الأربعاء، 30 سبتمبر، 2009

عن تلك ال happy thoughts

هل تكفى الافكار السعيدة كى تجعلنى احلق كما يفعل (بيتر بان)؟؟
حسنا..حتى اذا كانت تكفى من اين يمكننى ان ابتاع بعض منها كى افكر فيه ومن ثم اطير ؟؟
لا انا عقلانية..لا اريد ان اطير..فقط اريد ان احلق معنويا..ان اتناسى بعضا من سخافات البشر والحياة وابتهج..

هل تكفى الافكار السعيدة كى تجعلنى اتغاضى عن تلك الكوابيس المزعجة التى اعرف سببها جيدا..هلى تكفى الافكار السعيدة كى تجعلنى حتى احلم بكوابيس اكثر ازعاجا ولكنها غير واضحة ذلك الوضوح المزعج الذى يخبرنى اننى حالة فريدة جدا كانت ستحتل الصدارة فى احد مؤلفات فرويد؟؟ وهل تكفى الافكار السعيدة كى تجعلنى لا اعيش الكوابيس وانا على ارض الواقع؟؟
بالاحرى هل تلك ال happy thoughts تفيد فى اى شىء كما يزعم الاخ بيتر بان؟؟

أزعم اننى سهلة الارضاء الى حد مزعج حقا..يكفى ان اشعر ان احدهم خجلان مما فعله معى كى اصفح..(انتى بتتصالحى بسرعة اوى) هذه حقيقة..(انتى جامدة وانا بخاف منك)تلك حماقة اخرى ضمن الكثير الذى اسمعه..انا فى الحقيقة اثق بهم اكثر من المعقول فتصدمنى تصرفاتهم التى تنم عن آلية شديدة ولا مبالاة بوقائع اكثر حميمية..الاغبياء لا يفطنون اننى اتصرف كما (بيتر بان) وان الافكار السعيدة تجعلنى اكثر احتمالا لواقع يختنق..يضنون على بتفاصيل تجعل مخزون الافكار السعيدة يتجدد ويطلقون على تلك الحماقة اسماء براقة..انها واقعية..كونى اكثر عملية..

هناك حل آخر اراه اكثر عملية وحميمية فى نفس الوقت..لم لا احتفظ بمن يجددون مخزون ال happy thoughts بتلقائية شديدة دون ان يشعروا..لماذا لا احتفظ بكلماتهم التى حقا تسعدنى والتى تخرج لا كى تسعدنى ولكن لانهم يشعرونها حقا..لانهم انقياء حقا..ولانهم يحبوننى حقا..

ازعم اننى سهلة الارضاء ولذلك انا لازلت اوافق على ان احيا خارج (never land) ارض (بيتر بان ) واصدقاءه..وارضى بكوكب الارض وبشر لا يطيرون ولا قراصنة اشرار مضحكون ..حقا انا سهلة الارضاء كونى أحيا هنا..



............انجى ابراهيم.............



مداخلة : انا قبلت فى دبلومة تمهيدى الماجيستير الاكلينيكى..مبروك عليا..اى نعم عكيت فى استمارة الرغبات بما لا يليق بواحدة معاها ابتدائية حتى بس كله يتصلح..


بكرة عندى انترفيو عشان المنحة بتاعة جيل المستقبل..حلوة المنحة دى نفسى اخدها اوى..امتحنت النهارة الsuplement test ونجحت بكرة بقى الانترفيو وبعدها هتطلع النتيجة..يارب اقبل بقى ادعوا لى يا اخوانا بس بذمة..


شفت فيلم بدل فاقد..مش ممكن محمد لطفى..ممثل جامد اقصى درجات الجمودية..الفيلم كله حلو عجبنى حتى اول مرة مطلعش امسخر احمد عز بعد الفيلم..لذيذ يعنى انا انبسطت..


هناك 39 تعليقًا:

أميرة علي كوكب مهجور يقول...

لم لم لملم انا اول تعليق يا حلاوة لم لم لملم

أميرة علي كوكب مهجور يقول...

بصي يا ستي موضوع السخافات و الكوابيس متهيألي ملوش حل لان الناس عمرها ما هتتغير

بس انا عندي حل سحري كل ما طاقتي الاجابية بتهنج بقوم طيران ع سجادة الصلاه وافضل ادعي و اتكلم مع ربنا والله بقوم مبسوطة و مرتاحة جدا

وبعدين انتي قاعدة ع كوكو الارض ده ليه يابنتي سيبك كوكوي مفتوحلك انا ممكن اتغاضي و ادعوكي تستجمي ع كوكوي يومين بس متجيش و ايديك فاضية)

أميرة علي كوكب مهجور يقول...

ربنا يوفقك في الانترفيو يا جيجي ممكن برضه تجيبي كتبك و ورقك و قلمك و مطوتك وتيجي تذاكري عندي اهو ملكيش حجة خدمة فايف ستار مش موجودة في كوكو اخر :)

adel يقول...

ممممممم
وكمان ممممم

فيلم بدل فاقد حلو
بس لو ااقولك ان الفيم مكنش كده و كان احلي بس عز بغرورة بوظه
هو مثل حلو بس غروره و انه يعمل الدورين ضيع سيناريو حلو قوي
فكرة الفيلم متاخدة من Sliding Doors
انا مش بتفذلك بس انا اعرف محمد دياب اللي كتب الفيلم ده

كمان مبروك الماجيستير و ان شاء الله تقبلي في المنحة :):)

اما بالنوسبة لبيتر بان و الكرة الارضية
الارض ترحب بيكي و تتمني لكي اقامة سعيدة
انتي رضيتي انا مش راضي
بس انا واخد شقة ايجار جديد في
far far away
دي مملكة شريك و باقي المخلوقات الكارتونية
افضل كتير من حاجات هنا :):)

dr.lecter يقول...

ماله بيتر بان مافيش احلي من النيفر نيفر لاند

مبروك ياستي بس ايه موضوع منحه المستقبل دي؟ معرفش عنها تفاصيل؟

بدل فاقد ماعجبنيش اووي بصراحه قصته حلوه لكن الفيلم نفسه مش كويس

ربنا يوفقك في الماستر ان شالله وتبقي psychatrist او psycho analysis

إسلام الدسوقى يقول...

إنجى
دكتورة أنجى
الكاتبة أنجى
محتار والله أنهى واحد ينفع أكتر للبوست ده
بس ما علينا أى واحد فيهم ممكن يقضى الغرض

يمكن أنا الوحيد اللى ممكن يقولك الكلام الغير منطقى ده وتقبليه
أذا مكنش على أساس أنى مجنون
فيبقى على سبيل الحقد :)

حالة Dark thoughts بالنوسبة لواحده زي حضرتك أفيد كتير من ال happy thoughts"
ليه بقى
لأن واضح جداً وعلى خبرة مش كبيرة مني في بوستاتك
أنها الملهم والسبب والمحرك الرئيسى لخيال معاليكي
ده مش معناه أنى بتمنالك أنك تعيشى كده على طول
لا بالعكس
أنا بقول أن ال Dark thoughts
يمكن التعايش معها حتى ولو علي مضض
لأنها ببساطه
هي اللي مطلعه كل أنجي دي
بجميع ألقابها
تحياتي

صوت من مصر يقول...

هبتدى معاكى الكلام اللى باللون الاحمر
جيل المستقبل ( المستهبل ؟) ده مش بتاع جمال مبارك
كده رضي يا نوجا
وعموما انا حضرت العرض الخاص ببدل فاقد بجد اقوى فيلم اتعمل فى الموسم من حيث القصه والتنويع الدرامى وكيفيه عرض صوره جديده على السينما

Appy يقول...

السعاده مش شويه افكار لاننا بسهوله نقدر نفكر فى حاجات سعيده انا اعتقد ان السعاده مواقف مبتروحش من الذاكره مش افكار
بس انا بحب الفيلم ده
وربنا معاكى يا ستى فى بتاعت جيل المسقبل ابقى قولى لنا بقى ايه اخبارها

yasmina يقول...

السلام عليكم
بجد البوست جميل اوى
وبالاخص انى لسة متفرجة على بيتر بان قريب
وبجد انا بعشق الفيلم دة
بجد جمييييييييل والله
ومبروك على الدبلومة
وربنا يوفق حضرتك ان شاء الله يارب
سلام

THE illusionist يقول...

بخ يا عسل
انا جيت اهون وبقولك
الف مبرووووووووووووووووووووووووووك
ده اولا
ثانيا بقى
بيتر بان ايه ده اللى مش عاوزه تبقى زيه

وكمان سهله الارضاء انك هنا
احنا اصلا سهلين الارضاء انناعايشين فى مصر كلنا
ممكن نعمل جروب على الفيس
نسميه اللى سهل ارضاءهم
وانتى الادمن
بس صحيح
هل من السهل ارضاءك انك تنضمى

micheal يقول...

مش عيب أن تكوني طيبة وبتسامحي بسرعة بس برضه الحذر يبقى مطلوبا
مبروك الدبلومة وعقبال اما نباركلك لما تخلصيها
ملحوظة:إنترفيو من وراي
هع هع هع
ربنا يوفقك
تحياتي

hager za3bal يقول...

انتي احسن من اي بيتر بان .. :)

انا كمان عجبني بدل فاقد اوي .. احسن فيلم نزل الموسم ده ..

كنتي هتنسيني اقولك مبروك الماجستير وربنا معاكي يارب في المنحه .. :)

وحشتيني ..

غير معرف يقول...

إنجي مباريك ؛مبرووووووووووووك التمهيدي وإن شاء الله المقابلة تعدي منها علي خير .
إستيضاح : هو إنتي ليه مش رديتي علي تعليقات البوست إللي فات ، مشلكة نت زي عمرو ولا مكنتيش فاضية عشان الإمتحانات ؟! عموما كلنا هندعيلك بالتوفيق يا آنوجا؛
ديدي

مسدس صغير يقول...

مبروك عليكى
بالتوفيق ان شء الله
بوست هايل
احييكى على دقة اختيار الكلمات
كل سنة واتى طيبة

الفراغ يقول...

الف مبروك وعقبال ماتنجحى فى الانترفيو
والفيلم نفسى اشوفه بس ماليش فى السنيما
بس اهم حاجه انى فرحانه ليكى لانى بنبسط بكل اللى بتكتبيه
ربنا معاكى

جارة القمر يقول...

انجىىىىى حبيبة قلبى وحشتينى اوى

بصى بقى يا ستى ماينفعش نجاح التمهيدى دا يعدى على الفاضى عايزين هدية كبيرة ايه بتبوصلى ليييه ايون ايون صح احنا اللى المفروض نجيب هدية ليكى عندى عرووووووووسة حلوووة خالص مالص ... بالنوسبة بقى للفكار السعيدة الصراحة هى دى اللى بتخلينى سهلة الارضاء زيك كدا

ربنا يوفقك يارب و دايما فى نجاح

سقراط يقول...

السلام عليكم
العزيزة اوي جدا خالص / انجي
عمرنا ما كنا هانعرف الطعم الحلو لو ما ماكناش دقنا الطعم المر
وعمرك ما كنت هاتحسي بقيمة الناس اللي((يجددون مخزون ال happy thoughts بتلقائية شديدة دون ان يشعروا))
الا لما تقابلي الناس اللى
((تصدمنى تصرفاتهم التى تنم عن آلية شديدة ولا مبالاة بوقائع اكثر حميمية))

enjy يقول...

أميرة على كوكب مهجور: والله انتى تحفة..ضحكتينى بجد والله ربنا يكرمك يارب..الكوكو بتاعك فيه بحر؟؟؟ انا اصلى احب البحر اوى مقدرش اعيش من غيره...طب ممكن اجيب عروستى فرانشيسكا معايا الكوكو بتاعك؟؟ شكرا عالدعوة...........






عادل:دووووووولة بس يا ابنى شفت محمد لطفى؟؟ خداش..توووووووووووحفة..تتمنى ليا اقامة سعيدة؟؟هى فين الاقامة السعيدة دى؟؟ طيب انا عايزة اروح عند شريك انا كمان..هتيجى يوم عشرة وللا لا ياض يا دوووووووولة.........


مايكل:يارب انجح يا مايكل ربنا يخليك عالدعوة...انترفيو من وراك اممممممم تصدق جيت فى بالى النهاردة.........




هاجر زعبل:وانتى احلى من تينكربل..ربنا يخليكى يا جوجو..انتى كمان وحشانى والله.............




ديدى:طاخ طاخ طاخ..سلام اسكندرانى شحط محط عشان خاطر الانسة ديدى ام خطوة عزيزة اوى جدا خالص..وحشتيييييييييينى..ربنا يبارك فيكى ويحميكى ويخليكى..انا مردتش عشان ظروف نفسية بحتة..الموضوع اصله مكانش متحمل تعليقات منى لانها كانت هتبقى فى منتهى السخافة..والنبى ابقى تعالى كتير عشان بفرح...........




مسدس صغير:ربنا يخليك يا متر........




الفراغ:الله يخليكى..الفيلم فعلا حلو وربنا يخليكى على رايك دة........



جارة القمر:حضرتك انا قبلت بس لكن لسة منجحتش..اوعدك لما انجح برضو مش هجيبلكوا هدايا نياااااهاهاهااااا
انتى عاملة ايه وحشانى كتير........




سقراط:العزيز جدا اوى خالص/سقراط
كلامك صح اكيد وانا اكتشفت انى مكنتش شايفة كويس..........


دكتور لكتر:اه طبعا مفيش احلى من بيتر بان..عجبنى اداء محمد لطفى فى بدل فاقد..منحة جيل المستقبل دى بتاعة اونكل جمال مبارك الرئيس القادم..شوية كورسات كدة انجلش وكمبيوتر واتش ار وادارة..حلوة يعنى..على فكرة انا مستحيل ابقى سيكياتريك..انا سايكولوجيست..........






اسلام الدسوقى:لا حضرتك انا هقبل الكلام على سبيل الجنان..بلاش الحقد مش حلو يعنى..الدارك ثوتس اه ممكن تكون ملهمة بس الهابى ثوتس بتديك ثقة فى الناس والحياة معرفش بس انا بعترف انى اعتمادية فى الاحساس بالسعادة وبرفع مستوى توقعى من البشر..عموما انا عارفة انى مش هتغير..بس برضو زعلانة منهم..........





صوت من مصر:اه هى بتاعة جمال مبارك..وبدل فاقد حلو فعلا بس مش احلى فيلم فى الموسم طبعا..........




آبى:ماهى الذكريات دى هى اللى بتجيب الافكار السعيدة.........





ياسمين:ربنا يخليكى يارب..ابقى تعالى كتير بقى..........



زناتى:ايه يا ابنى افلام الرعب دى..حضرتك انا سهلة الارضاء عشان برد عليك نياااااااااهاههاااااااااا
يللا يا ولدى على بركة الله..بس انا ماليش فى الفيس بوك دة.......

نعكشة يقول...

مقريتش البتاع نفسة نظراً لإن عندى امتحام بكرم


بس قريت الحاجات الحمرا دية

الله الله الله الله الف مبروك يا قمر
و يا رب يا رب يتممهالك على خير
عادى يا بنتى بتحصل فى احسن العائلات متاخديش فى بالك ربنا هييسر
وبتاعت جيل المستقبل
يا رب يجعل فى وشك القبول يااااااااا رب

ابقى اعلق بكرة بقى بعد الامتحان
و اقرا باستمخاخ

سلامٌ عليكِ ايتها الفتاة

yoyo يقول...

صباحك سكر

بجد البوست فيه تفكير عالى جدا و نظرة فلسفية للحياة
بالرغم انى عجبنى فكرة الكاتب الأسكتلندي السير جيمس ماثيو باري، فى بيتر بانفيه خيال له سحر جميل بس ليه احنا مش نواجه الحياة ومش نهرب منها مهما كانت يعنى نصنع بنفسنا حياتنا اللى احناعاوزينها وسط احباننا وناسنا
عالم الكارتون و الخيال عالم جميل اوى
يكفى انه مليان حب و مغامرات لذيذة كوكب الارض يرحب بيكى بشدة


الف مليون مبروك على الدبلومة ربنا يوفقك يارب
وبالنسبة للجيل المستقبل ابقينى عرفينا ايه الحكاية و انش اء الله بالتوفيق

الفيلم بصراحة مش شفته بس قرات انه فكرته حلوة
ان شاء الله اتفرج عليه

تحياتى
يويو

أميرة علي كوكب مهجور يقول...

بحر طبعا طبعا عندي بحر ومش اي بحركمان والشماسي عندي اورنج في احمر الوان مبهجة والمشروب مجانا مشرب اوعي تبص وراك :) و طبعا فرانشيسكا مدعوة تبلبط في بسيم الاطفال اللي هو مفهوش اطفال اصلا وفي كمان زحليقه يلا خليها تبلبط كوكوي في خدمة عائله انجي ابراهيم المهم متجوش و ايديكم فاضية استناكم بعد العصر الساعة 12 ادام بوابه الكوكو يوم الجمعة بعد الصلاه :)

صبرني يارب يقول...

السعاده فى راي هى كوكتيل الرضا

لو قدرنا نخلط كوكتيل الرضا صح هانعيش سعداء

والافكار الايجابيه مهمه طبعا لكن المهم كمان تكون واقعيه عشان ما ناكلش على دماغنا كتير

بالنوسبه للفيلم انا ما شوفتوش

بس احمد عز لو يبطل احساسه انه حلو حلاوه ما وصفتش هايبقى كويس

وايه منحة المستقبل دي ابقى قوليلى هى عن ايه ومن مين

وان شاء الله تقبلي فيها وتخلصي الدبلومه
وربنا يكتبلك كل خير ان شاء الله

تحياتي

واحده من الناس يقول...

مبروك يا قمر ع الدبلومه ويارب يقبلوكى ف جيل المستقبل
على فكره مدرستى اسمها جيل المستقبل
هههههههه
بالنسبه للافكار السعيده
فماذا نفعل ان لم يتبقا لدينا افكار سعيده يمكننا التشبث بها
ماذا نفعل ان قضت الافكار السيئه على كل الافكار السعيده...
سنسقط ياعزيزتى مع اول تحليق
لم اعد افكر بتلك الافكار
ولم اعد ارغب فى ان اكون بيتر بان
حياتى على الارض لاتحتمل ابدا نيفر لاند

Foxology يقول...

اولا الف مبروك على القبول بالماجسيتير وان شاء الله نبارك البوست الجاية على منحة جيل المستقبل :)

ثانيا ومين مننا محبش انه يكون زى بيتر بان ؟؟؟؟

لكن احيانا الواقع بيكون اهم من الخيال حتى لو كان ممزوج ببعض الألم

تحياتى :)

Foxology يقول...

معلش نسيت ابلغك ان ليكى تاج عندى :)

adel يقول...

يا انوج ان شاء الله جاي
بس بحاول مع الحج
عشان مش بيحبني اسافر لوحدي اصلا
وملوش في حوار المدونين ده :)

لذلك عنلت عليه فيلم هندي جامد
بس لما ااقبض في ايدي البرادس
هابعت ااقولك اني اكيد 100% جاي :):)

آيوشة يقول...

ازيك ياانجى
اعتقد ان الاحلام السعيدة مش كفاية علشان نحس بالسعادة
مبروك الماجيستير والمنحة ربنا يوفقك دايما يارب ويكرمك اللهم امين يارب العالمين

نعكشة يقول...

هوه انا جيت فعلا
اول ما دخلت جيت

وبعدها بشوية كتير جيت

بس تقدرى تقولى حاسة باغباء

ومفهمتش حاجة فى المرة الاولى

والمرة التانية قولت لنفسى ايوة انا ممكن اخرج نفسى من قرفى بالتفكير فى الحاجات الحلوة
وقولت هقول حاجات حلوة

بس دخلت و معرفتش اقول حاجة

فقررت ادخل فى يوم اخر اكون فيه سليمة نفسيا و مخياً عشان اعرف اتكلم عن الموضوع

.........

الامتحان
لا تعليق
الحمد لله
حاسة انى مش قادرة اواصل
حد قالى مادام مش قد الحكاية سيبيها
عارفة انة ممكن يكون ابتلاء و انى مفروض اصبر و احتسب
بصى بتكلم جد أنا راضية
الحمد لله
و صابرة
بس مش قادرة اكمل
كل امتحان اسوء من اللى بعده
الحمد لله
مش هقولك زاكرت و قطعت الكتاب
انا حتى مبقتش عارفة ازاكر
انا عمرى ما كنت كدة ايام الأمتحانات
بقول يمكن ذنوبى و ربنا عايز يكفرهالى
والله صعبان علي امى اللى كل ما تقولى
بلهفة .. ها؟؟؟ عملتى اية ؟؟ و اقولها الحمد لله تقولي يوة يعنى اية اقوم قايللها نيلة
الحمد لله صليت ركعتين شكر بعد الامتحان
و قولت الحمد لله
و يا رب لو فيه ذرة مش رضية بقضائك ارضيها و صبرها
بس انا تعبت
ولسة اعملى و الشفوى مبدأش حتى :(
المشكلة ان الفترة الجاية عملى
وانا مش عارفة هتعامل مع العيانين ازاى؟؟!!
مفروض اننا ندفعلهم فلوس وبتاع وانا مش عاوزة ادفع فلوس
مش عشان حجة منا باخد الفلوس من والدى مبدفعش من جيبى
بس انا حاسة ان فيه شبهة رشوة
خايفة مدفعش الفلوس العيان يتخانق
و تضيع اعصابى
وانا اصلاً مبقاش قدامى يعوض غير العملى
مش عارفة اتنيل اعمل اية
ييييييييييييه
رغى فاضى

بصى الحمد لله على كل حال
ربنا هييسر
هوه القادر على كل شئ
هرمى توكالى عليه و خلاص

يارب بس اقدر ازاكر
...........
معلش
هبقى آجى يوم تانى و اعلق عن الموضوع

عشان انا حاسة بالغباء

سلام عليكِ

إيناس حليم يقول...

انجي :)
بحب جدا قدرتك في التعبير عن تفاصيل نفسك بكل صدق وبساطة..
كلماتك دوما لها نكهة خاصة جدا..

تحياتي

enjy يقول...

نعكشة:بالنسبة للامتحان قدر الله وماشاء فعل....المنحة لسة معرفش هروح اشوف النتيجة بكرة..هبقى اقولك عملت ايه.....



يويو:اه هو فعلا عالم حلو اوى بتاع الكارتون دة..شكرا على امنياتك الطيبة يارب يجعل لى نصيب فيها....



اميرة على كوكب مهجور:طب عندكوا مانجة عالكوكو دة؟؟؟ طب اجيبلك معايا ايه وانا جاية؟؟؟ بصى هجيب سيديهات لفيروز ومنير ونعيش بقى اوكاى؟؟




صبرنى يارب:طبعا السعادة هى كوكتيل الرضا انا مقتنعة بكلامك جدااااااااااااااااا بس للاسف فى ناس مبيعرفوش يرضوا..زيي كدة





واحدة من الناس:ايه يا زهزه الكلام الكبير دة بس؟؟؟ هى مش راقت واحلوت الحمد لله؟؟؟ابتهجى يا فتاة




فوكس:يااااارب...الخيال حلو اوى اه بس ساعات بنبقى كبرنا عليه خلاص



عادل:مستنظرينها




ايوشة:ربنا يخليكى على دعواتك


ايناس حليم:تعليقاتك تسعد يومى وتنعش روحى..دة بجد مش هزار على الاطلاق

نعكشة يقول...

هههههههههه

لأ.. متواضعة يا بنتى
ههههههههههه

بالمناسبة قبل مادخل فى الموضوع

هل فكرة ان الواحد مش هيقدر يغير الوضع فيرضى بيه دة تواضع؟؟
مش حاساة زى ما يكون الانسان قادر انه يتعامل من موقف أعلى و ينزل فعلاً لكوكب الأرض و يقبل العيش فيه

طبعاً التانى افضل من الاول
و الاتنين افضل من ان الانسان يبقى ساخط وهوه فى موقف ضعف
أومتكبر و هوه فى موقف قوة

سيبك انتى

دية بس حتة لسعت معايا
.................
"من اين يمكننى ان ابتاع بعض منها كى افكر فيه ومن ثم اطير ؟؟"

اعتقد والله أعلم يعنى انى اعرف مكان كويس قوى
حتة كدة جوايا و مادام جوايا وانا بشر فاحتمال كبير تكون جوة ناس تانين
حتة كدة حلوة فى مخى
دورى عليها بين ازخانيق
حتة بتحب تنط و تلعب و تعمل زعرورتين
حتة بتحب تحلم و تتخي ان كل الناس مبسوطين
حتة بتخليكى ساعات تقفلى عينك بسلام وانتى متخيلة ان بجد فعلاً لما هتعملى كدة هتفتحيها و تلاقى الدنيا بقت احلى

ساعات بتضييع منى
ماهو اصل المخ عامل زى البلوظة جوة
ههههههههههههههههههههه
وفضل ادور عليها تانى

اشتريها من الحتة دية
اصلها بتبيع باسعار - خيالية-

...........
"اننى سهلة الارضاء"
اعتقد ان ممكن يكون دة مع الناس
بس مش عارفة اجيبها ازاى
يعنى
مش مع نفسك لنفسك
يعنى انتى عاوزة دايما نفسك تديكى احسن
بس بالنسبة للناس لو حد فعلا اداكى بمبون صغنونة
كان مثلا شايلهالك
مش اشتراها كدة و خلاص
هتحسسك انك راضية
عامة مش عارفة اجيب المعنى المعني
.............
"تصرفاتهم التى تنم عن آلية شديدة ولا مبالاة بوقائع اكثر حميمية"

مش كل الناس زى بعضيها يا كوكاية
هقولك على حاجة مثلا
اللى فاكراة يعنى او اللى جة على بالى دلوقتى
انا لما بحب اكل الشوكولا مثلا ( انا مش من هواتها بس بحبها فى مواقف معينة)
بحب اقعد كدة مستكينة
وابص على الغلاف بتاعها
وافتحها بالراحة
واقلبها فى بقى
و اقفل عنيا

اعرف ناس
عشان تستمتع بالشوكولا تفتحها بسرعة و تاكلها كدة بحب و نهم

ممكن ساعتها تبصيلهم ببلهة
اية اللى بتعملوة دة
مبتتاكلش كدة
بس هما شايفين ان دة ال حلو
بمعنى

ممكن انتى تكونى شايفة تفاصيل نونة نونة
بالنسبالك انت بتقرب الناس من بعضها

فيه ناس فعلا ممكن يكونوا بيحبوكى بس مبيشوفوهاش بدليل انهم عاوزينك عملية او واقعية على حد تعبيرهم .. دة لانهم عاوزينك تتعايشى مع الحياة من وجهة نظرهم
انتى عاوزاهم يشوفوا من نظرتك و هما عايزينك تشوفى من نظرتهم
مسمهاش حماقة
كل انسان فية الحتة اللى بتميزة
انتى بتشوفى التفاصيل
دة شئ يخليكى تنبسطى
عارفة ان كان نفسك الناس دية برضو متتعاملش بالالية دية

بس الناس انواع زى ما قولنا

.............

بتلقائية شديدة دون ان يشعروا

فكرة برضو

...........

يلا خير

سلام عليكِ

enjy يقول...

نعكشة : امممممممممم كلامك مظبوط للغاية وانا مقتنعة والله..عارفة ..انا عندى الحتة دى وبعرف استفيد منها وبعرف استمتع الحمد لله بس لما برجع ارض الواقع والاقينى بعمل دة لوحدى بحس انى بتحرق

عارفة ان كل واحد بيشوف الدنيا بطريقته بس زى منا بحاول لكوا ابقى عملية وبتعامل معاكوا بالطريقة اللى تحسسك انك مش لوحدك وبحاول اقرب على قد ما اقدر..تعالى انت كمان على نفسك شوية صغيرين اوى وعاملنى زى منا عايزة..مش طول الوقت حبة صغيرين هيجددوا الطاقة جوايا والله

اففففففففف مش عارفة اوصف والله بس حاولى انتى تفهمى من الكلام العك دة اللى انا عايزة اقوله

سلام عليك

نعكشة يقول...

اففففففففف مش عارفة اوصف والله

اصاب بنفس هذا النوع من ضيق النفس لما احس ان المصطلحات و الكلمات اللى جوايا مش عارفة توصف اللى حاسة بيه

......
اعتقد انى فهمت ما قد كتبتى

عارفة بس انا بحب ادى مبررات للناس
مش اكتر

عارفة

بخاف اقول لحد يعملى حاجة لو كنت بحبه مثلا لحسن ميعملهاش

وساعتها هحس انى متضايقة انى تقلت عليه

وهحس انى اديته ثقة اكبر مما يستحق

دايما باتبع قولى هذا

لو حاسس انك مش عاوز تعمل الحاجة
براحتك خاااااااااااالص
واستنى
هيعملها ولا لأ

حاسة بالشعور اللى وصفتية

بس لحاول اتخذ لأخى سبعين عذراً

سلام عليكِ

enjy يقول...

نعكشة:ايون اخد اكتر مما يستحق..انا اصلا برفع مستوى توقعى من البشر ودة بيخذلنى كتير..

عارفة فى اسوأ من كدة كمان..انى ابقى عارفة ان الطرف التانى بيحبنى بس فى نفس الوقت مش عارف او مش عايز يطاوعنى..بحس بالذنب انى عايزه اطرده من حياتى..بس فى نفس الوقت مش قادرة اتعامل معاه بطريقته وبس لانى لو نشفت دماغى انا كمان مش هنوصل لحل..

عارفة..بتيجى لحظة اقول فيها ايه وجع القلب دة احنا مش اتنين حبيبة احنا اصحاب وممكن اوى ننهيها الصحوبية دى..بس مبقدرش

انا عارفة انى معقدة جدااااااااا بس كان نفسى فى حد فى حياتى يدلعنى ويعاملنى على انى كائن يستحق الرعاية..كفاية كدة عشان الخنقة جت والدموع ابتدت تتجمع واهى هتنزل اهى ودة مش وقته خالص

سلام عليك

نعكشة يقول...

بس فى نفس الوقت مش قادرة اتعامل معاه بطريقته وبس لانى لو نشفت دماغى انا كمان مش هنوصل لحل..

أن أن أأأأأأأأأأأأأأأأأأأن

..........
دة حتة كدة

..........
انا عارفة انى معقدة جدااااااااا بس كان نفسى فى حد فى حياتى يدلعنى ويعاملنى على انى كائن يستحق الرعاية

وش باصص لكى بورد و مش عارف يكتب حاجة فكتب انه مش عارف يكتب حاجة

..........








مش لاقية حاجة فعلا اكتبها و الباب بيخبط

سلام عليكِ

أحمد الشمسي يقول...

أولا الأسام دي بقيت حاسس ان الحياة ما تستاهلش الزعل، فشوفي اي حاجة تبسطك... أحلام سعيدة، أفكار سعيدة أي حاجة سعيدة المهم تنبسطي!

كنت حاسس ان بدل فاقد حلو، محمد لطفي أحيانا بيمثل كويس.

مبروك ألف مبروك ع الماجستير وعقبال جيل المستقبل، عثبال كل اللي نفسك فيه يا رب

عمرو يقول...

أهلا إنجي
قريت الموضوع ده من كتير قوي بس مش عرفت أعلق مش عارف ليه
تمانين في المية من الأفكار اللي بتغزو عقل البني آدم الطبيعي سلبية, وعشرين بس هما الإيجابيين. لكن لازم تعرفي بقى إن الشخص التمام هو اللي يقدر يتخلص من السلبي ويفكر إيجابي وبس
ألف مبروك على كل حاجة حلوة في حياتك.. إلى الأمام يا إنجي إبراهيم
:)

enjy يقول...

نعكشة:هع هع هع



احمد الشمسى:هى الحياة متستاهلش فعلا يا دكتور..هيييييييييه دنيا فانية يا زيد احمد..الله يبارك فيك عالماجيستير عقبال ما نباركلك كدة لما تبطل مذاكرة باذن الله...........


عمرو:كلامك صح يا عمرو باشا......

جارة القمر يقول...

انا جيييييييييت تانى

ازيك يا انوجا وحشانى جدا و الله عاملة ايه فى الدنيا الوحشة الكخة دى يارب تكونى بخير