الجمعة، 1 يناير، 2010

ديجا فو


أشعر بشكل أو آخر ان ما يحدث هو تكرار ممل شاهدته سابقا..الازمة الحقيقية اننى لا اشاهد.. انا فى قلب الحدث..محوره..انا المحرك الاساسى للاحداث..انا بطلة هذا الفيلم السخيف الذى لن يفوز مخرجه او مؤلفه باى جوائز فى مهرجانات الافلام..استطيع ان اضمن لك ذلك..


الفترة الماضية..مرض ثم مرض ثم مرض يتبعه مرض وكمية فلكية من الادوية..دمى اصبح ملوث بالكامل..لن استطيع ان اجرح اصابعى دون ان ترى انهار الكيمياء تسيل بدلا من الدم..


داخل جسدى امتلك كل انواع الادوية الممكنة..هناك ادوية الضغط المرتفع..اذا لم تروقك فلتجرب ادوية الضغط المنخفض او لتسمع نصيحتى وتأخذ ادوية الحفاظ على الاتزان والذاكرة..هناك ايضا ادوية الصداع ومضادات الالتهاب ولكنى انصحك بالمضادات الحيوية او بعض المقويات والمنشطات الممتازة..وبالطبع اذا جربت ادوية الحساسية سوف تنبهر بالنتائج ..دعك من ان ادوية توسيع الشعب الهوائية رائعة فعلا..هذا اذا كنت مصرا على الا تجرب أيا من ادوية الكحة..اما فى وقت فراغك فلتتبعنى الى العالم السحرى لادوية البشرة والجلد الذى تقريبا يحترق ذاتيا..خاصة اذا كان جلد وجهك..


سوف تنظر لى بحكمة وتقول جسدك يحتج..سوف انظر لك حينها بحكمة مماثلة واقول لك..اتنيل..

من المفترض ان يحتج الجسد ويعلن عن اعتراضه اما فى الافلام العربية الرديئة او عندما يكون هناك أمل من تغير اى شىء حول ذلك الجسد..اما على ارض الواقع فليس من حقه ان يحتج لانه ببساطة لن يحصل على شىء واحد لعين كما يقول الاخوة الزنوج فى امريكا الشقيقة..


لن اتمنى فى السنة الجديدة اى شىء على الاطلاق..لن اتمنى ان تزول اللعنة عنى ..لن اتمنى ان اتخلص من اصدقائى الجاحدين..لن اتمنى ان اكف عن الحلم بمكان عملى القديم..لن اتمنى ان ارحم نفسى من التساؤلات التى لا تنتهى عن ماهية غدا وكيف سيكون..لن اتمنى ان اعوض على نفسى بعمل جديد يحترم قدراتى وانسانيتى واموال اهلى التى دفعتها فى كورسات التدريب..لن اتمنى حتى الحصول على سماعات جديدة لهاتفى المحمول..لن اتمنى اى شىء على الاطلاق..فقط سوف استمر فيما افعله ولو كان مقدرا لى ان احصل على اى شىء سوف احصل عليه بالتاكيد ..


فقط اردت ان اتساءل..اين رأيت تلك السنة قبلا؟؟؟؟



.....................انجى ابراهيم................



ملحوظة :ديجا فو deja vu لفظة فرنسية معناها شوهد من قبل..تلك الظاهرة التى تزورنا جميعا عندما يحدث شىء ما او موقف ما او مشهد ما وتشعر بشكل ما أنه مألوف و انك عشته قبلا..التفسير العلمى المتداول هو ان الدم يصل متاخرا الى احد فصى المخ فعندما يصل متاخرا بجزء من الثانية يكون المشهد مجرد ذكرى بالنسبة للفص الذى وصله الدم اولا وبالتالى يحدث الخلط..طبعا تفسير مادى وعلمى تماما يهدم اعتقادك بانك شفاف وان الطبيعة اختارتك كى تهبك قواها..

هناك 20 تعليقًا:

آيــة يقول...

السنة دي شفتها فيييييييييييين قبل كده ؟؟
:)))

عارفة الاحساس ده ، و جربته كتيييييير ، بس مش ف سنين بحالها يعني ، ف مواقف ، أو أيام أو شهور

عارفة ف نوفمبر اللي فات ده كانت على لساني كلمة واحدة .... هو نوفمبر ده شبه أبريل 2008 كده لييييييييييه ؟؟؟؟ هما بيتعادوا تاني ؟؟؟

مبسوطة بيقينك ان اللي ليكي هتاخديه هتاخديه ... بس التجربة بتقولي لازم نعوز عشان ناخد ... و هناخد على اد صدقنا ... حتى لو مخدناش اللي عايزينه بالضبط ... فاهمة ازاي ؟
حاجة كده محض معادلة مه ربنا .. اللي انا واثقة انك واثقة فيه

ألف سلامة عليكي يا بنوتة ... اسأل الله العظيم رب العرش العظيم أن يشفيك :))

مممممم
حاجة كمان ، بما اننا من نفس ا لتخصص ، من 6 شهور بالضبط كنت باجي المدونة هنا و اغبطك جدااااااااا ، و اقول اشمعنى هي عرفت توصل لحلمها ، و انا لا
دلوقتي ممكن احكيلك سيناريوهات مش هتستوعبيها من كرم ربنا ...

شوفيلنا حتة نرغي فيها غير هنا يا بنتي
:))

كل سنة و انتي زي ما نفسك تكوني ... ربنا يرضى عنك .. و يفرحك .. و يرضيكي :)

آيــة يقول...

صحيح يا إنجي نسيت اقولك حاجتين ... اني جيت كذا مرة عشان اقولك انك وحشاني و كده ،،، بس كنت بحس الجو مش مناسب :)

و الحاجة التانية .. فين ترجمة العنوان بعد اذن حضرتك ؟؟

إسلام الدسوقى يقول...

على الرغم من الرؤى القاتمه
كل عام وأنتي أحسن حالاً من ذى قبل
تحياتي

عمرو يقول...

لا لا لا
دي تدوينة اكتئابية وأنا ما أشجعكيش على كده.. السنة اللي جاية هاتبقى أحلى من اللي فاتت. تراهنيني؟ ليه طيب؟ عشان لا يمكن يكون فيه أسوأ من اللي فاتت خالص. ربنا يسعد أيامك يا إنجي

blue-wave يقول...

كلماتك بتيجى على الوحع دايما يا انجى

أحمد الشمسي يقول...

دي مش تدوينة اكتئابية... دي قصة عظيمة
أنا استمتعت فعلا بالقصة، لغة جميلة غاضبة ومنفسنة زي البطل بتاعها بالزبط.

يعني هو دايما نفس المشكلة، النهاية اللي فيها استطراد شوية بس ده ما يمنعش انها قصة حلوة.

وصل السلام على فكرة
:)

نعكشة يقول...

i'll pray 4 u also

isA

نعكشة يقول...

i'll pray 4 u also

isA

أم .. بوبه يقول...

ربنا يبعد عنك كل شر وتكونى أيامك الجاية احلى بكتير إن شاء الله

adel يقول...

كول سنة و انتي طيبة برضه يا انجي
وانا كنت في اسكندرية قريب علي فكرة بس مرضتش اتصل لاني عارف كل ده
سلامتك و يارب تخفي في 2010
بس انا مجرب اغلب اللي انتي قولتيه ده
مضافا عليه ادوية القرحة :):)

Mr.Hazem يقول...

اسمحي لي ان اجيب على تساؤلاتك بالقول
ان ايامنا سنواتنا هي عبارة عن مسلسل عربي
بمعنى ان الفكرة واحده والحياة واحده والروتين الموجود لديك هو نفسه الموجود لدى غيرك

اسأل الله ان يكون عاماً سعيداً تتحقق فيه احلامك وامنياتك

صبرني يارب يقول...

ما كنتش اعرف الديجا فو دي تصدقى

مالك يا جميل الف سلامه عليكى

ربنا يشيل عنك ويجعله فى ميزان حسناتك

وربنا يشفيكى شفاءا لا يغادر سقما

وقولي يارب ...... ما انت عارف بقى على راي اللمبى


عارفه كان ابو بكر يدعي يقول ايه

اللهم انت العالم بحالي غني عن سؤالي

dr.lecter يقول...

كل سنه حياتنا بتتكرر بتفاصيل دقيقه بس بتبقي مستخبيه في شكل تاني

السنه دي 2009 اتكررت بالظبط بنفس التفاصيل في 2007 حتي تتابعات النهايه كانت مع نفس الاشخاص بس في مكان مختلف
السنه دي تتابعاتها كانت في اسكندريه لحسن حظي

كل سنه بتتكر نفس الكلمات والافعال بس بظروف مختلفه المهم اننا نحاول نتاقلم معاها او نتعلم منها

بتفكرني بفيلم زي النهارده اللي كان بيتكلم عن نفس الموضوع

I'm The CraZy One يقول...

happy new year isa

w alf salama 3alekii ya amar

Sam Sh يقول...

كل حياتنا تتكرر مرة تلو الأخرى بلا نهاية .. و كل يوم يشبه سابقه .. ففى بلدنا - مصر - التغيير مستحيل .. و الخروج من الدوامة هو مجلاد حلم .........
تحياتى

Foxology يقول...

اولا الف سلامة عليكى

ثانيا كلنا هذا الأنسان الذى يعيش تحت ظلال الديجا فو

تحياتى وعام سعيد خالى من الأدوية :)

P A S H A يقول...

:))




ألف سلامة عليكي .. البوست تحفة بجد .


سلام

إيناس حليم يقول...

ليه بس التشاؤم ده يا انجي؟؟
اولا الف سلامة عليكي من اي حاجة تتعبك أة تضايقك..
ثانيا حاجات كتير بيتهيألنا انها شبه بعض لكن هي مش بتبقى شبه بعض..
سنينك اللي جيا مش هتبقى شبه اللي فاتت، بس انتي خليكي واثقة من كدة وان شاء الله هتكون أجمل لأن روحك كل ما تفهم اكتر كل ما هتكون أجمل :)
كل سنة وانتي بألف خير يا جيجي
اتمنى اشوفك قريب حاولي تيجي اطلالة

عمرو يقول...

انتي فين يا إنجي؟ وإيه الغيبة الطويلة دي؟

Tears يقول...

ابحث عن السياسة دائما...كل مشكلة اساسها سياسي...الشعب اكتئب بسبب الظلم و الفساد و الفقر و التلوث كل ده من تداعيات صمته على الاستبداد