الجمعة، 4 سبتمبر، 2009

فيش و تشويه





عادة لا انتبه لبرامج التليفزيون ذات الفكرة المكررة والتى تدور كلها حول استجواب الضيف وانتزاع المعلومات السرية منه والتى تكون فى الغالب لا تعنينى فى شىء خاصة اذا كان الضيف نجم سينمائى او مطرب او ما شابه..

لفت نظرى برنامج فيش وتشبيه للاعلامية لميس الحديدى ..لم يلفت نظرى لشىء الا لكونه يتبع برنامج ظاظا وجرجير الذى اتابعه بشغف شديد كى اتلقى جرعة الغباء السنوى والتى تكفينى – بالطبع – حتى رمضان المقبل..لكن حقا البرنامج قوى فقد استضاف الدكتور احمد فتحى سرور ورامى لكح و اشرف السعد..برنامج قوى كما يجب للميس الحديدى ان تعمل وكما يليق باسمها اللامع..

جذبتنى حلقة جاد شويرى..جاد شويرى بالطبع اسم غنى عن اى تعريف فمن منا لم ير كليب ماريا العبقرى العب العب يا حبييييييييبى..او لم يستمع – او للحق يشاهد – دويتو جاد شويرى طب وريييينى مع مغنية لا اذكر اسمها او مثلا اغنية مصغية – ايون اللى هى مصرية بس هو لطيف وبينطق بالفرنسية – كل هذه الدلائل لابد ان تذكرك بجاد شويرى اذا لم تكن بالفعل تذكره جيدا..

خيبت حلقة جاد شويرى املى فى لميس الحديدى بشدة..من يعتبر حلقة جاد شويرى نجاحا يحسب للميس الحديدى فهو مخطىء فى نظرى وبشدة..ارتكبت لميس كل الاخطاء الاعلامية المعروفة والغير معروفة ..هاجمته بشدة قبل ان يتكلم حتى..سخرت منه بشدة فى كل جمل الحوار تقريبا..تعمدت تشويه صورته المشوهة اصلا..والادهى انها تغاضت عن اى كلام عقلانى قاله وزيفت حقائق كثيرة كى تصل للهدف الموضوع للحلقة مسبقا..

فى سبيل ان تثبت لميس الحديدى ان جاد شويرى شيطان رجيم خسرت فى نظرى قوتها ومكانتها كمحاورة موضوعية مثقفة قوية واثقة من نفسها..لا اعتقد ان من حق المحاور ان يسخر من ضيفه ويسفه آرائه خاصة عندما تكون الاراء منطقية ..عندما قال جاد ان من حق المرأة ان تستخدم نفسها كسلعة..تركت المحاورة الموضوع الاصلى وضبطت نفسها على جملة واحدة – يعنى انت شايف ان الست سلعة – فيعيد الضيف ما قاله مسبقا ويحاول توضيح وجهة نظره فتتشبث هى بصممها المفاجىء وتردد نفس الجملة..عندما يقول الضيف انه يحارب من اجل قضية عادلة وهى التبرع بالاعضاء بعد الموت..تهمل المحاورة الموضوع الاصلى وتتشبث بابتسامة ساخرة وتقول – انت بقى عندك اهداف عظيمة من كليبات البورنو واحنا اللى مش فاهمينك – ليس من حقها اطلاقا ان تسفه اراء ضيف الحلقة ايا كان..عندما يقول الضيف ردا عليها انه اخرج كليبات محترمة ويسوق مثال كليب جوانا ملاح هتفضل فى قلبى والذى بالمناسبة احدث ضجة بالفعل واشتهرت الاغنية جدا واعجب الكليب الكثيرين..تسخر المحاورة وتقول ان هذا لم يحدث وانه طالما لم يصلها اذن هو لم يحقق نجاح يذكر ككليبات البورنو..ليس من حقها عندما تكون غير ملمة بخافيات الضيف ولم تحضر جيدا للبرنامج ان تنكر حقائق على هذا الضيف حتى لو كان جاد شويرى..

المشكلة وما اتكلم عنه هنا ان بالطبع فى رأى الاغلبية لم تخطىء لميس الحديدى عندما شوهت جاد شويرى لانه بالفعل مسف ويقدم ابتذال شنيع ..هنا اعترض..ليس معنى ان غيرى مخطىء ان اخطىء انا الاخر محتميا بعباءة الفضيلة..ارى ان لميس الحديدى اخطأت خطأ مهنى شنيع عندما حاصرت ضيفها ولم تعطه فرصته للحوار وارى انها خسرت ارضا لدى عندما لم تحترم مهنتها واصولها وقواعدها..اخطأت لميس الحديدى عندما اعتمدت على خلفية جاد شويرى وكان هدفها من الحلقة هو تشويه صورته..اخطأت عندما اهملت اهم قواعد الحوار الاعلامى ونحت موضوعيتها فى حوارها هذا..اخطأت عندما لم تلتزم بالهدف الاصلى من الحوار الراقى..
أخطأت لميس الحديدى عندما أعطتنى الفرصة كى اعترض على طريقتها بعد هذا التاريخ الطويل..أخطأت وبشدة...



.............انجى ابراهيم................

هناك 23 تعليقًا:

إسلام الدسوقى يقول...

أظن أنها تاني مرة علي التوازي
أول تعليق
تراااااااااااااا
الموضوع معقول لكن الملاحظة الوحيدة
أن كل برامج رمضان شبة متفبركه
وايه يعني اللي يجبر كل الفنانين
والسياسين أنهم يقعدوا زي التلاميذ قدام
مقدم البرنامج اللي بيهاجمهم بشدة
سواء كان المقدم ده بقى لميس أو رولا أو طونى أو أي حد تاني

أخيراً عشان منطولوش عليكي
موضوعك منور أهه في الدستور
مبروك يا أنجي
وعقبال ما نشوفك صحفية كبيرة جداً
تحياتي القلبية

أميرة علي كوكب مهجور يقول...

مبروووووووووك علي المقال و ربنا يوفقك كمان وكمان وبجد كل البرامج شبه بعضيها كل المذيعين شبه بعض في الاسئلة المستفزة و مهاجمتهم اي كانت ع حق ولا لا مبروك مرة تانية يا قمر:)

adel يقول...

كلامك صح
انا مش بحب جاد شويري
بس علي فكرة هو العيب مش عليه
هو بيعمل اللي هو عاوزة و نحن اللي بنتفرج
هو مضربش حد علي ايده
و دي مشكلة اي مذيع لانه ميقدرش يقولوا انت غلط و دي مشكلة شراقيتنا اساسا

و هي كده خليته ينتصر عليها بشكل او باخر
ونعم مذيعنا بجد

----------
يابنتي انتي مختفية فين ؟؟؟

اسماء عوني يقول...

البوست ده بيوضح قد ايه اسم البلوج على مسمى
:D:D
فعلا مش من حقها انها تكلمه كده حتى لو كان هو كده
ده المفروض انه راجل مشهور

مسدس صغير يقول...

والله الواحد مهو عارف ازاى يبقى مذيع وبيستضيف ناس كويسة وفجأة يعك
عك بصراحة
مفيش تعبير يبعبر عن اللى جوايا تجاه هذا الشويرى غير عك
وكل عام وانتم بخير

نعكشة يقول...

ضحكة حلوة كدة مع نظرة بلهاء

بجد بحس بالبلاهة مع السعادة لما اقرا لحد بيتكلم ف موضوع مبفهمش فة ولا اى بطيخ

بيبقى عندى فضول شيديد إنى افهم الموقف

اولا للتوضيح معرفش اى برنامج بيتعرض ف رمضان غير بوجى و طمطم ( عشان قريت انه هيتعمل مشوفتوش بنفسى) و ظاظا و جرجير منك دلوقتى و خمسين مليون مسلسل قريت عنهم على جريدة الشاشة

ندخل لموضوع الحلقة

معرفش مين الاخت لميس
ومكنتش عارفة مين جاد شويرى بس سمعت عن اغنية العب بتاعت مارية
معرفوش شخصاً يعنى بس وليكن

..............

اعتقد والله اعلم يعنى

إنى فهمت الحتة دى

..لا اعتقد ان من حق المحاور ان يسخر من ضيفه ويسفه آرائه خاصة عندما تكون الاراء منطقية

........................

من وجهة نظرى الضئيلة المتواضعةف اى شيء

إن الانسان مهما كان مليان عيوب و مهما كان إية من وجهة نظر المجتمع
جواه انسان
او جواه حاجة حلوة

شوفتى فيلم الراقصة و السياسى
انا مبقولش إنها هتدخل الجنة او هتدخل النار لما عملت دار ايتام الرقاصة يعنى

احنا مال اهلنا دة بينها و بين ربنا

...................

من حقه (جاد) يكون متمسك بقضية
ومن حقة يكون ليه افكار نحترمها لو تستحق الاحترام

مش من حق اى حد يسفه أى حد آخر
لإنه اللى بيسفه دة مش ملاك
واكيد ليه عيوب لو حد نخور وراه هيجيبها

...........

عامة

مبحبش اقول على حد وحش لإنى أنا فيا العبر
ومحدش فينا ملاك منزة

ولكن

نظراً لإنها صحفيه
او لو كان تحت القضاء
فمن حقها انها تظهر الحقيقة بدون ما تنحاز لرأى ما

..........

بصى انا اصلا جاية اسلم عليكِ

ههههههههههههههههههه

معلش معلش اصل لما ببص بنظرة البلاهة و بضحك كدة ببقى نفسى ادخل ف الحوار حتى لو مش فاهمة

يلا خير

فوتك بعافية

آه صحيح
كنت انهاردة بفكر فيكى مش عارفة ليه
و قاعدة بقول
لما أقابل انجى ف يوم من الايام هبقى اقولها إنها تبقى دكتورتى و بتاع
وبعدين قولت لو بقت دكتورتى مينفعش تبقى صحبتى
وبعدين قولت لو صحبتى مش هحكيلها حاجة
وبعدين قولت مش لما ابقى اقابل انجى

المهم سيبك انتِ

دعواتك يا آنسة عشان عندى امتحان يوم 9-9 ( وش واحدة منشكحة بنفس النظرة البلهاء اللى مش فاهمة حاجة)

سلام عليكِ

أحلام حقيقية يقول...

انجى اولا بطلى تسمعى ظاظا وجرجير :))
ثانيا كلامك عند حق فيه كله انا مسمعتش البرنامج بس انا عارفة نوعيةالبرامج دى مهما كان الضيف ومهما كانت مهنته ينفعش يهاجمه المذيع ويسفه من اراءه المذيع ما الا محاور ويكون حيادى فى كلامه مينفعش يغلب رايه الشخصى على كلامه
وبصرف النظر سواء اختلافنا ما جاد او غيره احنا عايزين برامج هادفة وليها هدف هى استفادة ايه لما جابته فى برنامج لمجرد النقد وتسفيه الاراء

yasmina يقول...

السلام عليكم
بجد الموضوع هايل مع انى ماشوفتش البرنامج بصراحة
بس شكلها كدة كانت حلقة من نااااااار
بس والله هى عندها حق ايه المراة سلعة دى بجد كان لازم تدافع وتهاجم كمان
دة انا لو مكانها كنت عملت ثورة عليه وما كنشى عرف يروح فى ساعتها
ههههههههههههههه
طبعا دة كله كلام
لا لا لا لا بس بجد انا مع موقفها ويمكن كنت فرسته بس بهدوء
ولا كنت عصبت نفسى عليه ولا حاجة ما يستهلش
المهم كل سنة وحضرتك طيبة
ورمضان كريم
وانا مبسوطة من فضفضتى معاكى دى
سلام

يا خوف فؤادي من غدي يقول...

انا شاهدت الحلقة وكانت لي نفس الملاحظات على المديعة هي كان عندها صورة مسبقة عن الفنان حاولت تكرسها من غير ان تدع له فرصة لشرح وجهة نظره.
هو اشتكى من اننا كمجتمع شرقي عندنا انفصام في الشخصية خصوصا عندما اخبرها عن كليبه مع جوانا ملاح وقالت لم اسمع عنه قال لها لكنك سمعت عن كليب ماربا.
على العموم حتى لو اختلفنا مع جاد مناقشته ان ينبغي ان تكون بأسلوب اكثر احترامايقارع الحجة بالحجة لا بالسخرية

واحده من الناس*n* يقول...

بصى ياستى انا لابسمع برامج ولا نيله قولى ليه؟
قولتيلى ليه
لان اعصابى مبقتش مستحمله سخافه
البرامج دى تقريبا كلها مترتبلها كويس متهيالى حتى شوية النرفزه اللى بتبقى ف البرنامج والحمبكه الفارغه هما كمان فبركه
وعلى راى اللى قال اى دعايه هى دعايه جيده
يعنى هذا الجاد شوير واثق ومتاكد انه حتى ظهوره فى هذا البرنامج بمظهر الشيطان الرجيم هيعماه دعايه قوليلى ليه؟
قولتيلى ليه
عشان بعد البرنامج ما هيخلص هتقعدى حضرتك تكتبى مقال عنه
واجى حضرتى واقرالك
وحضرتى تفكر ف تعليق
والموضوع يكبر وتبقا سيرته على كل لسان
ناس شايفاه مظلوم
وناس شايفاه يستاهل
يعنى دعايه ببلاش

انا معاكى ان المذيعه غلطانه
بس عارف هى تستاهل
يعنى ماهى عندها مليون واحد تروح تستضيفه
او تستضيف ناس عليها القيمه
ناس يفرق معانا وجودهم
ناس هيغيروا حاجه لما يتكلموا
مش ناس مسفه زى دى
والله ماعارفه اقولك ايه
متضايقيش نفسك
ومتتفرجيش على البرامج احسن
خليكى ف مسلسل الرحايا واتفرجى على بلدنا عامله ازاى
ناس رجاله
مش رجاله نص كم
هههههههه قال جاد شيرى قال
بلا وكسه

عمرو يقول...

المقال ده جامد يا إنجي
تعرفي أنا فخور بيكي
:)

KIMOOOZ يقول...

لميس الحديدى طول عمرها كده مش اول مره يعنى
كل ما تجيب ضيف و تكون هى مش مقتنعه باللى هيقوله ايا كان اللى هيقوله تفضل تعمل كده طول الحلقه زى بالظبط جوزها عمرو اديب فوله و انقسمت نصين

صدق اللى قال الطيور على اشكالها تقع

enjy يقول...

اسلام الدسوقى:اممممممم تانى مرة فعلا..انت كدة هتاخد جايزة الفرخة الدهبية..
البرامج متفبركة انا مش متابعة والله
بس بجد انت اخدت بالك من اسمى؟؟؟ ربنا يعزك يا رب بس ايه رايك مش بالذمة منور الجريدة؟؟؟



اميرة على كوكب مهجور:والله انتى اللى قمر.......



عادل:مختفية ايه يا دولة بس دة انا منتشرة جدا اوى خالص اهو...بس ايه رايك فى لميس مش والنبى تنقط؟؟ يختى عليها وهى عاملة فيها ابلة حكمت..يللا محدش بياكلها بالسااااااااااهل.............



اسماء عونى:ياااااااااااااه عودا احمد ومحمد ومحمود..منورة..........



مسدس صغير:مفهمتش والله..هو طبعا جاد عكاك جدا بس ايه علاقة دة بالمذيعين؟؟



نعكشة:على فكرة انتى بتفهمى انك مبتشوفيش برامج..دة انا كنت معزومة برة النهاردة وشفت جزء من برنامج اللطيف طارق علام..يختىىىىىىى عالخفافة مش قادرة اقولك يعنى..
متفقة معاكى طبعا فى حتة ان كل واحد جواه حتة حلوة..بس احنا للاسف انانيين اوى بنحب نطلع القطط الفطسانة فى بعض عشان نحس بشوية انتصار..شعور زائف بالانتصار واننا احسن من الشخص اللى احنا هاجمناه دة عشان كدة تلاقى الناس قاعدين لبعض عالسقطة واللاقطة..
نقطة الموضوع على راى اللمبى هى اللى انتى قلتيه دة انها اعلامية ومش من حقها تقولنا رايها العميق هى تنقل وخلاص..
هو فعلا انتى ممكن تيجى واقابلك؟؟؟
طب انا بروح القاهرة الى حد ما بس ممكن اعرف منين طريقة اوصلك بيها عشان اشوفك؟؟معلش اصلى جاهلة طب انا المرة الجاية اللى هكون فيها رايحة القاهرة لاى سبب خزعبلى هبقى اقولك هنا عالمدونة وانتى تتصرفى لانى فعلا غبية ودماغى مش جايبة طريقة اوصلك بيها..بجد غبية جدا انا
عندك امتحان..ربنا معاكى يارب يارب ويوفقك كدة وترفعى راسى..على فكرة شهر تسعة دة شهر عسول بيحصل فيه كل الكوارث اصل بعيد عنك عيد ميلادى بعد امتحانك بكام يوم..يللا خير يارب ربنا يوفقك ويكون عونك كدة وترجعى مبسوطة..ان شاء الله خير
هو انتى بعد ما تخلصى وكدة هتتخصصى ايه؟؟؟؟؟؟؟؟؟؟ معلش السؤال دة محيرنى من فترة وعمالة احاول اخمن انتى ممكن تكونى دكتورة ايه بس معلش والله بجد عندى قصور فى الاستدلال المنطقى..هع هع هع
مش انا سبت الشغل يا نعكشة؟؟؟
اه والله سبته..مرتحتش نفسيا مع الناس اللى اتنقلت معاهم مؤخرا..معرفتش اتاقلم وحسيت ان اعصابى مضغوطة ونفسيتى تعبت..انتى ايه رايك؟؟ انا استسلمت وللا دة حق طبيعى ليا كان لازم استخدمه؟؟ انا شخصيا مش عارفة
عموما انتى مش فاضية للتفكير فى الكلام الفاضى دة..روحى ذاكرى الله معك

سلام عليك

micheal يقول...

الله ينور عليكي يا إنجي..ده بيغظني عموما في محاورين كتير ..أنهم يكونوا واخدين موقف مسبق من الضيف أو متأثرين بموقف الأغلبية من الجمهور منه كما هو الحال مع جاد شويري
عموما أنا ليا تحفظات علي جاد بس منكرش أني بحب الموسيقي بتاعته لأني بحسها جديدة
:)
تحياتي

نعكشة يقول...

:|

وش مزبهل

نظرة مزبهلة

مش عارفة اقول حاجة؟؟

ليه؟

انتى مبقالكيش كام شهر يا خالتو؟؟
هوه شهر باين
طب معلش
سؤال معوق

حسيتى انك مبتفيديش أو مبتديش؟؟؟
ولا انتى بس مش متظبطة؟؟؟

ماشى اوك الواحد لازم يحس بالراحة النفسية ف لحظاتة المهامية

بس مش دايماً
ساعات كتير الشغل بيسببلنا قرف بشع بنحبه

او انا بمعنى اصل بحبه
بحب اشتغل لحد ما أخلص
بحب يبقى فوق من راسى خمستلاف موضوع و مش عارفة افكر

..........

طب سيبك منى
بجد والله قولى انتى حسيتى باية عشان تسيبيه
ماشى مش مرتاحة نفسياً
ايوة ينى اية؟

لأ قولى والنبى
بلاش والنبى
قولى والله

استنى ههدا و ابقى حلوة

اهوه بقيت بفكر

تفتكرى انك كدة صح؟
مش قصدى من السؤال نقد
انا قصدى
انتى حاسة انك عملتى الصح؟

طبعاً الحياة قدامك هتبقى مليانة باذن الله
و انك وراكى ماستر لما تخلصيه المجالات هتبقى قدامك بإذن ربى

بس الفكرة مش فى الشغلانة دى بالذات
ماهو ياما ناس ش سابت شغلهم

الفكرة
هل انتى لما بتحسى بالظغط بتسيبى
ولا هوه شعور انك مش هوه دة فعلاً اللى كنتى عاوزاة؟؟
بصى عادى على فكرة الموضوع متكبريهوش

بس متسيبيش الفكرة من راسك إلا لما تعرفى بالظبط
بالظبط مرتحتيش ليه نفسياً
بجد ركزى على السبب
عشان تتلافيه بعد كدة

و ربنا يوفقك و يفتح عليكى يا رب
.......................


كل سنة وانتِ طيبة و يارب يا رب يبقى سنينك اللى جاية احلى و اهم من اللى فاتت
و يسعدك يا انجى يا بنت طنط امو انجى

.......


هتخصص اى؟؟
مش عارفة
بصى انا داخلة الكلية أصلاً المقندلة على عنها دى عشان ابقى جرّاحة
بس مش باينلها جراحة كدة مش عارفة لى
انا لسة هاخدها السنة الجاى بإذن ربى

بى احتمال نفسية و احتمال قباطنى قلب
و احتمال مجموعى يبقى فاكس و ادخل طب مسنن

سيبك انتى اما ابقى اتخرج يحلها الف حلال
...................

لما تبقى تيجى القاهرة ابقى قولى و انا هتصرصر
بس لو جيتى فى الشهر و نص اللى جايين دول ولا هعبرك
ههههههههههههههههههههههههههههههههههه
انتى عارفانى صحبتى و حببتى و كفاءة :D
بهرج

اموهند

بمناسبة تطليع القطط الفاطسة
ساعات كتير لما ابص على بنات مثلا و الاقهم بيعملوا حاجة مش عجبانى
و احس جوه نفسى لحظة قرف منهم
وبعدها احس انى انبسطت انى مبعملش كدة
بقرف من نفسى قوى
بقول منا فيا تسعميت الف زفت نيلة عيب و اسخم مليون مرة من عيوبهم
يلا كل واحد لى حاجاته برضو
سيبك انتى
اهم حاجة

طارق علاق كان اى سؤال الحلقة :D

ههههههههههه

انا مبسوطة قوى و حاسة بسلام غريب
رغم انى عندى امتحان و مخلصتش المنهج و ناقلى كام كتاب كل واحد 80 صفحة
ورغم انى بعمل حاجة متضايقة من نفسى عليها

خايفة تكون السعادة و السلام دة غضب من ربنا ( إنه بيمهل ولا يهمل )
ربنا يستر على عبيده

انتى سكر يا انجى
بجد
معرفش ليه

سلام عليكِ

محمود محمد حسن يقول...

بصي خلينا نقول حاجة .. هي ما جابتش واحد من الشارع وهزأته كده .. ده شخص بيتحدى قيم المجتمع وبيتحدى اخلاقياته .. فأظن ده اقل واجب يتعمل معاه .. تمام

اللي وافق إنه يبقى ضد التيار يتحمل بقى الموج ..

هوا عامل لي فيها صاحب قضية وصاحب وجهة نظر في الفن .. طيب خليه يعرف حقيقة نظرة الناس ليه ..


اللي عملته لميس الحديدي سيادتك اعتقد نوع من الترويج للبرنامج ونوع من الجذب الأعلامي للمشاهدين في شهر التليفزيون اعاده الله علينا وعليكم بالخير واليمن والفوازير ..

enjy يقول...

نعكشة:بصى انا مش عارفة هو صح وللا غلط..بس انا كدة اعصابى مرتاحة اكتر..نفسيا يعنى
دى مش اول مرة فى حياتى اشتغل..كنت بشتغل اثناء الدراسة وكان شغل برة المجال وكنت عارفة انى مش هستمر فى كاريير التدريس دة ومكنتش مرتاحة اوى يعنى بس عمرى ما سبت الشغل لانى بعرف والله اتحمل المسؤولية الى حد ما وكنت عارفة ان عليا مسؤولية شغل مينفعش اخلع منه..فكنت متحملة بل اكاد اجزم انى كنت سعيدة ان حياتى مليانة وانى مشغولة وبعمل حاجة مهمة فى حياتى..

الشغل بقى المرة دى..انا قعدت فيه شهر ونص..كنت مرتاحة الاول كنا مجموعة متدربين كلنا داخلين بقلب وكلنا عايزين ننجح..وكانت معانا مشرفة حلوة يعنى شاطرة اوى وفاهمة ومش بتبخل بمعلوماتها..كنت مرتاحة وكان عندى استعداد كبير اكمل مع ان تخصصى فى الماستر هيختلف عن الشغل دة بس كنت مستعدة اكمل لمجرد انى اخد خبرة فى المجال عامة..يعنى كنت هعتبرها زى سنة الامتياز كدة عندكوا..

بعدها حصلت حركة تنقلات واكتشفت بعد كدة ان مفيش حاجة فى المكان بتحصل تلقائيا لكن لازم يكون وراها حد ما نيته الله اعلم بيها..روحت انا قسم تانى مرتحتش فيه لا نفسيا ولا عمليا..هناك محدش بيشتغل بقلبه خالص وكلهم خبرتهم مش فظيعة مع انهم اقدم بكتييييييييير اوى..نفسيتى بجد ارهقت من طريقة الشغل دى..دعك من ان الكلام كتير اوى واكتشفت انهم بيتكلموا على كل الناس حتى المديرة ذات نفسها والنفسنة على ودنه..

عايزة اقولك ان بعد حركة التنقلات دى محدش من المتدربين بقى مرتاح وكله اتكشف وفى اتنين مننا سابوا الشغل واللى فاضلين تبصى فى وشوشهم تحسى انهم مش مرتاحين..

واحدة من المتدربات اللى كانت متحمسة جدا جدا قالتلى قبل ما اسيب الشغل بيوم انا حاسة انى اندفنت هنا..

مقدرتش اكمل فى الجو دة بصراحة..نفسيتى تعبت بجد والله بجد مقدرتش اواصل..

بعد ما حكيت بقى انتى شايفة ايه؟؟ كان ممكن اكمل وماليش دعوة بالجو المحيط؟؟ وللا نفسيتى كانت هتاثر على الشغل؟؟ وللا انا مكبرة الموضوع؟؟ وللا انا ضيعت فرصة مكانش المفروض اضيعها؟؟

مش عارفة بس والله انا مقدرتش اكمل خصوصا انى مكنتش حتى لاقية من زمايلى معاملة كويسة كلهم مفرودين على الجدد معرفش ليه..

على فكرة انا حلمت امبارح بيوسف..كان الحالة بتاعتى..انا وحشنى يوسف اوى..

حاجة اخيرة بقى..على فكرة مفيش اى حد من اصحابى اهتم انه يسالنى عن الموضوع دة او يدينى من وقته دقايق يفهم فيها موقفى ويحاول يناقشنى ويفكر معايا مع انهم عارفين انى اعتمادية جدا فى المواقف المتعبة ولازم حد يشيل معايا..مفيش حد فعلا بالمعنى الحرفى للكلمة ..اى نعم باكينام سمعتنى كتير بس قبل ما اسيب الشغل لكن بعد ما سبته الظروف مسمحتش اننا نقعد ونتكلم..

فيعنى شكرا انك خلتينى اقول اللى فى قلبى من ناحية الموضوع دة بالذات

سلام عليك

جارة القمر يقول...

شوفى بقى يا بنتى انا اول مرة اعلق هنا بس شدنى المقال دا الصراحة
انا معاكى ان لميس اخطأت جدا فى اللى عملته .. اعتقد هى ممكن تكون خرجت من كونها صحفية او مذيعة و وضعت نفسها فى صفوف الجماهير و ادت لنفسها الحق انها تنتقد جاد شويرى _اللى انا اصلا مش بقبله_ لكن كان لازم تكون حيادية و هى بتتكلم معاه و تسيب الحكم للمشاهد هو اللى يكون رايه مش تفرضه هى على المشاهد

سلام يا جميلة .. و طمنينى انتى عاملة ايه دلوقتى عشان انتى كنتى تعبانة من فترة

نعكشة يقول...

نظرة مزبهلة أخرى غير النظرة المزبهلة الاولانية

احم هعمل نفسى مش واخدةبالى عشان اعرف اتكلم

........................

هيا لافكرة فعلاً ممكن اشاركك فيها من برة او من جوة معرفش
بس من اتجاة معين و مشاركيش فيها منا تجاه آخر

عامة

طب مسألتيش المديرة - إللى قولتى انها نايتنجيل - اذا كانت تقدر تنقلك تانى لمجموعة عمل اخرى

اكره ما عليا ان حد يتكلم عن حد قدامى
بطنى ببتلبك

عامة
انتى عملتى استخارة طيب؟؟؟

ابقى اعملى استخارة لما تلاقى محدش معاكى ف المواضييع دى

مش عارفة هل انتى خدتى الموضوع طيب بموضوعيه

يعنى قولتيلهم ف الشغل انا همشى لى و هذه الملابسات
ولا خدتى ف وشك و مشيتى؟؟

بصى اللى حصل حصل
بس لو انتى كنت معجبة قوى بالوضع هناك قبل حركة التنقلات
و المديرة اتصلت بيكوا ولا حاجة ابقى اسئليها
معرفش هتقوليلها ايه

والنبى يا حاجة معندكيش مجموعة عمل تانية؟؟
طب والله لو هيا طيبة هتتقبل


بصى خلاص

احنا ولاد انهاردة
بس الدروس المستفادة
انك قبل ما تسيبى الوضع
تشوفى كل الحيثيات
و تسألى اذا كان فيه طرق اخرى لتحسين الوضع
الاستسلام مش حلو برضو
ولا انتى اى رأيك

يعنى كنت تعمليلك حركتين قبل ما تمشى :D
ههههههههه
قدر الله و ماشاء فعل


يوسف ممكن تزورية على فكرة
هما معملوش حظر تجول على الدار
و فى مرة من مرات زيارتك
آل يعنى مش واخدة بالك
وا سئلى عن موضوع اذا كان فى مجال لفرق عمل اخرى
............


كان نفسى اشتغل وانا بدرس بس ملاقتش اى مجال اعرف اشتغل فيه
و محدش عندينا فى البيت او برة البيت افادنى ف هذا الموضوع

يلا ماشى مشاكل
كلها سنتين و اتخرج و ربنا ييسر

.............

هوه دى مش مدونتك؟؟؟
محدش على فكرة هيقولك بتقولى كدة لى لو قولتى حاجة ف قلبك و نتى حايشاها

انا عن نفسى بحب اقرا اللى بتكتبيه سواء عجبنى او معجبنيش

فعيشى يعنى

عليكِ السلام

Hossam يقول...

حبيبة قلبى وصديقتى الجميلة انجى
انا للاسف ولاول مرة ابقى مش معاكى
فى انك اصلا كاتبة ان جاد شويرى مشوة والخ وده اصلا مش من حق اى حد فينا انه يقول كده
انتى ممكن تقولى انه مش بيعجبك او اسلوبة مش بيعجبك بس اننا نمسك جلاد ونحكم علىه انه مشوة
لميس الحديدى مع احترامى لها سعات مع بعض الاشخاص بحس انها مبالغة ومش بيعجبنى اسلوبها بس انا متفرجتش بصراحة على حلقة جاد شويرى بس انا مش بيعجبنى اسلوب كليباتة الا فى كليب جوانا ملاح
بجد وحشتينى جدا
رمضان مبارك عليكى اميين

واحد من العمال يقول...

ماحدث يثبت إننا نفتقد المهنيه فى كل المجالات
وليس فى الاعلام فقط
ومفيش حد بيحاسب حد !!
وكل واحد بيقول ويعمل اللى هو عايزه
وده لأن مصر عيانه
وربنا يشفى

انا ودماغي يقول...

على فكرة يا انجى انا كمان معبتنيش الحلقة
و كنت حاسة انه بيقول كلام لازم يترد عليه بموضوعيه و هى ماسكة فى نقطة و عمالة تتكلم فيها..مع انها كان ممكن تثبتله انه غلط باكتر من طريقة

enjy يقول...

نعكشة:والله سالت الاول اذا كان فى طريقة لتحسين الاوضاع بس منفعش..حسيت انها اتقفلت جامد..وانا فعلا اخدت فى وشى وروحت يوم الاربع مرجعتش تانى..مع انى كنت عاملة برنامج جديد ليوسف يعن بس مقدرتش اكمل والله..يللا ادينى هفيده برضو اللى هيمسكه بعدى هيطبق برنامجى انا

خير دة قدر انا عارفة والله..حلمت بكل الزمايل اللى كنت بحبهم امبارح على فكرة

انا مريضة بدماغى..هع هع هع

سلام عليك