الأربعاء، 23 سبتمبر 2009

ليه؟


ليه كل مرة
يا قلبى
تعمل كل دة؟
تستنى
حد
استجرى
يغلط فيك كدة..
يرضيك
عذاب الدم
لما الدمع
انسال
كدة؟
ليه كل مرة
يا قلبى
بيحصل كل دة؟
صنت اللى خان
و أهو خونك
وانت انجرحت
ف ليل
مافيه
حد اشتكى..
ليه كل مرة
يا قلبى
تحب حد
يكون كدة؟

................................................

*من ديوان (العشق السادى) ل أحمد العايدى..



ملحوظة:اهداء لأى حد خذل واحد صاحبه والصاحب دة مكانش متخيل انك ممكن تخذله...متخيل انت وجعته ازاى؟؟؟؟

هناك 42 تعليقًا:

adel يقول...

اول تحليق في الليلة دي

فووووووو

adel يقول...

ممم ياه الكلام ده ؟

وهل ده حالة انتي فيها
ولا مجرد اعجاب بالكلام ؟

عموما احمد العايدي بيكتب ساعات حاجات كويسة
بعيد عن (fight club) او بمعني اخر بعيدا عن (ان تكون عباس العبد) و اسلوب نقل المسطرة ده :)

مش عارف والله
بس هي كويسة
للي اتخذل :)

وانا الحقيقة منهم

♥نبع الغرام♥♪≈ يقول...

انا ياما تخذلت بس الحمد لله
كلام جميل قووى انا كمان بحبه
تسلم ايديكى على النقل

مودتى
ايناس

dr.lecter يقول...

احمد دماغه عاليه جدا وبيكتب تحف عنجد

بالنسبه للاهداء يارب ماتخليني اشوف يوم يحصل لي فيه الموقف ده

صبرني يارب يقول...

الحقيقه

انا كمان باسأل زيك ليه ؟؟
ليه الى غلط ما بيتعلمش من غلطه

وليه ندي ثقتنا لغير اهل لها وبعدين نقول خاين ؟؟؟

noon kiko يقول...

والله يا اوختشى انا اتخذلت بعدد شعر راسى وادينى عايشه وبسمع نايجيرى بيه
ههههههههههههه
فكك م اللى يشكك يا انجى
معادشى ينفع البكاء على اللبن المسكوب
طالما اندلق نروح نشترى غيره من السوبر ماركت
بلا وجع دماغ
:)

صوت من مصر يقول...

تعليقى انى اقولك كده

VÖltaa يقول...

ايه يا انجى هى قصيدة تقيلة
بس اوعى يكون حد غدر بيكى ولا حاجة ؟

عالعموم فى داهية
سيبك من اللى خان وغدر
ده ابن تيت حيوان ومطمرش فيه حاجة

احلى حاجة متفكريش فيه كتير وريحى دماغك بجد

استعوضى ربك .. ملناش غيره

كل سنة وانتى طيبة

وفى بوست عندى جديد ..مجيتيش ليه بقى ياتنت ؟

blue-wave يقول...

الكلمات دى عجبتنى جدا بجد

جارة القمر يقول...

جامدة جدا الكلمات دى
و الله كنت فكراكى انتى اللى كاتباها و كنت فرحانة بيكى انك بتكتبى كدا بس جامدة اختياراتك يا انجى بجد

Foxology يقول...

كدة نبقى نشترى الديوان :)

تحياتى :)

غير معرف يقول...

شوفي يا آنوجاأنا آسفة لإني بقالي كتييييييير مجتش عندك وعند ناس كتير بحبهم؛ بس المهم أنا جاية أكتبلك تعليق مجمع علي أد ما قدرت أقرا.
*أولا :يا رب عيد سعيد عليكي وعلي أسرتك الجميلة .
*ثانيا :كل سنة وإنتي طيبة يا آنوجا يا صغنونة ؛ 21سنة بس ؛ كنت فاكراك أكبر من كده !!!في العقل طبعا عشان إللي دماغها كده وكتابتها كده أكيد سابقة سنها ؛ ماشاالله علليكي اللهم لاحسد أنا إيدي الأتنين ماسكين الخشب أهم...ده إنتي بأه علي كده تقوليلي يا طنط .... أه عشان أنا في يناير هيبقي عني 32، طبعا ده عدد أسناني اللبنية مش سني بالطبع ده أنا لسه صوغننة.......!!؟؟
يارب تكون سنة بيضا عليك وتلاقي شغل كويس وتنزلي كتابك في معرض الكتاب الجاي إن شاء الله ز
* ثالثا:بما إنك مخرجة أفلام قصدي أحلام محصلتيش يا ريتك تفصليلي حلم حلو زيك كده؛ تعرفي يا إنجي أنا كل يوم اقعد أقول يارب أحلم بباباوما بيحصلش مع إني بنام مكانه علي سريره ومخداته وبكلم صورته إللي متعلقة ادام السرير وبرده مفيش فايدة.....تقريبا زعلان مني ولا حاجة مع إن ماما جمبي ع السرير وبيجيلها في المنام !!!!
بتفق معاكي كمان إن الواحد بيطلع غلبه في الحلم من الناس إللي مضيقينه في الحقيقة وأحيانا من الزعيق بقوم صوتي رايح أو مخربشة إيدي....!!؟؟
*رابعا : " من غير ليه" يا إنجي هو ده حال الدنيا...اه إنتي لسه مشوفتيش حاجة ، إسأليني من زمايل دراسة لزمايل شغل وأقارب كل دول بيظهروا وقت الشدة، بعد كل شدة بشطب علي الأسامي إللي إنكشفت علي حقيقتها ؛ بس..مش بقيت بزعل زي الأول ، ابسلوتلي ....بابا الله يرحمه كان دايما يقوللي : " لاتعتب إلا علي زندك وطول باعك ، وإخترلك وليف من دون الناس يطبع بطباعك ، إن قولت آه يقول آهين ....وعجبي ".
طولت عليكي بس بجد إنتي حد جميل ربنا يحفظك وينورلك طريقك ويبعتلك ويبعتلي حلم كده إبن ناس وكويس وبالألوان ياريت ...........
ديدي

نعكشة يقول...

!no comment

mariam يقول...

مش عارفة اقول حاجة...
الديوان ده جامد ..بس انتى شكلك كدة مضايقة و مضايقة جامد كمان.. بحكم جهلى عن ايه اللى مضايقك بظبط مش هعرف اقولك غير الدعاء اللى الرسول (ص) كان بيقوله..واللى بقوله لما ازعل مع حد ..(اللهم افتح بينى و بينهم بالحق)..ربنا يفتح بينك و بينهم بالحق و يصلح مبينكو ..

ومتزعليش نفسك ...

سلام

mariam يقول...

مش عارفة اقول حاجة...
الديوان ده جامد ..بس انتى شكلك كدة مضايقة و مضايقة جامد كمان.. بحكم جهلى عن ايه اللى مضايقك بظبط مش هعرف اقولك غير الدعاء اللى الرسول (ص) كان بيقوله..واللى بقوله لما ازعل مع حد ..(اللهم افتح بينى و بينهم بالحق)..ربنا يفتح بينك و بينهم بالحق و يصلح مبينكو ..

ومتزعليش نفسك ...

سلام

عمرو يقول...

فيه ناس ما تستحقش حتى مجرد يتكتب فيها أبيات زي دي.. ناس عايزة الحرق بعيد عنك. ربنا يعوضك خير
:)

mariam يقول...

ايه الأحراج ده ...التعليق اتبعت مرتين ..لاموأخذة :)

ponpona يقول...

ليه كل مرة
يا قلبى
بيحصل كل دة؟



مش عارفه .. !!!

يمكن أنا الغلطان .. تفتكري ؟

نعكشة يقول...

كان فيه كلام كتير هنا
بس هذا ما تبقى منه
ما يشبة الاغنية



hundreds of times i tried to be
a really good one voluntarily
i found it's nice and makes me pure
i crave it as a cardio cure
But , suddenly..... i find myself
Doing evil stuff
i donno why & who is hurt?o
people i do love!!o
saying -sorry- is not enough
sorry is not enough
I broke there hearts cause iam mean
my tears won't fix it ,won't bring them again
that makes me feel like i am trash
burnt and burnt till i become ash
that doesn't make me happy
i wish i could set my self so free
i wish
i could be
a really good one
voluntarily

so , Now

I keep people away
do not be so close
i hurt , i am evil , and i am mean
am like a crisscross

hurting people hurts me

be away
am sorry

I .... am .... sorry

:(

سلامٌ عليكِ

مسدس صغير يقول...

والله لسه الموقف ده حاصلى
يلا بقى حسبنا الله ونعم الوكيل
احييكى على روعة الانتقاء

Eslam Eldosoky يقول...

معذرة لهم جميعاً
تحياتي للفارس
وللنقلك المميز
وتأنيب الضمير

Unknown يقول...

مرحباً
سعيد جداً بزيارتي الاولى لمدونتك
وان شاء الله تتكرر هذه الزيارة
كلام رائع ومميز
ارق تحية

شاب فقرى يقول...

عمرى ما خذلت حد

الناس بس اللى بتخذلنى

والله ما افتكر انى خذلت حد

كل سنة وانتى طيبة

وعيد سعيد

أبو العريف يقول...

انتقاء موفق

في توقيت ولا اروع

تحياتي

micheal يقول...

أحسنتي الاختيار يا إنجي
يكفينا شر الناس اللي من النوعية دي
كل سنة وأنتي طيبة ولو أنها متأخرة
:)
البوست اللي بتحبيه نزل يا إنجي
:)
تحياتي

الفراغ يقول...

ولا يهمك
عيشى اللحظه
ياما اتخزلنا
بس اتعلمناالا نبكى على احد
لان من كان الله معه فلا يحزن
الحمد لله على كل شيء

ponpona يقول...

انجيييييييي

انتي لسه قاعده هنا قومي ياللا البسي وروحي عند أيزولد ولا اقولك الموضوع مش مستاهل لبس أهو الاوضه جنب الاوضه ، ياللا قومي وبعدين ابقي تعالي كملي بقيت الكومنت بتاعي هناك أهم ، هتلاقي مفأجه حلوه أوي

ياللا يابنتي انتي قاعده بتبصيلي وتضحكي كده ليه
أديني مستنياكي أهو مش هاقول ولا كلمه الا لما تيجي .. أوكيه؟

......
......
......
:) ...
.....
.....
:)
:)

لأ مافيش دا أنا باضحك مع نفسي شويتين لحد ماتيجي

......
.....
:) :)

اقصوصه يقول...

الكلمات جدا جميله :)

هاني مهران يقول...

اختيار موفق واضح ان احساسك عالى



احل اهديها لأصحاب كتير ليا

الرخم يقول...

قرار 101
بعد المشاورات و المؤتمرات و المناقشات
قررنا نحن رخم باشا و رخمه هانم
انشاء بلوج نرخم بيه عليكم
و من باب التكرم و التفضل و الرخامه
حبينا نقول لكم عشان تيجوا تزوروا البلوج غصباً عنكم

و مش هقول سلاااام
رخامه بقى هه

قهوة الرخمين
:D

إيناس حليم يقول...

:) حلو اختيارك يا انجي دايما
لسه قارية "ان تكون عباس العبد" والحقيقة محبتهاش اوي مش عارفة ليه.. حسيت اني قربت اتجنن وانا بقراها :)
وانه مزودها اوي في عمل هالة غموض حوالين الرواية اللي انا محستش اصلا انه يطلق عليها رواية..
بس عموما القصيدة دي حلوة

تحياتي يا انووج

كيكى عوووووو يقول...

ليه؟؟
لاننا ساعات بندى لاشخاص ثقة وعشم كبير اوى فى الى قدامنا وبنقدرة تقدير اكبر من حجمة بالنسبة لينا وهو ميستحقش دة
عرفتى دلوقتى ليه!!!!!!

علي جاد يقول...

ليس كل من ترك حبيبه "خاين" ..
ساعات العجز وقلة الحيلة والظروف "الزفت" اللى بنمر بيها هى اللى بتخلينا نبعد عن اللى بنحبه مش علشان احنا عايزين نخون.. لا .. لكن علشان ساعات الواحد بيضيع حبيبة لو ظل "محلك سر" عاجزا عن تحقيق الحلم وتتويج هذا الحب بالزواج .. وأظنه اليوم " صعب .. صعب ..صعب "
عشان كدا لو البعد يسمى الآن "خيانة" ! يبقى ماشى بس المهم أشوف اللى بحبه سعيد .. وبدأ حياته من جديد ..

أشكرك إنجى على إحساسك الجميل ولو إنى زعلان منك

أحمد الشمسي يقول...

بقالي كتير بدخل يا انجي ومش عايز اعلق... وبعدين كل م اادخل الاقي نفس البوست فمعلش بقى... أنا هعلق.

الكلام ده وحش قوي... وحش بجد يعني بصراحة. مستهلك حد الغثيان. لا فيه صورة جديدة ولا كلمة حلوة ولا معنى راقي، ده رأيي بكل أمانة انتي عارفة ان التطبيل مافيش أسهل منه. كون انه ملمس معاكي لسبب ما ما يخليهوش كلام عبقري.

adel يقول...

مش عارف كده

هفيتي عليا قلت ادخل هنا مش عارف ليه

وبما اني عليا ذنب

انا اناوي ااقرا مدونتك كلها فل
ههههههههههه

اتصلي قريت مدونة زيكا كلها
و فاضل سووو و انتي و كيكي
اهبل رسمي انا

adel يقول...

تمام ياريس قريت المندونة كلها

ايه ده كله
ايه ده كله

هههههههههه

ابقي اسالي يابنتي
انا مش بلقيك اصلا ولا انتي ولا البت كيكي

نعكشة يقول...

اية يا بنتى؟؟؟
اين انتِ؟؟

اريدُ بوستاً جديداً

سلامٌ عليكِ

طب قولى انك كويسة و كدة حتى
انتى اقصلى النت بتاعك دة و اشتركى فى الدايل اب هههههههه

شكلى مهيشة ولا اية

عامة انا كل مادخل يساورنى نفس الشعور
وبعدين تغلب عليا انهاردة

بقالك كتير مش كتبتى

سلام

ponpona يقول...

انجي
مالك في ايه ؟ انتي كويسه ؟
أومال مابتجيش ليه ؟

هو لسه الكمبيوتر عطلان ولا النت هو اللي فاصل؟

:)

غير معرف يقول...

حلوه اوي .. اوي

غير معرف يقول...

طبعا الكلام أدبيا ممتاز لشاعر يحترم ..
لكن أنا شايف دلوقتي 40 تعليق أغلب اللي علق على موضوع النص منهم فيما يتعدى الـ 80% بيقول نفس الكلام .. إنه انجرح ، و إن فيه ناس وحشين عايشين معانا مايستحقوش معاملتنا الحلوه ليهم ، و كلام كتير على نفس الوتيرة ..
خللونا نعمم الإحصاء السريع ده ( 80% من الناس في المجتمع كل واحد فيهم بيقول إن الناس أغلبهم مايستحقوش الثقة و ماينفعش نعاملهم بحسن نية ، و طبعا كل واحد بيستثني أهله و قرايبه و اصحابه و أكيد نفسه من الناس الوحشين دول ، و الاستثناءات لوحدها تتعدى الـ 70% من اللي أي واحد فينا بيتعامل معاهم )..!!!!!
إحصائية منطقية جدا مش كده ... !!!

عجبتني كلمة في فيلم كرتون .. كان فيها الشرير بيقول للضحيه : انت ضيعت مستقبلي و علشان كده أنا هنتقم منك .. فالضحية قاله : طيب لما أنا غلطت في حقك زمان انت ليه ماتداركتش الموقف و مسكت مسؤلية حياتك بدل ماتعيش تلومني و بس !! .. رد الشرير و قال : ( ياترى إيه الأسهل .. أشيل مسؤلية حياتي ، ولا ألومك ؟؟ أكيد ألومك طبعا ) ... و بعدها ضحك الضحكة الشريره المعروفه .

و من منظور تاني و على رأي أحد الموجودين معانا هنا ( لا تبكي على اللبن في البسكوت ) .

عفوا .. أنا من أشد معارضي فكرة النص ، و حتى لو حد ظلمني في مرة بأي طريقة فأكيد ربنا مش هيظلمني .

محمــود حجــاب

غير معرف يقول...

مدونة تحميل 2009-2010 بث مباشر

first-ghost.blogspot.com

غير معرف يقول...

مدونة تحميل 2009-2010 بث مباشر
مدونة اولاد رجب
first-ghost.blogspot.com