الخميس، 14 يناير 2010

كى ترضى عنك ست الحلوات


بعض الشروط التى يجب أن تتبعها كى ترضى عنك ست الحلوات..صدقنى اذا اتبعتها سوف تحصل على أمل يوازى ستة وأربعين بالمائة أن تفوز بقلبها..وهى نسبة – لو تعلم – ليست بالضعيفة على الاطلاق..


1.يجب أن تستنتج وحدك انها تحب أغنيات التدليل كأنها ابنتك فلا مانع من ترديد اغنية المريلة الكحلى عليها بلا مناسبة.
2.يجب عليك أن تستنتج how much is too much حتى اذا لم تبين هى ما يدل على انها سئمت حديثك.
3.تيشيرت ابيض مع تشمير الذراعين وبنطلون جينز ازرق فاتح قليلا يفيان بالغرض تماما..وابتعد عن الاحذية الجلدية ذات المقدمة الطويلة.
4.يجب عليك أن تقتنع ان الورود البيضاء والزرقاء والبرتقالية والصفراء هى ابدع ما خلق الله..مع الاخذ فى الاعتبار ان عباد الشمس يستحق مكانته.
5.يجب عليك ان تستنتج وحدك وبلا اى مساعدة متى تكون هى فى حاجة الى مكالمة ليلية طويلة ..متى تتوقع ان يرن هاتفها اثناء يوم العمل حاملا اسمك..متى تنتظر تلك الرسالة التى تقول انت فيها وحشتينى يا بت.
5.اللون الازرق والابيض هما الافضل على الاطلاق..رجاءا احتفظ بقناعاتك السابقة لنفسك فهى لن تفيد على كل حال.
6.لا دباديب على الاطلاق فانت لا تريد ان تجازف بأن تخسر ما كسبته ..يجب عليك ان تنتقى هداياك وابتعد عن الاسهل والاغلى..ملحوظة : الفضة والصناديق الخشبيية و الكراسات و الكتب تنفع دائما.
7.يجب أن تعتاد فترات الصمت الطويلة وتحشوها انت بالكلام الممتع..يجب عليك ايضا ان تعرف متى تريد ان تتكلم ولا بأس من بعض التشجيع كى تفصح..الكثير منه فى الواقع.
8.لا تخطىء وتعترف انك تكره السكاكر او قطع الشوكولا..اقبلها شاكرا مبتسما بل واطلب المزيد.
9.يجب أن تكون قداحتك شيك..ابتعد عن القداحات التى تساوى جنيها ونصف و مرسوم عليها لاعبى فريق ريال مدريد..يفضل ايضا السجائر الروزمان اذا كان مستواك لا يسمح بالميريت.
10.عطرك يجب أن يكون أخاذا..غير فج الرائحة..فقط تشمه هى عندما تقترب..يجب كذلك ان يكون منعشا..يجب ان تتوحد مع عطرك حتى يأخذ نفسك رائحته..مهمة صعبة ولكنها ليست عسيرة.
11.يجب أن تنتقى الاوقات التى تناديها فيها ب ماما .. يجب ايضا ان تضبط تون صوتك جيدا وانت تقولها..الخطأ هنا قاتل فعلا فاحترس..
12.بلاش ظرف..كن مرح جدا ولكن ابتعد عن الظرف المؤدى الى الهلاك..هلاكك طبعا.
13.يجب أن تتذكر المهام التى عليها هى ان تقوم بها ربما اكثر منها..ذكرها بها واطمئن انها تؤديها..لا يجب أن انوه انك يجب ان تتذكر كل المواعيد التى تخصها..لقد انذرتك.
14.سوف تقدر لك جدا اذا انت كنسلت عليها واتصلت..حتى اذا كان معها رصيد فهذا يشعرها بالحميمية لانها لاتقبل تلك الحركة من مخلوق سواك.
15.لزماتها..طريقتها فى نطق بعض الجمل..تعبيراتها المفضلة..كلماتها الاثيرة..كلها اشياء يجب ان تبرهن على المامك بها..ولتثبت ذلك كثيرا فهذا مفيد للعلاقة كما تعرف.
16.يجب ان تقبل ولعها اللحظى بالاشياء..كل فترة لها شىء خاص بها تنبهر لاجله..اقبل تلك الحقيقة ولا مانع من ان تنبهر معها..مثلا مايكل جاكسون فى تلك الفترة هو الايقونة ..من يدرى بم ستنبهر مستقبلا عندما تأتى انت.
17.لا تهدم صورتها الوردية عن الاشياء دفعة واحدة..لا تكشف لها الحقائق بغتة..التدريج مفيد دائما ولتتذكر دائما ان هناك عقلا وقلبا لم يعتادا قسوة العالم فلا تهديهم تلك القسوة بلا مبالاة..ارجو ان تكون استوعبتها جيدا.
18. ابتسامة
من بعيد فى حضرة الكثير من البشر شىء مذهل..فلتواظب عليه.
19.خلى بالك منها.
20.حاول ان تستنتج كل هذا واكثر فهى لن تعطيك manual التعامل معها..لا تكن أحمق.


هرتلة..يمكنكم اعزائى ان تعتبروها هلاوس..اصلى فاضية ومش لاقية حاجة اعملها..فوتكوا بعافية واللى عايز يضيف حاجة فى التعليقات يضيفها يعنى خدوا راحتكوا..الاضافات مفتوحة للقراء ال males ايضا..لا تخشوا شيئا فانا ديمواقراطية..نيااااااااااااااااااهاهاهااااااااااا

هناك 24 تعليقًا:

غير معرف يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

adel يقول...

عارفة ايه اكتر شئ ضحكني
هههههههههههههههههه
سكاكر دي
هههههههههههههههههههههههههههههههههههههههههههههههههههههههههههههههههههههههههههههه

هناء محمود يقول...

بجد حلوين ... بس هتقولى لميييييييييييييييييين

dr.lecter يقول...

ده كله ليه ياعني ؟ اياكش ولا بلاش

انا عملت كده زمان ايام الصبا بس دلوقتي لو فيه واحده جديده مش هيبقي عندي طوله صبر اعمل ده كله تاني

وبعدين انا مبدخنش ايه حكايه البنات اللي بيحبوا التدخين ده؟ علشان علامه رجوليه ولا ايه

kalam-wel-salam يقول...

هههههههههههههههههههههههههههههههههه
والله عثل عثل
بجد كل دى حاجات مهمة مع اختلاف الازواق
تحياتى

Remas يقول...

حلو اوى اوى البوست

وبجد دى حاجات فعلا مهم اوى يعرفها كل رجل

عجبتنى اوى الابتسامة في حور عدد كبير من الناس اصلها بتفرق بجد جدا

blue-wave يقول...

الله يخرب بيت دماغك
انتى جبتى من الأخر فعلالالالالالا

KEBLAWYAT يقول...

جميل

المقاله واخده كتير من اسلوب دكتور احمد خالد على فكره

بس الكلام ده لو بجد ،، فده معناه انى وحش خالص

hend mossallam يقول...

lool :D :D

nice one

سقراط يقول...

العزيزة جدا اوي خالص مالص
انجي
شوفي
انا موافق جدا علي كل اللي قلتيه
بس الموضوع ده بيتوقف بشكل اساسي علي ست الحلوات
يعني حتي لو انا مابعرفش اعمل كل ده
هي ممكن تخليني اعمله
او تعلمني اعمله
او في بعض الاحيان النادرة
تجبرني اني اعمله
مش بشكل قسري
بس بشكل ضمني
يعني لما هي هاتبقي ست الحلوات فعلا
انا تلقائي هاخد بالي من كل الحجات دي واكتر

مسدس صغير يقول...

قرأت كل كلمة وفهمتها
بجد انا كنت حاسس انى بذاكر ولازم افهم كل كلمة
ومينفعش اعدى اى كلمة بالساهل كده الا اذا استوعبتها
بجد نصايح مهمة جدا جدا
عن نفسى استفدت كتير
دا انا كنت جاهل بشكل
هههههههههههههه
احييكى على البوست

م / محــمود حجــاب يقول...

يبدو أني سأظل للأبد فاشل في العلاقات النسائية ........ :(

إيناس حليم يقول...

ههههههههه
جامدة جدا
طب والله برافو عليكي يا انجي
جبتي الخُلاصة :)

تمتمات يقول...

مممممم مقنع والله
وشكرا على ترحيبك بي على مدونة عمرو السيد أنا
اسما من فلسطين تشرفت بيكي

shicooo يقول...

صراخة صراحة
وبضمير سليم

الكلام ده برفيكت يا حجيجة
:)

shicooo يقول...

ممكن نحط عليهم.....

احمل همومك الداخلية بعيد عنها .....

-بس ممكن تستعبط وتعمل انك متضايق وتقولها مش عايز اشيلك همى -
:)

Unknown يقول...

ههههههههه
لو يدس اعرف انه عشان ترضي ست الحلوات اعمل هيك معناته من الصبح بدي اطخ حالي :$:$

نفسي اعرف احب ههههههههه
بعرفش لأني عصبي :S

غير معرف يقول...

عجبتيني في الهلوسه :))))

اقصوصه يقول...

loooooooooooooool

حسام غانم يقول...

يااااه

وحشتني تدويناتك فعلا

بس احم متهيألي تبقى غريبة حبتين لو جايب هدية كراسة ولا صندوق خشب :)

مجرد بنت يقول...

هههههههههههههههههه
انتى عسل بجد
بس انا مش برضى بكده اوى
هههههههه

msafa يقول...

تسائل على كتيييييير
بتحبنى ؟
بعرف ها الحكى
حافضه ها الحكى ؟؟؟؟؟؟

عمرو يقول...

أهلا إنجي
أنا قريت الكلام ده من زمان على فكرة بس ما علقتش عشان اتغظت.. أصله بيدي أهمية غير عادية للبنات وأنا بصراحة العملية أفورت عندي ومش شايف إنهم بكل الأهمية دي
(وش بلسان)

أسما يقول...

انا عجبوني اوي آخر كام نقطة، من اول ما قلتي انه لازمن ما يديهاش القسوة مرة واحدة و بلا مبالاة للآخر... و بالنوسبة للاخ الزميل عمرو محمود السيد فاحب اقولك من موقعي هذا ان حسابك سيكون عصيييييييير
:)