الثلاثاء، 7 أبريل 2009

أما بعد


*اولا:
انتهى يوم 6 ابريل.....انفض المولد فى لفظ ادنى رقيا..
ماذا حدث؟؟؟ لا يهم ولا اريد ان اصدع راسك باخبار سمعتها مرارا وقرأتها و تناقشت فيها..
أنا هنا لاقول رأيي الشخصى جدا فى هذا اليوم.
من قرأ الموضوع الفائت ربما فهم ما تحدثت عنه بشكل خاطىء ..انا لم اقل رايي ولم ازعم ان الاغانى موجهة لجهة ضد جهة..كنت احاول ان اقول ان قلب الوطن مجروح – مش مهم من مين المهم ميبقاش مجروح – كانت الاغانى تعبر عن وجهة نظرى..انا ارى ان وطنى مظلوم..ارى ان البراح اصبح ضيق..رايي انى اختنق فى الهواء الطلق..رايي انى وغيرى تكلمنا كثيرا جدا حتى لم يعد ثمة ما يقال.. انا لست ممن يملئون حناجرهم بشعارات وكلمات ليس لها آخر ثم ينام قرير العين مقتنعا انه ادى ما عليه من واجبات و نصر وطنه..لست انا هذا الرجل.
عندما قلت ان قلب الوطن مجروح كنت اقصد اننى مشتركة بشكل او بآخر مع الجو العام فى وطنى لكى يجرح قلبه..لا احمل مسؤولية ما يحدث لشخص بعينه حتى رئيس جمهوريتنا لا احمله المسؤولية وحده..كلنا شركاء فى المهزلة......لست ممن يستمتعون بدور الضحية..اعرف ان هناك دور لى فى هذه المسرحية واحاول ان اؤديه على اكمل وجه.. حزينة جدا لاننا مضطرون الى الاضراب...حزينة لان بلدى غير مستقرة لهذه الدرجة.. لا اتمنى ان اصحو فجأة فاجد ان كل شىء تمام وفل الفل بل افضل ان اكون جزء من هذا الفل...سوف اؤدى ما على واصرخ بالباقى لعل احد يستجيب.. معجبة جدا بمن يكرسون حياتهم من اجل القضية.. معجبة وفخورة واشجعهم بشدة..تلك هى قضية حياته..محور عمره.. اسانده قدر ما استطيع واقوم بدورى فى ناحية اخرى .. لست ثورية الى هذا الحد ولكنى احترم كرامتى وانسانيتى بشدة ولا اريد اهدارهم..لذلك فخورة بمن كان ايجابى سواء وظف ايجابيته معى او فى طريق آخر..
ولذلك دعنى اهديك تلك المرة اغنية ايضا مقتنعة بها بشدة..اسمع يا سيدى – مشيها اسمع مش لازم اقول اقرا يعنى فتح مخك شوية – معى؟؟ اذن
((اهو دة اللى صار وآدى اللى كان مالكش حق تلوم علية..تلوم علية ازاى يا سيدنا وخير بلدنا مهوش فى ايدنا.. قولى عن اشياء تفيدنا وبعدها ابقى لوم عليا..مصر يا ام العجايب شعبك اصيل والخصم عايب.. خلى بالك من الحبايب دول انصار القضية..وبدل ما يشمت فينا حاسد ايدك فى ايدى وقوم نجاهد..واحنا نبقى الكل واحد والايادى تصير قوية))
كم انت عبقرى ايها ال سيد درويش..
*ثانيا:
الاضراب فشل...ولكن الامن كان مرعوب لدرجة اعلان حالة الطوارىء القصوى..هل تدرك المعنى؟؟
نحن قوى مؤثرة..نستطيع ان نفعل..فقط علينا ان نقرر ان نفعل..الامن كان مرعوب من الشعب..لم تحدث اى اعمال شغب ومع ذلك كان الحصار قويا..يكفينى هذا..بل يكفى ويزيد.

...........انجى ابراهيم............

هناك 15 تعليقًا:

صوت من مصر يقول...

يا نوجا كنت بقول مفيش حد وطنى قد حالى لقيت حالك اعلى لحب الوطن من حالى

Foxology يقول...

فعلا كلنا شركاء بشكل او بآخر فى جرح قلب الوطن :((


سيد درويش كان عبقرى .. كأنه كان شايف عصرنا ده !

الأضراب فشل بس فعلا كان فى رعب من ان حاجة تحصل ... ده معناه ان الحكومة عارفة ان الناس خلالالالالاص فاض بيها والأنفجار جاى ف اى لحظة

تحياتى وربنا يجعل اللى جاى احسن

Empress appy يقول...

انوش الامن مش مرعوب يا قمر الامن عارف اخرها ايه لانه قرأ الشارع من الاول عارفه الامن اتعلم من غلطه السنه اللى فاتت
السنه اللى فاتت هو اللى عرف الناس ان فيه اضراب بتصريح العادلى الغبى
السنه دى كتم ولا كان فيه حاجه
علشان كده الناس سكت
عارفه الامن اتعلم من غلطاته والمعارضه لسه بتعيد غلطاتها

adel يقول...

انتي صح قوي
احنا بنخوف بس كمان الاضراب فاشللللللللللللللللللللللللللللللللللل

Gannah يقول...

تسلم حروفك وكلماتك يا انجى
الله ينور
قلتى اللى انا معرفتش اعبر عنه
كلنا مشتركين فى جرح الوطن وكلنا لازم نشارك فى علاجه
الامن بقى علطول مرعوب لان الحق مهما كان انصاره قلة فهو المنتصر فى النهاية وهما فاهمين كده كويس
صح جداا يا أنوج
تحياتى

Muhammad Mammdouh يقول...

احنا لية بنتكلم عن الامن كانة بتاع بلد تانية محدش سال نفسة سؤال ظريف هو الامن ده يبقى مين مش اخوك وخالك وابن عمك مجرد اداه صدقونى اللعبة اكبر من كده بكتير الشعب يشتبك مع الامن الامن يعتقل الشعب الغريب ان كل ده مبيغيرش مجرى الاحداث هيصة وفى الفاضى الموضوع اكبر من كده بكتير
تحياتى طبعا على الاغنية الى انا بحبها جدا جدا

سقراط يقول...

انا معاكى
مش عاوز اصحي الصبح او حتى بليل والاقي الدنيا بقيت فل
عاوز انا اعمل ده بإيدي
حتى لو مش هاشوفه بعيني
المهم انى اشارك واضرب ولو ضربة واحدة على الحجر
الحجر اللى ممكن ينكسر بعد مية ضربة
او الف ضربة
او مليون
الحجر اللى ممكن ينكسر النهاردة
او بكرة
او بعد سنة
او بعد قرن
المهم اننا نبتدي نضرب عليه
لان كل ثانية بتعدي
بتأخرنا أكتر
.......
بجد
بحييكي من كل قلبي وعقلي

كيكى عوووووو يقول...

شوفتى ياحجة من يومين فى الجرنان لمة عملوا الصفحات الرئيسة للجرائد القومية وبالمنشت العرييييض حضور غير مسبوق لاول مرة فى الكليات من جانب الطلبة ...وحضور المطربين حماقى ومش فاكرة مين..لتشجيع الطلبة على الحضور
***وجيبلك صورة لشباب بتلعب كورة شراب وكاتبين...احدى انشطا الطلاب ومازااااااااااااااااال اللعب مستمر
ماااااااااااااااااااااااااازل
***واخد بالك ياعمر**
اقولك بقى خبر مفااااااااااااااجااااااااة
ستو ركبت نتتتتتتتتتتتتتتتتتتتتتت
هيييييييييييييييييييييييييه
لولولووللىىىىىىىىىىىىىىىىىىىى
اى نعم بطئئئئئئئئئئئئئئئئئئئ
اى نعم مش بقعد خاااااااالص
اى نعم انا قاعدة سرقة وممكن اتقفش فى اى لحظة
مش مهم
هيييييييييييييييييييييييييية
ومبروك ياست الدكتورة على المدونة الجديدة هااااااااااا
عوووووووووووووووووووو

msafa يقول...

بعد الطوفان
نلقى الصديق الزين
يتسندوا على بعض بالكتفين
ونقول
ده والله حرام
ما نبديش العلام
غير بالطوفان
يعنى لازم طوفان طوفان
.....................
ساعة الطوفان الجو شبوره
ننده لبعض بهمسه مزعوره
بشويش نمد الايدين
يا اللى انت جنبى انت فين ؟
كان فيه طوفان
خلاص
ما بقاش طوفان
طوفان
طوفان
...............
خرس لسانى يا انجى

شاب كــ طخين ـــــا يقول...

قولتى كل حاجه كنت عايز اقولها يا دكتورة انجى
انا كمان زيك مبستمتعش بدور الضحيه الغريب ده
تقريبا كلنا بقينا ضحايا
ياريتنا بنصلح من نفسنا كل واحد على قدر استطاعته علشان الكل ينصلح حاله بقى

وعلى رآى خالد صفوان لو هو ده اسمه يعنى اصلى ناسى :Dفى روايه الكرنك بتاعت عمنا نجيب محفوظ لما قال
(كلنا ضحايا وكلنا جلادون او مذنبون )كده يعنى مش فاكر :D

بوست جميل اوى
واغنيه سيددرويش بموت فيها

سلاااااااااااام

مذكرات مشاغب يقول...

بصي يا ستي انا ليه وجهة نظر في الموضوع ده وهناقشها في صورة حوار .
هل كل رؤساء امريكا كانو كويسين(مع شعبهم يعني)؟
لا طبعا مش ممكن

امال ليه امريكا اقوى دوله اقتصاديا وعسكريا وسياسيا وكل حاجه؟
اكيد حاجه ملهاش علاقه بالرؤساء .اصل ميت واحد مسك الحكم لكنهم ما زالو اقوى دوله
من وجهة نظري هي الشعب
الالتزام والشغل ولنظافه والاتقان وعدم التعصب وعدم الكوسه.

يعني يا ترى ده معناه ان رئيسنا كويس؟
انا مقولتش كده .بس بقول حتى لو جبتي اللي احسن منه برده مش هيقدر يصلح حاجه
يعني مثلا ازاي يقدر يقضي على الفساد او الرشوه
يا ترى يقدر اي رئيس انه يراقب ملايين الموظفين او يختارهم
مع العلم ان قوانيننا هي نفس القوانين بتاعة امريكا(او قريبه منهم)لكن معندهمش فساد او رشوه او كوسه لانها مش في اخلاقهم اصلا.

طيب ليه في امريكا بيعملو مظاهرات ووقفات زي ما هم عايزين وعندنا لأ؟
في امريكا او اوروبا بيعملو وقفات احتجاجيه باللافتات او الكلام بس وبيكون بهدف توصيل رساله للحكومه.

طيب ما احنا هنا بنعمل كده بس؟
لا احنا هنا بنحاول نهيج الراي العام كله في محاولة لعمل ثوره وتغيير الحكم.يعني المظاهره مبيكونش هدفها اننا نوصل للحكومه رساله.لا الهدف منها القيام بثوره.وتغيير الحاكم.

طيب وايه يعني لما نغير الحاكم؟
مفيش اي مشكله .لكن مينفعش كل لما حاكم يعمل حاجه مش على مزاج جزء من الشعب اننا نغيره .كده مفيش حد هيكمل في الحكم شهرين على بعض.ولو حد جه عمل حاجه على مزاج فئه من الشعب لازم هتكون فيه فئه تانيه مش راضيه.فتروح الفئه التانيه عامله ثوره وتغيير.

انا الريس لا هو قريبي ولا اعرفه
بالعكس انا مختلف معاه في حاجات كتير جدا
لكني شايف برده ان تغييره مش هيكون هو الحل
نفس الاسباب دلوقتي هي نفس الاسباب اللي كانت موجوده زمان ايام الثوره
علاقة الملك بالانجليز والفساد
وكالعاده غيرنا الريس لكن حالنا زي ما هو

ايه رايك في الرد الكبير ده

تحياتي

مواطن مصرى نايم يقول...

ما انا قلتها من زمان و حفضل اقولها
حتى لو بنحب البلد دى
لازم نسيبها شوية نطلع براها نعمل نفسنا عشان نرجع فيها و احنا نقدر نعمل لها حاجة
لو كل واحد فكر ان حال البلد حيتعدل و هو جواها يبقى بيحلم بجد
ربنا يرحمنا برحمته

Hossam يقول...

Hey Enjy
طرحك للموضوع كان بجد رائع وعجبتنى اوى فكرة الاشتراك فى جرح الوطن.تحياتى لتفكيرك الراقى والرائع وطرحك للموضوع
سلام

Unknown يقول...

و ثانيا الاضراب فشل صحيح محصلش عنف بس فشل
تسمحيلى اسأل سؤال مستفز شوية
هو كان ايه المنتظر من الاضراب و ايه النتايج اللى كانت حترضى شباب حركة 6 ابريل
انا قبلها بيومين كتبت عن الموضوع ده و حتلاقى رأيي على الرابط ده

http://emadiab.blogspot.com/2009/04/blog-post.html

جلال كمال الجربانى يقول...

السلام عليكم

الأضراب لم ينجح من وجهه نظر البعض ولكنى أرى إنه نجح بدليل الأستنفار الغير عادى الذى حدث فى أجهزه الأمن
----
وأغنيه سيد درويش رائعه لأن الفن الحقيقى يعبر ويبقى فى كل زمان ومكان
ونسترجعه وقت الأزمات
ولقد كنت متابعاً فقط ولكن الأن أرى أن ماحدث خطوه وخطوه جيده كمان

ودمتى بخير