارب
انشاء الله اقرا البوست واجى اعلق
تحياتى
بيبــــو

المحارب المتيم يقول...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

وينكى يقول...

ههههههههههههه
والله ماحد بقى عارف فى البلد دى مين الصح ومين الغلط
اخر ما بزهق اقول انا هاهج واخلص من التفكير
لكن ذكاء عز
هذا مالا تتناطح عليه عنزتان
كل سنه وانتى طيبه يا قمر

فارس بلا جواد يقول...

انا شايف ان حتي اصحاب مبدأ اللي يجي منه برده مش شايفينه بطل بالعكس
ومهما يعمل من اعمال خير لمحاولة تحسين صورته المشوهة برده هيفضل في نظر الناس زي ماهو
الاحتكار من ابشع الجرائم اللي بترتكب في حق الشعب والبلد
اتمني ليكي عيد سعيد بس الاهم انك تقضيه في بيتكو بعد البوست ده ههههههههه
كل سنه وانتي طيبه

قوس قزح يقول...

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

Foxology يقول...

هى دى المشكلة

حركة واحدة تطلع السافل للسما
حركة واحدة برضه تنزل العالى للأرض

الأعلام ... فيروس العقول ... اكبر سبب للخداع والتضليل واسهل وسيلة لكدة هى الأعلام

ربنا يرحمنا برحمته

واحد من البلد دى يقول...

السلام عليكم
إن سبقتنى فأنتى الكريمة إبنة الكرام

و إن سبقتكى فلأنكى تستحقين الإحترام

نحن لا نرسل لمن يعيشون معنا

ولكن نرسل لمن لا نستطيع العيش بدون تواصلهم و صداقتهم

أتمنى و أدعو الله عز وجل أن يجعل أيامكى سعادة و صمتكى عبادة و خاتمتكى شهادة و يؤتيكى الحسنى و زيادة

كم أفتقدكى أختاه و جميع من أتواصل معهم فى ظل صداقة قوية و إحترام متبادل
ولكن و الحق يقال أننى لم أستطع أن أستمتع بالعيد و فرحته..
لأسباب ذكرتها فى قصيدتى الجديدة..

أتمنى أن تقرئيها

كل عام و أنتى بكل خير

كلام وخلاص يقول...

عارفه يا انجى الطبخة ملعوبة يعنى هدايا غالية ومسحة انسانية وفلاش باك عن حياتهم عشان الناس تتعاطف مع الشباب والناس اصلا متعاطفة لوحدها وحسابات البورصة والاحتكار غالبا مش بتشغل مشاهدى البيت بيتك فالتأثير محقق يعنى فكرة بسيطة زى انه لو مصلحة الشباب تهمه اوى كده بدل مايدى شقق ل30 شاب يطلع قوانين(وهو بايده) تسهيل ل30 مليون يعنى هو زكى جداا الدعاية اللى اخدها من برنامج زى ده عملت نتيجة افضل من اعلانات سنين والتكلفة ما فرقتش كتير
عموما انتى اسلوبك جميل فى الكتابة
كل سنة وانت بخير
عيد سعيد عليكى امين يا رب
سلام

ضد الظلم يقول...

هو اثبت على نفسه انه حرامى ولص كل دى فلوس بيوزعها وكل ده عشان الراى العام وعشان ذى محضرتك قولتى البسطاء من الناس وانا مع الى يجى منه احسن منه بس لو كنت مكان الى خدو الشقق والطن لازم اعرف وابقى متاكد انه مش بيوزع الحجات دى علينا من جيب اهله يعنى تسرقنى وتدينى حسنه من فلوسى
وشوفتى كمان الاعلان بتاع الشيخ محمد جبريل وهو بيقول الدعاء وبعدين حديد عز الهم تقبل الهم تقبله فى نار جهنم هو والشيخ قادر يا كريم
معلش مجبتش من الاخر متعصبيش نفسك
عيد سعيد
تحياتى
ابوالعربى

قهوة بالفانيليا - شيماء علي يقول...

السلام عليكم يا انجي :)
كل عام و انت بخير..
عيدك سعيد .. و عسى كل ايامك سعيدة ان شاء الله
اعاد الله رمضان عليكِ أعواماً عديدة ..
للاسف يا انجي انا ماكنتش متابعة موضوع الشقق في رمضان بس سمعت عنه و شفت له اعلانات كتير ..
المفروض ان دور احمد عز و كل الكبار اللي زيه اكبر بكتير من 30 شقة و خمسين الف جنيه لمدة 30 يوم .. يعني مليون و نص ..و شوية فلوس تانية ..
هو فعلا بالطريقة اللي قريت كلامك بيها عنه اتحول فعلا لبطل قومي ..
دة ذكاء اعلامي شديد جدا جدا ..
بس احمد عز لازم لو بيحب البلد دي يوسع دوره شوية .
و اعتقد انه قادر على ذلك .. !!
مش عاوزة اطول و اكتب زيادة ..
تحية و سلام .

كاتب مصري يقول...

أول مرة أعرف الحكاية دي والله بس بالبلدي كده نقدر نقول ان الباشا ده بلف الغلابة وحطهم في جيبه وضمنهم لصالحة عقلية جبارة فعلا بس انتهازي وساذج معرفش اننا مش كلنا غلابة واذا كان فيه عز عند أحمد عز بفلوسه فعقولنا الي فهمت لعبته عز أكتر من عزه,.
يلا ربنا يغنينا م الحلال ولا يحوجنا لعز وفلوسه ومش قضية فلوسه دي لو مش حلال وده الغالب طبعا يبقى هيتكوي بيها في جهنم خليهاله أحسن عشان يولع أكتر
كل سنة وانت طيبة وعيدك مبارك ولو اني بجد زعلان قوي

ليكوريكا يقول...

الابطال الحقيقين خلاص مبقالهمش وجود

كلهم ابطال من ورق

ابطال من وهم

ابطال من لاشيء

وزي منتي قلتي

مش كل الناس هتصدق

ومش كل الناس هتشوف الورق حديد

بس اكيد موش حديد عز :)

عيدك سعيد :)

بنت سيناء.. يقول...

انجى بجد انتى لمستى لب الموضوع..الناس بطلت تبنى يا اختى

انما يا انجى فين بوست العيد؟؟تعالى انا عملت للعيد بوست
كل سنة وانتى طيبة

بنت سيناء.. يقول...

يعنى جيتى عندى ومعلقتيش على البوست والصور
بئة دة كلام؟؟

نعكشة يقول...

مممممممممممممم
مش فارق معايا صراحة
ومكنتش اعرف حكاية طن الحديد هدية

عامتاً

سيبك انتي

كل سنة وانتي طيبة يا قمراية
عيد سعيد

شخـا بيــط مـحـجـوب يقول...

انجى بس هعيد عليكى وبعدين ارجع اعلق على الموضوع

كل سنة وانتى طيبة
شخابيط mahgoub

elsha3er يقول...

السلام عليكم
بصراحة اوافقك فى كل كلمة وعلى فكرة عز اكثر من مليونير اما عن الحديد انا عن نفسى اخد الحديد طبعا من غير مهانة ولا شكر لان دى فلوسى وانا باخد جزء منها دة رأى

احمد الشاعر

Nabil يقول...

للا سف عندنا ناس كتير بتغير موقفها بسرعه

وده سببه السطحيه.

ان ناس كانت بتكرهه مع الناس وخلاص.
من غير تحليل الموضوع.

وبعد ميدى شقق يحبوه مع الناس....

يعنى سطحيين ميعرفوش للاسف عدوهم من صديقهم

"اذا احسن الناس احسنوا واذا اساء الناس اساؤا"

المهم
كل سنه وانت طيبه...عيد مبارك

Desert cat يقول...

كل سنة وانتى طيبة يا انجى
انا من راى نشوف الاول ايه الدافع للتحول الغريب ده
هل هو السماح باستيراد حديد ينافس حديد عز لذلك فعل عز ما يفعله الان لكسب ود الشعب
ام هل هو سبب اخر
فى الحالة الاولى دعينى اقول لك قوانين المنافسه فى السوق التجارى تسمح بهذا واكثر اما اذا كان السبب اخر فلابد من وقفه لنتبين ماهيه حقيقته مش يمكن يكون ناوى يرشح نفسه للرئاسه ولا حاجه
:)
عيد سعيد

يوميات نائمة في الأرياف يقول...

انجي العزيزة:
بعد كل سنة وانتي طيبة
انا متفقة معاكي جدا
بس سدقيني يا انجي
يعني الشعب كدة كدة مسروق
والناس غربة مش فاهمة اللي بتقولي عليه ده للأسف
أنا الشهر اللي فات ده شفت يعني اية فقر وجوع وجهل ومرض
ويعني اية كل العوامل دي تتحالف على نفس الشخص
الناس مش هتفهم مين اخد منها
بس للأسف هتفهم مين اداها
بوست هايل احييكي عليه
كل سنة وانتي طيبة
رنا

محمد الكومي يقول...

اولا ازيك يا انجي

سوري اني غايب عن مدونتك من فترة اسف فعلا

بانسبة لعز

نيااااااااااهههههههههاهاهاهاهاهاهاهاهااااااااااو

كله من دقنه و افتل له

elsha3er يقول...

السلام عليكم
قد تم بحمد الله افتتاح مدونة للسكندرين
فقط ارجو ان تكونى معنا بأضافة رد لحصر المدونين
اللينك
www.firstway1.blogspot.com

احمد الشاعر

منى محمود يقول...

برافو كلام هايل والله ..

بس الفكرة اني مع الرأي القائل . اللي نقلتيه في كلامك : حديد عز مش هيعيشني ..
ولا عز نفسه ولا اللي مشغلينه ولا اللي سايبينه يحتكر ! ..
بما اننا دلوقتي شباب في مرحلة إعداد الحياة لسه .. ولسه بنقول يا هادي وهنشوفلنا شغلانة بعد شوية ناكل منها عيش .. فكل اللي لازم نفكر فيه نعيش ازاي .. ونشتغل ايه ..

لما السيد المبجل المحترم عز بيه .. يوفر للشباب فرص عمل الأول .. يبقى يجيبلهم طن حديد ! وشقق وفلوس ..

شكرا يا انجي

mohamed ghalia يقول...

دا كله شغل دعايا ولو تلاحظ جميع الإعلانات فى البرنامج كانت ليه هو بس
وكمان انتظر أحمد عز وزيرا فى الوزارة الجديدة
ربنا يستر على البلد

mohamed ghalia يقول...

كل سنة وحضرتك طيبة ومش عايزين نحرق دمنا فى العيد

mregypt7 يقول...

السلام عليكم
سورى على التاخير
اولا احمد عز مش مهندس دى ملحوظه مهمه
ثانيا احنا اللى مساعدين احمد عز على انه يحتكر الحديد لان ببساطه شديده جدا هو المصنع الوحيد الذى يقوم بكافه العمليات اللازمه لانتاج الحديد اما باقى المصانع فبتشترى الحديد وتصنعه مش اكتر
فالراجل مش شايف قدامه اى منافسه عشان نقول هو ليه محتكر الحديد وبيتحكم فى السوق
وبعدين ناس كتير هتقول ان الحكومه بتساعده وغيره من الكلام ده فمافيش غير رد واحد وانها المصلحه المشتركه ما بينهم وهى زى ما بنقول عليها الكوسه اللى ماشيه فى البلد ولان هو قدر انه يظبط الحكومه صح
فالراجل لعبها صح من الاول
ولو على انه هيدى لكل واحد طن حديد
يعنى طن الحديد هيعمله ايه انا اختلف معاكى فى الراى مش اللى ييجى منه احسن منه
لا يا انجى احنا عايزين نغير المنظومه كلها
مش ساعه فى العالى وساعه ينزله ويتحكم فى السوق بالشكل ده
بس كلمه اخيره احنا الغلط علينا
لان مافيش حد واقفله هتقولى الصحافه اهه كلام فى الهوا زى ما بنقول بلونه اعلاميه
وهو مش هامه لان الراجل متظبط صح
وقول اللى انت عاوزه
بس ربنا يديك كمان ياعم احمد يا عز
وماتنسيش ان مصر كرمته وسمه القاهره على اسم امه
بلد ام عز
طولت عليكى شويه
تحياتى
بيبــــــــو

المحارب المتيم يقول...

انا عيدت عليكى مش كدة

مستحيل انساكى

بردو مكن أنسى الدكتورة أنجى

ده مش معقول

ليه انتى نسيتنينى فى عيد ميلادى

وش مكشر وزعلان

funckydoctor يقول...

أول مرة أزورك بعد موضوع العملية بس صدقينى ماكنتش بازور حد كان عندى ظروف والحمد لله انى اطمنت عليكى

أنا أول مرة أعرف منك ان الناس بتقول عنه انه راجل كويس أصلى مش متابع اللى أنا عارفه ان عمر الحداية ما بترمى كتاكيت
عموما الراجل ده مسيره فضيحة زى بتاعة كلينتون
سلاموز

أنسانة-شوية وشوية يقول...

معتقدش ان في حد مصدق كل اللي عملوه ده
الناس غلابة اه غبية لا
هما بس علشانن الاعلام يبانوا فرحانين وطبعا حقهم يفرحوا شقة ميحلموش بها خليهم يتجوزوا بقي، لكن الحقيقة معروفة زى الشمس
كل سنة وانت طيبة وعيد سعيد عليكي

الازهرى يقول...

صديقتى العزيزة

كان جوبلز وزير دعاية هتلر
وافضل رجل دعاية فى التاريخ يقول

اكذب بثقة واجعلها كذبة كبيرة وسيصدقها الناس


تحياتى

محمود محمد حسن يقول...

غريب اوي ، انا متهيألي علقت على البوست ده قبل كده ؟؟؟!!!

التعليق راح فين

د/ رامي شهاب الدين يقول...

أعتقد إن وصول أحمد عز للقمة خلال سنوات قليلة ماجاش من فراغ ، وده بينم عن ذكاء رهيب وغير عادى سواء فى التخطيط أو حتى التنفيذ

عز أخد بالمثل إطعم الفم تستحى العين ، الراجل لقى عليه هجوم غير عادى ، والإعلام بدأ يوصفه بالمحتكر وغيرها من الألقاب اللى مش عاجبة سيادته ، ففكر إنه يصرف شوية فلوس ويعمل لنفسة حبة دعاية

دى كل الحدوتة ..إللى بيغيظنى فعلا إعلاناته وخصوصا لما اللى بيشاركوا فى الإعلان بيقولوا : بشتغل فى حديد عز

بيعايرونا دول ولا إيه؟

دمتم بكل خير..تحياتى

aboud يقول...

بوست هايل يا انجى
أنا أصلا معرفش بالموضوع ده لأنى تقريبا ماتفرجتش على التليفزيون فى رمضان بس أكيد شفت الاعلان وفقعنى
بس عايز اوضحلك حاجة اصحاب مبدأ اللى يجى منه احسن .....
مشتركين معاك فى نفس الاحساس لان المثل ده معناه ان الناس قرفانه منه بس هو بيديهم حاجة وهيفضلوا قرفانين منه برده
تأكدى ان اغلب الشعب فى نفس صفك ومقدرش يضحك عليهم بالحركتين دول بس الفئة اللى ضحك عليها هى الفئة اللى غلابة اوى وثقافتهم وتعليمهم قليلين
انا بمنتهى الصراحة لو مشترك فى مشروع ابنى بيتك هقبل طن الحديد المجانى ..
عارفة ليه؟؟؟
لان شايف ان عز هو اللى مغلى عليا يعنى لو السعر قليل اقدر اجيب مثلا 6طن بسعر 5طن فهكون شايف ان انا كده بيترد لى جزء من حقى بس هو مش بيتصدق عليا
بس برضه بمنتهى الصدق والصراحة مش هقبل اخد منه شقة فى برنامج البيت بيتك حتى لو جوازتى هتتفشكل لأن أولا وأخيرا ربنا هو اللى بيرزق .....

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區

情趣用品,情趣用品,情趣,情趣,情趣商品

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘