الأحد، 5 أبريل 2009

على أطلال اليوم

6 ابريل....بالطبع هو تاريخ لا ينسى..
بغض النظر عن أى شىء دعنى أهديك بعض الاغنيات ..لا تعبر عن اى شىء فى الواقع ولكنى اعتبرها ترتبط بما يحدث بشكل او بآخر..


((قلب الوطن مجروح لا يحتمل اكتر نهرب وفين هنروح لما الهموم تكتر..نحمى غصون الورد من دمع سال عالخد آه يا حبيبة الروح قلب الوطن مجروح...لو حتى قلبى تاه بين الشجن.. والاه يا اللى لقاكى حياة انا حبى ليكى صلاة..يا مطيرة العصافير..رجع الهوا بالخير..لو قلبى عضه النيل اديه حنان وداديه..دة الصمت مش لينا..فين الولد ما يروح لازم يعود اسمر..قلب الوطن مجروح لا يحتمل أكتر..لو تنطق الموال..لازم يروق الحال محتاجة لية دراع وشراع وراحة بال..محتاج اليكى نجوم هايمة فى حضن بلادى ..لو بحرنا نسقيه..صحيه وبوسى عنيه..ياما بكرة يسقينا..خللى طريق البوح يصبح طريق مرمر..قلب الوطن مجروح اكتر.))
==أغنية.قلب الوطن. محمد منير طبعا.


(( أنا الذى من حبى فيكى بقيت بقول كلام وبهذى..أنت التى من حبى فيكى بقيت بقول و أعيد وأهاتى..احنا الذين كلنا بنقول كلام عن حبنا فاضل لنا بس اننا نلقاكى مرة بتضحكى..احنا اللذانا من هوانا روحنا جينا فى المكانا..مين معانا شاف شقانا ييجى يقول أنا كمان..يا ام الضفاير فسدقى يا ام الجدايل بندقى ..اصحى بقى قومى فوقى مليت نداكى يا بلدتى.))
==أغنية. انا الذى. فريق بلاك تيما.

((ساح يا بداح..ساح يا بداح يا سؤال جراح..ما الذى كان ومعادش وراح..قمر انطفى انتفى واختفى..نهر ما بلش حتى الريق..وآه يا براح عمال بيضيق..آه يابراح عمال بيضيق صبح وزيه الصبح التانى..ليل ملضوم فى الليل التانى..وانا مش رايح..انا مش جاى انا مش واقف حتى مكانى..ساح يا بداح ياسؤال جراح..ايه اللى اتكسر فص اللولى وللا المرمر..طول العمر العسكر عسكر..بس الناس..الناس كانت ناس..وكان الحلم قبالى براح.))
==اغنية . ساح يا بداح..منير اكيد.

هناك 17 تعليقًا:

dr.lecter يقول...

"يا عم الظابط إنت كداب
واللي بعتك كداب.
مش بالذل حشوفكم غير
أو استرجى منكم خير
إنتو كلاب الحاكم
وإحنا الطير
إنتو التوقيف
واحنا السير.
إنتوا لصوص القوت
واحنا بنبني بيوت
إحنا الصوت
ساعة متحبوا الدنيا سكوت
إحنا شعبين شعبين شعبين
شوف الاول فين
والتاني فين
وأدي الخط ما بين الاتنين
بيفوت
إنتوا بعتوا الارض بفاسها
بناسها
في ميدان الدنيا فكيتوا لباسها
بانت وش وضهر
بطن وصدر
ماتت
والريحه سبقت طلعت أنفاسها.
واحنا ولاد الكلب الشعب
احنا بتوع الاصعب وطريقه الصعب
والضرب ببوز الجزمه وبسٍن الكعب
والموت في الحرب
لكن انتوا خلقكم سيد المُلك
جاهزين للمُلك
إيدكم نعمت
من طول ما بتفتل وبتفتل
ليالينا الحلك
احنا الهلك
وانتو الترك
سواها بحكمته رب الملك

أنا المسجون
المطحون
اللي تاريخي مركون.
وانت قلاوون
و"ابن طولون"
ونابليون.
الزنزانه دي مبنيه قبل الكون
قبل الظلم ما يكسب جولات اللون

يا عم الظابط إحبسني
رأينا خٍلف خلاف
سففني الحنضل وإتعسني
راينا خلف خلاف
احبسني أو اطلقني وادهسني
راينا خلف خلاف
واذا كنت لوحدي دلوقت
بكره مع الوقت
حتزور الزنزانه دي اجيال
واكيد فيه جيل
أوصافه غير نفس الاوصاف:
إن شاف يوعى
وإن وعي ما يخاف
إنتوا الخونه
منك ضعفي وجبروتك مني
خد مفتاح سجنك وياك
واترك لي وطني
وطني غير وطنك
ومشي
قلت لنفسي :
" ماخدمك إلا من سجنك



عبد الرحمن الابنودي

msafa يقول...

بضيع الضحكه من ننى العين
مسكين طالع على جرح الروح
بيداوى جروح بجروح
بينادى البوح فسما بتنوح
مدبوح الصوت
مدبوح الهمس
مدبوح الامس
وغدك موت
مقدرش اقول غير كده .... البلوج رائع

Tamer Nabil Moussa يقول...

السلام عليكم

ازيك ياانجى

اخبارك اية

محدش بقى يشوفك

------

الوطن يانجى مجروح
من زمن
.ويارب يتبعت لية اللى يدواية ويخاف علية

تحياتى

مواطن مصري يقول...

من المعارضة الي الحكومة كلهم فاسدين


مفيش فايدة الله يرحمك يا سعد

adel يقول...

احنا عندنا رئيس جامعة عين شمس صايع هيجيب يوم 6 ابريل محمد حماقي الجامعة و ابقي قابليني لو حد افتكر الاضراب

كويس ان في حد بيسمع بلاك تيما مش انا لوحدي :):)

رحلتنا في الحياة يقول...

على فكرة انا بعرف الاغانى الوطنية منك اول مرة اسمع بالاغانى دى بس اغنية بلاك تيما عرفتها لما كنتى عاملة بوست عن اغنية زحمة :)

صوت من مصر يقول...

يعنى فى اغنيه لبلاك تيما افتكر انك قولتيلى عليها
بتقول ايه
اسالينى يا حبيبتى عن الى داير فى بلاد
الى فيها صادروه حلمى حلمى وباعو صوتى فى المزاد
اسالينى عن ولاد شفتهم بعنيا دول جربوا كل الحلول وبيفشلوا بالاجتهاد
احكى ليكى الف قصه من حكاوى التعبانين الى عايش نص ميت والى ميت من سنين ؟؟
ياريت تبقى ذكره حلوه 6 ابريل

Eslam Eldosoky يقول...

ودي منى لشباب 6 إبريل
................

قبل الفيس بوك
قاعدين ع النت
في المنتديات
أو نعمل شات
أو حتى نعك
بصينا لقينا
الناس حوالينا
بتقول يا أخوانا
تعالو معانا
علي الفيس بوك
ده مفيش إشراف
ولا ناس بتخاف
قول اللى في نفسك
هتلاقى قيودك
بالزوق تتفك
بالعافيه تفك
.......
بعد الفيس بوك
أصوات بتلالي
دايما في العالي
بتقول أضراب
وتقول تغيير
ولا يوم راح نسكت
و ع القفا نتسك
...........
إسراء يا جميلة
يا عروسة الليلة
كلنا لم ننسى
الدمعه الغالية
ع الخد تزك
لكن وغلاوتك
هنكمل بعدك
إن كنتى نسيتى
أو حتى رضيتى
تقعدى في البيت
وشك في الحيط
والكلمه تموت
في لحظة شك
............

بوستك جميل يا دكتورة
تقبلى تحياتى

غير معرف يقول...

والله أنا مش عارف أقول إيه بعد كلام الناس الحلوه دي كلها .. بس اعذروني يا جماعة لإني مش كاتب ولا عمري هكون أديب ولا شاعر فهقول تعليقي و كلامي على قدي معلش .
خاطرة جميلة يا دكتورة و أجمل حاجة فيكي إنك مش متكلفه أبدا في كلامك .. بتكتبي و كإنك بتكلمي نفسك في ساعة صفا .. بتعاتبي و كإنك بتدمعي وقت الغروب .. بجد كل كتاباتك طالعة من القلب و ده أكتر حاجة مؤثرة فيها .
الوطن فعلا مجروح .. بس احنا كلنا عايشين فيه .. و حاسين بالجرح ده في قلوبنا كمان . بس عندي نظريتين خللوني أشارككم فيهم يمكن أكون أنا الغلطان ......
ربنا عدل .. عمره مايجيبلك حاجة تضرك و انت ماتستحقش كده .. حتى لو الضرر ده بلاء بيكون مديك الدوا قبله .. طيب كلنا دلوقتي بنقول إننا مضايقين جدا من اللي مصر فيه و مش طايقين نفسنا من الزهق .. و أكيد التعب النفسي اللي كلنا فيه ده ضرر .. يبقى يا إما عقاب أو بلاء .. لو عقاب يبقى كل واحد فينا مقصر في حق بلده و بياخد اللي يستحقه .. و لو بلاء يبقى ماينفعش نعقد نشتكي بلاء ربنا و نبدأ نتحرك علشان أكيد ربنا مدينا اللي نقدر بيه نتخطى البلاء ده .
الموضوع التاني يا جماعة و هو سؤال عجيب جدا : هما الحكومة و الشرطة و مبارك و أمن الدولة و كوووول دول اللي انت عمالين تلعنوا في أهلهم مش كانوا زينا ف يوم من الأيام ؟؟؟ يعني كانوا ناس من الشعب .. و اللي هيمسكوا بعدهم اللي انتم برضه هتقعدوا تلعنوهم برضه هيكونوا ناس مننا من أهلنا و ناسنا و جيرانا و قرايبنا و اصحابنا و هكذا و اللي في السلطة دول دلوقتي كانوا والله برضه بيلعنوا في اللي قبلهم لما كانوا من الشعب .. طيب يا ترى الناس دي اتغيرت مع السلطة ولا احنا اللي فيه حاجة ناقصانا مش شايفينها ... بلاش أكون قاسي و خللينا نقول الغلط عندنا احنا الاتنين .. لاحنا بنحاول نكون عاقلين و نفهم و الغلط نغيره و الصح نحقه ولا هما بيحاولوا يفهمونا و يتفاهموا معانا و يتعاملوا مع بشر .
بدون شروحات و تفصيل أكتر من كده .. أنا نفسي يكون همنا الأكبر نفسنا .. نطورها و نكون عاقلين مش عاطفيين أوي كده و نبص للحقيقة اللي احنا فيها.. إننا كلنا مقصرين و الحلول كلها في إيدينا شعب و حكومة و الاتنين مفرطين و كل واحد في مكانه يحاول يكون أحسن مايمكن بدل مانقعد نشتم و نبكي على حظنا الهباب .
آسف جدا على الإطالة بس أنا لاقيت نفسي برد على خمس مواضيع في بعض لإن ردود الشباب كلها بنفس الصيغة .. بس ياريت تفهموا إني كمان معارض قوي جدا للي بيحصل لكن منطقي و شايف إننا كلنا غلطانين .

م / محمـود حجـاب

مذكرات مشاغب يقول...

ايه يا شيخه
ايه
الواحد ميعرفش يستريح في توربته
كنت ميت ومرتاح لاقيت حد بيخبط وبيقولي البت انجي بتسال عليك

معلش يا انجي بجد في اسباب شخصيه جدا منعتني من الرد على اي حد الفتره اللي فاتت
على الرغم اني كنت بقرا بعض المواضيع على السريع كده
والظروف ديه احتمال تطول شويه


اما بالنسبه للموضوع بتاعك
فعجبني بشكل خرافي رد م/محمود حجاب
انا مش بس اتفق مع رايه
انا متطابق تماااااااااااااااااما مع رايه
ويمكن كنت كتبت موضوع بنفس المعنى قريب
بس اسلوبه كان اسهل واقوى

معلش يا انجي اعذريني ومتزعليش

سلاسل

Foxology يقول...

منير وبلاك تيما ؟؟ احمدك يااااااااااارب :))


الأغانى جت ف وقتها فعلا

تحياتى :)

Zika يقول...

التلت اغاني اللي انتي مختاراهم ليهم معايا ذكري بشكل او باخر وكمان انا بنزل اغنيه ماعرفش اذا كنتي بتحبيها ولا لا
لكن انا بارضه منزل اغنيه عندي لمنير
في بوست

نهر ما بلش حتى الريق..وآه يا براح عمال بيضيق

متهيالي ان منير في حدوته مصريه .
بيعمل زي مدونتك كده
بيجيب من الاخر

Zika يقول...

هاوضح لا تفتكريني مش فاهم
انا عارف انك مش حاطه حدوته
ودي اغنية ساح يا بداح وفي البوم افتح قلبك
انا بس بازود عاللي انتي قولتيه :D

روابط يقول...

عزيزى

هذه الأغنيات المنتقاة بعناية, تعبر أيضأ بشكل أو آخر عن الأضراب

تحياتى

سقراط يقول...

عاوزة رأيي
أحسن لنا نتعلم ازاى نبقي ايجابيين
احسن لنا نبطل نرمي زبالة فى الشارع
بدل ما نشتكي ان البلد بقيت مقلب زبالة
احسن لنا نبدأ بنفسنا ونبطل فساد
قبل ما نطالب الحكومة انها تبطل فساد
مين فينا ما بياخدش حقه بدراعه
مين فينا مابيستغلش التانى
اسمحولى
احنا احسن حاجة بنعرف نعملها الكلام
نعرف نقول:
"لو كان نيلك يا مصر صلصة ماكانش كفي الكوسة اللى فيكي"
وفى نفس الوقت كلنا بندور ع الكوسة
حتى لو فى فرن العيش
احسن لى ابطل كدب
قبل ما اقول لابني ان الكدب حرام
مع كامل احترامي ليكم
وكامل احترامي لـ انجي
وكامل تقديري لكل الناس اللى تعبت النهاردة
وخصوصا اللى كانو بيرقصوا على نغمات الدي جي فى جامعة القاهرة
كل ده مجرد "طق حنك"

غير معرف يقول...

أنا مؤيد لكلام سقراط مليون في المية صحيح .. بس أنا ماكنتش عايز أكون قاسي في ردي و أقول كل ده .. مشكور فعلا يا سقراط على إيجابيتك و صراحتك .

م / محمـود حجـاب

عمرو وجيه يقول...

يااااه بقالي كتير مزرتكيش



بجد بحب مدونتك قووي


حسسها مختلفة


و أسلوبك ملوش مثيل والله


و من البوستات اللي لزقت في دماغي بوست

بتاع جابر


بجد تحفة



بالنسبة لستة ابريل


مش عارف اعلق بايه


بس احسن حاجة تتقال


نو كومينت