الجمعة، 18 سبتمبر، 2009

كلمات فرويدية الطابع


ولماذا لا اتكلم عن احلامى؟؟

اعنى احلام النوم فاحلام اليقظة فى اجازة مرضية هذه الايام..ربما لانشغالى الشديد بالفراغ..ربما لاننى فعلا اعيش مرحلة انتقالية واتعامل مع اجازة قصيرة نسبيا ولكنى لم اعتدها من قبل..ربما لاننى بالفعل احتاج ان انزع القابس الموصل الى مخى والذى يجعلنى افكر طوال الوقت بالمعنى الحرفى الكامل للكلمة..ربما لاننى فعلا لا استشعر قلقا واثق ان الله سيهدينى حادث سعيد فى القريب واشعر ان هناك تغييرا قادم فى الطريق ولكنى – حقا – لا اعرف كنهه ولا موعده..ربما كى اتخلص من ذلك التوتر الغير مسبب والذى يجعلنى اهز قدمى حتى وانا نائمة..ربما – وارجح هذا السبب – ان تلك المساحة هى مدونتى الخاصة استطيع ان اقول فيها ما أريد وعلى المتضرر الذهاب الى اى مدونة أخرى..

كنت اتكلم عن احلامى..حسنا..انا احلم..فى الحقيقة كلنا نحلم..اعنى اثناء النوم..انسى احلامى بسرعة واصحو غير مدركة انى حلمت اصلا..ما علينا....

امممممممم هناك احلام تجعلنى اصحو سعيدة بلا اى سبب منطقى..فليس معنى ان احلم بشخص افتقده او اتمنى رؤيته انى رايته فعلا..اذن لماذا اسعد بمقابلتهم فى الحلم؟؟ لماذا احاول استعادة تفاصيل الحلم كثيرا كى استمتع..ربما حيلة نفسية لاختلاس بعض السعادة ..ربما لان الله لا يحاسبنا على افعال عقلنا الباطن..ربما هى تفاهة ليس اكثر..

احلم احيانا بما اود ان اقوم به فى الحقيقة..ربما انا فى حاجة هنا لاعتراف صغير..انا اخاف البشر..لا اثق فيهم ولا فى ردود افعالهم لذلك افعل بهم ما يحلو لى وانا نائمة..احلم كثيرا باشياء لم افعلها فى الواقع ولكن داخلى جزء يريدها بشدة..الفترة الماضية ظللت اسبوعا تقريبا احلم اننى فى مكان عملى الذى تركته..احلم بتفاصيل دقيقة جدا جدا..فى الحلم المكان والزمان والظروف والاشخاص الطف كثيرا..فى الحلم استمتع بالعمل على غير الواقع..مرة اخرى احلم اننى هناك ايضا ولكنى اترك العمل بعد ان انهرهم على ذواتهم..نعم هم لا يعجبوننى..احلم اننى ازدرى من يستحق فيهم واخرج من المكان..مرة اخرى احلم بمن ظللت احبهم حتى اخر لحظة ولكنى اضعهم فى حلمى فى ظروف تليق بصفاء قلوبهم واخرجهم من هذا المكان الذى اراه انا لا يتناسب معهم ..

احلم ايضا بما اتمناه من الاشخاص..اذا اردتك ان تهدينى وردة سوف تهديها لى مجبرا فى حلمى فانا المؤلف والمخرج..انا من يحركك داخل حلمى..ربما اجعلك الطف قليلا..ربما اجعلك شاكرا ما فعلته معك وتجاهلته انت فى الواقع..وربما ارضى عنك جدا فاجعلك اوسم او اقوى..ربما افعل كل ذلك من منطلق انانى كى استمتع انا بكونك شخص افضل فى حلمى..

احلم ايضا احلام غير مبررة..لماذا احلم بذلك الصديق احلام كثيرة وبصفة متكررة..بدأت اقتنع انه يسكن جزءا فى عقلى..ربما هو ايجار جديد او ما شابه..ربما لاننى اتمنى له الافضل واحقق له ذلك فى احلامى على طول الخط..ربما لاننى احافظ على علاقة بيننا لا يمكنه ان يؤذينى فيها باى شكل..ربما لاننى لا ارفع سقف توقعاتى منه ولذلك احتفظ له بالامنيات السعيدة التى احققها له فى احلامى..ربما هو نوع من التنبؤ الذى اتمنى ان يتحقق..وربما هى هلاوس لا تستدعى كل ذلك الصداع..

لماذا حلمت امس بفرع ورد اسقيه؟؟ الفرع كان ذابل ومعه بعض الفروع الاخرى..الادهى ان باقى الفروع كانت صناعية ولكنى فى الحلم كنت اشعر ان واجبى ان اسقيها لعلها تصحو..لعلها تتحول وتكون زهور طبيعية..وعندما كنت افقد الامل فيها كنت اتوجه للفرع الذابل كى احاول انعاشه..يقولون ان الاحلام غير ملونة..اذن لماذا كان الفرع الذابل ذا لون بمبى فاتح؟؟

لن اتكلم عنك ايها الحلم المتكرر المزعج..حسنا ..اعرف انك حتما ستزورنى عما قريب..اعرف انك قادم لا محالة..لن تمر تلك الفترة من حياتى دون ان تمنحنى زيارة بغيضة من زياراتك تتركنى بعدها منهكة حقا..لا احاول ان استبق الاحداث وافكر فى التفاصيل العبقرية التى سوف تهدينى اياها تلك المرة..فكل تفاصيلك تبعث على الدوار على اى حال..انتظرك ولكن لتعرف شيئا..مرحلة الانتظار اوشكت ان تنتهى..سوف تعود حياتى للصخب المعتاد ربما بعد انتهاء رمضان مباشرة لذلك احذرك..امامك اقل من اسبوع حتى تتحفنى بزيارة مؤلمة..بعدها لن يكون لزيارتك معنى..

بما اننى اتكلم عن الاحلام..لماذا لا احلم بما اريده؟؟؟ لماذا لا اتمنى اليوم ان احلم بكذا فاذهب الى الفراش واحلم به فعلا؟؟
اذا اتيح لى اختيار احلامى سوف اطلب الكثير من التفاصيل..سوف اجلب الكثير من الاشخاص..سوف اصنع الكثير من التفاصيل الصغيرة واجمعها كلها فى حلم واحد ..سوف اجعل الوقت فجرا والجو شتاءا ورائحة الهواء نعناع..سوف ادعو ابطال حلمى الى شوكولا فريرو روشيه التى لا اعرف لماذا اؤجل شرائها كل هذا الوقت..لا لن ادعوهم جميعا اليها سوف انتقى من امنحهم الفريرو روشيه وامنح الباقين ربما كادبورى او مورو حتى..سوف اؤنب من آذانى وسوف اجعله فى الحلم يشعر بالذنب ويعتذر وربما لن اقبل اعتذاره هذا..سوف اجعل من حاول ان يسعدنى سعيد جدا فى الحلم ربما ايضا احقق له امنية دفينة من امنياته..ربما ادعو كل ضيوف الحلم الى احدى حفلات محمد منير..لا لن ادعوهم جميعا سوف انتقى ضيوف الحفل وامنع الباقين لانهم اشقياء ولانهم لا يحبوننى كما ينبغى..او كما افهمونى انهم يفعلون..المهم انه سيكون حلما كما ينبغى للحلم ان يكون..




...........انجى ابراهيم..........

هناك 31 تعليقًا:

adel يقول...

احجز اول تعليق و ارجع تاني

دي فرصة

الست فرويد يقول...

احلام الليل دى دنيا غريبة جدا ملهاش اى منطق

ولما لا والنوم موت موقت ؟


ربنا يبعد عنك الكوابيس يا انجى يا رب

ويجعل احلامك والواقع كلها سعادة بقدر روحك الجميلة

مودتى

ponpona يقول...

وانا التاني .... هييهه

آديني جيت أهو

هاقرأ بردو وارجع تاني

:)

adel يقول...

مش عارف ااقولك ايه ؟؟

عموما انا بعضق قراءة كلماتك :):)

اكيد قصدك انا بالصديق اللي واخد ايجار جديد ده :):)

انا عاجبني قوي اخر جزء :)
نفسي في شوكولاتة بجد :):)

-----
لو اتكلمنا قريب هحكيلك عن حلم و تعالجيني منه :):)

ponpona يقول...

:(

ponpona يقول...

لأنه فقط كان حلما سعيدا ، فأنا سعيده ، ولأن الأحلام السعيده ليست من الأشياء التي أحصل عليها كل يوم ، فأنا قد قررت أن أستمتع والي أقصي حد .
وسأذهب الآن ، اشتري لنفسي شيئا يصلح لأن يكون هديه مناسبه للحلم السعيد وأخبره اني انتظره يأتيني مره أخري وأظنه يقتنع بهذا في معظم الأحيان ، فقد كرر زيارته فعلا وبكل مره يترك لي ورقه ياسمين صغيره أحتفظ بها لأني أنوي أن ابني بيتا كبيرا وأنوي أن تكون له حديقة ياسمين


تعرفي يا انجي ، أنا ممكن احلم حلم حلو أوي وافضل مبسوطه كده يجي تلات اربع تيام
وساعات ممكن قوي أصحي م الحلم ألاقيني ببكي بجد


انجي
اسلوبك ف الحكي حلو أوي أوي علي فكره
أنا مبسوطه بيكي
:)

Mo7ammed يقول...

"اذا اتيح لى اختيار احلامى سوف اطلب الكثير من التفاصيل..سوف اجلب الكثير من الاشخاص..سوف اصنع الكثير من التفاصيل الصغيرة واجمعها كلها فى حلم واحد ..سوف اجعل الوقت فجرا والجو شتاءا ورائحة الهواء نعناع..سوف ادعو ابطال حلمى الى شوكولا فريرو روشيه التى لا اعرف لماذا اؤجل شرائها كل هذا الوقت"

تحفة يابنتى .. جامد اوى بجد
ماشاء الله عليكى
بتقولى اللى انا عايز اقوله
بالمللى

انجى يا انتيختى
انتى خلتينى عايز اقوم انام واحلم

كل سنة وانتى طيبة ياجميل
بقولك انا عايز عيدية ها ؟

Mo7ammed يقول...

على فكرة انا بحب اقرأ ليكى اوى ومش بفوت قصة بتكتبيها حتى لو معلقتش عليها

اسلوبك جميل ورشيق
وانا بتعلم احيانا منه

يلا ياستى كلمتين حلوين اهه
برفع معنوياتك ^_^

شباك موارب/منار يقول...

يااااااه احلام
دا انا يمكن بحلم في اليله الواحده اكتر من خمس احلام
وبحس اني وانا نايمه مزحومخه اوي
ساعات بجد لو حلمت بحاجه مفتقداها وشفتها وحسيتها في الحلم وتعني لي الكتير بتديني امل وسعاده لمده يومين مثلا


ياريتني بقدر مش احدد احلامي
ياريتني اقدر اطولها

تعرفي دايما لما بقوم من النوم ببقى فاكره الحلم لكن اول مااصحى خالص بنساه

عملت مره وجبت ورقه وقلم واول مااقوم من النوم اكتب الحلم حتى لو مختصر
عشان افتركه
وبقيت كل مده اقرى احلامي احسها اول مره اقراها
مش عارفه ليه بننسى احلامنا
او بالاخص بتغيب وتمسح من ذاكرتنا



تحياتي ليكي جدا

شاب فقرى يقول...

كلامك جميل أوى
أنا نفسى أحلم وأصحى مبسوط فى مرة
مش أحلم بالحاجة قبل ما تحصل وأفكر فيها ست شهور وبعدين يحصل الموقف اللى حلمت بيه بالظبط :((

إليكى تعليقى البسيط على بعض الأجزاء من كلماتك

احلم احيانا بما اود ان اقوم به فى الحقيقة..ربما انا فى حاجة هنا لاعتراف صغير..انا اخاف البشر..لا اثق فيهم ولا فى ردود افعالهم لذلك افعل بهم ما يحلو لى وانا نائمة..احلم كثيرا باشياء لم افعلها فى الواقع ولكن داخلى جزء يريدها بشدة..

أتمنى لو حلمت بأننى اطير
أحلق فى سماوات الدنيا
أعبر ذلك الحاجز الذى يفصل بين سماوات الدنيا وسماوات المولى
أحلق لأسجد تحت عرش الرحمن

----
بما اننى اتكلم عن الاحلام..لماذا لا احلم بما اريده؟؟؟ لماذا لا اتمنى اليوم ان احلم بكذا فاذهب الى الفراش واحلم به فعلا؟؟
اذا اتيح لى اختيار احلامى سوف اطلب الكثير من التفاصيل..سوف اجلب الكثير من الاشخاص..سوف اصنع الكثير من التفاصيل الصغيرة واجمعها كلها فى حلم واحد ..سوف اجعل الوقت فجرا والجو شتاءا ورائحة الهواء نعناع..سوف ادعو ابطال حلمى الى شوكولا فريرو روشيه التى لا اعرف لماذا اؤجل شرائها كل هذا الوقت..لا لن ادعوهم جميعا اليها سوف انتقى من امنحهم الفريرو روشيه وامنح الباقين ربما كادبورى او مورو حتى..

على فكرة الجو اللى وصفتيه دا بحس بيه وبعيشه فعلا فى البلد
جو ساحر بشكل لا يوصف
جميل وهادى ورائع
وريحة النعناع وهوا الفجر اللى يرد الروح
والأجل (مياه الطرمبة ) مياه جوفيه جميله أطعم من السكر ( فى بلدنا بسسسسسسسس )


وامنع الباقين لانهم اشقياء ولانهم لا يحبوننى كما ينبغى

عجبنى جدا وصفك للاخرين بانهم لا يحبوننى كما ينبغى
كنت بدور على وصف زى دا من زمان

ربنا ينولك كل اللى فى بالك يا إنجى

كل سنة وإنتى طيبة

لكى منى كل التحية

وشكرا عالبوست

شاب فقرى :)

نعكشة يقول...

ابتسامة ناعسة

صباحُ الخيرِ أولاً
حاسة ان البتاع لايق على الموقف
واحدة لسة صاحية من النوم

اقولك حاجة
وانا اصغر من كدة شوية
تقريبا فى ثانوى قبل ما ادخل المعكوكة لأ مش معكوكة
قبل مادخل البتاعة
لا احبها شوية
قبل ما ادخل كليتى اللى بحبها و اكرهها فى نفس الوقت ديه
كنت لما اقول هحلم بحاجة بحلم بيها
كنت اما احط راسى على المخدة و اتخيل موقف الاقيه في الحلم

كنت اما ماما تصحينى من وسط الحلم
و ارجع انام تانى بكمله

مكنتش بتعمد اجيب اشخاص معينة فى الحلم
ومكانتش بتراودنى و لله الحمد الكوابيس إلا نادراً

دلوقتى

تقريبا مبحلمش
عارفة ان كل حد لازم يحلم
بس الفكرة اننا مبنفتكرش الحلم
عارفة كل الليلة دية

بس الفكرة انى مبفتكرش اى حاجة
لما بنام مبقومش فى فترة ال rem اللى الواحد بيفتكر احلامة فيها

بحس انى عقبال ما انام بقيت اخد وقت طويل لو مفروض انام و احس ان طول مانا نايمة كان حلم اسود
و اما بصحى مبفتكرش حاجة
او اروح انام وانا مهدودة واما بصحى برضو مبفتكرش حاجة

ساعات و دة بقة شرذمة قليلة من الاحلام
ونادا ما تحدث
بحلم بحاجات من الواقع
امتحانات
تقريبا امتحانات

و احلام عجيبة
تعبر عن شخصية كرتونية خيالية
تسبح فى عالم الخيال بلا شخوص
او بشخوص معرفهمش
كل هدفهم انهم يصمموا معايا فيلم خيال علمى
انا اصلا مش مستمتعة بيه

لن اطالب بعودة احلامى مش عشان حاجة بس عشان مش عارفة
خلاص بقة
عجزت واللى كان كان

فكرة ان احلامك تبقى الحاجات اللى مش عارفة تعمليها فى الواقع
بتريح ساعات
وساعات بتخليكى نفسك الواقع دة يبقى حقيقة اكتر

يمكن عشان انا مبفتكرش الناس عملت اية اصلا فمبلاقيهمش فى الحلم

طب اقولك حاجة

انا اتمنيت كتير بعد ما تيتة ( الله يرحمها ) و خالتى الله يرحمها توفتا .. تمنيت اشوفهم فى الحلم

و قعدت افكر فيهم كتير
و ادعيلهم جامد

ومفيش ولا واحدةف يهم عبرتنى و طمنتنى عليهم
وجم لناس تانين
لسة بدعيلهم برضو بس مش زى الاول
يعنى لما بفتكر ادعى اصلاً

بالمناسبة دعيتلك امبارح
و بالنسبة للأمتحان
مممممممممممم
مش عارفة

دايماً بقول
الناس دية ولا حاجة بالنسبالى عشان اسود ولو حتة فتفوتة من قلبى عشانهم بانى مسامحهمش و افتكرهم
مسامحاهم كلهم
رغم كل الامتحانات العجب اللى بيجبوها
مش ضعف
محنا ممكن نطلع دفعة نروح نعمل شغب و نقول الامتحان كان منيل
زى ما عملوا السنة اللى فاتت

بس خلاص الحمد لله
ما اصابك لم يكن ليخطئك
ومش عاوزة منهم حاجة
انا اصلاً قلبى ملبش و معكوك بعكة اسود حتة منه ليه

تصدقى اكتشفت ان عندى صداع

بالمناسبة
لما بدأت التعليق الراجل كان بيقول : " و ننزل من القران ما هو شفاء و رحمة للمؤمنين و لا يزيد الظالمين إلا خسارا"

اة صحيح

كنت بحب الشوكولا زمان
وكنت بحب الشيبس
و المصاصة
وحاجات بالهبل
كنت اما اكلها
ميهمنيش حاجة

حتى الدرة
دلوقتى بقيت عادى معايا
ممكن اشوف بياع درة و اعدى من جمبة عادى

مبقاش فيه حاجة بتبسطنى
هوه اكيد فيه حاجات
بس مش عارفاها
تقريبا مطلوب منى اكتشفها بقة

.................

بالنسبة للثقة فى الناس
مش عارفة
مش عندى خالص
رغم انى عمرى ما كذبت حد

دايماً بصدق
انا سهل اصدق اصلاً
مادام شيء لا يخصنى
يعنى لو قولتيلى اى حاجة مش بكذبك مادام حاجة ترجعلك وانا لا شأن لى فيها

و لو رجعتى و قولتيلى كنت بهرج
و نفيتيها مش هكذبك

بس اول ما الحاجة تخصنى
مابصدقش
ومابطمنش
و ما بثقش
بحس انى لازم ابقى عارفة انا رايحة فين

مبعرفش اقرب من الناس قوى

لما بحكى لواحدة صحبتى على حاجة
او حسيت اننا قربنا من بعض قوى
ببعد

مشكلتى انى لما ببعد
ببعد بغباء
يعنى لو لاقيت انه مش هنعرف نبعد عن بعضينا لو انا بعدت
و هتفضل تسأل عنى
لإنى انا كمان كنت بسال عنها و كنا كل شوية لازقين في بعض

بخلى نفسى منيلة بستين نيلة
فعلاً

ممكن اعمل بلاوى كمان عشان تقرف منى
لحد ما بتقرف فعلاً

مبحسش انى مستريحةل ما حد يقرب منى زيادة عن اللزوم

الحاجات دية بتحصل لا ارادياً
ومعرفش ليه بعمل كدة

المهم

نرجع لموضوع الحلم

واحدة بتتمطع

ينهار بتاع قاعدة اربعين دقيقة بكتب
البنت هتضربنى

طب بصى فى السريع
هخرج

احتمال ارجع اكمل تعليق
و احتمال معلقش
عادى يعنى
انا تقريبا خلصت

انجى

ابقى اكتبى مواضييع من دية كتير فى الفترة القادمة

محتاجالها
اتركى لخيالك العنان
احلمى
و عيشى
و تخيلى
و طيرى كدة

و مدونتك وانتى حرة فيها
عيشى عيشى يعنى

سلام عليكِ

واحده من الناس يقول...

لماذا تستدعين من جعبة احلامى كل ماعلق بها من افراح او الم
لما تهدمين ببضعة كلمات صرحا شيدته بينى وبين ذاك الحلم كى لا يتقمصنى
ماعدت اريد ذاك الحلم
صرت احيا بدونه
ماعدت اعرف مذاقه
وان زارنى فى نومى رغما عنى وبلا سابق استئذان
اغلاق عليه عقلى ولا امنحه اذن المغادره فيظل حبيسا لعقلى الباطن فيمكننى الاستمتاع به كيفما اشاء
احمله معى دوما فى حقيبة يدى مسجونا ف قلم الشفاه الوردى ويسبح على مرآتى الصغيره
يرجونى ان اتركه
فلا اريد
يحاول ان يهجر حروف لغاتى ليسكن قلعة همجيه لم تتطرقها لغة بعد

ولكنه ف النهايه لا يسكن سوايا

فى ذلك الحلم صديقتى توشحت بكلمات منير
لو كان لزاما علينا الرحيل
كارهك يا وداع

نعم اكره ذلك الوداع الذى سيتركنى جوفاء
بلا ملامح

لو تصدقيننى فسأخبرك انى اليوم استيقظت ومعى حلم اخر بلا معنى
تركنى افكر وافكر واحاول استجداء المعانى

حلم زادنى شوقا اليه رغم انه لم يكن بحلمى
لكننا كما قلتى نحلم كما نشاء

اخاف ان اسمع اغنية منير
قبل ماتحلم فوق
احلم وانت فايق
قبل ماتطلع فوق
انزل للحقايق

اخاف ان تكون نهايتى هكذا

صديقتى
اثرتى بموضوعك ذاك اشياء شتى
فتحملينى ان كنت اثقلت عليكى بالكلام
تحملينى
لانك الان صديقتى
ولان كلماتك هى من قلبت موازينى

انتى كاتبه تعرف كيف تسرق نبض قلوبنا لتصنع منه ماتشاء
:)

مسدس صغير يقول...

خير
خير
كله خير
هاى دريمز
انا زيك فى مسألة انى مش بفتكر احلامى الا بسيط جدا
هابى دريمز
كل سنة وانتى طيبة

نعكشة يقول...

اة صحيح

شفاكِ الله و عافاكِ

enjy يقول...

عادل: تعرف انك من الناس اللى هديلهم فريرو روشيه واعزمهم على حفلة منير؟؟؟؟؟
نفسى تيجى لقاء المدونين بتاع اسكندرية..هنرغى كتير اوى جدا خالص..........





الست فرويد:اعتقد ان الاحلام ليها منطق ومنطق عقلانى جدا كمان..بجد مش لازم نفسر احلامنا بس اننا نحلم دة شىء عبقرى..ربنا يخليكى يارب عالدعوة دى..........





بونبونة:تلات تعليقات؟؟ اه قلبى قلبى..عرفت انك مسافرة تروحى وترجعى بالسلامة يارب..بس معنى كدة انك مش هتعيدى معانا..اقصد مش هنشوفك فى العيد..يللا كل عام وانتى كويسة................






محمد:يا ابنى دى اقل حاجة عندى نيااااااااهاهاهاااا
بص يا صديقى الانتيخ انا هبقى اعزمك على شوكولاتة فى الحلم وممكن اجيبلك بوكيه ورد بس مش اسود يا فقرى انت..وبعدين تعالى هنا..هو مين اللى يطلب عيدية من التانى؟؟






شباك موارب:الحلم دة حاجة كدة شبه الهدية..ربنا بيدينا هدايا واحنا نايمين..زى ما قلت كدة انا ساعات بحلم حلم حلو اوى وافضل فاكراه وسعيدة بيه اوى..ربنا يسعدك على طول وانتى نايمة وانتى صاحية...........








شاب فقرى:مع ان كلامك ميدلش انك فقرى على العكس كلامك حلو وذكى جدا..مش عارفة ارد عليك بس نفسى اشرب من الجلبة..............






نعكشة : صباح الفل مع انى حاليا بعد العشا بس برضو صباح الورد والنعناع..
تعرفى..وانا كمان احلامى كانت بتتحقق وسبحان الله حاجات مالهاش اى علاقة بيا..بس عارفة فى واحدة صاحبتى حلمت بحلم انا البطلة بتاعته وبعد سنة اتحقق حرفيا..مع ان باقى الابطال مكانوش لسة موجودين فى حياتى ساعتها بس هو اتحقق بعدها..يللا ما علينا
حكاية انى ادعى كتير ان حد معين احلم بيه دى مبتحصليش خالص وسبحان الله لما انسى الموضوع خالص احلم باللى كان نفسى احلم بيهم..
احلامك بتاعة الكارتون دى حلوة اوى ممتعة..على فكرة انا كمان بحلم احلام عبيطة جدا بس مقولتش عليها فى البوست يعنى..واحلام تانية مش لذيذة مبحبهاش بس برضو مقلتش عليها واحلم تالتة بقى شوريييييرة .........
بالنسبة للناس اللى قلتلك عليهم انى مش مسامحاهم..مكانش قصدى بس عالدكاترة يمكن دول اقل ناس انا مش مسامحاهم لكن فى ناس تانيين مش مسامحاهم اهم من دول..بس انا عارفة انى بوق وهسامحهم على طول...
ممكن تاكلى درة كتير؟؟؟ معلش جربى نصيحتى..كليه وابتهجى من برة عشان ترجعى بهجته الحقيقية من جواكى..ممكن متعديش اول بتاع درة تقابليه المرة الجاية؟؟ارجوكى جربى....
بالنسبة لثقتك فى الناس..انا باخد على دماغى يووووووووه كمتير اوى بس للاسف برجع اصدق واتوجع حاجة تجيب الغثيان فعلا بحس ان فى قصور فى مخى بيخلينى اعمل كدة.....
مستغربة اوى من اللى بتعمليه مع حد تحسى انه بيقرب منك..معرفش ليه كتير بحس انك بتعاقبى نفسك على حاجة معملتيهاش..بس اقولك على حاجة؟؟ انا فى حاجة فعلا لعلاقة زى اللى انتى بتتكلمى عنهم..نبقى اصحاب بس من غير ارتباط قوى عشان متوجعش تانى..زى علاقتى بيكى كدة..محاولتش اخد ايميلك ومش هحاول عشان مفقدكيش..كانك مسمعتيش الكلمتين اللى فاتوا دول عشان انا عارفة انك مبترتاحيش كدة لكن فعلا انا مبسوطة بالعلاقة دى ويمكن نتقابل بس هتبقى مقابلة ظريفة مرة كل كتيييييييير فهفضل اتكلم معاكى براحتى لان عنيكى مش محاصرانى زى الباقيين ولانى عارفة ان....انا اتكلمت كتير كلام بايخ..اسفة بجد بس فعلا معرفتش اوقف نفسى وبجد اول ما اخدت بالى وقفت حتى مكملتش الجملة..متزعليش انى قلتلك كلام انتى مبترتاحيش لما تسمعيه بس معرفش لقيتنى عايزة اقوله..
بالنسبة بقى لانى اطلق لخيالى العنان فانا بحاول عشان مرجعش اكلم نفسى تانى..كان فى فى حياتى ناس كتير بكلمهم وبخرج كل الشحنات الانفعالية وكلهم فجاة قرروا انى خلاص ماليش لازمة فى حياتهم...طيب بالسلامة بس كان لازمته ايه من الاول توهمونى كنتوا قلتوا انكوا فترة وهتمشوا...مخنوقة منهم بس مبكرههمش..معرفش احساس غريب اوى من ناحيتهم حاساهم اتنينات..كل حد فيهم اتنين واحد طيب والتانى شرير وانا عايزة الطيب يرجعلى بس مينفعش بقى..خير خير هتعود اكييييييد....
ابقى عرفينى انك شفتى التعليق هاه؟؟
هو انتى لسة عندك امتحانات تانى؟؟
ربنا معاكى بقى انا هفضل ادعيلك...
على فكرة حلمت بيكى امبارح..بمدونتك يعنى انك فتحتيها تانى وكنت زعلانة فى الحلم انك عملتى حاجة مش على مزاجك ..معرفش ليه حلمت الحلم دة بس اهو كدة وخلاص تخاريف....
سلام عليك

enjy يقول...

واحدة من الناس:زهرة...هو كان ايه الحلم؟؟؟ سورى مكنتش اعرف ان البوست هيوجعك...بس عارفة هو الاحلام كدة دايما..بتفضل احلام على طول..شكرا على رايك فيا..انا فعلا بعرف اعمل كدة؟؟؟
طب الحمد لله............




مسدس صغير:هابى دريمز...كل سنة وانت طيب برضو.........

funckydoctor يقول...

عارفة أنا بعرف أتحكم فى أحلامى إلى حد كبير
أركز فى اللى نفسى أحلم بيه ويكون
فالحلم هو استرجاع لما فى عقلك الباطن
وماتحاوليش تفكرى فى الحلم السخيف ده ومش بعيد تحلمى بيه النهاردة.
قبل ما تنامى قولى الأذكار وصفى ذهنك وهتلاقى الدنيا بيييييييس :D

جارة القمر يقول...

انا حاسة انى مضايقة او تعبانة و محتارة مش عارفة

كنت جايه ناوية اقرا البوست و اعلق عليه بس مش عندى نفس اعمل حاجه

فرحت انى لقيتك حاطة بوست جديد لان كلامك واحشنى بس اعذرنى هرجع تانى

نعكشة يقول...

دى كدة بتبقى رؤى
...

هههههههههههههه
تفتكرى انا مبحلمش بناس حواليا او اشخاص اعرفهم وكل اللى بحلم بيهم معرفهمش عشان انا انانية؟
مبفكرش غير فى نفسى يعنى؟؟

احتمال كبير

عارفة
ساعات بحس انى مهما حبيت الشخص و حاولت اعمل كل اللى اقدر عليه عشانه و ادعيلة و من جوايا بيبقى نفسى ليه الخير

بحس برضو انه انا مش بحبه زى ما بحب نفسى

للعلم انا برغم حبى لنفسى بكرهها بغباء

ودة اكبر دليل انى بحبها

لإنى زى ما قولتلك
انى بحس ان مفيش اى شخص يستاهل انى اسود قلبى عشانه او اكرهه

وإنى لو كرهت شخص معين يبقى انا كنت بحبه قوى و عمل فيا حاجة مؤذية قوى و دة و لله الحمد عمره ما حصل انى حبيت شخص قوى و اذانى

نفسى بس هيا الشخص اللى حبيته قوى و اذانى بغباء
اذيتنى بتصرفاتها
بضعفها قدام حاجات كتير غلط

انانية انا صح
مع ان الناس فاكرنى مش انانية خالص

امى لما بتسألنى بتحبى فولانة
اة دى كوكو
طب علانة
اة دى كوكو
بتحبى مين اكتر

مش عارفة
كلهم بتمنالهم الخير
بس دية اتكلمنا كتير و دية لأ

دية لو طلبت مساعدتى دلوقتى هساعدها و دية لو طلبتها هساعدها

يمكن ديه بفتكرها اكتر لإنى بشوفها كتير

هذا لا يمنع ان فيه ناس مبعرفش اتأقلم معاهم رغم انى سريعة التكيف برغم جمودى و عدم قدرتى على التكيف احيانا

الاشخاص اللى مبتأقلمش معاهم برضو بحبلهم الخير

بس انا من جوايا انانية

عامة مش عارفة اى علاقة دة بالموقف بس هيا جت كدة

احلام الخيال العلمى مش ممتعة صدقينى إلا فى احيان قليلة
..............
توقعت كدة برضو بس مبحبش افترض
مبحبش اقول لحد لأ انت مش كدة او أنت كدة
عن المسامحة اتكلم
...........

الدرة .. حاضر هحاول( نظراً لإنى تقريبا فقدت قدرتى على الابتهاج من اشياء كانت بتبهجنى و مش لاقية وقت ولا دماغ ولا نفس ادور على حاجات جديدة)
..........

الثقة.. بخاف من الحركة دية بقة انا .. بخاف احب حد عشان ميطلعش وحش و ازعل قوى
انما اى حد بحبه عادى لو طلع وحش او حلو برضو هدعيلة بس مش هزعل ولا هسود قلبى
.................
انا كمان مستغربة
رغم انى فى اشد الاحتياج ( بجد مش هزار) لحد قريب منى ( صديقة بنت ) بس مبعرفش بعمل كدة ليه
تقدرى تقولى لامر بيحصل شبه لا ارادياً
..........
عارفة انى كنت خايفة من دة .. انى اشوفك رغم انى نفسى اشوفك قدامى كدة و اقرص خدودك و احضنك
خايفة عشان حصلتلى كتير و بالهبل و النتيجة انى بستغرب فى الاول انا بعمل كدة ليهة و اقعد احاول معملش كدة
وبعدين بنسى
النسيان مش حلو ابداً يا انجى ساعات
و افتكر انى لوحدى فى الاخر
زى البتاعة
و هذا ما جنته يداى
....................
ربنا هيكرمك يااااااااااا رب و يرزقك بحد بتحبيه و يحبك ( بنت = صاحبة ) ( ولد = جوز) أى حاجة يعنى و تفرغوا كل الشحنات و تقعدوا تحكوا لحد ما ماتخلصش حكاويكوا. ولا يفرقكوا ابداً و يجمعكوا دنيا و جنة باذن الله
..................
بصى امتحانات النظرى هتخلص يوم 1- اكتوبر دة امتحان اطفال و قسم لااطفال يعنى القرف كله اكتر من الباطنة بمراحل
بعدها على طول
ابدأ معجنة معجنة يعنى امتحانات عملى كل يوم
مفيش يوم فاضى فى النص
و آخر امتحان يوم 22 دة امتحان رسم قلب
نفسى اشوفك بجد
مش عارفة ليه اول ما جت سيرة اخر الامتحانات حسيت انى نفسى ارغى معاكى
عامة
...........
المدونة
كنت بفكر افتحها تانى اما اخلص الامتحانات
نعكشة يعنى .. انا فعلاً فعلاً محتاجاها
بس فيه واحدة تانية عاوزة افتحها
بس نفسى استشير حد
طب مانتى موجودة
بصى
هوه انا لما جيت افتح نعكشة
طب اقولك
اكلمك عن الموضوع دة بعدين
لا مش هعرف
هيفضل جوايا يفرك
بصى
انا لما فتحت نعكشة كنت بقول لنفسى انى مش هحط فيها حاجات حب حب يعنى من اللى بكتبه
و انى مش هحط فيها موسيقى رغم انى بسمع موسيقى
عشان ماخدش ذنوب وانا مش واخدة بالى
وانا اصلا عندى ذنوب تكفينى و زيادة
وبعدين اديت باسورد المدونة لحد عشان بعد ما اموت يتم قفلها عشان لو فيها اى حاجة مبقاش بتحاسب عنها وانا عايشة وانا ميتة ولو قراها حد جديد ميعدش ميزان السيئات
عامة
المفيد انى عايزة اكتب على المدونة الخواطر المنيلة بستين نيلة الفاسقة اللى بكتبها
تفتكرى اكتبها؟؟
بالمناسبة المدونة التانية عملتها بالفعل و سميتها لستُ قديسة
بس محطتش فيها حاجة
تفتكرى اعمل اية؟
مش عارفة
انا هبلة صح
تفكيرى اهبل و معوق
وبهتم بحاجات ملهاش لازمة
بس بجد اكتشفت انى محتاجة المدونة فعلاً
انا كنت فاكراها اى بتاعة لو قفلتها خلاص بقة
عامة انا ليا فسافيسى برضو
...
يلا خير

سلامٌ عليكِ

نعكشة يقول...

انهاردة آخر يوم رمضان

انتِ متخيلة؟؟؟؟

خلص

بح

ربنا يجعلنا من العتقاء
انا خايفة قوى من نفسى
صحيح
لو عايزانى ادعيلك دعاء معين بتحبيه وانا بفطر آخر يوم قوليلى

الصداع خف شوية رغم انى قاعدة على الجهاز و الكمبيوتر اصلا بيجبلى صداع













انا محتاجة اعيط
انا انسانة مؤذية
الناس اللى بحيحبونى بأذيهم و بأذيهم باللجامد
مش عارفة انا بعمل كدة ليه
مع انى حاسة انى بحبهم.. مش عشان بس بشوفهم كتير
لأ عشان بيفرقوا فى حياتى مجرد وجودهم
حاسة ان فيه ليهم مساحة جوة قلبى حتى لو بعدنا و اتسابت المساحة و حصلها تليف و باظت
هتفضل موجودة فى قلبى باسمهم
نفسى ابقى كويسة
نفسى مكرهنيش
و احس انى انا و نفسى بنعمل حاجات حلوة
مش دايما انا بعمل حاجات مؤرفة و هيا تلومنى عليها
او هيا تقولى تعالى نعمل حاجات غلط و انا اقولها لأ فى الاول
و ابص الاقينى لا ارادياً او معرفش ليه بعملها
مش لا اراديا بالظبط
ماهو انا اللى مجرجرة انا برضو ورايا

يلا خير

قلبى بيوجعنى

حاساه اكن حاجة بتعصرة بايدها جامد زى الطماطماية

سلام

أميرة علي كوكب مهجور يقول...

اولا كل سنة وانتي طيبة وعيد سعيد
ثانيا عليكي زيارة متأخرة لمدونتي
ثالثاانا ساعات فعلا بكون عايزة اعمل حاجة او بفكر في حاجة و احلم اني عملتها وتحققت وبحلم كتير اوي مشاهد كتير بتدخل في بعض اماكن بتتغير ولما بحكي لحد يقولي ده فيلم مش حلم:)

اسلوبك حلو اوي يا انجي ربنا يوفقك ومستنياكي

romansy يقول...

اجمل التهاني وارق الاماني بحلول عيد الفطر المبارك
اعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد

كل عام وانتم بخير

blue-wave يقول...

حرام عليكى داحنا داخلين على عيد:))
كل سنه وانتى بالف خير

نعكشة يقول...

كل سنة و انتى طيبة يا لوزةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةةة

( وش واحدة منشكحة و مايلة براسها يمين شوية و ماسكة ايدها الاتنين فى بعض و شاداهم لتحت )

سلام عليكِ

micheal يقول...

الحلم ده دنيا وعالم لوحده يا إنجي
أحيانا كتير بحلم أحلام ملخبطة فيها تفاصيل كثيرة واشخاص كثريين ليس لهم علاقة ببعض أو علاقة بي في بعض الأجيان
كثيرا ما تكون أحلام مرعبة
سيبك أنتي
كل سنة وأنتي طيبة
عيد سعيد

adel يقول...

النهاردة ليلة العيد
وبما ان الدكنورة مش اي حد

قلت اجي مخصوص
وتاكسي رايح و تاكسي جاي

كل سنة و انتي طيبة :)

----
ميرسي علي الفريرو روشية و علي حفلة منير
في الجون بجد

وصدقيني انا ببزل كل جهدي اني اجي يوم 10-10 و ان شاء الله هاجي و هاقولك قبليها كمان ان شاء الله :):)

Mo7ammed يقول...

كل سنة وانتى طيبة

وعلى فكرة انا مستنى عيدية
مش اقل من ورقة بمية ^_^

إسلام الدسوقى يقول...

لا تتنازلى عن ديكتاتورية حلمك
أحلمى اكثر
وأمتعينا أكثر
تحياتى
وكل سنه وأنتي طيبه
وخلي بالك ما تكليش كحك كتير

أحمد الشمسي يقول...

أهم حاجة في الموضوع ده حلم حفلة محمد منير، أنا هاجي حتى لو ما عزمتنيش، هقتحم عقلك الباطن واحضر الحلم... قصدي الحفلة :)

mariam يقول...

انجى..ازيك؟!عاملة ايه؟!!

قبل ما اعلق قيدى عندك زى متفقنا ..اثبات حضور البت سيدة العالم ..يلا شوية تواضع مش هيضروا بردو :)

المهم.. اخبار العيد معاكى ايه..كل سنة وانتى طيبة فرقعتى بمب و صواريخ ولا لأ!!

القاهرة شواريعها فاضياااا...بحب انا الشوارع فى العيد و هى فاضية ..

منسبة للبوست ..حاسة ان حلم الورد بتاعك ده زى ميكون كدة ليه تفسير معين او معنى ..مش عارفة

ههههههه
انا بردو بأجل شراء فريرو روشيه..بس حلوة حكاية انك هتكافأى ناس و ناس لأ ..بجد جميلة

مش هعرف ارغى كتير عالبوست عشان انا احلامى معظمها كوابيس اليومين دول فا مش عارفة اندمج و افصص زى كل مرة سورى :)

بس انتى كدة شكلك ليكى فى الخيال ..فى قصص خيالية معينة بتحبى تقريها ؟!

و مبروك لأسراء صحبتك ربتا يتمملها على خير ..قوليلها يا زين ما اختارت فى الأسامى ..لأ بنت ذوق يعنى ..و اكيد ممكن و ستين ممكن تدلعى بنتها لبة يا سلام..والله يسعدنى جدااا انك تفتكرينى ببنت صحبتك خصوصا انك متعرفينيش فى الحقيقة يعنى ده يخليها تفرق معايا اكتر بجد والله..

سلام و متقطعيش البوستات :) الا فرانشيسكا ازيها؟!سلميلى عليها..

-------------

نعكشة ..

فاكرانى؟!...خدى وقتك...........ايوة برافو عليكى افتكرتينى..انا كنت عايزة بس اقولك شكرا اوى على اخر تعليق كنتى كتبهولى ..متأخرة انا عارفة بس الوقت اتاحلى بس دلوقت ادخل و اعلق ..و بالتوفيق فى امتحاناتك انشاء الله تخلصى و تعملى اللى نفسك فيه.. كل عام و انتى بخير..

سلام

أحمد.... يقول...

مكملتش البوست كله بس مقتطفات كدا قريتها بس
حياتنا فيها حاجات كتير ممكن نقف ونتاملها ... بس المشكلة لما نتعلم نتاملها من اكتر من زاوية
وعد ارجع مرة تانية ان شاء الله و اقرى البوست كامل
ارق تحياتي