الجمعة، 29 يناير 2010

Hard times


ضايع منى ازازة الميا ومش راضية الطيارة تطير

راح الصبر و رجع الصبر وتعب القلب ولسة كتير

آه يا تى شيرت العمر الابيض لفيت بيك مشاوير مشاوير

....................

املك صورة انا فيها صغير شكلى اتغير معرفتوش

كان فى جيوبى مكعب سكر داب السكر ملقتهوش

واما اتقطعت منى الساعة وقع الوقت لقيتنى كبير

....................

اعرف واحد قال اواحد اهمل صاحبك واقسى عليه

واحد للواحد نفسه انت معل صاحبك ليه

واحد حاول يعرف واحد طلع الواحد صفر كبير

.....................................................................................

اغنية مكعب سكر لفريق بلاك تيما..غريب اوى لما تلاقى حد غيرك هو اللى بيغنى اللى انت حاسس بيه بالظبط..

هناك 14 تعليقًا:

عمرو يقول...

مش عارف ليه دايما باحس الأغنية دي فراجمنتس, ومش متركبة. بس طالما عجبتك تبقى حلوة
مودك مش عاجبني اليومين دول, حاولي تتبهججي
:)

hend mossallam يقول...

7elwaaaaaaa awii ana awel mara a3rafha bas gamda :D

ta7eyatii

safa7_karmooz يقول...

yep

i love this song so much

saying many things every one wanna say it

nice post

-_-

adel يقول...

هاقولك ايه ؟؟؟؟

يمهل ولايهمل ولك يوم ياظالم

غير معرف يقول...

سامحيني
أنا مش فارس ولا فتى احلام

انا زحمة و ربكة و شغل جنان

نص بيضحك و التانى زعلان

انا شيخ فلتان

طيب شرير و جرئ و جبان

اوقات مشرق و اوقات بهتان

و ساعات سلم و ساعات تعبان

مفترى جداً و كمان غلبان

شبابيك و بيبان .... توهة عنوان

انا م الأخر عفريت لابس بدلة إنسان

Sam Sh يقول...

حلوة :)

تحياتى

كيكى عوووووو يقول...

لاتعليق
افضل يعنى عشان قلبى وجعنى منك

هناء محمود يقول...

حلوة فعلا
وكتير اوى بيكون عندهم القدرة عن التعبير عن غيرهم

http://awraktanbod.blogspot.com/

سقراط يقول...

هي فعلا حاجة غريبة
بس مش غريبة برضة ان حد يروح يتكلم في التليفون مايرجعش
؟؟؟

أسما يقول...
أزال المؤلف هذا التعليق.
علياء يقول...

إنجي.. ازيك :)) أنا جييييييت

معنى جميل جداً على فكرة.. مش عارفة ليه فكرتني بأغنية شيرين "المراية" وهي بتقول "جوال سؤال تصرخ تقول أنا مين أنا فين.. أنا زي ما أنا ولا اتقسمت اتنين....."

فيري نايس بجد ;)

MZ يقول...

من الآخر أنا جاي هنا من
according to Ali
وعجبني تعليق ليكي هناك
فجيت هنا لقيت أغنية ل بلاك تيما وهي فرقة عاجباني قوي

ف يبدو اني هاجي تاني هنا

تحياتي

غير معرف يقول...

أنا بجد سعيد أوي إن لسه فيه حد في مصر بيحاول يغني من أجل توصيل رسالة من خلال كلمات راقية .. و يظهر كده إني هبدأ فعلا أتابع بلاك تيما لإنهم أجبروني على احترامهم من أكثر من موقف .
بالرغم من اعتراضي على بعض المعاني الموجودة في الأعنية لإني دايما بحب الكلام اللي يدفع للأمام مش اللي يبكي على سوء الحال .. لكن ده موضوع نسبي لإن ممكن الكلام ده برضة حد غيري ياخده دافع إيجابي بطريقته .
ما شاء الله عليكي يا إنجي .. كل مرة بتثبتيلي إنك من الشخصيات المضيئة وسط أي ظلام لدرجة إنك بتعرفي تجمعي كل المعاني المضيئة وسط المعاني المظلمة و بتعرفي كمان تجمعي الكلمات و الأغاني المضيئة وسط غيرها من الأغاني .
شكرا على البوست الجميل ده .

محمـود حجـاب

Zika يقول...

كلمات ميدو زهير